Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




یشوع دے لوک

JOSHUA’S MEN
(Punjabi – A Language of Pakistan)

کرسٹوفر کیگن وَلوں
by Dr. Christopher L. Cagan

لاس اینجلز دی بپتسمہ دین آلی عبادت گاہ وِچ دِتا گیا اِک واعظ
خُداوند دے دن دی سویر، 16 جون، 2019
A sermon preached at the Baptist Tabernacle of Los Angeles
Lord’s Day Morning, June 16, 2019

’’تے اُوہناں نے یشوع نے جواب دتا کہ جیہڑا کُج کرن دا حکم توں سانوں دِتا اے اَسی اُوہنوں کراں گے تے جیتھے جیتھے توں سانوں گھلے گا اَسی اُوتھے جاواں گے‘‘ (یشوع 1:16)۔


یشوع بائبل دے ہیروز وِچوں اِک اے۔ اُوہنے مصر توں خروج وِچ موسیٰ دی پیروی کیتی سی۔ اُو بیابان وِچ چالی وریاں دے دوران موسیٰ دا معاون سی۔ موسیٰ کنعان دی سرزمین چہ لوکاں دے داخل ہون توں صرف کُج دیر پہلاں فوت ہویا سی۔ یشوع رہنما بن گیا سی۔ یشوع لوکاں نوں دریائے یردن پار کروا کے وعدے دی سرزمین چہ لے گیا سی۔ اسرائیل نے اُوس سرزمین نوں فتح کیتا تے اُو اُوہناں دا گھر [وطن] بن گئی، جیویں کہ خُداوند نے ابراہام دے نال صدیاں پہلاں وعدہ کیتا سی۔

خداوند یشوع نال اُوس سرزمین وچ داخل ہون توں پہلاں مخاطب ہویا سی، اُوہنے کہیا،

’’ایس لئی مضبوط ہو جا تے حوصلہ رکھ کیوں جے توں ایناں لوکاں نوں ایس مُلک دا وارث بنن لئی رہنمائی کرے گا جینوں ایناں نوں دین دی میں ایناں دے پیو دادیاں نال قسم کھائی اے۔ پس زور پھڑ تے دلیر ہو جا تے اُوس شریعت تے احتیاط نال عمل کر جیہڑی میرے خادم موسیٰ نے تینوں دِتی اے تے اُوہدے توں نہ تے داہنے ہتھ مُڑیں نہ بائیں تاکہ جیتھے کدرے توں جائے کامیاب ہو جائے۔ شریعت دی ایہہ کتاب تیرے مُنہ توں کدی دور نہ ہونے پائے۔ دِن تے رات ایدے تے دھیان دیندا رہویں تاکہ جو کُج ایدے چہ لکھیا اے اُوس تے توں احتیاط دے نال عمل کر سکیں۔ فیر تیرا اقبال بُلند ہووے گا تے توں کامیاب ہووے گا‘‘ (یشوع1:6۔8)۔

مضبوط ہو جا تے حوصلہ رکھ، تے اُوہی کر جیہڑا بائبل کہندی اے! ایہہ کسی لئی وی اِک چنگی نصیحت اے!

’’تے اُوہناں نے یشوع نے جواب دتا کہ جیہڑا کُج کرن دا حکم توں سانوں دِتا اے اَسی اُوہنوں کراں گے تے جیتھے جیتھے توں سانوں گھلے گا اَسی اُوتھے جاواں گے‘‘ (یشوع 1:16)۔

اُوہناں لوکاں نے محض کہیا ای نئیں سی کہ جو کُج یشوع کہے گا اُو کرن گے۔ اُوہناں نے دراصل اُوہنوں کیتا وی سی! اُوہناں نے بغاوت نئیں کیتی سی یا نافرمانی نئیں کیتی سی۔ اُو جیہڑی راہ تے اُوہنے اُوہناں نوں ٹوریا ٹُر پہئے۔ اُوہناں وِچوں کسی اِک نے وی بغاوت نئیں کیتی سی۔ اُوہناں وِچوں کسی اِک نے وی اُوہنوں نکال کڈن دی کوشش نئیں کیتی سی۔ کسی نے دوجے خُدا دی پرستش نئیں کیتی سی۔

ایہہ صرف ’’لوکاں دے سردار‘‘ ای نئیں سن۔ ساری قوم نے ایہو ای کیتا سی۔ جیہڑا یشوع نے حکم دِتا اُوہناں نے کیتا۔ کوئی بغاوت نئیں کیتی سی۔ کسی نے یشوع نے ہٹان دی کوشش نئیں کیتی سی۔ کسی نے دوجے خدا دی پرستش نئیں کیتی سی۔

