Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




انجیلی بشارت جیس نے ہزاراں دی کلیسیا دی تعمیر کیتی

EVANGELISM THAT BUILT A CHURCH OF THOUSANDS
(Punjabi – A Language of Pakistan)

ڈاکٹر کرسٹوفر ایل۔ کیگن وَلّوں
by Dr. Christopher L. Cagan

لاس اینجلز دی بپتسمہ دین آلی عبادت گاہ وچ دِتا گیا اِک واعظ
خُداوند دے دِن دی سویر، 19 جنوری، 2020
A sermon preached at the Baptist Tabernacle of Los Angeles
Lord’s Day Morning, January 19, 2020

’’ایتھے ساؤل نے کلیسیا نوں تباہ کرنا شروع کر دِتا، اُو گھر گھر جاندا تے مَرداں تے عورتاں نوں باہر گھسیٹ کے قید کراندا۔ ایس لئی کلیسیا دے لوکی جیتھے جیتھے گئے کلام دی خوشخبری سُناندے پھرے‘‘


ابتدائی مسیحیاں نوں اذیتاں دتیاں گئیاں سن – خاص طور تے تُرسس دے ساؤل وَلّوں جیہڑا ہلے تیکر ساؤل ای سی، پولوس رسول نئیں بنیا سی۔ اُوہناں نے کی کیتا؟ ’’اُو لوکی جیتھے جیتھے گئے کلام دی خوشخبری سُناندے پھرے۔‘‘ اُوہناں نے لوکاں نوں یسوع دے بارے وچ دسیا۔ اُوہناں نے لوکاں نوں دسیا کہ اُو اُوہناں دے گناہواں لئی مریا تے مُردیاں وچوں زندہ ہویا۔ اُوہناں نے یسوع لئی گواہی دِتی!

ایہو ای اے جو میں چاہنا واں تُسی کرو – یسوع لئی گواہی دیو! ایس گل وچ مت گھرے رہوو کہ کسی ہور نے ساڈے نال کی کیتا۔ یسوع لئی گواہی دیو! اج میں تہانوں یسوع دی گواہی دین لئی اِک راہ وکھاواں گا۔ میں تہانوں ’’انجیلی بشارت نوں تیز رفتاری نال بڑھانا‘‘ سِکھاواں گا۔ انجیلی بشارت نوں تیز رفتاری نال بڑھانا ڈاکٹر ڈی۔ جیمس کینیڈی توں شروع ہویا سی۔ جدوں اُوہناں نے شروع کیتا تے اُوہناں دے گرجا گھر وچ 17 لوکی سن۔ اوہی گرجا گھر انجیلی بشارت نوں تیز رفتاری نال بڑھان نوں استعمال کردے ہویاں ہزاراں [لوکاں] وچ بڑھ گیا۔ انجیلی بشارت نوں تیز رفتاری نال بڑھان دے ذریعے نال خوشخبری لکھاں لوکاں نوں دِتی جا چُکی اے۔ اُوہناں دے مواد دا ترجمہ 70 زباناں وچ ہو چُکیا اے تے دُنیا دے ہر مُلک وچ لے جایا جا چُکیا اے۔ انجیلی بشارت نوں تیز رفتاری دے نال بڑھان دے ذریعے نال، تُسی خود توں خوشخبری نوں دینا سِکھ سکدے اُو۔ سُنو جدوں میں تہانوں وکھاواں کیویں اِک گمراہ بندے نوں خوشخبری پیش کرنی چائیدی اے۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I. پہلی گل، اُوہنوں اُوہدے بارے وچ پُچھو۔ اُوہنوں بولن دیو۔

