Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 40 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




اِک مقامی کلیسیا لئی بائبل تے مفافقین

THE BIBLE AND TRAITORS TO A LOCAL CHURCH
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں تحریر کیتا گیا اِک واعظ
تے جیس دی تبلیغ محترم جناب جان سیموئیل کیگن نے
لاس اینجلز دی بپتسمہ دین آلی عبادت گاہ وِچ کیتی
خُداوند دے دِن دی سویر، 4 نومبر، 2018
A sermon written by Dr. R. L. Hymers, Jr.
and preached by Rev. John Samuel Cagan
at the Baptist Tabernacle of Los Angeles
Lord’s Day Morning, November 4, 2018

’’ایہہ لوکی ساڈے وِچوں ای نکلے نے لیکن دِل توں ساڈے نال نئیں سن۔ جے ہوندے تے ساڈے نال ای رہندے۔ ہُن جدوں کہ ایہہ لوکی ساڈے وِچوں نکل چکے نے تے ظاہر ہوندا اے کہ ایہہ لوکی دِن توں ساڈے نال نئیں سن‘‘ (1یوحنا2:19)۔


البرٹ کیمُسAlbert Camus اور جِین پال سارٹری Jean-Paul Sartre اُو دو فلسفہ دان سن جنہاں نے ایگزس ٹینشیئل اِزم extistentialism [وجودیت توں متعلق علم] نوں شہرت دِتی۔ اُوہناں دا فلسفہ اَج زیادہ تر لوکاں دی سوچ تے حاوی اے، بیشک اُوہناں نوں غالباً ایس گل دا احساس نئیں ہوندا۔ ڈاکٹر آر۔ سی۔ سپراؤل Dr. R. C. Sproul نے کہیا، ’’اَسی واقعی چہ اپنی حیاتیاں دے ہر دِن تے ساڈی تہذیب دے ہر حصار وِچ ایگزس ٹینشیئل اِزم extistentialism [وجودیت توں متعلق علم] دے اثرات دا سامنا کرنے آں… اَسی ہر روز ایس دے اثر دے تحت حیاتی بسر کر رئے ہونے آں‘‘(ڈاکٹر آر۔ سی۔ سپراؤل Dr. R. C. Sproul، زندگی دے نقطۂ نظر Lifeviews، فلیمینگ ایچ۔ ریویل Fleming H. Revell، 1986، صفحہ 49)۔

کیمُس تے سارٹری دے وجودیت توں متعلق علم [ایگزس ٹینشیئل اِزم] دا بنیادی موضوع ’’بے دین دُںیا وِچ انسان دی کُلیدی تنہائی‘‘ تے زور دیندا اے‘‘ (ڈاکٹر جان بیلنکارڈ Dr. John Blanchard، کی خُدا دہریاں تے یقین کردا اے؟ Does God Believe in Atheists?، ایونجیلیکل پریس، 2000، صفحہ138)۔

کی آر۔ سی۔ سپراؤل سچے سن جدوں اُو کہندے نے کہ اَسی ’’ہر روز‘‘ ایس فلسفے دے ’’اثر دے تحت‘‘ حیاتیاں بسر کرنے آں؟ جی ہاں، میرے خیال چہ ایویں ای اے۔ ایہو ای وجہ اے کہ تنہائی دا مرکزی موضوع ایس قدر شدید گہری کشش پاندا اے خصوصی طور تے نوجوان لوکاں لئی۔ ایس گل دا احساس کیتے بغیر کہ ایہہ فلسفہ آیا کِدرہوں اے، یا اینوں کِنّے کہیا اے، تُسی ایس نوں فیر وی محسوس کردے ہو – ’’بے دین دُںیا وِچ انسان دی کُلیدی تنہائی۔‘‘ ایس جملے وِچ سچائی دا اِک حصار پایا جاندا اے۔ ہر نوجوان بندہ ایس نوں محسوس کر چکیا اے – ’’بے دین دُںیا وِچ انسان دی کُلیدی تنہائی۔‘‘

