Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




انجیلی بشارت دے پرچار دی تعلیم دا تیز رفتاری نال ودھنا

THE EVANGELISM EXPLOSION
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وچ دِتا گیا اک واعظ
خُداوند دے دِن دی شام، 3 نومبر، 2019
A sermon preached at the Baptist Tabernacle of Los Angeles
Lord’s Day Evening, November 3, 2019

’’کیوں جے تہانوں ایمان دے وسیلہ نال فصل ای توں نجات ملی اے تے ایہہ تہاڈی کوششاں دا نتیجہ نئیں بلکہ خُدا دی بخشش اے۔ تے نہ ای ایہہ تہاڈے اعمال دا پھل اے کہ کوئی فخر کر سکے‘‘ (افسیوں2:8، 9).


پچھلی جمعرات دی راتی میں ساڈے گرجا گھر وِچ دعائیہ اِجلاس لئی آیا۔ میں عبادت چہ تبلیغ یا قیادت نئیں کیتی سی۔ لیکن جدوں میں پنڈال دے اخیر چہ بیٹھا ہویا سی تے مینوں اِک نوجوان بندے دے بارے چہ پتا چلیا جیہڑا گمراہ سی۔ عبادت دے اخیر وِچ جدوں دوجے سارے لوکی کمرے توں باہر جا رئے سن تے میں اُوہنوں اپنے کول آن لئی تے اپنے لاگے بین لئی کہیا۔

میں ڈاکٹر ڈی۔ جیمس کینیڈی Dr. D. James Kennedy دی تحریر انجیلی بشارت دے پرچار دی دی تعلیم دا تیز رفتاری نال ودھنا Evangelism Explosion نوں پڑھدا رہیا سی۔ لہٰذا میں سوچیا کیوں نہ اُوس بارے چہ ایس نوجوان تے کوشش کراں جیہڑا ڈاکٹر کینیڈی نے کہیا سی۔ اُو اُوہدے لئی انتہائی سادہ وکھائی دے رہیا سی۔ حالانکہ، اُو اپنی ساری حیاتی ساڈے گرجا گھر چہ آندا رہیا سی۔ اُوہنے لاتعداد انجیلی بشارت دے پرچار دی تعلیم دے واعظاں نوں سُنیا سی۔ کیویں ڈاکٹر کینیڈی دے انتہائی سادہ جہئے خیالات اُوہنوں کوئی ایویں جیہئی شے پیش کر سکدے نے جیہڑی اُو اُوہناں ساریاں واعظاں وِچ جنہاں نوں اُو پہلاں ای سُن چکیا سی سُن نئیں پایا؟ لیکن چونکہ ہر اِک گل جیہڑی اسی کہہ چکے ساں اُوہدے نجات پان چہ مدد نئیں کر پائی سی تے میں سوچیا مینوں شاید ڈاکٹر کینیڈی دے اُو سادہ جیہئی وضاحت وی اُوہنوں پیش کر دینی چائیدی اے۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

میں اُوہنوں کہیا، ’’جے توں اَج دی راتی مر جائے، تے جنت دے پھاٹک تے خُدا دے حضور چہ پیش ہووے – تے خُدا تیہنوں کہوے، ’میں تیہنوں جنت چہ کیوں وڑن دیاں؟‘ تے توں خُدا نوں کی کیہویں گا؟‘‘ اُو کئی لمحیاں تیکر خاموش رہیا۔ فیراُوہنے کہیا، ’’میں خُدا نوں دساں گا کہ میں اِک نیک لڑکا رہ چکیا سی۔‘‘

رومیوں6:23 کہندی اے، ’’خدا دا تحفہ دائمی حیاتی ہوندا اے۔‘‘ جنت اِک مفت دا تحفہ اے۔ ایہنوں قیمت ادا کر کے خریدیا نئیں جاندا یا ایہدا مستحق نئیں بنیا جاندا۔ فیر میں کہیا، ’’کئی وریاں تیکر میں سوچیا تُسی کی کردے۔ مینوں بوہتی زیادہ چنگا ہونا پیندا، تے مینوں جنت نوں ’قیمتاً پانا پیندا‘ تے ایس لئی کم کرنا پیندا۔‘‘

