Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




سینڈیمینی این اِزم

SANDEMANIANISM
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وچ تبلیغی واعظ
خُداوند دے دِن دی شام، 27 جنوری، 2019
A sermon preached at the Baptist Tabernacle of Los Angeles
Lord’s Day Evening, January 27, 2019

’’تُسی کلامِ پاک دا بڑا گہرا مطالعہ کردے ہو کیوں جے تُسی سمجھدے ہو کہ اُوہدے وِچ تہانوں ہمیشہ دی حیاتی لبھے گی۔ ایہو ای کلامِ پاک میرے حق چہ گواہی دیندا اے۔ فیر وی تُسی حیاتی پان لئی میرے کول آن توں اِنکاری کردے اُو‘‘ (یوحنا5:39۔40)۔


دو ہزار وریاں تیکر ایتھے اِس گل تے ایہہ اِک اختلاف رہیا اے کہ آیا یونانی فعل نے ’’گہرا مطالعہ کرن‘‘ دا ترجمہ لازم کیفیت وِچ کیتا اے یا اشاراتی کیفیت وِچ کیتا اے۔ کی یسوع اُوہناں نوں کلام پاک دے گہرے مطالعے لئی دَس رہیا سی، یا کی اُو اِس حقیقت نوں بیان کر رہیا سی کہ کلام پاک نے اُوہناں دا گہرا مطالعہ کیتا سی؟ میرے لئی ایہہ اِک غیر اہم سوال اے کیوں جے ایہہ اُو اہم نکتہ نئیں اے جیہڑا مسیح کہہ رہیا سی۔ میرے خیال چہ اَسی وجہ توں پاک روح نے فعل دی کیفیت پیش نئیں کیتی سی – کیوں جے اُو ساڈے کولوں چاہندا سی کہ آیت دے دوجے آدھے حصے تے توجہ مرکوز کریے۔ ایدے علاوہ میرے خیال چہ مسیح بیان کر رہیا سی کہ فریسی کی کر رئے سن۔ اُو کلام پاک دا گہرا مطالعہ کر رئے سن – تے اِس قدر تسلسل دے نال کر رئے سن! مسیح نوں یقیناً اُوہناں نوں کلام پاک دا مطالعہ کرن لئی کہین دی لوڑ نئیں سی! ڈاکٹر گیبیلیعن Dr. Gabelein دا تبصرہ کہندا اے، ’’اُو [پرانے عہد نامے دا] مطالعہ کرن تے اُوہدے لفظاں وِچوں مکمل ترین معنی نوں حاصل کرن دی جدوجہد لئی مگن سن، کیوں جے اُو یقین کردے سن کہ خود ایہو ای مطالعہ اُوہناں نوں زندگی دلا دیوے گا‘‘(فرینک ای۔ گیبیلیعن، ڈی۔ڈی۔ Frank E. Gaebelein, D.D.، مدیر، مفسر دا بائبل تے تبصرہ The Expositor’s Bible Commentary، ژونڈروان Zondervan، 1981، جلد9، صفحہ68، یوحنا5:39 تے غورطلب بات)۔

فعل ’’گہرے مطالعے‘‘ دے ترجمے دی کیفیت نوں سانوں پیش نہ کرن توں خُداوند دی روح ساڈی توجہ زیادہ اہم موضوع تے مرکوز کردی اے – کہ اُو سوچدے سن کہ اُوہناں دے کول کلام پاک تے یقین کرن تے اُوہدا مطالعہ کرن نال دائمی زندگی سی… ’’تُسی سمجھدے اُو اُوہدے وِچ تہانوں ہمیشہ حیاتی لبھے گی۔‘‘ میتھیو ھنری نے کہیا، ’’اُو کلام پاک دے خالی مطالعے تے تجزیے نال [دائمی حیاتی] نوں لبھ رئے سن۔ اُوہناں دے درمیان اِک عام مگر بدکار کہاوت ایہہ سی، ’اُو جیدے کول شریعت دے الفاظ نے اُوہدے کول ہمیشہ دی حیاتی اے‘؛ اُو سوچدے سن کہ اُو جنت لئی یقینی سن جے دِل نال کہہ پان… بزرگاں دی روایت توں جیویں کہ اُوہناں لئی کلام پاک دے ایہو جئے حوالیاں نال اُوہناں دی رہنمائی کیت گئی سی’’ (تمام بائبل تے میتھیو ھنری دا تبصرہ Mathew Henry’s Commentary on the Whole Bible، ھینڈریکسن اشاعت خانے Hendrickson Publishers، اشاعت 1996، جلد5، صفحہ753؛ یوحنا5:39 پر غور طلب بات)۔

اُو کلام پاک دے تلاش لئی تیار سن تے کلام پاک تے یقین کرن لئی تیار سن، لیکن یسوع دے کول آن لئی تیار نئیں سن۔ اُوہناں نے مسیح دے کول آن لئی بائبل وِچوں اِک اعتقاد نوں بدل چھڈیا سی! ایہو ای اے جیدی تلاوت تعلیم دیندی اے – تے ایہہ بِلا شُبہ اِک انتہائی اہم سبق اے!

