Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




دعا دی اِک فہرست کیویں بنائی جائے

HOW TO MAKE A PRAYER LIST
(Punjabi – A Language of Pakistan)

ڈاکٹر کرسٹوفر کیگن وَلوں
by Dr. Christopher L. Cagan

لاس اینجلز دی بپتسمہ دین آلی عبادت گاہ وِچ دِتا گیا اِک واعظ
خُداوند دے دِن دی شام، 7 جولائی، 2019
A sermon preached at the Baptist Tabernacle of Los Angeles
Lord’s Day Evening, July 7, 2019

’’پاک روح دی ہدایت نال ہر ویلے تے ہر طرح دعا تے منت کردے رہوو تے ایس غرض نال جاگدے رہوو تے سارے مقدساں لئی ہمیشہ [بِلا ناغہ] دعا کردے رہوو‘‘ (افسیوں6:18)۔


ساڈی تلاوت کہندی اے ’’ہر ویلے‘‘ یا ’’ہر طرح‘‘ چار وری۔ ایہہ کہندی اے، ’’پاک روح دی ہدایت نال ہر ویلے تے ہر طرح دعا تے منت کردے رہوو تے ایس غرض نال جاگدے رہوو تے سارے مقدساں لئی ہمیشہ [بِلا ناغہ] دعا کردے رہوو‘‘ (افسیوں6:18)۔ اُو بہت کُج کرن جیہا لگدا اے۔ ایہہ بہت کُج کرن جیہا ای اے۔ تُسی ایہہ کیویں کر سکدے اُو، یا اُوہدے وگرا کُج کیویں کر سکدے اُو؟

آیت کہندی اے، ’’ہر ویلے۔‘‘ کی تہانوں سارا ویلے دعا کرنی ہوندی اے؟ جی نئیں، تہانوں ہر ویلے دعا نئیں کرنی ہوندی اے۔ تُسی نئیں کر سکدے۔ کوئی وی نئیں کر سکدا۔ تہانوں سونا ہوندا اے۔ تہانوں کھانا ہوندا اے۔ تہانوں کم کرنا ہوندا اے۔ تہانوں پڑھنا ہوندا اے۔ تے فیر آیت دا مطلب کی اے؟ ایس دا مطلب اے کہ دعا مسیحی حیاتی دا اِک اہم حصہ ہوندی اے، تے تہانوں اینج کرن لئی ویلہ کڈنا چائیدا اے۔

تلاوت کہندی اے، ’’پاک روح دی ہدات نال ہر طرح دعا تے منت کردے رہوو۔‘‘ تہانوں اپنے دِل نال دعا کرن دی کوشش کرنی چائیدی اے، محض الفاظ ادا نئیں کرنے چائیدے، بلکہ واقعی چہ خُدا کولوں اُن منگنا چائیدا اے جیہڑا تُسی چاہندے اُو۔

فیر تلاوت کہندی اے، ’’ایس غرض نال جاگدے رہوو [یعنی ثابت قدمی دے نال]‘‘۔ ’’ثابت قدمیperseverance‘‘ دا مطلب ہوندا اے کہ تُسی ویلے تیکر دعا مانگدے رہوو جدوں تیکر جواب مل نئیں جاندا۔

آخیر وِچ، تلاوت کہندی اے، ’’تمام مقدساں لئی‘‘۔ بائبل وِچ، اِک ’’مقدس‘‘ دا مطلب محض ’’اِک مسیحی‘‘ اے۔ تُسی کیویں دُنیا چہ ساری مسیحیاں لئی دعا منگ سکدے اُو؟ تُسی نئیں جانندے اُو کون کون نے۔ لیکن فیر وی دعا مانگ سکدے اُو۔

تلاوت کہندی اے، ’’ہر ویلے،‘‘ ’’ہر طرح،‘‘ ’’ہر طرح،‘‘ ’’ہر طرح۔‘‘ ایس دا مطلب ہوندا اے کہ دعا تہاڈی مسیحی حیاتی دا اِک بہت وڈھا حصہ ہونی چائیدی اے۔ ایہہ کوئی ایہو جئی گل نئیں اے جنہوں کہ تُسی چھڈ دیو، یا اِک یا دو منٹاں لئی گزارا کر لؤ۔ اینوں اپنی حیاتی دا اِک حقیقی تے سنجیدہ حصہ بناؤ۔

