Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




آن آلے ویلے دیاں گلّاں – نوے سال دا اِک واعظ

THINGS TO COME – A NEW YEAR’S SERMON
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وچ دِتا گیا اک واعظ
خُداوند دے دِن دی شام، 5 جنوری، 2020
A sermon preached at the Baptist Tabernacle of Los Angeles
Lord’s Day Evening, January 5, 2020

’’آن آلے ویلے دیاں گلاں، سب کُج تہاڈا اے تے تُسی مسیح دے ہو تے مسیح خُدا دا اے‘‘ (1 کرنتھیوں3:22۔23)۔


’’آن آلے ویلے دیاں گلاں۔‘‘ ایہہ الفاظ اُوہناں لوکاں لئی خوفزدہ کر دین آلے نے جیہڑے مسیح نوں نئیں جانندے! ’’آن آلے ویلے دیاں گلاں۔‘‘ ساڈے آلے دوالے لوکی مستقبل نوں خوف دے نال تے کپکپاندے ہوئے ویکھدے نے! اُو مایوسی تے نااُمیدی دے اِک گہرے احساس نوں محسوس کردے نے۔

ٹیلی ویژن تے انٹرنیٹ دے ودھن دے نال، عالمگیر المیے، جنگاں، دھشت گردیاں، موتاں تے تباہیاں ہر روز ساڈے گھراں وِچ ساڈے ذریعے نال ویکھیاں جاندیاں نے۔ اَسی قتل و غارت گری نوں ویکھنے آں۔ اَسی بم دھماکیاں نوں ویکھنے آں۔ اَسی دھشت گردی دے خونی کھیل نوں ویکھنے آں۔ عصمت دری، لوٹ مار، چوری، فاقہ کشی تے ظلم و ستم فور طور تے ساڈی اَکھاں دے اَگے لہایا جاندا اے۔ ایس دُنیا چہ ہولناکیاں تیکر ایڈی سُہوکھی کِسی ہور نسل دی رسائی نئیں سی۔ اَسی اُو ویکھنے آں جیدے بارے چہ اُو صرف پڑھدے نے۔ اَسی دُںیا بھر چہ آفتاں نوں اُوہناں خبراں دے پروگراماں وِچ ویکھنے آں جیہڑیاں ہوائی راستیاں نوں تناؤ، اضطراب تے خوف دے نال بھر دیندیاں نے۔ میرے خیال چہ مسیح نوں پہلاں ای توں دورِ حاضرہ دے جدید الیکٹرانک مواصلات دے بارے چہ معلوم سی۔ اُوہنے عالمگیری ’’پریشانی‘‘ تے ’’اُلجھن‘‘ دے بارے چہ دسیا سی (لوقا21:25)،

’’ڈر دے مارے تے آن آلیاں مصیبتاں دا انتظار کردے کردے اُوہناں دے ہوش و حواس باقی نہ رہن گے…‘‘ (لوقا21:26)۔

ہوائی جہازاں نوں اغوا [قبضہ] کیتا جاندا اے۔ عمارتاں نوں اُڑایا جاندا اے۔ نیوکلئیر بم اُوہناں دیوانیاں دے ہتھاں چہ آ رئے نے جیہڑے اُوہناں نوں شاید استعمال کر ڈالن۔ سائنس دیاں مشہور ہستیاں، تے جانی مانی سیاسی شخصیات سانوں گلوبل ورمنگ دے خطرات نال خبردار کر رئی نے جیہڑے بالکل آن آلے نے۔ ہنسو مت! جی ہاں، اُو الفاظ، ’’آن آلے ویلے دیاں گلاں‘‘ کروڑاں لوکاں نوں دھشت زدہ کر رئے نے۔ جیویں کہ مسیح نے پیشن گوئی کیتی سی، ’’ڈر دے مارے تے آن آلیاں مصیبتاں دا انتظار کردے کردے اُوہناں [لوکاں] دے ہوش و حواس باقی نہ رہن گے…‘‘

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

ٹیلیویژن دیاں ایناں ساریاں خوفناک تصویراں وِچ سب توں اُتے، ساڈے اَگے واشنگٹن دے بدترین حالات نے جنہاں دا سامنا کدی وی نئیں کیتا گیا اے! بے شمار سیاستدان لگدا اے کہ اپنا دماغ گنوا بیٹھے نے! خصوصی طور تے جمہوریت پسند!

