Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




صلیب دی راہ تے مسیح دا دِل

THE HEART OF CHRIST ON THE WAY TO THE CROSS
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. C. L. Cagan

لاس اینجلز دی بپتسمہ دین آلی عبادت گاہ وچ دِتا گیا اِک واعظ
خُداوند دے دِن دی سویر، 10 مارچ، 2019
A sermon preached at the Baptist Tabernacle of Los Angeles
Lord’s Day Morning, March 10, 2019

’’اُوہدے بعد یسوع نے اپنے شاگرداں تے ظاہر کرنا شروع کر دِتا کہ اُوہدا یروشلیم جانا لازمی اے تاں جے اُو بزرگاں، سردار کاہناں، شریعت دے عالماں دے ہتھوں بہت دُکھ چُکے، قتل کیتا جائے تے تِجے دِن جی اُٹھے‘‘ (متی16:21)۔


اسی ہُن اُوس ویلے چہ جِنوں کاتھولک ’’روزہ Lent‘‘ کہندے نے۔ ایہہ ایسٹر توں پہلاں چالی دِن دا دورانیہ ہوندا اے۔ ایہہ پچھلے بُدھ نوں شروع ہویا سی، جِنوں کہ کُج لوکی ’’راکھ دا بُدھ‘‘ کہندے نے۔ 19 اپریل دے دِن اسی پاک جمعہ دے دِن یسوع دی مصلوبیت نوں یاد کراں گے۔ 21 اپریل ایسٹر دا اِتوار ہووے گا، اُو دِن جدوں مسیح مُردیاں وچوں زندہ ہو گیا سی۔

بائبل زمین تے مسیح دی حیاتی دے اخیرلے ہفتے نوں، اُوہدی موت نوں تے اُوہدے مُردیاں وچوں جی اُٹھن نوں بہت زیادہ جگہ دیندی اے۔ متی دی انجیل دے 28 ابواب نے۔ اُوہناں وچوں اَٹھ ایس مختصر جئے ویلے دے بارے وچ دسدے نے۔ تمام تاریخ وچ مسیح دی موت تے اُوہدا مُردیاں وچوں جی اُٹھنا سب توں زیادہ اہم واقعات نے۔ اُوہناں دے بغیر کوئی وی نجات نئیں پا سکدا۔

یسوع تے اُوہدی مصلوبیت دے بارے وچ سوچنا درست اے۔ مسیح نے ہمیشہ اپنی مصلوبیت دے بارے چہ سوچیا۔ ایہہ ہمیشہ اُوہدے ذہن وچ رئی سی۔ صلیب تے جان توں کافی عرصہ پہلاں اُوہنے اپنے شاگرداں نوں کہیا۔ ساڈی تلاوت کہندی اے، ’’اُوہدے بعد یسوع نے اپنے شاگرداں تے ظاہر کرنا شروع کر دِتا کہ اُوہدا یروشلیم جانا لازمی اے تاں جے اُو بزرگاں، سردار کاہناں، شریعت دے عالماں دے ہتھوں بہت دُکھ چُکے، قتل کیتا جاوے تے تیجے دِن جی اُٹھے‘‘ (متی16:21)۔

یسوع وریاں توں صلیب دی راہ تے گامزن سی۔ ایہو ای وجہ سی کہ اُو زمین تے آیا سی۔ ایتھو تیکر کہ آسمان وچ، اُوہدے بیت اللحم وچ پیدا ہون توں پہلاں، اُو ہمیشہ توں ای صلیب دی راہ تے گامزن سی۔ ایہہ اُوہدا دِل ظاہر کردا اے۔ اج میں مسیح دے دِل دے بارے وچ گل کراں گا۔ لیکن اُوہدے توں پہلاں مینوں تہانوں اُوہدے گمراہ شاگرداں دے دِل دے بارے وچ دسنا چائیدا اے۔

I۔ پہلی گل، صلیب دی راہ تے گمراہ شاگرداں دا دِل۔

پطرس شاگرداں وچوں سب توں پہلا سی۔ لیکن پطرس دے کول مسیح دا دِل نئیں سی۔ پطرس سمجھ نئیں پایا سی کیوں یسوع صلیب لئی گیا۔ جدوں مسیح نے کہیا سی کہ اُوہنوں ’’یروشلیم لازمی جانا اے … بہت دُکھ چُکے تے قتل کیتا جاوے‘‘ (متی 16:21).

