Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




حننیاہ بشراں دا جیتن آلا

(اُس مواد دے نال جِنہوں ڈاکٹر ڈبلیو۔ بی۔ رائیلی دے اِک واعظ توں اخذ کیتا گیا)
ANANIAS THE SOULWINNER
(With material adapted from a sermon by Dr. W. B. Riley)
(Punjabi – A Language of Pakistan)

ڈاکٹر کرسٹوفر ایل۔ کیگن وَلّوں
لاس اینجلز دی بپتسمہ دین آلی عبادت گاہ وِچ دِتا گیا اِک واعظ
خُداوند دے دِن دی سویر، 8 ستمبر، 2019
by Dr. Christopher L. Cagan
A sermon preached at the Baptist Tabernacle of Los Angeles
Lord’s Day Morning, September 8, 2019


مہربانی نال اعمال دی کتاب کھولو، باب 9، آیتاں 10 تا 18۔ ایہہ سیکوفیلڈ بائبل وِچ صفحہ 1160 تے نے۔ سُنو جدوں میں ایہناں نوں پڑھاں۔

’’تے دمشق وِچ یسوع دا اِک شاگرد رہندا سی جیس دا ناں حننیاہ سی؛ تے خُداوند نے اُوہنوں رویا چہ کہیا، اے حننیاہ۔ تے اُوہنے جواب دِتا، ہاں، اے خُداوند فرما، میں ایتھے آں، تے خداوند نے اُوہنوں کہیا، اُٹھ، تے اُوس کوچے وِچ جیہڑا سیدھا کہلاندا اے یہوداہ دے گھر جا۔ اُوتھے ساؤل ناں دا اِک بندہ اے جیہڑا تُرسس شہر دا اے: توں اُوہدے بارے چہ پُچھنا کیوں جے ویکھ اُو دعا کرن چہ مشغول اے، تے اُوہنے رویا وِچ اِک آدمی حننیاہ نوں آندے تے اپنے اُوتے ہتھ رکھدے ہوئے ویکھیا اے تاں جے اُو فیر توں بنیا ہو جائے۔ فیر حننیاہ نے جواب دِتا، اے خُداوند، میں ایس شخص دے بارے چہ کئی لوکاں کولوں بوہتی گلاں سُنیاں نے تے ایہہ وی کہ ایہنے تیرے مقدساں دے نال یروشلیم وِچ کیسی کیسی بُرائیاں کیتیاں نے۔ ایہنوں سردار کاہناں وَلوں اِختیار مِلیا اے کہ ایتھے وہ اُوہناں ساریاں نون جیہرے تیرا ناں لیندے نے گرفتار کر لے۔ لیکن خُداوند نے حننیاہ نوں کہیا، جا، کیوں جے میں اِس بندے نوں چُن لہیا اے تاکہ اُوہدے وسیلہ نال غیرقوماں، بادشاہواں تے بنی وِچ میرے ناں دا اِظہار ہووے۔ میں اُوہنوں جِتا دیواں گا کہ میرے ناں دی خاطر اُوہنوں کنہے دُکھ چکنے پین گے۔ فیر حننیاہ گیا تے اُوس گھر وِچ داخل ہویا؛ اُوہنے اپنے ہتھ ساؤل تے رکھے تے کہیا: ساؤل پرہا! جدوں توں ایتھے آ رہیا سی تے راہ وِچ تیرے تے خُداوند یسوع ظاہر ہویا سی۔ اُوہنے ای مینوں ایتھے پیجیا اے تاں جے توں فیر توں ویکھن لگے تے پاک روح نال معمور ہو جاوے۔ اُوسی ویلے ساؤل دیاں اَکھاں توں چھلڑ ڈئے ڈِگے تے اُوہنوں نظر آنا شروع ہو گیا۔ فیر اُوہنے اُٹھ کے بپتسمہ لہیا‘‘ (اعمال9:10۔18؛ سیکوفیلڈ بائبل صفحات 1160۔1161)۔

حننیاہ نے تُرسس دے ساؤل دی رہنمائی مسیح وَلوں کیتی سی۔ بعد چہ ’’ساؤل (جنہوں پولوس وی کہیا گیا اے)‘‘ دے بارے چہ دسدی اے (اعمال13:9؛ صفحہ 1166)۔ ساؤل نوں رومی نام پولوس دِتا گیا سی۔ اُو پولوس رسول بنیا سی، جنہے ساری رومی سلطنت وِچ خوشخبری دی منادی کیتی سی تے اِک تہائی نیا عہد نامہ لکھیا سی۔ پولوس رسول ایس زمین تے وسن آلے مسیحیاں وِچوں سب توں عظیم سی۔ تے حننیاہ اُو آدمی سی جنہوں خُدا نے پولوس دی مسیح تیکر رہنمائی کرن لئی استعمال کیتا سی!

