Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




بائبل دی پیشن گوئی دا اِک گمشدہ حصّہ
ساڈے لئی اَج منور کیتا گیا

A MISSING PIECE OF BIBLE PROPHECY
ILLUMINATED FOR US TODAY
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ دِتا گیا اِک واعظ
خُداوند دے دِن دی شام، 22 ستمبر، 2019
A sermon preached at the Baptist Tabernacle of Los Angeles
Lord’s Day Evening, September 22, 2019

’’لیکن توں اے دانی ایل، ایس طومار دے لفظاں نوں زمانہ دے اخیر تیکر بند کر کے مہر لگا…‘‘ (دانی ایل 12:4؛ صفحہ 919 سکوفیلڈ).

’’میں ایہہ سُنیا لیکن سمجھ نہ پایا۔ ایس لئی میں پُچھیا، میرے خُداوند، ایناں ساریاں دا انجام کی ہووے گا؟ اُوہنے جواب دِتا۔ اے دانی ایل۔ توں اپنی راہ ٹُر کیوں جے ایہہ گلّاں اخیرلے زمانے تیکر لئی بند کر دِتیاں گئیاں نے تے اینہاں تے مہر لگا دِتی گئی اے‘‘ (دانی ایل 12:8، 9؛ صفحہ 920).


’’زمانے دے اخیر‘‘ دی تفصیلات نوں دانی ایل نبی سمجھ نئیں پایا سی۔ سانوں 8 ویں آیت چہ واضح طور تے دسیا گیا اے ، ’’میں سُنیا، لیکن سمجھ نئیں پایا۔‘‘ فیر خُداوند نے دانی ایل نوں کہیا، ’’ایہہ گلّاں اَخیرلے زمانے تیکر لئی بند کر دِتیاں گئیاں نے تے اینہاں تے مہر لگا دِتی گئی اے‘‘ (دانی ایل 12:9)۔

دانی ایل نوں پیشن گوئی دی گلّاں دی سمجھ آ گئی سی۔ لیکن اُوہنوں ایہہ سمجھ نئیں آئی سی کہ آخری زمانے دے واقعات کینج دے ہون گے۔ ’’کیوں جے اُو گلّاں آخری زمانہ تیکر لئی بند کر دِتیاں گئیاں نے‘‘ (دانی ایل12:9)۔ اُوہنوں ایہہ گلّاں وحی دے ذریعے نازل ہوئیاں سن۔ لیکن اُوہناں دے معنیاں توں تعلق رکھدے ہوئیاں اُو منور [آگاہ] نئیں ہویا سی۔ اُوہناں گلّاں دی آگاہی ’’زمانیاں دے اخیر تیکر‘‘ رونما نئیں ہووے گی۔ جیویں جیویں اَسی اُوس زمانے دے مُکن دے لاگے پہنچنے آں تے ایس پیشن گوئی دی بصیرت ودھدی جائے گی۔

مینوں واضح طور تے یاد اے جدوں پہلی وری میں ’’ریپچر [مسیح دے استقبال لئی بدلاں چہ ایمانداراں دا چُکیا جانا]‘‘ دے بارے چہ سُنیا۔ میرے اُستاد نے سانوں دسیا سی کہ ریپچر ست وریاں دی مصیبتاں دے زمانے توں پہلاں رونما ہووے گا۔ میں اُستاد کولوں پُچھیا سی کہ بائبل چہ کیتھے تعلیم دِتی گئی اے کہ ریپچر مصیبتاں توں پہلاں رونما ہووے گا۔ اُو میرے سوال دا جواب نہ دے پائے۔ پس، میں کئی دہائیاں تیکر ست وریاں مصیبتاں توں پہلاں ’’کسی وی لمحے‘‘ آلے ریپچر دا سوال کردا۔ فیر مینوں پتا چلیا کہ مصیبتاں تو قبل ازیں ریپچر دی شہرت پہلے جے۔ این۔ ڈاربی J.N.Darby دے ذریعے نال ہوئی سی، تے ڈاربی نے ایہنوں مارگریٹ میکڈونلڈ نامی اِک پندرہ وریاں دی کُڑی کولوں ’’پایا‘‘ سی، جیہڑی کرشماتی مشن نال تعلق رکھدی سی تے اُوہنے ایہدے بارے چہ خواب چہ ویکھیا سی۔ کسی وجہ توں جے۔ این۔ ڈاربی نے ایہدا اِعلان شروع کر دِتا۔ بعد چہ ایہدا اعلان سیکوفلیڈ مطالعہ بائبل چہ سی۔ آئی۔ سیکوفیلڈ C. I. Scofield دے زریعے نال کیتا گیا۔ ہُن ایہو ای نوے ایونجیلیکلز دی اکثریت دی صورتحال اے۔

