Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




اِک مسیحی شاگرد بنن لئی کی قیمت چکانی پیندی اے

WHAT IT COSTS TO BECOME A CHRISTIAN DISCIPLE
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وچ دِتا گیا اِک واعظ
17 فروری، 2019، خُداوند دے دِن دی شام
A sermon preached at the Baptist Tabernacle of Los Angeles
Lord’s Day Evening, February 17, 2019

’’تہاڈے وچوں ایسا کون اے جیہڑا اِک بُرج بنانا چاہے تے پہلاں بے [بیٹھ] کے ایہہ نہ سوچ لئے کہ اُوہدی تعمیر تے کِنا خرچ آئے گا تے کی اُوہدے کول اُونی رقم اے کہ بُرج تعمیر ہو جائے؟‘‘ (لوقا 14:28).


ہُن میرے نال متی 16 باب 24 ویں آیت نوں کھولو۔

’’جے کوئی میری پیروی کرنا چاہندا اے تے اُوہدے لئی ضروری اے کہ اُو اپنی خودی دا انکار کرے تے اپنی صلیب چُکے تے میرے پِچھے ہو لئے‘‘ (متی 16:24).

اَج زیادہ تر نوجوان لوکاں دے کول پیروی کرن لئی کوئی سبب نئیں ہوندا تے اپنی حیاتیاں لئی کوئی مقصد نئیں ہوندا۔ تُسی بس محض اِک دِن توں اگلے لئی حیاتی گزاردے اُو۔ درحقیقت، نوجوان لوکی اَج کل لمحہ بہ لمحہ حیاتی گزاردے ہوئے دکھائی دیندے نے۔ تُسی اپنی حیاتی نال ایویں برتاؤ کردے اُو جیویں تُسی ٹیلی ویژن تے چینل بدلدے رہندے اُو – تُسی اِک توں دوجے چینل نوں کوئی وی اِک پروگرام پورا ویکھے بغیر اکثر ٹٹولدے رہندے اُو۔

ہُن اُوس گل وچ اِک خطرہ اے۔ تہانوں کدی وی مکمل کہانی میسر نئیں ہوندی۔ ایویں ای بے شمار نوجوان لوکی ایس گرجا گھر دے نال برتاؤ کردے نے۔ تُسی ’’چینل ٹٹولدے‘‘ اُو – اندر تے باہر پُھدکدے پھردے اُو۔ اِک اِتوار نوں لاس ویگاس لئی جا رئے اُو تے اگلے اِتوار نوں گرجا گھر لئی۔ لیکن تہانوں کدی وی ایویں مکمل کہانی مل نئیں پاندی۔ تہانوں بس صرف بچیا کُچھیا ای ملدا اے۔ مثال دے طور تے، تُسی صرف ارتقاء دے بارے وچ سُنّدے اُو، تے تُسی ایسکحٹولوٹی eschatoloty [علم الہٰیات دی اُو شاخ جیدا تعلق موت تے قیامت، جنت تے جہنم دے نال ہوندا اے، جیہڑی نسلِ انسانی دی حتمی منزل ہوندی اے]، سوٹرئیالوجی soteriology [مسیحی علم اِلہٰیات دی اُو شاخ جیہڑی الہٰی محکمے دے تاثر دی حیثیت نال نجات دے نال نمٹدی اے]، ڈیمنّالوجی demonology [بدروحاں دا علم]، تے بے شمار دوجے مضمون نوں پُل جاندے اُو۔

اِک حقیقی مسیحی بنن لئی تہانوں چائیدا اے کہ خود نوں مکمل طور تے یسوع مسیح دے حوالے کر دیو:

’’جے کوئی میری پیروی کرنا چاہندا اے تے اُوہدے لئی ضروری اے کہ اُو اپنی خودی دا انکار کرے تے اپنی صلیب چُکے تے میرے پِچھے ہو لئے‘‘ (متی 16:24).