کوئی غلطی مت کیجیے گا – ایہہ اُو ویلہ سی جدوں پولوس مسیح وِچ ایمان لہیا کے تبدیل ہو چکیا سی۔ اُو دمشق دی راہ وِچ مسیح تے ایمان لہیا کے تبدیل نئیں ہویا سی، صرف بیدار ہویا سی تے معمور ہویا سی۔ بائبل کہندی اے،

’’تے جدوں اُو [ساؤل] سفر کردے کردے دمشق دے کول پہنچیا تے اچانک اِک نور آسمان توں آیا تے اُوہدے آلے دوالے چمکن پہیا۔ اُو زمین تے ڈِگ گیا تے اُوہنوں اِک واج ایہہ کہندی ہوئی سُنائی دِتی، اے ساؤل، اے ساؤل، توں مینوں کیوں ستاندا اے؟ تے اُوہنے پُچھیا، اے خداوند، توں کون اے؟ تے خُداوند نے جواب دِتا، میں یسوع آں جنہوں توں ستاندا اے۔ جیہڑی شے بدلی نئیں جا سکدی اُوہنوں تبدیل کرن دی کوشش تیرے لئی نہایت مشکل اے۔ تے اُوہنے کپکپاندے ہوئے تے حیرانگی نال کہیا، اے خُداوند، توں کی چاہندا اے میں کراں؟ تے خُداوند نے اُوہنوں کہیا، اُٹھ، تے شہر چہ داخل ہو، تے تینوں دسیا جائے گا کہ تینوں کی کرنا اے‘‘ (اعمال9:3۔6؛ صفحہ 1160)۔

یسوع ساؤل نال ہمکلام ہویا سی۔ ساؤل نے اُوہنوں ’’اے خُداوند‘‘ کہیا سی۔ اُوہنے ساؤل نوں دسیا سی کہ اُو یسوع سی، تے ساؤل اُوہنوں اذیتاں دے رئیا سی، کیوں جے ساؤل مسیح دا اِک دشمن سی تے اُوہنے مسیحی مرداں تے عورتاں نوں قید چہ پایا سی (اعمال8:3؛ صفحہ 1159)۔ ساؤل نے ویکھیا سی کہ اُو ہولناک طور تے غلطی تے سی۔

ساؤل بیدار ہو چکیا سی۔ ساؤل معمور ہو چکیا سی۔ یسوع نے ساؤل تے ظاہر کر چھڈیا سی کہ اُو، یسوع سچا مسیحا سی۔ ساؤل یسوع نوں مسترد کرن دے اپنے گناہ توں بیدار ہو چکیا سی تے کپکپاندے ہویاں یسوع نوں ’’اے خُداوندا‘‘ بُلایا سی تے اُوہنوں پُچھیا سی کی کرنا اے۔ یسوع نے اُوہنوں دمشق دے شہر وِچ جان لئی کہیا سی۔ ساؤل اَنّا ہو چکیا سی۔ تِن دِناں تیکر اُوہنے دعا مانگی تے روزہ رکھیا، نہ کُج کھادا نہ پانی پیتا۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

لیکن ساؤل ہلے تیکر مسیح چہ ایمان لہیا کے تبدیل نئیں ہویا سی۔ اُو جانندا سی کہ یسوع ای خداوند سی۔ اُو جانندا سی کہ اُو غلط راہ تے چل رہیا سی۔ اُو جانندا سی کہ اُو اِک گنہگار سی۔ لیکن تُسی اُوہناں گلاں نوں جان سکدے اُو تے نجات یافتہ نئیں ہوندے۔ ساؤل وی اپنے توں پہلاں پطرس دی ای وانگوں معمور [منور] ہویا سی۔ یسوع نے اپنے شاگرداں نوں پُچھیا،

’’مگر تُسی مینوں کی کہندے اُو؟ تے شمعون پطرس نے جواب دِتا تے کہیا، توں زندہ خُدا دا پُتر مسیح اے۔ تے یسوع نے جواب دِتا تے اُوہنوں کہیا، اے یوناہ دے پُتر، شمعون توں مبارک اے کیوں جے ایہہ گل کسی انسان نے نئیں بلکہ میرے آسمانی پیو نے تیرے تے ظاہر کیتی اے‘‘ (متی16:15۔17؛ صفحہ1021)

پطرس ویکھ چکیا سی کہ یسوع ای خُدا دا پُتر اُو مسیحا سی۔ لیکن اُو ایسٹر دی شام اُوس ویلے تیکر مسیح چہ ایمان لہیا کے تبدیل نئیں ہویا سی جدوں تیکر مسیح نے اُوہدے تے پھونکیا نئیں سی تے پطرس نے پاک روح نوں پایا سی (یوحنا20:22؛ صفحہ1144)۔ بائبل کہندی اے، ’’جیس چہ مسیح دا روح نئیں اُو مسیح دا نئیں‘‘ (رومیوں8:9؛ صفحہ 1201)۔ ایہہ اُوس ویلے ہویا سی جدوں پطرس نے پاک روح نوں پایا سی۔ ایہہ اُوس ویلے ہویا سی جدوں پطرس مسیح چہ ایمان لہیا کے تبدیل ہویا سی۔ اُوس توں پہلاں، پطرس صرف معمور [منور] ہویا سی۔