تے تُسی لوکاں نال پرے ہوئے اِک کمرے وِچ تنہائی محسوس کر سکدے ہو۔ تُسی رقص دی ایک تقریب وِچ ہو سکدے اُو، یا پُرہجوم بازار وِچ، تے فیر وی تنہائی محسوس کردے ہو۔ اِک نوبالغ نے ساڈے پادری صاحب ڈاکٹر ہائیمرز نوں کہیا، ’’میں ایس قدر تنہا واں کہ مینوں نئیں معلوم کی کرنا اے۔‘‘ چند اِک ہفتیاں بعد اُوہنے خودکشی کر لئی۔ تے اَج کل واقعی چہ زیادہ تر نوجوان لوکی تنہائی دے احساس نال اذیت وِچ مبتلا نے۔ ایہہ ایگزس ٹینشیئل اِزم دی اِک پیداوار اے جیہڑی ’’ساڈی تہذیت دے ہر حصار وِچ‘‘ پھیل چکی اے۔

تنہائی اِک مسئلہ اے، لیکن ایس دا تریاق کی اے؟ ایس دا علاج کی اے؟ اُو علاج یسوع مسیح نوں ذاتی طور تے جاننا اے – تے مقامی کلیسیا وِچ خُدا دے خاندان دا حصہ ہونا اے۔ اَسی ایگزس ٹینشیئل اِزم ہولناکی کو جواب دے رئے ہونے آں جدوں اِسی کہنے آں، ’’تنہا کیوں رہیا جائے؟ گھر ٹُرے آؤ – گرجا گھر دے لئی! گمراہ کیوں رہیا جائے؟ گھر ٹُرے آؤ – خُدا دے پُتر یسوع مسیح دے کول!‘‘ اَسی جدوں ایہہ گل کہنے واں تے عمومی طور تے اَسی کیمُس تے سارٹری تے ایگزس ٹینشیئل اِزم نوں جواب دے رئے ہونے آں! اَسی جدوں ایہہ گل کہنے واں تے اِسی دورِ حاضرہ دی دُنیا دی ایس درد بھری، تنہائی آلی، الگ تھلگ، بے معنویت دا جواب دے رئے ہونے آں! اینوں زور نال چیخ کے کؤو! اینوں سرگوشی وِچ کؤو! اینوں دور دور تیکر دَسّو! تنہا کیوں رہیا جائے؟ گھر ٹُرے آؤ – گرجا گھر دے لئی! گمراہ کیوں رہیا جائے؟ گھر ٹُرے آؤ – خُدا دے پُتر یسوع مسیح دے کول!

لیکن کُج ایہو جئے لوکی وی نے جیہڑے پہلے دے بغیر دوجے دی چاہ کردے نے۔ اُو خُداوند یسوع مسیح وِچ ایمان لہیائے بغیر مقامی کلیسیا دی رفاقت چاہندے نے۔ لیکن آخیر چہ ایہہ کم نئیں کردی اے۔ اُوہناں نوں نال نال ٹرنا چائیدا اے۔ مسیحیت دے نال ایویں ای ہوندا اے – مقامی کلیسیا وِچ رفاقت تے مسیح وِچ ایمان لہیا کے تبدیل ہونا نال نال ٹُردے نے۔ تُسی پہلی توں بغیر دوجے نوں حاصل نئیں کر سکدے!

ایہہ ہے جیہڑا ہوندا اے جے تُسی مسیح وِچ ایمان لہیا کے تبدیل ہوئے بغیر رفاقت پان دی کوشش کردے نے۔ بالاآخر رفاقت ٹُٹ جاوے گی۔ ہُنے یا بعد چہ ایہہ کم نئیں کرے گی۔ ایہوی اے جیس دے بارے چہ ساڈی تلاوت گل کر رئی اے۔

’’ایہہ لوکی ساڈے وِچوں ای نکلے نے لیکن دِل توں ساڈے نال نئیں سن۔ جے ہوندے تے ساڈے نال ای رہندے۔ ہُن جدوں کہ ایہہ لوکی ساڈے وِچوں نکل چکے نے تے ظاہر ہوندا اے کہ ایہہ لوکی دِن توں ساڈے نال نئیں سن‘‘ (1یوحنا2:19)۔

ڈاکٹر ڈبلیو۔ اے۔ کرسویل Dr. W. A. Criswell نے کہیا، ’’کُج لوکی گرجا گھراں نوں چھڈ کے جا چکے نے… اُوہناں دا چھڈ کے جانا دراصل اُوس نجات دین آلے ایمان لئی مظاہرہ اے، تے ایویں، حقیقی رفاقت غیر حاضر سی‘‘ (کرسویل دا مطالعۂ بائبل The Criswell Study Bible، 1یوحنا2:19 تے غور طلب گل)۔ درج ذیل 1یوحنا2:19 دا دورِ حاضرہ دا ترجمہ اے،