میں ایہہ نئیں کہیا کہ اُوہناں وِچ گناہ ناں دی شے کدی وی نئیں سی۔ لیکن اُو گھٹ سی۔ اُو اِستثنا سی حاوی نئیں سی۔ عکن نامی اِک بندے نے خُدا دی نافرمانی کیتی تے اپنے لئی پیسے چرائے۔ اُوہدے گناہ تے اُوہدی سزا نے یشوع دی کتاب وِچ اِک مکمل باب دی تھاں لئی (باب 7)۔ اُو اِک بندے دا گناہ سی، ناکہ اِک پوری قوم دی بغاوت۔

ایہہ کوئی حیرت دی گل نئیں اے کہ یشوع دی کتاب فتح دی اِک کہانی اے! خُدا نے کامیاب دا وعدہ کیتا سی جے اُو فرمانبرداری کردے تے اُو اُوہناں نے کیتی سی۔ اُوہناں نے دشمناں دی فوجاں نوں باآسانی بار بار شکست دِتی۔ اُوہناں نے وعدے دی سرزمین ہر اِک قبیلے دی وراثت دے نال حاصل کیتی۔ اُوہناں نے خُدا دی فرمانبرداری کیتی سی تے اُو اُوہناں وَل سی۔ کوئی تعجب دی گل نئیں سی کہ اُو کامیاب ہوئے سن!

لیکن موسیٰ دے دور چہ، یشوع توں پہلاں دی نسل وِچ ایویں نئیں سی۔ اُو لوکی بار بار گِلے کردے تے بغاوت کردے سن۔ قورح Korah، داتنDathan تے ابیرامAbiram وگرے سرداراں نے موسیٰ نوں ہٹان دی کوشش کیتی سی۔ ایتھوں تیکر کہ موسیٰ دے پرا، سردار کاہن ہارون نے لوکاںنوں سونے دا اِک بچھڑا پرستش کرن لئی بنا کے دِتا۔ خُدا نے ایناں لوکاں نوں وعدے دی سرزمین وِچ جان نئیں دِتا سی۔ اُوہناں نوں بیابان وِچ چالی وریاں تیکر بھٹکنا پہیا سی جدوں تیکر کہ اُو سارے مر نئیں گئے۔ ایہہ اُوہناں دے بچے سن، یشوع دے تحت جنہاں ے سرزمین پائی سی۔ اَج دی سویر میں لوکاں دیاں دو نسلاں تے گل کرنا چاہنا واں۔ پہلاں میں موسیٰ دے زمانے وِچ لوکاں تے گل کراں گا، تے فیر میں یشوع دے لوکاں تے گل کراں گا۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I۔ پہلی گل، موسیٰ دے زمانے دی باغی تے شکست خوردہ نسل۔

خُدا نے اُوہناں نوں کی کرنا اے دسیا سی۔ اُوہناں نے کہیا سی کہ اُو ایہہ کرن گے۔ صحرا سینائی وِچ، خُدا نے کہیا،

’’ہُن جے تُسی پوری طرح نال میری فرمانبرداری کرو تے میرے عہد تے ٹُرو، تے تمام قوماں وِچوں تُسی ای میری ملکیت ٹھہرو گے حالانکہ ساری زمین میری اے‘‘(خروج19:5، 6)۔

لوکاں نے جواب دِتا، ’’جیہڑا خُدا نے فرمایا اے اَسی اُوہدے تے مل کر عمل کراں گے‘‘ (خروج 19:8)۔ فیر خُدا نے دس حکم بخشے۔ لوکاں نے کہیا، ’’جو کُج خُدا نے فرمایا اے اَسی اُو پورا کراں گے‘‘ (خروج24:3)۔

جدوں میں مقدس سرزمین دے دورے تے سی تے یمں ایس واقعے دی اِک مصوری ویکھی سی۔ کسی نے اینوں ’’توریت دا نال کیتا جانا‘‘ (بائبل دی پہلی پنچ کتاباں، شریعت) کہیا سی۔ اُوتے پہاڑ تے موسیٰ پتھر تے لکھے دس احکامات دے نال سی۔ تھلے [پہاڑ دے پہلو چہ] اسرائیل دے لوکی اپنی ساری ہزاراں دی تعداد نال سن، اُو سُن رئے سن جدوں موسیٰ نے اُوہناں نوں شریعت پیش کیتی سی۔ اُوس مصوری نے اُوہناں نوں پاک تے معزز لوکاں دی حیثیت نال پیش کیتا سی۔

