Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




خُداوند دا جواب ملن دے بعد دعا منگنا

PRAYING AFTER GOD ANSWERS
(Punjabi – A Language of Pakistan)

ڈاکٹر کرسٹوفر کیگن وَلوں
by Dr. Christopher L. Cagan

لاس اینجلز دی بپتسمہ دین آلی عبادت گاہ وِچ دِتا گیا اِک واعظ
ہفتے دی شام، 6 جولائی، 2019

’’کسی گل دی فکر نہ کرو تے اپنی ساریاں دعاواں وِچ خُدا دے اَگے اپنی ضرورتاں تے مِنّتاں شکرگزاری نال پیش کرو‘‘ (فلپیوں4:6)۔


بائبل سانوں خُدا دا جواب مِلن توں پہلاں دعا مانگن لئی دسدی اے۔ ایہہ سانوں اُوس ویلے تیکر دعا منگن لئی دسدی اے جدوں تیکر خُدا دا جواب نئیں آ جاندا۔ بائبل سانوں اُوس ویلے تیکر دعا منگن لئی دسدی اے جدوں تیکر جواب مِل نئیں جاندا۔ فیر یسوع سانوں دسدا اے کہ اُوس [خُدا] دا ساڈی دعاواں دے جواب دین دے بعد شکر ادا کرو! جدوں یسوع نے اپنے شاگرداں نوں دعا کرنا سِکھایا، تے اُوہنے اِک بندے دے بارے چہ دسیا سی جنہے اپنے بیلی کولوں تِن روٹیاں منگیاں سن۔ اُو اُوس ویلے تیکر منگدا رہیا سی جدوں تیکر اُوہدے بیلی نے اُوہنوں اُو دے نئیں دِتا جیہڑا اُو منگ رہیا سی۔ مسیح نے کہیا، ’’اُوہدے بار بار اِصرار کرن دی وجہ توں [اُوہدی ثابت قدمی، بار بار منگن] توں، اُو اُٹھے گا تے جنہی اُوہنوں لُوڑ ہووے گی اُوہنوں دے گا‘‘ (لوقا11:8)۔

اَج دی راتی میں دعا دے اِک ہُور رُخ دے بارے چہ گل کرنا چاہنا واں۔ میں دعا منگن دے بارے چہ گل کراں گا جدوں خُدا تہانوں تہاڈی دعا دا جواب دے چکیا ہوندا اے۔ ساڈی تلاوت کہندی اے،

’’کسی گل دی فکر نہ کرو تے اپنی ساریاں دعاواں وِچ خُدا دے اَگے اپنی ضرورتاں تے مِنّتاں شکرگزاری نال پیش کرو‘‘ (فلپیوں4:6)۔

یہ خُدا کے جواب دینے کے بعد دعا مانگنا ہوتا ہے۔ ہم کیسے جانتے ہیں کہ یہ جواب کے بعد ہے اور اِس سے پہلے نہیں ہے؟ کیونکہ تلاوت کہتی ہے، ’’شکرگزاری کے ساتھ۔‘‘ یہاں پر خُدا کا شکر ادا کرنے کے لیے کیا ہے؟ آپ خُدا کا ماضی میں آپ کی دعا کا جواب دینے کے لیے اُس کے بھلائی کرنے کا شکر ادا کرتے ہیں۔ لیکن تلاوت کہتی ہے ’’اپنی سب دعاؤں میں خُدا کے سامنے اپنی ضرورتیں اور مِنّتیں کرنے شکرگزاری کے ساتھ پیش کرو۔‘‘ یہ بات مستقبل کی جانب دیکھنے کے لیے بتاتی ہے۔ آپ کیسے اگلی دعا کرنا جاری رکھیں گے؟ مَنتوں کے ساتھ – اِلتجاؤں اور عجز اور قوت کے ساتھ، اکثر روزہ رکھنے کے ساتھ، بالکل جیسے آپ نے پہلے دعا مانگی تھی، جب خُدا نے آپ کو جواب دیا تھا! آج کی رات میں خُدا کا جواب دے چکنے کے بعد دعا مانگنے کے بارے میں دو نکات سامنے لانا چاہتا ہوں۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I. پہلی گل، ناشکری تے غرور دے نال دعا نہ منگن دا گناہ۔