’’پطرس اُوہنوں الگ لے گیا تے اُوہنوں ملامت کرن لگا کہ خُدا ہرگز نئیں! تیرے نال انج کدی نہ ہووے گا‘‘(متی16:22)۔

پطرس نے خُدا دے بیٹے دی ملامت کیتی سی! پطرس نوں صلیب دا دِل نئیں چائیدا سی۔ یسوع نے پطرس نوں جواب دِتا،

’’اے شیطان: میری نظراں توں دور ہو جا، تُو میرے رستے چہ رکاوٹ بنن ڈیا ایں، تینوں خُدا دیاں گلاں دا نئیں بلکہ بندیاں دیاں گلاں دا خیال اے‘‘ (متی16:23)۔

پطرس دے کول یسوع دا دِل تے ذہن نئیں سی۔ پطرس دے کول اِک گمراہ شخص دا دِل تے ذہن سی۔ اُو دِل اُوس شیطان دا دِل سی۔ مسیح نے اُوہنوں کہیا سی، ’’اے شیطان، میری نظراں توں دور ہو جا۔‘‘ ’’پطرس، تُو ابلیس وانگوں گلاں کر رہیا اے۔ تُو اوہی کہہ رہیا اے جو ابلیس کہندا اے،‘‘

پطرس نے یسوع دے نال اِتفاق نئیں کیتا سی۔ اُو مسیح دی اُوس گل دے خلاف سی جیہڑی اُوہنے اپنی مصلوبیت دے بارے چہ کہی سی۔ اُوہدے کول مسیح دا دِل تے ذہن نئیں سی۔ اُوہدے کول بس صرف اِک گمراہ تے گناہ توں بھرپور شخص دا دِل تے ذہن سی، کیوں جے اُو ہُنے تیکر مسیح وچ ایمان لہیا کے تبدیل نئیں ہویا سی۔ بائبل دے عظیم اُستاد ڈاکٹر جے۔ ورنن میگی نے کہیا شاگرد اُوس ویلے تیکر مسیح وچ ایمان لہیا کے تبدیل نئیں ہوئے سی جدوں تیکر کہ مسیح مُردیاں وچوں زندہ نئیں ہو گیا سی۔ ڈاکٹر میگی نے کہیا، ’’میں ذاتی طور تے یقین کردا آں کہ جیس ویلے مسیح نے اُوہناں تے پھونکیا سی [اُوہدے جی اُٹھن دے بعد، یوحنا 20:22] ایناں لوکاں نے اِک نئی احیاء پائی سی [فیر جنم لہیا سی]۔ ایدے توں پہلاں، اُوہناں وچ خُدا دا روح نئیں بسدا رہیا سی‘‘ (جے۔ ورنن میگی، ٹی ایچ۔ ڈی۔ J. Vernon McGee, Th.D.، بائبل وچوں Through the Bible، تھامس نیلسن پبلیشرز، جلد چہارم، صفحہ 498؛ یوحنا20:21 تے غور طلب گل)۔ اُوہدے توں پہلاں، پطرس نے کِسے گمراہ شخص ای دی وانگوں سوچیا سی۔ اُو کیویں سوچدے سی؟

مسیح وچ ایمان نہ لہیائے ہوئے غیر تبدیل شُدہ لوکی اگے ودھن چہ یقین رکھدے سی۔ اُو ایویں قوت تے زبردستی تے دماغ لڑا کے تے اہلیت دی بِنا تے کردے سی۔ اُوہناں وچوں کُج جھوٹ بول کے تے کُج دھوکہ دے کے ایویں کردے سی۔ گمراہ شخص لئی، سب توں اعلیٰ ترجیح پیسہ تے کامیابی تے دوجیاں تے سبقت پانا سی۔ اُوہناں دے بارے وچ بائبل کہندی اے، ’’اُوہدے سارے خیالاں وچ خُدا نئیں اے‘‘ (زبور10:4)۔

کی تُسی کدی کِسے نوں ’’بے حد طاقت آلے ڈالر‘‘ دے بارے چہ گل کردے سُنیا اے؟ اُو روپیاں دے بارے چہ سوچ رئے ہوندے نے۔ پیسہ اے جیدے ذریعے اُو اپنی کامیابی نوں بنائے رکھدے نے – ایدے ای ذریعے نال اُو اپنی قیمت دا تعین کردے نے۔ کھلاڑیاں لئی، کِنے پوائنٹ نے جیہڑے اُو بناندے نے۔ کُج ہور لوکاں لئی، ایہہ پوائنٹ کِنے منڈے یا کُڑیاں نال اُوہناں دی یاری اے اُوس توں بناندے نے۔ لیکن جدوں تُسی مرو گے تے خُدا کہے گا، ’’اے نادان! ایسے ای راتی تیری جان تیرے توں طلب کر لئی جاوے گی‘‘ (لوقا 12:20)۔ تہاڈے اعلیٰ اسکور اُوہدوں تہاڈی مدد نئیں کرن گے۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