بائبل تہانوں مناجات دے نال دعا مانگن دا دسدی اے۔ اپنی دعا نوں دِل دے نال منگو۔ بائبل تہانوں بِلا ناغہ یعنی ثابت قدمی دے نال دعا منگن دا دسدی اے۔ اُوس ویلے تیکر دعا مانگدے رہوو جدوں تیکر خُدا جواب نئیں دے دیندا۔

جدوں تُسی دعا مانگنا شروع کردے اُو، یا ایتھوں تیکر کہ دعا دے بارے چہ سوچدے اُو، تے تُسی خُود چہ لبریزی محسوس کر سکدے اُو۔ ایس قدر بوہتی اِلتجاواں، ایس قدر بوہتی ضرورتان ہوندیاں نے، ایس قدر زیادہ لوکی ہوندے نے جنہاں نوں تہاڈی دعا کی لُوڑ ہوندی اے۔ تُسی شاید سوچ وی نئیں سکدے کہ تہانوں اِک گھنٹہ دعا منگنی پہئے گی، تے فیر وی ہر گل دی دعا چہ تکمیل نئیں ہو پائے گی۔ تے تُسی سچے اُو۔ دعا دا کوئی اختتام نئیں ہوندا اے۔ کدی کدی میں اپنی دعا دے ویلے ایہہ کہندیاں ہویاں دعا نوں شروع کرنا آں، ’’اے خُداوند، دعا منگن لئی ایس قدر بوہتی گلاں نے۔‘‘

تُسی کیویں ہر روز اُوہناں گلاں لئی دعا منگ سکدے اُو جنہاں لئی تُہانوں دعا منگن دی لوڑ ہوندی اے – کسی وی گل نوں بُھلے بغیر؟ بُھل جانا آسان ہوندا اے، پاویں تُسی اِک مہینے لئی مسیحی رئے ہو یا کئی وریاں توں مسیحی رئے ہو، پاویں تہاڈی دعا دا ویلہ لمبا ہووے یا چھوٹا ہووے۔ دعا دی اِک فہرست تیار کرو! اپنی فہرست نوں استعمال کرو!

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

دعا دی فہرست کی ہوندی اے؟ ایہہ سادہ جہئی گل اے۔ دعا دی فہرست اُوہناں گلاں دی فہرست ہوندی اے جنہاں لئی تُسی دعا مانگدے اُو۔ تُسی کاغذ دے اِک ٹکڑے تے فہرست نوں لکھ لو۔ ہر روز اپنے دعا دے ویلے وِچ، اُوس فہرست نوں استعمال کرو تے اُوہناں گلاں لئی دعا منگو۔ کد وی مینوں تہاڈے کولوں ایہہ سوال نہ پوچھن دیو۔ کی تہاڈے کول دعا دی فہرست اے؟ جے تہادے کول نئیں اے تے تُسی کیوں نئیں اِک فہرست بنانی شروع کر دیندے؟

تہاڈے کول دعا دی اِک فہرست کیوں ہونی چائیدی اے؟ ایہہ تہانوں تہاڈے خیالات تے دعاواں نوں مرتبہ کرن وِچ مدد دے گی۔ سب توں اہم گل ایہہ اے کہ ایہہ تہانوں نا بُھلن چہ مدد مہیا کرے گی! حیاتی دی گہما گہمی وِچ، اینی بوہتی گلاں دے ہوندیاں ہویاں، کسی گل لئی دعا منگنا بُھل جانا سُوکھا ہوندا اے۔ میں خود ایہہ کر چکیا آں، تے تُسی وی کر چکے اُو۔ جے تُسی دعا دِی اِک فہرست استعمال کردے اُو، تے تُسی بُھلّوں گے نئیں، کیوں جے دعاواں اِک ورقے تے لکھیاں ہوندیاں نے۔ خالی ایہو ای وجہ دعا دی فہرست نوں بنان لئی انتہائی قابل قدر اے۔ دعا مانگن لئی اہم گلاں نوں لکھ لؤ۔ فیر فہرست نوں دوبارہ ویکھو۔ بعد چہ اُوس دِن اُوہنوں فیر ویکھو، تے ہر روز ویکھو۔ تُسی جیہڑا بُھل جاندے اُو اُوہدے تے تُسی حیران ہو جاؤ گے۔ اُوس دعا نوں فہرست وِچ جمع کر لؤ۔ دعا دی اِک فہرست اپنے کول رکھنا تہانوں فیر نا بُھلن وِچ مدد دے گا۔

