Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




فرشتیاں دیاں مذہبانہ خِدمات – کرسمس دا اِک واعظ

THE MINISTRY OF ANGELS – A CHRISTMAS SERMON
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

اس اینجلز دی بپتسمہ دین آلی عبادت گاہ وچ دِتا گیا اک واعظ
خُداوند دے دِن دی سویر، 15 دسمبر، 2019
A sermon preached at the Baptist Tabernacle of Los Angeles
Lord’s Day Morning, December 15, 2019

’’رات نوں خُداوند دا فرشتہ جیل دے بوہے کھول کے رسولاں نوں باہر کڈ لے آیا تے اُوہناں نوں کہن لگا، جاؤ تے ہیکل دے صحن وِچ کِھلو کے ایس نوی حیاتی دیاں ساریاں گلاں لوکاں نوں سناؤ‘‘ (اعمال5:19۔20)۔


سانوں کدی وی فرشتیاں دی پرستش نئیں کرنی چائیدی اے۔ سانوں کدی وی فرشتاں کولوں دعا نئیں منگنی چائیدی اے۔ کلّا خُدا ای ساڈی پرستش تے دعاواواں دا مقصد ہونا چائیدا اے۔ تے ایس دے باوجود میں یقین کرنا واں کہ مسیحیاں نوں اُس [خُدا] دے فرشتیاں دے پروردگارانہ کم لئی خُدا دا شکر گزار ہونا چائیدا اے۔ ساڈی تلاوت کہندی اے کہ ’’رات نوں خُداوند دے فرشتے نے جیل دے بوہے نوں کھول دِتا‘‘ تے رسولاں نوں آزاد کروایا۔ میں پُریقین آں کہ اُو آزاد کیتے جان تے شکرگزار ہون گے!

کرسمس اُو موقع ہوندا اے جدوں مسیحی خُدا دا اُوہناں دیاں حیاتیاں وِچ برکات بخشن لئی شکر ادا کردے نے۔ میں تعجب کرنا آں کہ آیا تُسی کدی خُدا دا اپنے فرشتیاں نوں ساڈی مدد کرن تے سانوں محفوظ رکھن لئی شکر ادا کرن وِچ ویلہ کڈیا اے؟ اَج دی سویرے میں چاہنا آں کہ اَسی بس اُو ای کریے۔

کرسمس دے موقعے تے حمدوثنا تے خوشی دے ساڈے بے شمار گیت فرشتیاں دے بارے چہ گل کردے نے – ’’فرشتے، اَسی بہت سُن چکے آں،‘‘ اُو پہلا کرسمس دا ویلہ، ’’توجہ نال سُنو، پیغام رساں فرشتے گاندے نے،‘‘ تے بے شمار دوجے گیت فرشتیاں دے بارے وِچ گل کردے نے۔ جے میں کدی کدی فرشتیاں تے تبلیغ نا کردا تے ساڈے نوجوان لوکی سوچن گے کہ اُو تے محض ماضی دی جادوئی کہانیاں نے۔ جدوں اَسی ایس کرسمس دے موقع تے خوشی دے گیت گائیے تے آؤ ویلہ کڈو کہ خُدا دا اُوہدے فرشتیاں دی مذہبانہ خدمات لئی شکر ادا کریے۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I۔ پہلا، سانوں خدا دا اُوہناں بے شمار موقعیاں لئی شکر ادا کرنا چائیدا اے کہ اُو انگریزی بولن آلے لوکاں دی حفاظت لئی فرشتیاں نوں بھیج چکیا اے۔

حالانکہ خُداوند یقینی طور تے بے شمار ممالک تے بے شمار لوکاں نوں فرشتانہ مدد بھیج چکیا اے، ایہہ برکات انگریزی بولن آلی دُنیا چہ غیرمعمولی طور تے شدید رہ چکیاں نے۔ میں ایہہ گل ماڑی جئی ہچکچاہٹ دے بغیر کہنا واں، کیوں جے اصلاح کردی ہوئی مسیحیت دی دھارا ایس قدر واضح طور تے انگریزی بولن آلی دُنیا دے شعور وچ بہی سی۔ تے ایہہ انگریزی بولن آلی دُنیا وچ ای ہویا سی کہ پاک صحائف دی عظیم ایونجیلیکل سچائیاں دی سمجھ پیوریٹن بانیاں نوں آئی سی۔ تے ایہہ انگریزی بولن آلی دُنیا ای سی جیس وچ عظیم بیداری رونما ہوئی سی، جیہڑی عالمگیر سطح تے مشن بن کے وگدی چلی گئی سی، جیس نے تاریخ دے انتہائی رُخ نوں تے ساری دُنیا وچ بے شمار لوکاں دے نصیب نوں تے آسمان تھلے ہر قوم نوں بدل ڈالیا سی۔