خود توں ترقی کرنا دُنیا دا وطیرہ اے۔ بائبل کہندی اے، ’’سب اپنیاں اپنیاں گلاں دی فکر وچ نے‘‘ (فلپیوں 2:21). بائبل کہندی اے، ’’کوئی خُدا دا طالب نئیں اے‘‘ (رومیوں 3:11). لیکن ہر کوئی ’’اپنی اپنی فکر وچ‘‘ اے۔ تُسی اپنی فکر وچ اُو، وڈے وڈے گودام تعمیر کرن دی کوششاں۔ لیکن جدوں تُسی مرو گے، ’’تہاڈی جان تہاڈے توں طلب کر لئی جاوے گی۔‘‘

’’سب اپنی اپنی فکر وچ نے۔‘‘ ہر کوئی خود اپنی فکر وچ اے۔ ایہہ سی جیہڑا پطرس تے دوجے شاگرد سوچ رئے سی۔ اُو نئیں چاہندے سی کہ یسوع صلیب لئی جاوے۔ اُو اُوہدے توں چاہندے سی کہ بالکل اُوسے ویلے اُو خود نوں بادشاہ دی حیثیت نال قائم کر لوے۔ فیر اُو اُوہدے نال حکمرانی کر پان گے۔ اُو طاقتور تے اہم ہو جان گے۔ اُوہناں نوں ’’اُوہناں دی چاہت‘‘ مل جاوے گی۔ مسیح نے اپنے شاگرداں نوں تعلیم دِتی سی، ’’اِبنِ آدم لوکاں دے حوالے کیتا جائے گا تے اُو اُوہنوں مار ڈالن گے۔ لیکن اُو اپنی موت دے تیجے دِن بعد فیر زندہ ہو جائے گا۔ تے شاگرد یسوع دا مطلب نہ سمجھ سکے تے اُوہنوں پُچھدے وی ڈردے سی‘‘ (مرقس 9:31، 32). شاگرد ایدے توں کافی وکھریاں گلاں دے بارے چہ گلاں کردے رئے سی، ’’کیوں جے رستے چہ اُو آپس چہ ایہہ بحث کر رئے سی کہ اُوہناں وچوں وڈا کون اے‘‘ (مرقس 9:34). تھوڑی ای دیر بعد یسوع نے یعقوب تے یوحنا نوں پُچھیا سی، ’’دسو میں تہاڈے لئی کی کراں؟‘‘ (مرقس 10:36). ’’تُسی کی چاہندے اُو کہ میں تہاڈے لئی کی کراں؟‘‘ اُوہناں نے کہیا، ’’ساڈے تے ایہہ مہربانی کر کہ جدوں تیری بادشاہی قائم ہووے تے ساڈے وچوں اِک تیرے سجے پاسے تے دوجا تیرے کھبے پاسے بوے‘‘ (مرقس 10:37).

شاگرداں دے کول دُنیاوی دِل سی۔ ’’سب اپنی اپنی فکر وچ سی۔‘‘ اُوہناں نے یسوع نوں معجزات کردے ہوئے ویکھیا سی۔ اُو مسیحا سی، خُدا دا مسیح سی۔ شاگرداں نے سوچیا سی کہ مسیح اپنی بادشاہت بنائے گا تے بالکل اُوسے ویلے زمین تے حکمرانی کرے گا۔ اُو اُوہدے نال حکمرانی کرن دی توقع رکھدے سی۔ جدوں مسیح نوں گرفتار کیتا گیا سی، تے ایویں لگدا سی جیویں اُو اُمید ختم ہو گئی سی۔ ایہو ای وجہ سی کہ ’’سارے شاگرد اُوہنوں چھڈ کے پَج گئے‘‘ (متی 26:56).