صرف اِک ای مسئلہ سی: اُوہناں نے اینج نئیں کیتا سی! اُوہناں نے ماسوائے بغاوت کرن تے گِلہ شِکوہ کرن دے ہُور کُج وی نئیں کتیا سی۔ خُدا دے بحیرہ قلزم دے تقسیم کرن تے اُوہناں [لوکاں] دے فرعون دی فوجاں توں بچ نکلن دے بالکل بعد، اُوہناں نے کڑوے پانی دے بارے چہ گِلہ کیتا سی (خروج15:23، 24)۔ ایہہ بالکل ایویں ای سی جیویں اُو خُدا جنہے بحیرہ قلزم نوں کھول دِتا سی اُوہناں نوں پانی نئیں دے پائے گا۔ فیر اُوہناں نے بُھکے ہون تے مر جان دی خواہش دا گِلہ کیتا سی۔ اُوہناں نے کہیا سی، ’’کاش اَسی مصر وِچ ای خُدا دے ہتھوں مار دِتے جاندے‘‘ (خروج16:3)۔ اُوہناں نے خواہش کیتی سی کہ اُو غلاماں دی حیثیت نال ای مر جاندے! خُدا نے اُوہناں نوں کھان لئی من دِتا سی۔ فیر اُوہناں نے پانی دے بارے چہ گِلہ کیتا سی۔ اُو تے موسیٰ نوں سنگسار کرن تیکر تیار سن، اُو بندہ جنہے مصر وِچوں نکلن چہ اُوہناں دی رہنمائی کیتی سی‘‘ (گنتی14:4)۔ اُو موسیٰ کولوں چھٹکارا پانا چاہندے سن، کسی ہُور نوں انچارج بنانا چاہندے سن، تے مصریاں کولوں اُوہناں نوں دوبارہ غلام بنان دی اِلتجا کرنا چاہندے سن! کوئی تعجب دی گل نئیں کہ خُدا نے اُوہناں نوں کہیا، ’’تُسی اُو مُلک وِچ داخل ہون نہ پاؤ گے‘‘ (گنتی14:30)۔ اُو بیابان وِچ ای مر گئے سن۔

ایہہ صرف لوکی ای نئیں سن جیہڑے بُرے سن۔ رہنما وی بُرے ای سن۔ ہر قبیلے دا اِک رہنما سی، تے ایہہ کوئی مستثنیٰ قرار دین آلی گل نئیں سی۔ جیویں اَج گرجا گھراں دی تقسیم وِچ، تقسیم کرن آلے رہنما اعلیٰ تےمعزز عہدیاں آلے لوکی ہوندے نے۔ تُسی اُوہناں کولوں مخلص ہون دی توقع کرو گے – لیکن اُو ہوندے نئیں۔

گنتی دی کتاب، باب 16 وچ، قورح نامی اِک شخص نے داتن تے ابیرام تے 250 لوکاں نوں جیہڑے ’’جماعت دے نامور سردار‘‘ تے ’’مجلس دے نامزد رُکن‘‘ سن اُوہناں نوں لہیا (گنتی16:2)۔ اُو موسیٰ دے خلاف اُٹھ کھلوئے‘‘ (گنتی16:3)۔ ایہہ اِک بندے دا گناہ نئیں سی۔ ایہہ سرداراں وَلوں اِک منظم بغاوت سی۔ قورح کون سی؟ قورح ’’اضہار دا پُتر‘‘ سی (گنتی16:1)۔ اضہار عمرام دا پرہا سی، جہیڑا موسیٰ دا پیو سی (خروج6:18۔21)۔ قورح تے موسیٰ چچا زاد پرہا سن! لاوی ہون دی حیثیت نال، قورح دی اِک معتبر تے معزز تھاں سی۔ موسیٰ دا چچا زد پرہا ہون دی حیثیت نال، اُوہدا اِک بُلند تے اعلیٰ مرتبہ سی۔ تُسی سوچدے ہونے کہ قورح نے چاہیا ہووے گا کہ حالات اُونج ای رہن جیویں کہ سن۔ لیکن اُوہنے آپئے اپنے ای چچا زاد دے خلاف بغاوت کیتی سی، اُوس بندے دے خلاف جنہوں خُدا نے چُنیا سی!