ہُن، نجات تے فضل دے وسیلے نال ہوندی اے۔ مسیح وچ ایمان نہ لہیایا ہویا اِک غیر تبدیل شُدہ بندہ کدی وی اُو نئیں کر سکدا جو یسوع نے کہیا، ’’جے کوئی میری پیروی کرنا چاہندا اے تے اُوہدے لئی ضروری اے کہ اُو اپنی خودی دا انکار کرے تے اپنی صلیب چُکے تے میرے پِچھے ہو لئے۔‘‘ لیکن خُدا تہانوں خوشخبری سنان لئی ایس گرجا گھر وچ کھِچ کے لہیا چکیا اے۔ تے پیوریٹن تھامس واٹسن نے بجا طور تے کہیا، ’’جدوں خُدا کھِچنا شروع کردا اے تے سانوں پیروی کرنی چائیدی اے۔‘‘ یا، تُسی شاید پیروی نہ کرن دا فیصلہ کر سکدے اُو، حالانکہ شاید، باطن دی گہرائی وچ، تُسی جانندے اُو کہ تہانوں [پیروی] کرنی چائیدی اے۔

مسیح وچ ایمان نہ لہیا ہویا اِک غیر تبدیل شُدہ بندہ تضادات نال بھریا ہوندا اے۔ تُسی گرجا گھر لئی آندے اُو تے بائبل تے مبلغ دے نال اِک اندرونی تکرار ہوندی اے۔ اپنے دِل وچ تُسی کہندے اُو، ’’میں بائبل چہ یقین نئیں رکھدا۔‘‘ لیکن فیر تُسی سوچدے اُو، ’’میں حیاتی وچ اِک ناکام [شخص] آں۔ میں جیویں دا آں اُوس وچ میرے کول کوئی اُمید نئیں اے۔‘‘ تُسی اَگے تے پِچھے کھِچے جاندے اُو۔ تہاڈا کُج حصہ خُدا دے خلاف بغاوت کردا اے تے تہاڈا کُج حصہ ایس گل وچ یقین کرنا چاہندا اے کہ خُدا وچ کِتے نہ کِتے کوئی اُمید اے۔ ایتھے اِک اندرونی کشمکش چلدی اے۔ تے ہر اُو شخص جیہڑا اَج دی شام ایتھے اے اونج دی ای اِک کشمکش توں گزر چُکیا اے۔

ایس گرجا گھر دے قطاراں وچ اَج دی راتی مَیں اُتے تھلے آ جا سکدا آں تے اُوہناں نوجوان لوکاں توں جیہڑے اَج ایتھے نے اِک دے بعد دوجی کہانی پیش کر سکدا آں۔ اُوہناں وچوں ہر اِک اندرونی کشمکش توں گزر چُکیا اے۔ اُو شاید بالکل تہاڈے جئی جدوجہد نہ رئی ہوئے۔ لیکن مماثلتاں ہمیشہ ہوندیاں نے۔ تہاڈا کُج حصہ گرجا گھر وچ واپس آنا چاہندا اے تے اُمید کردا اے کہ ایتھے اِک خُدا تے نجات اے تے تہاڈا دوجا حصہ خُدا دے خلاف، بائبل تے مبلغ دے خلاف بغاوت کردا اے۔

پہلی گل، تہاڈے باطن وچ ایس جدوجہد دے ذرائع کی نے؟ پہلے نمبر تے، ایہہ دُنیا اے (ماں پیو، دوست، تفریح)، فیر تہاڈا جسم اے (تُسی گرجا گھر توں غیر حاضر ہونا چاہندے اُو، آزادی دے نال جنسی ملاپ کرنا چاہندے اُو، اپنی مرضی کرنا چاہندے اُو)۔ فیر شیطان دی گل آ جاندی اے۔ دوجی طرف، ایتھے پاک روح ہوندا اے۔ اُو تہاڈے ضمیر دے نال گل کردی ہوئی اِک ہلکی جئی اواج اے۔ اُو تہانوں یسوع مسیح دے کول آن تے ایس مقامی گرجا گھر وچ آن لئی بُلاندا اے۔ لہٰذا، تہاڈی روح لئی اِک جدوجہد ہوندی اے۔ اِک طرف خُدا تہانوں بُلا رہیا ہوندا اے – تے دوجی طرف گناہ تے دُنیاوی مزے تہانوں بُلا رئے ہوندے نے۔