’’تُسی کلامِ پاک دا بڑا گہرا مطالعہ کردے ہو کیوں جے تُسی سمجھدے ہو کہ اُوہدے وِچ تہانوں ہمیشہ دی حیاتی لبھے گی۔ ایہو ای کلامِ پاک میرے حق چہ گواہی دیندا اے۔ فیر وی تُسی حیاتی پان لئی میرے کول آن توں اِنکاری کردے اُو‘‘ (یوحنا5:39۔40)۔

تے ایہہ سانوں سینڈیمینی این اِزم دی بندے نوں معلون کر دین آلی غلطی وَل لے جاندی اے، اِک ایہو جئی غلطی جنہے ساڈے گرجا گھراں نوں ہزارہا غیرنجات یافتہ لوکاں نال بھر چھڈیا اے جیہڑے تصور کردے نے کہ اُو مسیحی نے، جدوں کہ، حقیقت وِچ، شیطان دے بچے نے، جیہڑے جہنم دے دائمی شعلیاں وَل ٹُرے جا رئے نے۔ سینڈیمینی اِزم کی اے؟ ایہہ اِک عقیدہ اے جیدی تعلیم سکاٹ لینڈ دے اِک گرجا گھر دے جان گلاس John Glas (1773-1695) نامی پادری نے پہلاں دِتی سی، تے فیر اُوہدے داماد رابرٹ سینڈیمین Robert Sandeman (1771-1718) توں اینوں شہرت ملی سی۔ اُہدی اہم تعلیم ایہہ سی – کہ تُسی بائبل مسیح دے بارے وِچ جو کہندی اے اُو اپنے ذہن دے نال قبول کرو،تے ایہو ای سب توں ضروری اے۔ بچائے جان لئی، تُسی بس یقین کرو جو بائبل مسیح دے بارے چہ کہندی اے۔ ایہہ واقعی وِچ بالکل اُوہی غلطی اے جیہو جئی اُو فریسی کردے سن جنہاں نے کہیا، ’’تُسی اُو اپنے ذہن دے نال قبول کردے اُو، تے ایہو ای اے جیہڑا ضروری اے… ایہہ سردمہری توں بذاتِ خود مذہبی حیاتی نوں گزارن وِچ احساسات دے کسی اظہار توں الگ نظر آندی اے۔ ہُن اِس معاملے دا بالکل ایہو ای روح رواں اے‘‘ (مارٹن لائیڈ جونز، ایم۔ڈی۔ Martyn Lloyd-Jones, M.D.، سینڈیمینی این اِزم Sandemanianism، پیوریٹنز: اُنہاں دی شروعات تے جانشین The Puritans: Their Origins and Successors وِچ، سچائی ٹرسٹ دے علمبردار The Banner of Truth Trust، اشاعت 1996، صفحہ175)۔

رابرٹ سینڈیمین نے کہیا کہ ہر کوئی جیہڑا مسیح دی موت تے مُردیاں وِچوں جی اُٹھن نوں سمجھدا اے، تے یقین کردا اے کہ اُو واقعات دراصل جیویں کہ بائبل وِچ درج کیتے گئے نے اُویں ای رونما ہوئے، بچایا جاندا اے (لائیڈ جونز Lloyd-Jones، ibid.، صفحہ 174)۔ اَج سادے گرجا گھراں وِچ سینڈیمینی این اِزم اِک بہت وڈی غلطی اے۔ ایہہ لکھاں لوکاں نوں جہنم واصل کر چکی اے۔ ایتھے اَج سویرے لوکی موجود نے جیہڑے اِسی موذی غلطی تے یقین کردے نے! ایس لئی، ایس واعظ تے خاصی توجہ دیو، کیوں جے ہو سکدا اے کہ تُسی اُوہناں وِچوں اِک ہوو!

’’تُسی کلامِ پاک دا بڑا گہرا مطالعہ کردے ہو کیوں جے تُسی سمجھدے ہو کہ اُوہدے وِچ تہانوں ہمیشہ دی حیاتی لبھے گی۔ ایہو ای کلامِ پاک میرے حق چہ گواہی دیندا اے۔ فیر وی تُسی حیاتی پان لئی میرے کول آن توں اِنکاری کردے اُو‘‘ (یوحنا5:39۔40)۔

اَسی ایس تلاوت توں دو اہم گلاں سیکھنے آں۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I۔ پہلی، بائبل وِچ اعتقاد تہانوں نئیں بچائے گا۔

