Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




پطرس اِک شاگرد کیویں بنیا

HOW PETER BECAME A DISCIPLE
(Punjabi – A Language of Pakistan)

ڈاکٹر کرسٹوفر کیگن دی تحریر
ڈاکٹر آر۔ ایل۔ جونیئر نے منادی کیتی
لاس اینجلز ری بپتسمہ دین آلی عبادت گاہ وِچ
خُداوند دے دِن سی شام، یکم ستمبر، 2019
Text by Dr. Christopher L. Cagan;
preached by Dr. R. L. Hymers, Jr.
at the Baptist Tabernacle of Los Angeles
Lord’s Day Evening, September 1, 2019

’’اُوہناں دوواں شاگرداں وِچوں جیہڑے یوحنا دی گل سُن کے یسوع دے پِچھے ہو لئے سن اِک اندریاس سی جیہڑا شمعون پطرس دا پرہا سی۔ اندریاس نے پہلا کم ایہہ کیتا کہ اپنے پرہا شمعون نوں لبھ کے اُنہوں کہیا سانوں مسیحا لبھ گیا اے، جیس دا ترجمہ مسیح کیتا جاندا اے۔ تے اُو اُوہنوں نال لے کے یسوع دے کول آیا۔ یسوع نے اُوہدے تے نظر پائی تے کہیا تو یوحنا دا پُتر شمعون اے: ہُن توں تیرا ناں کیفا ہووے گا، جیس دا مطلب چٹان ہوندا اے‘‘ (یوحنا1:40۔42؛ سیکوفیلڈ بائبل صفحہ 1116)۔


ایہہ پہلی وری سی کہ پطرس یسوع نال ملیا سی۔ اُوہدا اصلی ناں شمعون سی۔ یسوع نے اُوہنوں ’’پطرس‘‘ دا ناں دِتا سی جیس دا مطلب ’’اِک چٹان‘‘ ہوندا اے۔ اندریاس اُوہدا پرہا سی۔ پطرس اِک مچھیرا سی۔ اندریاس تے پطرس گلیل دے سمندر دے قریب ای اِک گاؤں وِچ رہندے سن، جیتھے اُو اپنا مچھلیاں پھڑن دا کم کردے سی۔ حیاتی مشکل سی، کیوں جے مچھلیاں پھڑنا جسمانی طور تے اِک انتہائی شدید مشکل کم سی۔ پطرس شادی شُدہ سی کیوں جے یسوع نے اُوہدی سَس نوں شفا بخشی سی۔ پطرس تقریباً 30 وریاں دا سی جدوں اُو یسوع نال ملیا سی۔ اُو شاگرداں وِچ سب توں وڈا سی۔

گلیل دے سمندر دے مچھیرے کافی سخت جان لوکی سن۔ مچھلیاں پھڑنا جسمانی طور تے انتہائی دشوار کم سی۔ اُوہناں نوں خوف دا سامنا کرنا پیندا سی، کیوں جے گلیل دے سمندر وِچ اچانک ہولناک طوفان آ جایا کردے سن۔ اُو طوفان اُوہناں دی نِکی کشتیاں نوں اُلٹا سکدے سن تے لوکی ڈُب سکدے سن۔

پطرس اِک فریسی نئیں سی۔ چونکہ اُو اِک یہودی سی ایس لئی اُو کدی کدی ہیکل جایا کردا سی۔ اُو فریسی وانگوں کٹر تقلید پسند نئیں سی۔ لیکن دوجے مچھیریاں دے برعکس، پطرس اپنے دِل وِچ جانندا سی کہ اُو اِک گنہگار سی۔ بعد چہ اُوہنے یسوع نوں کہیا، ’’اے خداوند میں گنہگار بندہ آں، توں میرے کولوں ٹُر جا‘‘ (لوقا5:8؛ صفحہ 1078)۔

پس، پطرس نے اِک مذہبی بندے یا اِک چنگے مسیحی دی حیثیت نال آغاز نئیں کیتا سی۔ اُو اِک سخت لڑاکو کردار سی۔ اُوہنوں اِک مچھیرا ہون لئی لڑاکو ہونا ای سی۔ اُو ’’گرجا گھر آلے بندے‘‘ وانگوں اِک مکمل تربیت یافتہ شخص نئیں سی۔ اُو پہیڑی زبان دا استعمال کردا سی تے اُوہدا مزاج پہیڑا سی۔ اُو اِک گنہگار سی جنہے بے شمار غلطیاں کیتاں سن۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