دعا دی اِک فہرست تہانوں ایمانداری تے احتیاط دے نال دعا منگن وِچ مدد دیوے گی۔ اَج مسیحیاں دے لئی ایہہ گل کہنا سَوکھی ہو جاندی اے، ’’میں تہاڈے لئی دعا منگ رہیا واں۔‘‘ میں تہاڈے لئی دعا منگاں گا۔‘‘ لیکن کی تُسی دعا منگ رئے اُو؟ کی تُسی دعا منگی؟ یا کی تُسی بُھل گئے؟ جے تُسی دعا منگدے اُو، تے تُسی محض چند لفظاں نوں چھیتی چھیتی ادا کردے اُو تے فیر بُھل جاندے اُو؟ کدی کدی ’’میں تہاڈے لئی دعا منگاں گا خالی الفاظ ہو سکدے نے جیویں کہ ’’تہاڈے دِن چنگا گزرے‘‘ – تے بس ایہو ای سب کُج۔ ایہہ حقیقی دعا نئیں ہوندی اے۔ ایہہ واقعی چہ کسی دے لئی دعا منگناں نئیں ہوندا اے۔ اُو کوئی ایماندارانہ دعا نئیں ہوندی اے۔

دعا دی اِک فہرست تہاڈے ایمان دی تعمیر کرے گی! ایہہ تہانوں برکت بخشے گی۔ دِن چہ اِک وری اپنی فہرست تے نظر پاؤ۔ جدوں خُدا دعا دا جواب دیندا اے، تے اُوس دعا نوں فہرست وِچوں کٹ دیو، تے اُوہدے اَگے اُوس دِن دی تاریخ پاؤ جیس دِن خدا نے جواب دِتا۔ جے خُدا دعا دا جواب اَج دے دیندا اے، تے اپنی فہرست تے اُوس دعا تے اِک لکیر کھیچ دیو تے اُوہدے اَگے لکھو، ’’7 جولائی، 2019 نوں جواب مِلیا۔‘‘

پرانے ورقیاں نوں مت سُٹو۔ ماضی وچ جنہاں گلاں لئی تُسی دعاواں منگیاں سن اُوہناں دی فہرست نوں مت سُٹو۔ دعاواں نوں پرانی اِلتجاواں دے نال رکھو۔ وقت بہ وقت اُوہناں نوں ویکھدے رہوو۔ اُو تہانوں حوصلہ دین گیاں۔ ایہہ تہاڈا ایمان ودھائے گا۔ جدوں تُسی ویکھو گے کہ کِنیاں دعاواں دا جواب خُدا دے چکیا اے، تے ایہہ تہاڈے ایمان نوں ودھائے گا کہ اُو تہانوں فیر جواب دے گا۔ کیوں نہ کوئی کاپی یا کاغذاں نوں بننن دی کوئی شے خرید لئی جائے؟ ایس گل نوں یقینی بناؤ کہ ایہدے وِچ بوہتے سارے لائیناں آلے کاغذ ہون۔ جدوں تہاڈے کول اِک نوی اِلتجا ہووے، تے جیس دِن تُسی اُیہدے لئی پہلی وری دعا منگی ہووے اُوس دِن دی تاریخ دے نال اُوہنوں فہرست دے اخیر وِچ لکھ لؤ۔ جدوں اِک دعا دا جواب مل جاندا اے تے اینوں فہرست وِچوں کٹ دیو۔ تُسی حیران رہ جاؤ گے جدوں تُسی ویکھو گے کہ کِنی وری خُداوند تہانوں جواب دے چکیا اے۔