فیر مارون جے۔ روزنتھال Marvin J. Rosenthal نے قہر توں قبل کلیسیا دا ریپچر The Pre-Wrath Rapture of the Church (تھامس نیلسن، 1990) نامی اِک کتاب لکھی۔ میں جدوں کہ ہر اُوس گل نال جیہڑی روزنتھال نے لکھی متفق نئیں ہونا واں، میں سوچنا آں اُوہناں نے ’’ریپچر‘‘ کدوں رونما ہووے گا ایس دے بارے چہ بہتر طور تے سمجھن لئی بوہا کھولیا اے۔ محترم روزنتھال دے نظریے تے تنقید کرن توں پہلاں کتاب حاصل کرو تے ایہنوں احتیاط نال پڑھو۔ اُو سیکھاندے نے کہ ’’ریپچر‘‘بہت وڈھے مصائب دے زمانے دے خاتمے دے قریب رونما ہووے گا، مکاشفہ 16 باب وِچ ’’قہر دے پیالیاں‘‘ وِچ خُدا دے قہر دے اُنڈیلے جان توں کُج عرصہ پہلاں۔ ایس گل دی مینوں سمجھ آندی اے – اِک نو عمر دے سپنے تے مشتمل سمجھ دے مقابلے وِچ کدرے بہتر طور تے سمجھ آندی اے!

ایہہ اہم کیوں اے؟ میں تہانوں دساں گا کیوں۔ جے ریپچر ست سالہ مصیبتاں توں پہلے آندا اے، تے مسیحیاں نوں کُج وی کرن دی لوڑ نئیں پیندی۔ بس اِتوار دے سویرے ہجوم دے نال اِک گھنٹے لئی جان! تہانوں کسی انسان نوں جیتن دی لوڑ نئیں۔ تہانوں دین لوکاں توں علیحدہ ہون دی لوڑ نئیں پیندی۔ ایہہ اینٹی نومیئین اِزم نوں پیدا کردی ہوئی وکھائی دیندی اے۔ اِس کو پڑھنے کے بارے میں یہاں پر کلک کریں)۔

ایس پیغام دا عنوان اے، ’’بائبل دی پیشن گوئی دا اِک حصہ ساڈے لئی اَج منور کیتا گیا۔‘‘ اُو ’’گمشدہ حصہ‘‘ ہے کی؟‘‘ اُو اے ’’اِرتداد یا ایمان توں برگشتگی The Apostasy۔‘‘ میں 50 وریاں توں زیادہ عرصے توں بائبل دی پیشن گوئی دے بارے چہ پڑھدا رہیا آں۔ ایہہ مینوں اینا ای عجیب طور تے کھٹکدا اے کہ ایس قدر زیادہ اہم موضوع نوں جیویں کہ ’’ایمان توں برگشتگی‘‘ ساڈے زمانے وِچ ایس قدر بوہتی نظرانداز کیتا جاندا رہیا اے۔ میرے کول میری میز تے بائبل دی پیشن گوئی تے تِن کتاباں نے – جیہڑیاں موضوع تے تمام اہم نکات تے گل کردیاں نے۔ اُو نیک تے دیندار لوکاں نے لکھیاں سن، اُو لوکی جنہاں تے ایس موضوع لئی پروہسا کیتا جا سکدا اے۔ لیکن اُوہناں وِچوں اِک دے وِچ وی ’’ایمان توں برگشتگی‘‘ تے کوئی سیکشن نئیں اے۔ تے ساڈے لئی اَج ’’ایمان توں برگشتگی‘‘ اِک اہم موضوع اے۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

مہربانی نال 2۔ تھسلنیکیوں2:3 کھولو۔ ایتھے ایہہ کنگ جیمس بائبل وِچ اے،

’’نہ ای کسی طرح کسے دے فریب چہ آنا کیوں جے اُو دِن نئیں آئے گا جدوں تیکر کہ لوکی پہلاں ایمان نال برگشتہ نہ ہو جان تے اُو مرد گناہ ظاہر نہ ہو جاوے جیدا انجام ہلاکت اے‘‘ (2۔ تھسلنیکیوں 2:3؛ صفحہ 1272 سکوفیلڈ).

