Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




اِک شاگرد کی ہوندا اے؟

WHAT IS A DISCIPLE?
(Punjabi – A Language of Pakistan)

ڈاکٹر کرسٹوفر ایل۔ کیگن وَلّوں
by Dr. Christopher L. Cagan

لاس اینجلز دی بپتسمہ دین آلی عبادت گاہ وچ دِتا گیا اک واعظ
خُداوند دے دِن دی شام، 13 اکتوبر، 2019
A sermon preached at the Baptist Tabernacle of Los Angeles
Lord’s Day Evening, October 13, 2019

’’کوئی شاگرد اپنےاُستاد توں وڈھا نئیں ہوندا لیکن جدوں پوری طرح تربیت پائے [بالکل تیار، مکمل ہو جائے] گا تے اپنے اُستاد وانگوں ہو جاوے گا‘‘ (لوقا6:40)۔


اِک شاگرد کی ہوندا اے؟ اِک شاگرد اُو انسان ہوندا ے جیہڑا اپنے اُستاد دی پیروی کردا اے تے اُوہدی نقل کردا اے۔ جے تُسی اُنج کردے اُو تے تُسی اپنے اُستاد وگرے ہو جاندے اُو۔ اِک شاگرد مسیح دی پیروی کردا اے تے مسیح دی نقل کردا اے، کیوں جے اُوہی ساڈا خُداوند اے۔ جے تُسی اُنج کردے اُو تے تُسی یسوع وگرے ہو جاؤ گے۔ کِنّی شاندار گل اے! اُوہدا تصور کرو – میں یسوع وگرا ہو سکنا واں! تُسی یسوع وگرے بن سکدے اُو! تُسی کہندے اُو، ’’لیکن میں تے محض اِک عام جہئی ہستی آں۔ میں نوجوان آں۔ میں کوئی اعلیٰ درجے دا مسیحی نئیں آں۔‘‘ تہانوں ہُون دی لوڑ وی نئیں اے۔ کوئی وی مسیحی – تُسی، پاویں تُسی کوئی وی ہوو، یسوع وگرا بنن دی برکات پا سکدا اے!

یسوع نے کی کِیتا سی؟ اُوہنے حیاتی کیویں بسر کیتی سی؟ بائبل کہندی اے،

’’مسیح نے ساڈے لئی دُکھ چُک کے اِک مثال قائم کیتی تاں جے تُسی اُوہدے نقش قدم تے چل سکو‘‘ (1پطرس 2:21)۔

مسیح نے تہاڈے لئی دُکھ سہے۔ اُوہنے تہانوں دُکھ سہن دی اِک مثال پیش کیتی۔ بائبل تہانوں اُوس [یسوع] دے نقش قدم تے ٹُرن لئی بُلاندی اے۔ میں تہانون کہنا واں، ’’دُکھ سہن لئی تیار رہوو۔ یسوع دی پیروی کرو۔‘‘ جے تُسی یسوع دی پیروی کردے اُو تے ایہہ ہمیشہ سوکھا نئیں ہووے گا۔ تہانوں اُو کم کرنے پین گے جِنہاں نوں تُسی کرنا پسند نئیں کردے۔ لیکن تُسی اِک مضبوط مسیحی بن جاؤ گے۔ تُسی یسوع وگرے بن جاؤ گے۔ تے تُسی اُوہدی بادشاہت وِچ اُوہدے نال حکمرانی کرو گے!

