Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




تیجا اسمان تے مقدس شہر

THE THIRD HEAVEN AND THE HOLY CITY
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وچ دِتا گیا اک واعظ
خُداوند دے دِن دی شام، 6 اکتوبر، 2019
A sermon preached at the Baptist Tabernacle of Los Angeles
Lord’s Day Evening, October 6, 2019

’’گھبراؤو نئیں، خُدا تے ایمان رکھو تے میرے تے وی۔ میرے پیو دے گھر وچ بہت جئے مکان نے۔ جے نہ ہوندے تے میں تہانوں دس دِتا ہوندا۔ میں تہاڈے لئی تھاں تیار کرن اوتھے جا رہیا آں۔ جے میں جا کے تہاڈے لئی تھاں تیار کراں تے واپس آ کے تہانوں اپنے نال لے جاواں گا تاں جے جیتھے میں آں تُسی وی اُو‘‘ (یوحنا14:1۔3)۔


میری پرورش اِک مسیحی گھرانے وچ نئیں ہوئی سی۔ اِک چھوٹے بچے دی حیثیت نال ہر کوئی جیویں میں جانندا سی اسمان [جنت] دے تصور توں میرا مذاق اُڈایا کردا سی۔ موتیاں آلے پھاٹک! سونے نال بنیاں ہویاں سڑکاں! سارے دے سارے خیال ای احمقانہ سن۔ میں مبلغ نوں دسیا کہ میں تقریباً ہر اِک تبلیغ جیہڑی اُوہنے کیتی سی اُوس تے یقین کر سکدا سی لیکن اسمان [جنت]! اسمان وچ یقین کرنا کُج بہت ای زیادہ ہو جاندا سی۔

مبلغ نے کہیا، ’’کہڑے آلے چہ؟‘‘ میں کہیا، ’’کہڑے آلے توں تہاڈا کی مطلب اے؟‘‘ اُوہناں نے کہیا، ’’بائبل کہندی اے کہ اسمان تِن ہوندے نے۔‘‘ تِن! میں تے اِک وچ یقین نئیں کر پا رہیا سی۔ تے ایتھے تے اُو مینوں اُوہناں وچوں تِنّاں وچ یقین کرن دی گل کر رئے سن! مبلغ نے مینوں تِناں اسماناں دے بارے وچ دسنا جاری رکھیا۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I۔ پہلا اسمان فضائی اسمان اے۔

ایہہ اسمان اے، بدلاں دے نال، جیدے وچ حیاتی بخشن آلی آکسیجن ہوندی اے۔ اسی سیارہ زمین تے رہنے آں۔ ایہہ نائٹروجن تے آکسیجن دیاں گیساں دی اِک تہہ دے غلاف وچ لپٹی ہوئی اے۔ ایہہ فضا زمین دی سطح توں تقریباً دس میل دی بُلندی تیکر ہوندی اے۔ ایہہ پہلا اسمان اے۔ اشعیا 55:10 کہندا اے، ’’بارش ہوندی اے تے اسمان توں برف ڈگدی اے…‘‘ (اشعیا 55:10). اُو پہلا اسمان اے۔ مینوں ایدے وچ یقین کرن چہ کوئی پریشانی نئیں ہوئی سی۔ میں پہلے اسمان نوں ویکھ سکدا آں۔

II۔ دوجے اسمان وچ یقین کرنا وی اسان سی۔

بائبل کہندی اے،

’’خُدا نے دو وڈے نیّر بنائے۔ وڈا نیّر (سورج) دِن تے حکمرانی کرن لئی… اُوہنے ستارے وی بنائے۔ خُدا نے اُوہناں نوں اسمان دی فضا وچ قائم کیتا تاں جے اُو زمین تے روشنی پان‘‘ (پیدائش1:16، 17)۔

ایہہ اُوس عظیم کائنات ول حوالہ دیندی اے جیدے وچ اسی حیاتی بسر کردے آں، جیہڑی ستاریاں، سیاریاں تے کہکشاؤاں نال بھری ہوندی اے۔ اُو دوجا اسمان اے۔ مینوں اُوہدے وچ یقین کرن چہ کوئی پریشانی نئیں ہوئی سی۔ میں گریفتھ پارک وچ موجود ٹیلی سکوپ وچوں دوجے اسمان نوں ویکھ سکدا سی۔ میں اُوس ٹیلی سکوپ وچوں دوجے اسمان نوں ویکھ سکدا سی۔