اینج ای ساؤل دے نال وی ہویا سی۔ اُو دمشق دی راہ تے معمور [منور] ہویا سی۔ یسوع نے ساؤل تے ظاہر کیتا سی کہ اُو، یسوع، خُداوند سی۔ یسوع نے ساؤل تے ظاہر کیتا سی کہ اُو اِک گنہگار سی۔ للیکن اُو تِن دِن بعد تیکر مسیح چہ ایمان لہیا کے تبدیل نئیں ہویا سی جدوں تیکر پاک روح نال لبریز نئیں ہسی (اعمال9:17؛ صفحہ 1161)۔ فیر اُو اِک نجات یافتہ شخص ہو گیا سی، بالکہ پطرس وانگوں!

ایہہ حننیاہ سی جنہوں خُداوند نے پولوس دی مسیح تیکر رہنمائی کرن لئی استعمال کیتا سی۔ اَج میں حننیاہ دے بارے چہ دو نکات سامنے لہیانا چاہنا واں، تے اُوہناں نوں تہاڈے تے لاگو کراں گا جدوں تُسی اِک بشر نوں جیتن دی کوشش کرو گے۔

I۔  ۔ پہلا، حننیاہ یسوع نوں جانندا سی۔

بائبل سانوں دسدی اے، ’’

بائبل ہمیں بتاتی ہے، ’’تے دمشق وِچ یسوع دا اِک شاگرد رہندا سی جیس دا ناں حننیاہ سی؛ تے خُداوند نے اُوہنوں رویا چہ کہیا، اے حننیاہ۔ تے اُوہنے جواب دِتا، ہاں، اے خُداوند فرما، میں ایتھے آں‘‘ (اعمال9:10؛ صفحہ 1160)۔ اُوہدا مسیح دے نال اِک جیوندا جاگدا تعلق سی، کیوں جے یسوع نے اُوہنوں اُوہدے ناں ’’حننیاہ‘‘ نال پکاریا سی تے حننیاہ نے جواب چہ کہیا سی، ’’ویکھ، اے خداوند میں ایتھے آں۔‘‘

تہانوں ناں دے نال جاننا مسیح لئی کِنا شاندار ہوندا اے! تُسی شاید کہہ سکدے اُو، ’’لیکن کی اُو ہر کسی نوں نئیں جانندا؟‘‘ جی ہاں، اُو جانندا اے، کیوں جے اُو خُدا دا پُتر اے۔ لیکن میں اُوہدے توں وی زیادہ گہری گل دے بارے چہ گل کر رئیا آں۔ مسیح تے حننیاہ دے درمیان اِک تعلق سی۔ ایس آیت تے تبصرہ کردیاں ہوئے، ڈاکٹر ڈبلیو۔ بی۔ رائیلی Dr. W. B, Riley نے کہیا، ’’بے شمار لوکی ہوندے نے جیہڑے خُدا نوں نئیں جانندے؛ تے کوئی ایہو جیہا بندہ نئیں ہوندا جنہوں خُدا نہ جانندا ہووے‘‘ (’’حننیاہ – اِک ماہر بشراں نوں جیتن والا Ananias – The Skillful Soul-Winner،‘‘ نئے عہدنامے دے ست بشراں نوں جیتن آلے Seven New Testament Soul-Winners وِچ، 1939)۔ جے تُسی مسیح تے پروہسا نئیں کیتا اے، تے اُو تہاڈے بارے چہ جانندا اے، لیکن تُسی اُوہنوں نئیں جانندے اُو۔

جے تُسی یسوع تے پروہسا کر چکے اُو، تے اُو تہانوں جانندا اے تے تُسی اُوہدی پیروی کردے اُو۔ بائبل کہندی اے کہ یسوع، جیہڑا اچھا چرواہا اے، ’’اپنی پھیڈاں نوں ناں بناں پکاردا اے‘‘ (یوحنا10:3؛ صفحہ 1129)۔ فیر، مسیح نے کہیا، ’’میری پھیڈاں میری واج سُندیاں نے تے میں اُوہناں نوں جاننا آں تے اُو میرے مگر مگر تُڑدیاں نے‘‘ (یوحنا10:27؛ صفحہ 1129)۔ جے تُسی یسوع تے پروہسا کر چکے اُو، تے تُسی اُوہدی پھیڈاں وِچوں اِک اُو۔ مسیح، جیہڑا چرواہا اے، تہانوں ناں نال پکاردا اے۔ اُو تہانوں جانندا اے تے تُسی اُوہدے مگر مگر ٹُردے اُو۔