حتّیٰ کہ ساڈے زمانے وچ، جدوں بہت کُج غلط ہو چُکیا اے، امریکہ تے انگلستان ہُن تیکر دُنیا وچ مشنریاں دی اِک بہت وڈی تعداد نوں بھیج رئے نے۔ تے جیویں، میں سوچنا واں فیر اینا تے بنندا ای اے کہ سانوں اج دی سویر خُدا دا شکریہ اُوہدی پروردگارانہ دیکھ بھال لئی کرنا چائیدا اے، انگریزی بولن آلے لوکاں دی مدد لئی اُوہناں دی پریشانی دے دور وچ اپنے فرشتیاں نوں بھیجن لئی کرنا چائیدا اے۔

دانی ایل دے دسویں باب وچ قبل ازیں متجسم مسیح نے کہیا سی کہ مائیکل فرشتہ شیطان دی قوت تے قابو پان تے یہودی لوکاں نوں بچان لئی دانی ایل دی مدد لئی آیا سی۔

’’مائیکل جیہڑا مقرب فرشتیاں وچوں اِک اے میری مدد نوں آیا تے میں اوتھے شاہ فارس دے کول ای رُکیا رہیا‘‘ (دانی ایل 10:13)۔

تے کی اسی شک کر سکنے آں کہ ایہی انگریزی بولن آلی قوماں دے نال وی رونما ہو چُکیا اے؟ 1588 وچ سپین نے 30,000 بندیاں دے نال 130 بحری جہاز انگلستان وچ پروٹسٹنٹ اِزم دا خاتمہ کرن لئی بھیجے۔ انگریزاں دے کول 9,000 بندیاں دے نال 30 بحری جہازاں دی صرف اِک چھوٹی جئی بحری فوج سی۔ ایدے بارے وچ سوچو – 9,000 بندیاں نال صرف 30 بحری جہاز – سپین توں آئے ہوئے 130 بحری جہازاں وچ 30,000 بندیاں دے خلاف! انگلستان تقریباً اِک چار دے مقابلے نال تعداد وچ گھٹ سی۔ لیکن بے شمار عجیب و غریب واقعات رونما ہوئے۔ ڈاکوؤاں دے اِک گروہ نے انگریزاں دا ساتھ دِتا۔ سپین دے بے شمار بحری جہازاں وچ اگ لگ گئی سی۔ سپین دے جہاز مختلف اطراف وچ نٹھ گئے سن۔ جیویں ای اُوہناں دے بحری جہاز آئرلینڈ دے مغربی ساحل توں پھر کے نکلے، اِک شدید طور تے طوفانی ہوا نے اُوہناں نوں شمالی سمندر دی ویرانیاں وچ تِتر بِتر کر دِتا تے پروٹسٹنٹ انگلستان بچ گیا۔ خُدا دی ایجادات تے فرشتیاں دی مدد دے بغیر کدرے وی انگریزی بولن آلا امریکہ نہ ہوندا۔ اسی ایتھے بپتسمہ دین آلے گرجا گھر وچ بیٹھے کِنگ جیمس دی بائبل نہ پڑھ رئے ہوندے!

جان ناکس جیہڑے کہ سکاٹ لینڈ دے اِک عظیم اصلاح کار رئے اُوہناں نے اِک رات نوں باری کولوں معمول دی تھاں تے پئی ہوئی اپنی کرسی کھسکا لئی کیوں جے اُوہناں تے اِک احساس دا دباؤ ہویا سی جِنوں اُو خود سمجھ نئیں پائے سی۔ اِک گھنٹے دے بعد اِک گولی باری وچوں زناٹے نال لنگی سی جنہے ناکس نوں قتل کر دِتا ہوندا جے اُو اوتھے [بین] توں باز نہ آئے ہوندے۔ جان ناکس دے بغیر، انگریزی بولن آلی دُنیا اج دے دِن تیکر غالباً کاتھولک ای رہ جاندی!