ایناں ساریاں دے نال اے حقیقت وی شامل اے کہ ساڈے خاندان نکھڑے ہوئے نے، طلاق بہوتی ودھ رئی اے، ساڈے بچے تِتربِتر نے، اُلجھے ہوئے نے تے اِک معاشرتی ڈھانچے دی وجہ توں گمراہ نے جیہڑا بخیے اُدھیڑ رہیا اے۔ نوجوان لوکاں دا اِک تہائی تے رحم وِچ ای ذبح کر دِتا جاندا اے – اُوہناں وِچوں 60 ملین توں زیادہ نوں! ہر ست افریقی امریکی بچیاں وِچوں چار نے ’’قانونی حیثیت‘‘ دے اِسقاط حمل دے لہو تے قتل عام دے امریکی ہولوکاسٹ وِچ اپنی حیاتی ختم کر دِتی اے۔ پس، دھشت گردی دے ایہہ لمبے ہتھ لکھاں عورتاں دے انتہائی رحماں [بچہ دانیاں] وِچ گُھس چکے نے۔ کوئی تھاں محفوظ نئیں اے! چپھن لئی کوئی وی تھاں نئیں اے! آئرلینڈ دے مشہور شاعر ولیم بٹلر یٹس William Butler Yeasts نے اپنی نظم ’’دوجی آمد The Second Comin‘‘ وِچ ایہہ سب کہیا سی۔

معاملات خراب ہون؛ مرکز قائم نئیں رہ سکدا۔
محض لاقانونیت دا دُنیا چہ راج اے،
مبہم خونی مدوجزر آزاد ہو چکیا اے، تے ہر پاسے اے
بے گناہی دی تقریب غالب آ چکی اے؛
جیہڑے بہترین نے اُوہناں وِچ سزایابی دی قلت اے، جدوں کہ جیہڑے بدترین نے
پُرجوش شدت نال بھرے ہوئے نے…

واشنگٹن وِچ کانگریسی گولڈ میڈل حاصل کرن تے، بلی گراہم نے کہیا، ’’اَسی اِک ایہو جئی سوسائیٹی آں جیہڑی آپئے خود نوں تباہی دے دہانے تے تیار کیتی بیٹھی اے‘‘ (لاس اینجلس ٹائمز ، 3 مئی ، 1996 ، صفحہ A-10)۔ لوکی محسوس کردے نے کہ کوئی تھاں وی محفوظ نئیں اے! اُو محسوسو کردے نے کہ ایہو جئی خوفناک آفتاں توں لُکن لئی کوئی تھاں نئیں اے جیہڑی اَسی ہر روز ٹیلی ویژن تے انٹرنیٹ دے ویکھنے آں۔ تعجب دی کوئی گل نئیں اے کہ اُو الفاظ ’’آن آلے ویلے دیاں گلاں‘‘ اُوہناں دے دِلاں نوں خوف تے دھشت نال بھر دیندیاں نے!

لیکن ساڈی تلاوت اُوہناں نوں پیش نئیں کیتی گئی اے جیہڑے گمراہ نے۔ ایہہ اُوہناں لوکاں لئی لکھی گئی سی جیہڑے پہلاں ای توں مسیح وِچ ایمان لہیا کہ تبدیل ہو چکے سن۔ 21 آیت وِچ، رسول نے کہیا، ’’سب کُج تہاڈا اے۔‘‘ 22 آیت وِچ اُوہنے اُوہناں گلاں دی فہرست پیش کیتی جنہاں دا تعلق حقیقی مسیحیاں نال اے۔ اُس فہرست دے اَخیر وِچ، اُوہنے کہیا، ’’آن آلے ویلے دیاں گلاں، سب کُج تہاڈا اے‘‘ (1 کرنتھیوں3:22)۔ جے تُسی اِک حقیقی مسیحی اُو تے مستقبل تہاڈے توں تعلق رکھدا ہووے گا!