یہوداہ دا وی اُہو جیہا دِل سی۔ اُو مسیح لئی تے دوجے شاگرداں لئی پیسیاں نوں سانبھدا سی۔ بائبل کہندی اے کہ یہوداہ ’’دے کول تھیلی‘‘ رہندی سی (یوحنا12:6)۔ لیکن یہوداہ اِک چور سی۔ اُو اپنے لئی پیسے کڈدا سی۔ اُو یسوع دے نال رہندا سی کیوں جے اُوہنے سوچیا سی کہ مسیح بادشاہ دی حیثیت نال حکمرانی کرے گا، تے اُو، یہوداہ، سارے پیسیاں دا انچارج ہووے گا۔ فیر اُو واقعی چہ امیر ہو جائے گا! لیکن یسوع مصلوب کیتے جان دے بارے چہ گلاں کردا سی۔ یروشلیم وچ اُوہنے کاہناں تے فریسیاں دے خلاف منادی کیتی سی۔ یہوداہ نے سوچیا سی کہ تائید کرن لئی یسوع غلط بندہ سی۔ اُو کدی وی بادشاہ نئیں بنے گا۔ اُو مصیبت چہ پے جائے گا۔ یہوداہ کشتی دے ڈُبن توں پہلاں اُوہدے وِچوں اُتر جانا چاہندا سی۔ تے اُوہنے [تھیلی] وِچوں پیسے کڈے۔ اُوہنے ’’چاندی دے تیس سکّیاں‘‘ دے بدلے مسیح نوں دھوکہ دِتا (متی26:15)۔

گرجا گھر وِچ گمراہ لوکاں دا وی یہوداہ تے پطرس وانگوں ای ذہن ہوندا اے۔ جنّے عرصے تیکر ایناں نوں ایدے وِچوں کُج نہ کُج مل رہیا ہوندا اے، تے ایوین لگدا اے کہ ایناں نوں ہور کُج لبھ جائے گا – دوستی، تفریح، احترام، اِک مُنڈے یا کُڑی نال دوستی – اُو روکے رہندے نے۔ لیکن اُو کشتی وِچوں اُتر جاندے نے جدوں کوئی طوفان آندا اے، یا ایویں لگدا اے کہ کشتی ڈُب جائے گی۔ اُوہناں دے کول مسیح دا دِل نئیں ہوندا اے۔ ’’سارے اپنی اپنی فکر چہ ہوندے نے۔‘‘

جدوں گمراہ لوکی مذہبی ہوندے نے، تے اُوہناں دا اُوہدوں ایہو جیہا ای دِل ہوندا اے، ’’سارے اپنی اپنی فکر چہ ہوندے نے۔‘‘ دوجا کیہڑا دِل اُوہناں دے کول ہو سکدا اے؟ اُو اپنا دِل دُکھاندے نے جدوں اُو اپنی اچھائیاں دے ذریعے نال جنت وِچ جان دی کوشش کردے نے، ناکہ مسیح وِچ خُدا دی معافی دے ذریعے نال۔ اُوہناں لئی، مسیح وِچ ایمان لیہا کے تبدیل ہونا خود اُوہناں دی اپنی اچھائیاں تے سمجھ دا عمل ہوندا اے۔ تکبر تے خود نال محبت اُوہناں نوں ترغیب دیندی اے۔ اُو اندروں اِک حقیقی مسیحی ہوئے بغیر اِک طویل عرصہ گرجا گھر وِچ گزار سکدے نے۔

گمراہ لوکاں دے کول مسیح دا دِل نئیں ہوندا اے۔ ایہہ اینج نئیں سی کہ صرف اُوہناں شاگرداں نوں سمجھ نئیں آیا سی۔ اُوہناں نوں تعلیم دے ذریعے نال چنگا کیتا جا سکدا سی۔ پطرس تے دوجے مسیح دے صلیب لئی جان دے خلاف سن۔ جدوں مسیح نے ایدے بارے چہ گل کیتی سی تے، پطرس نے یسوع نوں، ’’ملامت کرنا شروع کر دِتا‘‘ سی (متی16:22)۔ شاگرد یسوع کولوں چاہندے سی کہ اُو اِک بادشاہ دی حیثیت نال حکمرانی کرے تے اُوہناں نوں اپنے نال لے کے ٹُرے۔ صلیب ہر اُس گل دے خلاف سی جیدے لئی اُوہناں نے اپنی حیاتی گزار دِتی سی۔

بائبل ’’صلیب دے بارے چہ دِل شکنی‘‘ دی گل کردی اے (گلِتیوں5:11)۔ صلیب اُوہناں لئی دِل شکنی دا باعث سی۔ یونانی لفظ نے ’’دِل شکنی offence‘‘ دا ترجمہ اسکینڈالونskandalon کیتا اے۔ سانوں ایدے وِچوں لفظ ’’اسکینڈل‘‘ لبھدا اے۔ مسیح، جیہڑا اِک الوہی ہستی سی، مصلوبکیتا گیا سی، جیہڑی کہ رومی دُنیا وِچ سب توں زیادہ دردناک موت سی – تے گنہگاراں لئی سی۔ کیہو جیہا اسکینڈل! مغرور مذہبی لوکاں لئی، صلیب ہر اُس گل دے خلاف جاندی اے جیہڑی اُو جانندے نے۔ اُوہناں لئی صلیب دِل شکنی دا باعث ہوندی اے۔