III۔ تیجا اسمان اُو آلا سی جِنے مینوں پریشان کیتا سی۔

میں اُوہنوں ویکھ نئیں پاندا سی۔ پولوس رسول نے 2 کرنتھیوں 12:2۔4 وچ ’’اُوس تیجے اسمان‘‘ دے بارے وچ گل کیتی سی۔ پولوس خُداوند دے رہن دی تھاں دے بارے وچ گل کر رہیا سی۔ مسیح نے ایدے بارے وچ دسیا سی جدوں اُوہنے سانوں دعا منگن دی تعلیم دِتی سی، ’’اے ساڈے پیو تُو جیہڑے اسمان وچ اے‘‘ (متی 6:9). زبور نویس نے کہیا، ’’خُداوند دا تخت اسمان وچ اے‘‘ (زبور11:4)۔

تیجا اسمان وی اینا ای حقیقی اے جِنے کے باقی دویں اسمان نے۔ لیکن میں اُوہنوں ویکھ نئیں پاندا سی! اُو مینوں طلسماتی کہانی جیویں لگدا سی، کیوں جے میں اینوں ویکھ نئیں پاندا سی! لیکن خُداوند یسوع نے ایدے وچ یقین کیتا سی۔ ساڈی افتتاحی تلاوت وچ، یسوع نے کہیا، ’’میرے پیو دے گھر وچ بہت جئے مکان نے۔ جے نہ ہوندے تے میں تہانوں دس دِتا ہوندا۔ میں تہاڈے لئی تھاں تیار کرن اوتھے جا رہیا آں‘‘ (یوحنا 14:2). موسیٰ نے اینوں ’’سب توں اُوچا اسمان‘‘ کہیا سی (استثنا 10:14). زبور نویس نے کہیا، ’’خداوند دا تخت اسمان وچ اے‘‘ (زبور11:4)۔

ایہہ اسمان ’’سب توں اُوچا اسمان‘‘ اے۔ ایہہ اُو تھاں اے جیتھے خُداوند رہندا اے۔ ایہہ اُو تھاں اے جیتھے حقیقی مسیحی جان گے۔ خُدا دے نال، فرشتیاں دے نال تے اُوہناں نجات یافتہ بشراں دے نال جیہڑے زمین تے مرے سن رہن لئی جان گے۔ یسوع نے کہیا، ’’میں تہاڈے لئی تھاں تیار کرن اوتھے جا رہیا آں‘‘ (یوحنا 14:2). لہٰذا، تیجا اسمان اِک تھاں اے۔ ایہہ اونج دی ای اِک حقیقی تھاں اے جیویں کہ پہلے دویں اسمان نے۔ اُو یونانی لفظ جِنے ’’تھاں‘‘ دا ترجمہ کیتا ’’ٹوپوس topos‘‘ اے – ایہہ اِک حقیقی تھاں ول حوالہ دیندا اے۔ بائبل تیجے اسمان دے بارے وچ اِک مخصوص تھاں دی حیثیت نال گل کردی اے۔ ایہہ اُو تھاں اے جیتھے یسوع گیا سی جدوں اُوہنوں ’’اُتے اسمان وچ چُک لہیا گیا سی‘‘ (لوقا24:51)۔

