ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
مسیح ہیکل نوں پاک صاف کردا اے – کِنّی شاندار گل اے!CHRIST CLEANSES THE TEMPLE – WOW! ڈاکٹر آر۔ ایل۔ ہائیمرز، جونیئر ولّوں لاس اینجلز دی بپتسمہ دین آلی عبادت گاہ وچ دِتا گیا اک واعظ ’’تے یسوع ہیکل وِچ داخل ہویا تے اُوہنے اُوہناں ساریاں نوں جیہڑے اُوتھے لین دین کر رئے سن باہر کڈ دِتا۔ اُوہنے صرّافاں دیاں میزاں تے کبوتر فروشاں دیاں چوکیاں اُلٹ دِتیاں تے اُوہناں نوں کہیا کہ لکھا اے کہ میرا گھر دعا دا گھر کہلائے گا لیکن تُسی اِینوں ڈاکوؤاں دا اڈا بنا رکھیا اے۔ تے فیر کئی اَنّے تے لنگڑے ہیکل وِچ اُوہدے کول آئے تے اُوہنے اُوہناں نوں شفا بخشی۔ لیکن جدوں سردار کاہناں تے شریعت دے عالماں نے اُوہدے معجزے ویکھے تے ہیکل وِچ مُنڈیاں نوں اِبنِ داؤد دی ہوشعنا پکاردے ویکھیا تے غصّہ نال بھر گئے‘‘ (متی21:12۔15)۔ |
نوے عہدنامے وچ یسوع دی اُو اِک تصویر اے۔ ایناں آیات وچ اُو یہوداہ دا شیر اے۔ ایہہ اُو یسوع اے جیدے بارے وچ تُسی شاذونادر ای زیادہ تر ایونجیلیکل گرجا گھر وچ سُنندے اُو۔ ایدے باوجود اُو ایہی یسوع اے جیدی لوڑ ایمان نال برگشتگی دے ایس دور وچ پیندی اے۔ اسی اج ایمان نال برگشتگی دے اِک گہرے دور وچ حیاتی بسر کر رئے آں۔ میں نے اج دی مسیحیت Christianity Today دی اِک نقل موصول کیتی جیہٹری اُوہناں تمام پادری صاحبان نوں بھیجی گئی سی جنہاں نے اُوس میگزین لئی چندہ دِتا سی۔ میں مشکلاں نال ای اپنیاں اکھاں تے یقین کر پایا جدوں میں روبوٹس نال جنسی تعلق تے اِک پورے صفحے دا آرٹیکل ویکھیا۔ جے تہانوں عبادت دے بعد اینوں ویکھن دی پرواہ اے تے میرے کول ایتھے اُوہدی اِک نقل اے۔ اج دی مسیحیت Christianity Today تجویز کیتا گیا تصور ایہہ سی – کہ پادری صاحبان نوں اپنے گرجا گھر دے ممبران دے وچکار روبوٹس دے نال جنسی تعلق رکھن نوں قبول کر لینا سِکھنا چائیدا اے۔ ایہہ ایہہ ایویں کیس قدر ڈِگے ہوئے ایونجیلیکلز ساڈے زمانے وچ ہو چکے نے۔
ڈاکٹر ڈیوڈ ایف۔ ویلز Dr. David F. Wells نے کہیا، ’’ایونجیلیکلز ہُن اُوہناں لوکاں دے وچکار کھلوتے نے جیہڑے دورِ حاضرہ دی دُنیا دے نال آسان ترین شرائط تے سرتسلیم خم کیتے ہوندے نے، کیوں جے اُو اِختلاف کرن دی قابلیت نوں کھو چکے نے۔ اِختلاف رائے دی بحالی ای اُو شے اے جیدی سب توں ودھ لوڑ اے‘‘ (ڈیوڈ ایف۔ ویلز David F. Wells، سچائی لئی کوئی جگہ نئیں No Place for the Truth، صفحہ 288)۔ ڈاکٹر ویلز گل جاری رکھدے ہوئے کہندے نے کہ پولوس رسول نوں اج کل دے ایونجیلیکلز حلقیاں وچ خوش آمدید نئیں کیتا جائے گا۔ اُوہناں نوں ’’غالباً لعن طعن کیتا جائے گا [تے] اپنے اخیرلے دِناں نوں گزارن لئی وڈھیرے لوکاں دے گھر وچ چھڈ دِتا جائے گا‘‘ (ibid.، صفحہ291)۔ کی ایویں ای نئیں اے جیہڑا ماضی دے لوکاں نال ہو چُکیا اے؟ کون اے جیہڑا اج ڈاکٹر جان آر۔ رائیس Dr. John R. Rice دا حوالہ دیندا اے؟ اے۔ ڈبلیو۔ ٹوزر A. W. Tozer نوں اِک بدعتی تے دیوانی اکھ آلا ’’اِسرار‘‘ کہیا جاندا اے۔ اُو اُوہناں نوں ایویں ایس لئی کہندے نے کیوں جے ٹوزر نے کُج ایس قسم دیاں گلاں کیتیاں نے – ’’دورِ حاضرہ دے ایونجیلیکلز دا خُدا اُو آلا خُدا نئیں اے جیدا میں بوہتا زیادہ احترام کردا آں‘‘ (’’پرستش: ایونجیلیکل گرجا گھراں وچ گمشدہ زیور Worship: The Missing Jewel in the Evangelical Church‘‘)۔
+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔
+ + + + + + + + + + + + + + + + + + + + + + + + + + + + + + + + + + + + + + + + +
انجیلی بشارت دا پرچار کرن آلیاں [ایونجیلیکلز] دی تعلیم دی دُنیاداری دے بارے وچ مسیح کی سوچدا اے؟ ’’یسوع ہیکل وچ داخل ہویا … تے اُوہنے صرّافیاں دیاں میزاں تے کبوتر بازاں دیاں میزاں اُلٹ دِتیاں‘‘ (متی 21:12). سانوں اج اپنے گرجا گھراں وچ یہوداہ دے شیر نوں کھُلا چھڈن دی لوڑ اے!!!
ڈاکٹر ویلز گورڈن کونویل علم الہیٰات دی سیمنری Gordon-Conwell Theological Seminary وچ اِک جانے مانے عالم الہٰیات نے۔ اُوہناں نے ایہہ کہیا:
’’1960، 1970 تے 1980 دی دہائیاں وچ [ایونجیلیکلز ممبران] دے بوہتے وڈے اضافے نوں امریکی تہذیب وچ ہُن تیکر تے انقلابی تبدیلی لے آنی چائیدی سی۔ [لیکن] ایہہ تے [اُولیواس تے چعین وگرے لوکاں دی وجہ نال] مشغول رئی تے سدھائی جاندی رئی… امریکی تہذیب وچ ایونجیلیکلز دی موجودگی مشکلاں نال ای کسے لہر دا سبب بنی‘‘ (ibid.، صفحہ293)۔
کوئی نئیں جانندا کہ اُو وجود رکھدے نے!
میں اُوہناں ای گلاں نوں کہن دی وجہ نال جنہاں نوں ڈاکٹر جان آر۔ رائیس، ڈاکٹر ڈبلیو۔ اے۔ ٹوزر اور ڈاکٹر ڈیوڈ ویلز کہہ چکے نے ’’فرقے‘‘ دا رہنما کہلایا جاندا رہیا آں۔ تنہا مینوں ای کیوں لہیا جائے؟ ڈاکٹر ویلز نے کہیا، ’’ایونجیلیکل دُنیا وچ مُقلدیت یا تقلید قوت نال بھرپور اِک طاقت اے، تے ایہہ جلد ای تنہا اختلافِ رائے رکھن آلیاں دا دم گھُٹ دیندی اے‘‘ (ibid.، صفحہ 295)۔
لیکن میں انقلابی تبلیغ کرنا نئیں چھڈاں گا! کیوں نئیں؟ کیوں جے لوکاں نوں اینوں سُنن دی لوڑ اے –پہلاں دے مقابلے چہ ہُن بوہتا زیادہ!