میں مشکلاں نال ای یقین کر پایا جو اُوہنے کہیا۔ لہٰذا میں سوال فیر دہرایا: ’’جے خُدا تیہنوں کہندا، ’میں تیہنوں جنت چہ کیوں وڑن دیاں؟‘ تے توں خُدا نوں کی کیہویں گا؟‘‘ ایس وری میں غور کیتا تے اُوہدی آنکھاں چہ اتھرو سن۔ لیکن اُوہنے اُوہی جواب دِتا، ’’میں خُدا نوں دساں گا کہ میں اِک نیک لڑکا رہ چکیا سی۔‘‘ ایتھے اِک نوجوان بندہ سی اپنی بلوغت دی دہائی دے اَخیر وِچ جیہڑا اپنی ساری حیاتی ساڈے گرجا گھر وِچ رہ چکیا سی – اِتوار دے سویرے تے اِتوار دی شام نوں، تے ہفتے دے وچکار چہ دعائیہ اِجلاساں وِچ وی۔ ایہدے باوجود اُوہدا جواب واضح سی – اُو نیک کماں دے وسیلہ نال نجات وچ یقین رکھدا سی۔ تے اُو افسیوں2:8،9 وِچ یقین نئیں رکھدا سی!!!

میں اُوہنوں نئیں جِھڑکیا۔ میں صرف کہیا، ’’اگلے چند اِک منٹاں چہ میں تنیوں اِک اینی عظیم ترین خبر سُناواں گا جیہڑی توں ایس توں پہلاں کدی وی نئیں سُنی ہووے گی۔‘‘ فیر میں اُوہنوں اپنی بائبل وِچوں افسیوں2:8،9 آیت نوں آپئے ویکھن تے پڑھن لئی کہیا۔

’’کیوں جے تہانوں ایمان دے وسیلہ نال فصل ای توں نجات ملی اے تے ایہہ تہاڈی کوششاں دا نتیجہ نئیں بلکہ خُدا دی بخشش اے۔ تے نہ ای ایہہ تہاڈے اعمال دا پھل اے کہ کوئی فخر کر سکے‘‘ (افسیوں2:8، 9).

فیر میں کہیا، ’’آ ہُن بائبل وِچ اُوہناں لفظاں نوں ذرا ہور قریب نال وکھنے آں۔‘‘ ایہہ شروع ہوندے نے ’’فضل دے وسیلہ نال تہانوں نجات ملدی اے۔‘‘ فضل اِک تحفہ اے، ’’ایہہ خُدا دا تحفہ ہوندا اے۔‘‘ جنت اِک تحفہ اے – دائمی حیاتی دا تحفہ۔ فیر میں رومیوں6:23 دے دوجے اَدھے حصے دا حوالہ دِتا، ’’خُدا دا تحفہ دائمی حیاتی ہوندا اے۔‘‘ جنت اِک مفت دا تحفہ اے۔ اینوں قیمت چکا کے یا ایہدا مستحق بن کے حاصل نئیں کیتا جا سکدا۔ فیر میں کہیا، ’’کئی وریاں تیکر میں سوچیا تُسی کی کردے۔ مینوں کافی نیک ہوندا پیندا، تاں جے میں جنت نوں ’حاصل‘ کر سکاں تے ایہدے لئی کم کراں۔ فیر آخر کار مینوں پتا چلیا کہ جنت تے مفت دا اِک تحفہ اے – قطعی طور تے مفت چہ! اُوس گل نے مینوں حیرت چہ مبتلا کر چھڈیا! بائبل کہندی اے، ’ایمان دے وسیلہ نال فضل ای توں تُسی نجات پائی اے – ایہہ تہاڈے اعمال دا پھل نئیں اے کہ کوئی فخر کر سکے‘ (افسیوں2:8،9)۔‘‘

فیر میں اُوہنوں دسیا کہ ’’گناہ سب نے کیتا اے تے خُدا دے جلال توں محروم نے‘‘ (رومیوں3:23)۔ اَسی اپنے لفظاں چہ، خیالات چہ تے اعمال چہ گناہ کر چکے آں۔ ساڈے وِچوں کوئی اِک وی جنت نوں پان لئی اِینا نیک نئیں اے۔ اَسی انتہائی بوہتی کامل ہو ای نئیں سکدے۔

