Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




بوہتی وڈھی مصیبتاں وِچ نصحیت تے حوصلہ افزائی –
ہُنے تے مستقبل چہ

ENCOURAGEMENT AND WARNING IN TRIBULATION –
NOW AND IN THE FUTURE

(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں لکھیا گیا اِک واعظ
جیہدے نال مواد ڈاکٹر کرسٹوفر کیگن نے پیش کیتا
لاس اینجلز دی بپتسمہ دین آلی عبادت گاہ وِچ منادی کیتی گئی
خُداوند دے دِن دی شام، 19 مئی، 2019
A sermon written by Dr. R. L. Hymers, Jr.
with material by Dr. Christopher L. Cagan
preached at the Baptist Tabernacle of Los Angeles
Lord's Day Evening, May 19, 2019

’’میں تہانوں ایہہ گلاں ایس لئی کہیاں کہ تُسی میرے چہ تسلی پاؤ۔ تُسی دُنیا چہ مصیبتاں چُکدے اُو مگر ہمت نال کم لؤ۔ میں دُںیا تے غالب آیا واں‘‘ (یوحنا16:33)۔


یسوع نے کہیا، ’’تُسی دنیا چہ مصیبتاں چُکدے اُو۔‘‘ اُو لفظ جنہے ’’مصیبتاں tribulation‘‘ دا ترجمہ کیتا تھلِیپسسthlipsis اے۔ ایہدا ترجمہ ’’دباؤpressure‘‘ وی ہو سکدا اے۔ ساڈی ساریاں دی حیاتیاں وِچ دباؤ آندا اے۔ لیکن دباؤ دے آن دا بدترین ویلہ ہُنے آنا اے۔ مصیبتاں دا بہت وڈا دور راستبازی چہ دُنیا تے حکمرانی کرن لئی کوہِ زیتون تے مسیح دے اُترن توں بالکل پہلاں ست وریاں دا دورانیہ اے۔ اُوہناں مصیبتاں دا بدترین دور آخیرلے ساڑھے تِن ورے نے۔ مسیح دے زمین تے واپسی توں بالکل ست ورے پہلاں، دُنیا تے دجال [مسیح دے دشمن] دی حکمرانی ہووے گی۔ بائبل نشاندہی کردی اے کہ ہر کوئی جیہڑا ایناں ست وریاں دے وچکار مسیحی ہووے گا شہید کر دِتا جائے گا۔

یوحنا رسول نے آسمان چہ ایناں مصیبتاں دے دور آلے مسیحیاں دیاں روحاں دا رویاء ویکھیا سی۔ اُوہنے کہیا،

’’میں قربان گاہ دے تھلے اُوہناں لوکاں دیاں روحاں ویکھیاں جیہڑے خُدا دے کلام دے سبب توں تے گواہی تے قائم رہن دی وجہ نال قتل کر دِتے گئے سن‘‘ (مکاشفہ6:9)۔

فیر اُوہنے لکھیا،

’’ایہہ اُو لوکی نے جیہڑے وڈیاں مصیبتاں توں نکل کے آئے نے، اُوہناں نے اپنے جامے برّہ دے لہو وِچ دھو کے سفید کیتے نے‘‘ (مکاشفہ7:14)۔

تاریخ وِچ کسی ہُور دورانیے دے مقابلے وِچ ایہہ ست بدترین ہوون گے۔ یسوع نے کہیا،

’’اُوس ویلے دی مصیبت اینی وڈی ہووے گی کہ دُنیا دے شروع توں نہ تے ہُن تیکر آئی اے تے نہ فیر کدی آئے گی‘‘ (متی24:21)۔