ایتھے اُو آیت اے، جیویں ایہدا نوی امریکی معیاری بائبل (NASB) وِچ ترجمہ کیتا گیا اے،

’’نہ ای کسی طرح کسے دے فریب چہ آنا کیوں جے اُو دِن نئیں آئے گا جدوں تیکر کہ لوکی پہلاں ایمان نال برگشتہ نہ ہو جان تے اُو مرد گناہ ظاہر نہ ہو جاوے جیدا انجام ہلاکت اے‘‘
(2۔ تھسلنیکیوں 2:3، NASB).

’’ایمان سے برگشتگی‘‘ دا ترجمہ “hē apostasia” اے۔ کنگ جیمش بائبل وِچ ایس دا ترجمہ ’’برگشتگی‘‘ وی اے۔

ڈاکٹر ڈبلیو۔ اے۔ کرسویل Dr. W. A. Criswell نے کینٹکٹیKentucky دے شہر لوئیسویلLouisville وِچ مغربی بپٹسٹ علم الہٰیات دی سیمنری توں یونانی تنقید تاویل Greek exegesis کرن وِچ پی ایچ۔ ڈی دی ڈگری کیتی۔ ڈاکٹر کرسویل نے ہمیشہ نوے عہدنامے وِچ یونانی لفظاں تے انتہائی گہری توجہ دِتی۔ ڈاکٹر کرسویل نے کہیا، ’’خُداوند دے دِن توں پہلاں اقراری ایمانداراں دی اِک واضح برگشتگی وقوع ہووے گی۔ آرٹیکل article [hē] دا اِستعمال نشاہدی کردا اے کہ پولوس دے ذہن وِچ اِک مخصوص برگشتگی سی۔‘‘ ایہہ گل جانندیاں ہویاں، اَسی 2۔تھسلنیکیوں2:3 توں دو اہم گلّاں سیکھنےآں،

1۔ خُداوند دے دِن توں پہلاں، ایہہ برگشتگی رونما ہو جائے گی۔

2۔ خُداند دے دِن توں پہلاں، دشمنِ مسیح [دجال] ’’افشا‘‘ ہو جائے گا۔

ایہہ دوواں ای گلّاں خُداوند دے دِن توں پہلاں رونما ہو جان گئیاں، جیہڑا کہ اُوہناں بوہتی وڈھی مصیبتاں تے ایس زمانے دے خاتمے تے خُداوند دے قہر دا ویلہ اے۔ اُوس قبل ازیں مصیبتاں دے دور دی ریپچر آلے نظریے نے پہلاں ای سارے مسیحیاں نوں خارج کیتا ہویا اے۔ ایہہ ای وجہ اے ’’ایمان توں برگشتگی‘‘ دی اَج ایونجیلیکل مسیحیاں وِچ تبلیغ نئیں کیتی جاندی اے۔ تے ایہہ ای وجہ اے کہ اَج بائبل دی پیشن گوئی تے زیادہ تر کتاباں وِچ ’’ایمان توں برگشتگی‘‘ دے موضوع تے کوئی سیکشن ای نئیں اے!

جے اگر مارون روزنتھال دُرست نے، تے اُو دُرست نے، تے اَسی بالکل ایسی ویلے ’’ایمان توں برگشتگی‘‘ دے شروع وِچ آں! ایہہ گل کیویں اَج مسیحیاں تے اثر انداز ہوندی اے؟ ’’تیجی دُنیا‘‘ وِچ، پہلاں دے کسی دور دے مقابلے وِچ اُوہناں نوں اَج ہُور زیادہ شدید طور تے اذیتاں دِتیاں جاندیاں نے۔ تے ’’مغربی دُنیا‘‘ وِچ اِسی شیطان تے اُوہدے آسیباں دے بہت وڈے حملیاں دے تحت آں۔ دانی ایل نبی نوں ایناں گلّاں دے بارے چہ دسیا گیا سی، لیکن اُوہنے کہیا، ’’میں سمجھ نئیں پایا۔‘‘ فیر خُداوند نے دانی ایل نوں کہیا، ’’ایہہ گلّاں اخیرلے زمانہ تیکر لئی بند کر دِتیاں گئیاں نے تے ایہناں تے مہر لا دِتی گئی اے‘‘ (دانی ایل12:8، 9)۔