بوہتا ویلہ نئیں لنگیا مینوں ٹیلی ویژن تے بائبل دی تعلیم دین لئی کہیا گیا سی۔ مینوں صرف اِک گل نوں بدلن لئی کہیا گیا سی۔ اُو بندہ جیہڑا میری خدمات حاصل کرنا چاہندا سی اُوہنے مینوں کہیا سی کہ مینوں بائبل دی تعلیم آیت بہ آیت دینی چائیدی اے، تے مینوں ایس طرح دے واعظاں دی منادی چھڈنی چائیدی اے۔ میں نےاُوہدے بارے چہ سوچیا، لیکن بوہتی دیر تیکر نئیں۔ میں شاید ویڈیراں آں، اپنے گوڈیاں چہ آرتھرائٹس دی بیماری دے نال میں شاید اُوسی طاقت دے نال کھلون تے گل کرن دے قابل نئیں آں جیویں کہ میں پہلاں کدی ہویا کردا سی۔ لیکن میں سوچیا، رچرڈ وورمبرانڈ تبلیغ کرن لئی کھلو نئیں سکدے سن۔ اشتراکیت پسنداں نے اُوہناں دے تلوویاں تے مار مار کے گودا کر چھڈیا سی تے اُو بولن لئی کھلو نئیں سکدے سی۔ لیکن ساڈے گرجا گھر وِچ اُو بیھ کے ہمیشہ بولے۔ تے دونواں نے میں تے ڈاکٹر کیگن اُوہناں دی تبلیغ توں انتہائی شدید متاثر ہوئے سن۔ لہٰذا میں بیٹھاں گا تے میں بولاں گا۔ لیکن میں اشتراکیت دے خلاف نئیں بولاں گا جیویں اُوہناں نے کیتا۔ ایہدے بجائے میں نوی ایونجیلیکل تعلیم دے خلاف بولاں گا!
چند ای دِن پہلاں میں وال سٹریٹ جورنل Wall Street Journal وِچ اِک آرٹیکل پڑھیا سی۔ کاش میں اُوہنوں سنبھال کے رکھیا ہوندا، لیکن اُو سُٹیا جا چکیا اے۔ اُو اخبار دے پہلے صفحے تے سی۔ اُوہدے چہ اَج دے گرجا گھراں دی شماریات پیش کیتی گئی سی۔ ایہہ پڑھنا دھچکا خیز سی کہ گذشتہ دس وریاں چہ ایونجیلیکل گرجا گھراں دی تعداد شدت دے نال گھٹ ہوئی سی، کُج وی، کُج تی فیصد۔ ایہو ای کُج ہیکل وِچ رونما ہویا سی جدوں یسوع نے ’’اُوہناں ساریاں نوں جیہڑے اُوتھے لین دین کر رئے سن نکال باہر کیتا سی۔‘‘
لیکن یسوع دے ہیکل نوں پاک صاف کر چکن دے بعد، اَسی پڑھنے آں کہ شاندار گلاں رونما ہوئیاں سن۔ متی24:14 تے 15 آیت تے نظر پاؤ،
’’تے فیر کئی اَنّے تے لنگڑے ہیکل وِچ اُوہدے کول آئے تے اُوہنے اُوہناں نوں شفا بخشی۔ لیکن جدوں سردار کاہناں تے شریعت دے عالماں نے اُوہدے معجزے ویکھے تے ہیکل وِچ مُنڈیاں نوں اِبنِ داؤد دی ہوشعنا پکاردے ویکھیا تے غصّہ نال بھر گئے‘‘ (متی21:14، 15)۔
اَنّے تے لنگڑے ہیکل وِچ یسوع دے کول آئے سن جدوں اُوہنے اینوں پاک صاف کر لہیا سی، ’’تے اُوہنے اُوہناں ساریاں نوں شفا بخشی سی‘‘ (21:14)۔ فیر اُو نوجوان لوکی، جو غالباً اُوتھے زیادہ ویلے نئیں رئے سن، اُوہناں نے اُوتھے یسوع نے بولدیاں سُنیا تے پکار اُٹھے، ’’اِبنِ داؤد نوں ہوشعنا‘‘ (21:15)۔ صرف جیہڑے لوکی ’’غصے نال بھر گئے‘‘ سن اُو سردار کاہن تے شریعت دے عالم سن – اُوس زمانے دے ایونجیلیکل رہنما!