جی ہاں، اُوتھے ریپچر ہووے گا۔ بائبل کہندی اے،

’’کیوں جے خُداوند خود بڑی للکار تے مُقرب فرشتے دی واج تے نرسنگے دے پھونکے جان دے نال آسمان توں اُترے گا تے اُو سارے جیہڑے مسیح وَچ مر چکے نے زندہ ہو جان گے، فیر اَسی جیہڑے زندہ باقی ہون گے اُوہناں دے نال بدلاں چہ چُکے جان گے تاکہ ہوا وِچ خُداوند دا استقبال کرن تے ہمیشہ اُوہدے نال رہین‘‘ (1 تسالونیکیوں4:16۔17)۔

فیر وی سانوں ایہہ نئیں سوچنا چائیدا اے کہ ایہہ وعدہ سانوں آج، بلکہ بہت وڈی مصیبتاں دے دور توں وی پہلاں، آزمائشاں وِچوں لنگہن توں چھٹکارہ دلا دیوے گا۔ ساڈی تلاوت وِچ، یسوع نے کہیا کہ ایس سارے دور وِچ مسیحی مصیبتاں چُکن گے۔

’’میں تہانوں ایہہ گلاں ایس لئی کہیاں کہ تُسی میرے چہ تسلی پاؤ۔ تُسی دُنیا چہ مصیبتاں چُکدے اُو مگر ہمت نال کم لؤ۔ میں دُںیا تے غالب آیا واں‘‘ (یوحنا16:33)۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

آؤ ایس گل تے نہایت احتیاط دے نال غور کرو جیہڑی یسوع نے ایتھے کہی اے۔ میں ایس آیت دے دوجے حصے تے تبصرہ کراں گا، فیر پہلے حصے تے، تے فیر آخیرلے حصے تے۔

I۔ پہلی گل، ’’تُسی دُنیا وِچ مصیبتاں چُکو گے۔‘‘

یسوع نے شاگرداں نوں کہیا سی، تے ایس زمانے چہ ایہہ گل سارے مسیحیاں تے لاگو ہوندی اے۔ مسیحیاں نوں جسمانی مصائب دا سامنا ہووے گا۔ پولوس رسول نے لکھیا،

’’ممکن سی کہ اُوہناں بے شمار مکاشفاں دی وجہ نال جیہڑے مینوں عنایت کیتے گئے میں غرور نال بھر جاندا، ایس لئی میرے جسم وِچ اِک کنڈا چبھو دِتا گیا…‘‘ (2 کرنتھیوں12:7)۔

ایہہ اُوس مسئلے وَل نشاندہی کردا ہویا وکھائی دیندا اے جیہڑا پولوس دی بصیرت دے نال سی۔ ایہہ ایس گل دی اِک نشاندہی اے کہ مسیحیاں نوں جسمانی بیماریاں، دُکھاں تے جسمانی موت دیاں وڈیاں وڈیاں مصیبتاں وِچوں لنگنا پئے گا۔ اَسی جدوں مسیحی بن جانے آں تے اَسی اُوہناں جسمانی بیماریاں تے تکلیفاں توں فرار نئیں پانے آں۔

ساڈی گمراہ، گناہ توں بھرپور دُنیا چہ مسیحیاں نوں دوجیاں آزمائشاں تے وڈی وڈی مصیبتاں وِچوں وی لنگنا پئے گا۔ پولوس رسول نے اُوہناں مسیحیاں دے بارے چہ دَسیا جنہاں نے تجربہ کیتا

’’… مصیبت یا تنگی، ظلم یا قحط، عریانی یا خطرہ یا تلوار؟ چنانچہ لکھیا اے کہ، اَسی تے تیری خاطر ساری دہاڑی موت دا سامنا کردے رہنے آں، اَسی تے ذبح ہون آلیاں پھیڈاں دے برابر گنے جاندے آں‘‘ (رومیوں8:35۔36)۔

لیکن اُوہنے نشاندہی کیتی کہ ایناں وِچوں کوئی وی مصیبت سانوں ’’ مسیح دی محبت توں جُدا نئیں‘‘ کر پائے گی (رومیوں8:35الف)۔