’’ایہہ لوکی ساڈے وِچوں ای نکلے نے لیکن اِیناں دا واقعی چہ ساڈے نال کوئی تعلق نئیں سی۔ کیوں جے اُوہناں دا ساڈے نال تعلق ہوندا تے اُو ساڈے نال ای رئے ہوندے، لیکن اُوہناں دا چھڈ کے جان ایہہ ظاہر کردا اے کہ اُوہناں لوکاں وِچوں کِسے دا وی تعلق ساڈے نال نئیں سی‘‘ (1 یوحنا2:19 NIV)۔

آؤ ایس تلاوت دے بارے چہ مذید ہور زیادہ گہرائی دے نال سوچنے آں۔

I۔ پہلی گل، اُوہناں نے کِی کِیتا۔

ڈاکٹر کرسویل نے کہیا، ’’کُج لوکی گرجا گھراں نوں چھڈ کے جا چکے نے۔‘‘ اُو بِلاشک و شبہ گرجا گھراں وِچ آئے کیوں جے اُوہناں نے رفاقت دا مزا چُکیا۔ ابتدائی گرجا گھر رومی دُںیا دی سرد مہری تے سنگدلی چہ گہری دوستی دی اِک تھاں سن۔ لوکاں نوں اُو گرمائش تے دوستی چنگی لگدی سی جیہڑی اُوہںاں نے گرجا گھر وِچ پائی سی،

’’اُو خُدا دی تمجید کردے سن تے تمام لوکاں وِچ مقبول سن‘‘ (اعمال2:47)۔

لیکن اُوہناں نوں چھیتی ای پتا چل گیا کہ مسیحیی زندگی ہمیشہ توں ایس قدر سوکھی نئیں سی۔ جدوں اُوہناں نوں ایس گل دا پتا چلیا تے اُوہناں لوکاں وِچوں کُج چھڈ کے ٹُر گئے۔ رسول نے کہیا،

’’دیماس نے دُنیا دی محبت وِچ پھنس کے مینوں چھڈیا تے تھسّلنیکے ٹُر گیا؛ تے کریسکنِس نے گلِتیہ تے طیطس نے دلماتیہ دی راہ لی۔ صرف لوقا میرے کول اے‘‘ (2تیموتاؤس4:10۔11)۔

دیماس، کریسکِنس اور طیطس چھڈ کے ٹُر گئے سن جدوں مصیبت پئی سی۔

کی ایویں اَج ہوندا اے؟ آہو، ایہہ ہوندا اے۔ لوکی کُج ویلے لئی گرجا گھر وِچ آندے نے۔ اُو اُوس دوستی نال مزہ چکدے نے جیہڑی اُو گرجا گھر وِچ کردے نے۔ ایہہ سارا کُج تفریح وگرا محسوس ہوندا اے۔ لیکن فیر کُج ہوُر گلاں سامنے آندیاں نے۔ میں اِک بندے دے بارے چہ سُنیا جیہڑا اِتوار دی سویر لاس ویگاس گیا۔ اُوس بندے نوں گرجا گھر وِچ آنا چنگا لگدا سی، لیکن لاس ویگاس ایس توں وی ہُور زیادہ تفریح آمیز نظر آیا!دوجیاں نوں کرسمس تے نئے سال دے دوران اُو دعوتاں اُوہناں نوں اپنی وَل مائل کردیاں ہوئی نظر آندیاں نے۔ اُو دُنیاوی دعوتاں تے میلیاں نال آزمائے جاندے نے – تے ایویں اُو گرجا گھر نوں چھڈ کے ٹُر جاندے نے۔ ’’ایہہ لوکی ساڈے وِچوں نکلے نے لیکن دِل توں ساڈے نال نئیں سن‘‘ (1یوحنا2:19)۔

II۔ دوجی گل، اُوہناں نے ایہہ کیوں کِیتا۔

ساڈی تلاوت کہندی اے، ’’ایہہ لوکی ساڈے وِچوں ای نکلے نے لیکن دِل توں ساڈے نال نئیں سن۔ جے ہوندے تے ساڈے نال ای رہندے‘‘ (1یوحنا2:9)۔ 1 یوحنا2:19 تے تبصرہ کردیاں ہویاں، ڈاکٹر جے۔ ورنن میگی Dr. J. Vernon McGee نے کہیا،