یسوع دے بارہ شاگرد سن۔ اُو اُوہدے نال تِن وریاں تیکر سن، لیکن اُوہناں نے چنگا کم نئیں کیتا۔ یہوداہ نے پیسیاں دی خاطر یسوع نوں دھوکہ دِتا۔ پطرس نے یسوع دا تِن وری انکار کیتا۔ دوجے شاگرداں نے اُوہدا ساتھ چھڈیا تے نٹھ گئے۔ اُو پَجھ کھلوئے سن۔

اُو پیہڑے شاگرد کیوں سن؟ اُو اُوس گل توں نٹھ کھلوئے سن جیہڑی اُوکھی سی۔ اُو اُوس گل توں نٹھے سن جیہڑی اُوہناں نوں چنگا بنا سکدی سی – یسوع دے نال ڈٹے رہنا اُوہدوں اُو سُہوکھی گل نئیں سی۔ جدوں اِمتحان آیا تے اُو نٹھ گئے۔ اُو ناکام ہوئے سن جدوں اُوہناں نوں یسوع دے نال رہن لئی کُج نہ کُج قیمت چکانی پیندی۔

اُوہ، اُوہناں وگرے مت بنو! تُسی نٹھ جاؤ جدوں اُوکھا کم ہووے تے تُسی کدی وی اِک چنگے مسیحی نئیں بن پاؤ گے۔ اُو اِمتحان نئیں ہوندا جدوں اُو سہوکھا ہوندا اے۔ سارے شاگرداں نے کہیا سی اُو یسوع دے نال ڈٹے رہن گے پاویں کُج وی ہو جائے۔ پطرس نے کہیا سی، ’’جے تیرے نال مینوں مرنا وی پیہیا تے فیر وی میں تیرا انکار نئیں کراں گا تے سارے شاگرداں نے وی ایہو ای کہیا‘‘ (متی26:35)۔ ایہدے باوجود پطرس نے اُوسی راتی مسیح دا تِن وری اِنکار کیتا سی۔ اُو بالکل چنگا سی جدوں اُو اکٹھے آخری کھانا کھا رئے سن۔ فیر وی جدوں اِمتحان دا ویلہ آیا تے اُو ناکام ہو گیا۔ تُسی کی کرو گے؟ کوئی وی کہہ سکدا اے کہ اُو یسوع تے پروہسا کردا اے۔ کوئی وی کہہ سکدا اے کہ اُو وفادار اے – جدوں اُو اپنے بیلیاں نال شام دا کھانا کھا رہیا ہوندا اے! تُسی خوبصورت الفاظ استعمال کر سکدے اُو۔ تُسی اِک گواہی دے سکدے اُو۔ تُسی تالی وجا سکدے اُو۔ لیکن تُسی کی کرو گے جدوں اِمتحان دا ویلہ آئے گا؟ اِمتحان اُوس ویلے چہ نئیں آندا جدوں تُسی توقع کردے اُو۔ اُو اُوس طریقے نال نئیں ہوندا اے جیس دی تُسی توقع کردے اُو۔ لیکن اِمتحان ہوئے گا۔ کی تُسی اُوہدے لئی تیار ہوو گے؟ کی تہاڈی اَکھاں کُھلیاں ہون گِیاں؟ کی تُسی مسیح دے لاگے کھلوتے رہوو گے؟ تُسی ایہہ کر سکدے اُو۔ جی ہاں، تُسی کر سکدے اُو! میں اُمید کرنا آں تُسی کرو گے۔

بعد چہ رسولاں دے آپئے اپنے شاگرد سن۔ پولوس رسول نے کہیا، ’’تُسی میرے نمونے تے ٹُرو جیویں میں مسیح دے نمونہ تے ٹُرنا آں‘‘ (1 کرنتھیوں11:1)۔ اُوہنے کرنتھیوں دے لوکاں نوں اُوہدا شاگرد بنن لئی کہیا سی، اُوہدی [پولوس دی] نقل کرن لئی کہیا سی جیویں اُوہنے مسیح دی نقل کیتی سی۔

پولوس دے شاگرداں وِچوں تیمُتھیئس نامی اِک نوجوان شخص سی۔ اُو پولوس دا ایک چنگا شاگرد سی۔ میں تہانوں دسنا چاہنا واں کہ تُسی وی کیویں اِک چنگا شاگرد بن سکدے اُو۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I۔ پہلی گل، مسیح دی خاطر بالکل ہُنے ای کم لئی نکل پاؤ۔