دوستانہ رہوو۔ اُوس بندے نوں اُوہدے بارے وچ پُچھو تے اُوہنوں گل کر لین دیو۔ انج دے سوال مت پُچھو جہنا دا جواب اُو ’’ہاں‘‘ یا ’’نا‘‘ دے نال دئے۔ فیر گفتگو اُوہدے جواب دے نال ای ختم ہو جائے گی۔ انج دے سوال پُچھو جنہاں نوں طویل جواب دی لوڑ ہووے۔ جے اُو کالج وچ اے، تے اُوہنوں اُوہدی اُوتھے دی حیاتی دے بارے وچ پُچھو۔ اُوہدے نال گپ شپ لگاؤ۔ اُوہدے نال جو اُوہناں چنگا لگدا اے اُوہدے بارے وچ گل کر لین دیو۔ اُوہنوں ٹوکو مت یا اُوہنوں تعلیم دین دی کوشش مت کرو۔ اُوہنوں مت دسو کہ اُو کُج غلط کر رہیا اے، چاہے اُو [غلط] کر وی رہیا ہووے۔ اُو تہاڈی نئیں سُنے گا جے تُسی انج کرو گے۔ بس خاموش رہوو تے اُوہنوں بولن دیو۔ دوستانہ رہوو۔ فیر تہانوں بولن دا اُو حق مل جائے گا۔ اُوہدے نال چنگی طرح پیش آؤ۔

اُوہدے نال دوستانہ تے مثبت گلاں کرو۔ تُسی کہہ سکدے اُو، ’’اُو واقعی وچ دلچسپ اے‘‘ یا ’’مینوں اُوہدے بارے وچ مزید ہور دسو۔‘‘ اُوہدے گل کر چکن دے بعد تُسی کہہ سکدے اُو، ’’کی میں تہانوں اِک سوال پُچھ سکنا واں؟‘‘ خوشخبری دا تعارف یا پیش کیتا جانا دو سوالاں دے نال شروع ہوندا اے۔

II. دوجی گل، اُوہنوں دو سوال پُچھو۔

پہلا، ’’کی تُسی اپنی روحانی حیاتی وچ انج دے مقام تیکر پہنچے جیتھے یقینی طور تے جان جاندے کہ جے تُسی مر جاؤ تے تُسی جنت وچ جاؤ گے، یا کہ ایہہ کُج اینج اے جیدے تے تُسی ہُنے وہ کم کر رئے اُو؟‘‘ اُو سوال احتیاط دے نال پُچھیا جاندا اے۔ ایہہ لوکاں نوں ٹھیس نئیں پہنچاندا اے۔ بے شمار لوکی اقرار کر لین گے کہ اُو اپنی روحانی حیاتی تے ’’ہُنے کم کر رئے‘‘ نے۔ کُج تے کہین گے اُوہناں نے ایہدے بارے چہ بوہتا سوچیا ای نئیں اے۔

اُوس بندے نوں مت کہو کہ اُو غلط اے۔ پاویں اُو غلط ای ہووے۔ مت کہو، ’’تہانوں چنگی طرح نال سوچنا سی کہ جدوں تُسی مر جاؤ گے تے کیا ہوندا اے!‘‘ ایہہ ایس گل نوں کہین دا ویلہ نئیں اے۔ گرجا گھر وِچ اِک واعظ اُوہنوں ایہہ گل دَس سکدا اے، لیکن تُسی اینج اپنی شخصی گواہی وِچ مت کرو۔ جو اُو کہندا اے اُوہنوں واپس اپنی حیاتی نال جوڑو۔ تُسی کہہ سکدے اُو، ’’میں وہ اُوہدے تے کم کر رہیا سی۔‘‘ یا تُسی کہہ سکدے اُو، ’’میں وی اِک لمبے عرصے تیکر ایہدے بارے چہ سوچیا ای نئیں سی۔‘‘ تُسی کہہ سکدے اُو، ’’فیر مینوں کُج بوہتا شاندار لبھیا۔ کی میں تہانوں دَس سکنا واں کیویں مینوں یقینی طور تے پتا چلیا کہ میں دائمی حیاتی پا چکیا واں؟‘‘