اُو طریقہ جیس دے نال تُسی دَس سکدے ہو کہ خُدا دا بچہ کون اے ایہہ اے کہ آخیر وِچ بندہ اپنا اصلی روپ وکھائے گا تے خُدا دے اجتماع نوں چھڈ دے گا جے اُو خُدا دا بچہ نئیں اے۔ اُو مسیحیاں وِچوں، ایمانداراں دی جماعت وِچوں باہر نکل جائے گا، تے اُو دُنیا وِچوں… واپس ٹُر جائے گا… بے شمار لوکی ایسے ہوندے نے جیہڑے مسیحی ہون دا پیشہ اپنادے نے، لیکن اصل وِچ مسیحی ہوندے نئیں نے (جے ورنن میگی، ٹی ایچ۔ ڈی۔، J. Vernon McGee, Th.D.، بائبل میں سے Thru the Bible، تھامس نیلسن پبلیشرز، 1983، جلد پنجم، صفحہ 777)۔

میں بغیر کوئی رائے دیے البرٹ بارنز Albert Barnes دے الفاظ پیش کراں گا، جیہڑے بائبل تے اُوہناں دے کلاسیکل تبصرے وِچوں نے،

کیوںکہ جے اُو ساڈے وِچوں ہوندے۔ جے اُو مخلص تے سچے مسیحی رئےہوندے۔ تے اُو بِلاشبہ ساڈے نال ای رہندے… جے اُو سچے مسیحی رئے ہوندے تے اُو کدی وی گرجا گھر چھڈ کے ٹُر نہ جاندے۔ اُوہناں نے ایس قرارداد نوں ایس قدر عمومی بنایا کہ اینوں اِک عالمگیر سچائی دے طور تے منیا جا سکدا اے، کہ جے کوئی وی سچے طور تے ’ساڈے وِچوں ہوندا،‘‘ یعنی کہ، جے اُو سچے مسیحی ہوندے، تے اُو گرجاگھر وِچ شامل رہنا جاری رکھدے، یا کدی وی برگشتہ نہ ہوندے۔ ایہہ بیان ایس لئی دِتا گیا اے تاکہ ایہہ وی سبق ملے کہ جے کوئی گرجا گھر توں برگشتہ ہو وی جاندا اے، تے اُو حقیقت ایس گل دا مکمل ثبوت اے کہ اُوہناں دا سرے توں کوئی مذہب ای نئیں سی، کیوں جے اگر اُوہناں دا کوئی مذہب ہوندا تے اُو گرجا گھر وِچ مضبوطی نال ٹکے رہندے (البرٹ بارنز Albert Barnes، نئے عہد نامے پر غور طلب باتیں Notes on New Testament، بیکر کتب گھرBaker Book House، 1884-85 کے ایڈیشن کی دوبارہ اشاعت 1983، 1یوحنا2:19)۔

یسوع نے کہیا،

’’چٹان پر کے اُو لوکی نے جیہڑے کلام نوں سُن کر اُوہنوں خوشی نال قبول کردے نے لیکن کلام اُوہناں وِچ جڑ نئیں پھڑدا۔ اُو کُج ویلے تیکر تےاپنے ایمان تے قائم رہندے نے لیکن آزمائش دے ویلے پسپا ہو جاندے نے‘‘ (لوقا8:13)۔

III۔ تیسری گل، ایس دا علاج کیویں کِیتا جائے۔

’’ایہہ لوکی ساڈے وِچوں ای نکلے نے لیکن دِل توں ساڈے نال نئیں سن۔ جے ہوندے تے ساڈے نال ای رہندے۔ ہُن جدوں کہ ایہہ لوکی ساڈے وِچوں نکل چکے نے تے ظاہر ہوندا اے کہ ایہہ لوکی دِن توں ساڈے نال نئیں سن‘‘ (1یوحنا2:19)۔

میتھیو ھنری Matthew Henry نے کہیا،

اُو باطنی طور تے اینج نئیں سی جیویں کہ اَسی آں؛ لیکن اُو ساڈے وِچوں نئیں سن؛ اُوہناں نوں جیس ٹھوس عقیدے دی قِسم پیش کیتی گئی سی اُوہناں نے دِل نال اُس دی طرمانبرداری نئیں کیتی سی۔ اُو مسیح اُس سربراہ دے نال ساڈے ملاپ وِچ نال نئیں سن (تمام بائبل تے میتھیو ھینری دا تبصرہMatthew Henry’s Commentary on the Whole Bible، ھینڈریکسن Hendrickson، دوبارہ اشاعت 1996، جلد ششم، صفحہ863)۔

