Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 41 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




مسیح کیویں اپنی زمینی بادشاہت قائم کرے گا

HOW CHRIST WILL SET UP HIS EARTHLY KINGDOM
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ تبلیغی واعظ
خُداوند دے دِن دی شام، 13 جنوری، 2019
A sermon preached at the Baptist Tabernacle of Los Angeles
Lord’s Day Evening, January 13, 2019

’’تے اُوس دِن اُو کوہِ زیتون تے جیہڑا یروشلم دے مشرق چہ اے کِھلوتا ہووے گا تے اُو کوہِ زیتون وِچکار توں دو حصیاں چہ پھٹ جاوے گا تے مشرق تو مغرب تیکر اِک وڈی وادی ہو جائے گی کیوں جے اَدھا پہاڑ شمال وَل سرک جائے گا تے اَدھا پہاڑ جنوب وَل سِرک جائے گا۔ تُسی میرے پہاڑ دی وادی توں نٹھو گے کیوں جے ایہہ آضل تیکر ودھ جائے گی۔ جیویں تُسی شاہِ یہوداہ عزیاہ دے عہد چہ زلزلے توں نٹھے سو۔ فیر خُداوند میرا خُدا آوے گا تے تمام مقدس لوکی اُوس دے نال ہون گے… تے خُداوند ساری دُنیا دا بادشاہ ہووے گا۔ تے اُوس روز اِک ای خُداوند ہووے گا تے اُوس دا ناں واحد ہووے گا‘‘ (زکریاہ14:4۔5، 9)۔


دُنیا چہ تقریباً ہر کوئی مسیح دی پہلی آمد دے بارے چہ سُن چکیا اے، جینوں خُداوند نے کنواری مریم دے رحم توں پیدا کیتا، جیہڑا بیت اللحم وِچ اِک اصطبل چہ پیدا ہویا، جی ہاں، تُسی ساری مسیح دی پہلی آمد دے بارے چہ سُن چکے اُو۔ تے ایدے باوجود اُوس دی دوجی آمد نال تعلق رکھدے ہوئے بائبل وِچ اُوس دی پہلی آمد دے مقابلے وِچ حوالے اِک دے مقابلے چہ اَٹھ نے۔ ڈاکٹر ڈیوڈ یرمیاہ Dr. David Jeremiah نے کہیا،

دوجی آمد نال تعلق رکھدے ہویاں عالمین 1,845 بائبل دے حوالے شمار کردے نے جِنہاں وِچ 318 نئے عہد نامے دے وی شامل نے۔ اُوہدی واپسی دے بارے چہ پرانے عہدنامے چہ سترہ توں زائد کتاباں وِچ تے نئے عہدنامے چہ ہر دس وِچوں ست باباں وِچ اُوس [مسیح] دی واپسی تے زور دِتا گیا اے۔ آپئے [مسیح] نے اپنی واپسی لئی اکیس وری حوالہ دِتا۔ ایمان لئی نئے عہدنامے وِچ سب توں زیادہ نمایاں ترین حیثیت نال دوجا موضوع صرف دوجی آمد ای اے (ڈیوڈ یرمیاہ، ڈی۔ڈی۔ David Jeremiah, D.D.، دُنیا وِچ ہو کی رہیا اے؟ What in the World is Going On?، تھامس نیلسن پبلیشرز، 2008، صفحہ 217)۔

مسیح دی دوجی آمد توں تعلق رکھدے ہویاں کلامِ پاک دے واضح ترین حوالیاں وِچوں اِک ساڈی تلاوت زکریاہ 14:4۔5، 9 آیت اے۔ ایس تلاوت توں اَسی تین عظیم سبق سیکھنے آں۔