ایہو ای بدترین گل نئیں سی۔ ہارون موسیٰ دا پرہا سی۔ خُدا نے ہارون نوں سردار کاہن دی حیثیت نال چُنیا سی۔ صرف ہارون ای سال چہ اِک وری خُدا دی حضوری وِچ لوکاں دے گناہ لئی خونی قربانی نزرانن لئی جا سکدا سی۔ ہارون قوم وِچوں دوجی سب توں زیادہ اہم ہستی سی۔ خدا دی نظر وِچ اُو دُنیا وِچ دوجا سب توں زیادہ اہم شخص سی!

تُسی سوچدے ہونے کہ ہارون اپنے پرہا موسیٰ دے نال مضبوطی نال ڈٹا رہیا ہونا۔ تُسی سوچدے ہونے اُو خُدا دے بہت قربت چہ رہیا ہونا، جنہے لوکاں نوں بچان دے معجزات کیتے تے جنہے ہارون نوں سردار کاہن بنایا۔ لیکن جی نئیں! اِک روز موسیٰ اُوتے پہاڑ تے گیا تے کُج عرصے لئی تھلے واپس نئیں آیا۔ لوکاں نے بغاوت کرن چہ چھیتی کیتی۔ اُوہناں نے ہارون نوں کہیا، ’’سانوں اِک دیوتا بنا کر دے جیہڑا ساڈے اَگے آگے ٹُرے‘‘ (خروج32:1)۔ ہارون نے کی کہیا، ’’جی نئیں، سانوں سچے خُدا دی پرستش کرنی چائیدی اے تے صرف اُوسے دی کرنی چائیدی اے‘‘؟ اُوہنے نئیں کیتی۔ ہارون نے خود نوں خُدا دے خلاف کر لہیا۔ ہارون نے لوکاں نوں اُوہناں دیاں سونے دیاں بالیاں اُوہنوں دین لئی کہیا۔ اُوہنے اُوہناں نوں پگھلایا تے سونے دا بچھڑا لوکاں دی پرستش کرن لئی بنایا (خروج32:4)۔ اُوہناں نے کہیا، ’’اے اسرائیل، ایہو ای تیرا دیوتا ہووے گا‘‘ (خروج 32:4)۔ ’’تے ہارون نے جدوں ایہہ ویکھیا تے اُوہنے ایہدے اَگے اِک الطار تعمیر کیتا‘‘ (خروج32:5)۔ لوکاں نے سونے دے اُوس بچھڑے دی پرستش کیتی جدوں اُو ’’رنگ رلیاں مناندے‘‘ سن (خروج32:6)۔ ایہہ صرف لوکاں دا ای قصور نئیں سی۔ گہرا ترین قصور موسیٰ دے پرہا ہارون دا وی سی۔ ایہہ سی جیویں زبور نویس نے لکھیا، ’’میرے عزیز ترین بیلی نے وی، جیدے تے مینوں پروہسا سی تے جیہڑا میری روٹی کھاندا سی، مجھ تے لت چُکی اے‘‘ (زبور41:9)۔

کیوں لوکی – ایتھوں تیکر کہ موسیٰ دا خاندان – ایس قدر بُرا سی؟ کیوں ایہہ کُج وی نئیں سی ماسوائے بغاوت تے گناہ دے؟ کیوں ایہہ ایس قدر بُرا سی کہ صرف یشوع تے کالب ای وعدے دی سرزمین وچ داخل ہو پائے؟ میں تہانوں اِک مکمل جواب نئیں دے پاواں گا۔ میں خُدا دے ذہن وچ نئیں جھانک سکدا، جِنے کہیا، ’’میرے خیال تہاڈے خیال نئیں تے نہ تہاڈیاں راہاں میریاں راہاں نے، جیویں آسمان زمین توں اُچے نے اُوسی طرح میریاں راہاں تہاڈیاں راہاں توں تے میرے خیال تہاڈے خیالاں توں بُلند تر نے‘‘ (اشعیا 55:8، 9). میں ایہہ گل تے جاننا آں کہ خُدا گنہگاراں نوں گناہ کرن دی اجازت دیندا اے – جیویں کہ اُو سارے زمانیاں وچ گناہ کر چکے نے۔ ایہہ گل بہت کُج واضح کردی اے۔ لیکن کی کوئی ہور وجہ وی اے کہ ایہہ لوکی کیوں ایس قدر بُرے سن؟ میرے خیال وچ وجہ اے۔