جدوں خُداوند نے لوسیفر نوں کڈیا سی، تے لوسیفر نے کہیا سی، ’’میں جماعت دے پہاڑ تے تخت نشین ہواں گا اُوس مقدس پہاڑ دی بالائی چوٹیاں تے۔‘‘ ایہہ ’’شمال دی بالائی چوٹیاں‘‘ تیجے اسمان دے بارے وچ گل کر رہی اے۔ ماہرین فلکیات کہندے نے کہ شمالی اسماناں وچ اِک تھاں وجود رکھدی اے جیتھے کوئی وی ستارے یا کہکشاواں اُوہدے وچ نظر آندیاں وکھائی نئیں دیندیاں۔ ایہہ ’’سُپروائیڈ supervoid‘‘ 1.8 بلین نوری سال دور اے۔ سائنسدان ایدی وضاحت نئیں کر سکدے کہ اُو کی اے۔ ایتھوں تیکر کہ بائبل وچوں وی اسی صرف تصور کر سکنے آں کہ ایہہ تھاں کیس قدر وسیع اے – تے عالمین الہیٰات کہندے نے کہ ایہی تھاں شاید ’’تیجے اسمان‘‘ دا مقام اے۔ اسی یسوع نوں وی تے نئیں ویکھ سکدے، ’’اگرچہ تُسی یسوع نوں نئیں ویکھیا مگر اُوہدے نال محبت کردے اُو، تُسی ہلے وی اُوہنوں نظراں دے سمنے نئیں پاندے مگر اُوہدے تے ایمان رکھدے اُو تے انج دی خوشی مناندے اُو جیہڑی بیان توں باہر تے جلال نال بھری ہوئی اے‘‘ (1۔ پطرس 1:8). عبرانیوں 12:22۔24 وچ خُداوند نے سانوں شیواں دی اِک فہرست فراہم کیتی اے جنہاں نوں اسی ویکھ پان گے جدوں اسی ’’تیجے اسمان‘‘ وچ پہنچاں گے۔


1. آسمانی یروشلیم

2. ان گنت فرشتیاں دی رفاقت۔

3. پہلوٹھیاں دی کلیسیا۔

4. خُداوند

5. راستباز لوکاں دیاں روحاں

6. یسوع

7. یسوع دا لہو۔


ایناں نوے مبلغین وچوں کُج نال مینوں ایہہ مسئلہ اے کہ – اُو شمار نئیں کر سکدے! ایہہ اج کل مشہور ہو رہیا اے کہ اوتھے اسمان وچ مسیح دا کوئی لہو نئیں اے۔ لیکن ایہہ اوتھے اے، تہاڈی بائبل دے صفحے تے – نمبر 7، یسوع دا لہو۔ ایہہ اُوہناں شیواں دی فہرست وچ جیہڑی ’’اسمانی یروشلیم‘‘ وچ نے ستویں نمبر تے اے! میرے خیال وچ ایناں وچوں کُج پادری صاحبان نے ضرورت توں زیادہ یونانی دا مطالعہ کر لہیا – تے حساب دے علم دا مطالعہ کافی نئیں کیتا۔ ایہہ ستواں نمبر اے، ستواں نمبر، ستواں نمبر۔ پہلی شیواں نوں اوتھے کیوں ہونا چائیدا اے، لیکن نمبر ست نوں نئیں؟ فکر نہ کرو، ایہہ اوتھے ای اے! بائبل ایویں ای کہندی اے! عبرانیوں12:22۔24 وچ۔

کی شے میرے گناہ نوں دھو سکدی اے؟
   کُج وی نئیں ماسوائے یسوع دے لہو دے؛
کی شے مینوں فیر مکمل کر سکدی اے؟
   کُج وی نئیں ماسوائے یسوع دے لہو دے۔
اوہ! کیس قدر قیمتی اے اُو بہاؤ
   جیہڑا مینوں برف دی مانند سفید بناندا اے؛
کوئی دوجا چشمہ وچ نئیں جانندا،
   کُج وی نئیں ماسوائے یسوع دے لہو دے؛
(’’کُج وی نئیں ماسوائے لہو دے Nothing But the Blood‘‘ شاعر رابرٹ لوری Robert Lowry، 1826۔1899).

ہُن اسمان دے دارالحکومت تے نظر پاؤ۔ مہربانی نال مکاشفہ 21:1۔8 کھولو۔ مسٹر سُونگ Mr. Song، مسٹر مینسیا Mr. Mencia تے میں ایناں اٹھ آیتاں نوں پڑھاں گے۔