تہاڈی فہرست وِچ کی دعاواں ہونی چائیدیاں نے؟ کیوں، اُو اہم گلاں جنہاں دے بارے وِچ تُسی دعا منگنا چاہندے اُو! اُو دعاواں شاید مختلف لوکاں لئی مختلف ہون، یا مختلف گلاں ہون جنہاں دی ویلہ لنگہن دے نال نال تہانوں لُوڑ ہووے۔ لیکن کُج دعاواں ہوندیاں نے جیہڑیاں تہاڈی فہرست وِچ ہمیشہ ہونی چائیدیاں نے۔

پہلی، ساڈے مقامی گرجا گھر دیاں ضرورتاں لئی دعا۔ مقامی گرجا گھر [کلیسیا] مسیح دا بدن ہوندا اے۔ بائبل کہندی اے، ’’کلیسیا، جیہڑی اُوہدا بدن اے‘‘ (افسیوں1:22، 23)۔ اُوس [یسوع] دے بدن، کلیسیا یعنی گرجا گھر لئی دعا منگو! سب توں اہم گل جیس لئی بالکل ہُنے دعا منگنی اے اُو ایہہ اے کہ ایہہ عمارت چھیتی بِک جاوے، اِک چنگی قیمت تے۔ سانوں ایس عمارت نوں ویچن دی لُوڑ اے تاکہ اَسی سان گیبرئیل وادی San Gabriel Valley وِچ اپنی نئی عمارت لئی قیمت ادا کر پائیے۔ ایس ضرورت لئی ہر جمعہ دے دِن دعا منگو تے روزہ رکھو۔ میں جاننا واں کہ تہاڈے وِچوں بے شمار لوکی اینج کر رئے نے، تے ایس گل لئی خُدا تہانوں برکت عنایت فرمائے۔ لیکن اُوہدے لئی صرف جمعہ نوں ای دعا مت منگو، یا بُدھ دی رات نوں ساڈے دعائیہ اِجلاس وِچ۔ ایہنوں اپنی دعا دی فہرست وِچ لکھو، تے ایہدے لئی ہر روز دعا منگو جدوں تیکر خُداوند جواب نئیں دیندا۔

ایتھے ہُور گلاں نے جنہاں دی گرجا گھر نوں ضرورت اے۔ اَسی اِک پیانو آلے لئی دعا منگی سی۔ خُدا نے جواب دِتا تے سانوں مسز سونگ Mrs. Song مہیا کیتی۔ اُو دعا دا اِک جواب سن۔ خُداوند کولوں دعا منگو کہ آن آلے ہفتے دے وِچ ساڈی عبادتاں دی نگہبانی کرے تے برکت دیوے۔ خُدا کولوں سانوں واعظ لکھن تے اُوہناں دی منادی کرن وِچ مدد لئی دعا منگو۔ دعا کرو کہ اُو اُوہناں لوکاں دی مدد کرے جیہڑے اُوہناں نوں سُنن۔ خدا کولوں دعا منگو کہ اُو ساڈے گرجا گھر نوں شیطان تے اُوہدے آسیباں توں محفوظ رکھے۔ یسوع نے سانوں دعا منگن لئی کہیا سی، ’’سانوں بُرائی کولوں بچا‘‘ (متی6:13)۔ بائبل کہندی اے، ’’تہاڈا دشمن ابلیس، دھاڑدے ہوئے ببر شیر وانگوں لبھدا فِیردا اے کہ کینوں پھاڑ کھائے‘‘ (1پطرس5:8)۔ جی ہاں، خُدا کولوں دعا منگو کہ سانوں ابلیس دے حملیاں توں محفوظ رکھے۔

لوکاں دے مسیح وِچ ایمان لہیا کے تبدیل ہون لئی دعا منگو۔ تُسی کُج لوکاں نوں جانندے اُو جہناں نے مسیح تے پروہسا نئیں کیتا اے۔ اُوہناں وِچوں کُج چند ہفتیاں یا مہینیاں لئی گرجا گھر آ چکے نے۔ تہاڈے رشتہ دار یا دوجے جانن آلے لوکی ہون جیہڑے نجات یافتہ نئیں نے۔ اُوہناں لئی دعا منگو۔ تہانوں شاید مہینے یا وریاں تیکر دعا منگنی پہئے۔ لیکن دعا منگنا جاری رکھو۔ فیر جدوں جواب آئے گا تے تُسی خوشی مناؤ گے!