خُدا دے برکت دے چکن دے بعد ایہہ بار بار تے بار بار رونما ہوندا اے۔ بوہتے لوکی ناشکری تے غرور نال بھرجاندے نے۔ اُو خُدا دی شکرگزاری نئیں کردے۔ اینوں ’’ناشکری‘‘ کہندے نے۔ اُس عاجز نئیں ہوندے۔ اُو خُدا دے بارے چہ بُھل جاندے نے۔ ایہدے بجائے، اُو ایہدا سہرا خود اپنے آپ نوں دیندے نے! اینوں ’’غرور‘‘ کہندے نے۔

خُدا نے اسرائیل نوں ناشکری تے تکبر دے بارے چہ خبردار کیتا سی۔ سرزمین تے قبضہ کرن دے بعد موسیٰ نے اُوہناں نوں خُدا نوں نہ بُھلن لئی کہیا سی، اُوہنے کہیا،

’’لہٰذا خبردار رہو کدرے اینج نہ ہو جائے کہ خُداوند اپنے خُدا دے احکامات، اُوس دے قوانین تے اُوس دے آئین جیہڑا اَج میں تہانوں دے رہیا واں نہ من کے تُسی اُوہنوں فراموش کر بیٹھو۔ ورنہ جدوں تُسی کھا چکو تے رَج جاؤ تے جدوں تُسی چنگے چنگے مکاناں نوں تعمیر کر کے اُوہناں وِچ بس جاؤ تے جدوں تہاڈے ریوڑ تے گَلّے دی افزائش ہو جائے تے تہاڈی چاندی تے سونے دی مقدار ودھ جائے تے تہاڈی ہر شے وِچ اِضافہ ہو جائے فیر تہاڈے دِلاں وِچ غرور سما جائے تے تُسی خداوند اپنے خُدا نوں فراموش کر دیو‘‘ (اِستثنا8:11۔14)

فیر خُدا نے اُوہناں نوں برکتاں پان دا سہرا اپنے سر لین دے بارے چہ خبردار کیتا سی۔ پہلے اُوہنے کہیا،

’’[جے] تُسی اپنے دِل چہ کہن لگو، میری ای طاقت تے میرے ای ہتھاں دے زور نال مینوں ایہہ دولت نصیب ہوئی اے‘‘ (اِستثنا8:17)

فیر خُداوند نے خبردار کیتا،

’’تے ایہہ ہو جائے گا، جے تُسی خُداوند اپنے خدا نوں فراموش کر دیو تے دوجے معبوداں دے پیروی کرن لگو تے اُوہناں دی پرستش کرو تے اُوہناں دے اَگے سجدہ کرو تے میں اَج تہاڈے خلاف گواہی دینا آں کہ تُسی یقیناً تباہ ہو جاؤ گے‘‘(اِستثنا8:17)۔

بالکل ایہو سی جیہڑا ہویا سی۔ خُداوند نے اُوہناں نوں وعدے دی سرزمین بخشی، لیکن اُوہناں نے اُوہنوں فراموش کر دِتا۔ اُو بُھل گئے کہ اُو خُدا سی جنہے اُوہناں نوں اُو سرزمین بخشی سی۔ اُوہناں نے جھوٹے خداواں دی پرستش کیتی۔ اُو خُدا دے خلاف ہو گئے تے خُدا اُوہناں دے خلاف ہو گیا۔ خُداوند نے اُوہناں نوں سزا دِتی تے اُوہناں نوں بابل دی اسیری وِچ کر دِتا۔ بائبل کہندی اے،

’’خُدا مغرورراں دا مخالف اے لیکن فروتناں تے فضل کردا اے‘‘ (1پطرس5:5)