فیر اِک ہُور سوال پُچھو، ’’فرض کرو تُسی مر جاندے اُو تے خُدا دی حضوری وِچ پیش ہوندے اُو تے اُو تہانوں پُچھدا اے، ’میں کیوں تینوں اپنی جنت وِچ آن دیاں؟‘ تُسی خُدا نوں کی کہوو گے؟‘‘ بوہتی ساری لوکی کُج اینج کہین گے، ’’میں اِک نیک بندہ آں، ’’میں دس حکماں نوں مننا واں،‘‘ ’’میں اپنے طور تے پوری کوشش کرنا واں،‘‘ یا ’’میں اِینا ای نیک آں جنہے زیادہ تر لوکی ہوندے نے،‘‘ یا کُج لوکی کہین گے، ’’میں ایہدے بارے چہ کُج اینا بوہتا سوچیا نئیں اے،‘‘ ’’میں خُدا وِچ یقین نئیں رکھدا،‘‘ یا ’’جدوں تُسی مر جاندے اُو تے تُسی مُردہ ہوندے ہو۔‘‘ اُو جو کُج وی کہندا اے اُوہدے نال بحث مت کرو۔ اُوہنوں نہ دسو کہ اُو کیویں ٖغلط اے۔ بس کہوو، ’’میں ایہو ای سوچیا کردا سی۔‘‘

فیر کدرے، جدوں تُسی پہلے سوال دا جواب دِتا سی، میں سوچیا سی میرے کول تہانوں دَسن لئی واقعی چہ کُج چنگی خبر سی۔ لیکن میں جان گیا واں کہ میرے کول [واقعی چہ اِک چنگی خبر] اے۔‘‘ اُو چنگی خبر ایہہ اے، ’’جنت مفت ہوندی اے۔‘‘ فیر تُسی خوشخبری نوں پیش کرو۔ تعارف وِچ پنج نکات نے۔ ہر موضوع یا نکتے دے دو حصے نے۔

III. تیجی گل، اُوہنوں فضل دے بارے وچ دسو۔

1. جنت اِک مفت دا تحفہ اے۔ بائبل کہندی اے، ’’گناہ دی مزدوری موت اے، خُدا دی بخشش ہمیشہ دی حیاتی اے‘‘ (رومیوں6:23)۔ (’’رومیوں6:23 آیت‘‘ مت بولو۔ اُوہنوں بس بائبل دے لفظ دَسو۔)۔ جنت مفت اے۔ ایہہ مفت دا اِک تحفہ اے۔

2. ایہنوں کمایا نئیں جاندا یا ایس دا مستحق نئیں ہویا جاندا۔ میں سوچیا کردا سے کہ مینوں جنت وِچ جان لئی کافی نیک ہونا پہئے گا، ایہدے لئی کم کرنا پہئے گا تے ایہدا مستحق بننا پہئے گا۔ لیکن مینوں پتا چلیا کہ جنت اِک مفت دا تحفہ اے۔ بائبل کہندی اے، ’’تہانوں ایمان دے وسیلے توں فضل نال ای نجات لبھی اے تے ایہہ تہاڈی کوششاںدا نتیجہ نئیں اے کہ کوئی فخر کر سکے‘‘ (افسیوں2:8۔9)۔ جے کوئی تہانوں تہاڈی سالگرہ تے تحفہ دیندا اے تے تُسی اُوہدے لئی اُوہنوں پیسے دیندے اُو تے فیر اُو تحفہ تے نئیں رہندا نا، کہ رہندا اے؟ دائمی حیاتی دا تحفہ مفت اے۔ تہانوں اینوں پان لئی کُج کرن دی لوڑ نئیں پیندی یا ایس دا مستحق نئیں بننا پیندا۔