ہُن اُوس بندے دے بارے چہ ذرا سوچو جنہوں تُسی مسیح دے لئی جِتن دی کوششاں کر رئے اُو۔ پطرس وانگوں، اُو ’’گرجا گھر آلے بندے‘‘ دی طرح مکمل طور تے ہتھیار بند تے تربیت یافتہ نئیں ہوندا اے۔ اُوہنوں سمجھ نئیں آندی اُوہنوں کیوں گرجا گھر دے جلسیاں وِچ شامل ہونا چائیدا اے۔ اُو سوچدا اے کہ گھنٹوں ویڈیو گیمز وِچ لانا یا گمراہ بیلیاں نال تفریح لئی جانا سب کُج جائز اے۔ ہر دوجا بندہ جنہوں اُو جانندا اے اُودے ای وانگوں اے۔ اُوہدے اپنے گناہ ہوندے نے۔ اُوہدے اپنے غلط تصورات ہوندے نے۔ اُوہدے اپنے مسائل ہوندے نے۔ تُسی بحث کر کے اُوہنوں مسیح دے لئی نئیں جِیت سکدے۔ ایہدے بجائے اُوہنوں مسیح دے بارے چہ دَسو۔ اُوہنوں دَسو یسوع نے تہاڈے لئی کی کیتا۔ اُوہدے نال دوستانہ روئیہ اختیار کرو۔ اُوہنوں اپنے نال گرجا گھر لہیان لئی تہانوں سوچ سمجھ کے چلنا ہوگا۔ پطرس تربیت یافتہ نئیں سی، تے نا ای دُنیا چہ اِک گمراہ بندہ سی۔

اُوہدے پرہا اندریاس نے پطرس نال یسوع دے بارے چہ گل کیتی سی۔ ’’اندریاس نے پہلا کم ایہہ کیتا کہ اپنے پرہا شمعون نوں لبھ کے اُوہنوں کہیا سانوں میسایح Messiah لبھ گیا اے، جیس دا ترجمہ مسیح کیا جاندا اے‘‘ (یوحنا1:41؛ صفحہ 1116)۔ پطرس پہلی وری چہ ای یسوع دے بارے چہ سنن نال ای شاگرد نئیں بن گیا سی۔

ایہہ گل انتہائی اہم اے۔ ’’فیصلہ سازیت decisionism‘‘ تے اِک مضمون وِچ، ڈاکٹر اے۔ ڈبلیو۔ ٹوزر Dr. A. W. Tozer ایس گل نوں واضح کردے نے کہ لوکاں نوں ’’گنہگاراں دی دعا‘‘ پڑھن لئی مجبور کرن نال عموماً حقیقی مسیحی، حقیقی شاگرد پیدا نئیں ہوندے۔ پطرس نے پہلی وری جدوں یسوع دا نام سُنیا سی تے کوئی ’’فیصلہ‘‘ نئیں کیتا سی۔ آہو جی، پطرس دلچسپی رکھدا سی۔ اُو مذید ہُور سُننا چاہندا سی۔ لیکن ایہہ اُوس ویلے تیکر نئیں ہویا سی جدوں بعد وِچ یوحنا اصطباغی نوں گرفتار کر لیا، کہ پطرس نے اِک شاگرد دی حیثیت نال یسوع دی پیروی کرن دا فیصلہ کیتا سی۔

’’یوحنا دے جیل وِچ پائے جان دے بعد یسوع گلیل وِچ آیا تے خُدا دی بادشاہی دی خوشخبری سُنان لگا کہ ویلہ پورا ہو گیا اے تے خُدا دی بادشاہی نیڑے اے۔ توبہ کرو تے ایس خوشخبری تے ایمان لہیاؤ۔ گلیل دی جھیل دے کنارے جاندے جاندے یسوع دی نظر شمعون تے اُوہدے پرہا اندریاس تے پہئی جیہڑے جھیل وِچ جال سُٹ رئے سن کیوں جے اُوہناں دا پیشہ ای مچلیاں پھڑنا سی۔ یسوع نے اُوہناں نوں کہیا، میرے پِچھے ٹُرے آؤ تے میں تہانوں بندیاں نوں پھڑن آلا بنا دیاں گا۔ اُو اُوسی ویلے اپنے جال سُٹ کے اُوہدے مگر ہو لئے‘‘ (مرقس 1:14۔18؛ صفحہ 1046).