’’آن آلے ویلے دیاں گلاں، سب کُج تہاڈا اے‘‘(1 کرنتھیوں3:22)۔

I ۔ پہلی گل، مسیحیت دا فتح تہاڈی اے!

یسوع نے کہیا،

’’میں اپنی کلیسیا تعمیر کراں گا؛ تے موت وی ایس تے غالب نہ آن پائے گی‘‘ (متی16:18)۔

مبلغین دے شہزادے سی ایچ۔ سپرجئین نے کہیا،

جدوں اَسی ویکھنے آں… سیاسی صورتحال تے، اَسی اینوں تاریک تے دھمکہ آمیز سوچدنے آں۔ ایدر اُودر بدل اکٹھے ہو رئے نے؛ اَس آپئے خدا دی کلیسیا لئی کپکپانے آں، جدوں اُلٹدیاں حکومتاں دے ٹکراؤ دے وِچکار چہ اُوہدی حفاظت خطرے وِچ ظاہر ہوندی اے۔ لیکن کوئی وی شاہی تبدیلیاں کدی وی کلیسیا دی تباہی تے اثرانداز نئیں ہو سکدی۔ تاریخ دے ہر بحران وِچ، ریاست دی ہر کھلبلی وِچ، تے ہر اُس تباہی تے جیہڑی دُنیا تے ڈگتی اے، کلیسیا دی ہمیشہ فتح ہونی چائیدی اے…قوماں دے دیوالیے توں مسیح دی [کلیسیا] دولت اکٹھی کردی اے (سی۔ ایچ۔ سپرجئینC. H. Spurgeon، آن آلہ ویلہ! مقدسین دی اک وراثت،‘‘ سپرجئین دے واعظ جلد 63 توں آگے Spurgeon’s Sermons Beyond Volume 63، ڈے ون پلیکیشنز، 2009، صفحات 341۔342)۔

برطانوی سلطنت ٹوٹے ٹوٹے ہوئی تے زوال پزیر ہوئی، لیکن مسیحیت اپنی پہلاں آلی بوآبادیاں وِچ پنپدی رئی۔ خُدا وَلوں پیجے گئے حیاتِ نوع دے مدوجزر لاکھاں لوکاں نوں کلیسیاواں وِچ تیزی نال شامل کردے جا رئے نے! جیویں جیویں امریکہ ’’سلطنت‘‘ زوال پزیر ہون دے دہانے دے جُھول رئی اے، تیجی دُنیا دے مُلکاں وِچ ہزاراں لکھاں لوکی خدا دی قادرِ مطلق قوت دے وسیلے نال مسیح دے بازوواں وِچ آندے جا رئے نے! تے جیس ویلے اَج دی راتی میں دَس رہیا واں، یسوع دی پیشن گوئی پوری ہون وَل مستقلاً ودھ رئی اے،

’’بادشاہی دی خوشخبری ساری دُنیا وِچ سُنائے جائے گی تاں جے ساریاں قوموں اُوہدی گواہ ہون…‘‘ (متی 24:14).

’’ تاج تے تخت فنا ہو جان گے Crowns and thrones may perish‘‘ اِینوں گاؤ۔

تخت تے تاج فنا ہو جان گے، سلطنتاں دا عروج و زوال ہوندا اے،
   مگر یسوع غیرمتغیر دی کلیسیا ہمیشہ قائم رہوے گی؛
جہنم دے پھاٹک اُو کدی وی نئیں پا سکدے جیہڑا کلیسیا قائم کردی اے؛
   ساڈے کول خود مسیح دا اپنا وعدہ اے، تے اُو کدی وی نئیں ٹُٹے گا۔
ودھی چلو، مسیحی سپاہیو، جنگ دے لئی قدم ودھائی چلو،
   یسوع دی صلیب دی قیادت وِچ ودھی چلو۔
(’’ودھی چلو، مسیحی سپاہیو Onward, Christian Soldiers‘‘ شاعرہ سابین بارنگ گوولڈ Sabine Baring-Gould، 1834۔1924)۔

