Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




اُوہی پانا جیہڑا تُسی دعا چہ منگیا اے

GETTING WHAT YOU ASK FOR IN PRAYER
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ دِتا گیا اِک واعظ
خُداوند دے دِن دی شام، 14 جولائی، 2019

’’اے دعا دے سُنن آلے، سارے لوکی تیرے کول آن گے‘‘
(زبور65:2)۔


خُداوند سُنندا اے تے دعا دا جواب دیندا اے۔ خُداوند نے خود اُوہناں لفظاں نوں نازل کیتا، تے داؤد نے اُوہناں نوں لکھیا۔ القاب وِچوں اِک جیہڑا خُداوند نے چُنیا ’’اے دعا دے سُنن آلے‘‘ ہے۔ ساری بائبل چہ خُدا خود نوں ’’اے دعا دے سُنن آلے‘‘ دے حیثیت دے نال ظاہر کردا اے۔

سارے لوکی تیرے کول آن گے۔‘‘خُداوند نے کنعانی عورت دی دعا سُنی سی۔ خُداوند نے اطالوی سپہ سالار دی دعا سُنی سی۔ خُداوند نے مردے ہوئے ڈاکو دی، ہیکل چہ محصول لین آلے دی تے گنہگار عورت دی اینی ای چھیتی دعا سُنی سی جِنہی دیندار لوکاں دی دعا سُنندا اے۔ بائبل دا خُدا ہر قسم دے لوکاں دی دعاواں نوں سُنندا اے ایتھوں تیکر کہ گمراہ لوکاں دی دعاواں نوں وی سُنندا اے! ’’اے دعا دے سُنن آلے، سارے لوکی تیرے کول آن گے۔‘‘

اُو بندہ جنہے کہیا سی، ’’اَسی جاننے آں کہ خُداوند گنہگاراں دی نئیں سُنندا‘‘ خود اِک گمراہ گنہگار سی۔ لیکن بعد چہ اُوسی بندے نے دعا منگی سی تے یسوع نے اُوہنوں نجات دلائی (یوحنا9:36، 38)۔ لہٰذا خُداوند نے اِس بندے دے دعا دا اُوہدے نجات پان توں پہلاں جواب دِتا سی! یوناہ نبی دی کتاب چہ خُداوند نے گمراہ ملاحاں دی دعا نوں سُنیا سی ایس گل دا ذکر کیتا گیا اے۔ خُداوند نے میری ماں دی دعاواں نوں اُوہناں دے نجات پان توں بہت پہلاں ای سُن لہیا سی تے اُوہناں دا جواب دِتا سی۔ ڈاکٹر جان آر۔ رائس Dr. John R. Rice نے کہیا، ’’بے شمار معاملات چہ خُداوند ایتھوں تیکر کہ غیر نجات یافتہ لوکاں دی دعاواں نوں وی سُنندا اے۔ ’’اے دعا دے سُنن آلے، سارے لوکی تیرے کول آن گے۔‘‘ کوئی وی نجات نئیں پا سکدا، کوئی وی خُدا نوں اُوس ویلے تیکر خوش نئیں کر سکدا جدوں تیکر اُو ایس گل چہ یقین نئیں کردا کہ خُداوند دعا دا جواب دیندا اے!

لیکن سانوں دعا کیوں منگنی چائیدی اے؟ کیونکہ بائبل چہ خُدا سانوں دعا مانگن لئی حکم دیندا اے۔ یسوع نے کہیا، ’’لوکاں نوں ہمیشہ دعا منگدے رہنا چائیدا اے‘‘ (لوقا18:1)۔

بائبل سانوں دسدی اے، ’’بِلا ناغہ دعا منگو‘‘ (1تھسّلنیکیوں5:17)۔ فیر، خُداوند دا کلام کہندا اے، کسی گل دی فکر نہ کرو تے اپنی ساریاں دعاواں وِچ خُدا دے اَگے اپنی ضرورتاں تے مِنّتاں شکرگزاری دے نال پیش کیا کرو‘‘(فلپیوں4:6)۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