حننیاہ نے یسوع نوں جواب دِتا، ’’ویکھ، اے خُداوند، میں ایتھے آں‘‘ (اعمال9:10)۔ یسوع نے اُوہنوں کہیا سی، اُٹھ، تے اُوس کوچے وِچ جیہڑا سیدھا کہلاندا اے یہوداہ دے گھر جا۔ اُوتھے ساؤل ناں دا اِک بندہ اے جیہڑا تُرسس شہر دا اے اُوہدے بارے چہ پُچھیں‘‘ (اعمال9:11)۔ حننیاہ نے یسوع دی پیروی کیتی سی تے اُوتھے گیا سی جیتھے جان لئی یسوع نے اُوہنوں کہیا سی۔ اُوتھے اُوہنے ساؤل نوں پایا سی تے اُوہدی نجات دے لئی رہنمائی کیتی سی۔

کوئی شاید پُچھے، ’’کی مینوں اُوہو جیہا خواب آ سکدا اے جیویں حننیاہ نوں آیا سی؟‘‘ جی ہاں، اُو ممکن اے۔ لیکن خداوند خود اپنے کلام، بائبل نوں کدی وی نئیں جُھٹلائے گا۔ پطرس رسول نے خُداوند دی واج نوں سُنیا سی جدوں اُو [تبدیلی دے] مقدس پہاڑ تے سی (II۔ پطرس 1:17۔18)۔ ایہدے باوجود پطرس نے بائبل دے بارے چہ گل کردے ہوئے کہیا سی، ’’ساڈے کول نبیاں دا اُو کلام اے جیہڑا بڑا معتبر اے‘‘ (II۔ پطرس1:19)۔ بائبل تے پروہسا کرو، اِک احساس یا اِک خواب تے نئیں یا ’’خُدا وَلوں اِک لفظ‘‘ تے۔ احساسات تے خواب تے رویا تہانوں دھوکہ دے سکدے نے، لیکن بائبل کدی وی دھوکہ نئیں دے سکدی۔ خُدا دے کلام دے نیڑے رہوو تے اپنی رہنمائی بائبل نوں کر لین دیو!

حننیاہ اِک مسیحی سی۔ سیوع نے اُوہنوں پولوس رسول نوں جیتن لئی استعمال کیتا سی۔ آؤ ہُن مینوں بشراں نوں جیتن دے سلسلے وِچ تہاڈے بارے چہ گل کر لین دیو۔ میں اُمید کراں گا کہ تُسی گرجا گھر وِچ اِک شخص نوں لہیاں دی کوشش کرو گے۔ میں اُمید کراں گا تُسی اُوہدے نال مل کے کم کرو گے تے اُوہدے نال اُوس ویلے تیکر ٹکے رہوو گے جدوں تیکر اُو مسیح وِچ ایمان لہیا کے تبدیل نئیں ہو جاندا – تے اُوہدے کافی دیر بعد تیکر وی، کیوں جے اِک مسیح نوں فیر وی مدد دی لوڑ ہوندی اے۔ تُسی ایہہ بہتر طور تے اُوس ویلے کر سکدے اُو جے تُسی آپئی ںجات یافتہ ہوو۔ جے تُسی نجات یافتہ نئیں ہوندے اُو، تے تُسی شاید ای کُج کم کر پاؤ گے۔ چعین Chan مُرتد دے نال جیہڑے لوکی نے اُو اِک ناں تے اِک فون نمبر لکھ سکدے نے۔ اُو اِک شخص نوں اِجلاس وِچ کھیچ کے لہیا سکدے نے۔ لیکن اُو اِک بندے نوں مسیح دے کول نئیں لہیا سکدے جے اُو یسوع دے بارے چہ خود کُج نئیں جانندے!

اِک بشر نوں جیتن لئی، تہاڈا اِک مسیحی ہونا ای کافی نئیں ہونا چاہیے۔ تہانوں دانشمند وی ہونا چائیدا اے۔ بائبل کہندی اے، ’’اُو جیہڑا بشراں نوں جیتدا اے دانا ہوندا اے‘‘ (امثال11:30؛ صفحہ 680)۔ اُوس آیت دا ترجمہ اینج وی کیتا جا سکدا اے، ’’اُو جیہڑا دانا ہوندا اے بشراں نوں جیتدا اے۔‘‘ بشراں نوں جیتن لئی دانشمندی دی لوڑ ہوندی اے۔ اُو مسیح دے ذریعے نال خُدا دے نال گہرے تعلق توں آندی اے۔ ایتھے کُج گلاں نے جیہڑیاں تُسی کر سکدے اُو۔ جیس قدر ممکن ہووے اُوس قدر سیکھو۔ واعظاں نوں سنو۔ اُوہناں نوں پڑھو تے اُوہناں دے بارے چہ سوچو۔ بائبل نوں پڑھو تے اُوہدے بارے چہ سوچو۔ پادری لوکاں دے نال اکثر گل بات کریا کرو۔ اُوہناں دے نال اُوس بندے دے بارے چہ گل کرو جنہوں تُسی [گرجا گھر] لہیا رئے اُو۔ مسیح دے لئی کم کرن لئی جاؤ۔ اِک شخص نوں [گرجا گھر] وِچ لہیان لئی تُسی جو کُج کر سکدے اُو اُوہنوں کرو۔ اُو تہانوں ودھن چہ مدد دے گا! ’’فضل وِچ ودھن تے ساڈے خُداوند تے نجات دہندہ یسوع مسیح دے بارے چہ عرفان وِچ ودھن‘‘ دی تلاش کرو (II۔ پطرس3:18؛ صفحہ 1320)۔ تجربہ دے ذریعے نال ودھو، خُدا دے کلام دے ذریعہ نال ودھو، دعا دے ذریعے نال ودھو، فرمانبرداری دے ذریعے نال ودھو، دُکھاں دے ذریعہ نال ودھو، اپنے پادری لوکاں دے لفظاں دے ذریعے نال ودھو۔ خُدا اینج کرن لئی تہاڈی مدد کرے!