IV. چوتھی گل، اُوہنوں انسان دے بارے وچ دسو۔

1. انسان گنہگار ہوندا اے۔ بائبل تعلیم دیندی اے کہ اَسی ساریاں نے گناہ کیتا ہوندا اے۔ ایہہ کہندی اے، ’’ساریاں نے گناہ کیتا اے تے خُدا دے جلال توں محروم نے‘‘ (رومیوں3:23)۔ اَسی سوچاں وِچ، گلاں وِچ، اُو کم جیہڑے اَسی کرنے آں اُوہناں وِچ خُدا دے معیار تے پورے نئیں اُتردے۔ کُج ایہو جئے کم نے جیہڑے اَسی کیتے نے تے سانوں نئیں کرنے چائیدے سن۔ کُج ایہو جئی گلاں نے جیہڑیاں اَسی نئیں کیتیاں جیہڑیاں سانوں کرنی چائیدیاں سن۔ (’’جان بُجھ کے گناہ‘‘ یا ’’بُھل چُک کے گناہ‘‘ نہ کہوو۔ اَج کل بے شمار لوکاں نوں نئیں معلوم ’’جان بُجھ کے‘‘ تے ’’بُھل چُک کے‘‘ دا مطلب کی ہوندا اے۔)۔

2. انسان خود نوں نجات نئیں دِلا سکدا اے۔ کوئی اِک وی ایہو جیہا نئیں اے جیہڑا اِینا چنگا ہووے کہ جنت وِچ جائے۔ سانوں اینج کرن لئی کامل ہوندا پہئے گا۔ یسوع نے کہیا، ’’تُسی کامل بنو جیویں کہ تہاڈا آسمان باپ کامل اے‘‘ (متی5:48)۔ چلو فرض کر لینے آں کہ تُسی عملی طور تے اِک فرشتے اُو تے تُسی اِک دِن وِچ صرف تِن گناہ کیتے نے – جو تُسی کہیا، جو تُسی کیتا، تے جو تُسی سوچیا اُوس وِچ۔ جے تہاڈی عمر 70 وریاں تیکر دی ہوندی اے، تے اُو 70,000 توں بوہتی گناہ ہو جان گے۔ کوئی وی ایس قسم دے ریکارڈ دے نال خُدا دی حضوری وِچ آنا نئیں چاہے گا۔

V. پنجویں گل، اُوہنوں خدا دے بارے وچ دسو۔

1. خُدا رحمدل اے۔ اُو سانوں سزا دینا نئیں چاہندا اے۔ بائبل کہندی اے، ’’خُدا محبت اے‘‘ (1یوحنا4:8)۔ لیکن ایسی ویلے وِچ، خُدا منصف وی اے۔

2. خُدا منصف اے۔ بائبل کہندی اے خدا ’’مجرم نوں بے سزا نئیں چھوڑدا‘‘ (خروج34:7)۔ اُوہنوں گناہ نوں سزا دینی ای ہوندی اے۔ کی ہووے جے کسی کولوں قتل ہو چکیا ہووے تے جج بس ایہو کہیوے، ’’میرے خیال چہ مینوں تینوں چھڈ دینا چائیدا اے۔‘‘ اُو تے صحیح نئیں ہووے گا۔ اُو تے انصاف نئیں ہووے گا۔ خدا نوں گناہ دے نال نمٹنا پیندا اے۔ اُوسی ویلے دے دوران، خُدا سانوں سزا نئیں دینا چاہندا کیوں جے اُو ساڈے نال محبت کردا اے۔ جواب کی بنندا اے؟
     خُدا نے، اپنی حکمت وِچ، اِک حل کڈیا۔ خُدا نے ایس مسئلے دا حل اِک ہستی یسوع وِچ رکھیا۔

VI. چھٹی گل، اُوہنوں یسوع دے بارے وچ دسو۔

1. یسوع کون اے۔ یسوع خُدا اے، تثلیث دی دوجی ہستی۔ اُو انسان وی اے۔ اُو انسان دے روپ وِچ خُدا اے۔ بائبل کہندی اے، یسوع دے بارے چہ کلام دی حیثیت نال گل کردے ہویاں، ’’ابتدا وِچ کلام سی، تے کلام خُدا دے نال سی تے کلام خدا سی… تے کلام متجسم ہویا تے ساڈے وچکار خیمہ زن ہویا‘‘ (یوحنا1:1، 14)۔