اُو کلیسیائیں جیہڑی ایس ویلے جنگجو نے جلد ای کلیسیا دی خوشی ہون گی! چھیتی فرشتانہ واج پکارے گی،

’’دُنیا دی بادشاہی ساڈے خُداوند تے اُوہدے مسیح دی ہو چکی اے، تے اُو ہمیشہ تیکر بادشاہی کردا رہوے گا‘‘ (مکاشفہ 11:15).

’’آن آلے ویلے دیاں گلاں سب کُج تہاڈا اے‘‘ (1کرنتھیوں3:22)۔

II۔ دوجی گل، مسیح دی آن آلی بادشاہی تہاڈی اے!

یسوع نے کہیا،

’’مبارک نے اُو جیہڑے حلیم نے، کیوں جے اُو زمین دے وارث ہون گے‘‘ (متی 5:5).

فیر دوبارہ، یسوع نے کہیا،

’’اے چھوٹے گلے! ڈریں نئیں! کیوں جے تہاڈے باپ دی خوشی ایسی وچ اے کہ اُو تہانوں بادشاہی عطا فرماوے‘‘ (لوقا 12:32).

ایتھے امریکہ تے ساری دُنیا وِچ مسیحیاں نوں حقیر منیا جاندا اے تے مذاق اُڑایا جاندا اے۔ مسیحی اذیت چکدے نے جیل وِچ جاندے نے تے اکثر تیجی دُنیا وِچ اپنے ایمان دی خاطر قتل کر دِتے جاندے نے۔ ساڈے زمانے دے شکی مزاج لوکی تے انسانیت لئی کم کرن آلے لوکی سوچدے نے کہ اَسی ناکام ہو جاواں گے۔ لیکن اُو سراسر غلط نے! بائبل کہندی اے،

’’جے اَسی دُکھ چکاں گے، تے اُوہدے نال بادشاہی وی کراں گے‘‘ (2۔تیمتھیس 2:12).

جدوں دُنیا وِچ اُوہدی بادشاہ دا راج ہووے گا! فیر اَسی مسیح دے لئی گاواں گے،

’’… توں ذبح ہو کے اپنے لہو دے نال ہر قبیلے، ہر زبان، ہر اُمت تے ہر قوم توں لوکاں نوں خُدا دے لئی خرید لہیا۔ تے سانوں ساڈے خدا دے لئی اِک بادشاہ تے کاہن بنا دِتا تے اُو زمین تے حکمرانی کرن گے‘‘ (مکاشفہ5:9۔10).

اپنے گیتاں دے ورق توں حمدوثنا دا گیت نمبر2 گاؤ، ’’رات تاریک سی Dark was the night۔‘‘ اِینوں گاؤ!

انہیری رات سی، گناہ دے خلاف ساڈی جنگ سی؛
   اَسی دُکھاں دے کیس قدر بھاری بوجھ چکے ہوئے سی؛
لیکن ہُن اَسی اُوہدے آن دی علامت ویکھنے آں؛
   ساڈے دِل ساڈے وِچ جگمگا اُٹھدے نے،
خوشی دا پیالہ ساڈے تے لبریز ہوندا اے!
   اُو فیر آ رہیا اے، اُو فیر آ رہیا اے،
بالکل اُوہی یسوع، جنہوں لوکاں نے رد کیتا؛
      اُو فیر آ رہیا اے، اُو فیر آ رہیا اے،
عظیم جلال تے قوت نال، اُو فیر آ رہیا اے!
      (’’اُو فیر آ رہیا اے He is Coming Again، شاعر میبل جانسٹن کیمپ Mabel Johnston Camp، 1871۔1937).