یشوع دے زمانے چہ اُو لوکی اسرائیل دی سرزمین چہ داخل ہوئے سن۔ اُوہناں نے اِک دے بعد دوجی فوج نوں شکست دِتی سی۔ اُوہناں نے اِک دے بعد دوجے شہر تے قبضہ کیتا سی۔ کافراں دا اِک گروہ سی جیہڑا جبعونی کہلاندا سی۔ اُوہناں نے وِیکھیا سی اسرائیل کی کر چکیا سی۔ اُو تباہ ہونا نئیں چاہندے سی۔ ایس لئی اُوہناں نے اِک چال چلی۔ اُوہناں نے ایہہ ظاہر کیتا کہ اُو اُوتھے دی رہائشی نئیں سن۔ اُوہناں نےکہیا کہ اُو کدرے دور دراز توں آئے سن، لہٰذا اُو اُوہناں قوماں دا حصہ نئیں سن جِنہاں دا خُدا قتل کرن دا حکم دے چکیا سی۔ اُوہناں نے پرانے کپڑے تے پرانے چِھتر پائے۔ اُوہناں نے سُکھی تے بوسیدہ روٹی کھادی۔ اُوہناں نے کہیا کہ اُو اِک دور دراز دے مُلک توں آئے سن۔ یہودی لوکاں نے کی کِیتا؟ بائبل کہندی اے،

’’اسرائیل دے مرداں نے خُدا توں پُچھے بغیراُوہناں دے توشہ [خوراک] وِچوں کُج لے کے چکھیا، تے یشوع نے اُوہناں دے نال صُلح دا تے جان بخشی دا معاہدہ کِیتا‘‘ (یشوع9:14، 15)۔

اُوہناں نے ’’خُداوند توں پُچھے بغیر‘‘ کیتا۔ کسے نے دعا نئیں منگی۔ کدرے کوئی اندراج نئیں اے ایتھوں تیکر کہ یشوع نے وی دعا نئیں منگی سی۔ تے ایویں اُو چال وِچ پھس گئے۔ اُوہناں نے جبعونیاں دے نال معاہدہ کیتا تے اُوہناں نوں جین دِتا۔ اُو چال چہ آ گئے سن کیوں جے اُوہناں نے دعا نئیں منگی سی۔ اُوہناں نے خود اپنی عقل تے پروہسا کِیتا سی۔ کدرے کوئی اندراج نئیں اے کہ یشوع نے خود دعا منگی سی۔ اُو اِک نبی سی۔ خُدا نے اُوہنوں لوکاں نوں سرزمین وِچ لہیان لئی استعمال کیتا سی۔ لیکن یشوع چال میں آ گیا سی۔ ایہہ ظاہر کردا اے کہ ایتھے تیکر کہ چنگے مسیح وی دھوکہ کھا سکدے نے جے اُو دعا منگنا بُھل جاندے نے۔

ایس گل دا ساڈے نال کی لینا دینا اے؟ دعا نہ منگنا بار بار سانوں چوٹ پہنچا چکیا اے۔ خُدا سانوں برکتاں دے نال نوازدا اے۔ اَسی ایناں نوں سجنیدگی دے نال نئیں لیندے تے سوچن آں کہ اُو برکتاں خود بخود دوبارہ مل جان گئیاں۔ اَسی دعا منگنا بُھل جانے آں۔ کدی کدی ساڈے ہاں مہماناں دا تانتا بن جاندا اے۔ کدی کدی میں سوچیا، ’’ہُن اَسی چنگے دور وِچ آں۔ مسئلہ حل ہو چکیا اے۔ ہُن مشین خود بخود چل جائے گی۔‘‘ لیکن اینج نئیں ہویا۔

چند اِک ورے پہلاں سانوں ’’حیاتِ نو دا اِک لمس‘‘ مِلیا سی۔ بار بار تے بار بار لوکاں نے سوچیا، ’’ہُن خُداوند ایتھے ای اے۔ ہُن سانوں حیاتِ نو مِل چکیا اے۔ ہُن ایہہ جاری رئے گا۔ سانوں اُوویں دعا منگن دی لُوڑ نئیں اے جیویں اَسی منگیا کردے سی۔ سانوں صرف اینا کرن دی لوڑ اے کہ اِجلاس وچ آئیے تے ویکھیے کی رونما ہوندا اے۔‘‘ لیکن اگلی راتی خُدا موجود نئیں سی۔ کُج وی نئیں ہویا۔ اَسی خُدا دا جواب دین دے بعد بُھل چکے ساں۔