اِک چھوٹے بچے دی حیثیت نال، جان ویزلی، جنہاں نوں بعد وچ خُداوند نے انگلستان وچ عظیم بیداری دی چنگاری نوں بھڑکان لئی استعمال کیتا سی، گھر دی بالائی منزل توں بچایا سی جدوں اُو شعلیاں وچ بھڑک چُکیا سی۔ کی ساڈے وچوں اُو جیہڑے بائبل وچ یقین رکھدے نے ایس واقعے وچ خُدا دے پروردگارانہ ہتھ نوں نئیں ویکھ سکدے؟ کی اسی شک کر سکنے آں کہ خُداوند نے اوس نازک لمحے وچ اپنے فرشتیاں نوں بھیجیا؟

کی اسی شک کر سکنے آں کہ فرشتے واشنگٹن تے اُوہدے سپاہیاں دی فورج دی وادی وچ نگہبانی کر رئے سن؟ کی کوئی وی حقیقی مسیحی شک کر سکدا اے کہ صدر ریگن نوں اِک قاتل دی گولی دی موت توں اِک فرشتانہ ہتھ دے عمل نے بچایا سی، تاں جے اُو سویت یونین دی ’’شیطانی سلطنت‘‘ تے فتح پان لئی آزاد دُنیا دی رہنمائی کر پاندے؟ کی اسی انگلستان دی حفاظت کردے ہوئے خداوند دے ہتھ نوں ویکھن وچ ناکام ہو سکنے آں، حالانکہ قابلِ رحم طور تے دوجی جنگ عظیم وچ برطانیہ دی جنگ دے دوران [شکست لئی] تیار سن؟ حالانکہ میں ’’فیصلہ سازیت‘‘ دے مخصوص پہلوؤاں تے بلی گراھم نال اِتفاق نئیں کردا، میرے خیال وچ اُو دُرست سن جدوں اُوہناں نے کہیا،

دوجی جنگ عظیم دے ابتدائی دِناں وچ، برطانیہ دی ہوائی فوج نے اینوں [ھٹلر تے نازیاں دے] حملیاں تے اُوہناں کولوں شکست کھان توں بچایا سی۔ اپنی کتاب کسی بندے نوں نہ دسنا Tell No Man وچ، ایڈیلہ روجرز Adela Rogers کہندی اے، مقدس یوحنا اُوس ہوائی جنگ دے عجیب پہلو نوں بیان کردے نے۔ اُوہناں دی معلومات جنگ دے کُج مہینیاں دے بعد منعقد ہون آلی تقریب توں آندی اے، جیہڑی چیف مارشل لارڈ ھیو ڈؤڈنِگ دے اعزاز وچ سی۔ بادشاہ، وزیر اعظم (چرچل) تے سینکڑوں معزز ہستیاں اوتھے موجود سن۔ اپنے بیان وچ ہوائی چیف مارشل نے اپنی افسانوی لڑائی دی کہانی سنائی، جیس وچ اُوہدے قابلِ رحم طور تے جنگجو پائلٹاں دے چھوٹے جئے گروہ نوں مشکلاں نال ای سونا نصیب ہویا، تے اُوہناں دے جہاز سارا ویلہ ای اُڑدے رئے۔ اُوہنے اُوہناں ہوابازاں دے اِک مشن دے بارے وچ دسیا، جیس وچ حملہ ہویا، تے اُو یا تے بے بس ہو چکے ہوندے یا مر چکے ہوندے۔ ایدے باوجود اُوہناں دے جہازاں نے اُڑنا جاری رکھیا تے لڑائی جاری رکھی۔ درحقیقت، ایس موقع تے دوجے جہازاں وچ پائلٹاں نے اِک سائے نوں ویکھیا جیہڑا ہُنے وی کنٹرولز نوں چلا رہیا سی۔ اُوہدی وضاحت کی سی؟ اُوس ائیر چیف مارشل نے کہیا اُو یقین رکھدا سی کہ اصل چہ فرشتیاں نے اُوہناں جہازاں نوں اُڑایا سی جنہاں دے پائلٹ اپنے کاک پِٹ وچ بے جان بیٹھے ہوئے سن (بِلی گراھم Billy Graham، فرشتے: خُدا دے خُفیہ ایجنٹ Angels: God’s Secret Agents، گائیڈ پوسٹس ایسوسی ایٹس، 1975، صفحات 163۔164)۔