جدوں پولوس دُربے تے لُسترہ پہنچیا، ’’تے تیمُتھیئس نامی اِک خاص شاگرد اُوتھے سی… جیہڑا مسیحی پرہاواں وِچ نیک نام سی‘‘ (اعمال16:1۔2)۔ تیمُتھیئس اِک نوا مسیحی سی۔ اُوتھے خوشخبری دی منادی بوہتی ویلے تیکر نئیں کیتی گئی سی (ویکھو اعمال14:6)۔ تیمُتھیئس اِک نوجوان بندہ سے۔ بائبل کہندی اے کہ کُج ای عرصہ پہلاں اُوہدی دادی نے وی نجات حاصل کیتی سی (ویکھو 2 تیمُتھیئس1:5)۔ تیمُتھیئس نوں جوان ہونا ای سی ورنہ اُوہدی دادی جیوندی نہ ہوندی۔

پولوس دے اُوہنوں ملن توں پہلاں ای توں تیمُتھیئس اِک نفیس مسیحی سی۔ مسیحی پرہواں وِچ اُو نیک نام سی۔ ایہہ نوجوان بندہ مسیح دی خاطر کم کرن لئی اُوسی ویلے نکل پیہیا سی!

تہاڈے بارے چہ کی خیال اے؟ کیوں نہ مسیح دی خاطرکم کرن لئی ہُنے ای نکلا جائے؟ انتظار کیوں کیتا جائے! جے تُسی وڈیرے ہون تیکر انتظار کرو گے تے تُسی کدی وی کُج بوہتا نئیں کر پاؤ گے۔ جدوں تُسی وڈیرے ہوو گے تے تُسی مصروف ہو جاؤ گے تے کُج زیادہ نہ کرن دے عادی ہو چکے ہوو گے۔ تے تُسی کدی وی کر نئیں پاؤ گے۔

تُسی شاید کہو، ’’میں اِک پادری نئیں آں۔‘‘ کسی نے وی نئیں کہیا کہ تُسی اِک پادری سی۔ لیکن تُسی بشراں نوں جیتن آلے ہو سکدے اُو! کیوں نئیں؟ کوئی وی مسیحی بشراں نوں جیتن آلا ہو سکدا اے! کیوں نہ اِک شخص نوں گرجا گھر وِچ لہیا جائے؟ میں جلسّیاں وِچ تہاڈے آن دی گل نئیں کر رہیا آں۔ میں اِک شخص نوں گرجا گھر وِچ لہیان دی گل کر رہیا آں۔ اَسی سان گیبرئیل وادی چہ اِک نوا چینی گرجا گھر شروع کرن جا رئے آں۔ کی تُسی اِک شخص نوں اُوتھے لہیاؤ گے؟ کیوں نہ ہُنے توں شروع کیتا جائے؟ کیوں نہ ایہنوں اپنی حیاتی دا حصہ بنا لہیا جائے کہ کسی نہ کسی نوں مدعو کریے تے گرجا گھر لے کے آئیے؟ ایہدے چہ ویلہ لگے گا۔ ایہدے چہ منصوبہ بنانا پئے گا۔ لیکن تُسی ایہہ کر لو گے! تے ایہہ ہُنے کرو!

II۔ دوجی گل، اپنی انسانی کمزوریاں دے باوجود مسیح دی خاطر کم کرو۔

ایہو ای سی جو تیمُتھیئس نے کیتا۔ اُو کوئی صحت مند بندہ نئیں سی۔ اُوہنے ٹِڈھ دی تکلیف سی۔ اُو اکثر بیمار رہندا سی۔ پولوس نوں اُوہنوں دسنا پیندا سی، ’’صرف پانی ای نئیں بلکہ تھوڑی جہئی مَے وی پی لہیا کر تاکہ تیرا معدہ ٹھیک رہوے تے اُو کمزوریاں دور ہو جان جیہڑیاں اکثر اوقات تینوں پریشان کیتے رکھدیاں نے‘‘ (1 تیمُتھیئس5:23)۔ لیکن اُو کسی نہ کسی طرح مسیح دی پیروی کردا رہیا۔ اُو رُکیا نئیں سی! شاید تہاڈے چہ کمزوریاں ہُون۔ لیکن جے خُدا تیمُتھیئس نوں استعمال کر سکدا اے تے اُو تہانوں وی استعمال کر سکدا اے!