چیزاں حاصل کرن لئی ساڈے واسطے دعا خداوند دی راہ اے۔ میں اپنے کالج دے اِخراجات ادا کرن لئی روزانہ راتاں نوں اَٹھ اَٹھ گھنٹے کم کیتا۔ لیکن اِک روز اِک پادری صاحب نے مینوں کہیا کہ اُو اپنے گرجا گھر چہ مینوں اِک نوجوان پادری دی حیثیت نال نوکری دینا چاہندے نے۔ ڈاکٹر لِن نے مینوں ایہہ کرن لئی کہیا تاکہ مینوں پڑھائی لئی بوہتی ویلہ مِل جائے۔ دوجے بپٹسٹ مبلغ نے مینوں کہیا کہ اُوہدے گرجا گھر چہ اِک مخصوص دِن کم کرن لئی رپورٹ کراں – تقریباً اِک مہینے بعد۔ لہٰذا میں کیلیفورنیا کی ریاست وِچ اپنے کم نوں خیرباد کہیا تے اِک چھوٹی جہئی چُھٹی لئی۔ فیر اُو دِن آ گیا جدوں مینوں بپٹسٹ مبلغ دے کول کم کرن لئی حاضر ہونا سی۔ میں اُوہناں دے دفتر چہ گیا تے کہیا، ’’میں کم کرن لئی حاضر ہو گیا آں۔‘‘اُوہناں نے میرے تے نظر پائی تے کہیا، ’’میں معافی چاہنا واں لیکن میں فیصلہ کر چکیا آں کہ میں تہانوں نوکری دین دی اِسطاعت نئیں رکھدا۔‘‘ میں اُوہناں دے گرجا گھر وِچوں خوف نال بھریا باہر نکل آیا۔ میں اُوہناں تے پروہسا کیتا سی تے ہُن میرے کول کوئی نوکری نئیں سی! میں باہر نکل کے رُکیا تے دوجی نوکری لئی دعا مانگی۔ فیر میں سٹیٹ بلڈنگ وَل گڈی چہ گیا تے بُلیٹن بورڈ تے نظر پائی۔ اُوہدے تے اِک نوکری دی پیشکش سی۔ مینوں اُو نوکری مِل گئی تے ایہہ اُوہدے توں بہتر سی جیہڑی میں پہلاں کر رہیا سی! بپٹسٹ مبلغ نے مینوں نیوا وکھایا سی۔ لیکن خُدا نے مینوں نیوا نئیں ہون دِتا! خدا نے مینوں دوجی نوکری دی دعا منگدے ہوئے سُنیا، تے خُدا نے مینوں اُو دے دِتی۔ میں اِک وی دِن نوکری دے بغیر نئیں لنگہایا کیوں جے میرا آسمانی باپ دعا دا جواب دیندا اے! اُو پہلی وری سی جدوں میں دعا مانگنا سِکھیا سی تے خُدا کولوں اُوہی پایا جیس لئی میں دعا منگی سی!!!