2. یسوع نے کی کیتا۔ اُو صلیب تے قربان ہویا تے مُردیاں وِچوں ساڈے گناہواں دا کفارہ ادا کرن لئی جی اُٹھیا تے جنت وِچ ساڈے لئی اِک تھاں خریدی۔ تصور کرو ہر اُو کم جیہڑا میں ہُن تیکر کر چکیا واں، میرے سارے دے سارے گناہ، ہر کم جیہڑا میں کیتا، یا سوچیا، یا محسوس کیتا – سارے دا سارا اِک کتاب وِچ لکھیا جا چکیا اے۔ ایہہ اے۔ بائبل کہندی اے کیس اِک دِن اُو کتاباں کھولیاں جان گئیاں تے ہر کسی دا انصاف اُوس کتاب وِچ لکھی گئی گلاں دے ذریعے نال کیتا جاوے گا۔ گناہ دی اُو کتاب ای میرا مسئلہ اے۔ اُو مینوں جنت توں باہر رکھدی اے۔
     یسوع نے مسئلے دا حل کڈیا۔ بائبل کہندی اے، ’’اَسی سارے پھیڈٓاں وانگوں بھٹک گئے آں، ساڈے وِچوں ہر اِک نے اپنی اپنی راہ پھڑ لئی اے تے خُداوند نے ساڈی ساریاں دی بدکاری [اُو گناہ] اُوس [یسوع] تے لاد دِتی‘‘ (اشعیا53:6)۔ یسوع نے ساڈے سارے گناہ خود تے لاد لئے۔ اُو ساڈی تھاں تے قربان ہویا۔ اُوہنے ساڈے گناہواں دی ادائیگی کیتی۔ جدوں اُو مریا تے اُوہنوں اِک قبر وِچ دفنایا گیا لیکن سانوں دائمی حیاتی بخشن لئی اُو تیجے دِن مُردیاں وِچوں زندہ ہو گیا۔ یسوع سانوں جنت دا تحفہ مفت وِچ بخشدا اے۔ اَسی اینوں یسوع وِچ ایمان دے وسیلے نال – پرہوسے دے ذریعے پانے آں۔

VII. ستویں گل، اُوہنوں ایمان (پرہوسے) دے بارے چہ دَسو۔

1. اُو کی نئیں اے۔ ایمان ذہنی رضامندی نئیں اے (اُو الفاظ ’’عقلی قبولیت‘‘ انتہائی پیچیدہ نے)۔ بے شمار لوکی یسوع وچ ایویں ای یقین کردے نے جیویں اُو جارج واشنگٹن وچ کردے نے۔ اُو یقین کردے نے کہ یسوع نے تاریخ وچ حیاتی بسر کیتی سی لیکن اُو اُوہدے تے ہُنے اُوہناں لئی کُج کرن تے پرہوسا نئیں کر رئے نے۔ ایہہ صرف اِک ذہنی رضامندی اے۔ بدروحاں یقین کردیاں نے کہ یسوع نے حیاتی بسر کیتی سی – تے بدروحاں نے یقین کیتا سی کہ یسوع خُدا دا بیٹا اے، لیکن اُوہناں نے نجات نئیں پائی سی۔
     ایس حیاتی وچ اِک مسئلے دے نال تہاڈی مدد کرن لئی ایمان کوئی عارضی پرہوسا نئیں اے۔ بے شمار لوکی یسوع تے اُوہناں دی صحت وچ یا اُوہناں دے پیسیاں وچ یا کسی دوجے مسئلے وچ مدد کرن لئی پرہوسا کر چکے نے۔ لیکن اُو شیواں جدوں تُسی مر جاؤ گے تے ختم ہو جان گئیاں۔