اُو یہودی جنہاں نال مسیح مخاطب سی بائبل تے یقین کردے سن۔ لیکن اُو یسوع دے کول نئیں آئے۔ اَج سویرے ایتھے کُج لوکی موجود نے جیہڑے بائبل تے یقین کردے نے۔ تُسی ایتھوں تیکر کہ بائبل جو کُج یسوع دے بارے چہ کہندی اے اُوہدے تے یقین کردے ہو۔ تُسی یقین کردے اُو کہ اُو آسمان توں تھلے آیا۔ تُسی یقین کردے اُو کہ اُو اِک کنواری توں پیدا ہویا۔ تُسی یقین کردے اُو کہ اُوہنے ساڈے گناہ خود تے لد لئے۔ تُسی یقین کردے اُو کہ گتسمنی دے باغ وِچ تہاڈے گناہواں دے بوجھ تلے اُوہنے مصیبتاں برداشت کیتیاں، جیتھے اُوہدا پسینہ… لہو دی بونداں وانگوں زمین تے ٹپکن لگا‘‘ (لوقا22:44) تُسی یقین کردے اُو کہ اُوہدی کمر تے کوڑے لگائے گئے سی۔ تُسی یقین کردے اُو کہ اُوہدے کوڑے کھان لان گنہگار شفا پاندے نے۔ تُسی یقین کردے اُو کہ اُوہنوں صلیب تے کِیلاں نال ٹھوکیا گیا سی۔ تُسی یقین کردے اُو کہ اُوہنے اُوتھے ساڈے گناہواں نوں برداشت کیتا سی۔ تُسی یقین کردے اُو کہ اُس صلیب تے گناہ دا مکمل کفارہ ادا کرن لئی اُو مریا سی۔ تُسی یقین کردے اُو کہ اُو جسمانی طور تے مُردیاں وِچوں جی اُٹھیا سی۔ تُسی یقین کردے اُو کہ اُو واپس آسمان وِچ، خُدا باپ دے سجّے پاسے بیٹھن لئی چُکیا گیا سی۔ تُسی یقین کردے اُو کہ اُو گنہگاراں لئی دعا کر رہیا اے۔ تُسی یقین کردے اُو کہ مسیح نوں جی آیا ںوں کہن لئی ایمانداراں نوں بادلاں وِچ چُک لین دے موقعے تے خود اپنے لوکاں نوں لین لئی اُو دوبارہ آ رہیا اے۔ تُسی یقین کردے اُو کہ اُو زمین تے اِک ہزار وریاں تیکر حکومت کرن لئی بدلاں وِچوں دوبارہ واپس آ رہیا اے۔ تُسی ایتھوں تیکر یقین کردے اُو کہ کوئی وی یسوع دے کول آئے بغیر بچایا نئیں جا سکدا اے۔ لیکن، حالانکہ تُسی ایناں ساریاں گلاں تے یقین کردے اُو، ایس دے باوجود مسیح تہاڈے بارے وِچ کہندا اے،

’’فیر وی تُسی حیاتی پان لئی میرے کول آن توں اِنکار کردے اُو‘‘ (یوحنا5:40).

تُہاڈے وِچوں کُج پریشان نے۔ تُسی حیرت ذدہ ہو کہ بائبل وِچ اُوہناں ساریاں قیمتی سچائیاں تے یقین کرن دے باوجود تُسی کیویں نجات نئیں پا سکدے۔ تُسی ایس حقیقت نوں نئیں سمجھیا اے کہ کوئی وی کلام پاک تے یقین کرن توں نجات نئیں پاندا اے۔ پولوس رسول نے تیموتاؤس نوں کہیا،

’’تو بچپن توں اُن مقدس کتاباں توں واقف اے، جیہڑیاں تینوں مسیح یسوع تے ایمان لہیا کے نجات حاصل کرن دا عرفان بخشدیاں نے‘‘ (2۔ تیموتاؤس 3:15).

ایہہ اے جیتھے تہاڈے کولوں غلطی ہوندی اے۔ تُسی بائبل یسوع دے بارے وِچ جو کہندی اے اُس تے بغیر ’’ایمان دے جیہڑا یسوع مسیح بذاتِ خود وِچ اے‘‘ یقین کردے اُو۔ دوجیاں لفظاں چہ، تُسی اُوہناں یہودیاں وانگوں اُو جنہاں دے بارے چہ یسوع نے گل کیتی سی جدوں اُوہنے کہیا،

’’تُسی کلامِ پاک دا بڑا گہرا مطالعہ کردے ہو کیوں جے تُسی سمجھدے ہو کہ اُوہدے وِچ تہانوں ہمیشہ دی حیاتی لبھے گی۔ ایہو ای کلامِ پاک میرے حق چہ گواہی دیندا اے۔ فیر وی تُسی حیاتی پان لئی میرے کول آن توں اِنکاری کردے اُو‘‘ (یوحنا5:39۔40)۔

مینوں جیس قدر ممکن ہو سکدا اے دوبارہ تہانوں شدت دے نال کہنا چائیدا اے – بائبل وِچ اعتقاد تہانوں نئیں بچا سکدا جدوں تیکر کہ تُسی یسوع بذاتِ خود دے کول نئیں آ جاندے! خود تے اِک اختتام دے طور تے، محض بائبل وِچ اعتقاد، سینڈیمینی این اِزم دا مہلک عقیدہ اے!