’’تُسی دُنیا وِچ مصیبتاں چُکدے اُو‘‘ (یوحنا16:33)۔

سارے رسولاں نوں مسیح وِچ اُوہناں دے ایمان دی وجہ توں قتل کیتا گیا سی – ماسوائے یوحنا دے – جنہوں اُبلدے ہوئے تیل وِچ ڈبویا گیا سی، تے اپنی باقی دی تمام حیاتی لئی داغا گیا سی۔ سارے گزرے ہوئے زمانیاں وِچ مسیحی اپنے ایمان دی خاطر دُکھ چُک چکے نے۔ شہیداں دی فوکسی دی کتاب Foxe’s Book of Martyrs اِک کلاسیکل کتاب اے جیہڑی لنگی ہوئی تاریخ وِچ شہید مسیحیاں دیاں مصیبتاں دے بارے چہ تحریر کردی اے۔ ڈاکٹر پال مارشل Dr. Paul Marshall نے کہیا،

وسطی امریکہ دے جنگلاں وِچ… چینی بیگار کیمپاں وِچ، ہندوستانی دنگے فساد یا بلوے وِچ، تے افریقی دیہاتاں وِچ لاتعداد ایماندار پہلاں ای اپنے ایمان دی خاطر حتمی قیمت چکا چکے نے (ibid.، صفحہ 160)۔

چین وِچ مسیحیاں نوں مرن تیکر پِیٹیا جاندا اے۔ عالمگیر سطح تے 60 توں زائد ممالک وِچ مسیحیاں نوں ہراساں کیتا جاندا اے، اُوہناں دے نال بُرا سلوک کیتا جاندا اے، اُوہناں نوں اذیت دِتی جاندی اے یا اوہناں دے ایمان دی وجہ توں اُوہناں نوں مار دِتا جاندا اے۔ ساری دُنیا وِچ 200,000,000 مسیحی روزانہ خُفیہ پولیس، نگران مُخبروں، یا ریاستی سرکوبی تے اِمتیاز دے خوف وِچ حیاتی بسر کردے نے… سینکڑاں لاکھاں مسیحی جیہڑا اُو ایمان رکھدے نے اُوہدی وجہ توں دُکھ چُک رئے نے (پال مارشل، پی ایچ۔ ڈی۔ Paul Marshall, Ph.D.، اُوہناں دا لہو پکاردا اے Their Blood Cries Out، کلام، 1997، پُشتی سرورق back jacket)۔

حتّیٰ کہ ایتھے مغرب چہ، اِک وددھی ہوئی دُنیادار سوسائٹی دے ذریعے نال، سچے مسیحیاں نوں اکثر کلیاں چھڈ دِتا جاندا اے تے حقیر جانیا جاندا اے یا ہراساں کیتا جاندا اے۔ مسیحیت تے بائبل دا کالجاں دے کلاس دے کمریاں وِچ تمسخر اُڑایا جاندا اے۔ بے شمار مسیحیاں نوں پیش قدمی لئی ٹُھکرا دِتا جاندا اے، تے دوجیاں نوں خُداوند دے دِن اپنے گرجا گھراں وِچ خُداوند دی عبادت کرن دی اُوہناں دی خواہش دی وجہ توں اُوہناں دیاں ملازمتاں توں کڈ دِتا جاندا اے۔ ایتھوں تیکر کہ خاندان دے غیر مسیحی تے کمزور افراد، دھیمے نئے ایونجیلیکل فرقے، مخلص مسیحیاں دی توھین کردے نے۔ جیویں کہ یسوع نے کہیا،

’’تُسی دُنیا وِچ مصیبتاں چُکدے اُو‘‘ (یوحنا16:33)۔

II۔ دوجی گل، ’’میں تہانوں ایہہ گلاں ایس لئی کہیاں کہ تُسی میرے چہ تسلی پاؤ۔‘‘

ایہہ وعدہ اُوہناں لئی اے جیہڑے ’’مسیح وِچ‘‘ ہوندے نے۔ ’’میرے وِچ۔‘‘ اُو اندرونی امن دا منبع اے۔ یسوع نے کہیا،