ہُن میں تقریباً اَسی وریاں دا ہو چکیا آں۔ جے میں ایس گرجا گھر وِچ اپنی نوکری گنوا دینا آں تے کوئی وی میرے وگرے وڈیرے بندے نوں نوکری تے رکھنا نئیں چاہے گا۔ دو بدکار بپٹسٹ مبلغین نے میرے کولوں ایس گرجا گھر نوں چھینن دی کوشش کیتی سی تے مینوں بغیر کسی آمدنی دے بے سہارا کرن دی کوشش کیتی سی۔ اُوہناں دے ناں والڈرِپ Waldrip تے چعینChan نے۔ اُوہناں نے تقریباً اَدھا گرجا گھر کھو لہیا سی۔ میں کی کردا؟ سچی دساں تے مینوں ایہدے نال تھوڑی جیہئی وی فکر نئیں ہوئی سی! ایہنے مینوں غمزدہ کیتا سی، لیکن ایہنے مینوں فکرمند نئیں کیتا سی۔ ایہدے بجائے میں خُدا کولوں دعا مانگی، تے خُدا نے مینوں امن مہیا کیتا۔ تقریباً اَسی وریاں دی عمر چہ، ایناں لتاں دے نال جیہڑیاں مشکل نال ای میرا وزن برداشت کر پاندیاں نے (کینسر دے علاج دی وجہ توں) میں جاننا واں خُدا اِک نوا گرجا گھر شروع کرن چہ میری مدد کرے گا، کیوںکہ اُوہدے کولوں میں مدد کرن لئی دعا منگی سی۔ خُدا دا کلام کہندا اے،

’’کسی گل دی فکر نہ کر تے اپنی ساریاں دعاواں وِچ خُدا دے اَگے اپنی ضرورتاں تے مِنّتان شکرگزاری دے نال پیش کر۔ فیر تہانوں خُدا دا اُو اطمینان حاصل ہووے گا جیہڑا انسان دی سمجھ توں بالکل باہر اے تے جیہڑا تہاڈے دِلاں تے خیالاں نوں مسیح یسوع وِچ محفوظ رکھے گا‘‘ (فلپیوں4:6،7)۔

خُداوند اُوہناں کولوں جہیڑے دعا مانگدے نے ’’مسیح یسوع دے ذریعے‘‘ امن دین دا وعدہ کردا اے۔

دعا دے ذریعے سانوں نوی عمارت ملی۔ دعا ہی دی وجہ نال سانوں اِک نوی پیانو بجان آلی ملی۔ میری پیاری امّی نے دعا دی وجہ توں نجات پائی۔ مینوں دعا دی وجہ توں پیاری جہئی ووہٹی لبھی۔ میرے دوویں پُتر ایتھے گرجا گھر وِچ میرے نال دعا ای دی وجہ توں نے۔ میں جاننا واں کہ ساڈے کول سان گیبرئیل وادی وِچ اِک عظیم نوا گرجا گھر ہووے گا۔ میں ایہہ گل جاننا واں کیوں جے خُداوند سُنندا اے تے دعاواں دا جواب دیندا اے، بالکل جیویں او بائبل دے زمانے وِچ دعاواں دا جواب دیندا سی! اُو دعا دا جواب دین آلا دعاواں دا سُنن آلا خُدا اے! ’’اے دعا دے سُنن آلے، سارے لوکی تیرے کول آن گے‘‘ (زبور65:2)۔ جواب ملی ہوئی دعا ثابت کردی اے کہ دعاواں نوں سُنن آلا اِک خدا اے!

دعا مخصوص گلاں دا مانگنا ہوندا اے۔ دعا منگنا ہوندا اے۔ ایہہ کوئی ستائش یا اعتراف نئیں ہوندی۔ دعا خُدا کولوں اُوہنوں شیواں دا منگنا ہوندا اے جِنہاں دی تہانوں لوڑ ہوندی اے۔ بائبل نوں مسترد کرن آلے آزاد خیال لوکی اُوہناں حقیقی دعاواں وِچ یقین نئیں رکھدے جیہڑیاں شیواں نوں منگدیاں نے تے خُدا کولوں اُو شیواں پا لیندیاں نے۔ ھیری ایمرسن فوسڈِک Harry Emerson Fosdick اُوس دعا چہ یقین نئیں رکھدے جیہڑی خُدا کولوں شیواں پا لیندی اے۔ فوسڈِک بائبل چہ یقین نئیں رکھدے۔ فوسڈک نے کہیا ساڈے وگرے لوکی بچیاں وانگوں ہوندے نے۔ اُوہناں نے کہیا، ’’خُدا کولوں ایویں دعا منگنا جیویں اُو کوئی کرسمس فادر ہوندا اے بچگانہ جیہا لگدا اے۔‘‘ تعجب دی کوئی گل نئیں اے کہ آزاد خیال بائبل نوں ٹھکران آلے گرجا گھر ناکام ہو رئے نے! دعا خُدا کولوں شیواں دا منگنا ہوندی اے، تے اُوہناں نوں پانا ہوندی اے جیہڑیاں شیواں اسی منگ رئے ہوندے نے!