ڈاکٹر اے۔ ڈبلیو۔ توزر Dr. A. W. Tozer نے ایدے خلاف مسلسل گل کیتی سی۔ اِک باب وِچ جیدا عنوان، ’’بائبل نے سیکھایا یا روح نے سیکھایا؟‘‘ ڈاکٹر توزر نے کہیا،

     ایہہ تجویز شاید کُج پڑھن آلیاں لئی دھچکا ہووے کہ بائبل توں سیکھایا گیا تے روح نال سیکھایا گیا دے درمیان فرق ہوندا اے۔ بہرحال ایہہ ایویں ای اے…
     ساڈے وِچوں بہتیرے لوکی ایہو جئے گرجا گھراں توں واقف نے جیہڑے اپنے بچیاں نوں بائبل دی تعلیم انتہائی کم عمری دے وریاں وِچ دیندے نے، اُوہناں نوں مذہبی سوال جواب [یا بائبل دی کلاس] وِچ لمبیاں لمبیاں ہدایتاں دیندے نے تے ایدے باوجود نا ای اُوہناں وِچ اِک جیوندی جاگدی مسیحیت کدی پیدا نئیں کر پاندے تے نا ای اِک زور آور دینداری پیدا کر پاندے نے۔ اُوہناں دے اراکین موت توں حیاتی وِچ داخل ہو جان دا کوئی ثبوت دکھا نئیں پاندے۔ نجات دیاں کوئی وی [نشانیاں] جنہاں دی نشاندہی کلام پاک وِچ ایس قدر سادگی نال کیتی گئی اے اُوہناں وِچ پائی نئیں جاندی اے۔ اُوہناں دیاں مذہبی حیاتیاں ٹھیک تے معقول طور تے اخلاقی نے، لیکن کُلی طور تے مشینی تے درخشانی وِچ کم ہوندیاں نے…
     اِس قسم دے بندیاں نوں منافقین دے طور تے چھڈیا نئیں جا سکدا اے۔ اُوہناں وِچوں بہتیرے لوکی تے ایس سب دے بارے چہ نفرت آمیز ترس نوں اُبھاردے نے۔ اُو صرف اَنّے لوکی نے۔ اشد ضروری روح دی قلت نال اُوہناں نوں ایمان دے بیرونی خول دے نال گزارا کرن لئی مجبور کیتا جاندا اے، جدوں کہ ایس سب دے دوران اُوہناں دے کھٹن دِل روحانی حقیقت لئی ترس رئے ہوندے نے تے اُو نئیں جانندے اُوہناں نال مسئلہ کی اے… یسوع مسیح آپئے او سچائی اے، تے اُوہنوں محض لفظاں وِچ قید نئیں کیتا جا سکدا… (اے۔ ڈبلیو۔ ٹوزر، ڈی۔ڈی۔ A. W. Tozer, D.D.، بائبل توں سیکھایا گیا یا روح نال سیکھایا گیا؟ Bible Taught or Spirit Taught?‘‘، راستبازی دی جڑ The Root of Righteousness، مسیحی اشاعت خانے Christian Publishers، اشاعت 1986، صفحات 35، 36، 37)۔

ڈاکٹر ٹوزر نے ایویں سینڈیمینی این اِزم دے جھوٹے عقیدے دا پردہ فاش کیتا۔ ڈاکٹر لائیڈ جونز نے کہیا کہ سینڈیمینی این اِزم ’’… ہم عصر موضوع اے۔ بلاشُبہ، میں ایدے توں اگے ودھاں گاں تے تجویز دواں گا کہ موجودہ دور وچ ایہہ ساڈے سمنے اہم مسائل وچوں اِک اے‘‘ (ibid.، صفحہ 177)۔

’’تُسی کلامِ پاک دا بڑا گہرا مطالعہ کردے ہو کیوں جے تُسی سمجھدے ہو کہ اُوہدے وِچ تہانوں ہمیشہ دی حیاتی لبھے گی۔ ایہو ای کلامِ پاک میرے حق چہ گواہی دیندا اے۔ فیر وی تُسی حیاتی پان لئی میرے کول آن توں اِنکاری کردے اُو‘‘ (یوحنا5:39۔40)۔

II۔ دوجی، تہانوں اپنی کاہلی توں باہر نکلنا چائیدا اے۔

کدی اُو پورا پیغام پڑھو جہیڑا مسیح نے یسوحنا دے پنجویں باب وچ اُوہناں بے اعتقاداں نوں دِتا سی۔ اُوہنے اُوہناں نوں کہیا،

’’تے پیو جِنے مینوں بھیجیا اے خُود اُوہنے ای میرے حق وچ گواہی دِتی اے۔ تُسی نہ تے کدی اُوہدی آواز سُنی اے نہ ای اُوہدی صورت ویکھی اے۔ نہ ای اُوہدا کلام تہاڈے دلاں وچ قائم رہندا اے۔ کیوں جے جِنوں پیو نے بھیجیا اے تُسی اُوہدا یقین نئیں کردے‘‘(یوحنا 37،38).