’’میں تہاڈے نال اپنا اطمینان چھڈے جانا واں، میں اپنا اطمینان تہانوں دینا واں، جیویں دُنیا دیندی اے اُوس ای طرح نئیں…‘‘ (یوحنا14:27)۔

جدوں اِک بندہ مسیح نوں جانندا اے، تے اُوہدے کول اِک ناقابلِ تبدیل اندرونی اطمینان ہوندا اے جیہڑا دُنیا وِچ دوجیاں دے کول نئیں ہوندا اے۔

اُو بندہ جیہڑا مسیح ’’وِچ‘‘ ہوندا اے، تے جیہڑا دعا وِچ خُدا دے حضور چہ اپنے مسئلے رکھدا اے اُوہدے کول اِک مخصوص اطمینان ہوندا اے، جنہوں بائبل ’’خُدا دا اُو اطمینان جیہڑا انسان دی سمجھ توں باہر ہوندا اے‘‘ کہندی اے (فلپیوں4:7)۔ دُنیا سمجھ ای نئیں سکدی کیوں مسیحی گرفتار ہون تے، اذیت دِتے جان تے، قید ہُون تے، تے قتل کیتے جان توں لنگدے نے – جیویں کہ اُو اَج دی راتی دُنیا دے بے شمار مُلکاں وِچ ہوندے نے۔

ایس اطمینان دا ایہہ مطلب نئیں ہوندا اے کہ اُوس مسیحی دے کول اندرونی کشمکش، جذباتی مسائل یا جسمانی بیماریاں نئیں ہوندیاں نے۔ امریکہ وِچ بے شمار ایونجیلیکلز کامیابی، خوشحالی، آرام تے سکون، خوشی تے خود اصلاحی دے دیوانے ہوندے نے۔ ایہہ موضوعات اِک چینی مسیحی دے اَگے جنہوں اُوہدے ایمان لئی پُٹھا لٹکایا گیا ہووے، یا کیوبا دے اِک مسیحی لئی جنہے قید تنہائی وِچ پنج ورے لنگائے ہُون مضحکہ خیز وکھائی دیندے نے۔

تیجی دُنیا وِچ ایہہ اذیت زدہ مسیحی اُوس سمجھ دے قریب تر آ جاندے نے جیہڑا مسیح دا مطلب سی جدوں اُوہنے کہیا، ’’میں تہانوں ایہہ گلاں ایس لئی کہیاں کہ تُسی میرے چہ تسلی پاؤ‘‘ (یوحنا16:33)۔ میرے خیال چہ اُو سمجھ جان گے کہ ایہہ اطمینان اِک اندرونی سکون وَل حوالہ دیندا اے، جیہڑا اُوس شعور دا نتیجہ ہوندا اے کہ اُوہناں دے گناہ معاف کیتے جا چکے نے، تے ایہہ گل کہ خُدا اُوہناں دی پرواہ کردا اے۔

میں 2کرنتھیوں11:24۔28 پڑھن جا رئیا واں۔ سُنو جدوں میں تہانوں دساں پولوس رسول دے نال کی رونما ہویا سی۔ اُوہنے کہیا،

’’میں یہودیاں دے ہتھی پنج وری اُنتالی اُنتالی کوڑے کھادے۔ تِن وری رومیاں نے مینوں چھڑیاں نال پیٹیا، اِک وری سنگسار وی کیتا، تِن وری جہاز دی تباہی دا سامنا کیتا، اِک دِن تے اِک رات کُھلے سمندر وِچ وگدا پھریا؛ میں اپنے سفر دے دوران کئی وری دریاواں دے ڈاکوواں دے، اپنی قوم دے تے غیریہودیاں دے، شہر دے، بیابان دے، سمندر دے، جھوٹے پراہواں دے خطرے وِچ گِھریا رئیا واں؛ میں محنت کیتی اے۔ مشقت نال کم لہیا اے، اکثر نیندر دے بغیر رئیا واں۔ میں پُھک تے پیاس برداشت کیتی، اکثر فاقہ کیتا، میں سردی وِچ بغیر کپڑیاں دے گزارا کیتا اے۔ کئی ہُور گلاں دے علاوہ تمام کلیسیاواں دی فکر دا بوجھ مینوں ستاندا رئیا اے‘‘ (2 کرنتھیوں11:24۔28)۔