اینوں فیر گاؤ!

انہیری رات سی، گناہ دے خلاف ساڈی جنگ سی؛
   اَسی دُکھاں دے کیس قدر بھاری بوجھ چکے ہوئے سی؛
لیکن ہُن اَسی اُوہدے آن دی علامت ویکھنے آں؛
   ساڈے دِل ساڈے وِچ جگمگا اُٹھدے نے،
خوشی دا پیالہ ساڈے تے لبریز ہوندا اے!
   اُو فیر آ رہیا اے، اُو فیر آ رہیا اے،
بالکل اُوہی یسوع، جنہوں لوکاں نے رد کیتا؛
      اُو فیر آ رہیا اے، اُو فیر آ رہیا اے،
عظیم جلال تے قوت نال، اُو فیر آ رہیا اے!

جے تُسی مسیح وِچ ایمان لہیا کے تبدیل ہو چکے اُو تے آن آلی مسیح دی بادشاہی تہاڈی اے!

’’آن آلے ویلے دیاں گلاں، سب تہاڈیاں نے‘‘ (1 کرنتھیوں3:22)۔

III۔ تیجی گل، نوا آسمان تے نوی زمین تہاڈے نے!

ایہہ پرانی دُنیا لنگ جاوے گی! جدوں مسیح ہزار وریاں لئی زمین تے حکمرانی کر چُکیا ہوئے گا، شیطان اپنی قید توں رہا کر دِتا جائے گا تے دُنیا دے غیر تبدیل شُدہ باغیاں دی اُوس [یسوع] دے خلاف رہنمائی کرے گا (مکاشفہ 20:7۔9). فیر آسمان توں خُدا دی اگ تھلے برسے گی (مکاشفہ 20:9)،

’’… اُوس دِن آسمان بڑے شوروغُل نال غائب ہو جان گے تے اجرامِ فلکی شدید حرات نال پگھل کے رہ جان گے تے زمین تے اُوہدیاں ساریاں شیواں جل جان گئیاں۔ تے خدا دے اُوس دِن دا نہایت مُشتاق تے منتظر رہنا چائیدا اے جیدے باعث افلاک جل کے تباہ ہو جان گے تے اجرامِ فلکی شدید حرارت نال پگھل کے رہ جان گے‘‘ (2۔ پطرس 3:10، 12).

لیکن کدی وی مایوس مت ہوو، کیوں جے یوحنا رسول نے اپنے رویاء وچ کہیا،

’’میں اِک نوا آسمان تے اِک نوی زمین ویکھی کیوں جے پہلا آسمان تے پہلی زمین جاندی رئی سی تے کوئی سُمندر وی موجود نہ سی۔ فیر میں شہر مُقدّس یعنی نوے یروشلیم نوں خدا دے کولوں آسمان توں اُتردے ویکھیا‘‘ (مکاشفہ 21:1۔2).

جدوں خُداوند اُوس نوے آسمان تے نوی زمین دی تخلیق کرے گا تے تُسی اوتھے ای نوے یروشلیم وچ ای ہوو گے – جے تُسی حقیقی مسیحی ہوندے اُو! جی ہاں، تُسی ہمیشہ لئی اوتھے ای خدا دی اُوس نوی جنت وچ ہوو گے، اُوس نوی زمین تے تے اُوس نوے یروشلیم وچ!

’’آن آلے ویلے دیاں گلاں، سب تہاڈیاں نے‘‘ (1 کرنتھیوں3:22)۔

’’آن آلے ویلے دیاں گلاں، سب تہاڈیاں نے‘‘ (1 کرنتھیوں3:22)۔

لیکن مینوں اپنے [واعظ] دا اِختتام واپس اِک وری فیر تلاوت نوں مکمل [پڑھن] نال کرنا چائیدا اے، جِنوں اسی شروع وچ پڑھیا سی،