2. اُو کی اے۔ ایمان دا مطلب تنہا یسوع مسیح تے تہاڈے گناہواں نوں معاف کرن لئی تے تہانوں ہمیشہ دی حیاتی بخشن لئی پرہوسا کرنا ہوندا اے۔ بائبل کہندی اے، ’’خُداوند یسوع مسیح وچ ایمان [پرہوسا رکھ] لہیا تے تُو نجات پا لے گا‘‘ (اعمال16:31)۔
     لوکی خود تے پرہوسا کردے نے، یا اُو یسوع وچ پرہوسا کردے نے۔ میں اُوسی شے وچ پرہوسا کر رہیا سی جیس وچ تُسی کر رئے سی – خود اپنی ذات وچ، اِک چنگی حیاتی بسر کرن لئی اپنی کوششاں وچ۔ فیر مینوں احساس ہویا کہ مینوں خود تے پرہوسا کرنا چھڈن دی لوڑ سی تے یسوع وچ پرہوسا کرنا سی۔
     آؤ مینوں تہانوں وکھا لین دیو۔ (اِک خالی کرسی یا بینچ ول اشارہ کرو۔ ایہہ خوشخبری دی پیشکش وچ سب توں زیادہ عکاسی اے۔) تُسی یقین رکھدے اُو کہ ایہہ اِک کرسی اے۔ کی تُسی یقین کردے اُو کہ جے تُسی ایدے تے بہوو گے تے ایہہ تہانوں قابو کرن وچ مدد دئے گی؟ (جی ہاں)۔ لیکن ایہہ مینوں ہلے تے قابو نئیں کیتے ہوئے اے، کیوں جے میں ایدے تے بیٹھیا ہویا تے نئیں آں۔ میں کرسی تے کیویں پرہوسا کر سکنا واں؟ اُوہدے تے بین دے ذریعے نال۔ کافی مدت تیکر میں یقین کیتا یسوع وجودیت رکھدا سی لیکن میں کافی نیک ہون لئی خود تے پرہوسا کر رہیا سی۔ تُسی کہیا، ’’میں جو بہترین کر سکنا آں کرن دی کوشش کرنا آں (یا جو وی اُوس بندے نے کہیا)۔‘‘ تُسی کیس تے پرہوسا کر رئے سی؟ (خود تے)۔
     دائمی حیاتی پان لئی، تُسی اپنے پرہوسے نوں خود توں ہٹا کے یسوع تے رکھدے اُو۔ (کرسی وچ بوو۔) ہُن میں کرسی تے بیہ رہیا واں۔ ہُن میں کرسی تے مینوں قابو کرن لئی پرہوسا کر رہیا واں۔
     تُسی ہُنے ہُنے اُو عظیم ترین کہانی جیہڑی کدی دسی گئی سُنی، سب توں عظیم ترین پیشکش دے بارے وچ جو کدی دِتی گئی اُوس سب توں عظیم ہستی وَلّوں جیہنے کدی حیاتی بسر کیتی سی۔
     کی تُسی ہمیشہ دی حیاتی دا تحفہ قبول کرنا چاہو گے؟ (جے اُو بندہ کہندا اے ’’نئیں،‘‘ یا ’’میں ایدے بارے وچ سوچاں گا،‘‘ تے اُوہدے نال دوستانہ روئیہ اختیار کرو تے اُوہنوں گرجا گھر آن دی دعوت دیو۔ اُوہدا ناں تے فون نمبر حاصل کرو جے تُسی اُو پہلے ای توں حاصل نئیں کر چکے اُو۔)۔ جے اُو بندہ کہندا اے ’’جی ہاں،‘‘ تے اُوہدے لئی دعا منگو۔

VIII. اٹھویں گل، یسوع تے پرہوسا کرن لئی اُوہدی رہنمائی کرو۔

1. اُوہدے لئی دعا منگو۔ ’’خداوندا، میں دعا منگنا آں کہ تُو [اُوہدا ناں لوے] اُوہنوں ہمیشہ دی حیاتی دا تحفہ بخشے گا۔ میں دعا منگنا آں کہ تُو اُوہنوں یسوع ول کھِچ لوے گا۔ اینوں یسوع تے پرہوسا کرن لئی ایمان عطا کر۔ یسوع دے ناں وچ، آمین۔‘‘ یسوع نے کہیا، ’’جیتھے دو یا تِن میرے ناں وچ اکٹھے ہون میں اُوہناں دے وچکار موجود ہواں گا‘‘ (متی 18:20). ایتھے اسی دو آں، ایس لئی یسوع ایتھے ساڈے نال سانوں سُنن لئی موجود اے۔ ہُن یسوع توں میرے نال مِل کے دعا منگو۔