لیکن خُدا رحم نال پرہیا اے۔ اُو سانوں سزا دینا نئیں چاہندا۔ لیکن خُدا منصف وی اے – ایس لئی اُوہنوں سانوں سزا دینی چائیدی اے۔ خُداوند نے اپنی حکمت وِچ حل ویکھیا۔ خُداوند نے سانوں نجات دلان لئی اپنے پُتر نوں بھیجن دے وسیلہ نال ایس مسئلہ نوں سُلجھایا۔ یسوع کون اے؟ یسوع انسان دی ہیت وِچ خُدا اے۔ بائبل دے مطابق یسوع مسیح خُدا اے، تثلیث دی دوجی ہستی۔ تے بائبل کہندی اے کہ یسوع ’’مجسم ہویا تے ساڈے وِچکار خیمہ زن ہویا‘‘ (یوحنا1:1،14)۔ اُو انسان دی ہیت وِچ خُدا، صلیب تے قربان ہویا تے ساڈے گناہ دا کفارہ ادا کرن لئی مُردیاں وِچوں زندہ ہویا تے سانوں جنت وِچ ابدی حیاتی بخشی۔ یسوع نے صلیب تے خود ساڈے گناہواں نوں چُک لہیا۔ مسیح نے ’’خُود اپنے بدن تے ساڈے گناہواں نوں لد لہیا‘‘ (1پطرس2:24)۔ اُو تِن دِناں تیکر قبر چہ دفن رہیا۔ لیکن اُو مُردیاں وِچوں جی اُٹھیا تے جنت چہ تُڑ گیا، ساڈے لئی اِک تھاں تیار کرن دی خاطر۔ ہُن یسوع جنت وِچ دائمی حیاتی دی پیشکش کردا اے – ساڈے لئی اِک مفت تحفہ دے طور تے۔ اسی اینوں کیویں پائیے؟ اسی اُوس تحفہ نوں ایمان دے وسیلہ نال پاندے آں! ’’کیوں جے تہانوں ایمان ای دے وسیلہ نال فضل نال نجات ملی اے‘‘ (افسیوں 2:8).

یسوع وچ ایمان جنت دے دروازیاں نوں کھولدا اے۔ ایمان محض عقلی رضامندی نئیں ہوندا اے۔ ایتھوں تیکر کہ ابلیس تے آسیب وی یسوع دی الوہیت وچ یقین رکھدے نے۔ لیکن اُوہناں نے نجات نئیں پائی۔ ایمان ایس حیاتی وچ صرف شیواں نوں حاصل کرن لئی نئیں ہوندا اے – جیویں صحت، پیسہ، تحفظ تے رہنمائی – اُو شیواں جنہاں دا ایس حیاتی نال تعلق ہوندا اے اُو گزر جاندیاں نے۔

ایمان، بائبل دے مطابق، تنہا یسوع وچ پرہوسا کرنا ہوندا اے۔ مسیح سانوں جنت وچ لے جان لئی آیا تاں جے سانوں ابدی حیاتی حاصل ہووے! بائبل کہندی اے، ’’خُداوند یسوع مسیح تے ایمان لہیا تے تُو نجات پائے گا‘‘ (اعمال 16:31).

لوکی دو گلاں وچوں اِک تے پرہوسا کردے نے – یا تے خود تے یا یسوع مسیح تے۔ میں اِک کافی چنگی حیاتی بسر کرن لئی خود اپنی کوششاں وچ پرہوسا کر رہیا سی۔ فیر مینوں احساس ہویا کہ مینوں خود تے پرہوسا کرن توں رُکن دی لوڑ سی تے اُوہدے بجائے یسوع تے پرہوسا کرنا چائیدا اے۔ میں اوہی کیتا – تے یسوع نے مینوں دائمی حیاتی دا تحفہ بخشیا۔ ایہہ اِک تحفہ سی، ’’نا کہ اعمال دی وجہ نال۔‘‘

آؤ مینوں وکھان دیو کیویں ایہہ ایس کُرسی دے نال کم کردا اے۔ کی تُسی یقین رکھدے اُو ایہہ کرسی تہانوں سہارا دوے گی جے تُسی ایدے تے بیندے اُو؟ (جی ہاں)۔

لیکن ایہہ مینوں ہُن سہارا نئیں دے رئی اے – کیوں جے میں ایدے تے بیٹھیا ہویا نئیں آں۔ میں کیویں ثابت کر سکنا آں کہ میں واقعی چہ اُوس کرسی تے پرہوسا کردا آں؟ ایہہ دُرست اے، اُوہدے تے بین دے ذریعے نال!