’’…آن آلے ویلے دیاں گلاں، سب کُج تہاڈا اے تے تُسی مسیح دے ہو تے مسیح خُدا دا اے‘‘ (1 کرنتھیوں3:22۔23)۔

اُو جیہڑے یسوع نال تعلق رکھدے نے اُوہناں لئی ’’آن آلے ویلے دیاں [شاندار] گلاں‘‘ نوں اسی ویکھ چُکے نے۔ لیکن کی تُسی اُوہناں وچوں اِک اُو؟ کی تُسی یقین دے نال کہہ سکدے اُو ’’تُسی مسیح دے اُو‘‘؟ جے تُسی نئیں کہہ سکدے، تے فیر اُوہناں پُرمسرت وعدیاں وچوں کسی دا وی تعلق تہاڈے نال نئیں اے! سپرجئین نے کہیا، ’’جے تہاڈے کول ایمان نئیں اے، تے مستقبل لئی تہاڈے کول ماسوائے خوف دے کُج وی نئیں اے… جے تُسی مسیح دے نئیں اُو، تے ساڈے کول تہانوں خوش کرن لئی کہن نوں کُج وی نئیں اے‘‘ (ibid.، صفحہ 347)۔

ڈھیروں پسہ کمان نال تے ایس حیاتی وچ بہت زیادہ مزہ تے لطف اُٹھان نال تہاڈا کی بھلا ہو جائے جے آخر وچ ایس سب نوں گنوا دیندے اُو تے موت تہانوں مسیح دے بغیر پاندی اے؟ ’’آن آلے ویلے دیاں گلاں‘‘ تہاڈے لئی شدید دھشت ناک ہون گئیاں جے تُسی مسیح دے نال سچے نئیں رئے اُو۔ میں تہانوں التجا کرنا واں کہ اپنی جان دی نجات لئی انتہائی شدت نال سوچو۔ میں تہانوں تہاڈے گناہواں تے گناہ توں بھرپور دِل دے بارے وچ سوچن لئی کہنا واں۔ میں تہانوں اُوس حقیقت تے غور کرن لئی اِلتماس کرنا واں کہ تہاڈا گناہ تہانوں تمام اُمید توں دور کر دئے گا تے کر دینا چائیدا اے، تے تہانوں جہنم دی اگ وچ سزا دئے گا۔ میں دعا منگنا واں کہ تُسی ایس دُنیا دی تاریکی تے گناہ توں اپنے رُخ موڑ لوؤ گے۔ میں دعا منگنا واں کہ تُسی فوراً تے براہ راست یسوع مسیح کول چلے آؤ گے۔ میں دعا منگنا واں کہ تُسی اُوس یسوع نوں ایمان دے وسیلے نال ویکھو گے تے اپنے گناہ توں اُوہدے دائمی لہو دے وسیلے نال دُھل جاؤ! اُوہدے کول آؤ۔ خود نوں کدی مصلوب کیتے گئے تے ہُن خُدا دے جلال پُتر دے حوالے کر دیو۔ اُو تہانوں بچا لوے گا! اُو تہانوں بچا لوے گا! اُودوں ’’آن آلے ویلے دیاں گلاں‘‘ اُو خوشگوار تے پُراُمید گلاں جنہاں دے بارے وچ میں دسیا تہاڈی ہون دے نال نال ساڈی وی ہون گئیاں!

جے تُسی اِک حقیقی مسیحی بنن دے بارے وچ ساڈے پادری صاحب نال گل کرنا چاہندے اُو تے مہربانی نال تُسی نشست چھڈو تے ہُنے ای کمرے دے پچھلے پاسے ٹر جاؤ تاں جے اُو تہاڈے نال تہاڈے گناہ دے بارے وچ تے مسیح یسوع وچ نجات دے بارے وچ گل کر سکن۔