اُو لوکی مصر وچ غلام سن۔ مصریاں نے ’’اُوہناں تے بیگار لین آلے [غلاماں دا مالک] مقرر کیتے تاں جے اُوہناں توں سخت کم لین‘‘ (خروج 1:11). اُو عبرانیوں تے انتہائی سخت سن۔ ’’تے مصریاں نے اسرائیلیاں دے بچیاں توں ہور وی زیادہ سخت کم لئے‘‘ (خروج 1:13). بائبل کہندی اے، ’’اُوہناں نے اُوہناں دیاں حیاتیاں سخت کم لے لے کے تلخ کر دتیاں‘‘ (خروج 1:14). آخیر وچ مصر دے شہنشاہ (فرعون نے) حکم دِتا کہ تمام عبرانی منڈیاں نوں قتل کر دِتا جاوے جدوں اُو پیدا ہون۔ اُوہنے دائیاں نوں کہیا، ’’جے منڈہ پیدا ہوئے تے تُسی اُوہنوں قتل کر دینا‘‘ (خروج 1:16). کرن لئی کِینی بُری گل اے!

یہودی کِینے عرصے تیکر غلامی وچ رئے سن؟ خُدا نے اُوہناں دے آباؤاِجداد ابراہام نوں کہا سی،

’’یقین جان کہ تیری نسل دے لوکی اِک غیر مُلک [مصر] وچ پردیسی ہو کے رہن گے، اُو غلام بنا لئے جان گے تے چار سو برس تیکر دُکھ چُکن گے‘‘ (پیدائش 15:13).

اُو 400 وریاں تیکر غلام رئے سن۔ موسیٰ دے زمانے وچ اِک بندے لئی، اُوہدے والدین، اُوہدے والدین دے والدین تے پچھلی پندرہ سولہ نسلاں غلام رہیاں سن – 400 وریاں تیکر۔ اوہی سب کُج اُو جانندے سن۔ ایہہ ایویں ای سی جیویں ہر امریکی 1620 وچ زائرین دے زمانے توں غلام رہ چکیا ہووے! اُوہناں دی ذہنیت غلامانہ سی۔ اُوہدی تہذیب غلامانہ سی۔

ایدا کی مطلب ہوندا اے؟ پہلی گل، غلام بہت زیادہ سخت کم نئیں کردے۔ اُو کیوں کرن؟ اُوہناں نوں اُجرت نئیں ملدی۔ اُوہناں نوں اُوہناں دے کم دے صلے وچ کُج وی تے نئیں ملدا۔ اُوہناں نوں ترقی نئیں ملدی۔ کیوں سخت کم کرن؟ کیوں تہاڈے کم وچ فخر محسوس کرن؟ غلام جِنا آہستہ کم کر سکدے نے کردے نے تے جِنا کم کر سکدے نے کردے نے۔ اُو محض اینا ای کردے نے کہ اُوہناں نوں چھانٹے [کوڑے] نہ پین۔

دوجی گل، اُوہناں نوں جو مِلیا سی اُو اُوہناں دے ہتھاں وچ تھما دِتا گیا سی۔ اُو اپنی خود دی خوراک نئیں اُگاندے سن۔ اُوہناں نوں اُجرت نئیں ملدی سی، لہٰذا اُو شیواں نئیں خرید سکدے سن۔ اُوہناں دی خوراک مالکاں ولوں تھمائی جاندی سی، تے اُو اینی چنگی نئیں ہوندی سی۔ اُو شیواں لئی کم کرن دے عادی نئیں سن۔ اُو محض اُوسی خیرات نوں لیندے سن جیہڑی اُو پا سکدے سن۔

تیجی گل، اُوہناں نوں اختیار آلیاں توں نفرت سی۔ ایہہ گل سمجھ وچ آن آلی اے، کیوں کہ مصر وچ اُوہناں دا مقدر فرعون تے اُوہدے غلاماں دے مالکین سن، جیہڑے غلاماں دے نال بُرا سلوک کردے سن۔ اُو احترام دی وجہ توں فرمانبرداری نئیں کردے سن۔ اُو خوف دی وجہ توں فرمانبردار سن۔ باطن وچ اُو اُوس اختیار توں نفرت کردے سن۔