جان ایس۔ ڈِکرسن John S. Dickerson بہت وڈھے ایونجیلیکل خلا تے The Great Evangelical Recession (بیکر کُتب Baker Books، 2013) نامی اِک بہت چنگی کتاب لکھ چکے نے۔ ڈکرسن گیب لیوانز Gabe Lyons دا حوالہ دیندے نے، جنہاں نے کہیا،

’’ایہہ لمحہ تاریخ وِچ کسی دوجے زمانے دے برعکس اے۔ ایہدا انوکھا پن اِک خالص ردعمل دا تقاضا کردا اے۔ جے اَسی اَگے ودھن لئی اِک مختلف راہ پیش کرن چہ ناکام ہونے آں، تے اَسی ساری دیاں ساریاں نسلاں نوں مُردہ دِلی تے اندیشیاں دے احساسات وِچ [کھو دیاں گے]… ساڈے بیلی دوجیاں قسماں دیاں پرستشاں لئی بھٹکنا جاری رکھن گے… کم مدت وِچ، لیکن زیادہ متاثر کُن طور تے (مستقبل دے مسیحی The Next Christians، ڈبل ڈے Doubleday، 2010، صفحہ 11؛ میں اصرار کیتا)۔

ڈِکرسن دی کتاب دا جِلدی ورق کہندا اے،

’’امریکی کلیسیا… سُکڑ رئی اے۔ نوجوان مسیحی غائب ہو رئے نے۔ ساڈے عطیات مُکدے جا رئے نے… ریاست ہائے متحدہ دی تہذیب بہت چھیتی نال مخالفانہ تے متنفر ہو رئی اے۔ اَسی کیویں اِک تباہ کُن ہار توں بچ سکنے آں؟‘‘

میں جدوں کہ جان ڈِکرسن دی کتاب دے پہلے حصے نوں چاہنا واں، میں آخری سیکشن دے زیادہ تر حصے نال غیرمتفق آں کہ کیویں تیار کیتا جائے۔

تیار کرن لئی سانوں احساس ہونا چائیدا اے کہ اَسی بالکل ایسی ویلے ’’ایمان دی برگشتگی‘‘ دے شروع وِچ ای آں۔ جے اَسی ایہہ سوچیے کہ مذید ہُور زیادہ پریشان حالات ہون توں پہلاں ای سانوں ریپچر [مسیح دے استقبال لئی بدلاں وِچ چکیا جانا] کر لہیا جائے گا، تے اَسی جیہڑا ہون والا اے اُوہدے لئی تیار نئیں ہوواں گے۔

پاسٹر رچرڈ وورمبرانڈ Richard Wurmbrand اک ایونجیلیکل منسٹر سن جنہاں نے کیمونسٹاں دے قیدخانے وِچ 14 ورے لنگہائے، اُوہناں نوں رومانیہ وِچ مسیح لئی اذیتاں دِتیاں گئیاں سن۔ امریکہ وِچ مسیحی جِنہی اذیتاں نوں جانندے نے اُوہناں دے مقابلے وِچ اُوہناں دے قید دے تجربے کدرے زیادہ ناقابل فہم نے۔ اُوہناں دے قیدخانہ وِچ چوہے رات نوں اُوہناں دے پیراں نوں کھا گئے۔ اُوہناں نوں مارا پیٹا گیا۔ سُلگدیاں سلاخاں نے اُوہناں دے گردن تے جسم تے ہولناک گھاؤ چھڈے نے۔ مرن دی حد تیکر اُوہناں نے [قید وِچ] فاقے کیتے۔ تے ایہہ ہولناکیاں 14 وریاں تیکر جاری رہئیاں۔ ایناں دی وجہ توں پاسٹر وورمبرانڈ نے جنہوں اُو ’’اذیتاں دا علم‘‘ دُکھاں نوں جھیلن دا فلسفہ مرتبہ کیتا۔ (معجزانہ طور تے) امریکہ وِچ آن دے بعد اُوہناں نے بہوتی ساری گرجا گھراں وِچ دُکھاں لئی تیاری دی لوڑ دی تعلیم دِتی – جیہدے وِچ خود سڈا اپنا گرجا گھر وی شامل اے۔ پاسٹر وورمبرانڈ نے تعلیم دِتی کہ امریکہ وِچ مسیحیاں نوں دُکھاں نوں برداشت کرن لئی تیار رہنا چائیدا اے۔ اُوہناں نے کہیا، ’’سانوں ہُنے توں ای تیاریاں کرنیاں نے، ایس توں پہلاں کہ سانوں قید کر دِتا جائے۔ قید وِچ تُسی سب کُج کھو دیندے اُو… کُج وی ایہو جیہا نئیں بچدا جیہڑا حیاتی نوں خوشگوار کرے۔ کوئی وی جنہے پہلاں توں ای حیاتی دیاں لذتاں توں مُنہ نہ موڑیا ہووے مزاحمت نئیں کر پاندا‘‘ (قوماں نوں خوش ہون دیو Let the Nations Be Glad وچ جان پائیپر نے حوالہ دِتا، بیکر کُتب، 2020، صفحہ 10)۔