دوجے مسیحیاں لئی دعا منگو۔ اُوہناں دیاں ضرورتاں ہوندیاں نے۔ اُوہناں دیاں اِلتجاواں ہوندیاں نے۔ جے کوئی تہانوں اُوہدے لئی دعا منگن لئی کہوے تے کیوں نہ دعا کیتی جائے؟ یا جے تُسی کہندے اُو، ’’میں تہاڈے لئی دعا کراں گے،‘‘ تے کیوں نہ اینوں کیتا جائے؟

خود دے لئی دعا منگو – جیس گل دی تہانوں لُوڑ ہوندی اے۔ یسوع نے سانوں دعا منگنی سکھائی اے، ’’ساڈی روز دی روٹی اَج سانوں دے‘‘ (متی6:11)۔ مت سوچو کہ تُسی صرف ’’روحانی‘‘ گلاں لئی ای دعا منگ سکدے اُو۔ خود مسیح نے تہانوں دسیا اے کہ جیس شے دی تہانون روز لوڑ ہوندی اے اُوہدے لئی دعا منگو۔

ساڈے صدر لئی دعا منگو۔ ایہہ اِک سیاسی بیان نئیں اے۔ پولوس رسول نے کہیا، ’’سب توں پہلاں میں اے نصیحت کرنا آں کہ خُدا دے حضور وِچ درخواستاں، اِلتجاواں، گزارِشاں تے شکرگزاریاں سب لئی کیتیاں جان۔ بادشاہواں تے اُوچے اُوچے مرتبے رکھن آلیان لئی ایس غرض نال کہ اَسی بوہتی دیانتداری تے پاکیزگی نال امن تے سلامتی دے نال حیاتی بسر کریے‘‘ (1تیموتاؤس2:1، 2)۔ ایہہ سیاست نئیں اے، ایہہ بائبل اے! خُدا کولوں دعا منگو کہ ساڈے صدر نوں حکمت بخشے تے اُوہدی سیدھی راہ تے رہنمائی کرے۔ دعا کرو کہ اُوہناں نوں قتل نہ کر دِتا جائے، کیوں جے ایس دُنیا وِچ کُج بدکار لوکی نے جیہڑے اُوہناں نوں قتل کر دین گے جے اُو کر پائے۔

تُسی شاید سوچو، ’’میں کیویں صدر لئی دعا منگ سکنا واں جے اُو اِک مسیحی نئیں نے، جے اُو مسیح وِچ ایمان لہیا کے تبدیل شُدہ بندے نئیں نے؟‘‘ بائبل نئیں کہندی کہ رہنماواں لئی دعا مت منگوجے اُو مسیحی نئیں نے۔ اُو کہندی اے کہ ’’اُوہناں سارے اختیار آلیاں لئی‘‘ دعا منگو، پاویں اُو کوئی وی ہُون۔ جدوں پولوس رسول نے اُو لکھیا سی، تے کی رومی شہنشاہ کوئی فیر توں جنم لہیا ہویا مسیحی سی؟ کی اُو گھٹ توں گھٹ اِک اخلاقی تے ایماندار بندہ سی؟ جی نئیں، اُو شہنشاہ نیرو سی، تاریخ وِچ بُرے تے بدچلن لوکاں وِچوں اِک، جیہڑا مسیحیاں نوں اپنے باغاں وِچ مشعلاں تے زندہ جلا دیندا سی۔ ایہہ نیرو ای سی جنہے پطرس نے پُٹھی صلیب دِتی سی۔ ایہہ نیرو ای سی جنہے پولوس دا سر وڈوایا سی۔ تے ایس دے باوجود پولوس نے مسیحیاں نوں اُوہدے لئی دعا منگن دا حکم دِتا سی! جی ہاں، ایس مُلک وِچ، ساڈے صدر لئی دعا منگو، پاویں اُو کوئی وی اے۔