اُوہناں عبرانیاں نے اپنے تمدن نوں نئیں چھڈا سی جدوں اُوہناں نے مصر نوں چھڈیا۔ اُوہناں نوں شیواں نوں دِتے جان دی توقع سی، تے جیہڑا اُوہناں نوں ملدا سی اُوہدا گِلہ کردے سن – پانی، خوراک، ہر اِک شے۔ اُوہناں نوں ہُن وی اختیار آلیاں توں نفرت سی۔ فرعون نوں چھڈن دے بعد اُوہناں نے موسیٰ دے خلاف بغاوت کیتی۔ اُوہناں نے اپنی بغاوت نوں فرعون ولوں ہٹا کے موسیٰ ول کر دِتا سی۔ یہودی رہنماؤاں چہ وی اوہی بغاوت سی۔ قورح، تے ایتھوں تیکر کہ ہارون، جدوں ویلا آیا تے موسیٰ تے خُدا دے وی خلاف ہو گئے۔ ایدے وچ تعجب دی کوئی گل نئیں سی کہ اُو بیابان وچ ناکام رئے سن تے وعدے دی سرزمین وچ داخل نئیں ہو پائے سی۔ خُدا نے اُوہناں نوں ’’اِک سرکش تے حُجّتی [باغی، متصادم] لوکی‘‘ کہیا (رومیوں 10:21).

اُو اج دے بے شمار لوکاں وگرے سن۔ زیادہ تر اندرون شہر دے لوکی سخت کم نئیں کردے۔ اُو پڑھائی وچ سخت محنت نئیں کردے۔ اُو اگے نکلن دی توقع نئیں رکھدے – تے اُو اگے نکلدے وی نئیں۔ اُو اُوہناں نوں جیہڑی خیرات دِتی جاندی اے لے لیندے نے، چاہے اُو مفت دی خوراک ہووے، مفت دا سکول ہووے، رہن لئی اِک تھاں ہووے، یا گرجا گھر دی رفاقت ہووے۔ اُو اُوہناں شیواں نوں اپنا حق سمجھ کے لیندے نے، کسے دا وی شکریہ ادا کیتے بغیر۔ فیر اُو ٹر جاندے نے۔ اُو اِک تھاں تے بسیرا نئیں کردے۔ اُو اپنے وعدیاں نوں پورا نئیں کردے۔ اُوہناں نوں اِختیار آلیاں توں نفرت ہوندی اے۔ اُو پوری اِک حیاتی لئی اِک ای گرجا گھر وچ ٹکے نئیں رہندے۔ اُوہناں دے وچکار رہنما بغاوت لئی اُٹھ کھلوندے نے، تے لوکی اُوہناں وچ شمولیت اختیار کر لیندے نے۔ ایدے وچ تعجب دی کوئی گل نئیں ہوندی کہ اُو اِک چنگے گرجا گھر نوں تعمیر نئیں کر پاندے تے اُوہنوں رکھ نئیں پاندے۔ لیکن مینوں چنگیاں گلاں ول آ جانا چائیدا اے۔

II۔ دوجی گل، یشوع دے زمانے دی فرمانبردار تے فاتح نسل۔

نئی نسل کدرے زیادہ مختلف سی۔ میرے خیال چہ اُوہناں وچ بے شمار نجات یافتہ لوکی سن۔ یقینی طور تے اُوہناں دی تہذیب اُوہناں دے والدین دی تہذیب توں مختلف سی۔ اُوہناں دے کول اپنے والدین ولوں حیاتی دا تجربہ مختلف سی۔ اُو بیابان وچ وڈے ہوئے سن ناکہ مصر وچ۔ اُوہناں نے موسیٰ دی نگرانی وچ حیاتی بسر کیتی سی نہ کہ فرعون دی۔

خُدا نے اُوہناں نوں چنگا تے بُرا دسیا سی۔ اُو دس احکامات بار بار سُندے سن۔ خُدا نے اُوہناں نوں بیابان وچ اِک توں دوجی تھاں کیویں جانا اے دسیا سی۔ خُدا نے اُوہناں نوں اِک چکور دی شکل وچ خیمہ زن ہون لئی دسیا سی، تے اُوس چکور وچ ہر قبیلے نوں اِک مقام بخشیا سی (گنتی 2). دورِ حاضرہ دی فوج وچ سگنلز دی طرح، اُوہناں نوں کی کرنا اے ایہہ دسن لئی خدا نے اُوہناں نوں نرسنگے دی واجاں تے خطریاں دا دسیا سی (گنتی 10:2۔9). خُدا نے اُوہناں نوں سبت تے فسح وگری تقریبات تے کفارے دے دِن لئی شریعت بخشی سی۔ اُوہناں نوں مصر وچ غلامی دی کوئی گل یاد نئیں سی۔ اُو خُدا دے سچے اختیار دے تحت وڈے ہوئے سن، ناکہ فرعون دی شیطانی تے ظالم حاکمریت وچ۔