ہُن ایہہ تہاڈے لئی اِک تنبیہہ اے! خُدا سانوں سان گیبرئیل وادی San Gabriel Valley وِچ عمارت بخش چکیا اے۔ اَسی اُوہدے لئی دعا منگی سی، تے خُدا نے سانوں اُو بخش دِتی! خُداوند دا شکر ہووے! لیکن ہوشیار ہو جاؤ کدرے تُسی ایہہ نا سوچو، ’’اُو کم ہو چکیا اے۔ باقی دا کم آسان اے۔ باقی کم ہو جائے گا۔ سانوں اُونج دعا منگن دی لوڑ نئیں اے جیویں اَسی پہلاں منگی سی۔‘‘ جے تُسی ایویں سوچدے اُو، تے باقی کم نئیں ہووے گا تے اَسی ایدروں نقل مکانی کرن دے قابل نئیں ہواں گے! ایہہ سب کُج رائیگاں جائے گا۔ یاد رکھو، سانوں ایس عمارت نوں ویچ کے پیسے حاصل کر کے نوی عمارت خریدنی پہئے گی! سانوں پہلاں توں وی زیادہ دعا منگن دی لوڑ اے! جے تُسی کہندے اُو، ’’اَسی نوی عمارت نوں ہُنے خرید رئے آں! تے ایہہ بہت وڈھی گل اے!‘‘ تے دعا منگنا بُھل جاؤ، یا بہت تھوڑی جئی دعا منگو، تے فیر خُدا دی برکتاں دور ہو سکدیاں نے۔ درحقیقت، خُدا ساڈے مخالف کِھلو سکدا اے جے اَسی اُوہنوں بُھل جائیے۔ بائبل کہندی اے،

’’خدا مغروروں دا مخالف اے لیکن فروتناں تے فضل کردا اے‘‘ (1پطرس5:5)

دعا نہ کرن توں باز آؤ تے دعا منگو! تے ایہہ گل مینوں اگلے موضوع وَل لے جاندی اے۔

II۔ دوجی گل، شکرگزاری تے عاجزی دے نال مِنّتیں کرن دی نیکی۔

کیا گل کرنی چنگی اے؟ بائبل کہندی اے،

’’کسی گل دی فکر نہ کرو تے اپنی ساریاں دعاواں وِچ خُدا دے اَگے اپنی ضرورتاں تے مِنّتاں شکرگزاری نال پیش کرو‘‘ (فلپیوں4:6)۔

دوبارہ بائبل کہندی اے،

’’خدا مغروروں دا مخالف اے لیکن فروتناں تے فضل کردا اے‘‘ (1پطرس5:5)

کی تہانوں خُدا دا فضل چائیدا اے؟ تے فیر اُسی عاجزی تے مِنّتاں آلے رویے دے نال واپس دعا وَل لوٹ آؤ – ایتھوں تیکر کہ روزے دے نال – جیویں کہ تُسی پہلاں کیتا سی۔ اگلی اِلتجا دے بارے چہ پُچھو جیویں کہ تُسی پہلاں پُچھیا سی۔ یاد رکھو، جے تُسی پُر اعتماد ہو جاؤ گے، تے ایس قدر زیادہ شدت دے نال جنہی کے تُسی کر سکدے اُو دعا نئیں منگدے، تے تہانوں اُونج دا نتیجہ وی نئیں مِلے گا!

کی ایہہ کرنا چنگی گل اے؟ جی ہاں! بائبل کہندی وِچ بے شمار دیندار لوکاں نے عاجزی تے مِنّتاں دے نال دعا منگی سی – اُوہناں نوں خُدا دا جواب مِلن دے بعد۔

اِک دِن یروشلم اُسور توں اِک بہت وڈی فوج دے ذریعے گھیریا جا چکیا سی۔ اُوہناں دے جنرل نے لوکاں نوں ہتھیار سُٹن لئی کہیا۔ اُس فوج نے بے شمار دوجے مُلکاں نوں فتح کیتا سی۔ فیر اُس جنرل نے اسرائیل دے خُدا دا مخول اُڑایا۔ اُوہنے کہیا کہ خُدا شہر نوں نئیں بچا سکدا کیوں جے اُو دوجی قوماں دے جھوٹے خُداواں توں کوئی بہتر نئیں سی۔