تیمُتھیئس قدرتی طور تے حوصلہ مند نئیں سی۔ اُو جرأت مند وی نئیں سی۔ اُو لوکاں چہ بوہتا ملدا جُلدا وی نئیں سی۔ اُو خاموش طبعیت دا بندہ سی۔ اُو خوفزدہ سی۔ پولوس نے کرنتھیوں دی کلیسیا نوں لکھیا، ’’جے تیمُتھیئس اُوتھے پہنچے تے اُوہنوں خوشی دے نال قبول کرنا‘‘ (1کرنتھیوں16:10)۔ ایہدا ترجمہ ایویں وی کیتا جا سکدا اے، ’’اُوہنوں خوفزدہ مت کرنا‘‘ یا ’’اُوہنوں اپنے وچکار خوش رکھنا۔‘‘ پولوس نے تیمُتھیئس نوں ڈٹے رہن نوں کہیا سی کیوں جے اُو نوجوان سی، ’’کوئی وی تیری جوانی دی حقارت نہ کر پائے‘‘ (1 تیمُتھیئس4:12)۔ پولوس نے تیمُتھیئس نوں اُوہدے خوف دی وجہ توں پیچھے نہ ہٹن دی [ڈٹے رہن] دی تاکید کیتی سی، جدوں اُوہنے کہیا،

’’ایہو ای وجہ اے کہ میں تیہنوں یاد دلانا آں کہ خُدا دی اُوس نعمت [منادی دی خدمت] نوں چمکا دے جیہڑی میرے ہتھ رکھن نال تینوں حاصل ہوئی اے کیوں جے خُدا نے سانوں بزدلی دی روح نئیں دِتی بلکہ قوت، محبت تے نفس تے قابو پان دی روح دِتی اے‘‘ (2تیمُتھیئس1:6۔7)۔

تُسی کہندے اُو، ’’میں خوشخبری نوں نئیں پھیلا سکدا۔ میں اِک بندے نوں گرجا گھر وچ نئیں لہیا سکدا۔ میں جوان آں۔ تے میں شرمیلا آں۔ میں خاموش طبع آں۔ میں معاشرتی نئیں آں۔ میں لوکاں وچ آسانی نال گھُلدا مِلدا نئیں آں۔‘‘ ہائے، لیکن خُداوند تہانوں ایویں سمجھدا اے جیویں اُوہنے تیمُتھیئس نوں سمجھیا سی۔ خدا تہاڈی پرواہ کردا اے جیویں اُوہنے تیمُتھیئس دی پرواہ کیتی سی۔ خُدا تہاڈی اوویں ای مدد کرے گا جیویں اُوہنے تیمُتھیئس دی مدد کیتی سی۔ جے خُداوند تیمُتھیئس نوں استعمال کر سکدا اے تے اُو تہانوں وی استعمال کر سکدا اے۔ تیمُتھیئس تہاڈے وانگوں سی۔ اُوہدے کول اپنے خوف سن۔ اُو ایدے بجائے خاموش ہوئے گا۔ لیکن تیمُتھیئس نے یسوع دی خاطر کسے نہ کسے طور کم کیتا۔ کدی کدی مینوں وی خدشات ہوندے نے۔ اخیر نوں، کوئی وی مسترد کیتا جانا پسند نئیں کردا۔ کئی مرتبہ مینوں ’’اپنی ہمت جُٹانی‘‘ پیندی اے (ایہہ اُو لفظ نے جیہڑے میں استعمال کردا آں) تے کسے نہ کسے طرح اُوس بندے تیکر پہنچاندا آں۔ مینوں ایہہ فیر کہہ لین دیو: خُدا تہانوں استعمال کر سکدا اے۔ ایہہ مت سوچو کہ تُسی اِک بشر نوں جِیت نئیں سکدے کیوں جے تُسی شرمیلے تے خاموش طبع اُو۔ یقیناً تُسی کر سکدے اُو! اُوس بندے دے کول جاؤو تے گل کرو۔ کوئی وی ایہہ کر سکدا اے۔ کوئی وی اِک فون کال کر سکدا اے۔ خاموش طبع لوکی سب توں ودھ بشراں نوں جِیتن آلے بہترین لوکی ہو سکدے نے۔ خداوند تہانوں برکت دئے جدوں تُسی ایویں کرو!