تے وزیر اعظم چرچل نے اُوہناں بہادر پائلٹاں دے بارے وچ کہیا جنہاں نے نازیاں دے خلاف لڑائی کیتی سی، ’’انسانی تنازعے دے میدان وچ کدی وی اینے ڈھیر سارے افراد نے اینا قرض نئیں دِتا۔‘‘ میرے خیال وچ خُدا تے اُوہدے مقدس فرشتیاں نوں ایدا بہت زیادہ سہرا جاندا اے! جیویں کہ حمدوثنا دا اِک پرانا گیت اینوں لکھدا اے،

خُداوند پُراسرار طور تے کم کردا اے
   اپنے عجوبیاں دی ادائیگی لئی؛
اُو سمندر وچ اپنے پیراں دے نشان بناندا اے،
   تے طوفاناں تے سفر کردا اے۔
(’’خُداوند پُراسرار طور تے کم کردا اے God Moves in a Mysterious Way‘‘ شاعر ولیم کاؤپر William Cowper، 1731۔1800)۔

ایس نکتے دی عکاسی کرن لئی ایتھے اِک ہور کہانی اے۔ ایلیان گونسالس Elian Gonsalez دی ماں چاہندی سی اُوہدا چھوٹا مُنڈا اِک آزاد مُلک وچ پرورش پائے۔ اُوہنے کیوبا توں فرار ہون لئی اِک چھوٹی جئی کشتی وچ اپنے بچے تے گیارہ دوجے لوکاں دے نال سفر شروع کیتا۔ ایلیان دی ماں تے گیارہ دوجے بالغ لوکی سمندر وچ ڈوب گئے۔ تنہا اُوس تاریک سمندر وچ، ایہہ چھ سالہ بچہ ایلیان دو دِناں تیکر اِک اندرونی ٹیوب دے نال چمٹیا رہیا، تے تپدے گرم سورج دے تلے سمندر وچ اُچھلدا تے بچکولے کھاندا رہیا۔ یوم تشکر دے دِن، 1999 وچ، کُج ماہی گیراں نے ایلیان نوں فلوریڈا دے فورٹ لاڈرڈیل دے ساحل توں پایا۔ کیوبا دے متعدد مشہور امریکیاں نے ایلیان دا موسیٰ توں موازنہ کیتا، اِک چھوٹی کشتی توں بچایا گیا جیہڑی دریائے نیل وچ چھڈ دِتی گئی سی۔ ماریا ایلینہ قیموساڈا Maria Flena Quesada نے واشنگٹن پوسٹ نوں دسیا، ’’ایلیان خدا ولوں کیوبا دی جلاوطن برادری نوں کہندی ہوئی اِک علامت اے، ’’میں تہانوں پُلیا نئیں آں۔‘‘‘ ماریا قیوساڈا نے کہیا کہ ایدے بعد ایلیان دے نال جو کُج رونما ہونا سی اُو ’’خدا دے ہتھاں وچ‘‘ سی۔

اپنی صدارت دے بدترین کماں وچوں اِک وچ، بل کلنٹن نے اپنے اٹارنی جنرل جینیٹ رینو نوں ایلین دے چچا دے گھر دا دروازہ توڑن لئی فوجی بھیجن لئی کہیا، تے ایس چھوٹے جئے بچے نوں زبردستی پھڑ کے کیوبا دے آمر حکمران، فیڈل کاسترو دے حوالے کر دین۔