اُو مسیح وِچ شامل نئیں ہوئے سن۔ اُو ‘‘ساڈے وِچوں‘‘ نئیں سن۔ ڈاکٹر میگی نے ایس آیت دے بارے چہ کہیا،

ایتھے یوحنا اِک انتہائی سجنیدہ تے پُرخُلوص بیان دیندا اے، تے اُو ایہہ بیان اَج سانوں پیش کردا اے۔ خُداوند یسوع نے اِک انتہائی مذہبی بندے نیکودیمس نوں کہیا، کہ اُوہنوں دوبارہ جنم لینا چائیدا اے۔ اُوہنے اُوس نے کہیا…’’جدوں تیکر کوئی نوے سرے توں پیدا نہ ہوئے اُو خُدا دی بادشاہی نوں نئیں ویکھ سکدا‘‘ (یوحنا3:3)۔ ایتھے یوحنا کہندا اے، ’’ایہہ لوکی ساڈے وِچوں نکلے نے لیکن دِل توں ساڈے نال نئیں سن۔‘‘ اُو ایویں ویکھائی دیندے سن جیویں اُو خُدا دے سچے بچے ہون، لیکن اُو اصل وِچ نئیں سن (جے۔ ورنن میگی J. Vernon McGee، ibid.)۔

تہانوں ’’ساڈے وِچوں‘‘ ہون لئی نوے سرے توں جنم لینا چائیدا اے، جیویں کہ ڈاکٹر میگی نے نشاندہی کیتی۔ تہانوں مسیح وِچ شمولیت کرنی چائیدی اے۔ ایہہ اُوس ویلے رونما ہوندا اے جدوں تُسی سچے طور تے دوبارہ جنم لیندے ہو۔ یسوع نے کہیا،

’’تہانوں دوبارہ جنم لینا چائیدا اے‘‘ (یوحنا3:7)۔

اِرتداد دا عِلاج اُو نیا جنم اے! ایہہ اُوس ویلے رونما ہوندا اے جدوں تُسی اپنے گناہواں دا اقرارکردے ہو تے مسیح دے کول آندے ہو۔ جدوں تُسی اُوہدے کول آندے ہو تے اُو تہانوں قبول کرے گا تے تہاڈے گناہواں نوں اپنے لہو دے نال دھو ڈالے گا۔ تُسی اُوہدے تے انحصار کر سکدے ہو، کیوں جے اُوہنے کہیا،

’’جیہڑا کوئی میرے کول آئے گا میں اُوہنوں اپنے توں جدا نئیں ہون دیاں گا‘‘ (یوحنا6:37)۔

جدوں تُسی مسیح دے کول آندے نو، تے اُوس وِچ شمولیت کردے ہو، تے تُسی اِک نوا جنم پاندے ہو۔ تہاڈے گناہ منسوخ کیتے جاندے نے تے تُسی خُدا دے بچے بن جاندے ہو۔ صرف جدوں تُسی دوبارہ جنم لیندے ہو تے تُسی سچے طور تے مقامی کلیسیا دے اِک جیوندے جاگدے رُکن بنندے ہو۔ ایگزس ٹینشیئل اِزم extistentialism [وجودیت سے متعلق علم] منسوغ ہو جاندا اے جدوں تُسی مسیح دے کول آندے ہو تے دوبارہ جنم لیندے ہو۔ ’’بےدین دُنیا وِچ انسان دی بنیادی تنہائی‘‘ دی تلافی ہو جاندی اے تے شفا ہوندی اے جدوں تُسی جی اُٹھے مسیح دا سامنا کردے ہو، نتیجے دے طور تے مقامی کلیسیا دا اِک جیوندا جاگدا حصہ بنندے ہو۔ یسوع نے کہیا،

’’جیہڑا کوئی میرے کول آئے گا میں اُوہنوں اپنے توں جدا نئیں ہون دیاں گا‘‘ (یوحنا6:37)۔

گمراہ کیوں رہیا جائے؟ گھر ٹُرے آؤ – خُدا دے پُتر، یسوع مسیح دے کول!