ایہو ای اے جیہڑا سانوں یسوع نال کرنا چائیدا اے۔ تہانوں اپنے آپ نوں جنت وچ لے جان لئی اُوس [یسوع] تے انحصار کرنا چائیدا اے۔ تُسی کہیا، ’’میں خُدا نوں کہواں گا کہ میں اِک نیک مُنڈا سی۔‘‘ تہاڈے جواب وچ واحد ہستی کون اے؟ (تُسی)۔

تُسی کسے تے پرہوسا کر رئے سی خود نوں جنت وچ لے جان لئی جدوں تُسی اُو کہیا؟ (ایہہ دُرست اے، خود تے

دائمی حیاتی پان لئی تہانوں خود تے پرہوسا کرن توں رُکنا پئے گا، تے اُوہدے بجائے یسوع تے پرہوسا کرنا پئے گا۔ (خالی کُرسی تے بوّو)۔

کی اُوہدے توں تہاڈی سمجھ وچ کُج آیا؟ ہُن خُدا تہانوں جیہڑا سوال پُچھ رہیا اے اُو ایہہ اے – ’’کی تُسی بالکل ہُنے ای دائمی حیاتی دا تحفہ پانا چاہو گے؟‘‘ (جی ہاں، میں چاہاں گا)۔

میں ہُن دعا منگاں گا، ’’میں دعا منگدا آں کہ تُو میرے دوست نوں بالکل ہُنے ای دائمی حیاتی دا تحفہ بخش دے۔‘‘

ہُن، یسوع ایتھے ای اے، تے اُو تہانوں سُن سکدا اے۔ میں چاہنا آں کہ تُسی یسوع نوں دسو جے تُسی واقعی چہ دائمی حیاتی پانا چاہندے اُو۔ اُوہناں لفظاں نوں دہراؤو جیہڑے میں بولاں، لیکن اُوہناں نوں یسوع نوں کہوو،

’’یسوع، میں تیرے تے بالکل ہُنے ای پرہوسا کرنا چاہنا آں۔ میں اِک گنہگار آں۔ میں خود تے تے خود اپنیاں اچھائیاں تے پرہوسا کردا رہیا آں۔ ہُن میں تیرے تے پرہوسا کرنا چاہنا آں خُداوند یسوع۔ میں تیرے تے ہُنے پرہوسا کردا آں۔ میں یقین کردا آں کہ تُو میرے گناہواں دی ادائیگی لئی قربان ہو گیا۔ میں تیرے تے ہُنے ای پرہوسا کردا آں، یسوع۔ میں اپنی خود دیاں اچھائیاں تے اپنے گناہواں توں مُنہ موڑدا آں۔ میں تیرے تے پرہوسا کردا آں۔ میں دائمی حیاتی دے مفت دے تحفے نوں قبول کردا آں۔ یسوع، تیرے ای ناں نال منگنا آں۔ آمین۔‘‘

ہُن، میں تہاڈے لئی دعا منگاں گا۔ ’’یسوع، تُو اُو دعا سُن چُکیا اے جیہڑی میرے دوست نے منگی اے۔ میں دعا کردا آں کہ اُو اپنی روح وچ اینوں سُن لوے گا، تیری اواج کہندی ہوئی، ’تیرے گناہ تینوں معاف ہوئے۔‘ ’اُو جیہڑا میرے وچ پرہوسا کردا اے کدی وی فنا نئیں ہووے گا، بلکہ ہمیشہ دی حیاتی پائے گا۔‘ یسوع دے ناں وچ میں دعا منگدا آں، آمین۔‘‘

ہُن میں چاہواں گا کہ تُسی یوحنا 6:47 اُوچی اواج نال پڑھو۔

’’میں تہانوں سچ سچ کہنا آں کہ جیہڑا کوئی ایمان لہیاندا اے ہمیشہ دی حیاتی اُوہدی اے۔‘‘

اِک احساس دی تلاش مت کرو۔ ایمان دے اِک سادہ جئے عمل دے ذریعے نال تُسی اپنا پرہوسا یسوع مسیح وچ کیتا اے۔ کی اُو دُرست اے؟