پچھلے تی وریاں وِچ میں دو وری، ساڈے گرجا گھر دی تقسیم دا سامنا کر چکیا واں۔ دوویں وری اُو تقسیم اُوس ویلے ہوئی سی جدوں اُوہناں بزدل لوکاں نے مینوں ’’ایس قدر سخت تبلیغ کرن توں روکن‘‘ لئی بُلایا سی۔ کُج سادہ لوح لوکاں نے سمجھیا سی اُو شاید صحیح سن – تے اُوہناں دی پیروی کیتی۔ اُوہناں نے اپنے جلسیاں دی توجہ تبلیغ تے رکھن دے بجائے ’’رفاقت‘‘ تے رکھی سی۔ لیکن کُج ویلے دے بعد لوکاں نے چھڈنا شروع کر دِتا۔ اُوہی شے ہُن دوجے گروہ وِچ وی رونما ہو رئی اے۔ اُوہناں دے جلسیاں دی ساری دی ساری توجہ ’’رفاقت،‘‘ آرام تے تحفظ تے مرکوز اے – حفاظت دے آلے دوالے گھمدی ہوئی۔ جدوں کہ ساڈے جلسے للکارن، مہم جوئی کرن تے پھیلن دے آلے دوالے گھمدے نے۔ نوجوان لوکاں نوں تحفظ یا آرام نئیں سُکھاندا۔ تحقیق ظاہر کردی اے کہ نوجوان بالغاں نوں گرجا گھر وِچ حاضر ہون وِچ ذرا جہئی وی دلچسپی نئیں ہوندی۔ زیادہ تر جوان لوکاں دا گرجا گھر توں کوئی تعلق ای نئیں ہوندا۔ اُو گرجا گھر جنہاں دی تقسیم ہوئی اُو وڈھی عمر دی عورتاں تے بڈھے مرداں نال بنے ہوئے ہون گے، 50 ورے تے اُوس توں زیادہ عمر دے لوکاں نال۔ آن آلے مستقبل وِچ نوجوان بالغ 18 تے 29 ورے دی عمر دے نوجوان اُوتھے نئیں ہون گے۔ کیوں؟ کیوں جے نوجوان لوکی بور ہو جاندے نے۔ نوجوان لوکی اَج ایونجیلیکل گرجا گھراں وِچ حفاظت تے پُر امنی دی وجہ توں بور ہو جاندے نے۔
یسوع نے ابتدائی کلسیا نوں خطرہ مول چُکن لئی دسیا سی، مہم جو تے دلیر ہون لئی کہیا سی۔ ڈیوڈ میورو David Murrow کہندے نے، ’’دوواں جنساں دی چھوٹی بڈھی عورتاں دی تھاں دی حیثیت نال جے اَسی اپنی ساکھ توں پِچھا چُھڈانا چاہنے آں تے سانوں یسوع دی پیروی کرن دے چیلنج نوں دوبارہ توں تھامنا چائیدا اے۔ جدوں نوجواں لوکی گرجا گھر نوں حیاتی نوں چیلنج کرن آلی اِک تھاں دی حیثیت نال ویکھاں گے تے اُو آن گے‘‘ (لوکی کیوں گرجا گھر جان توں نفرت کردے نے Why Men Hate Going to Church دا پہلا ایڈیشن، صفحہ 21)۔
جدوں جیک نعان Jack Ngann پہلی وری ایتھے آئے، تے اُوہناں نے سوچیا سی کہ نوے ایونجیلیکلز شاید صحیح ای ہون۔ میں اُوہناں نوں کئی دِناں تیکر کلوری چیپل Calvary Chapel جان لئی کہیا۔ فیر واپس آؤو تے میرے نال گل کرو۔ اُو ساڈے کول واپس آن لئی تقریباً نٹھ پئے سن! آمین!