پطرس نے کیوں جارحیت [دِل شکنی] دا مظاہرہ کیتا سی؟ واحد ایہہ شے سی جیہڑی اُو کر سکدا سی! اُوہدے کول یسوع ورگا دِل تے ذہن نئیں سی۔ اُوہدے کول بس صرف مسیح وچ ایمان نہ لہیا ہویا اِک غیر تبدیل شُدہ جسمانی نیت آلا ذہن سی، جیدے بارے چہ بائبل کہندی اے کہ ایہہ ’’خُدا دی مخالفت‘‘ اے (رومیوں8:7)۔ اُو گمراہ شخص ’’نہ تے خُدا دی شریعت دے تابع اے نہ ہو سکدا اے‘‘ (رومیوں8:7)۔ اُو مسیح دا دِل نئیں پا سکدا۔

تے تہاڈے کول مسیح دا دِل نئیں اے۔ تُسی اِک گنہگار ہو۔ تہاڈے کول صرف گناہ ہوندا اے۔ تُسی صرف گنہگار ہوندے اُو۔ تُسی صرف اپنی فکر کردے اُو۔ تُسی اینج دے ای ہوندے اُو۔

حتّیٰ کہ جدوں تُسی ’’نجات پان‘‘ دی کوشش کردے اُو تُسی پا نئیں سکدے۔ تہاڈے لئی مسیح وچ ایمان لہیا کے تبدیل ہونا ’’بہت وڈی کامیابی‘‘ ہوندی اے، جیویں سکول وِچ چنگے گریڈز حاصل کرنا یا پیسے کمانا۔ لیکن تُسی ہُن وی نجات پائے ہوئے نئیں ہوندے اُو۔ تُسی گرجا گھر وِچ آ سکدے اُو۔ تُسی خود نوں اِک احساس پان لئی مجبور کر سکدے اُو – یا ابلیس وَلّوں اِک احساس لئی انتظار کر سکدے اُو۔ تُسی مسیح دے بارے چہ کسی عقیدے تے یقین کرن لئی تناؤ یا زور پا سکدے اُو – ’’کہ‘‘ اُو تہاڈے لئی مریا سی – تے کسی احساس نوں نہ پان لئی کوشش کردے اُو۔ لیکن تُسی ہُن وی خود غرض ہو، خود دے لئی ’’اینوں صحیح کرن‘‘ لئی کوششاں کردے اُو۔ تُسی خود نوں اِک کراہت آمیز، لُٹیا ہویا، اخلاقی زوال چہ ڈگے ہوئے، مسخ شُدہ گنہگار دی حیثیت نال نئیں ویکھدے، جیہڑا ماسوائے خود نوں مسیح دے حوالے کرن دے ہُور کُج وی نئیں کر سکدا۔

تُسی شاید اُس محصول لین آلے دے الفاظ کہہ سکدے اُو، ’’خداوندا، مجھ گنہگار تے رحم کر‘‘ (لوقا18:13) لیکن تہاڈے کول اُوہدے دِل ورگا کُج وی نئیں ہوندا۔ تُسی شاید اِک دعا منگ سکدے اُو لیکن باطن وِچ اُوہدا مطلب کی ہوندا اے اُوہدے بارے چہ کُج وی نئیں جان پاندے۔ تُسی اِک گمراہ مرد یا عورت ہو جیہڑا سمجھ نئیں سکدا۔ اندرونی طور تے، ایہہ تہاڈے لئی اِک اسکینڈل ہوندا ے کہ تُسی نجات یافتہ نئیں ہوئے اُو، تے دوجے لوکی مسیح وِچ ایمان لہیا کے تبدیل ہو چکے نے جنہاں نے کہ تہاڈے توں وی بُہتے گناہ کیتے سن، جیہڑے تہاڈے مقابلے چہ گرجا گھر وِچ کم ویلے لئی آئے سی، جیہڑے تہاڈے مقابلے چہ کم جانندے سن۔ تہاڈے کول جے کُج اے تے اُو تہاڈی گمراہ، خود غرض مسیح وِچ غیرتبدیل شُدہ ذات اے۔ تہاڈے کول مسیح دا دِل تے ذہن نئیں ہوندا اے۔ تے ایہہ گل مینوں دوجے موضوع تے لے آندی اے۔