لیکن ماریا قیوساڈا صحیح سن جدوں اُوہناں نے کیہیا، ’’اگاں جو کُج وی ہوندا اُو خُدا دے ہتھاں وِچ سی۔‘‘ جی ہاں، ایلیان نوں زبردستی کیوبا وِچ کیمونسٹاں دے حوالے بِل کلنٹن دے ذریعے نال کِیتا گیا سی۔ لیکن فلوریڈا دی کیوبا دی آبادی نے، جنہاں نے بڑی وڈی تعداد چہ کلنٹن نوں ووٹ دِتے سن، اُوہدے ایس عمل نوں نئیں بُھلایا۔ اگلے سال اُوہناں وِچوں بہتیریاں نے کلنٹن دے نائب صدر ال گور دے خلاف ووٹ دے کے کلنٹن دی اشتعال انگیز کاروائی تے اپنا غصہ کڈیا۔ ایس سال صدارتی انتخابات دا فیصلہ فلوریڈا وچ لگ بھگ 500 ووٹاں نال ہویا سی۔ جے ایلین گونزالز یوم تشکر دے موقع تے کسی اندرونی [لائف] ٹیوب تے امریکہ نہ آندا تے، جارج ڈبلیو بش صدر منتخب نہ ہوندے، تے دہشت گردی دے خلاف جنگ وچ امریکہ دی قیادت نہ کردے۔ کلنٹن دے ایلین گونزالیز نوں کاسترو واپس بھیجن توں ناراض ہو کے فلوریڈا وچ کیوبا دے لوکاں نے ریپبلکن جارج ڈبلیو بش نوں منتخب کیتا۔ بش دا واقعی وچ انتخاب ایلین گونزالیز تے فرشتیاں نے کیتا جنہاں نے ایدی حفاظت کیتی۔

’’اگے جو کُج وی ہوندا اُو خُدا دے ہتھاں وچ سی۔‘‘ ماریا ایلینہ قیوساڈا کیس قدر صحیح سن! یوم تشکر دے دِن، 1999 وچ، میں یقین کرنا واں کہ بہت دور سمندر وچ اِک لائف ٹیوب تے اُوس چھ سالہ بچے دی حفاظت کرن لئی خُدا نے اپنے فرشتیاں نوں بھیجیا سی – کیوں جے خُداوند دی برکت ہُنے امریکہ تے پوری نئیں ہوئی اے! اُوس یوم تشکر دے موقع تے خُدا دا اُوہدے فرشتیاں دی مذہبی خدمت تے شکر ہووے! (ایلیان گونزالیز دے واقعے دی مکمل تفصیل لئی، ویکھو عین کولٹر Ann Coulter دی کتاب ایک لبرل نال کیویں گل کرئیےHow to Talk to a Liberal ، کراؤن فورمCrown Forum ، 2004 ، صفحات 257-272)۔

’’رات نوں خُداوند دا فرشتہ جیل دے بوہے کھول کے رسولاں نوں باہر کڈ لے آیا تے اُوہناں نوں کہن لگا، جاؤ تے ہیکل دے صحن وِچ کِھلو کے ایس نوی حیاتی دیاں ساریاں گلاں لوکاں نوں سناؤ‘‘ (اعمال5:19۔20)۔

II۔ دوجا، ساڈی ذاتی طور تے حفاظت کرن لئی اپنے فرشتیاں نوں بھیجن تے سانوں خُداوند دی پروردگاری دا شکر ادا کرنا چائیدا اے۔

یروشلیم وچ اِک بہت وڈا حیاتِ نو شروع ہو چُکیا سی۔ بے شمار لوکاں نوں مسیح وچ ایمان دلا کے تبدیل کیتا گیا۔ صدوقی شدید غصے نال لبریز سن تے رسولاں نوں جیل وچ ڈالیا سی۔ خُدا نے اِک فرشتے نوں بھیجیا تے قید دے دروازے کھول دِتے تے اُوہناں نوں آزاد کیتا۔ ایہہ دوجی وری رونما ہویا سی، جدوں پطرس رسول نوں اِک فرشتے دے ذریعے نال قید توں رہا کیتا گیا سی، اعمال 12:5۔10 وچ درج اے۔

زیادہ تر مسیحی اپنی حیاتیاں وچ کُج ایہو جیہا ویلہ یاد کر سکدے نے جدوں اُو معجزانہ طور تے المیے یا آفت توں نجات پا چکے نے۔ ایہو جئے ویلیاں وچ سانوں زبور 34:7 نوں یاد رکھنا چائیدا اے۔

’’خُداوند توں ڈرن آلیاں دے چار چھفیرے اُوہدا فرشتہ خیمہ زن ہوندا اے تے اُوہناں نوں بچاندا اے‘‘ (زبور34:7)۔