بے شمار کرشماتی مشن آلے لوکی سوچدے نے دعا ستائش کرنا ہوندا اے۔ دعا ستائش کرنا نئیں ہوندا۔ ستائش کرنا چنگی گل اے، لیکن اے دعا نئیں ہوندی اے۔ دعا خُدا کولوں اُوہناں مخصوص شیواں دا منگنا ہوندی اے جنہاں دی سانوں لوڑ ہوندی اے۔ میں خُدا کولوں نوکری دین لئی دعا منگی۔ اُوہنے مینوں اِک نوکری بخشی۔ میں خُدا نوں اِک ووہٹی دین لئی کہیا۔ اُوہنے مینوں اِک ووہٹی بخشی۔ میں خُدا کولوں اپنی ماں نوں نجات دلان لئی دعا منگی۔ اُوہنے میری ماں نوں نجات دِتی۔ اسی خُدا کولوں سان گیبرئیل وادی وچ اِک مخصوص عمارت بخشن لئی دعا منگی۔ اُوہنے سانوں اُو عمارت بخشی۔ اسی خدا کولوں اِک پیانو بجان آلے لئی دعا منگی۔ اُوہنے سانوں پیانو بجان آلی بخشی۔ بائبل کہندی اے، ’’اسی جو کُج وی منگنے آں اسی اُوہدے کولوں پانے آں‘‘ (1۔ یوحنا 3:22). اِک کوڑی نے مسیح کولوں اُوہنوں پاک صاف کرن لئی دعا منگی۔ مسیح نے اُوہنوں جواب دِتا، ’’میں تینوں پاک کراں گا؛ تُو پاک صاف ہو جا‘‘ (متی 8:2، 3). اُوہنوں بالکل اُوہی مِلیا جیدے لئی اُوہنے دعا منگی سی۔ پطرس نوں قید وچ ڈال دِتا گیا سی، لیکن کلیسیا نے پطرس دی رہائی لئی دعا منگی سی۔ خُدا نے اُوہناں دی دعا دا جواب دِتا سی تے پطرس آزاد ہو گیا سی (اعمال 12:5۔16). یسوع نے کہیا، ’’جو کوئی منگدا اے اُوہنوں ملدا اے … تہاڈے وچوں ایہو جیہا کون اے کہ جے اُوہدا پُتر روٹی منگے تے اُو اُوہنوں پتھر دے۔ یا جے مچھلی منگے تے اُو اُوہنوں سپ دے؟ جے تُسی بُرے ہون دے باوجود اپنے بچیاں نوں چنگیاں شیواں دینا جانندے اُو تے تہاڈا آسمانی پیو اُوہنوں نوں جیہڑے اُوہدے کولوں منگدے نے تہاڈے توں ودھ کے چنگیاں شیواں کیوں نئیں دے گا؟‘‘ (متی 7:8۔11). یوحنا رسول نے کہیا، ’’اسی جو کُج اُوہدے کولوں منگدے آں اُو سانوں اُوہدے ولوں مل جاندا اے‘‘ (1۔ یوحنا 3:22). ڈاکٹر رائس نے کہیا، ’’ایہہ ساڈے آسمانی پیو دی خواہش اے کہ اسی اُوہدے کول آن دے قابل ہو جائیے … منگیئے جیہڑا اسی چاہنے آں، تے اُوہنوں پائیے۔‘‘ ڈاکٹر چارلس بلینکارڈ Dr. Charles Blanchard نے اپنی کتاب خُدا کولوں شیواں پانا Getting Things From God وچ ایہہ کہیا، دعا دا جواب اُو ہوندا اے جیدے وچ جیس گل دی خواہش کیتی جاندی اے اُو پوری ہوندی اے۔‘‘ یعقوب رسول نے کہیا، ’’تُسی کسی شے دی خواہش کردے اُو تے اُو تہانوں حاصل نئیں ہوندی‘‘ (یعقوب 4:2).