’’فیر میں اِک نوا اسمان تے اِک نوی زمین ویکھی کیوںکہ پہلا اسمان تے پہلی زمین جاندی رئی سی تے کوئی سُمندر وی موجود نہ سی۔ فیر میں شہر مُقدّس یعنی نوے یروشلیم نوں خدا دے کولوں اسمان توں اُتردے ویکھیا جیہڑا اُوس دُلہن وانگوں آراستہ سی جِنے اپنے شوہر لئی شنگار کیتا ہوئے۔ تے میں تخت توں کسی نوں اُوچی اواج نال ایہہ کہندے سُنیا کہ ہُن خدا دا مسکن بندیاں دے درمیان اے تے اُو اُوہناں دے نال سکونت کرے گا۔ اُو اُوہدے لوکی ہون گے تے خُدا خُود اُوہناں دے نال رئے گا تے اُوہناں دا خدا ہووے گا۔ اُو اُوہناں دیاں اکھاں دے سارے ہنجو پونچھ دئے گا۔ فیر نہ مَوت باقی رئے گی نہ ماتم نہ آہ و نالہ۔ نہ کوئی درد باقی رئے گا کیوں جے پہلی شیواں جاندیاں رہیاں۔ اودوں اُوہنے جیہڑا تخت تے بیٹھیا ہویا سی کہیا کہ ویکھ! میں سب شیواں نوں نوا بنا رہیا آں۔ فیر کہیا کہ لکھ لے کیوں جے ایہہ گلاں سچ تے برحق نے۔ فیر اُوہنے مینوں کہیا کہ ساریاں گلاں پوری ہو گئیاں۔ میں الفا تے اومیگا یعنی اِبتدا تے اِنتہا آں۔ میں پیاسے نوں آبِ حیات دے چشمہ توں مفت پلاواں گا۔ جیہڑا غالب آئے گا اُو ایناں شیواں دا وارث ہوئے گا۔ میں اُوہدا خدا ہوواں گا تے اُو میرا پُت ہوئے گا۔ مگر بزدلاں، بے ایماناں، گھنونے لوکاں، خُونیاں، حرامکاراں، جادوگراں، بُت پرستاں تے سب جھوٹیاں دی تھاں اگ تے گندھک نال جلن آلی جھیل وچ ہوئے گی۔ ایہہ دوجی موت اے‘‘ (مکاشفہ 21:1:8).

ایہہ نئے یروشلیم دا شہر اے۔ ایہہ اُو تھاں اے جیہڑی مسیح سچے مسیحیاں لئی تیار کر رہیا اے۔ مسیح نے کہا، ’’میں [اُوتھے] تہاڈے لئی تھاں تیار کرن جا رہیا آں‘‘ (یوحنا14:2)۔

نئے یروشلیم دا شہر کِنّا وڈھا اے؟ مکاشفہ21:15۔16 کہندی اے اُو شہر تقریباً 1,5000 میل چوڑا، 1,500 میل اُوچا، تے 1,500 میل لمبا اے۔ اُو شہر 2,250,000 مربع میل اے۔ ایہہ لندن توں 15,000 گُنّا جنہا وڈھا اے۔ ایہہ جرمنی توں دس گُنّا وڈھا اے، تے فرانش توں دس گُنّا وڈھا اے۔ ایہہ یونائیٹڈ سٹیٹ دا زیادہ تر علاقہ ڈھک لئے گا! لیکن ذرا ٹھہرو! نوا یروشلیم اُوتے ہوا وِچ 1,5000 میل تیکر جاندا اے۔ ایہدی تقریباً 1,500 منزلاں نے۔ تے ہر اِک منزل اِک براعظم دے سائز دے اے۔ ایہدے وِچ لگ بھگ ہزارہاں لکھاں کروڑ لوکی رہ سکدے نے – زمین دی موجودہ آبادی توں ستر گُنّا زیادہ!

اَسی کیویں اُوتھے اُتے پہنچ سکنے آں؟ ساڈے جی اُٹھے جسم تے بالکل مسیح وانگوں ہون گے۔ اُو تے اپنے مُرداں وِچوں جی اُٹھن دے بعد یکدم ای اِک تھاں تو دوجی تھاں سفر کر لیندا سی۔ ایس لئی نقل و حمل کوئی مسئلہ نئیں ہووے گا! مسیح نور ہووے گا (مکاشفہ21:23۔24)۔ اُوتھے کوئی روشنی نئیں ہووے گی (مکاشفہ22:5)۔ زمین تے موجود کوئی وی شے نئے یروشلیم دی خوبصورتی تے سائز نال مقابلہ نئیں کر سکدی!