آؤ مینوں تہانوں بے شمار مثالاں وچوں اِک دے ذریعے ایہہ دسن دیو کیویں ابتدائی بپٹسٹ گرجا گھر ابتدائی امریکہ وچ پھیلے سن۔ محترم جیمس آئرلینڈ Rev. James Ireland نوں ’’خُدا دے پُتر دی خوشخبری دی منادی‘‘ کرن دی وجہ نال قید وچ ڈال دِتا گیا سی۔ اُوہناں دے دشمناں نے اُوہناں نوں بارود دے ذریعے نال اُڑان دی کوشش کیتی سی۔ جدوں اُو اُوہنوں نہ روک پائے، اُوہناں نے اُوہناں دے جیل دی باری دے تھلے سلفر نوں جلان دے ذریعے نال اُوہناں دا دم موت دی حد تیکر گھوٹن دی کوشش کیتی۔ جدوں اُو ایدے چہ ناکام رئے، تے اُوہناں نے اُوہناں نوں زہر دین لئی اِک ڈاکٹر دی خدمات حاصل کیتیاں۔ ایس سب وچ اُو ناکام رئے۔ جیمس آئرلینڈ نے قیدخانے دی باری وچوں لوکاں نوں تبلیغ کردے رہنا جاری رکھیا سی۔ فیر اُوہناں دے دشمناں نے جیل دے آلے دوالے اِک دیوار تعمیر کر دِتی تاں جے لوکی مبلغ نوں ویکھ ای نہ پان۔ لیکن اُو اُوہدے وچ وی ناکام رئے۔ لوکی اُوہناں دی تبلیغ سُنن لئی اکٹھے ہو جاندے تے اِک لمبی جئی چھڑی تے اِک رومال بنیا جاندا تے اُوہنوں دیوار توں اُچا کیتا جاندا تاں جے مبلغ ویکھ پائے کہ اُو لوکی تیار سن۔ اُو تبلیغ جاری رئی سی تے بپتسمہ دین آلیاں [بپٹسٹاں] دے دشمناں نے ہمت ہار دتی! ایس طریقے نال ساڈے آباؤاِجداد نے اپنے دشمناں تے فتح پائی سی تے ورجینیا دی ریاست وچ پہلے بپتسمہ دین آلے گرجا گھراں دی تعمیر کیتی سی! آمین!
میں اپنے گھر وچ ہفتیاں تیکر اُلجھن وچ مُنہ لُکا کے گزار چُکیا واں، ہمت ہارن لئی تیار۔ لیکن اخیرلی راتی خداوند میرے نال ہمکلام ہویا – ’’ہائیمرز، واپس جا تے لین دین کرن آلیاں دیاں میزاں نوں اُلٹ دے۔‘‘ تے میں خُداوند نوں کہیا، ’’ٹھیک اے۔ میں ایہہ کراں گا چاہے ایدے چہ میری جان ای چلی جائے!‘‘
ایہہ اے جیدی مینوں لُوڑ اے۔ مینوں نوجوان مرداں تے عورتاں دی اِک فوج دی لُوڑ اے جیہڑی باہر جائے تے مسیح دی خاطر سان گیبرئیل نوں سنبھالے!’’ایہدے چہ حصّہ‘‘ نہ پائے – ایہنوں ہتھیا لین! میں چاہنا واں کہ تُسی اُوتھے باہر جاؤ تے ناں حاصل کرو، تے پُرجوش ہو جاؤ، تے اَسی نوجوان لوکاں نوں گرجا گھراں چہ لے آواں گے! ایہہ آسان نئیں ہووے گا! ایہہ مشکل ہووے گا۔ ایدے وچ حوصلہ دی لوڑ پئے گی! ایدے بارے چہ دو وری سوچو! مہربانی نال، کوئی جذبات نئیں۔ کہوو، ’’ڈاکٹر ہائیمرز، جے تُسی خوشخبری دی منادی سخت کرو گے، تے اسی اُوہناں نوں اندر [گرجا گھر وچ] لہیان لئی جاواں گے۔‘‘ آمین۔ جے تُسی کہندے اُو، ایس گل لئی ’’جی ہاں‘‘، تے اپنی کُرسیاں توں اُٹھو، تے ایتھے اگے تشریف لہیاؤ تے گوڈیاں تے ہو جاؤ۔ فیر میں تہاڈے لئی دعا منگاں گا تے تہانوں کی کرنا اے دساں گا۔ صرف نوجوان لوکی ٹری آن، بالکل ہُنے! آمین!
جے تُسی ایہہ واعظ پڑھ رئے اُو، یا ساڈی ویب سائٹ تے اینوں ویکھ رئے اُو، تے اپنے پادری صاحب نوں ایس واعظ دی منادی کرن لئی تیار کرو تے نوجوان لوکاں نوں ایہو جئے ای چیلنج کرو جیویں اسی اج دی راتی کیتا اے۔ آمین۔
میں تہانوں اِنساناں نوں پھڑن آلا بناواں گا،
اِنساناں نوں پھڑن آلا، اِنساناں نوں پھڑن آلا۔
میں تہانوں اِنساناں نوں پھڑن آلا بناواں گا
جے تُسی میرے پِیچھے ہو لوو!
(’’میں تہانوں اِنساناں نوں پھڑن آلا بناواں گا I Will Make You Fishers of Men‘‘
شاعر ھیری ڈی۔ کلارک Harry D. Clarke، 1888۔1957)۔
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