II۔  دوجا، حننیاہ نے یسوع دی فرمانبرداری کیتی سی۔

مسیح نے حننیاہ نوں کہیا، ’’اُٹھ، تے اُوس کوچے وِچ جیہڑا سیدھا کہلاندا اے یہوداہ دے گھر جا۔ اُوتھے ساؤل ناں دا اِک بندہ اے جیہڑا تُرسس شہر دا اے: توں اُوہدے بارے چہ پُچھنا‘‘ (اعمال9:11)۔ اُو اِک مشکل کم سی، کیوں جے ساؤل مسیح دا دشمن رہ چکیا سی۔ حننیاہ نے یسوع نوں جواب دِتا،

’’اے خُداوند، میں ایس شخص دے بارے چہ کئی لوکاں کولوں بوہتی گلاں سُنیاں نے تے ایہہ وی کہ ایہنے تیرے مقدساں دے نال یروشلیم وِچ کیسی کیسی بُرائیاں کیتیاں نے۔ ایہنوں سردار کاہناں وَلوں اِختیار مِلیا اے کہ ایتھے وہ اُوہناں ساریاں نون جیہرے تیرا ناں لیندے نے گرفتار کر لے‘‘ (اعمال9:13، 14؛ صفحات 1160۔1161)۔

حننیاہ جانندا سی کہ ساؤل دمشق وِچ مسیحیاں نوں گرفتا کرن تے ’’اُوہناں نوں قید کر کے یروشلیم وِچ لہیان‘‘ دے لئی گیا سی (اعمال9:2؛ صفحہ 1160)۔ تے اُو شخص ایتھے سی! حننیاہ نے ضرور سوچیا ہووے گا، ’’اُوہی کیوں؟‘‘ سارے لوکاں وِچوں، توں کیوں چاہنا اے کہ میں ای اُوہدے کول جاواں؟‘‘ حننیاہ نے شاید سوچیا ہووے گا کہ ساؤل اُوہنوں گرفتار کر لئے گا۔ جیویں کہ ڈاکٹر رائیلی Dr. Riley نے کہیا، ’’ساؤل اُو بندہ سی جنہوں حننیاہ مِلنا نئیں چاہندا سی‘‘ (ibid.)۔

جی ہاں، ایہہ اِک مشکل کم سی۔ حننیاہ ساؤل نال مِلنا نئیں چاہندا سی۔ لیکن جیویں کہ ڈاکٹر رائیلی نے ایہہ وی کہیا، ’’حننیاہ اُو بندہ سی جنہوں ساؤل مِلنا چاہندا سی… ایہہ روح دی رہنمائی سی جنہے دوواں نوں اِکھٹا کیتا سی۔‘‘ خُداوند نے ساؤل نوں بچائے جان لئی چُنیا سی۔ حالانکہ اُو اِک دشمن رہیا سی، ساؤل خُدا دے چُنیدہ لوکاں وِچوں اِک سی۔ خُداوند نے ساؤل کو نجات لئی چُنیا سی۔ تے خُداوند نے حننیاہ نوں چُنیا سی ساؤل نوں نجات تیکر لہیان لئی۔ بشر نوں جیتن آلا چُنیدہ تے بُلایا ہویا ہوندا اے تے بالکل اینا ای گنہگار وی چُنیدہ ہوندا اے۔ ڈاکٹر رائیلی نے کہیا، ’’اُوسی خُدا نے ساؤل نوں سزایابی وِچ کیتا تے حننیاہ نوں اُوسی لمحے وِچ مقرر کیتا۔ میں کدی کدی تعجب کرنا واں کہ آیا کی کدی کوئی ایہو جیہا وی سزایاب بندہ ہووے گا جیہدے لئی اُوسی لمحے وِچ کسی دوجے نوں مقرر نہ کیتا گیا ہووے۔ مینوں سنجیدگی نال شک اے کہ خُدا کدی وی کسی بندے نوں گناہ دی سزا دے تحت، مقدساں وِچوں کسی اِک نوں ’’اُس بندے دے کول جاؤ‘‘ کہے بغیر نئیں لہیاندا! (ibid.)۔