مینوں دو وری تیز شاہراہ تے یاد اے، ایتھے لاس اینجلز وچ، جدوں مینوں یقین اے کہ میں فرشتیاں دی مداخلت توں گاڑی دے حادثے توں بچ گیا سی۔ مینوں اِک چھوٹے جئے ہوائی جہاز وچ ہونا وی یاد اے کہ ہوائی جہاز دے دوواں پاسیاں تے آسمانی بجلی کڑاکے نال ڈِگ رئی سی۔ ہوائی جہاز جھنجھلاندا، ڈِگدا تے بار بار رُخ بدلدا سی۔ میں ہوائی جہاز دے نظام دی نگران افسر ول ویکھیا۔ اُوہدا چہرہ خوف نال سفید ہو چُکیا سی۔ مسافراں نوں تسلی دین دے بجائے، اُوہنے خود نوں سیٹ تے بلیٹ دے نال بنیا تے کہیا، ’’میں اینوں [طوفان] انج کدی وی نئیں ویکھیا!‘‘ لیکن اسی بچ گئے! تے اُوس سویرے میں بوب جونز یونیورسٹی دے چھوٹے گرجا گھر وچ دسیا! جدوں میں تے میرا خاندان اُوس چھوٹے جئے ہوائی جہاز وچوں اُترے تے میں ساڈی حفاظت کرن لئی فرشتیاں نوں بھیجن تے خُداوند دا شکر ادا کیتا۔

مینوں گلیڈیس آئلورڈ Gladys Aylward نوں اپنے دوست دے کمرے وچ 1960 دی دہائی وچ گل کردے ہوئے سننا یاد اے۔ گلیڈیز ٓئلورڈ چین لئی مشہور انگریز مشنری سن۔ کمیونسٹاں دی سرزمین چین دا اقتدار سنبھالن دے کافی عرصے بعد تیکر اُو چینی بچیاں دی مدد کردے رہن لئی اوتھے ای رہ گئی سن۔ مینوں چنگی طرح مس آئلورڈ دا اِک دے بعد دوجی کہانی سنانا یاد اے جدوں خدا نے اپنے تے اُوہناں چینی بچیاں دی حفاظت لئی فرشتے بھیجے سن۔

مینوں پادری رچرڈ وورمبرانڈ دا مینوں فرشتیاں دے بارے وچ دسنا وی یاد اے جدوں اُو رومانیہ وچ کمیونسٹ جیل چہ قید تنہائی وچ رہندے ہوئے اُوہناں دی خدمت کردے سن۔ اِک لمبی قید تے سخت اذیت دے بعد، پادری ورمبرانڈ نے کہیا، ’’میں فرشتیاں دے بہت سارے مجمع توں واقف ہو گیا سی جیہڑے میرے بستر ول بڑھ رئے سن، خوبصورت گانے گا رئے سن۔ اُوہناں دے گیتاں نے میری حیاتی نوں برقرار رکھیا ہویا سی۔ ایہہ ثابت کردا اے کہ اُو کوئی تصور دا دھوکہ نئیں سی۔‘‘ فیر تقریباً ہر راتی پادری وورمبرانڈ اپنے جیل خانے وچ فرشتیاں دے نال نچدے سن۔ وریاں بعد میں پادری وورمبرانڈ نوں جان چُکیا سی۔ میں قائل ہو چُکیا واں اُوہناں دے نال روایتی رقص کرن لئی خُدا فرشتے بھیجدا سی، تاں جے قید تنہائی دی ہولناکیاں وچوں لنگن لئی اُوہناں نوں کافی بہتر رکھن!

مینوں یقین اے کہ اج سویرے ایتھے کُج لوکی موجود نے جو سانوں دس سکنے نے کہ کُج ویلے سن جدوں اُوہناں نوں ایہہ احساس ہوندا سی کہ خدا نے اُوہناں دی مدد تے حفاظت لئی فرشتے بھیجے نے۔

III۔ تیجا، فرشتے نے رسولاں نوں کی کہیا، سانوں ایس تے توجہ دینی چائیدی اے۔

مہربانی نال ساڈی تلاوت تے فیر نظر پاؤ۔

’’رات نوں خُداوند دا فرشتہ جیل دے بوہے کھول کے رسولاں نوں باہر کڈ لے آیا تے اُوہناں نوں کہن لگا، جاؤ تے ہیکل دے صحن وِچ کِھلو کے ایس نوی حیاتی دیاں ساریاں گلاں لوکاں نوں سناؤ‘‘ (اعمال5:19۔20)۔