ساڈے انٹر نیٹ مشن دے لئی دعا منگو! اُو واعظ مسوّدیاں دی شکل وِچ 42 زباناں وِچ 221 مُلکاں وِچ جاندے نے۔ لوکی اُوہناں دے ذریعے نال نجات پا چکے نے۔ سانوں بار بار اُوہناں پادری صاحبان وَلوں ای میل ملدے نے جیہڑے اپنی اپنی زباناں وِچ واعظاں دی منادی کردے نے۔ میں اینج دی کسی ہُور ویب سائٹ دے بارے چہ نئیں جاننا واں۔ میں ایس قسم دی کسی منسٹری نوں نئیں جاننا واں۔ ایہہ ساڈا مشن اے۔ ایہدے لئی دعا منگو!

دوجیاں سرزمیناں وِچ مسیح دے کم لئی دعا منگو۔قید وِچ مسیحیاں لئی دعا منگو۔ چین تے دوجے اشتراکیت پسند مُلکاں وِچ بہت وڈی وڈی مصیبتاں دے تھلے مسیحیاں لئی دعا منگو۔ تُسی اُوہناں نوں نئیں جانندے، لیکن اُو تہادے بھرا تے بہناں نے۔ جے تہادے بھرا یا بہن مسیح دی خاطر قید وِچ ہوندی، تے تُسی منگدے۔ تو کیوں نہ فیر اُوہناں لئی وی دعا کیتی جائے؟

ساڈی پادری صاحبان لئی دعا منگو۔ پولوس رسول نے دعا منگن لئی کہیا سی ’’میرے لئی وی دعا کیتی کرو تاکہ جدوں کدی مینوں بولن دا موقع لبھے تے مینوں پیغام سُنان دی توفیق ہووے تے میں خوشخبری دے بھید نوں دلیری نال ظاہر کر سکاں‘‘ (افسیوں6:19)۔ ڈاکٹر ہائیمرز Dr. Hymers لئی دعا منگو۔ اُوہناں لئی دعا کرو جدوں اُو اپنے واعظ لکھدے نے تے جدوں اُو اُوہناں دی تبلیغ کردے نے۔ خُدا کولوں اُوہناں نوں قوت تے صحت بخشن لئی دعا کرو۔ اُوہناں لئی دعا کرو جدوں اُو سانوں ساڈی نوی عمارت وِچ لے جان لئی تیار کردے نے۔ خُدا کولوں دعا منگو کہ اُوہناں دی سان گیبرئیل دی وادی وِچ نوے گرجا گھر دے آغاز لئی رہنمائی کرے۔ تے میرے لئی وی دعا کرو۔ مینوں وی تہاڈے دعاواں دی لُوڑ اے۔

میں تہانوں دعا منگن لئی اَٹھ نکات پیش کر چکیا آں۔ ایناں نوں اپنی فہرست وِچ پا لؤ۔ ایس مسوّدے نوں اپنے نال گھر لے جاؤ۔ اُو اَٹھ گلاں موٹے لفظاں وِچ لکھیاں گئیاں نے (گہرے ترچھے حروف)۔ اُوہناں نوں لائیناں آلے کاغذ تے اِک دے بعد دوجے نمبر تے لکھ لو۔ اُوہناں وِچوں ہر اِک لئی ہر روز دعا منگو۔ تُسی دوجیاں گلاں لئی وی دعا منگ سکدے اُو، لیکن ایناں لئی دعا کرنا یقینی بناؤ۔ جدوں خُدا جواب دیندا اے، تے اُوہنوں اپنی فہرست وِچ اُوس دِن تے تاریخ نال لکھ لو کہ اُوہنے جواب دِتا۔

اپنی فہرست نوں ایس قدر لمبا نا کر لو کہ تُسی ھینڈل نہ کر پاؤ۔ تُسی سارا دِن دعا منگ سکدے اُو جے تہاڈے کول ویلہ اے، لیلکن تُسی کر سنئیں سکدے۔ محض ایناں اَٹھ گلاں دے بارے چہ سوچنا ای تہانوں مخصوص نکات تے تفصیلات دے بارے چہ سوچن وِچ رہنمائی کرے گا کہ اُوہناں لئی دعا کرو۔ تے تُسی دوجیاں گلاں لئی سوچو گے کہ اُوہناں لئی وی دعا منگو۔ جو کُج میں کہیا اے اُوہدے توں زیادہ تے بارے وِچ دعا منگنا وی ٹھیک اے تے مذید ہُور ویلہ لانا وی ٹھیک اے – جے تُسی کر سکدے اُو۔ لیکن خود تے اِینا وزن نا پاؤ جیہڑا تُسی چُک نہ سکو۔ جے تُسی اینج کردے اُو، تے تُسی مکمل طور تے سب کُج چھڈن لئی آزمائے جاؤ گے۔