II۔ دوجی گل، صلیب دی راہ تے مسیح دا دِل۔

مسیح بالکل چنگی طرح نال جانندا سی کہ اُو کی کر رہیا سی۔ اُو حادثاتی طور تے مصلوب نئیں کیتا گیا سی۔ اُوہنے مرن نوں چُنیا سی۔ اُو کسی وی ویلے آزادی دے نال دور ہو سکدا سی۔ صلیب تے اُوہنے کہیا سی، ’’تینوں پتہ نئیں کہ جے میں اپنے پیو کولوں مدد مانگاں تے اُو اِسی ویلے فرشتیاں دے بارہ لشکر بلکہ اُوہناں توں وی بُہتے میرے کول بھیج دے گا؟‘‘ (متی26:53)۔ یسوع صلیب تے مقصداً گیا سی۔ ساڈی تلاوت کہندی اے،

’’اُوہدے بعد یسوع نے اپنے شاگرداں تے ظاہر کرنا شروع کر دِتا کہ اُوہدا یروشلیم جانا لازمی اے تاں جے اُو بزرگاں، سردار کاہناں، شریعت دے عالماں دے ہتھوں بہت دُکھ چُکے، قتل کیتا جائے تے تِجے دِن جی اُٹھے‘‘ (متی16:21)۔

مصلوب کیتے جان لئی مسیح دا اِرادہ پکا سی، بائبل کہندی اے، ’’اُوہنے پختہ اِرادے دے نال یروشلیم دا رُخ کیتا سی‘‘ (لوقا8:51)۔ اُوہنے اندریاس تے فلپس نوں کہیا،

’’ہُن میرا دِل گھبراندا اے؛ تے کی میں ایہہ کہواں اے پیو مینوں ایس گھڑی توں بچا؟ ہرگز نئیں، کیوں جے ایسے لئی تے میں آیا آں کہ ایس گھڑی تیکر پہنچاں‘‘ (یوحنا12:27)

دورِ حاضرہ دی انگریزی وچ، ’’کی مینوں پیو نوں پُچھنا چائیدا اے کہ مینوں ایس ویلے توں بچا لئے؟ جی نئیں، ایسے لئی تے میں ایتھے آیا آں!‘‘ یسوع نے صلیب تیکر جان تے مرن دا پختہ اِرادہ کیتا سی۔

لیکن اُوہدے دِل وچ کی سی؟ مسیح نوں زمین تے آن تے مرن دی کوئی ضرورت نئیں سی۔ یسوع فرض یا ذمہ داری دی وجہ نال نئیں آیا سی۔ اُوہدا خود اپنا کوئی گناہ نئیں سی۔ اُوہنوں آن دی ضرورت نئیں سی۔ اُو رضا مندانہ طور تے آیا سی۔ اُوہدے دِل وچ کی سی؟ بائبل کہندی اے،

’’تہاڈا مزاج وی اونج دا ای ہووے جیویں مسیح یسوع دا سی: اگرچہ اُو خُدا دی صورت تے سی، فیر وی اُوہنے خُدا دی برابری نوں اپنے قبضہ وچ رکھن دی شے نہ سمجھیا‘‘ (فلپیوں 2:5، 6).

خُدا پُتر دی حیثیت نال، اُو اینا ای خُدا سی جینا کہ پیو سی۔ اُو آسمان ای چہ ٹھہر چُکیا ہوندا۔ اُوہدا کوئی گناہ نئیں سی۔ زمین تے گنہگار سزا دیے جان دے مستحق سی۔ مسیح کامل تے منصفانہ طور تے آسمان چہ رُکن لئی صحیح سی۔ لیکن اُوہدے دِل وچ کی سی؟ اُوہنے ’’خدا دی برابری نوں اپنے قبضے چہ رکھن دی شے نہ سمجھیا‘‘ (فلپیوں 2:6). اِک جدید ترجمہ کہندا اے، ’’اُو جیہڑا حالانکہ خُدا دی ہیّت وچ وجود رکھدا سی، اُوہنے خُدا دی برابری نوں گرفت چہ کرن دی حیثیت نال نئیں لہیا سی‘‘ (NASB)۔ یسوع لئی، آسمان چہ ہونا، پیو دے نال اپنے پیو ہون دی برابری چہ ہونا، گرفت وچ لین لئی کُج وی نئیں سی۔ ایہہ کُج انج دا نئیں سی جیدے نال چمڑے رہنا ہوندا اے۔ مسیح نے اپنی آسمانی جلالت نوں حوالے کیتا سی تے زمین تے آ گیا سی، حکمرانی کرن لئی نئیں بلکہ اِک مجرم دی حیثیت نال مرن لئی، ایسے لئی نئیں کہ اُوہنے کوئی جرم کیتا سی، بلکہ دوجیاں دے گناہ دی خاطر۔ بائبل کہندی اے کہ اُوہنے