آؤ ہُن مینوں تہاڈے نال گل کر لین دیو۔ تُسی، جیہڑے بشراں نوں جیتن آلے لوکی اُو، خُدا دے ذریعے نال چُنے گئے اُو، بالکل جیویں حننیاہ چُنیا گیا سی۔ جے اُو بندہ چُنیدہ اے، تے خُدا تہانوں اِک انسانی آلے دی حیثیت نال اُوس شخص نوں بچان لئی چُنندا اے۔ تُہاڈا بشراں نوں جیتن دا کم شاندار تے دائمی ذمہ داری اے۔ ایہہ محض اِک شخص دے نال گپیں لانا یا اِک ناں لکھنا نئیں ہوندا۔ ایہہ ایس توں کدرے، کدرے زیادہ گہری گل اے۔ میں دعا منگنا واں کہ تُسی اپنا بشراں نوں جیتن دا کم سنجیدگی نال اپناؤ گے، کیوں جے ایہہ خُداوند وَلوں اِک مشن اے۔ ایہدے بارے چہ ایس طریقے نال سوچو، ’’میں خُدا وَلوں اِک مشن تے پیجیا گیا واں۔ خُداوند نے مینوں اُوس بندے دے کول جان تے اُوہنوں [گرجا گھر] لہیان لئی پیجیا اے۔‘‘جیس بندے نوں تُسی [گرجا گھر] وِچ لہیان دے کوشش کرئے اُو اُوہدے نال ویلہ گزارو۔ اُوہدے لئی دعا منگو۔ اُوہنوں بہتر طور تے جانو۔ اُوہدی پرواہ کرو۔ اُوہدے نال اِک ناں نوں حوالے کر دینا تے سسٹم نوں اُوہدی دیکھ بھال کر لین دینا وگرا ’’طریقہ کار‘‘ مت اپناؤ، کیوں جے ایہہ [طریقہ کار] ٹُر نئیں سکدا۔ صرف اُو لوکی، جنہاں دے نال خُدا دی مدد ہوندی اے، اُونج کر سکدے نے۔ تُسی شاید سوچو، ’’لیکن کی ہووے جے اُو چُنیدہ نہ ہویا؟‘‘ اَسی نئیں جانندے کون چُنیدہ اے۔ سانوں صرف ’’ہر مخلوق نوں خوشخبری دی منادی کرن‘‘ لئی کہیا گیا اے (مرقس16:15؛ صفحہ1069)۔ مذہبی خدمت دے لئی باہر نکلنا تہاڈا کاروبار اے، ’’پاویں اُو سُنن یا پاویں اُو نہ سُنن‘‘ (حزقیال 2:5؛ صفحہ 842)، پاویں اُو مسیح تے پروہسا کرن یا نہ کرن، اُوہی تہاڈا مقدس فریضہ اے، جنہوں آپئے مسیح نے [تہانوں کرن لئی] کہیا اے۔ تے اُو ہر اُوس بندے نوں جیہڑا اُوہنوں کرے گا انعام نال نوازے گا۔

یسوع نے حننیاہ نوں ساؤل دے کول جان لئی کہیا سی، ’’کیوں جے میں اُوس بندے نوں چُن لہیا اے تاں جے اُوہدے وسیلہ نال ؟غیرقوماں، بادشاواں تے بنی اسرائیل وِچ میرے ناں دا اِظہار ہووے‘‘ (اعمال 9:15؛ صفحہ 1161)۔ حننیاہ نے اپنے خُداوند دی فرمانبرداری کیتی سی۔ بائبل کہندی اے،

’’حننیاہ گیا تے اُوس گھر وِچ داخل ہویا؛ اُوہنے اپنے ہتھ ساؤل تے رکھے تے کہیا: ساؤل پرہا! جدوں توں ایتھے آ رہیا سی تے راہ وِچ تیرے تے خُداوند یسوع ظاہر ہویا سی۔ اُوہنے ای مینوں ایتھے پیجیا اے تاں جے توں فیر توں ویکھن لگے تے پاک روح نال معمور ہو جاوے۔ اُوسی ویلے ساؤل دیاں اَکھاں توں چھلڑ ڈئے ڈِگے تے اُوہنوں نظر آنا شروع ہو گیا۔ فیر اُوہنے اُٹھ کے بپتسمہ لہیا‘‘ (اعمال9:17، 18؛ صفحہ1161)۔

حننیاہ ساؤل دے کول گیا سی۔ اُو بندہ مسیح وِچ ایمان لہیا کے تبدیل ہویا سی تے پولوس رسول بنیا سی، جیہڑا ہُن تیکر حیاتی بسر کرن آلے مسیحیاں وِچوں سب توں عظیم ترین اے۔

حننیاہ نے اِک مشکل کم توں مُنہ نئیں موڑیا سی۔ اُوہنے خطرہ مول لہیا سی۔ اُو ساؤل دے کول گیا سی۔ ہُن مینوں تہاڈے نال گل کر لین دیو۔ آؤ ایس دا سامن کرو، اِک بشر نوں جِتنا اِک دشوار کم ہوندا اے۔ ناں لکھنا دشوار نئیں ہوندا اے۔ چعین لئی [لوکی] ایہہ کردے نے۔ لیکن بشراںنوں جِتنا اِک چنگا پروجیکٹ اے۔ ایہہ اِک دشوار کم اے۔ ایہو ای وجہ اے کہ زیادہ تر لوکی اینوں نئیں کردے۔