اَٹھ گلاں دے بارے چہ دعا منگنا بہتر اے – یا کم – بجائے ایس دے کہ 20 یا 30 گلاں دی اِک فہرست بنا چھڈو جنہاں لئی دعا منگن دا تُہاڈے کول ویلہ ای نہ ہووے۔ اِک طویل فہرست دے ہون دا مطلب ایہہ نئیں ہوندا اے کہ تُسی اِک بہتر مسیحی ہو۔ جے تُسی جیہڑا ویلہ تہاڈے کول اے اُوہدے وِچ اپنی اُوس فہرست نوں ہر روز پورا نئیں کر سکدے، فہرست بہت لمبی اے۔ تہاڈی فہرست وِچ بے شمار گلاں نے۔ جے تہاڈی فہرست بوہتی لمبی ہو جاندی اے، تے تُسی شاید اِک ناکام بندے وگرا محسوس کرو گے۔ اِک چھوٹی فہرست دا ہونا بہتر اے تے اُوہدی پیروی کرنا بہتر اے بجائے ایس دے کہ اِک لمبی جیہئی فہرست بن جائے جنہوں تُسی پورا نہ منگ پاؤ۔ تہاڈے وِچوں کُج نئے مسیحی نے۔ تُسی دِن وِچ 10 یا 15 منٹ دعا منگدے اُو۔ اُوس ویلے وِچ تُسی جیہڑی دعا منگ سکدے اُو اُوہدی اِک نکی جیہئی فہرست تیار کر لو۔

معنی دے نال جیہڑی دعا تُسی منگ سکدے اُو اُوہدی اِک نکی جیہئی فہرست تیار کر لینا بہتر اے، بجائے ایس دے کہ اِک طویل فہرست ہووے جیس وِچ اِک دے بعد دوجی گل لئی چھیتی چھیتی نٹھ رئے ہوں، لفظاں نوں سوچیاں بغیر ای ادا کر رئے ہون جنہاں دے بارے چہ تُسی دعا منگ رئے اُو، یا واقعی چہ خُدا نوں تہانوں جواب دین لئی کہہ رئے اُو۔ جے تُسی چڑچڑے پن دے نال لفظ ادا کر رئے اُو، ’’خدا اُوہنوں برکت دے، خُدا اینوں برکت دے۔ خدا ایہہ کر دے۔ اُو کر دے۔ یسوع دے ناں وِچ، آمین،‘‘ تے فیر تُسی واقعی چہ دعا نئیں منگ رئے اُو۔ یا تے تُسی اخلاقی طور تے ڈِگ رئے اُو یا تُہاڈی فہرست بوہتی زیادہ لمبی اے۔ اِک یا دو گلاں لئی سنجیدگی دے نال دعا منگنا بہتر اے بجائے ایس دے کہ بغیر سوچے دس گلاں دی لفظاں آلی اِک فہرست نوں چڑچڑے پن دے نال ادا کرو۔