فرشتہ آپے ای کیوں نئیں گیا تے لوکاں نوں خوشخبری دی تبلیغ کیوں نئیں کیتی؟ عظیم مبلغ، سپرجئین نے جواب دِتا جدوں اُوہناں نے کہیا،

خوشخبری پھیلان لئی کم کرن آلے کارندے مرد نے، فرشتے نئیں۔ خُداوند دے فرشتہ نے قید دے بوہے نوں کھولیا تے مبلغین نوں آزاد کیتا، لیکن خود مبلغ نئیں بن سکیا۔ اُو مذہبی خادمین نوں اُوہناں دی ذمہ داری [فرض] تے دے سکدا اے، لیکن اُوہدے اپنے کول خود تبلیغ کرن دی کوئی [فرض] ذمہ داری نئیں سی … جیویں کہ ساڈے خداوند نے انسان دی مخلصی لئی فرشتیاں دی نوعیت نوں قبول نئیں کیتا اوویں ای اُوہنے انسان دی مسیح وچ ایمان لہیان دی تبدیلی لئی فرشتیاں دی ایجنسی نوں کم تے نئیں لہایا (سی۔ ایچ۔ سپرجئین، ’’فرشتے دی ذمہ داری،‘‘ دی میٹروپولیٹن عبادت گاہ دی واعظ گاہ توں The Metropolitan Tabernacle Pulpit، پِلگرِم اشاعت خانے Pilgrim Publications، 1974، جلد XXXIV، صفحہ 374)۔

اُو فرشتہ ہیکل وچ گل کرن لئی نئیں گیا سی۔ ایدے بجائے، فرشتے نے اُوہناں لوکاں نوں جنہاں نوں اُوہنے آزاد کرایا سی کہیا، ’’جاؤ، تے ہیکل دے ویڑے وچ کھلو کے ایس نئی حیاتی دی ساریاں گلاں لوکاں نوں سُناؤ‘‘ (اعمال 5:20). تے اینج ای عظیم مقصد دے نال اے۔ مسیح فرشتیاں دے ذریعے نال گل نئیں کردا، بلکہ ساڈے ذریعے نال کردا اے، جدوں اُو کہندا اے،

’’ساری دُںیا وچ جا کے سارے لوکاں وچ انجیل دی منادی کرو‘‘ (مرقس16:15)۔

ایہہ فرشتیاں لئی نئیں بلکہ ساڈے لئی اے جیہڑا ساڈا خداوند کہندا اے،

’’راہواں تے کھیتاں دی باڑھاں ول جاؤ تے لوکاں نوں مجبور کرو کہ اُو آن تاں جے میرا گھر بھر جائے‘‘ (لوقا14:23)۔

خوفناک باکسر بغاوت دے نتیجے وچ مس ماری مونسین چین دی اِک جوان نارویجیئن مشنری سن۔ اُو غیر ملکی سر زمین وچ سن۔ لیکن کسی نے وی اُوہناں دے نال عصمت دری نئیں کیتی تے نہ ای ہراساں کیتا!

اُو اِک ویران سڑک تے اِک چھکڑے وچ سفر کر رئی سی۔ اچانک تین ڈاکو آئے، تے اپنی بندوقاں مس مونسین تے تان لئیاں۔ ’’سردار ڈاکو نے مینوں گھوریا۔ خدا ساڈے درمیان اگ دی دیوار سی۔‘‘ فیر سردار ڈاکو نے کہیا، ’’ایہہ لوکی اپنا سفر جاری رکھ سکدے نے۔‘‘

ساڈا کوچوان خوف نال کنمب رہیا سی۔ اُوہنے کہیا، ’’کی تُسی نئیں جانندے اُو ڈاکو سن؟‘‘ ماری مونسین نے کہیا، ’’جی ہاں، لیکن مینوں اُوہناں توں خوف نئیں آیا۔ کیوں جے خُداوند نے ساڈے تے اُوہناں دے وچکار اگ دی اِک دیوار کھڑی کر دِتی سی۔ خُدا نے ساڈے تے اُوہناں دے وچکار اگ دی اِک دیوار کھڑی کرن دے ذریعے نال ساڈی حفاظت کیتی۔‘‘