ہُن تہاڈے لئی مذید اِک ہور گل۔ ایہہ دُرست نئیں اے کہ اسی جنہاں دی مسیح وچ ایس قدر اُمید بندھی ہوئی اے ایس خوشخبری نوں دور دور تیکر نہ پھیلان؟ ایہہ ساڈے لئی مناسب نئیں اے کہ ایس نوے سال دا آغاز اپنیاں حیاتیاں نوں اُوس عظیم مقصد دی فرمانبرداری لئی جیہڑا مسیح نے سانوں دِتا نوے سرے توں وقف کرن نال نہ کرئیے (متی28:19۔20)؟

آؤ اسی اپنے تمام دِل تے جان نال کہیے کہ اسی انجیلی بشارت دے ذاتی پرچار وچ مسیح دی فرمانبرداری کراں گے؛ تے اپنے گرجا گھر دی بھڑکدی ہوئی انجیلی بشارت وچ حاضر ہون دے ذریعے نال؛ تے یسوع وچ نجات دی خوشخبری نوں سُنن لئی خاندان تے بیلیاں نوں [گرجا گھر وچ] لہیان دیاں کوششاں نوں تلاش کرن دے ذریعے نال وی فرمانبرداری کراں گے۔ خُدا 2020 وچ ہر موقع تے انجیلی بشارت دے پرچار دے ذریعے نال مسیح دی فرمانبرداری لئی ساڈی مدد کرے! مہربانی نال کھلوؤ تے اپنے گیتاں دے ورق توں آخری گیت گاؤ۔

سانوں ایس لمحے لئی اِک نعرہ دے، اِک سنسنی خیز لفظ، طاقت دا اِک لفظ،
جنگ دا رونا، اِک آتش گیر سانس جیہڑی فتح یا موت نوں پکاردی اے۔
اِک لفظ جِنے سُتے پئے چرچ نوں اٹھایا اے، تاں جے مالک دی وڈی درخواست تے توجہ دِتی جائے۔
بلاوہ دِتا گیا اے، اے میزبان، اُٹھو، ساڈی نگہبانی اے، انجیلی بشارت کرو!

پُر مسرت انجیل ہُن اعلان کردی اے، ساری زمین تے، یسوع دے ناں چہ؛
ایہہ لفظ آسماناں وچ سُنائی دیندا اے: انجیلی بشارت کرو! انجیلی بشارت کرو!
مردے ہوئے لوکاں لئی، اِک گمراہ نسل، انجیلی فضل دے تحفے نوں شہرت دیو؛
اُو دُنیا جیہڑی ہُنے تاریکی وچ اے، انجیلی بشارت کرو! انجیلی بشارت کرو!
   (انجیلی بشارت کرو! انجیلی بشارت کرو! Evangelize! Evangelize!‘‘ شاعر ڈاکٹر اُوسولڈ جے۔ سمتھ Dr. Oswald J. Smith، 1889۔1986؛ ڈاکٹر ہائیمرز نے ترمیم کیتی؛ بطرز ’’تے کی ایہہ ہو سکدا اے؟ And Can It Be?‘‘ شاعر چارلس ویزلی، 1707۔1788)۔

آمین!


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

آن آلے ویلے دیاں گلّاں – نوے سال دا اِک واعظ

THINGS TO COME – A NEW YEAR’S SERMON

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

’’آن آلے ویلے دیاں گلاں، سب کُج تہاڈا اے تے تُسی مسیح دے ہو تے مسیح خُدا دا اے‘‘ (1 کرنتھیوں3:22۔23)۔

(لوقا21:25، 26؛ 1کرنتھیوں3:21، 22)۔

I۔   پہلی گل، مسیحیت دی فتح تہاڈی اے! متی16:18؛
متی24:14؛ مکاشفہ11:15 .

II۔  دوجی گل، مسیح دی آن آلی بادشاہی تہاڈی اے! متی5:5؛
لوقا12:32؛ 2تیمِتُھیس2:12؛ مکاشفہ5:9۔10 .

III۔ تیجی گل، نوا آسمان تے نوی زمین تہاڈے نے!
مکاشفہ20:7۔9؛ 2پطرس3:10، 12؛ مکاشفہ21:1۔2؛
متی28:19۔20 .