یروشلم چہ بادشاہ دا ناں حزقیاہ سی۔ بائبل کہندی اے،

’’[جدوں] حزقیاہ نے ایہہ سُنیا تے اپنے کپڑے پھاڑے تے ٹاٹ اوڑھ کے خُداوند دے گھر وِچ گیا‘‘ (2سلاطین19:1)۔

حزقیاہ نے خود نوں عاجز کِیتا۔ اُوہنے اپنے کپڑے پھاڑے تے ٹاٹ اوڑھ لہیا۔ اُو ہیکل وِچ دعا منگن لئی گیا۔ خُداوند نے اُوہدی دعا دا جواب دِتا۔ خُداوند نے دشمناں دی فوج نوں تباہ کِیتا تے شہر نوں بچا لہیا۔

ہُن اِحتیاط دے نال سُنو۔ جدوں ایہہ رونما ہویا، حزقیاہ 38 وریاں دا سی۔ اُو 13 وریاں توں بادشاہ رہ چکیا سی۔ کی ایہہ پہلی وری سی کہ اُو ہیکل وِچ گیا سی؟ کی ایہہ پہلی وری سی کہ اُوہنے حیاتی چہ کدی دعا منگی سی؟ کی ایہہ دعا کوئی ایہو جئی گل سی جیہڑی اُوہنے اپنی حیاتی چہ اِک ای وری کیتی سی – ایس توں پہلاں کدی نئیں تے ایس توں بعد وی کدی نئیں؟ جی نئیں! حزقیاہ اِک راستباز بندہ سی، اِک تبدیل شُدہ بندہ۔ بائبل کہندی اے، ’’اُوہنے اُوہی کیتا جیہڑا خُداوند دی نظر چہ بہتر سی‘‘ (2سلاطین18:3)۔ حزقیاہ ایس توں پہلاں بے بے شمار وری دعا منگ چکیا سی۔ خدا بے شمار وری اُوہنوں جواب دے چکیا سی۔ ہیکل چہ اُوہدی دعا کوئی پہلی وری نئیں سی۔ ایہہ ’’بدلے‘‘ وِچ دعا سی۔ اُوہنے فیر توں ٹاٹ اوڑھیا سی تے ماضی وَچ خُدا کولوں اپنا جواب مِل چکن دے بعد دعا منگی سی! ایہو ای اُو سادہ جیہا طریقہ سی جیدے نال اُو دعا کردا سی۔ حزقیاہ لئی سنجیدہ دعا منگنا عام جئی گل سی۔ اُو اُوہدی حیاتی دی مشق سی۔

اِک صدی بعد اسرائیل اپنے گناہ دی وجہ توں بابل دی اسیری وِچ آ گیا سی۔ اُو اُوتھے ستر وریاں تیکر رئے سن، جیویں کہ بائبل نے کہیا۔ اُوہناں دے نال دانی ایل نامی اِک مُنڈہ وی اسیری چہ آیا سی۔ خُداوند اُوہدے نال سی۔ اُو گورنمنٹ چہ اِک اہم شخصیت بنیا سی۔ اِک دِن بابل دے بادشاہ نے لوکاں نوں کسی وی خُدا کولوں دعا منگن توں منع کر چھڈیا – صرف خود بادشاہ کولوں دعا منگو۔ دانی ایل نے سچے خُدا تے پروہسا کیتا سی تے مِنّتاں نال دعا منگدے رہنا جاری رکھیا سی۔ اُوہنے پرواہ نئیں کیتی سے کہ جے لوکی اُوہنوں سُن لیندے تے کی ہوندا۔ بائبل کہندی اے،

’’جدوں دانی ایل نوں پتہ لگیا کہ حکم جاری ہو چکیا اے تے اُو اپنے گھر گیا تے اُوپر آلےکمرے وِچ چلا گیا جیہدی باریاں یروشلم وَل کھُلدیاں سن، اُو دِن چہ تِن وری حسب معمول اپنے گوڈیاں نوں ٹیک کے دعا کردا تے اپنے خُدا دی شکرگزاری کردا۔ فیر ایہہ لوکی اکٹھے ہو کے گئے تے دانی ایل نوں دعا کردے تے اپنے خُدا کولوں مدد طلب کردے ہوئے پایا‘‘ (دانی ایل 6:10، 11)