’’اُوہنے اپنی کوئی ساکھ نہ رکھی [اُوہنے اپنے آپ نوں خالی کر دِتا]، تے غلام دی صورت اختیار کر کے انساناں دے مشابہ ہو گیا؛ اُوہنے انسانی شکل وچ ظاہر ہو کے اپنے آپ نوں فروتن کر دِتا، تے موت بلکہ صلیبی موت تیکر فرمانبردار رہیا‘‘ (فلپیوں2:7، 8)۔

مسیح نوں آن دی ضرورت نئیں سی۔ اُوہنے محبت وچ ¬– زمین تے آن نوں چُنیا سی۔ جیویں کہ جوزف ہارٹ نے لکھیا،

تے کیوں، پیارے نجات دہندہ، مینوں دس کیوں تُو اِک خون وگاندے ہوئے تکلیف زدہ دی مانند پیا اے؟
اُو کیڑا جذبہ سی جِنے تینوں تحریک دِتی سی؟ اُو مقصsد واضح اے – ایہہ سب محبت لئی سی!
     (’’گتسمنی، زیتون دی چکی! Gethsemane, The Olive-Press!‘‘ شاعر جوزف ہارٹ Joseph Hart، 1712۔1768؛
 بطرز ’’’اِس شام زیتون دی صلیب تے Tis Midnight, and on Olive’s Brow‘‘)۔

مسیح اِک بادشاہ دی حیثیت نال نئیں بلکہ اِک مصیب زدہ خادم دی حیثیت نال آیا سی۔ اُو خدمت کروان لئی نئیں آیا سی، بلکہ خدمت کرن لئی آیا سی۔ یسوع نے کہیا،

’’اِبنِ آدم ایس لئی نئیں آیا کہ خدمت لے بلکہ ایس لئی کہ خدمت کرے تے اپنی جان فدیہ چہ دے کے بُہتیریاں نوں چُھڑا لے‘‘ (مرقس 10:45).

ایہہ اُوہدا مقصد سی۔ ایہہ اُوہدا دِل سی۔ ایسے ای وجہ توں اُو آیا سی۔ پولوس رسول نے کہیا، ’’مسیح دُنیا وچ گنہگاراں نوں بچان لئی آیا‘‘ (1۔ تیموتاؤس 1:15). کیوں جے اُو تہاڈے نال محبت کردا اے۔

اُو اُوہناں لوکاں نوں تعلیم دین لئی نئیں آیا سی جیہڑے سوچدے سی کہ اُو پہلاں ای توں نجات یافتہ سی۔ اُو گنہگاراں نوں بچان لئی آیا سی۔ جدوں گنہگار زکائی نے نجات پائی سی، مسیح نے کہیا سی، ’’اِبنِ آدم گمشدہ نوں لبن تے اُوہنوں بچان آیا اے‘‘ (لوقا 19:10). فیر، یسوع نے کہیا، ’’میں راستبازاں نوں نئیں بلکہ گنہگاراں نوں توبہ کرن لئی بُلان آیا آں‘‘ (لوقا 5:32). جیویں کہ مسٹر نعان Mr. Ngann نے واعظ توں پہلاں گایا سی،

راستباز نئیں، راستباز نئیں، یسوع تُو گنہگاراں نوں بلان لئی آیا سی!
راستباز نئیں، راستباز نئیں، یسوع تُو گنہگاراں نوں بلان لئی آیا سی!
     (’’آؤو، اے گنہگاروںCome, Ye Sinners ‘‘ شاعر جوزف ہارٹ Joseph Hart ، 1712۔1768).