ڈاکٹر پال نائی کوئیسٹ Dr. Paul Nyquist نے کہیا، ’’تیار ہو جاؤو۔ جوں جوں تہذیبی تبدیلیاں ساڈے مُلک وچ پھیلدی جا رئیاں نے، سانوں چھیتی ای اوویں حیاتی گزارن لئی مقابلہ کرنا پئے گا جیدے بارے وچ بائبل کہندی اے … اذیتاں دا جواباً ردِعمل‘‘ (جے۔ پال نائی کوئیسٹ J. Paul Nyquist، تیار ہو جاؤو: اِک ودھدی ہوئی مخالفانہ تہذیب وچ اپنے ایمان دے نال حیاتی بسر کرنا Prepare: Living You Faith in an Increasingly Hostile Culture، موڈی پبلیشرز، 2015، صفحہ 14)۔

نوح دے دِن ایمان نال برگشتگی نے

یسوع نے کہیا،

’’جیویں نوح دے دناں چہ ہویا سی اوویں ای ابنِ آدم دی آمد دے ویلے ہووے گا۔ کیوں جے طوفان توں پہلاں دے دِناں وچ لوکی کھاندے پیندے تے شادی بیاہ کردے کراندے سی۔ نُوح دے کشتی وچ داخل ہون دے دِن تیکر ایہہ سب کُج ہوندا رہیا۔ اُوہناں نوں خبر تک نئیں سی کیہ کی ہون آلا اے، ایتھوں تیکر کہ طوفان آیا تے اُوہناں سب نوں وگا لے گیا۔ ابنِ آدم دی آمد وی ایویں دی ای ہووے گی‘‘ (نوح 24:37۔39؛ صفحہ 1034).

بے شمار ایونجیلیکلز سوچدے نے کہ نوح دے دِن بہت شدید مصائب دا زمانہ سی۔ لیکن ایتھے اُوہدے توں ودھ اے۔ نوح دے دِناں چہ ’’لوکی کھاندے پیندے تے شادی بیاہ کردے کراندے سن۔ نُوح دے کشتی وچ داخل ہون دے دِن تیکر ایہہ سب کُج ہوندا رہیا‘‘ (متی24:38)۔

بالکل ایہو ای اے جیہڑا امریکہ تے مغربی دُنیا وچ رونما ہو رہیا اے! ’’تیجی دُنیا‘‘ وچ ایدے توں کہیں زیادہ اذیتاں نے۔ چین وگریاں تھاواں تے حقیقی حیات نوع وی نے۔ لیکن امریکہ تے مغربی وچ نئیں! ایتھے لوکی مادیت پرستی لئی فکرمند نے۔ ایہہ عام جئیاں کرن آلیاں گلاں لگدیاں نے۔ لیکن ایدے توں وی ودھ اے۔ ایہہ اُوہناں دی حیاتیاں دا مرکز اے – ’’کھانا تے پینا تے شادی بیاہ کرنا کرانا۔‘‘ اُوہناں نے سوچیا اوہی گلاں نے حیاتی گزارن لئی! اُوہناں دیاں حیاتیاں دا مرکز خُدا نئیں سی! ایہہ حیاتی دی مادی شیواں سن جیہڑیاں اُوہناں لئی سب توں ودھ اہم سن!