سکاٹ لینڈ دے عالمِ الہٰیات تے مبلغ ہوریٹیئیس بونار Horatius Bonar نے کہیا کہ نیا یروشلیم اِک عظیم شہر ہووے گا، اِک عمدہ تعمیر کیتا ہویا شہر، اِک جگمگاندا شہر، بخوبی حکمرانی کردا ہویا اِک شہر، لوکاں نال پرہیا ہویا اِک شہر، ایک مقدس شہر، اِک جلالی شہر۔ کیس قدر مشتاقی دے نال سانون ایہدی تلاش کرنی چائیدی اے! اُوہدی خاطر حیاتی لنگہانا ساڈے لئی کِنّا قیمتی ہونا چائیدا اے!

ہُن مکاشفہ22:17۔18 آیات تے نظر پاؤ۔

’’تے روح تے دُلہن کہندی اے کہ، آ، تے اُو وی جیہڑا سُنندا اے کہوے کہ، آ! جیہڑا پیاسا ہووے اُو آئے تے آب حیات مفت حاصل کر لئے۔ میں ایس کتاب دی نبوت دی گلاں سُنن آلے ہر بندے دے اَگے گواہی دینا واں کہ جے کوئی ایہناں گلاں وِچ کوئی گل ودھائے گا تے خدا ایس کتاب وِچ لکھیاں ہوئیاں آفتاں اُوہدے تے نازل کرے گا‘‘ (مکاشفہ 22:17۔18).

کی تُسی یسوع تے پروہسا کر چکے اُو؟ جے تُسی یسوع تے پروہسا کر چکے اُو تے تُسی اُوتھے ای ہوو گے! جے تُسی یسوع تے پروہسا نئیں کیتا اے تے تُسی اُوتھے نئیں ہوو گے۔ ایہہ اینی ای سادہ جئی گل اے!

جیس لمحے تُسی یسوع تے پروہسا کردے اُو تے اُوہدے کل آندے اُو، تے تہاڈا ناں کتابِ حیات وِچ لکھا جاندا اے۔ جدوں خُدا تہاڈا ناں اُوس کتاب وِچ ویکھدا اے تے تہانوں جدوں تُسی مردے اُو نئے یروشلیم وِچ داخل کر دِتا جاندا اے۔

جدوں میں اپنی عمر دی بیسویں دہائی وِچ اِک نوجوان بندہ سی تے میں دِن دے اٹھ اَٹھ گھنٹے کم کرن دے بعد ہر رات نوں کالج جان دی وجہ توں بیچیلر دی ڈگری حاصل کر لئی سی۔ زیادہ تر جمعہ دی راتاں نوں مینوں کالج چھڈنا پیندا سی تے گڈی چلا کے اپنے والد دے گھر اُوہناں دے نال اِک گھنٹہ ویلہ لنگہان لئی جانا ہوندا اے۔ اَسی اُوہناں دے کچن دی میز تے اکٹھے بیندے۔ تقریباً اَدھی رات دے ویلے میرے والد صاحب ہمیشہ کہندے، ’’رابرٹ، آ حمدوثنا دا اِک پرانا گیت گائیے۔ تے ایویں اَسی اینہاں لفظاں نوں رَل کے گاندے سی،

تے خُداوند دا بِگل سُنائی دیوے گا،
   تے ویلہ ہُور رہووے گا ای نئیں،
تے سویر دائمی، چمکدار تے شفاف ہو جائے گی؛
   جدوں زمین دے نجات دہندا اکتھے ہون گے
اُوس پاسے دوجے کنارے تے،
   تے جدوں ناواں دی فہرست اُوتے پرے بُلائی جاوے گی، میں اُوتھے ای ہوواں گا۔
جدوں ناواں دی فہرست اُوتے پرے بُلائی جاوے گی،
   جدوں ناواں دی فہرست اُوتے پرے بُلائی جاوے گی،
جدوں ناواں دی فہرست اُوتے پرے بُلائی جاوے گی،
   جدوں ناواں دی فہرست اُوتے پرے بُلائی جاوے گی، میں اُوتھے ای ہوواں گا۔
(’’جدوں ناواں دی فہرست اُوتے پرے بُلائی جاوے گی When the Roll is Called up Yonder‘‘ شاعر جیمس ایم۔ بلیک James M. Black، 1856۔1938)۔