دانی ایل نے ’’حسب معمول جیویں کہ اُو پہلاں کیا کردا سی‘‘ دعا دے نال شکرگزاری کیتی تے مدد طلب کیتی۔ اینج ای اُو ہمیشہ دعا منگیا کردا سی۔ اُو خُدا نوں سنجیدگی دے نال لہیا کردا سی۔ اُو دعا نوں سنجیدگی دے نال لہیا کردا سی۔ دانی ایل نے اُس دِن اپنی حیاتی نوں خطرے چہ پا کے دعا منگی سی۔ اُو جانندا سی کہ اُو اپنی دعا دی وجہ توں ماریا وی جا سکدا سی۔ دانی ایل نوں گرفتار کر لہیا گیا تے شیراں دے غار وِچ ڈال دِتا گیا۔ لیکن خُدا نے اُوہدی حیاتی نوں بچا لہیا۔

اپنی حیاتی خُدا وَلوں بچائی جا چکن دے بعد کی دانی ایل دوبارہ دعا کرنا بُھل گیا سی؟ کی اُوہنے اِک میکینیکل اندز چہ دعا منگی سی، محض لفظاں نوں ادا کِیتا تے جواب دی واقعی چہ توقع نئیں رکھی؟ جی نئیں، سنجیدہ دعا دانی ایل دی حیاتی دا اِک حصہ سی۔ اُوہنے بابل چہ خُدا دی خدمت کیتی سی جدوں تیکر ستر ورے لنگ نئیں گئے۔ فیر دانی ایل نے لکھیا،

’’میں خُداوند وَل رجوع کِیتا تے میں دعا تے مناجات نال روزہ رکھ کے، ٹاٹ اوڑھ کے تے راکھ تے بیٹھ کے اُوہدے کولوں اِستدعا کیتی‘‘ (دانی ایل9:3)۔

کی دانی ایل نے ایویں ای اپنی حیاتی چہ صرف اِک ای وری دعا کیتی سی، ایس توں پہلاں کدی وی نئیں تے نہ ای ایس توں بعد؟ بے شک نئیں۔ سنجیدہ دعا اُوہدے لئی عام گل سی۔ اُو اُوہدی حیاتی دا حصہ سی۔

دانی ایل اِک بزرگ بندہ سی جدوں اُوہنے ایہہ دعا منگی سی! اُوہنوں اِک مُنڈے دی حیثیت نال قید کِیتا گیا سی، تے جلاوطنی چہ اُوہنے 70 ورے لنگہائے سن۔ اُو 80 وریاں دا سی جدوں اُوہنے ایہہ دعا منگی سی۔ بِلاشُبہ اُوہنے 70 وریاں چہ بے شمار وری دعا منگی سی تے خُدا نے اُوہنوں جواب دِتا سی۔

دانی ایل دعا دے بغیر آلی حیاتی وَل واپس نئیں گیا سی۔ دانی ایل عاجزی، دعا منگن تے مناجات کرن، روزہ رکھن، ٹاٹ اُوڑھن تے راکھ تے بیٹھن وَل واپس لوٹیا سی! اینج ای اُو دعا منگیا کردا سی جدوں اُوہنوں کسی شے دی لوڑ ہوندی سی!

دانی ایل پُختہ عمر آلے، بالغ مسیحی دی اِک تصویر سی۔ اِک بالغ مسیحی خُدا دے جواب دا شکریہ ادا کردا اے تے فیر مناجات، روزہ رکھنا تے دعا منگدے رہنا جاری رکھدا اے۔ سنجیدہ دعا اُوہدی حیاتی دا حصہ سی۔

اپنے بارے چہ کی خیال اے؟ کی تُسی دعا منگن نوں یاد رکھو گے؟ کی تُسی واپس روزہ رکھن تے دعا منگن وَل لوٹو گے؟ جی ہاں، خُدا نوں اُوہدے جواب دین دا شکریہ دا کرو تے فیر روزہ رکھن تے دعا منگن وَل واپس لوٹو۔ ہُنے وی کرن لئی بہت کُج باقی اے – ایس عمارت نوں ویچنا، نوی عمارت وَل نقل مکانی کرنا، تے فیر نوی کلیسیا نوں قائم کرنا۔ اِک لمبا سفر طے کرنا باقی اے۔ جیویں کہ خُدا نے یشوع نوں کہیا سی، ’’مُلک دا کافی حصہ ہُنے حاصل کرنا باقی اے‘‘ (یشوع13:1)۔