اُو شدت دے نال منادی سی۔ ایہہ اُوس قسم دی منادی سی جہیڑی ساڈے آباؤ اِجداد نے پہلی عظیم بیداری وچ سُنی سی۔ وائٹ فیلڈ Whitefield تے ایڈورڈز Edwards ویزلی Wesley، حوول ھیرس Howell Harris، تے اُوس دور دے دوجے عظیم مبلغین نے جڑ تے کہواڑی مار دِتی سی۔ تے رابرٹ سینڈیمین ایس لئی اُوہناں نال نفرت کردا سی! ڈاکٹر لائیڈ جونز نے کہیا،

اُو جہیڑے سینڈیمینی این نظریات دے حامی نے ہمیشہ پُرجوش، جذباتی منادی دی مخالفت کردے نے، تے کوئی وی منادی جہیڑی لوکاں نوں احساسات دلان دا تاثر رکھدی ہوئے گی … دی حقیقت کہ اُو گنہگار نے، تے شریعت دی دھشت، تے کہ اُوہناں نوں خدا دا سمنا کرنا سی، تے کہ اُوہناں نوں پاک ہونا ہوئے گا ایدے توں پہلاں کہ اُو اُوہدا سمنا کرن … کرسمس ایوانز Christmas Evans [اِ عظیم بپتسمہ دین آلے مبشر انجیل] نے واضح کیتا کہ کیویں [سینڈیمینی اینز] ہمیشہ ’ پُر جوش منادی‘ دی مخالفت کردے سن۔ اُو اُوہنوں پسند نئیں کردے سن۔ تُسی ویکھیا [اُوہناں سینڈیمنی اینز نے کہیا] تہانوں صرف ثبوت پیش کرنا سی … (ibid.، صفحہ 185)۔

رابرٹ سینڈیمین تے اُوہدے پیروکار واقعی چہ وائٹ فیلڈ، ویزلی، حوول ھیرس، ڈینئیل رولینڈ، کرسمس ایوانز تے دوجے روح توں سرشار لوکاں دی منادی نال نفرت کردے سن جنہاں نے پہلی عظیم بیداری وچ اپنی پیشانیاں تے ہمیشہ دی حیاتی دی مہر دے نال منادی کیتی سی۔

اِک سینڈیمینی این پادری یقین کردا اے کہ اُو لوکاں نوں بچائے جان لئی ’’تعلیم‘‘ دے سکدا اے۔ ایس قسم دا پادری ایہہ نئیں سوچدا کہ ایتھے گناہ تے شریعت تے کسی ’’سخت‘‘ تبلیغ دی ضرورت ہوندی اے۔ ایس قسم دے لوکی سخت ’’شرعی‘‘ منادی دا سوچدے نے جہیڑی غیر ضروری طور تے صرف لوکاں نوں پریشان کردی اے۔ اِک پادری نے مینوں اُو دسیا سی، تے میں اُوہنوں پچھیا، ’’کی تُسی اِک بکری نوں بھیڑ بنن دی ’تعلیم‘ دے سکدے اُو؟‘‘ ایہہ اُوہدے لئی اِک نوی سوچ سی۔ اُوہنے فرش دے ول ویکھیا تے مینوں جواب نئیں دِتا۔ لیکن ایہہ اِک اچھا سوال سی۔ ’’کی تُسی اِک بکری نوں بھیڑ بنن دی ’تعلیم‘ دے سکدے اُو؟‘‘ منادی وچ پنجا وریاں دے بعد میں اُوس سوال دا جواب اِک گونج دار ’’نئیں!!!‘‘ دے نال دِتا۔ تُسی انجیل دی ’’تعلیم‘‘ دے سکدے اُو جدوں تیکر کہ تہاڈا چہرہ نیلا نئیں پڑ جانندا تے بکری بکری ای رئے گی۔ اِک بکری نوں بھیڑ بنن لئی اِک معجزے دی ضرورت ہوندی اے! تے مسیح وچ تبدیلی دے معجزے نوں عموماً روح نال سرشار شریعت آلی منادی دی ہمراہی چائیدی ہوندی اےگناہ تے فیصلے تے، تے مسیح دے بغیر نااُمیدی تے! ڈاکٹر لائیڈ جونز نے، سینڈیمینی این اِزم تے گل کردے ہویاں، کہیا، تُسی مشینی منادی کر سکدے اُو، تُسی سردمہری نال منادی کر سکدے اُو، تُسی میکینکی نال دعا منگ سکدے اُو، تُسی سردمہری نال دعا منگ سکدے اُو۔ کرسمس ایوانز تے ایس تعلیم دا اثر ایہہ ہویا سی کہ اُوہدے توں گرمجوشی تے احساسات، تے اُو فوری ضرورت جِنوں اُو جانندا سی کھو لئے گئے سن، تے ایس ہولناک سردمہری نوں ایدے وچ متعارف کروان نال اُو لُٹ گیا سی‘‘(لائیڈ جونز، Lloyd-Jones، ibid.، صفحات 186۔187)۔