جدوں تُسی دعا منگو، تے یاد رکھو تُسی دعا منگن دے بارے چہ کی سِکھ چکے اُو۔ سوچو تُسی کی منگ رئے اُو۔ خُدا وَل رجوع کرو تے اُوسی کولوں دعا منگو۔ پاک صحائف وِچ خُدا دے وعدیاں نوں استعمال کرو۔ جے خُدا نے کسی گل دا وعدہ کیتا سی، تے اُو اُوہنوں پورا کرے گا۔ خدا نوں دَسو اُوہنے ماضی وِچ کی کیتا سی۔ اُو ایہہ جانندا اے، لیکن ایہہ گل تہاڈا ایمان ودھائے گی جدوں تُسی دعا منگو گے۔ یسوع دے ناں چہ دعا کرن نوں یقینی بناؤ۔ اُوہی تنہا اے جیہڑا ساڈے لئی قربان ہو گیا سی تے ساڈے گناہ دی خاطر اپنے لہو نوں پیش کیتا سی۔ یسوع دے ذریعے نال – ہُور کوئی دوجی راہ نئیں اے – ساڈے کول خُدا تیکر رسائی ہوندی اے۔ یسوع دی وجہ توں، اَسی دعا وِچ خُدا دی حضور چہ جا سکنے آں، کیوں جے اُوہدا لہو ساڈے گناہ نوں ڈھکدا اے۔

دعا نوں اپنے دِل دے نال منگو۔ ایہدے وِچ اپنے ذہن تے کوشش تے قوت نوں لگاؤ۔ مناجات دے نال دعا کرو، خُدا کولوں منگو تے اِلتجا کرو کہ اُو تہانوں اُوہی بخشے جیہڑا تُسی منگ رئے اُو۔ کدی کدی، روزے دے نال دعا کرو۔ احساس دے نال دعا منگن توں خوفزدہ مت ہو۔ میں تہاڈے نال آپئے چیخن تے رون تے مجبور کرن دے بارے وِچ گل نئیں کر رہیا آں۔ لیکن جے تُسی جیس دے بارے چہ دعا کردے اُو اُوہدے بارے وِچ سوچدے اُو، جے تُسی واقعی چہ اُو چاہندے اُو، جے تُسی اپنی ضرورت نوں ویکھدے تے محسوس کردے اُو، تے تُسی شاید احساس دے نال بخوبی دعا منگ سکدے اُو۔ تہانوں ہر دعا وِچ رونا نئیں ہوندا اے۔ تہانوں گہرے جذبات نئیں رکھنے ہوندے۔ لیکن تُسی جو کُج کہہ رئے ہوندے اُو اُوہدے بارے چہ ضرور سوچو، تے معنی توں بھرپور دعا منگو۔ ایس وِچ خود نوں اُنڈیل دیو۔ اُوہی حقیقی دعا ہوندی اے۔

میں اُمید کرنا واں کہ ایہہ نکات تہاڈے لئی اِک مدد ہون گے۔ لیکن اَج دی راتی ایتھے تہاڈے وِچوں موجود کُج لوکاں لئی دعا دی اِک فہرست دے مقابلے چہ مینوں کُج ہُور گہری گل کرن دی لُوڑ اے۔ تُسی مسیح تے پروہسا نئیں کیتا اے۔ تُسی اُوہنوں بار بار مسترد کر چکے اُو۔ تُسی اُوہنوں نظرانداز کر چکے اُو جدوں تُسی مُنہ وَٹ کے ٹُر گئے۔ تاہم یسوع نے تہاڈے گناہ لئی اپنے لہو نوں وگایا، تُسی اُوہدے وَل کوئی توجہ نئیں دیندے۔ تُسی دوجیاں گلاں نوں کرنا جاری رکھدے اُو۔ تُسی مسیح دے نال ایویں برتاؤ کردے اُو جیویں اُو اہم نئیں سی۔ تے ہُونے تیکر تہاڈے گناہ دا ریکارڈ تہاڈے تے لٹکیا ہویا اے۔ تُسی خُدا نوں ملن لئی تیار نئیں اُو۔ خُدا تہاڈے گناہ توں ناراض اے۔ اُو تھلے نظر پاندا اے تے تہانوں تہاڈے گناہ دے نال ویکھدا اے، جیہڑا مسیح دے لہو نال ڈھکیا ہویا نئیں ہوندا اے۔ صرف یسوع ای تہانوں نجات دِلا سکدا اے۔ جے تُسی اُوہدے تے پروہسا کردے اُو تے اُو تہاڈے گناہ نوں معاف کر دے گا۔ جے تُسی یسوع تے پروہسا کرن دے بارے چہ ساڈے نال گل بات کرنا چاہندے اُو تے مہربانی نال آؤ تے کمرے وِچ ہُنے سامنے کِھلو جاؤ۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