اِک وری فیر توں، ’’کسی گل دی فکر نہ کرو تے اپنی ساریاں دعاواں وِچ خُدا دے اَگے اپنی ضرورتاں تے مِنّتاں شکرگزاری نال پیش کرو‘‘ (فلپیوں4:6)۔ حقیقی دعا نوں اپنی حیاتی دا حصہ بنا لوؤ۔ اینج ای دعا منگو جیویں تُسی پہلاں منگا کردے سی۔ روزہ رکھن تے دعا منگن دے نال خُدا وَل رجوع کرو۔ صرف فیر ای خُداوند ساڈے نال رئے گا تے ساڈی دعاوان دا جواب دے گا۔ پہلاں توں وی کدرے بوہتا دعا تے دعا وَل رجوع کرو! آمین۔

لیکن تہادے وِچوں کُج نوں یسوع وَل پروہسا کرن دی لوڑ اے۔ صرف مسیح ای تہانوں سزا توں نجات دِلا سکدا اے۔ صرف مسیح ای اپنے لہو دے نال جیہڑا اُوہنے صلیب تے بہایا سی تہانوں ساریاں گناہواں توں پاک صاف کر سکدا اے۔ جے تُسی مسیح تے پروہسا کرن دے بارے چہ سادے نال گل بات کرنا چاہندے اُو، تے آؤ تے ایتھے سامنے کِھلو جاؤ جدوں کہ اَسی گیت نمبر 5 ’’میں جیہو جیہا وی آں Just As I Am‘‘ گانے آں۔

بغیر اِک اِلتجا دے، میں جیہو جیہا وی آں، لیکن کہ تیرا لہو میرے لئی وگیا گیا،
تے کہ توں مینوں اپنے کول بُلان لئی بیقرار اے، اے خُدا دے برّے، میں آیا! میں آیا!

اُڈیِک کیتے بغیر، میں جیہو جیہا وی آں، میری جان نوں اِک تاریک دھبے توں چُھڑان لئی،
تیرے لئی جیس دا لہو اِک داغ مٹا سکدا اے، اے، اے خُدا دے برّے، میں آیا! میں آیا!

میں جیہو جیہا وی آں، بوہتی کشمکش چہ، بوہتے شکوک چہ، بے شک میں اُچھالیا گیا،
اپنے چہ خوف تے جھگڑیاں دے نال تے بغیر، اے، اے خُدا دے برّے، میں آیا! میں آیا!

بے شک اُچھالا گیا، میں جیسا بھی ہوں، بہت سی کشمکشی میں، بہت سے شکوک میں،
اپنے میں خوف اور جھگڑوں کے ساتھ اور بغیر، اے خُدا کے برّے، میں آیا! میں آیا!
(’’ میں جیہو جیہا وی آں Just As I Am‘‘ شاعرہ شارلٹ ایلیٹ Charlotte Elliott، 1789۔1871)۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

خُداوند دا جواب ملن دے بعد دعا منگنا

PRAYING AFTER GOD ANSWERS

ڈاکٹر کرسٹوفر کیگن وَلوں
by Dr. Christopher L. Cagan

’’کسی گل دی فکر نہ کرو تے اپنی ساریاں دعاواں وِچ خُدا دے اَگے اپنی ضرورتاں تے مِنّتاں شکرگزاری نال پیش کرو‘‘ (فلپیوں4:6)۔

(لوقا11:8)

I۔ پہلی گل، ناشکری تے غرور دے نال دعا نہ منگن دا گناہ،
استثنا8:11۔14، 17، 19؛ 1پطرس5:5؛ یشوع9:14، 15 .

II۔ دوجی گل، شکرگزاری تے عاجزی دے نال مِنّتیں کرن دی نیکی۔
1پطرس5:5؛ 2سلاطین19:1؛ 18:3؛ دانی ایل6:10، 11؛ 9:3؛ یشوع13:1 .