بائبل کہندی اے، ’’تے جے خداوند دی عبادت کرنا تہانوں ناگوار گزرے تے اَج دے دِن اپنے لئی اُوہنوں چُن لئو جیدی تُسی عبادت کرنا چاہندے اُو، خواہ اُوہناں معبوداں نوں جنہاں دی تہاڈے پیو دادا دریا دے اُوس پار پرستش کردے سی یا اُوہناں امُوریاں دے معبوداں نوں جنہاں دے ملک وچ تُسی بسے اُو۔ لیکن جِتھوں تیکر میرا تے میرے گھرانے دا تعلق اے، اسی تے خداوند ای دی عبادت کراں گے‘‘ (یشوع 24:15). تہانوں اِک چُناؤ کرنا ہوندا اے۔ بدقسمتی نال، تہاڈے وچوں اکثر غلط چناؤ کرن گے۔ مذہبی خدمتاں وچ میرا 60 وریاں دا تجربہ مینوں دسدا اے کہ تُسی غالباً غلط چناؤ کرو گے۔ بائبل کہندی اے،

’’تے اُو موت نوں حیاتی تے ترجیح دین گے‘‘ (یرمیاہ 8:3).

تہاڈے بارے چہ کی خیال اے؟

دوجی گل، تہانوں کیوں دُرست چناؤ کرنا چائیدا اے؟ تہانوں کیوں ایتھے ایس مقامی گرجا گھر وچ آنا چائیدا اے تے ایتھے ہر اِتوار نوں ہونا چائیدا اے؟ تہانوں کیوں مسیح دے کول آنا چائیدا اے تے مسیح وچ ایمان لہیا کے تبدیل ہو جانا چائیدا اے؟

1۔ کیوں جے ایہہ تہانوں حیاتی بسر کرن لئی اِک وجہ پیش کرے گا۔

2۔ کیوں جے ایہہ تہاڈی ناکامی نوں گھما کے بدل دے گا۔ کوئی وی جیہڑا مسیح نوں پا لیندا اے ناکام نئیں ہوندا اے۔

3۔ کیوں جے ایہہ تہانوں مستقبل لئی اُمید پیش کرے گا۔

4۔ کیوں جے ایہہ تہاڈے قصوراں نوں دور کر دے گا تے تہاڈی رہنمائی اِک لبریز تے پُرسکون حیاتی لئی کرے گا۔

اپنی حیاتی دیاں تمام آزمائشاں وچ سبینا ورمبرانڈ Sabina Wurmbrand اِک شاندار، مسکراندی ہوئی خاتون سی کیوں جے اُو یسوع مسیح نوں ذاتی طور تے جانندی سی۔ اِک خود مختیار بپٹسٹ گرجا گھر دی حیثیت نال فیر منظم ہون توں پہلاں سبینا ساڈے گرجا گھر وچ بے شمار واری رئی سی۔ میں تے میری ووہٹی پادری صاحب تے مسز ورمبرانڈ دے نال اُوہناں دے اپارٹمنٹ وچ کھانا کھا چکے سی۔ اُوہناں نے مسیح دے سبب لئی ہر اِک شے دی قربانی دِتی سی۔ لیکن اُو خوش ترین خواتین وچوں اِک سی جنہاں نوں میں کدی جانیا سی۔

کِسے توں وی پُچھ لوو ایویں ایتھے چند اِک وریاں توں زیادہ رہیا! سبینا ورمبرانڈ نوں پُچھ لوو جیہڑی ہُن جنت وچ نے! اُو تہانوں دسن گے کہ ایہہ سچ اے! تہانوں ایس مقامی گرجا گھر وچ ہون لئی چننا پیندا اے تے مسیح وچ ایمان لہیا کے تبدیل ہون لئی چُننا پیندا اے کیوں جے ایہی دُرست چناؤ اے۔ ایہی وجہ اے کہ تہاڈے دل وچ تھوڑی جئی اواج ہوندی اے جیہڑی کہندی اے، ’’تُسی جانندے اُو کہ اُو دُرست اے۔‘‘

اُودھوں فیر، تیجی گل، مینوں تہانوں دس دینا چائیدا اے کہ ایتھے کُج گلاں نے جنہاں نوں تہانوں چھڈ دینا چائیدا اے تے کُج گلاں نے جنہاں نوں کرنا تہانوں شروع کر دینا چائیدا اے جے تُسی مسیحی حیاتی بسر کرنا چاہندے اُو۔

یسوع نے کہیا:

’’جے کوئی میری پیروی کرنا چاہندا اے تے اُوہدے لئی ضروری اے کہ اُو اپنی خودی دا انکار کرے تے اپنی صلیب چُکن تے میرے پِچھے ہو لئے‘‘ (متی 16:24).