ایہو جئے حالات وِچ پولوس کیویں اندرونی اطمینان دے بارے چہ گل کر سکدا اے؟ ایہدے باوجود اُوہنے گل کیتی۔ پولوس فلپیوں4:6، 7 وِچ جواب پیش کردا اے۔

’’کسی گل دی فکر نہ کرو تے اپنیاں ساریاں دعاواں وِچ خُدا دے اَگے اپنیاں ضرورتاں تے مِنّتاں شکر گزاری دے نال پیش کیتا کرو۔ فیر تہانوں خُدا دا اُو اطمینان حاصل ہووے گا جیہڑا اِنسان دی سمجھ توں بالکل باہر اے تے جیہڑا دِلاں تے خیالاں نوں مسیح یسوع وِچ محفوظ رکھے گا‘‘ (فلپیوں4:6۔7)۔

پولوس بوہتی زیادہ مصیبتاں تے تکلیفاں توں لنگیا سی، ایہدے باوجود ایتھے اُو ’’خُدا دے اُوس اطمینان دی گل کردا اے جیہڑا انسان دی سمجھ توں بالکل باہر اے۔‘‘

III۔ تیجی گل، ’’ہمت نال کم لو، میں دُنیا تے غالب آیا واں۔‘‘

تُسی شاید تعجب کرو کہ آیا تُسی حیاتی دیاں اُوہناں مصیبتاں تے آزمائشاں توں لنگ سکدے اُو یا نئیں۔ دُنیاوی کالجاں وِچ نوجوان لوکاں نوں اِک دے بعد دوجی کلاس چہ بہینا ای پیندا اے جیتھے بائبل تے مسیحیت تے بے دردی نال حملہ کیتا جاندا اے، حقیر جانیا جاندا اے تے مذاق اُڑایا جاندا اے۔ ’’کی میں سہہ پاواں گا تے اِک مسیحی رہواں گا؟‘‘ اُو کالج دا طالب علم سوچدا اے۔ ’’کی میں ایس موجودہ آزمائش وِچوں لنگ سکنا آں؟ کی میں قائم رہ سکنا واں جدوں لوکی میرے خلاف ہو جان گے؟ کی میں ڈٹیا رہواں گا جدوں میں خوفزدہ ہونا واں – تے میرے کول کافی ایمان نئیں ہوندا اے؟‘‘

اَج سنجیدہ مسیحیاں دا دیوانیاں دی حیثیت نال تمسخر اُڑایا جاندا اے۔ لوکی کہین گے تُسی یسوع دی خاطر بہت زیادہ کر رئے اُو۔ اُو تہانوں اِتوار دی سویر اِک گھنٹے لئی اِک آسان جئے مذہب لئی بُلاندے نے، یا بالکل وی گرجا گھر نئیں ہوندا۔ اُو کہندے نے کہ تُسی خوش ہوؤ گے جے تُسی صرف یسوع دی پیروی کرنا چھڈ دیو۔ ’’صلیب نوں چُکن دی کوئی لوڑ نئیں اے۔ دُکھ تے تکلیفاں چُکن دی کوئی لوڑ نئیں اے،‘‘ اُو کہندے نے۔ ’’ایس سب نوں بُھل جاؤ۔ بس اینوں نکل جان دیو تے اُوہو جئے ہو جاؤ جیویں کہ اَسی آں۔‘‘ اُو تہاڈے تے دباؤ پاندے نے۔ جیویں کہ یسوع نے کہیا، ’’تُسی دُںیا چہ مصیبتاں چکدے اُو۔‘‘