جے تُسی اِک راستباز شخص دی حیثیت نال آئے اُو تے تُسی نجات نئیں پاؤ گے۔ لیکن جے تُسی خود نوں اِک گمشدہ تے بے بس گنہگار دی حیثیت نال ویکھدے اُو تے تُسی شاید مسیح دے کول آ سکدے اُو۔ تُسی اُوہنوں تہانوں اپنان تے معاف کرن لئی تیار پاؤ گے – بالکل ہُنے۔ یسوع دے آلے دوالے دو ڈاکواں نوں مصلوب کیتا گیا سی، اِک نوں سجے پاسے تے دوجے نوں کھبے پاسے۔ اُوہناں وچوں اِک نے یسوع نال گل کیتی سی۔ اُو زیادہ نئیں جانندا سی۔ لیکن اُوہنے پرہوسے نال کہیا، ’’اے خُداوندا، جدوں تو بادشاہ بن کے آئے تے مینوں وی یاد کرنا‘‘ (لوقا 23:42). اُوس ڈاکو نے فوراً نجات پائی سی۔ یسوع نے اُوہنوں جواب دِتا سی، ’’تُو اج ای میرے نال فردوس وچ ہووے گا‘‘ (لوقا 23:43). ڈاکٹر ہائیمرز ایس بارے چہ دس چُکے نے کہ کیویں لوکاں نے انج کوشش کیتی سی تے کہ مسیح وچ ایمان لہیا کے تبدیل ہوئے بغیر کوشش کیتی سی۔ جدوں اُو بالاآخر مسیح وچ سادہ ایمان دے ذریعے نال نجات پا چکے، تے اُوہناں نے اکثر کہیا، ’’کی ایہو ای سب سی جیہڑا اُو چاہندا سی؟‘‘ جی ہاں، ایہو ای سب اے جیہڑا اسی چاہندے آں! یسوع تے پرہوسا کرو! ایہہ آسان تے سادہ اے – لیکن اُو مسیح جیدے تے تُسی پرہوسا کرو گے تہانوں ہمیشہ لئی نجات دلا دئے گا! جیویں کہ مسٹر نعان نے گایا،

آؤو، اے گنہگارو، غریب تے خستہ حال، کمزور تے زخمی، بیمار تے دُکھی؛
یسوع تہانوں بچان لئی تیار کھلوتا اے، ہمدردی، محبت تے قوت نال بھرپور؛
اُو لائق اے، اُو لائق اے، اُو رضامند اے، مذید ہور شک مت کرو!
اُو لائق اے، اُو لائق اے، اُو رضامند اے، مذید ہور شک مت کرو!
     (’’آؤو، اے گنہگاروںCome, Ye Sinners ‘‘ شاعر جوزف ہارٹ Joseph Hart ، 1712۔1768).

یسوع نے مینوں نجات دلائی، اِک خود غرض، لالچی، مذاق اُڑان آلے بے اعتقادے نوں۔ اُوہنے پطرس نوں نجات دِتی جیہڑا بزدل تے غدار سی۔ اُوہنے قاتل موسیٰ نوں نجات دِتی سی۔ اُوہنے پولوس اذیت دین آلے نوں نجات دِتی سی۔ مسیح تہانوں وی نجات دئے گا جے تُسی اُوہدے تے پرہوسا کرو گے۔ اُوہدا لہو تہاڈے گناہواں نوں دھو ڈالے گا۔ جے تُسی یسوع تے پرہوسا کرن دے بارے چہ گل کرنا تے دعا منگنا چاہندے اُو تے مہربانی نال آؤ تے اگلی دو قطاراں چہ تشریف رکھو۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت گایا گیا:
’’آؤو، اے گنہگاروںCome, Ye Sinners ‘‘
(شاعر جوزف ہارٹ Joseph Hart ، 1712۔1768).


لُبِ لُباب

صلیب دی راہ تے مسیح دا دِل

THE HEART OF CHRIST ON THE WAY TO THE CROSS

ڈاکٹر آر۔ ایل۔ ہائیمرز، جونیئر ولّوں
by Dr. C. L. Cagan

’’اُوہدے بعد یسوع نے اپنے شاگرداں تے ظاہر کرنا شروع کر دِتا کہ اُوہدا یروشلیم جانا لازمی اے تاں جے اُو بزرگاں، سردار کاہناں، شریعت دے عالماں دے ہتھوں بہت دُکھ چُکے، قتل کیتا جائے تے تِجے دِن جی اُٹھے‘‘ (متی16:21)۔

I.   پہلی گل، صلیب دی راہ تے گمراہ شاگرداں دا دِل،
متی 16:22، 23؛ زبور 10:4؛ لوقا 12:20؛ فلپیوں 2:21؛
رومیوں 3:11؛ مرقس 9:31، 32، 34؛
مرقس 10:36، 37؛ متی 26:56؛ یوحنا 12:6؛ متی 26:15؛
متی 16:22؛ گلتیوں 5:11؛ رومیوں 8:7؛ لوقا 18:13۔

II.  دوجی گل، صلیب دی راہ تے مسیح دا دِل،
متی 26:53؛ لوقا 9:51؛ یوحنا 12:27؛ فلپیوں 2:5، 6؛
فلپیوں 2:7، 8؛ مرقس 10:45؛ 1۔ تیموتاؤس 1:5؛ لوقا 19:10؛
لوقا 5:32؛ لوقا 23:42، 43۔