2. اِک وقت چہ اِک ای جملے دے نال یسوع توں دعا منگن وچ اُوہدی رہنمائی کرو۔ اُوہدے ہر جملے نوں تہاڈے کہن دے بعد دہران لئی کہوو۔ یسوع توں صرف ایہی دعا منگو جیہڑی میں کہنا واں، ’’یسوع، میں تیرے تے بالکل ہُنے ای پرہوسا کرنا چاہنا واں۔ میں اِک گنہگار آں۔ میں خود تے تے اپنی خود دی نیکیاں تے پرہوسا کردا رہیا واں۔ ہُن میں خُداوند یسوع تیرے تے پرہوسا کرنا چاہنا واں۔ میں تیرے تے ہُنے ای پرہوسا کرنا واں۔ میں یقین کرنا واں کہ تُو میرے گناہواں دی ادائیگی لئی قربان ہو گیا۔ میں خود اپنی اچھائیاں تے اپنے گناہواں توں مُنہ موڑدا واں۔ میں تیرے تے پرہوسا کرنا واں۔ میں دائمی حیاتی دے مفت تحفے نوں قبول کرنا واں۔ آمین۔‘‘

3. اُوہدے لئی فیر دعا منگو۔ ہُن، میں تہاڈے لئی دعا منگاں گا۔ ’’یسوع تُو اُو دعا سُن چُکیا اے جیہڑی میرا دوست منگ چُکیا اے۔ میں دعا کرنا واں کہ اُو اپنی روح وچ سُن پائے گا۔ تیری اواج نوں کہندے ہوئے، ’تیرے گناہ معاف ہوئے۔‘ ’اُو جیہڑا میرے وچ ایمان لہیاندا اے کدی فنا نئیں ہوئے گا بلکہ ہمیشہ دی حیاتی پائے گا۔‘ یسوع دے ناں وچ میں دعا منگنا واں۔ آمین۔‘‘
     یسوع نے کہیا، ’’اُو جیہڑا میرے وچ ایمان لہیائے گا ہمیشہ دی حیاتی پائے گا‘‘ (یوحنا6:47). جے تُسی یسوع تے پرہوسا کیتا اے تے اُو تہاڈے گناہواں نوں معاف کر چُکیا اے تے تہاڈے کول بالکل ہُنے ای توں دائمی حیاتی اے۔
     (اُوہنوں یوحنا دی انجیل دیو۔)۔ میں چاہنا واں کہ تُسی یوحنا دی انجیل نوں پڑھو، ہر روز اِک باب۔ کُل 21 باب نے۔ تُسی اِک دِن وچ اِک باب پڑھو تے صرف تِن ہفتیاں وچ تُسی یوحنا دی انجیل پڑھ چکے ہوو گے۔
     جے اُو گرجا گھر وچ نئیں آندا اے، تے اُوہنوں بالکل ایسے ویلے مدعو کرو۔ اُوہنوں دسو کہ گرجا گھر وچ کینا چنگا ہوندا اے تے تُسی کیس قدر چاہندے اُو کہ اُوہنوں اوتھے ویکھو۔ جے تہاڈے کول اُوہدا ایڈریس یا فون نمبر نئیں اے تے اُو اُوہدے توں لوو تے اُوہنوں لکھ لوو۔ فیر اُوہنوں دوبارہ کُج دیر بعد دہران دیو ایس گل نوں یقینی بنان لئی کہ تُسی دُرست لکھیا اے۔ اُوہدے گرجا گھر آن لئی سواری دا بندوبست کرو۔