I۔ پہلی گل، مسیح کوہِ زیتون تے دوبارہ واپس لوٹے گا۔

میں قائل ہو چکیا واں کہ سیکوفیلڈ Scofield دی غور طلب گل بجا طور تے بالکل سچی اے۔

زکریاہ 14 باب تمام معاملے دا خُلاصہ اے۔ [واقعات دی] ترتیب اے: (1) قوموں دا اِکٹھا ہونا، آیت 2 (دیکھیں ’’معرکہ خیروشر Armageddon،‘‘ مکاشفہ16:14؛ 19:11، غور طلب گل)؛ (2) چُھٹکارہ آیت 3؛ (3) کوہِ زیتون تے مسیح دی واپسی، تے منظر دی جسمانی تبدیلی، آیات 4۔8؛ (4) بادشاہت دا قائم ہونا تے مکمل زمینی برکات، آیات 9۔21 (سیکوفیلڈ دا مطالعۂ بائبل The Scofield Study Bible، 1917 ایڈیشن، صفحہ 978؛ زکریاہ 13:8 پر غور طلب بات)۔

غیریہود دُنیاوی طاقتاں، جنہاں دی قیادت دشمنِ مسیح [دجال] کرے گا، مجدّون دی وادی وِچ جیہڑا معرکہ خیروشر Armageddon دے طور تے جانیا جاندا اے اُوتھے اسرائیل دے خلاف اپنی فوجاں پیجے گا۔ دشمنِ مسیح [دجال] دیاں فوجاں یروشلم پہنچن گیاں، لیکن مسیح اچانک آسمان توں واپس لوٹے گا تے اُوہناں نوں فتح کرے گا۔ مہربانی نال کھڑے ہو جاؤ تے زکریاہ 14:3۔4 آیت پڑھو۔

’’فیر خُداوند نکلے گا تے اُوہناں قوماں نال لڑے گا جیویں کہ اُو جنگ دے دِن کردا اے۔ تے اُوس دِن اُو کوہِ زیتون تے جیہڑا یروشلم دے مشرق چہ اے کِھلوتا ہووے گا تے اُو کوہِ زیتون وِچکار توں دو حصیاں چہ پھٹ جاوے گا تے مشرق تو مغرب تیکر اِک وڈی وادی ہو جائے گی کیوں جے اَدھا پہاڑ شمال وَل سرک جائے گا تے اَدھا پہاڑ جنوب وَل سِرک جائے گا‘‘ (زکریاہ14:3۔4)۔

تُسی تشریف رکھ سکدے اُو۔

اُس دِن اُو کوہِ زیتون تے کھڑا ہووے گا‘‘ (زکریاہ14:4)۔ کوہِ زیتون یروشلم دے محض مشرق چہ اے۔ ایہہ اُوہی کوہِ زیتون اے جیتھے یسوع رات نوں دعا منگن گیا سی جدوں اُوہنوں گرفتار کیتا گیا سی۔ ایہہ اُوہی کوہِ زیتون اے جیدروں یسوع واپس آسمان چہ اُوتے ٹر گیا سی، جیویں کہ اعمال1:9۔12 وِچ درج اے۔

’’فیر ایناں گلاں دے بعد اُو اُوہناں دے ویکھدے ویکھدے اُوٹے چُک لہیا گیا تے بدلی نے اُوہنوں اُوہناں دی نظراں توں لُکا لہیا۔ جدوں اُو ٹکٹکی بنے اُوہنوں آسمان وَل جاندیاں ہویاں ویکھ رئے سن۔ تے ویکھو دو مرد سفید لباس وِچ اُوہناں دے کول آ کھلوئے تے کہن لگے، اے گلیلی بندیو! تُسی کھلوتے کھلوتے آسمان وَل کیوں ویکھ رئے ہو؟ ایہو یسوع جیہڑا تہاڈے کولوں آسمان تے چُکیا گیا اے ایویں ای فیر آئے گا جیویں تُسی لوکاں نے اینوں آسمان تے جاندیاں ہویاں ویکھیا اے۔ فیر اُو زیتون کہلائے جان آلے پہاڑ توں یروشلم واپس لوٹ گئے جیہڑا یروشلم توں سب دے اِک دِن [تقریباً اَدھے میل] دی مسافت تے اے‘‘ (اعمال1:9۔12)۔