کُج عرصہ پہلاں اِک پادری نے جہیڑا کدی چیختا تے کدی روندا نئیں سی جدوں اُو دعا کردا یا واعظ دیندا کردا سی مسٹر لی Mr. Lee نوں بہت زیادہ اُچی آواز وچ دعا کرن تے ملامت کیتی۔ مسئلہ مسٹر لی دے نال نئیں سی، بلکہ پادری دے نال جہیڑا، صدر تھیوڈور روزویلٹ دا حوالہ دئے تے، ’’اُوہناں سرد تے بزدل لوکاں دی وانگوں جہیڑے نہ فتح تے شکست نوں جانندے نے‘‘ منادی کردا تے دعا کردا اے۔ میں مسٹر لی نوں اُوس پادری تے توجہ نہ دین لئی کہیا کیوں جے اُو واضح طور تے مخلص، ٹوٹے دِل دی، درد و کرب توں لبریز دعا دے بارے وچ بہت کھٹ جانندا اے۔ اُوہنوں جے کُج معلوم اے تے اُو سرد، بے جان سینڈیمینی این دعا اے جہیڑی اُوہنے ساڈے وقتاں وچ بپتسمہ دین آلے گھراں وچ سُنی اے۔ بیچارہ! اُوہنے کدی حیاتِ نو نوں نئیں ویکھیا! کیس قدر بے جان تے افسوسناک!

’’جی ہاں،‘‘ تُسی کہندے اُو، ’’ایہہ تے چنگا اے! مسٹر لی اپنی دعا تمام دِل دے نال کردے نے۔ ایہہ چنگا اے! لیکن کی میں تہانوں اِک سوال پُچھ سکدا آں؟ کی تُسی مسیح نوں لبن لئی اپنا تمام دل لگاندے اُو؟ یا کی تُسی مسیح لئی اپنی تلاش وچ اینے ای سرد تے بے جان اُو جِنا کہ اُو آدمی اپنیاں دعاواں وچ اے؟ میں کہندا واں تُسی بالکل وی مسٹر لی آلی سائیڈ تے نئیں اُو! میں کہندا واں کہ تُسی اِک سینڈیمینی این پادری وانگوں اُوسے ای سائیڈ تے اُو! تُسی سینڈیمینی این سائیڈ تے اُو۔ مسیح لئی تہاڈی تلاش جذبہ شوق نال سرشار تے جوشیلی نئیں اے۔ تُسی مسیح لئی اپنی تلاش وچ پُرخلوص تے جذباتی طور تے ملوث نئیں اُو، کی تُسی اُو؟ میں تہاڈیاں اکھاں وچ کوئی آنسو نئیں ویکھدا آں جدوں تُسی مُردہ دِلی نال پاؤں کسیٹ کسیٹ کے تفتیشی کمرے وچ جاندے اُو۔ میں کہندا آں تُسی اینے ای سرد تے بزدل اُو جِنا کہ اِک پادری جہیڑا منادی وچ یا دعا وچ اپنی آواز نوں اُچی کرن نال بہت زیادہ خوفزدہ ہوندا اے – کیوں جے اُو اپنے گرجہ گھر وچ کسی ’’اہم‘‘ عورت توں خوفزدہ ہوندا اے! ’’جی ہاں،‘‘ تُسی کہندے اُو، ’’ایس قسم دا اِک آدمی اپنے گرجہ گھر وچ چند عورتاں توں خوفزدہ ہوندا اے!‘‘ ٹھیک اے، تُسی کیدے توں خوفزدہ اُو؟ کیوں نئیں اسی کدی تہاڈے توں اِک شدید رونا یا اِک شدید دعا سُندے آں؟ کیوں جے تُسی خود اپنے آپ وچ اِک سینڈیمینی این اُو، ایس لئی! تُسی خود اپنے آپ وچ اِک سرد، بے جان سینڈیمینی این اُو!