ہر اُو بندہ جیس دی راہنمائی تُسی مسیح لئی کرن دی کوششاں کر رئے اُو – کسی نہ کسی موقع تے ایہہ فیصلہ کردا اے کہ آیا اُوہنوں مسیح دا اِک شاگرد بننا اے یا نئیں۔ ایہہ اے اُو جدوجہد، ایہہ اے اُو جنگ۔ ایہہ مُک نئیں جاندی جدوں اُو تہاڈے نال چند اِک ہفتیاں یا مہینیاں لئی گرجا گھر آندا رہندا اے۔ ایہہ مسلسل جاری رہن آلی اِک جنگ اے جیہڑی کہ مہینیاں یا وریاں تیکر جاری رہ سکدی اے۔

ایس گل نوں نا جاننا اے جیس نے کرھیٹن چعین Kreighton Chan نوں انجیلی بشارت دے پرچار وِچ ایس قدر غیرمؤثر بنا چھڈیا۔ اُو دوجے بے شمار فیصلہ سازاں وانگوں، سوچدے نے کہ اُو ’’شامل ہو چکے ہوندے نے‘‘ جدوں اُوہناں نوں خوشخبری دے خام ’’حقائق‘‘ سمجھ آ جاندے نے۔ چعین تے والڈرِپWaldrip وگرے فیصلہ ساز ای نوے لوکاں نوں بہت چھیتی ’’جانے‘‘ دیندے نے۔ اُوہناں نوں احساس نئیں ہوندا کہ بشراں نوں سچے طور تے جِتنا اِک مسلسل جنگ اے۔ ایہو ای گل اے کہ حقیقی طور تے بشراں نوں جِتن لئی دانشمندی درکار ہوندی اے: ’’اُو جیہڑا بشراں نوں جِتتا اے دانا ہوندا اے‘‘ (امثال11:30؛ صفحہ 680)۔ ایس آیت دا ترجمہ ایویں وی کیتا جا سکدا اے، ’’اُو جیہڑا بشراں نوں جِتتا اے عقلمند ہوندا اے۔‘‘ ڈاکٹر اے۔ ڈبلیو۔ ٹوزر Dr. A. W. Tozer نے دانشمندانہ طور تے کہیا،

’’دو وِچوں اِک تجربے چہ ساری دی ساری نجات نوں دھکیلن دی کوششاں دے ذریعے نال، فوری مسیحیت دے وکلاء تشکیل دے قانون تے اکڑدے نے جیہڑا کہ ساری فطرت یا قدرت وِچ نسدا اے۔ اُو دُکھ چکن، صلیب چُکن تے عملی فرمانبرداری دے مقدس کر دین آلے اثرات نوں نظر انداز کر دیندے نے۔ اُو روحانی تربیت دی لُوڑ دے لاگیئوں لنگ جاندے نے، جیہڑی کہ دُرست مذہبی عادات تے دُنیا دے خلاف، اُوس ابلیس تے انسان دے خلاف لڑن دے مقصد نوں بنان دی لُوڑ ہوندی اے‘‘ (’فوری مسیحیت‘‘ دی قِلت The Inadequacy of ‘Instant Christianity’)

پطرس دا اِمتحان اِک بہت وڈی ’’کلیسیا دی تقسیم‘‘ دو دوران لہیا گیا سی۔ دوجے لوکی چھڈ کے جا رئے سن۔ پطرس نے نا جان دا فیصلہ کیتا سی۔ اُوہنے دوجے لوکاں دے نال نہ جان دا فیصلہ کیتا سی۔

’’اُوہدے کئی شاگرد اُوہنوں چھڈ کے ٹُر گئے تے فیر اُوہدے پیروکار نہ رئے۔ فیر یسوع نے اُوہناں بارہ شاگرداں نوں پُچھیا، کی تُسی وی مینوں چھڈ جانا چاہندے اُو؟ شمعون پطرس نے اُوہنوں جواب دِتا، اے خُداوندا! اَسی کیدے کول جائیے؟ ہمیشہ دی حیاتی دیاں گلاں تے تیرے ای کول نے۔ اَسی ایمان لہیائے تے جاننے آں کہ توں ای خُدا دا قُدّوس اے‘‘ (یوحنا 6:66۔69؛ صفحہ 1124).