اُوہناں نے خُدا دے انصاف نوں بار بار ویکھیا سی۔ اُوہناں نے زمین نوں پھٹدیاں ہویاں تے قورح تے اُوہدے لوکاں نوں زندہ غرق ہوندے ہوئے ویکھیا سی (گنتی 16:32). اُوہناں نے ندب تے ابیحو، کاہن تے ہارون دے پُتراں نوں مرن تیکر زندہ جلدے ہوئے ویکھیا سی جدوں اُوہناں نے خُداوند دے حضور وچ عجیب و غریب جیہی اگ دا نزرانہ پیش کیتا سی (احبار 10:1، 2). اُوہناں نے تِن ہزار لوکاں نوں قتل ہوندیاں ویکھیا سی جدوں اُو سُنہرے بچھڑے دی پرستش کر رئے سن (خروج 32:27، 28).

تے اُوہناں نے خُداوند دی محبت تے رحم نوں ویکھیا سی۔ اُوہناں نے لوکاں نوں اُوہناں دی بغاوت دی وجہ توں زہریلے خوفناک ناگاں نال ڈسے جاندے ہوئے ویکھیا سی (گنتی 21:5، 6). فیر اُوہناں نے موسیٰ نوں پیتل دا اِک سپ قائم کردے ہوئے ویکھیا سی، تے جیس کسی نے اُوس تے نظر پائی زندہ بچیا رہیا (گنتی21:9)۔

جیہڑا تجربہ ایس نسل نے کیتا اُوہنے اُوہدی سوچ نوں بنایا۔ میں پُر یقین آں بے شمار، غالباً زیادہ تر، اُوہناں وچوں گمراہ سن۔ لیکن اُوہناں وچ گمراہ لوکاں دی تہذیب وی چنگی سی۔ تے اُوہناں نے اُوس تہذیب نوں اپنایا، اُوس سوچ دے انداز نوں، وعدے دی سرزمین وچ اپنایا۔

جی ہاں، اوتھے گناہ سی۔ عکن نے پیسا چُرایا سی (یشوع 7:1). بعد چہ اُو جبعونیاں دے فریب وچ آ گئے سن (یشوع 9). اُوہناں نوں دعا منگنی چائیدی سی تے احتیاط نال سوچنا چائیدا سی، لیکن اُوہناں نے نئیں کیتا۔ لیکن اُو اِک غلطی سی، جان بوجھ کے کیتا گیا گناہ نئیں سی۔ اُو موسیٰ دے زمانے وگرے لوکاں جئے نئیں سن۔ بیابان وچ کدی نہ ختم ہون آلا گناہ تے بغاوت سی۔ یشوع دے زمانے وچ فتح سی!

اُوہناں نے یشوع نوں کہیا، ’’جو کُج کرن دا حکم توں سانوں دِتا اے اسی اُوہنوں کراں گے تے جِتھے جِتھے توں سانوں بھیجے گا اسی اوتھے جاواں گے‘‘ (یشوع 1:16). تے اُوہناں نے انج ای کیتا! یشوع نے یریحو دے شہر وچ دو جاسوس پیجے۔ اُوہناں جاسوساں نے گلہ نئیں کیتا کہ اُوہناں دا کم نہایت سخت سی۔ اُوہناں نے اُوہنوں کیتا! (یشوع 2). یشوع دے ذریعے کلام کردے ہویاں خُدا نے کاہناں نوں عہد دے صندوق نوں دریائے یردن دے پانیاں وچ چُک کر لے جان لئی کہیا سی (یشوع 3:6، 7) – تے اُوہناں نے انج ای کیتا۔ خُدا نے پانی نوں دو حصیاں وچ تقسیم کر دِتا تے اُوہناں نے خشک زمین توں دریا نوں پار کیتا۔ یشوع نے لوکاں نوں کاہناں دے پِچھے پِچھے یریحو شہر دے آلے دوالے چھ وری ٹرن لئی تے ستویں وری حملہ کرن لئی کہیا(یشوع 6) – تے اُوہناں نے انج ای کیتا۔

یشوع دے خلاف کوئی وڈی بغاوت نئیں ہوئی سی۔ لوکی متحد سن۔ اُو ’’اِک دِل‘‘ سن (اعمال 1:14). اُوہناں دے درمیان کوئی ’’تقسیم نئیں‘‘ سی (1۔ کرنتھیوں 1:10). اُوہناں نے یشوع دی قیادت دی پیروی کیتی سی۔ کوئی تقسیم نئیں ہوئی سی۔ تے اُو اِک دے بعد دوجی فتح حاصل کردے چلے گئے۔ اُوہناں نے وعدے دی سرزمین نوں پا لہیا سی!