’’اُس دِن اُو کوہِ زیتون تے کھڑا ہووے گا‘‘ (زکریاہ14:4)۔ اُوہی پیر جنہاں نوں صلیب تے کیلاں نال چھیدیا گیا سی اُوسی پہاڑ تے واپس اُترن گے جیدروں اعمال دی کتاب 1:9 وِچ اُو واپس آسمان وِچ اُتے چُکیا گیا سی۔

’’ فیر کوہِ زیتون وِچکار توں دو حصیاں چہ پھٹ جاوے گا تے مشرق تو مغرب تیکر اِک وڈی وادی ہو جائے گی کیوں جے اَدھا پہاڑ شمال وَل سرک جائے گا تے اَدھا پہاڑ جنوب وَل سِرک جائے گا‘‘ (زکریاہ14:4)۔ ڈاکٹر میگی Dr. McGee نے کہیا،

بہت وڈی وڈی مادی تبدیلیاں جیہڑیاں رونما ہوئیاں نے اُوہناں دا ایتھے تزکرہ کیتا گیا اے۔ اِک بہت وڈا زلزلہ آئے گا، تے کوہِ زیتون وِچکار توں دو حصیاں وِچ پھٹ جائے گا۔ اَدھا شمال وَل تے اَدھا جنوب وَل سرک جائے گا۔ ’’تے اُوتھے اِک بہت وڈی وادی ہو جائے گی‘‘ (جے ورنن میگی، ٹی ایچ۔ ڈی۔ J. Vernon McGee, Th.D.، بائبل وِچوں Thru the Bible، تھامس نیلسن پبلیشرز، 1982، جلد سوئم، صفحہ 986)۔

لہٰذا، وہ پہلی تفصیل اے – مسیح آسمان توں کوہِ زیتون تے واپس آئے گا۔

II۔ دوجی گل، مسیح اپنے تمام مقدسین دے نال واپس لوٹے گا۔

پنجویں آیت دے آخیر تے نظر پاؤ۔

’’فیر خُداوند میرا خُدا آئے گا تے تمام مقدس لوکی اُوہدے نال ہوں گے‘‘ (زکریاہ14:5)۔

اِس دا مطلب اے کہ ایس توں پہلاں ریپچر [آسمان وِچ یسوع دی دوجی آمد تے بادلاں وِچ اُوہدے استقبال لئی چُکے گئے لوکی] وِچ چکے گئے مسیحی آسمان توں مسیح دے مگر مگر کوہِ زیتون تے نازل ہوں گے۔ ایس واقعے دی پہلی پیشن گوئی حنوک نبی دے ذریعے نال کیتی گئی سی۔

’’تے حںوک نے وی جیہڑا آدم توں ساتویں پُشت توں سی، ایناں دے بارے چہ پیشن گوئی کیتی سی کہ ویکھو! خُداوند اپنے لکھاں مقدساں نال آندا اے‘‘ (یہوداہ 14)۔

تے یوحنا رسول نے اہدے بارے چہ مکاشفہ 19:14 چہ دَسیا اے، ’تے اُو فوجاں جیہڑیاں آسمان وِچ سن اُوہدے پیچھے آئیاں،‘‘ جدوں اُو دشمنِ مسیح [دجال] دی فوج نوں تباہ کرن لئی کوہِ زیتون تے تھلے آئے گا۔ ڈاکٹر یرمیاہ Dr. Jeremiah نے کہیا،

آسمان دیاں اُو فوجاں جیہڑیاں مسیح دے نال اُس دی دوجی آمد تے آن گیاں اُو مقدسین تے فرشتیاں تے مشتمل ہون گیاں – تُسی تے میرے وگرے لوکی انتہائی شدید قوت آلے آسمانی لوکاں دے نال پہلو بہ پہلو کھلوتے ہون گے… اُو لڑائی نئیں لڑں گے۔ یسوع آپئے ای باغیاں نوں ختم کر دے گا (ڈیوڈ یرمیاہDavid Jeremiah ، ibid.، صفحہ 224)۔