ڈاکٹر کیگن نے کہیا سی کہ اپنے دعا دے ویلے چہ روزانہ دعا کرن لئی اٹھ گلاں دی اِک دعائیہ فہرست مرتب کرو۔

1. ساڈے گرجا گھر دی ضرورتاں لئی دعا منگو۔ لیکن ’’خُداوندا، ساڈے گرجا گھر دی ضرورتاں نوں پورا کر‘‘ وگری دعا کرنا وقت دا ضائع کرنا اے۔ جے تُسی ایسے طرح دی اِک عمومی ’’دعا‘‘ کردے اُو، تے تہانوں کیویں پتا چلے گا خُدا نے کب ایہدا جواب دِتا؟ دعا کرن دا مخصوص طریقہ ہوندا اے کہ کسی یقینی گل لئی منگنا، ’’ایس عمارت دے وِیکن لئی دعا کرو۔‘‘ فیر، جدوں عمارت وِیکے گی، تے تہانوں پتا چل جائے گا کہ خداوند نے تہاڈی دعا دا جواب دِتا!

2. لوکاں دی نجات پان لئی دعا کرو۔ اُو وی عمومی جئی گل اے۔ اِک مخصوص دعا کُج منگدی اے تے اُوہدا جواب پاندی اے۔ ’’لوکاں‘‘ دے بجائے، مخصوص لوکاں دے ناں دے نال نجات پان لئی دعا کرو، جیویں کہ میگل Miguel جیویں کہ ایبل جونیئر Abel Jr. ، جیویں کہ ایبی گیل Abigail۔ فیر تُسی جان جاؤ گے کہ خُداوند نے تہاڈی دعا دا جواب دِتا جدوں اُو نجات پا جان گے۔

3. دوجے مسیحیاں لئی دعا کرو۔ اُو وی انتہائی عمومی جیہا اے۔ اِک مخصوص دعا ہوندی اے، ’’ڈاکٹر کیگن لئی دعا کرو کہ اُو اِتوار نوں اِک چنگا واعظ دین۔‘‘ فیر جدوں اُو اِک چنگے واعظ دی تبلیغ کرن گے، تُسی جان جاؤ گے کہ خُداوند نے اُوہناں لئی تہاڈی دعا دا جواب دِتا اے۔

4. خود لئی دعا منگو۔ اُو وی انتہائی عمومی جیہا اے۔ مخصوص دعا ہوندی اے، ’’خداوندا چنگی طرح پڑھن چہ میری مدد کر کہ جو میں پڑھاں جدوں میں ایہہ تسٹ دواں تے اُوہنوں یاد رکھاں۔‘‘

5. ساڈے صدر لئی دعا منگو۔ اُو وی عمومی جیہا اے۔ اِک بندے نے چین دے ’’صدر‘‘ لئی دعا منگی سی! ’’ساڈے صدر ڈونلڈ ٹرمپ نے۔ اِک مخصوص دعا ہووے گی، ’’صدر ٹرمپ لئی دعا کرو کہ اُو جان جائیں اُوہناں نوں اج کی کرنا اے۔‘‘

6. ساڈے انٹرنیٹ مشن لئی دعا کرو۔ اُو وی انتہائی عمومی اے۔ اِک مخصوص دعا ہووے گی، ’’اِک گمراہ شخص لئی دعا کرو کہ اُو اِک واعظ پڑھے تے نجات پا جائے۔‘‘