لیکن مسیح کہندا اے، ’’ہمت نال کم لو، میں دُنیا تے غالب آیا واں۔‘‘ سُنو جدوں میں رومیوں 8:35۔39 آیت پڑھاں گا۔

’’کون سانوں مسیح دی محبت توں جُدا کرے گا؟ کی مصیبت یا تنگی، ظلم یا قحط، عریانی یا خطرہ یا تلوار؟ چنانچہ لکھیا اے کہ اِسی تے تیری خاطر سارا دِن موت دا سامنا کردے رہنے آں؛ اَسی تے ذبح ہون آلیاں پھیڈاں دے برابر گنے جانے آں۔ فیر وی ایناں ساریاں حالتاں وِچ سانوں اپنے محبت کرن آلے دے وسیلے توں بڑی شاندار فتح حاصل ہوندی اے۔ کیوں جے مینوں یقین اے کہ کوئی شے وی سانوں خُدا دی اُوس محبت توں جُدا نئیں کر سکے گی جیہڑی ساڈے خداوند یسوع مسیح دے ذریعے ساڈے تے ظاہر کیتی گئی اے، نہ موت نہ حیاتی، نہ فرشتے نہ حکومتاں، نہ حال دیاں شیواں نہ مستقبل دیاں، نہ قدرتاں، نہ بُلندی، نہ پستی تے نہ کوئی ہُور مخلوق‘‘ (رومیوں8:35۔39)

جدوں تُسی مسیح دے کول آندے اُو، تے اُو تہانوں سنبھال لیندا اے۔ اُو تہانوں تھامے رکھدا اے تے تہانوں جان نئیں دے گا۔ جدوں تُسی مسیح دے کول آ چکے ہوندے اُو، تے تہناوں اُوہنوں پھڑے رین دی لوڑ نئیں ہوندی اے۔ اُو تہانوں تھامے رکھدا اے! تہاڈے مسیح وِچ ایمان لہیا کے تبدیل ہون دے لمحے توں لے کے تُسی دائمی طور تے مسیح وِچ محفوظ ہو جاندے اُو۔ ایہہ انتہائی حقیقت اے کہ تیجی دُنیا وِچ 200 ملین لوکی نے جیہڑے اپنے مسیحی ایمان دی خاطر تکلیفاں برداشت کرن لئی تیار نے ثابت کردی اے کہ مسیح اپنے پیروکاراں نوں تھامے رکھدا اے، تے جنت دی اُمید دے بغیر اُوہناں نوں فنا نئیں ہون دیوے گا۔ مسیح دے کول آؤ، تے نجات دین دے تمام کم اُوہی کردا اے، تے سارے اِختیارات اُو رکھدا اے! جیویں کہ واعظ توں پہلاں مسٹر نعان Mr. Ngann نے گایا،

پرہوسے لئی جیس جان تے یسوع نے اعتماد کیتا،
   میں نئیں کراں گا، میں نئیں کراں گا، اُوہنوں دُشمناں دے لئی تنہا؛
اُو جان، بے شک ساری جہنم اُوہنوں لرزان لئی کوشش کر لئے،
   میں کدی وی نئیں، کدی نئیں، کدی وی نئیں ساتھ چھڈاں گا!
(’’کیہو جئی مضبوط اِک بنیاد How Firm a Foundation،‘‘
حمدوثنا دے گیتاں دی ریِپون دی سلیکشن وِچ ’’K‘‘ “K” in Rippon’s Selection of Hymns، 1787)۔