III۔ تیجی گل، مسیح دی حیاتی تے تعلیمات تے نیک مسیحیاں دی پیروی کرو۔

پہلاں، مسیح دی نقل کرو۔ بائبل کہندی اے،

’’مسیح نے تہاڈے لئی دُکھ چُک کے اِک مثال قائم کر دِتی تاں جے تُسی اُوہدے نقش قدم تے ٹُر سکو‘‘ (1پطرس2:21)۔

مسیح ادی پیروی کرو۔ اُو کرو جو اُوہنے بائبل وچ کرن لئی کہیا۔ جے تُسی دُکھ چُکدے اُو، تے یاد رکھو کہ اُوہنے تہاڈی خاطر دُکھ چُکے۔ اگلی وری، اپنے پادری صاحب دی نقل کرو۔ پولوس رسول نے کہیا، ’’تُسی میرے نمونے تے ٹُرو، جیویں میں مسیح دے نمونہ تے چلدا آں‘‘ (1۔ کرنتھیوں 11:1). ایہہ سی جیہڑا تیمُتھیئس نے کیتا سی۔ اپنی حیاتی دے اختتام تے، پولوس نے تیمُتھیئس نوں کہیا،

’’تُوں میری تعلیم، چال چلن تے حیاتی دے مقصد نال بخوبی واقف اے۔ تُوں میرے ایمان، تحمل، محبت تے میرے صبر نوں جانندا اے‘‘ (2تیمُتھیئس3:10۔11)۔

دورِ حاضرہ دا اِک ترجمہ کہندا اے، ’’تُوں میری تعلیم، چال چلن، مقصد، ایمان، صبر، محبت، اِستقامت، تکلیفاں تے دُکھاں دی پیروی کیتی‘‘ (NASB)۔ تیمُتھیئس نے پولوس دی تعلیمات دی پیروی کیتی سی تے حیاتی وچ اُوہدے چال چلن نوں اپنایا سی۔ لہٰذا پولوس جانندا سی کہ تیمُتھیئس سُنے گا جدوں اُوہنے اُوہنوں اخیرلے دِناں دی خودغرضی دے بارے وچ خبردار کیتا سی،

’’لیکن یاد رئے کہ اخیرلے زمانے وچ بُرے دِن آن گے۔ کیوں جے لوکی خودغرض، زَردوست، شیخی باز، مغرور، بدگو، ماں پیو دے نافرمان، ناشکرے، ناپاک، محبت توں خالی، بے رحم، بدنام کرن آلے، بے ضبط، تُندمزاج، نیکی دے دشمن، دغاباز، بے حیا، گھمنڈی، خُدا دی نسبت عیش و عشرت نوں زیادہ پسند کرن آلے ہون گے۔ اُو دینداراں جئی وضع تے رکھن گے لیکن حیاتی وچ دینداری دا کوئی اثر قبول نئیں کرن گے‘‘ (2تیمُتھیئس3:1۔5)۔