میرے والڈ اپنی حیاتی وِچ مسیحی نئیں رئے سن۔ اُوہناں دی سب توں وڈھی خوشی ہمیشہ لاس ویگاس جان تے جؤا کھیڈنا ہوندی سی۔ لیکن ہُن جدوں کہ اُو وڈیرے ہو چکے سن، اُوہناں نے کدی وی لاس ویگاس دے بارے چہ سوچیا وی نئیں۔ ہُن اُو صرف تے صرف جدوں اُو مرن گے تے نئے یروشلیم وِچ جان دے بارے وِچ سوچدے سن۔ اُوہی اُو سب کُج اے جیس دے بارے چہ اُو ہُن جدوں کہ ایک وڈیرے بندے نے سوچدے نے۔ ’’جدوں ناواں دی فہرست اُوتے پرے بُلائی جاوے گی، میں اُوتھے ای ہوواں گا۔‘‘

میرے اِک مبلغ بیلی نے میرے والڈ دی یسوع تے پروہسا کرن وِچ رہنمائی کیتی سی۔ ہُن اُوہناں نوں پیش کرن لئی دُنیا دے کول کُج وی نئیں سی۔ اُو سوچدے سن تے صرف نوے یروشلیم وِچ جان دے بارے وِچ! ’’جدوں ناواں دی فہرست اُوتے پرے بُلائی جاوے گی، میں اُوتھے ای ہوواں گا۔‘‘

کی تُسی اُوتھے ہوو گے؟ تہانوں آنا چائیدا اے تے یسوع تے پروہسا کرنا چائیدا اے۔ تہانوں اُوس نجات دہندہ دے لہو وِچ، جیہڑا تہاڈے گناہ دی ادائیگی دی خاطر صلیب تے قربان ہو گیا سی اپنے تمام گناہواں توں دُھل کے پاک صاف ہو جانا چائیدا اے۔ اُونج ای کرو تے تُسی اُوتھے میرے والد دے نال نئے یروشلیم دے جلال وِچ ہوو گے۔

’’تے روح تے دُلہن کہندی اے کہ، آ، تے اُو وی جیہڑا سُنندا اے کہوے کہ، آ! جیہڑا پیاسا ہووے اُو آئے تے آب حیات مفت حاصل کر لئے۔ میں ایس کتاب دی نبوت دی گلاں سُنن آلے ہر بندے دے اَگے گواہی دینا واں کہ جے کوئی ایہناں گلاں وِچ کوئی گل ودھائے گا تے خدا ایس کتاب وِچ مذکور شجرحیات تے شہر مقدس وِچوں اُوہدا حصہ کڈ دیوے گا‘‘ (مکاشفہ 22:17۔19).


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

تیجا اسمان تے مقدس شہر

THE THIRD HEAVEN AND THE HOLY CITY

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

’’گھبراؤو نئیں، خُدا تے ایمان رکھو تے میرے تے وی۔ میرے پیو دے گھر وچ بہت جئے مکان نے۔ جے نہ ہوندے تے میں تہانوں دس دِتا ہوندا۔ میں تہاڈے لئی تھاں تیار کرن اوتھے جا رہیا آں۔ جے میں جا کے تہاڈے لئی تھاں تیار کراں تے واپس آ کے تہانوں اپنے نال لے جاواں گا تاں جے جیتھے میں آں تُسی وی اُو‘‘ (یوحنا14:1۔3)۔

I.   پہلا آسمان اُو فضائی آسمان اے، اشعیا55:10 .

II.  دوجے آسمان تے یقین کرنا وی بوہتی آسان سی، پیدائش1:16، 17 .

III. تیجا آسمان اُو آلا سی جنہے مینوں پریشان کیتا،
2کرنتھیوں12:2۔4؛ متی6:9؛ زبور11:4؛ یوحنا14:2؛
اِستثنا10:14؛ لوقا24:51؛ 1پطرس1:8؛ عبرانیوں12:22۔24؛
مکاشفہ21:1۔8، 15۔16، 23۔24؛ 22:5، 17۔18، 19 .