لودیکیہ دی کلیسیا اِک تصویر اے
امریکہ تے مغربی دُنیا وچ کلیسیاؤں دی

یسوع نے کہیا،

’’لودیکیہ دی کلیسیا دے فرشتہ نوں لکھ، جیہڑا آمین تے قابلِ اعتماد، برحق گواہ تے خدا دی خلقت دا مبداء اے ایہہ فرماندا اے کہ میں تیرے کَماں توں واقف آں کہ تُوں نہ تے سرد اے نہ گرم۔ کاش کہ تُوں سرد ہوندا یا گرم۔ پس چونکہ تُوں نہ گرم اے نہ سرد بلکہ نیم گرم اے ایسے لئی میں تینوں اپنے مُنہ توں نکال پھینکن نوں آں۔ تُوں کہندا اے کہ تُوں دولتمند اے تے مالدار بن گیا اے تے تینوں کسی شے دی حاجت نئیں مگر تُوں ایہہ نئیں جانندا کہ تُوں بد بخت، بے چارہ، غریب، اندھا تے ننگا اے۔ میں تینوں صلاح دیناں آں کہ میرے سے اگ وچ تپایا ہویا سونا خرید لے تاں جے دولتمند ہو جاوے تے پہنن لئی سفید پوشاک حاصل کرلے تاں جے ننگا رہ کے شرمندہ نہ ہونے پائے تے اپنیاں اکھاں وچ ڈالن لئی سُرمہ لے لے تاں جے بینا ہو جاوے۔ میں جنہاں نوں پیار کردا آں اُوہناں نوں ڈانٹدا وی آں تے تنبیہ وی کردا آں۔ ایسے لئی پُرجوش اُو تے توبہ کر‘‘ (مکاشفہ 3:14۔19؛ صفحہ 1334).

ایہہ اِک مُرتد کلیسیا دی تصویر اے۔ ایہہ اُو کلیسیا اے جیہڑی نیم گرم [لاپرواہ] اے، ’’تے نہ ای سرد نہ گرم‘‘ (مکاشفہ 3:16). ایہہ غیر نجات یافتہ لوکاں نال پری ہوئی اِک کلیسیا اے (مکاشفہ 3:17). ایہہ اُو کلیسیا اے جِنے توبہ کرن توں انکار کر دِتا سی (مکاشفہ3:19)۔

اسی گذشتہ 40 وریاں وچ گرجا گھراں دی دو تقسیماں ویکھ چُکے آں۔ دوویں ای وری جنہاں لوکاں نے سانوں چھڈیا اُو لوکی سن جیہڑے ’’نیم گرم [لاپرواہ] سن۔ اُو دوویں ای بشراں نوں جِتن دے معاملے وچ ’’نیم گرم [لاپرواہ]‘‘ بن گئے۔ دوواں ای نے سنجیدہ مسیحیت نوں مسترد کر دِتا۔ اُو گلاں جنہاں نے لوکاں نوں ساڈے نالوں ہٹا کے اُوہناں ول کھِچیا ایہہ سن کہ اسی ’’بہت زیادہ سخت‘‘ سی تے اُوہناں نوں زیادہ مزہ آندا جے اُو سانوں چھڈ دیندے۔ لیکن دونوں ای وری اُو اِک ’’شعلہ فشاں‘‘ کلیسیا پان چہ ناکام رئے۔ اُوہناں دوواں ای نوں (بہت تاخیر) نال پتا چلیا کہ خود اُوہناں دے اپنے لوکاں نوں اِک نیم گرم [لاپرواہ] ماحول وچ نئیں رکھا جا سکدا۔ اُو دونوں ای آخر چہ ناکام رئے۔ یسوع نے کہیا، ’’میں تینوں اپنے مُنہ توں اُگل [اُلٹی کر] دواں گا‘‘ (مکاشفہ 3:16). اُو دُنیا توں علیحدہ ہونا نئیں چاہندے سن، لہٰذا اُو دُنیا، لوکاں تے ابلیس دے ذریعے نال خُفیہ طریقے نال شامل ہو گئے۔ اُو فوجی بنیاد پرست ہونا نئیں چاہندے سن، لہٰذا اُو چھیتی ای نیم گرم نوے ایونجیلیکلز بن گئے! روحانی طور تے اُو چھیتی نال صرف ادھے زندہ بے – یا بدتر!