یسوع نے اُوہناں بارہ نوں کہیا، ‘‘کی تُسی وی ٹُر جاؤ گے؟‘‘ فیر شمعون پطرس نے اُوہنوں جواب دِتا، خُداوندا، اَسی کیدے کول جاواں گے؟ تیرے ای کول ابدی حیاتی دا کلام اے‘‘ (یوحنا6: 67، 68)۔ ایس حوالے وِچ دو گلاں اہم نے۔

1. اُو جہیڑے چھڈ کے ٹُر گئے اُوہناں دے بارے وِچ فیر کوئی خبر نہ ملی! میں اپنی مذہبی خدمت دے اپنے 61 وریاں وِچ لبھیا اے کہ اُو جیہڑے گرجا گھر دی تقسیم وِچ چھڈ کے ٹُر جاندے نے کدی وی مضبوط شاگرد نئیں بنندے۔ میں اِک نوں وی اینج بنندے ہوئے کدی وی نئیں ویکھیا!

2. جے پطرس ’’تقسیم‘‘ وِچ لوکاں دے نال جا چکیا ہوندا تے اُو غالباً کدی وی مسیح وِچ ایمان لہیا کے تبدیل نہ ہویا ہوندا۔

’’ایہہ لوکی ساڈے وِچوں ای نکلے نے لیکن دِل توں ساڈے نال نئیں سن۔ جے ہوندے تے ساڈے نال ای رہندے۔ ہُن جدوں کہ ایہہ لوکی ساڈے وِچوں نکل گئے نے تے ظاہر ہو گیا اے کہ ایہہ لوکی دِل توں ساڈے نال نئیں سن‘‘ (1۔ یوحنا 2:19؛ صفحہ 1322).

’’اُوہناں نے تہانوں کہیا سی کہ آخری دِناں وِچ ٹھٹھہ کرن آلے ظاہر ہون گے جیہڑے اپنی بے دینی دی خواہشاں دے مطابق ٹُرن گے۔ ایہو ای اُو لوکی نے جیہڑے تفرقے پاندے نے۔ ایہہ نفسانی لوکی نے تے روح توں بے بہرہ نے‘‘ (یہوداہ 18، 19؛ صفحہ 1329).

اُو جہیڑے چھڈ کے ٹُر جاندے نے اُو مظاہرہ کردے نے کہ اُوہناں نے مسیحی شاگردی دی حقیقت نوں کدی وی نئیں ویکھیا۔ اِک شاگرد ہونا، مسیح وِچ حقیقی ایمان لہیا ہویا اِک بندہ ہونا، بائبل دی چند اِک آیتاں نوں رٹن یا چند اِک عقائد وِچ ایمان رکھن دے مقابلے چہ کدرے بوہتا ہوندا اے۔ شاگردی وِچ ڈٹے رہن دا اِک فیصلہ شامل ہوندا اے؛ تے ایہدے وِچ چھڈ کے جان دا کوئی وی احساس نئیں ہوندا، کیوں جے ’’اُوتھے باہر کدرے‘‘ کُج وی قدرے قیمتی نئیں ہوندا۔ پطرس ایہہ ویکھ چکیا سی – لیکن اُو ہلے تیکر مسیح وِچ ایمان لہیا کے تبدیل نئیں ہویا سی!

میرے خیال چہ تُسی ویکھ سکدے اُو کہ اِک بشر نوں جِتنا اِک بہت وڈا پروجیکٹ ہوندا اے! ایہہ صرف محض اِک ناں حاصل کرنا نئیں ہوندا اے یا کسی نوں اِک دعا پڑھانا نئیں ہوندا اے۔ ایہہ اِک جیوندے جاگدے انسان دی جان [روح] دے لئی اِک جیوندی جاگدی جدوجہد ہوندی اے!

مسیح وِچ ایمان لہیا کے تبدیل ہونا تے شاگردی، یسوع کون اے ایس گل نال تعلق رکھدیاں ہویاں روحانی آگاہی توں کدرے بوہتی زیادہ اَگے ہوندا اے!