ایس واعظ دا عنوان ’’ بوہتی وڈھی مصیبتاں وِچ نصحیت تے حوصلہ افزائی – ہُنے تے مستقبل چہ‘‘ اے۔ میں اَج دی سب تہانوں حوصلہ افزائی پیش کر چکیا واں۔ لیکن مینوں چائیدا اے کہ تہانوں تنبیہ دی گل وی پیش کراں۔ اَسی ہُنے پاویں کہیو جئی ای مشکل توں گزریے اُو اُوہدے مقابلے چہ جیہڑی دوجیاں تھاواں تے لوکی برداشت کر رئے نے انتہائی چھوٹی اے۔ تیجی دُنیا چہ مسیحیاں نوں پیٹیا جاندا اے، قید چہ رکھیا جاندا اے، اذیت دتی جاندی اے تے یسوع وِچ ایمان لہیان دی وجہ توں قتل کیتا جاندا اے۔ ایتھے امریکہ چہ ساڈی حیاتی اُوہدے مقابلے چہ جیہڑی اُوتھے ہوندی اے چُھٹی دا اِک دن ہوندی اے۔ آن آلے وریاں چہ ایسے تھاں چہ اِک مسیحی ہونا شاید انتہائی مشکل ہوجاوے۔ دباؤ انتہائی شدید ہووے گا۔ تُسی شاید اپنی نوکری توں، گھر توں، تے اپنے پیسے توں، اِک سنجیدہ مسیحی ہون دی وجہ توں ہتھ دھو بیٹھو۔ بالکل ہُنے ای ایہہ دوجے مُلکاں وِچ ہو رئیا اے۔ تہاڈے دوست تے رشتہ دار شاید تہاڈے خلاف ہو جان۔ مصائب دے بارے چہ گل کردے ہوئیاں یسوع نےکہیا، ’’پرھا اپنے پرھا تے پیو اپنے پُتر نوں قتل لئی حوالے کرے گا۔ بچے اپنے ماں پیو دے خلاف کِھلو کے اُوہناں نوں قتل کروان گے۔ تے میرے ناں دے سبب توں لوکی تہاڈے نال دشمنی رکھن گے‘‘(مرقس13:12، 13)۔ ایہہ بالکل ہُنے دوجے مُلکاں چہ ہو رئیا اے۔ حیران مت ہوؤ جے لوکی تہانوں اُوہناں ست وریاں توں پہلاں ای ٹھکرانا شروع کر دیہن۔

یرمیاہ نبی نے کہیا، ’’جے توں لوکاں دے نال پیدل دوڑ لائی ہووے تے اُوہناں نے تہانوں دھکا دِتا ہووے، تے فیر توں گھوڑیاں توں بازی کیویں جِتّے گا؟ جے توں ہموار سرزمین وِچ ٹھوکر کھاندا اے تے یردن دے گھنے جنگلاں وِچ کیویں سنبھلے گا؟‘‘ (یرمیاہ12:5)۔ جی ہاں، تُسی ہُنے کُج مصیبتاں وِچوں لنگ رئے اُو۔ لیکن جے تُسی اَج تھوڑے دباؤ دے نال چل نئیں پاندے تے فیر تُسی کی کرو گے جدوں ایہہ بدترین ہو جان گے؟ جے تُسی اَج کل دی چُھٹی دے دِن وگرے دور وِچ مسیحی حیاتی گزار نئیں پا رئے تے فیر تُسی کی کرو گے جدوں طوفان آن گے؟ میں تہانوں التجا کرنا آں کہ ہُنے اِک مضبوط مسیحی بن جاؤ۔ جے تُسی اُو ہُنے کر لوؤ گے تے تُسی بعد وِچ وی اِک مضبوط مسیحی ہی ہوؤ گے۔ میں اُوس بارے چہ اِک نئے مسیحی دی حیثیت نال اُوس ویلے سوچیا سی جدوں میں پادری رچرڈ ورمبرانڈ دی کتاب مسیح دے لئی اذیت سہی Tortured for Christ پڑھی سی۔ اُو پڑھن لئی محض اِک کتاب سی۔ اُوہنے میری حیاتی بدل چھڈی۔ مسیحی بنے رہنا ہمیشہ ای کوئی چُھٹی دا دِن نئیں ہوندا اے۔ ایہہ سخت وی ہو سکدا اے۔ ایہہ ہوندا اے۔ جی ہاں، ’’ہمت نال کم لو‘‘ (یوحنا16:33)۔ لیکن قیمت دا شمار وی کرو (ویکھو لوقا14:28)۔ ایہہ سب کُج اُوس قیمت دے مساوی ہووے گا، کیوں جے تُسی ہمیشہ لئی مسیح دے نال حیاتی بسر کرو گے۔