فرشتے ساڈے نال نے! انجیلی بشارت دا پرچار کرن لئی باہر نکلو! بازاراں وچ جاؤ! کیمپساں وچ جاؤ! سڑکاں دے جاؤ! فرشتے ساڈے نال نے! سانوں کُج وی نئیں روک سکدا! چلو فیر جاؤ تے مسیح دی فرمانبرداری کرو جِنے کہیا،

’’راہواں تے کھیتاں دی باڑھاں ول جاؤ تے لوکاں نوں مجبور کرو کہ اُو آن تاں جے میرا گھر بھر جائے‘‘ (لوقا14:23)۔

باہر نکلو تے گمراہ لوکاں نوں انجیلی بشارت دا پرچار دو! کوئی آسیب تہانوں نئیں روک سکدا! آپے شیطان وی تہانوں نئیں روک سکدا! کوئی ناراض انسان تہانوں نئیں روک سکدا! کُج وی تہانوں نئیں روک سکدا! فرشتے ساڈے نال نے! جاؤ تے گمراہ لوکاں نوں گرجا گھر لے کے آؤ! کُج وی تہانوں روک نئیں سکدا! فرشتے ساڈے نال نے!

کھلو جاؤ تے اپنے گیتاں دے ورق توں آخری گیت گاؤ، ’’انجیلی بشارت کرو! انجیلی بشارت کرو!‘‘ شاعر ڈاکٹر اُوسولڈ جے۔ سمتھ Dr. Oswald J. Smith۔

سانوں ایس لمحے لئی اِک نعرہ دے، اِک سنسنی خیز لفظ، طاقت دا اِک لفظ،
جنگ دا رونا، اِک آتش گیر سانس جیہڑی فتح یا موت نوں پکاردی اے۔
اِک لفظ جِنے سُتے پئے چرچ نوں اٹھایا اے، تاں جے مالک دی وڈی درخواست تے توجہ دِتی جائے۔
بلاوہ دِتا گیا اے، اے میزبان، اُٹھو، ساڈی نگہبانی اے، انجیلی بشارت کرو!

پُر مسرت انجیل ہُن اعلان کردی اے، ساری زمین تے، یسوع دے ناں چہ؛
ایہہ لفظ آسماناں وچ سُنائی دیندا اے: انجیلی بشارت کرو! انجیلی بشارت کرو!
مردے ہوئے لوکاں لئی، اِک گمراہ نسل، انجیلی فضل دے تحفے نوں شہرت دیو؛
اُو دُنیا جیہڑی ہُنے تاریکی وچ اے، انجیلی بشارت کرو! انجیلی بشارت کرو!
   (انجیلی بشارت کرو! انجیلی بشارت کرو! Evangelize! Evangelize!‘‘ شاعر ڈاکٹر اُوسولڈ جے۔ سمتھ Dr. Oswald J. Smith، 1889۔1986؛ ڈاکٹر ہائیمرز نے ترمیم کیتی؛ بطرز ’’تے کی ایہہ ہو سکدا اے؟ And Can It Be?‘‘ شاعر چارلس ویزلی، 1707۔1788)۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

فرشتیاں دیاں مذہبانہ خِدمات – کرسمس دا اِک واعظ

THE MINISTRY OF ANGELS – A CHRISTMAS SERMON

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

’’رات نوں خُداوند دا فرشتہ جیل دے بوہے کھول کے رسولاں نوں باہر کڈ لے آیا تے اُوہناں نوں کہن لگا، جاؤ تے ہیکل دے صحن وِچ کِھلو کے ایس نوی حیاتی دیاں ساریاں گلاں لوکاں نوں سناؤ‘‘ (اعمال5:19۔20)۔

I.   پہلا، سانوں خدا دا اُوہناں بے شمار موقعیاں لئی شکر ادا کرنا چائیدا اے کہ اُو انگریزی بولن آلے لوکاں دی حفاظت لئی فرشتیاں نوں بھیج چکیا اے، دانی ایل 10:13 .

II.  دوجا، ساڈی ذاتی طور تے حفاظت کرن لئی اپنے فرشتیاں نوں بھیجن تے سانوں خُداوند دی پروردگاری دا شکر ادا کرنا چائیدا اے، زبور34:7 .

III. تیجا، فرشتے نے رسولاں نوں کی کہیا، سانوں ایس تے توجہ دینی چائیدی اے، مرقس16:15؛ لوقا14:23.