جدوں تُسی بائبل لئی آندے اُو تے تہانوں پتا چلدا اے کہ خُدا مکمل وابستگی دا تقاضا کردا اے۔

ویکھو خدا نے ابراہام نال کی تقاضا کیتا سی۔ خُدا نے اِک دِن کہیا، ’’ابراہام، میں چاہندا آں کہ تو کوہ موریا تے جا تے میں چاہندا آں کہ اپنے چھوٹے پُتر نوں لے کے جا، اُو پُتر جیدا تُو بہت وریاں تیکر انتظار کیتا سی، اُو پُتر جِنوں تُو دُنیا وچ کسی وی شے توں سب توں ودھ چاہنا ایں، تے میں چاہنا آں کہ الطار تے اُوہدی قربانی چڑھا۔‘‘

ابرہام نے خُدا دی فرمانبرداری کیتی تے اوتھے گیا تے اپنے پُتر نوں الطار تے رکھیا تے اِک لمّی تیز چھری لئی تے خُدا دی فرمانبرداری وچ اُو اپنے پُتر دے دِل چہ اُو گھونپن ای آلا سی۔ لیکن خُدا نے اُوہدے ہتھ نوں ہوا وچ آدھی راہ تے ای روک لہیا۔ خُدا نے کہیا، ’’اینا کافی اے، ابرہام۔ میں جانندا آں کہ تُو میرے نال تمام راہ چلن لئی ہُن تیار اے۔‘‘

یا موسیٰ نوں لے لوو۔ موسیٰ فرعون دی بیٹی دا پالیا ہویا پُتر سی۔ اُو مصر دے تخت لئی وارث سی۔ اُو اپنے زمانے دی دُنیا وچ اُوس عظیم سلطنت دا ممکنہ طور تے شہنشاہ ہو سکدا سی۔ اُوہدے کول اُو تمام دولت تے اُو تمام طاقت تے اُو تمام شان و شوکت سی جیہڑی کوئی شخص پا سکدا سی۔ لیکن موسیٰ نے اُوس سب وَلّوں خُدا دے لوکاں دے نال دُکھ برداشت کرن دی خاطر اپنا رُخ موڑ لہیا۔ خُدا نے تقاضا کیتا سی کہ استعمال کیتے جان لئی موسیٰ نوں سب کُج چھڈنا پئے گا۔ تے فیر خُدا نے اُوہنوں صحرا دے پچھلی جانب پڑھن لئی، دعا منگن لئی تے سیکھن لئی بھیج دِتا سی۔

یا یوسف نوں لے لوو۔ یوسف نوں غلام دی حیثیت نال اُوہدے پراہواں نے ویچ دِتا سی۔ اُوہنوں مصر وچ فوطیفار نامی اِک شخص لئی کم کرن دی خاطر جانا پیا سی۔ اُو اپنے خاندان تے دوستاں توں بہت دور ہو گیا سی۔ اُو محض اِک نوعمر ای سی۔ اُو بگڑ سکدا سی۔ کوئی وی ایہہ گل نئیں جانندا سی ماسوائے خُدا دے۔ تے فوطیفار دی ووہٹی انتہائی خوبصورت سی۔ اُوہنے کوشش کیتی سی کہ اُو [یوسف] اُوہدے نال ہمبستری کرے۔ اُو جانندا سی کہ اُو فوطیفار دی ووہٹی دا سہارا پان دی وجہ توں بادشاہت وچ مقام حاصل کر سکدا سی – لیکن اُوہنے اُوہنوں [فوطیفار دی ووہٹی نوں] انکار کر دِتا۔ اُوہنے اپنا چوغہ پِچھے چھڈ دِتا سی جدوں اُوہنے [فوطیفار دی ووہٹی نے] اُوہنوں جکڑنا چاہیا سی۔ اُوس لئی ایدا مطلب قید سی تے اُوہنوں موت دی سزا سنائی گئی سی۔ خُدا ایس نوجوان شخص نوں ایہہ ویکھن لئی آزما رہیا سی کہ آیا واقعی چہ اُوہدا ایہی مطلب سی۔ بعد چہ اُوہدی قید توں رہیا کر دِتا گیا سی تے مصر دی سرزمین چہ دوجے اعلیٰ ترین عہدے تے فائز کر دِتا گیا سی۔

’’جے کوئی میری پیروی کرنا چاہنا اے تے اُوہدے لئی ضروری اے کہ اُو اپنی خودی دا انکار کرے تے اپنی صلیب چُکن تے میرے پِچھے ہو لئے‘‘ (متی 16:24).