بشر نوں جِتن چہ ویلہ لگدا اے۔ ایہہ اینا کافی نئیں ہوندا کہ اِک ناں لکھیا تے ٹُر پئے۔ تہانوں اُس شخص نوں مِلنا پیندا اے۔ تہانوں اُوہدے نال گل بات کرنی پیندی اے تے اُوہنوں جاننا پیندا اے۔ تہانوں اُوہنوں گرجا گھر لہیانا ہوندا اے۔ تہانوں اُوہدے نال بیہنا ہوندا اے تے اُوہدے نال دوستی کرنی ہوندی اے۔ تہانوں پادری صاحبان دے نال اُوہدے بارے چہ گل بات کرنا ہوندی اے۔ تہانوں اُوس ویلے تیکر اُوہدے لئی دعا منگنا، اُوہدے نال پیار کرنا تے اُوہدے نال ٹھہرنا ہوندا اے جدوں تیکر اُو مسیح وِچ ایمان لہیا کے تبدیل نئیں ہو جاندا – تے فیر اُو وریاں بعد وی مسیح وِچ ایمان لہیا ہویا اِک تبدیل شُدہ انسان ہوندا اے، کیوں جے نئے مسیحیاں نوں مدد دی لوڑ ہوندی اے۔ ایس سب دے لئی ویلہ لگدا اے۔ ایس سب لئی کم کرنا پیندا اے۔ ایہو ای وجہ اے کہ زیادہ تر لوکی اینوں نئیں کردے۔ کی تُسی کرو گے؟ میں تہانوں ایہہ کرن لئی چیلنج کرنا آں!

بشراں نوں جِتنا اِک ہُور وجہ توں وی دشوار کم ہوندا اے، کیوں جے زیادہ تر [لوکی] تہانوں مسترد کر دیندے نے۔ لیکن جے تُسی بشراں نوں جِتن دا بیٹرا چُکدے اُو، تے تُسی یسوع دے مگر مگر ٹُر رئے اُو۔ بائبل کہندی اے، ’’مسیح نے تہاڈے لئی دُکھ چُک کے اِک مثال کیتی اے تاکہ تُسی اُوہدے نقشِ قدم تے ٹُر سکو‘‘ (I۔ پطرس 2:21؛ صفحہ 1313)۔ یسوع ہر کسی لئی قربان ہویا سی ایہہ جانندے ہوئے کہ زیادہ تر [لوکی] اُوہنوں مسترد کر دین گے۔ بائبل کہندی اے، ’’اُو ساڈے گناہواں دا کفارہ [ادائیگی] اے تے نا صرف ساڈے ای گناہواں دا بلکہ ساری دُنیا دے گناہواں دا کفارہ اے‘‘ (I۔ یوحنا2:2؛ صفحہ 1322)۔ میں اُمید کرنا واں کہ تُسی یسوع دے نقشِ قدم تے ٹُرو گے جیویں کہ حننیاہ نے کیتا سی۔ میں اُمید کرنا واں کہ تُسی اِک بشر نوں جِتن لئی باہر نکلو گے۔ جے اُو تہانوں مسترد کردا اے تے دوجے کول ٹُر جاؤ۔ جے اُو مسترد نئیں کردا اے، تے اُوہدے نال اُوس ویلے تیکر رہوو جدوں تیکر تُسی دوجے دے کول ٹُر نئیں جاندے!

جے تُسی اِک بشر نوں جِتن دی کوشش کردے اُو، تے اُوہدے وِچ امن تے مسرت ہوندی اے، ایتھوں تیکر کہ بشر نوں جِتن توں پہلا ای۔ تے فیر تُسی اِک بشر نوں ویکھدے اُو – اِک حقیقی ہستی، اِک ناں نئیں – گرجا گھر وِچ آؤ، یسوع تے پروہسا کرو، تے اِک شاگرد وگری حیاتی بسر کرو – تہاڈا دِل ’’ناقابلِ بیان خوشی تے جلال نال لبریز‘‘ ہو کے خوشی منائے گا (I۔ پطرس1:8؛ صفحہ 1311)۔ انتہائی چند اِک مسیحیاں نے کدی اِک بشر نوں جِتیا اے۔ لیکن جے تُسی اِک نوں ای جِت لیندے اُو، تے تہاڈا انعام بہت وڈھا ہووے گا جدوں مسیحں اپنی بادشاہت نوں قائم کرن لئی آوے گا۔ انعام تہاڈے تصور توں وی وادو ہووے گا، کیوں جے بائبل کہندی اے، ’’جو نہ کسی اَکھ نے ویکھیا، نہ کسی کن نے سُنیا، نہ کسی دے خیال چہ آیا، اُوہنوں خُدا نے اُوہناں لئی تیار کیتا اے جیہڑے اُوہدے نال محبت رکھدے نے‘‘ (I۔ کرنتھیوں2:9؛ صفحہ 1213)۔ خدا اِک بشر نوں جِتن وِچ تہاڈی مدد کرے!