ساری دُنیا وچ یسوع تے پرہوسا کرن لئی لوکاں دی رہنمائی لئی ایس طریقہ کار نوں استعمال کیتا جا چُکیا اے۔ خداوند تہانوں برکت عطا فرمائے جدوں تُسی خوشخبری نوں وَنڈو۔ ایس مسودے دے بالکل آخر وچ، میں تہانوں ایس پیغام دا لُبِ لُباب پیش کراں گا۔ اُوس خاکے دی مدد نال نکات نوں یاد رکھنا تے اُوہناں دا مطالعہ کرنا آسان ہوندا اے۔

تہاڈے وچوں کُج نے یسوع تے پرہوسا نئیں کیتا اے۔ تُسی اُوس خوشخبری نوں سُن چکے اُو کہ کیویں یسوع ساڈے گناہواں دی ادائیگی لئی صلیب تے قربان ہو گیا سی۔ جے تُسی اُوہدے تے پرہوسا کردے اُو، تے تُسی نجات پا چکے اُو تے تہاڈے کول دائمی حیاتی اے۔ جے تُسی یسوع تے پرہوسا کرن دے بارے وچ ساڈے نال گل بات کرنا چاہندے اُو تے مہربانی نال واعظ دے اختتام تے کمرے دے سمنے تشریف لے آؤ۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

انجیلی بشارت جیس نے ہزاراں دی کلیسیا دی تعمیر کیتی

EVANGELISM THAT BUILT A CHURCH OF THOUSANDS

ڈاکٹر کرسٹوفر ایل۔ کیگن وَلّوں
by Dr. Christopher L. Cagan

I.     پہلی گل، اُوہنوں اُوہدے بارے وچ پُچھو۔ اُوہنوں بولن دیو

II.    دوجی گل، اُوہنوں دو سوال پُچھو۔

1. کی تہانوں یقین اے تُسی جنت وچ جا رئے اُو، یا کی تُسی ہلے تیکر ایدے تے کم کر رئے اُو؟

2. جے تُسی مر جاندے اُو تے خُدا دی حضوری وچ پیش ہوندے اُو تے اُو تہانوں پُچھدا اے، ’’میں تہانوں کیوں اپنی جنت وچ آن دیاں؟‘‘ تُسی خُداوند نوں کی کہو گے؟

III.   تیجی گل، اُوہنوں فضل دے بارے وچ دسو۔

1. جنت مفت دا تحفہ اے، رومیوں6:23 ۔

2. اِینوں کمایا نئیں جا سکدا یا اِیدا مستحق نئیں بنا جا سکدا، افسیوں2:8۔9 .

IV.   چوتھی گل، اُوہنوں انسان دے بارے وچ دسو۔

1. انسان اِک گنہگار اے، رومیوں3:23 .

2. انسان خود نوں نجات نئیں دلا سکدا، متی5:48 ۔

V.    پنجویں گل، اُوہنوں خُداوند دے بارے وچ دسو۔

1. خُداوند رحم نال بھرپور اے، 1یوحنا4:8 .

2. خُداوند منصف اے، خروج34:7 .

VI.   ;چھٹی گل، اُوہنوں یسوع دے بارے وچ دسو۔

1. یسوع کون اے، یوحنا1:1، 14 .

2. یسوع نے کی کیتا، اشعیا53:6 .

VII.   ستویں گل، اُوہنوں ایمان (پرہوسے) دے بارے وچ دسو۔

1. ایہہ کی نئیں ہوندا اے۔

2. ایہہ کی اے۔

VIII. اٹھویں گل، اُوہدی یسوع تے پرہوسا کرن وچ رہنمائی کرو۔

1. اُوہدے لئی دعا منگو، متی18:20 .

2. اِک وقت چہ اِک جملے دے ذریعے نال یسوع توں دعا منگن لئی اُوہدی رہنمائی کرو۔

ا3. ُوہدے لئی فیر دعا کرو، یوحنا6:47 .