خود توں پُچھو۔ جے اُو لوکی جیہڑے چعین Chan دا ساتھ چھڈ کے چلے چین وچ ہوندے، تے کی اُو زیرِ زمین گرجا گھراں وچ ٹکے ہوندے، یا کی اُو کیمونسٹاں دے آسرے آلے ’’تِن ذاتی گرجا گھر Three-Self Church‘‘ وچ جا چکے ہوندے؟ جواب تہانوں معلوم اے! جواب تہانوں پہلاں ای توں معلوم اے! اُو واقعی چہ سچی مُچی کیمونسٹ گرجا گھراں وچ نس چکے ہوندے۔ کیوں؟ کیوں جے اُو حقیقی مسیحیت نئیں چاہندے سی۔ اُوہناں دے مُنہ اِک دھیمے، نوے ایونجیلیکل ’’گرجا گھر‘‘ لئی بھوکے سی۔ تے ایہو ای اے جیہڑا مُرتد چعین نے اُوہناں نوں پیش کیتا! اِک دھیما، نوا ایونجیلیکل ’’گرجا گھر‘‘۔ تُسی ایہہ جانندے اُو! تُسی ایہہ پہلاں ای توں جانندے اُو !!! میں تہانوں کوئی نوی گل نئیں دس رہیا آں!!!

میں ایس پیغام نوں ساڈے دِناں وچ نوے ایونجیلیکل گرجا گھراں وچ ایمان نال برگشتگی دی اِک تفصیل دے نال ختم کراں گا،

’’لیکن یاد رئے کہ آخیرلے زمانہ وچ بُرے دِن آن گے لوکی خُود غرض، زَردوست، شیخی باز، مغرور، بدگو، ماں پیو دے نافرمان، ناشکرے، ناپاک، محبت توں خالی، بے رحم، بدنام کرن آلے، بے ضبط، تُند مزاج، نیکی دے دشمن، دغاباز، بے حیا، گھمنڈی، خدا دی نسبت عیش و عشرت نوں زیادہ پسند کرن آلے ہون گے۔ اُو دینداراں جئی وضع تے رکھن گے لیکن حیاتی وچ دینداری دا کوئی اثر قبول نئیں کرن گے۔ انج دیاں توں دُور ای رہنا‘‘ (2۔ تیموتاؤس 3:1۔5؛ صفحہ 1280، 1281).

’’ایہہ سیکھن دی کوشش تے کردے نے لیکن کدی ایس قابل نئیں ہوندے کہ حقیقت نوں پہچان سکن‘‘ (2۔ تیموتاؤس 3:7؛ صفحہ 1281).

’’دراصل جِنے لوکی مسیح یسوع وچ دیندار حیاتی گزارنا چاہندے نے اُو سب ستائے جان گے‘‘ (2۔ تیموتاؤس 3:12؛ صفحہ 1281).

’’کلام دی منادی کر، وقت بے وقت تیار رہ، بڑے صبر تے تعلیم نال لوکاں نوں سمجھا، ملامت تے نصیحت کر۔ کیوں جے انج دا ویلہ آ رہیا اے کہ لوکی صحیح تعلیم دی برداشت نئیں کرن گے بلکہ اپنی خواہشاں دے مطابق بہتے اُستاد بنا لین گے تاں جے اُو اوہی کُج دسن جیہڑا اُوہناں دے کناں نوں بھلا معلوم ہووے۔ اُو سچائی ولوں کن بند کر لین گے تے کہانیاں ول توجہ دین لگن گے۔ مگر تُوں ہر حالت وچ ہوشیار رہ، دُکھ چُک، مُبشر دا کم انجام دے تے اپنی خدمت نوں پورا کر‘‘ (2۔ تیموتاؤس 4:2۔5؛ صفحہ 1281).

’’کیوں جے دیماس نے دُنیا دی محبت وچ پھس کے مینوں چھڈ دِتا‘‘ (2۔ تیموتاؤس 4:10؛ صفحہ 1281).

’’میں تہانوں التماس کرنا آں کہ جیہڑے لوکی اُوس تعلیم دی راہ وچ جیہڑی تُسی پائی اے روڑے اٹکاندے تے لوکاں وچ پھوٹ ڈالدے نے، اُوہناں توں ہوشیار رہوو تے اُوہناں توں دُور ای رہوو۔ کیوں جے انج دے لوکی ساڈے خداوند مسیح دی نئیں بلکہ اپنے پیٹ دی خدمت کردے نے تے چِکنیاں چُپڑیاں گلاں تے خُوشامد نال سادہ دلاں نوں بہکاندے نے‘‘ (رومیوں 16:17، 18؛ صفحہ 1210).