’’مگر اُسی مینوں کی کہندے اُو؟ شمعون پطرس نے جواب دِتا، تُو زندہ خُدا دا پُتر ’’مسیح‘‘ اے۔ یسوع نے کہیا، اَے یوناہ دی پُتر شمعون! توں مبارک اے کیوں جے ایہہ گل کسی اِنسان نے نئیں بلکہ میرے آسمانی پیو نے تیرے تے ظاہر کیتی اے‘‘ (متی 16:15۔17؛ صفحہ 1021).

خُدا باپ نے پطرس تے ظاہر کیتا (غیبی ہدایت دِتی) سی کہ یسوع کون سی۔ خُدا نے پطرس تے ظاہر کیتا سی کہ درحقیقت یسوع کون سی۔ لیکن پطرس ہلے تیکر مسیح وِچ ایمان لہیا کے تبدیل نئیں ہویا سی!!! بوہتی لوکی سوچدے نے اُو اُوس ویلے تیکر مسیح وِچ ایمان لہیا کے تبدیل ہو چکیا سی۔ لیکن اُوغلطی تے نے!

یوحنا دے پطرس نوں ایہہ وکھان دے فوراً بعد کہ یسوع درحقیقت کون سی – فیر پطرس نے خوشخبری نوں مسترد کرنا شروع کیتا سی!!!

’’اُوہدے بعد یسوع نے اپنے شاگرداں تے ظاہر کرنا شروع کر دِتا کہ اُوہدا یروشلیم جان لازمی اے تاں جے اُو بزرگاں، سردار کاہناں، تے شریعت دے عالماں دے ہتھوں بہت دُکھ چکے، قتل کیتا جائے تے تیجے دِن جی اُٹھے۔ پطرس اُوہنوں الگ لے گیا تے ملامت کرن لگا کہ خُداوند! ہرگز نئیں، تیرے نال اینج کدی نئیں ہووے گا۔ یسوع نے مُڑ کے پطرس نوں کہیا، اے شیطان! میرے سامنیوں دور ہو جا، توں میرے راستے وِچ رکاوٹ بن رئیا اے۔ تینوں خُدا دیاں گلاں دا نئیں بلکہ بندیاں دیاں گلاں دا خیال اے‘‘ (متی 16:21۔23؛ صفحہ 1022).

پطرس نے خوشخبری دی مزحمت کیتی سی۔ اُوہنے تے ایتھوں تیکر کہ یسوع دی ایہہ کہن تے ملامت کیتی سی کہ اُو [یسوع] صلیب تے چڑھے گا تے مُردیاں وِچوں جی اُٹھے گا۔ اُوہنے خوشخبری نوں ٹھکرایا سی! لہٰذا، اِک بندہ قطعی طور تے، کئی وریاں تیکر یسوع دا پیروکار ہو سکدا ے تے فیر وی لکھ رہیا ہوندا اے تے لڑ رئیا ہوندا اے!

پطرس ایس بارے چہ شیخی ماریا کردا سی کہ اُو کِنّا مضبوط مسیحی سی۔ مسیح دے مصلوب کیتے جان توں اِک رات پہلاں، پطرس نے اُوس [یسوع] نوں کہیا، ’’پاویں مینوں تیرے نال مرنا پہئے، فیر وی میں تیرا انکار نئیں کراں گا‘‘ (متی26:35؛ صفحہ 1038)۔ فیر وی صرف چند اِک گھنٹیاں بعد ای پطرس نے یسوع دا تِن وری انکار کیتا!

پطرس ہلے تیکر جِتیا نئیں گیا سی! اُو جسمانی طور تے یسوع دے کولوں نٹھ گیا سی جدوں اُوس [یسوع] نوں گتسمنی دے باغ وِچ گرفتار کیتا گیا سی۔ اُوہنے اُوچی واج چہ مسیح دا تِن وری انکار کیتا سی۔ پطرس دوجیاں نال ای اِک شاگرد رہ چکیا سی – لیکن اُوہدی جدوجہد ہُنے ختم نئیں ہوئی سی۔ اُوہنوں ہلے تیکر جِتا نئیں گیا سی۔ اُو تے ہلے تیکر ’’شامل‘‘ وی نئیں ہویا سی!