تہاڈے وِچوں کُج نےمسیح تے پروہسا نئیں کیتا اے۔ مسیح تہاڈے لئی قربان ہو گیا سی۔ اُوہنے تہاڈے گناہ نوں دھون لئی اپنا لہو وگایا سی۔ اُوہنے اُو تہاڈی جان نوں جِتن لئی کیتا سی۔ جے تُسی یسوع تے پروہسا کردے اُو، تے تہاڈے گناہ معاف کر دِتا جاندا اے تے تُسی بچا لئے جاندے اُو۔ تے تُسی مسیح تے پروہسا کرن دے بارے چہ ساڈے نال گل بات کرنا چاہندے اُو تے مہربانی نال کمرے دے سامنے ہُنے ای آ جاؤ۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

حننیاہ بشراں دا جیتن آلا

ANANIAS THE SOULWINNER

ڈاکٹر کرسٹوفر ایل۔ کیگن وَلّوں
by Dr. Christopher L. Cagan

’’تے دمشق وِچ یسوع دا اِک شاگرد رہندا سی جیس دا ناں حننیاہ سی؛ تے خُداوند نے اُوہنوں رویا چہ کہیا، اے حننیاہ۔ تے اُوہنے جواب دِتا، ہاں، اے خُداوند فرما، میں ایتھے آں، تے خداوند نے اُوہنوں کہیا، اُٹھ، تے اُوس کوچے وِچ جیہڑا سیدھا کہلاندا اے یہوداہ دے گھر جا۔ اُوتھے ساؤل ناں دا اِک بندہ اے جیہڑا تُرسس شہر دا اے: توں اُوہدے بارے چہ پُچھنا کیوں جے ویکھ اُو دعا کرن چہ مشغول اے، تے اُوہنے رویا وِچ اِک آدمی حننیاہ نوں آندے تے اپنے اُوتے ہتھ رکھدے ہوئے ویکھیا اے تاں جے اُو فیر توں بنیا ہو جائے۔ فیر حننیاہ نے جواب دِتا، اے خُداوند، میں ایس شخص دے بارے چہ کئی لوکاں کولوں بوہتی گلاں سُنیاں نے تے ایہہ وی کہ ایہنے تیرے مقدساں دے نال یروشلیم وِچ کیسی کیسی بُرائیاں کیتیاں نے۔ ایہنوں سردار کاہناں وَلوں اِختیار مِلیا اے کہ ایتھے وہ اُوہناں ساریاں نون جیہرے تیرا ناں لیندے نے گرفتار کر لے۔ لیکن خُداوند نے حننیاہ نوں کہیا، جا، کیوں جے میں اِس بندے نوں چُن لہیا اے تاکہ اُوہدے وسیلہ نال غیرقوماں، بادشاہواں تے بنی وِچ میرے ناں دا اِظہار ہووے۔ میں اُوہنوں جِتا دیواں گا کہ میرے ناں دی خاطر اُوہنوں کنہے دُکھ چکنے پین گے۔ فیر حننیاہ گیا تے اُوس گھر وِچ داخل ہویا؛ اُوہنے اپنے ہتھ ساؤل تے رکھے تے کہیا: ساؤل پرہا! جدوں توں ایتھے آ رہیا سی تے راہ وِچ تیرے تے خُداوند یسوع ظاہر ہویا سی۔ اُوہنے ای مینوں ایتھے پیجیا اے تاں جے توں فیر توں ویکھن لگے تے پاک روح نال معمور ہو جاوے۔ اُوسی ویلے ساؤل دیاں اَکھاں توں چھلڑ ڈئے ڈِگے تے اُوہنوں نظر آنا شروع ہو گیا۔ فیر اُوہنے اُٹھ کے بپتسمہ لہیا‘‘ (اعمال9:10۔18؛ سیکوفیلڈ بائبل صفحات 1160۔1161)۔

(اعمال13:9؛ 9:3۔6؛ 8:3؛ متی 16:15۔17؛ یوحنا20:22؛ رومیوں8:9؛ اعمال9:17)

I۔ پہلا، حننیاہ یسوع نوں جانندا سی، اعمال9:10؛ یوحنا 10:3، 27؛ اعمال 9:11؛ II پطرس1:17، 18، 19؛ امثال11:30؛ II پطرس3:18 .

II۔ دوجا، حننیاہ نے یسوع دی فرمانبرداری کتی سی، اعمال9:11، 13، 14، 2؛ مرقس16:15؛ حزقیال2:5؛ اعمال9:15، 17، 18؛ I۔ پطرس2:21؛ I۔ یوحنا2:2؛ I۔ پطرس 1:8؛ I۔ کرنتھیوں2:9 .