اپنی نجات لئی تُسی ہُن کیس تے پرہوسا کر رئے اُو؟ (یسوع مسیح)۔

نجات دلان آلے ایمان دا مطلب ہوندا اے دائمی نجات لئی یسوع تے پرہوسا کرنا۔ کی ایہو ای اے جیہڑا تُسی ہُنے ہُنے کیتا اے؟ (جی ہاں)۔

یسوع کہندا اے کہ کوئی وی جیہڑا ایہہ کردا اے ہمیشہ دی حیاتی پاندا اے۔ کی تُسی ہُنے ہُنے اُو کیتا سی؟ (جی ہاں)۔

ہُن جے تُسی اج دی راتی سوندے ہوئے مر جاندے اُو تے خُدا تہانوں پُچھے اُو تہانوں کیوں جنت وچ جان دئے تے تُسی کی کہوو گے؟ (میں دائمی حیاتی لئی یسوع تے پرہوسا کر رہیا آں)۔

دوست، جے تہاڈا واقعی چہ اوہی مطلب اے جیدی تُسی ہُنے ہُنے دعا منگی سی تے یسوع تہاڈے گناہواں نوں معاف کر چُکیا اے تے تُسی بالکل ہُنے ہُنے دائمی حیاتی پا چکے اُو!

میں چاہنا آں کہ تُسی روزانہ یوحنا دی انجیل دا اِک باب پڑھو۔ یوحنا دی انجیل وچ 21 باب نے۔ تُسیروز اِک باب پڑھو، تے صرف تِن ہفتیاں وچ تُسی یوحنا دی انجیل پڑھ چُکے ہوو گے۔

میں چاہنا آں کہ تُسی اِک ہستی نوں دسو اج دی راتی تہاڈے نال کی رونما ہویا۔ اُو ہستی کون ہوئے گی؟ (میرا پراہ)۔

کی تُسی اُوہنوں دسو گے تُسی اج دی راتی یسوع تے پرہوسا کیتا؟ (جی ہاں)۔

ہُن، میں اگلے اتوار نوں تہانوں لین لئی آنا چاہواں گا تے اپنے نال تہانوں گرجا گھر لے جاواں گا۔ کی میں تہانوں اِتوار دی سویر میرے نال جان لئی لین آواں؟ (جی ہاں)۔ جے اُوہدے توں پہلاں تُسی میرے نال گل کرنا چاہندے اُو، تے مہربانی نال مینوں فون کرو۔ میرا فون نمبر ایتھے اے۔

ہُن، محض اِک لمحے لئی، کی اسی تہاڈی جان بچان تے تہانوں ابدی حیاتی بخشن لئی یسوع نوں شکر ادا کرئیے؟ (دعا کرو)۔

ہُن، میں چاہواں گا تُسی افسیوں 2:8،9 اُوچی اواج نال پڑھو۔

’’کیوں جے تہانوں ایمان دے وسیلہ نال فصل ای توں نجات ملی اے تے ایہہ تہاڈی کوششاں دا نتیجہ نئیں بلکہ خُدا دی بخشش اے۔ تے نہ ای ایہہ تہاڈے اعمال دا پھل اے کہ کوئی فخر کر سکے‘‘ (افسیوں2:8، 9).

یاد رکھو کہ ساری دُنیا وچ ہزاراں دی تعداد وچ لوکی ایس سادہ جئے طریقہ کار دے وسیلے نال سچے طور تے مسیح وچ ایمان لہیا کے تبدیل ہو چکے نے۔ باوجود ایدے کہ اُو ہُنے تیکر پُریقین نئیں نے، اپنے چہرے تے مسکراہٹ دے نال ملاقات دا اِختتام کرو تے کم از کم اُوہناں توں وعدہ لوو کہ اُو روز یوحنا دی انجیل دا اِک باب پڑھن گے۔ جے تُسی اُوہناں نوں ناراض نئیں کردے تے تہانوں اُوہناں دے نال گل کرن دا اِک ہور موقعہ نصیب ہو جاوے گا۔

ایس واعظ نوں اپنے نال گھر لے جاؤو۔ اینوں فیر پڑھو جدوں تیکر تُسی یاداشت دے سہارے خیالات نوں پیش نہ کر پاؤو۔ اینوں بالکل اُوسی ویلے اِک بیلی یا رشتہ دار تے آزماؤو۔ تُسی شاید حیران رہ جاؤ کہ اُو واقعی چہ دلچسپی دا اظہار کرن گے تے تہاڈے نال گرجا گھر آن گے!


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