ایہہ اُوس ویلے تیکر نئیں ہویا سی جدوں تیکر یسوع مُردیاں وِچ جی نئیں اُٹھیا کپ پطرس بالاآخر مسیح وِچ ایمان لہیا کے تبدیل ہویا سی۔ ایہہ گل یوحنا 20:22 وِچ درج اے،

’’تے ایہہ کہہ کے [یسوع نے] اُوہناں تے [پطرس تے باقی شاگرداں تے] پُھوکیا تے کہیا، پاک روح پاؤ‘‘ (یوحنا 20:19۔22؛ صفحہ 1144).

تبصرہ نگار جان ایلیکاٹ John Ellicott نے سانوں دَسیا کہ یوحنا رسول نوں ’’یاد سی کہ کیویں اُوس لمحے دا اُو تاثر اُوہناں دی مستقبل دی حیاتیاں تے اِک نوی روحانی تخلیق سی، جیہدی وجہ توں اُوہناں نوں موت توں نکل کے حیات وِچ آنا کہیا گیا سی‘‘ (ساری بائبل تے ایلیکاٹ کا تبصرہ Ellicott’s Commentary on the Whole Bible)۔ تے بِلاشُبہ، ڈاکٹر جے ورنن میگی Dr. J. Vernon McGee نے کہیا کہ ایہو ای اُو ویلہ اے جدوں پطرس دا احیاء ہویا، فیر جنم ہویا، جیس رات یسوع مُردیاں وِچوں جی اُٹھیا! (یوحنا20:22 تے بائبل وِچوں Thru the Bible نوں ویکھو)۔

ایہہ اُو ویلہ سی جدوں پطرس نے مکمل طور تے یسوع وِچ پروہسا کیتا سی۔ اُو چھیتی ای جرأت مند شاگرد بن گیا جیس نے پینتیکوست دے دِن منادی کیتی جدوں تِن ہزار لوکاں نے نجات پائی سی۔ بعد وِچ اُوس یسوع دے لئی مر گیا سی بجائے ایس دے کہ اُوس [یسوع] دا انکار کردا۔ لیکن اُس سب توں پہلا، پطرس جھوٹی شروعات، تے ناکامیاں وِچوں تے جدوجہد تے بصیرتاں وِچوں لنگہیا سی۔

کی تُسی ویکھ سکدے اُو کہ اِک بشر نوں جِتنا اِک سنجیدہ تے بہت وڈی جدوجہد ہوندی اے؟ ایہہ اِک فون کال یا اِک دعا دے ذریعے نال نئیں کیتی جا سکدی۔ ایہہ اِک مرد یا عورت دی حیاتی تے روح لئی عمر بھر دی جدوجہد ہوندی اے۔ اینوں تہاڈیاں دعاواں چائیدیاں ہون گیاں۔ ایس نوں دانشمندی چائیدی ہووے گی۔ اینوں کوششاں چائیدیاں ہون گیاں۔ اینوں ویلہ چائیدا ہووے گا۔ جے تُسی اپنی ساری حیاتی وِچ اِک ای بشر نوں جِتدے اُو، تے تُسی بابرکت اُو۔ تُسی بہت کُج کر چکے اُو۔ تُسی بہت خوب کر چکے اُو۔ میں دعا کرنا آں کہ تُسی ایہہ کرن دے قابل ہو جاؤ گے۔

کی ایہہ پیروی کرن لئی اِک طویل راہ وکھائی دیندی اے؟ کی ایہہ شدید مشکل تے طویل وکھائی دیندی اے؟ یسوع نے کہیا، ’’اُو بوہا تنگ تے اُو رستہ سُکڑیا اے جیہڑا حیاتی وَل لے جاندا اے تے ایس دے پان آلے تھوڑے نے‘‘ (متی7:14؛ صفحہ 1004)۔

لیکن آؤ خود پطرس نوں ایس حوالے تے آخری الفاظ پیش کر لین دیو۔ ایہہ اُو انتہائی آخری الفاظ نے جیہڑے پطرس نے اپنے مصلوب کیتے جان توں پہلاں لکھے سن،

’’بلکہ ساڈے خُداوند تے نجات دین آلے یسوع مسیح دے فضل تے عِرفان وچ ودھدے جاؤ۔ اُوہدی تمجید ہُن وی ہووے تے تا ابد ہوندی رئے۔‘‘ (2۔ پطرس 3:18؛ صفحہ 1320).


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