بھائیو تے بہنوں، ایس قسم دے لوکی ہوندے نے جیہڑے گرجا گھر دی تعمیر کر سکدے نے۔ تُسی اُوہناں وگرے لوکی اُو۔ تہاڈے وچکار کوئی تقسیم نئیں اے۔ کوئی بغاوت نئیں اے۔ تُسی دعائیہ جلسیاں وچ آندے اُو۔ تُسی جمعہ دے روز روزہ رکھدے اُو۔ تُسی اپنے زبان تے قائم رہندے اُو۔ تُسی پادری صاحبان دی سُندے اُو۔ تُسی اپنی مقامی کلیسیا نال محبت کردے اُو۔ تُسی ماضی دی ذہنیت نال پیار نئیں کردے۔ تُسی اُوہناں وگرے لوکی اُو جنہاں نوں خُدا استعمال کر سکدا اے!

بھائیوں تے بہنوں، آؤ بیابان دی تہذیب دی نقل نہ کرو! آؤ یشوع دے لوکاں وانگوں بن جاؤ! اسی کُج کہنے آں تے اسی اُوہنوں کرنے آں! اسی اِک نوی تھاں تے اِک نوے مستقبل دے نال اِک نوے گرجا گھر دی تعمیر کراں گے! ایہہ ساڈے لئی اج دی وعدے دی سرزمین ہووے گا! آؤ یشوع دے مرد تے یشوع دیاں عورتاں بن جاؤ!

تہاڈے وچوں کُج نے یسوع تے پرہوسا نئیں کیتا اے۔ تُسی اپنے خود دے ذہن تے خود دے دِل تے پرہوسا کردے اُو۔ تُسی صرف پریشانی دے بیابان وچ آوارہ گردی کر سکدے اُو۔ تہاڈے کول صرف تہاڈے اپنے گناہ نے۔ تہاڈے دل دا گناہ ہولناک اے۔ خُدا تہاڈے گناہ تے نظر نئیں پا سکدا۔ ایسے لئی یسوع نے اپنے لہو نوں تہاڈے گناہواں نوں دھون لئی پیش کیتا سی۔ اُو تہاڈے گناہ دے کفارے دی ادائیگی لئی صلیب تے قربان ہو گیا سی۔ اُو تہانوں دائمی زندگی بخشن لئی مُردیاں وچوں جی اُٹھیا سی۔ تہانوں صرف اینا کرنا چائیدا اے کہ صرف اُسی تے پرہوسا کرو۔ ایہہ بس اینی جئی گل اے۔ جے تُسی یسوع تے پرہوسا کرن دے بارے وچ میرے نال گل بات کرنا چاہندے اُو تے مہربانی نال آؤ تے پہلی دو قطاراں وچ تشریف رکھو۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں تنہا گیت مسٹر جیک نعان Mr. Jack Ngann نے گایا:
’’ودھی چلو، مسیحی سپاہیو Onward, Christian Soldiers‘‘
(شاعرہ سابین بارنگ گوولڈ Sabine Baring-Gould، 1834۔1924)۔


لُبِ لُباب

یشوع دے لوک

JOSHUA’S MEN

کرسٹوفر کیگن کی جانب سے
by Dr. Christopher L. Cagan

’’تے اُوہناں نے یشوع نے جواب دتا کہ جیہڑا کُج کرن دا حکم توں سانوں دِتا اے اَسی اُوہنوں کراں گے تے جیتھے جیتھے توں سانوں گھلے گا اَسی اُوتھے جاواں گے‘‘ (یشوع 1:16)۔

(یشوع1:6۔8، 10)

I.    پہلی گل، موسیٰ دے زمانے دی باغی تے شکست خوردہ نسل،
خروج 19:5، 6، 8؛ 24:3؛ 15:23، 24؛ 16:3؛ 17:4؛ گنتی14:4، 30؛
گنتی16:2، 3، 1؛ خروج6:18۔21؛ 32:1، 4، 5، 6؛ زبور 41:9؛
اشعیا55:8، 9؛ خروج1:11، 13، 14، 16؛ پیدائش15:13؛ رومیوں10:21۔

II.   دوجی گل، یشوع دے زمانے دی فرمانبردار تے فاتح نسل،
گنتی10:2۔9؛ 16:32؛ احبار10:1، 2؛ خروج32:27، 28؛
گنتی21:5، 6، 9؛ یشوع7:1؛ یشوع9؛ 1:16؛ 3:6، 7؛
اعمال1:14؛ 1کرنتھیوں1:10 .