’’فیر خُداوند میرا خُدا آئے گا تے تمام مقدس لوکی اُوہدے نال ہوں گے‘‘ (زکریاہ14:5)۔

ڈاکٹر میگی نے کہیا،

ایہہ کلام پاک دی انتہائی دلچسپ حوالہ اے۔ ایہہ خُداوند یسوع مسیح دی زمین تے واپسی دی اِک تصویر اے۔ اَسی اینوں مکاشفہ 19 با وِچ وی ویکھنے آں جیتھے سانوں دَسیا گیا اے کہ آسمان دیاں فوجاں اُوس دی پیروی کرن گیاں (جے ورنن میگی J. Vernon McGee، ibid.)۔

زکریاہ دی پیشن گوئی وِچ ایہہ دوجی بہت وڈی یا اہم تفصیل اے – مسیح اپنے تمام مقدسین دے نال دشمنِ مسیح [دجال] دی فوجاں نوں فتح کرن لئی واپس آئے گا۔ تمام زمانیاں دے، مسیح وِچ ایمان لہیا کے تبدیل ہوئے سچے لوکی اُوس ویلے زمین تے مسیح دے نال واپس لوٹن گے۔

لاکھاں وری ہزارہاں لکھاں
   چمکدار نورانی پوشاکاں وِچ،
بخشے ہوئے مقدسین دیاں فوجاں
   نور دی چڑھائی کردی ہوئی؛
ایہہ ختم ہو چکیا اے، سب کُج ختم ہو چکیا اے،
   اُوناں دی موت تے گناہ دے نال جنگ؛
سُنہرے پھاٹک پورے طور تے کھول دِتے گئے نے،
   تے فاتح لوکاں نوں اندر وڑن دے رئے نے۔
(’’لکھاں وری ہزارہاں لکھاں Ten Thousand Times Ten Thousand‘‘ شاعر ھنری الفورڈ Henry Alford، 1810۔1871)۔

جان سینک John Cennick تے چارلس ویزلی نے لکھیا،

ویکھو! اُو تھلے آندے بدلاں نال آندا اے،
   کدی ساڈی نجات دے لئی قتل کیتا گیا؛
ہزارہا، ہزاروں مقدسین حاضر ہو رئے نے،
   اُہدے کارواں دی فتح نوں لبریز کر رئے نے؛
ھیلیلویاہ! ھیلیلویاہ!
   خُداوند زمین تے حکمرانی لئی نظر آندا اے۔
(’’ویکھو! اُو آندا اےLo! He Comes ‘‘ شاعر جان سینک John Cennick، 1718۔1755؛
      چارلس ویزلیCharles Wesley، 1707۔1788 وَلّوں ترمیم کیتا گیا)۔

III۔ تیجی گل، مسیح اپنی زمینی بادشاہت قائم کرن لئی واپس لوٹے گا۔

مہربانی نال کِھلو جاؤ تے زکریاہ 14:9 نوں اُوچی آواز چہ پڑھو۔

’’تے خُداوند ساری دُنیا دا بادشاہ ہووے گا۔ تے اُوس روز اِک ای خُداوند ہووے گا تے اُوس دا ناں واحد ہووے گا‘‘ (زکریاہ 14:9)۔

تُسی تشریف رکھ سکدے اُو۔ اُس دِن مسیح ساری دُنیا دا بادشاہ ہووے گا۔ آخیر کار، اُو دعا جیہڑی مسیحیاں نے دو ہزار وریاں تیکر منگی سی اُہدا جواب مل جائے گا،

’’تیری بادشاہی آئے۔ تیری مرضی جیویں آسمان تے پوری ہوندی اے زمین تے وی ہو‘‘ (متی6:10)۔