تُسی آرام نال تفتیشی کمرے وچ آندے اُو تے کہندے اُو، ’’میں پرہوسا کردا آں کہ یسوع میرے لئی مریا سی۔‘‘ تُسی پرہوسا کردے اُو کہ اُو تہاڈے لئی مریا سی! تُسی کیس قدر پُر تکلف تے شائستہ اُو! تُسی کدی وی نڈر نئیں ہوندے تے کہندے، ’’اُو میرے لئی مریا سی۔‘‘ اوہ، جی نئیں! ’’میں پرہوسا کردا آں کہ اُو میرے لئی مریا سی۔ اِک عقیدہ! اِک عقیدہ! ’’کہ‘‘ اُو میرے لئی مریا سی! تُسی اِک عقیدے تے پرہوسا کردے اُو – تے خود مسیح تے پرہوسا نئیں کردے اُو! تُسی دقیانوسی سینڈیمینی این! تُسی نرم گفتار، ناکارہ سینڈیمینی این! تُسی شیطانی اندھے سینڈیمینی این! تُسی یسوع بذات خود تے پرہوسا نئیں کرو گے! اوہ، جی نئیں! تُسی اُوہدے لئی انتہائی محتاط اُو! یسوع خود تے پرہوسا کرنا! اوہ، جی نئیں! ایہہ تے انتہائی بے ترتیب، گندہ ہوئے گا۔ تُسی شاید روو تے ہچکچاؤو! تُسی شاید اُوہدا کُج لہو اپنے کپڑیاں تے پا لؤو! تُسی کہندے اُو، ’’تُسی میتوں ایہہ توقع نئیں رکھ سکدے کہ میں اُوہدے اینا نزدیک ہو جاواں! میں ایتھے نہایت خوبی نال صاف ستھرا کھڑا ہو جاواں گا، تے ’پرہوسا کراں گا کہ اُو میرے لئی مریا سی!‘ یا ’میں‘ اُوہدے تے اپنے گناہواں نوں دھو ڈالن لئی پروسا کراں گا۔‘‘ کی تُسی مسیح بذاتِ خود تے پرہوسا کرو گے؟ ’’اوہ، اُو کج تھوڑا زیادہ ای بنیادی ہو گیا! ایہہ شاید مینوں رُلا دئے۔ جی نئیں، میں براہ راست اُوہدے کول نئیں آواں گا۔ میں ایتھے خاموشی نال کھڑا رہواں گا تے میرے گناہواں نوں دھون لئی صرف اُوہدے تے پرہوسا کراں گا۔ مینوں اُمید اے کہ تُسی سمجھ سکدے اُو۔‘‘

جی ہاں، میں سمجھ سکنا آں۔ میں سمجھ سکنا آں کہ تُسی ناکارہ اُو، سینڈیمینی این ’’میرے ہتھاں نوں پراگندہ مت کرو۔‘‘ ’’لیکن،‘‘ تُسی کہندے اُو، ’’ایہہ سمجھنا ایس قدر مشکل اے!‘‘ جی نئیں ایہہ نئیں اے !!! ساڈے کول بچے نے جہیڑے ایتھے کُج ای عرصے لئی رئے نے جہیڑے مسیح دے کول آئے تے جنہاں نے نجات پائی۔ ساڈے کول بچے نے جنہاں نے مسیح بذاتِ خود تے پرہوسا کیتا تے نجات پا گئے، جہیڑے کہ ایتھے کُج دیر لئی ای سن۔ جِن تے رابرٹ Jin and Robert تے بیری تے جیکی Barry and Jackie سب نے پُر اُمید طور تے حال ای چہ مسیح تے پرہوسا کیتا۔ ایس لئی تہاڈے کول کئی بہانہ نئیں اے! جان بجھ کے یا مرضی دے نال یسوع مسیح بذات خود تے پرہوسا کرن نوں مسترد کرن لئی کوئی عذر نئیں اے۔ تے یسوع جانندا اے کہ تُسی کیس قدر گلے سڑے، باغی گنہگار اُو، کہ تُسی خُدا دے پیارے پُتر دے کول آن توں انکاری کردے اُو۔ تے ایس لئی اُو کہندا اے،

’’فیر وی تُسی حیاتی پان لئی میرے کول آن توں اِنکار کردے اُو‘‘ (یوحنا 5:40).

پیوریٹن پادری رچرڈ بیکسٹر Richard Baxter (1615۔1695) نے کہیا، تے میں جدید انگریزی وچ اُوہناں دی توضیح کر رہیا آں،

جے تُسی مسیح نوں جانن لئی ایس قدر مشتاق اُو جِنے کے تُسی چنگا درجہ پان لئی اُو، یا زیادہ دولت کمان لئی اُو، تے تُسی کوئی قیمت یا تکلیف نئیں چھڈی ہوئے گی جدوں تیکر کہ مسیح نوں پا نئیں لہیا۔