میرے پیارے بھائیوں اور بہنو، عظیم نبی دانی ایل اُوہناں گلاں نوں مکمل طور تے سمجھ نئیں پایا سی جنہاں دی تبلیغ میں اج راتی تہانوں کر چُکیا آں۔ لیکن خُدا دا شکر ادا کرو کہ اُوس [خُدا] نے مارون روز نتھال نامی ورگا اِک مشنری سانوں دسن تے ’’ریپچر دے بارے چہ اِک نئی سمجھ پیش کرن لئی کھڑا کیتا۔ بہت بڑے مصائب تے یسوع دی دوجی آمد‘‘ سمجھان لئی کھڑا کیتا (کلیسیا دے ریپچر دا قبل ازیں قہر The Pre-Wrath Rapture of the Church دی کتاب دا جلدی ورق، تھامس نیلسن، 1990)۔

جی ہاں، اسی ایس ویلے زمانے دے خاتمے دے قریب بہت وڈی ایمان نال برگشتگی دے شروع دے مرحلے وچ آں۔ جی ہاں، سانوں اذیتاں وچوں گزرنا پئے گا، جیویں چین دے لوکی گزر رئے نے، جیویں رچرڈ وورمبرانڈ گزرے، جیویں ’’تیجی دُنیا‘‘ وچ لوکی گزر رئے نے۔ لیکن اُو جیہڑے مسیح نال محبت کردے نے آخر چہ فاتح ہون گے، کیوں جے یسوع نے کہیا،

’’چونکہ تُوں اُوس صبر تے برداشت دے حکم نوں جیہڑا میں تینوں دِتا سی، مانا اے، میں وی آزمائش دے اُوس ویلے تے جیہڑا تمام اہلِ دُنیا تے آن آلا اے، تیری حفاظت کراں گا۔ میں چھیتی آ رہیا آں۔ جیہڑا کُج تیرے کول اے اُوہنوں سنبھالے رکھ تاں جے تیرا تاج کوئی کھو نہ لوے۔ جیہڑا غالب آئے گا، میں اُوہنوں اپنے خدا دی ہیکل وچ اِک ستون بنا دواں گا۔ اُو اوتھوں کدی باہر نئیں نکلے گا تے میں اُوہدے تے اپنے خدا دا ناں تے اپنے خدا دے شہر دا ناں لکھاں گا یعنی نوے یروشلیم دا ناں جیہڑا میرے خدا ولوں آسمان توں اُترن آلا اے تے میں اُوہدے تے اپنا نوا ناں وی تحریر کراں گا۔ جیدے کَن ہون اُو سُنے کہ پاک رُوح کلیسیاؤں نوں کی فرماندا اے‘‘ (مکاشفہ 3:10۔13؛ صفحہ 1334).

مہربانی نال کھلوو تے ’’کی میں صلیب دا اِک سپاہی آں؟ Am I a Soldier of the Cross?‘‘ دا بند نمبر 1، 2 تے 4 گاؤو۔

کی میں صلیب دا اِک سپاہی آں، برّے دے پِچھے چلن آلا،
تے کی مینوں اُوہدے مقصد نوں اپنان نال خوفزدہ ہونا چائیدا اے، یا اُوہدا ناں بولن توں شرمندہ ہونا چائیدا اے؟

کی مینوں آسمان تے سہولت دے پھولدار بستراں تے لے جایا جانا چائیدا اے،
جدوں کہ دوجے انعام جِتن لئی لڑو، تے خونی سمندراں وچوں گزرو؟

یقیناً مینوں لڑنا چائیدا اے، جے مینوں حکومت کرنی اے؛ خُداوندا! میرے حوصلے نوں ودھا،
میں سختیاں نوں جھیلاں گا، درد نوں برداشت کراں گا، تیرے کلام دے سہارے دے ذریعے نال۔

(’’کی میں صلیب دا اِک سپاہی آں؟Am I a Soldier of the Cross?‘‘ شاعر ڈاکٹر آئزک واٹز Dr. Isaac Watts، 1674۔1748)۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