زیادہ تر نئے ایونجیلیکلز اج اُوہناں ای وگرے نے۔ اُو خود اپنی ای ذات نال محبت کردے نے، ناشکرے تے ناپاک نے۔ اُو عہدشکن نے۔ اُو اپنے وعدیاں تے قائم نئیں رہندے، جیویں ایمان نال برگشتہ چعین Chan تے اُوہدی پیروی کرن آلے۔ اُو دھوکہ باز نے، جیویں مُرتد چعین تے اُوہدی پیروی کرن آلے۔ اُوہناں دے کول دینداری دی وضع بغیر اُوہدی قوت دے ہوندی اے، جیویں چعین تے اُولیواس نے جنہاں نے ’’دینداری دی وضع‘‘ تے گرجا گھراں نوں قائم کیتا لیکن کسی نوں وی مسیح لئی جیتن دی قوت دے بغیر۔

میں خُدا دا شکر ادا کرنا واں کہ ڈاکٹر ہائیمرز کدی وی اُنج دے نئیں رئے۔ اُو ڈٹے رئے جدوں دشواریاں سن۔ اُو ڈٹے رئے جدوں اُو وڈیرے تے بیمار سن۔ اُو ڈٹے رئے جدوں کوئی مزہ نئیں سی۔ اُو اپنے لفظاں تے قائم رہندے نے۔ اُو اپنے توں بوہتا کلیسیا تے مسیح نال محبت کردے نے۔ اُوہناں دی دینداری اصلی اے۔ اُو کوئی خالی وضع نئیں اے تے ایہہ گل تُسی سب جانندے اُو۔ تے اُوہناں دے کول خُداوند دی قوت اے، کیوں جے اُو اپنی منادی دے ذریعے نال تُسی لوکاں نوں مسیح لئی جِیت چکے نے۔ ڈاکٹر ہائیمرز لئی خُداوند دا شکر ہووے!

کیوں نہ اُوہناں وانگوں بنیا جائے؟ جی نئیں، تُسی اِک پادری نئیں اُو۔ لیکن تُسی اِک مسیحی اُو، کی تُسی نئیں اُو؟ کیوں نہ اِک نیک تے ایماندار مسیحی بنیا جائے؟ کیوں نہ ڈاکٹر ہائیمرز دی پیروی اُوہناں دی ایمانداری وچ کیتی جائے؟ تُسی جاؤو تے اُنج ای کرو!

نوے ایونجیلیکلز وانگوں مت بنو! مسیح دی پیروی کرو چاہے تہانوں دُکھ چُکنا پئے۔ پولوس دی پیروی کرو۔ اپنے پادری صاحب دی پیروی کرو۔ پولوس نے کہیا تیمُتھیئس نے اُوہدی پیروی کیتی تے اُوہدے وانگوں حیاتی بسر کیتی۔ اُو اِک حقیقی شاگرد سی! اُوہدے ای وانگوں بن جاؤ! تُسی جاؤ تے اُنج ای کرو!

IV۔ چوتھی گل، آخر تیکر ایماندار رہوو۔

پولوس نے مسیح دی خاطر شدید تکلیفاں سہیاں۔ اُوہنوں بار بار قید وچ ڈالا جاندا رہیا۔ بالاآخر اُوہدا شہنشاہ نیرو دی ایذارسانیاں دے تحت سرقلم کر دِتا گیا سی۔