یا دانی ایل ای نوں لے لوو۔ اُوہناں نے کہیا، ’’دانی ایل، بابل وچ مذید ہور دعا نئیں کرنی۔ جے توں دعا کیتی تے تینُوں شیراں دی غار وچ سُٹ دِتا جائے گا۔‘‘

لیکن دانی دِن وچ تِن واری باریاں کھلی رکھ کے دعا منگیا کردا سی۔ حالانکہ اُو مُلک دا وزیر اعظم سی، اُوہناں نے اُوہنوں شیراں دے غار وچ پا دِتا۔ تے دانی ایل نوں نئیں پتا سی کہ خُدا شیراں دا منہ بند کرن جا رہیا سی۔ خُدا اُوہنوں قیمت چُکان لئی بُلا رہیا سی تے اُو ایویں کرن لئی تیار سی۔

تے یسوع ایس شام تہانوں کہہ رہیا اے۔

’’جے کوئی میری پیروی کرنا چاہنا اے تے اُوہدے لئی ضروری اے کہ اُو اپنی خودی دا انکار کرے تے اپنی صلیب چُکن تے میرے پِچھے ہو لئے‘‘ (متی 16:24).

ایدا مطلب ہوندا اے کہ تُسی دوجے لوکاں توں مختلف بن جاندے اُو۔ اَج کل زیادہ تر نوجوان لوکی اِک اُو جیہا لباس زیب تن کردے نے۔ اُو اِک او جئے لگدے نے۔ اُو اِک او جیہا عمل کردے نے۔ اُو مختلف نظر آن توں خوفزدہ ہوندے نے۔ جے تہاڈے دوست ہون جیہڑے اپنے سراں نوں گنجا کر لیندے نے تے اپنی نَک وچ چھِلا پا لیندے نے تے تہاڈا وی دل کردا اے کہ اپنا سر گنجا کر لوو تے اپنی نَک وچ چھلا پا لوو – تاں جے تُسی وی مختلف نظر نہ آؤو – تاں جے تُسی گھل مل جاؤ۔ لیکن بائبل تہانوں کُج ہور بنن لئی بُلا رئی اے – تے لوکاں دے ہجوم وچوں باہر کڈن لئی کہہ رئی اے تے ذہنی طور تے تے روحانی طور تے اِک سرکش بنن لئی کہہ رئی اے۔

جدوں دوجے کہہ رئے ہوندے نے کہ خُدا نئیں اے یا خُدا دے ہون نال کوئی فرق نئیں پیندا، تے تُہانوں کھڑے ہون لئی تیار ہونا چائیدا اے تے کہنا چائیدا اے کہ خُدا توں فرق پیندا اے تے خُدا دا تعلق اے تے خُدا میری حیاتی دا مرکز اے! سبینا ورمبرانڈ نے ایہو ای کیتا سی، حالانکہ دوجی جنگ عظیم دے دوران رومانیہ وچ ھٹلر دے حراستی کیمپاں وچوں یہودیاں نوں غیر قانونی طور تے باہر کَڈوان دے جرم چہ اُوہناں دے دو پراہواں، تے بہن تے دوویں والدین نوں قتل کر دِتا گیا سی۔

جدوں دوجے کہہ رئے ہوندے نے، ’’اُوس بپتسمہ دین آلے گرجا گھر وچ واپس مت جاؤ۔ میرے نال آؤ۔ چلو آؤ کِتھے ہور چلیے،‘‘ تے تُہانوں کہن لئی تیار ہونا چائیدا اے، ’’جی نئیں۔ میں اوتھے ای واپس جا رہیا آں۔ میں خُدا نوں چاہنا آں۔ مینوں یسوع چائیدا اے چاہے ایدی کوئی وی قیمت چُکانی پئے! میں اُوس انقلابی مبلغ نوں فیر سُننا چاہنا آں۔ مینوں اُو چائیدا اے جو اوتھے اُوہناں لوکاں دے کول بپتسمہ دین آلی عبادت گاہ وچ اے!‘‘


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت مسٹر جیک نعان Mr. Jack Ngann نے گایا سی:
’’اُو آقا آ چُکیا اےThe Master Hath Come‘‘
(شاعر سارہ دودڈنی Sarah Doudney، 1841۔1926).