’’تے اُوہدی زمینی بادشاہی اِک ہزار سالاں تیکر رہوے گی۔ مہربانی نال مکاشفہ 20 باب آیات4 تا 6 تیکر کھولو۔ اُن آیات نوں با آوازِ بُلند پڑھو۔

’’تے فیر میں تخت ویکھے جنہاں تے اُو لوکی بیٹھے ہوئے سن جنہاں نوں انصاف کرن دا اختیار دِتا گیا سی۔ تے میں ایناں لوکاں دیاں روحاں ویکھیاں جنہاں دے سر یسوع دی گواہی دین لئی تے خُدا دے کلام دی وجہ توں کٹ دِتے گئے سن۔ اُوناں لوکاں نے نہ تے حیوان نوں تے نہ اُہدی مورت نوں سجدہ کیتا سی، نہ اپنی پیشانی یا ہتھاں تے اُوہدا نشان لگوایا سی۔ اُو زندہ ہو گئے تے اِک ہزار ورے تیکر مسیح دے نال بادشاہی کردے رئے۔ تے باقی مُردے اِک ہزار ورے پورے ہون تیکر زندہ نہ ہوئے۔ ایہہ پہلی قیامت اے۔ مبارک تے مقدس نے اُو لوکی جیہڑے پہلی قیامت وِچ شریک نے۔ اُوہناں تے دوجی موت دا کوئی اختیار نئیں بلکہ اُو خُدا تے مسیح دے کاہن ہون گے تے ہزار وریاں تیکر اُوہدے نال بادشاہی کردے رہن گے‘‘ (مکاشفہ20:4۔6)۔

یہوواہ دی گواہی دین آلے فرقے دے لوکی 1,000 وریاں دی بادشاہی وِچ یقین رکھدے نے۔ لیکن اُو لوکی نئیں جانندے خود توں ایدے وِچ کیویں داخل ہویا جائے! میرے کول میرے آفس وِچ یہوواہ دی گواہی دین آلے فرقے دا ’’ساریاں مصیبتاں چھیتی ختم ہون گیاں‘‘ دے عنوان توں اِک کتابچہ اے! کتابچے دے آخیر وِچ ایدے تے لکھیا ہویا اے، ’’جدوں خاتمہ ہووے گا تے کون بچے گا؟… اُو جنہاں نے یہوواہ دی مرضی نوں سیکھیا تے اُوہنوں کیتا‘‘ (’’تمام مصیبتاں جلد ختم ہون گیاں! All Suffering Soon to End!،‘‘ ٹاور بائبل Tower Bible نوں تے پینسلاوینیا دی کتابچیاں دی سوسائٹیTract Society of Pennsylvania نوں ویکھو، 2005، صفحہ 6)۔ لہٰذا، یہوواہ دی گواہی دین آلے فرقے دے لوکی تعلیم دیندے نے کہ بادشاہت وِچ داخل ہون دی راہ خُدا دی سچائی نوں ’’سیکھنا‘‘ ’’تے اینوں کرنا‘‘ اے۔ ایہہ اِک بہت وڈی غلطی اے۔ ایہہ اعمال دے وسیلے نال نجات پان دی غلطی اے – کُج وی ’’سیکھن دے‘‘ذریعے نال نجات پانا تے اینوں ’’کرن دے‘‘ ذریعے نال نجات پانا! تعجب دی گل اے، یہوواہ دی گواہی دین آلے فرقے دی غلطی اُس غلطی نال کافی مماثلت رکھدے اے جیس دے خلاف رومن کاتھولک فرقے آلے بہت زیادہ گل کردے نے۔ کاتھولک فرقہ تے یہوواہ دی گواہی دین آلا فرقہ دوویں ای اعمال دے ذریعے نال نجات، سیکھن دے ذریعے نال نجات تے کرن دے ذریعے نال نجات دی تعلیم دیندے نے!