تیمُتھیئس آخر تیکر پولوس نال وفادار رہیا سی۔ پولوس نے تیمُتھیئس نوں دوجا خط اُوس ویلے لکھیا سی جدوں اُو مرن دے قریب سی، جیدے وچ لکھیا سی، ’’ہُن میں نذر کیتے جان لئی تیار آں تے میری روانگی دا ویلہ آ گیا اے‘‘ (2۔ تیمُتھیئس 4:6). فیر اُوہنے تیمُتھیئس نوں کہیا سی، ’’میرے کول چھیتی پہنچن دی کوشش کر‘‘ (2 تیمُتھیئس4:9)۔ دوجے لوکی چلے جاندے نے۔ پولوس نے کہیا، ’’دیماس نے دُنیا دی محبت چہ پھنس کے مینوں چھڈ دِتا‘‘ (2 تیمُتھیئس4:10)۔ مگر پولوس نے تیمُتھیئس نوں اِک اخیرلی وری اُوہدے کول آن لئی کہیا۔ تاریخ سانوں دسدی اے کہ تیمُتھیئس افسیوں وِچ کلیسیا دا نگہبان [پادری صاحب] بنیا سی۔ تیمُتھیئس مسیح دے نال اخیر تیکر وفادار رہیا سی۔ اُس خود اِک شہید دی موت مریا سی۔

زیادہ تر ایونجیلیکلز اُوہدے وانگوں نئیں نے۔ اُو دیماس وانگوں نے، جیہڑا اُوس ویلے نٹھ گیا سی جدوں اُوکھا وقت آیا سی۔ ایہہ سی جیہڑا ایمان توں برگشتہ چعین تے دوجے لوکاں نے کیتا سی۔ جدوں حیاتی ذرا ماڑی جیہئی مشکل ہوئی تے اُو نٹھ کھلوئے۔ ’’دیماس نے دُنیا دی محبت چہ پھنس کے مینوں چھڈ دِتا۔‘‘ میں تہانوں پُچھنا آں، کی تُسی دیماس وانگوں بنو گے یا تیمُتھیئس وانگوں بنو گے؟ دیماس تے اُوس وگرے لوکاں دی انتہا ہو چکی اے! کی ہُن تیمُتھیئس وگرے لوکاں دا ویلہ نئیں اے؟ آؤ تیمُتھیئس وگرے لوکاں نوں بنائیے! اِک سچے شاگرد بنیئے!

تہاڈے وِچوں کُج لوکاں نے یسوع تے پروہسا نئیں کیتا اے، حالانکہ اُو تہادے خاطر صلیب تے قربان ہویا۔ کی تُسی اُوہدے شاگرد بنن لئی تیار نئیں ہو؟ کاش اینج نہ ہووے۔ خُدا کرے کہ تُسی یسوع تے پروہسا کرو تے اپنی مسیحی حیاتی چہ اُس یسوع دی پیروی کرو۔ جے تُسی یسوع تے پروہسا کرن دے بارے چہ ساڈے نال گل بات کرنا چاہندے اُو تے مہربانی نال کمرے دے اَگے ہُنے آ جاؤ۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

اِک شاگرد کی ہوندا اے؟

WHAT IS A DISCIPLE?

ڈاکٹر کرسٹوفر ایل۔ کیگن وَلّوں
by Dr. Christopher L. Cagan

’’کوئی شاگرد اپنےاُستاد توں وڈھا نئیں ہوندا لیکن جدوں پوری طرح تربیت پائے [بالکل تیار، مکمل ہو جائے] گا تے اپنے اُستاد وانگوں ہو جاوے گا‘‘ (لوقا6:40)۔

(1پطرس2:21؛ متی26:35؛ 1کرنتھیوں11:1)

I.    پہلی گل، مسیح دی خاطر بالکل ہُنے ای کم لئی نکل پاؤ، اعمال16:1۔2 .

II.   دوجی گل، اپنی انسانی کمزوریاں دے باوجود مسیح دی خاطر کم کرو،
1تیمُتھیئس5:23؛ 1کرنتھیوں16:10؛ 1تیمُتھیئس4:12؛ 2 تیمُتھیئس1:6۔7 .

III.  تیجی گل، مسیح دی حیاتی تے تعلیمات دی تے نیک مسیحیاں دی پیروی کرو،
1پطرس2:21؛ 1کرنتھیوں11:1؛ 2تیمُتھیئس3:10۔11؛ 1۔5 .

IV.  چوتھی گل، آخر تیکر وفادار رہوو، 2 تیمُتھیئس4:6، 9، 10 .