7. دوجی سرزمیناں وچ مسیح دے کم لئی دعا کرو۔ اُو وی عمومی جیہا اے۔ اِک مخصوص دعا ہووے گی، ’’شمالی کوریا دے آمر حکمران لئی دعا کرو کہ اُو نیوکلیئر بم نہ بنان لئی اِک معاہدہ سائین کرے، بلکہ صدر ٹرمپ دے نال اِک معاہدہ سائین کرے،‘‘ یا خُدا کولوں دعا کرو گے کہ اُو پُروانتو بھائی Brother Purwanto دی ایس ہفتے وچ مسیح وچ ایمان لہیان دی تبدیلی لے آوے!

8. پادری صاحبان لئی دعا کرو۔ اُو وی عمومی اے۔ اِک مخصوص دعا ہووے گی، ’’ڈاکٹر کیگن دی ایہہ جانن وچ مدد کر کہ اُو جان جائیں خُدا اُوہناں کولوں کی چاہندا اے اُو اگلے اِتوار نوں کیس گل دی تبلیغ کرن۔‘‘ ڈاکٹر ہائیمرز دی کمر دے تھلڑے پٹھیاں نوں شفا دے، تاں جے اُو تبلیغ کرن لئی فیر کھڑے ہو پان۔‘‘


اٹھ گلاں لئی دعا کرنا بہتر اے بجائے ایس دے کہ اِک لمبی فہرست ہووے جیس لئی دعا کرن دا تہاڈے کول ویلا نہ ہووے۔


دعا منگن تے بائبل دا مطالعہ کرن لئی روزانہ تی منٹ اِک طرف مقرر کر دوو – 10 منٹ بائبل پڑھن لئی؛ 10 منٹ اُوس آیت تے دھیان گیان کرن لئی جیہڑی تُسی پڑھی؛ 10 منٹ اپنی دعا دی فہرست توں دعا کرن لئی۔

ایہہ سب کُج روزانہ اِک وی ویلے تے کریا کرو۔ اُو ویلا جیہڑا تہاڈے لئی سب توں بہتر ہووے: تی منٹ جیہڑے تُسی سویرے پہلاں اُٹھدے اُو۔ شاید دوپہر دے کھانے دے ویلے۔ شاید رات نوں تہاڈے بستر تے جان توں پہلاں۔ ہر روز اینوں اِک ای ویلے تے کرن دی کوشش کرو۔ جیہڑا وی ویلا تہاڈے لئی بہتر طور تے کم کرے۔ خُدا تہانوں برکت دے جدوں تُسی انج کرو!

مہربانی نال کھڑے ہو جاؤ تے ’’مینوں دعا کرنا سکھا Teach Me To Pray‘‘ گاؤ۔

مینوں دعا کرنا سکھا، خُداوند، مینوں دعا کرنا سکھا؛
   ایہی دِن تے رات میرے دِل دی پُکار اے؛
میں تیری مرضی تے تیری راہ دا منتظر آں؛
   مینوں دعا کرنا سکھا، خداوند، مینوں دعا کرنا سکھا۔
’’مینوں دعا کرنا سکھا Teach me to Pray، (شاعر البرٹ ایس۔ ریٹسز Albert S. Reitz ، 1879۔ 1966)

رومیوں10:13 کھولو،

’’جیہڑا کوئی خُداوند دا ناں لئے گا نجات پائے گا۔‘‘

مسیح تیکر رہنمائی کرن لئی میرے کول کوئی نئیں سی۔ لیکن میں بار بار خُدا نوں پکار کے یسوع دے ناں وچ کہیا۔ اُوہنے میری پکار سُنی تے 28 ستمبر، 1961 سویر 30:10 وجے مینوں نجات دلائی! ’’اے دعا دے سنن آلے، سب لوکی تیرے کول آن گے‘‘


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