لیکن خود بائبل فضل دے وسیلے نال نجات دی تعلیم دیندی اے، ناکہ سیکھ تے کرن دے ذریعے نال؛ ناکہ انسانی کوششاں دے ذریعے نال، بلکہ تنہا فضل دے وسیلے نال۔

’’کیوں جے تہانوں ایمان دے وسیلہ نال فضل ای توں نجات ملی اے تے ایہہ تہاڈی کوششاں دا نتیجہ نئیں اے بلکہ ایہہ خُدا دی بخشش اے، تے نہ ای ایہہ تہاڈے اعمال دا پھل اے کہ کوئی فخر کر سکے‘‘ (افسیوں2:8۔9)۔

جان نیوٹن John Newton نے کہیا،

حیرت انگیز فضل! کیس قدر مِٹھی اُو واج اے،
   جنہے میرے وگرے تباہ حال نوں بچایا اے!
میں جیہڑا کدی گواچ گیا سی، لیکن ہُن مل گیا واں،
اَنّا سی لیکن ہُن ویکھنا واں۔

ایہہ فضل ای سی جنہے میرے دِل نوں خوف کرنا سیکھایا،
   تے فضل نے ای میرے سارے خوف ختم کیتے؛
کیس قدر قیمتی اُو فضل ظاہر ہویا سی
   اُس لمحے وِچ جدوں میں پہلی وری یقین کیتا سی!
(’’حیرت انگیز فضلAmazing Grace ‘‘ شاعر جان نیوٹن John Newton ، 1725۔1807).

کاش خُداوند تہانوں وی فضل بخشے

’’خُداوند یسوع مسیح تے ایمان لہیا تے توں نجات پائیں گا‘‘ (اعمال16:31)۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت گایا سی: واعظ توں پہلاں کلیاں گیت مسٹر جیک نعان Mr. Jack Ngann نے گایا سی:
’’اُو دوبارہ آ رہیا اے He is Coming Again‘‘
(شاعر میبل جانسٹن کیمپ Mabel Johnston Camp، 1871۔1937)


لُبِ لُباب

مسیح کیویں اپنی زمینی بادشاہت قائم کرے گا

HOW CHRIST WILL SET UP HIS EARTHLY KINGDOM

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

’’تے اُوس دِن اُو کوہِ زیتون تے جیہڑا یروشلم دے مشرق چہ اے کِھلوتا ہووے گا تے اُو کوہِ زیتون وِچکار توں دو حصیاں چہ پھٹ جاوے گا تے مشرق تو مغرب تیکر اِک وڈی وادی ہو جائے گی کیوں جے اَدھا پہاڑ شمال وَل سرک جائے گا تے اَدھا پہاڑ جنوب وَل سِرک جائے گا۔ تُسی میرے پہاڑ دی وادی توں نٹھو گے کیوں جے ایہہ آضل تیکر ودھ جائے گی۔ جیویں تُسی شاہِ یہوداہ عزیاہ دے عہد چہ زلزلے توں نٹھے سو۔ فیر خُداوند میرا خُدا آوے گا تے تمام مقدس لوکی اُوس دے نال ہون گے… تے خُداوند ساری دُنیا دا بادشاہ ہووے گا۔ تے اُوس روز اِک ای خُداوند ہووے گا تے اُوس دا ناں واحد ہووے گا‘‘ (زکریاہ14:4۔5، 9)۔

I.    پہلی گل، مسیح کوہِ زیتون تے واپس لوٹے گا،
زکریاہ 14:3۔4؛ اعمال1:9۔12 .

II.   دوسری گل، مسیح اپنے تمام مقدسین دے نال واپس لوٹے گا، زکریاہ 14:5؛
یہوداہ14؛ مکاشفہ 19:14 .

III.  تیجی گل، مسیح اپنی زمینی بادشاہت قائم کرن لئی واپس آئے گا،
زکریاہ 14:9؛ متی6:10؛ مکاشفہ20:4۔6؛ افسیوں2:8۔9؛ اعمال16:31 .