ہُن، کی ایہہ سچ نئیں اے؟ کی ایہہ سچ نئیں اے کہ تُہاڈے کول مسیح نئیں کیوں جے تُسی ادھر اُودھر کسی خوفزدہ، کمزور چھوٹے جئے سینڈیمینی این دی وانگوں رینگدے پھر رئے اُو؟ تے کی ایہہ سچ نئیں اے کہ تہاڈے کول مسیح نئیں اے دی اصلی وجہ اے کیوں جے تُسی اُوہنوں چاہندے اُو نئیں اُو؟ تُسی اپنے گناہ نوں رکھنا چاہندے اُو۔ تُسی کھوئے ہوئے دوستاں نوں چھڈناں نئیں چاہندے اُو۔ تُسی فحش فلماں نوں ویکھنا جاری رکھنا چاہندے اُو۔ تُسی خود اپنی حیاتی نوں چلاندے رہنا چاہندے اُو۔ تُسی نئیں چاہندے کہ مسیح تہاڈی حیاتی تے قابو کرے! کی ایہہ درست نئیں اے؟ تُسی سینڈیمینی این مسیح دے بارے وچ کہندے اُو، ’’اسی ایس بندے نوں اپنے تے حکومت نئیں کرن دیاں گے‘‘ (لوقا 19:14). تُسی دکھاوا کردے اُو کہ تُسی اُوہدے تے پرہوسا نئیں کر سکدے اُو – لیکن سچائی ایہہ اے کہ تہاڈے تے پرہوسا کرن نوں مسترد کردے اُو، کیوں جے تُسی اپنے گناہ وچ خود نوں رکھنا چاہندے اُو!

تُسی جانندے اُو کہ ایہہ سچ اے۔ میں جانندا آں کہ ایہہ سچ اے۔ خُدا جانندا اے کہ ایہہ سچ اے۔ تے فیر کیوں ایہہ دکھاوا کردے رئیے ایہہ سچ نئیں اے؟ اینوں قبول کرو – تُسی یسوع تے ایس لئی پرہوسا نئیں کردے کیونکہ تُسی نئیں چاہندے کہ اُو تہاڈی حیاتی نوں قابو چہ کرے۔ ہُن کی ایہہ سچائی نئیں اے ؟ ساڈی تلاوت چہ موجود فریسی اُوہدے کول نئیں آئے کیوں جے اُو نئیں چاہندے کہ یسوع اُوہناں دیاں حیاتیاں نوں تبدیل کرے۔ تے تُسی اُوہدے کول نئیں آندے کیوں جے تُسی نئیں چاہندے کہ اُو تہاڈی حیاتی نوں تبدیل کرے۔ تُسی گناہ وچ حیاتی گزارن نال مطمئن اُو۔ تے جے تُسی یسوع مسیح نوں مسترد کرنا جاری رکھدے اُو، تے تُسی اپنے گناہواں وچ ای مر جاؤو گے۔ اُو فریسی اپنے گناہواں ای چہ مر گئے سن، تے تُسی اپنے گناہواں وچ مر جاؤو گے۔ تے ایہہ ای کُل سچائی اے! تُسی اپنے گناہواں وچ مر جاؤو گے – اِک کھوئے ہوئے سینڈیمینی این۔ تُسی اپنے گناہواں وچ مر جاؤو گے! تے یسوع تہانوں کہندا اے، ’’فیر وی تُسی زندگی پان لئی میرے کول آن توں اِنکار کردے اُو۔‘‘

میں تہانوں انج دی کوئی وی گل دسن دے قابل نئیں آں جہیڑی تُسی پہلاں ای توں ایس واعظ وچ سُن نئیں چکے اُو۔ میں تہانوں صرف ایہہ کہہ سکدا آں کہ یسوع اپنے لہو نال تہانوں تمام گناہواں توں پاک صاف کرے گا جدوں تُسی اُوہدے پرہوسا کردے اُو، جدوں تُسی اُوہدے کول آندے اُو تے خود نوں اُوہدے اختیار چہ کردے اُو! جے تُسے اُوہدے بارے چہ ساڈے نال گل بات کرنا چاہندے اُو تے ہُنے اجتماع گاہ دی پچھلی جانب چلے جاؤو۔ ڈاکٹر کیگن Dr. Cagan تہانوں تفتیشی کمرے تیکر لے جان گے۔ ڈاکٹر چیعن Dr. Chan، مہربانی نال اُوہناں لئی دعا کرو جنہاں نے رد عمل دا اظہار کیتا۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت مسٹر جیک نعان Mr. Jack Ngann نے گایا سی:
’’مسیح دے زخم کُھلے نے The Wounds of Christ Are Open‘‘
(شاعر ایوینجلین بوتھ Evangeline Booth، 1865۔1950)۔


لُبِ لُباب

سینڈیمینی این اِزم

SANDEMANIANISM

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

’’تُسی کلامِ پاک دا بڑا گہرا مطالعہ کردے ہو کیوں جے تُسی سمجھدے ہو کہ اُوہدے وِچ تہانوں ہمیشہ دی حیاتی لبھے گی۔ ایہو ای کلامِ پاک میرے حق چہ گواہی دیندا اے۔ فیر وی تُسی حیاتی پان لئی میرے کول آن توں اِنکاری کردے اُو‘‘ (یوحنا5:39۔40)۔

I۔    پہلی، بائبل وِچ اعتقاد تہانوں نئیں بچائے گا، لوقا22:44؛ 2۔تیموتاؤس3:15 .

II۔   دوجی، تہانوں اپنی کاہلی توں باہر نکلنا چائیدا اے، یوحنا5:37، 38؛ لوقا19:14 .