چارلس سپرجیئن Charles Spurgeon نے ’’محبت دے وسیلے توں ثابت شُدہ حیاتی Life Proved by Love‘‘ دے عنوان توں اِک واعظ پیش کیتا سی۔ ایہہ 1یوحنا3:14 تے مشتمل سی،

’’اَسی جاننے واں کہ اِسی موت توں نکل کے حیاتی وِچ شامل ہو گئے آں، کیوں جے اَسی پراہاواں نال محبت رکھنے واں‘‘ (1یوحنا3:14)۔

سپرجئین نے کہیا،

جدوں تیکر تُسی نوے سرے توں جنم نئیں لیندے، تُسی کدی وی خُدا دے فضل دا مطلب نئیں جان پاؤ گے۔ تہانوں اِک نوی حیاتی حاصل کرنی چائیدی اے، موت توں نکل کے حیاتی وِچ شامل ہونا چائیدا اے، ورنہ تُسی اِیناں گلاں نوں نئیں جان پاؤ گے… اَسی جاننے واں کہ اَسی موت توں نکل کے حیاتی وِچ شامل ہوئے آں، کیوں جے اَسی پراہاواں نال محبت کرنے واں۔‘‘ لہٰذا، پراہوؤ، جے اَسی اُو کہہ سکنے واں کہ اَسی خُدا دے لوکاں نال محبت کرنے واں، خُدا دے لوکاں دی حیثیت نال، کیوں جے اُو خُدا دے لوکی نے، تے ایہہ ایس گل دا نشان اے کہ اَسی موت توں نکل کے حیاتی وِچ داخل ہو چکے آں (سی۔ ایچ۔ سپرجیئن C. H. Spurgeon، ’’محبت دے وسیلے توں ثابت شُدہ حیاتی Life Proved by Love،‘‘ میٹروپولیٹن عبادت گاہ کی واعظ گاہ سے The Metropolitan Tabernacle Pulpit، پِلگرِم اشاعت خانے Pilgrim Publications، دوبارہ اشاعت 1976، جلد XLIV، صفحات 80۔81)۔

جدوں مسیح وِچ ایمان لہیا کے تبدیل ہون دے ذریعے نال اَسی موت توں لنگ کے حیاتی وِچ داخل ہو چکے ہوندے آں، تے اَسی مقامی کلیسیا وِچ پراہاواں نال محبت کراں گے!

جے تُسی اُوس رفاقت نوں وقعت دیندے ہو جیہڑی تُسی ایس گرجا گھر وِچ پا چکے ہو، تے ایس گل نوں یقینی بناؤ کہ تُسی مسیح وِچ ایمان لہیان دی تبدیلی دا تجربہ کرو۔ ایہہ انتہائی ضروری اے کہ تُسی مسیح وِچ ایمان لہیا کے تبدیل ہوؤ۔ مسیح اُو ’’گوند‘‘ اے جیہڑی مقامی کلیسیا دی رفاقت نوں اِکٹھا جوڑے ہوئے اے!


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت مسٹر جیک نینگ Jack Ngann نے گایا سی:
’’اُو بندھن مبارک اے جیہڑا بنّدھدا اے Blest Be the Tie that Binds‘‘
(شاعر جان فوسٹ John Fawcett، 1740۔1817).


لُبِ لُباب

اِک مقامی کلیسیا لئی بائبل تے منافقین

THE BIBLE AND TRAITORS TO A LOCAL CHURCH

ڈاکٹر آر۔ ایل۔ ہائیمرز، جونیئر وَلّوں تحریر کیتا گیا اِک واعظ
تے جیس دی تبلیغ محترم جناب جان سیموئیل کیگن نے کیتی
A sermon written by Dr. R. L. Hymers, Jr.
and preached by Rev. John Samuel Cagan

’’ایہہ لوکی ساڈے وِچوں ای نکلے نے لیکن دِل توں ساڈے نال نئیں سن۔ جے ہوندے تے ساڈے نال ای رہندے۔ ہُن جدوں کہ ایہہ لوکی ساڈے وِچوں نکل چکے نے تے ظاہر ہوندا اے کہ ایہہ لوکی دِن توں ساڈے نال نئیں سن‘‘ (1یوحنا2:19)۔

I.    پہلی گل، اُوہناں نے کی کیتا، اعمال 2:47؛ 2۔ تیموتاؤس 4:10۔11۔

II.   دوجی گل، اُوہناں نے ایہہ کیوں کیتا، لوقا 8:13۔

III.  تیجی گل، ایس دا عِلاج کیویں کیتا جائے، یوحنا 3:3،7؛ 6:37؛ 1۔یوحنا 3:14۔