تے ہُن مینوں اَج دی راتی گمراہ لوکاں دے نال گل کرنی چائیدی اے۔ یسوع تہاڈے نال محبت کردا اے۔ اُوہنے تہاڈے گناہواں دی خاطر صلیب تے اپنی جان قربان کر دِتی۔ اُوہنے تہاڈے گناہ دھون لئی اپنے لہو نوں وگایا۔ تہانوں حیاتی بخشن لئی اُو قبر وِچوں زندہ ہو گیا۔ جے تُسی اُوہدے تے پرہوسا کرو گے، تے تُسی ہمیشہ لئی نجات پا جاؤ گے۔ لیکن مسیح تے پرہوسا کرنا محض چند الفاظ نئیں نے۔ یسوع تے پرہوسا کرن دا مطلب یسوع تے پرہوسا کرنا ای ہوندا اے۔ جی ہاں، مشکل دور آوے گا۔ جی ہاں، تہانوں شاید تکلیفاں برداشت کرنیاں پین گیاں۔ لیکن ایہہ سب کُج اُوس قیمت دے مساوی ہووے گا۔ تُسی یسوع نوں جان جاؤ گے۔ تُسی ہمیشہ لئی مسیح دے نال حیاتی بسر کرو گے جے تُسی اُوہدے تے پرہوسا کرو گے۔ جے تُسی یسوع تے پرہوسا کرن دے بارے چہ میرے نال گل بات کرنا چاہندے اُو تے مہربانی نال آؤ تے پہلی دو قطاراں وِچ تشریف رکھو۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں تنہا گیت مسٹر جیک نعان Mr. Jack Ngann نے گایا:
’’کینہی مضبوط ایک بنیاد How Firm a Foundation‘‘ (حمدوثنا دے گیتاں دی ریِپون دی سلیکشن چہ ’’K‘‘ “K” in Rippon’s Selection of Hymns، 1787)۔


لُبِ لُباب

بوہتی وڈھی مصیبتاں وِچ نصحیت تے حوصلہ افزائی –
ہُنے تے مستقبل چہ

ENCOURAGEMENT AND WARNING IN TRIBULATION –
NOW AND IN THE FUTURE

ڈاکٹر آر۔ ایل۔ ہائیمرز، جونیئر وَلّوں لکھیا گیا اِک واعظ
جیہدے نال مواد ڈاکٹر کرسٹوفر کیگن نے پیش کیتا

’’میں تہانوں ایہہ گلاں ایس لئی کہیاں کہ تُسی میرے چہ تسلی پاؤ۔ تُسی دُنیا چہ مصیبتاں چُکدے اُو مگر ہمت نال کم لؤ۔ میں دُںیا تے غالب آیا واں‘‘ (یوحنا16:33)۔

(مکاشفہ6:9؛ 7:14؛ متی24:21؛ 1 تسالونیکیوں4:16۔17)

I. پہلی گل، ’’تُسی دُنیا چہ مصیبتاں چُکدے اُو،‘‘ 2 کرنتھیوں12:7؛
رومیوں8:35۔36 .

II. دوجی گل، ’’میں تہانوں ایہہ گلاں ایس لئی کہیاں کہ تُسی میرے چہ تسلی پاؤ،‘‘ یوحنا14:27؛ 2کرنتھیوں11:24۔28؛ فلپیوں4:6۔7 .

III. تیجی گل، ’’ہمت نال کم لؤ، میں دُنیا تے غالب آیا واں،‘‘ رومیوں8:35۔39؛ مرقس13:12، 13؛ یرمیاہ12:5؛ لوقا14:28 .