ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اَسی اُوس انجیلی بشارت دا پرچار کرنے واں جیہڑی لوکاں نوں خوشخبری سُنن دے بعد ساڈے گرجا گھر وِچ لے کے آندی اے۔ دوجے گرجا گھراں وِچ، اراکین ’’گنہگاراں دی دعا‘‘ لوکاں دے نال سڑکاں تے پڑھدے نے تے ایس ’’فیصلے‘‘ نوں کر چکنے دے بعد اُو اُوہناں نوں گرجا گھر وِچ آن لئی مدعو کردے نے۔ لیکن پہلی گل جیہڑی اَسی کرنے واں اُو لوکاں نوں گرجا گھر وِچ آن دی دعوت دینا ہوندی اے۔ فیر اَسی اُوہناں نوں گرجا گھر وِچ لے کے آنے آں۔ جدوں اُو آندے نے، اُو گرجا گھر وِچ بیلی بناندے نے۔ اُو خوشخبری دی تبلیغ نوں ہوندا ہویا سُنندے نے۔ اُوہناں وِچوں کُج ٹِک جاندے نے تے مسیح تے پروہسا کردے نے۔ اُو شاندار مسیحی بنندے نے۔ ایہہ نوا طریقہ ساڈے پادری صاحب، جناب ڈاکٹر ہائیمرز وَلوں نکلیا اے۔ اُوہناں نے اینوں مرتب کیتا کیوں جے اُوہناں نوں احساس ہو گیا سی کہ دوجے تمام طریقے گمراہ لوکاں نوں ساڈے گرجا گھر وِچ لہیان چہ ناکام رئے سی۔

ڈاکٹر ہائیمرز دا طریقہ کار کی اے؟ اَسی انجیلی بشارت دے پرچار وِچ کی کرنے آں؟ بدھ دی رات نوں، جمعرات دی رات نوں تے دوجے اوقات وِچ اَسی دو دو کر کے کالجاں وِچ، شاپنگ مالز وِچ تے لاس اینجلز دے علاقے وِچ دوجی عوامی تھاواں تے جانے آں۔ ساڈے وِچوں بے شمار ایہہ سب کُج اپنے طور تے وی کرنے آں۔ اِیناں تھاواں تے، اَسی لوکاں تیکر رسائی کرنے واں تے اُوہناں دے نال گل بات کرنے آں۔ اَسی بالکل اُوسی ویلے اُوہناں نوں مسیح تے پروہسا کروان لئی کوشش نئیں کردے۔ اَسی اُوہناں دے رہنمائی ’’گنہگاراں دی دعا‘‘ لئی نئیں کردے۔ ایس دے بجائے، اَسی اُوہناں نوں دسنے آں کہ ساڈے گرجا گھر وِچ ہونا کیہو جیہا لگدا اے۔ اُوتھے گرجا گھر وِچ بے شمار نوجوان مرد تے عورتاں ہوندیاں نے جنہاں نال اُو شناسائی تے دوستی کر سکدے نے۔ اُو اِک پیغام نوں سُنن گے۔ اُو کھان کھان گے (جے اُو سویر وِچ آندے نے) یا رات دا کھانا کھان گے (جے اُو شام نوں آندے نے)۔ اُو اِک فلم ویکھن گے۔ اُو اِک دعوت وِچ ہون گے – اَسی اپنے گرجا گھر وِچ ہر اِک دی سالگرہ نوں منانے آں۔ اُوہناں دے چنگا ویلہ لنگے گا۔ اُوہناں وِچوں بے شمار آن چاہندے نے!

فیر اَسی اُوہناں کولوں اُوہناں دا پہلا ناں تے ٹیلی فون نمبر دین لئی کہنے آں۔ بعد چہ، اَسی ایہہ ناں تے نمبر اپنے منادوں تے دوجے تجربہ کار مسیحی کارکُناں نوں دینے آں۔ ایہہ کارکُن لوکاں نوں فون کردے نے، اُوہناں نوں ساڈے گرجا گھر دے بارے چہ دسدے نے، اُوہناں نوں آن لئی مدعو کردے نے، تے اِتوار نوں گرجا گھر وِچ لہیان لئی اپنے اِک ممبر دے ذریعے اُوہناں لئی ٹرانسپورٹ دا بندوبست کرنے آں۔ اِتوار نوں، اَسی اُوہناں نوں گھراں وِچوں لینے واں، گرجا گھر وِچ لہیانے آں، تے اُوہناں نوں گھر واپس لے کے جانے واں۔ بے شمار لوکی ٹیلی فون کرن دے بعد پہلے ای اِتوار نوں گرجا گھر وِچ آ جاندے نے۔ دوجے اُوس دِن مصروف ہوندے نے تے بعد چہ آندے نے۔ جدوں اُو گرجا گھر وِچ آنے نے، اُو خوشخبری دی منادی نوں ہوندیا ہویا سُندے نے تے بعد وِچ پارٹی تے کھانے دے وچکار بیلیاں نوں بنان چہ چنگا ویلہ لنگاندے نے – تے اُوہناں وِچوں بے شمار واپس آندے نے!

ایہہ طریقہ کار کم کردے نے! گذشتہ پنچ ہفتیاں وِچ، سو توں زیادہ لوکی ساڈے گرجا گھر وِچ پہلی مرتبہ، دوجی تے تیجی مرتبہ آئے۔ تے اُوہناں وِچوں کُج سادے گرجا گھر وِچ ٹِک گئے تے مسیح تے پرہوسا کیتا۔ ایہہ طریقہ دراصل لوکاں نوں ساڈے گرجا گھر وِچ لے کے آندا اے۔ ایہہ کم کردا اے!

اَسی جیس طریقے نال انجیلی بشارت دا پرچار کرنے واں اُو ڈاکٹر ہائیمرز نے تخلیق کیتا اُوس گل دی پیروی کرن دے ذریعے نال جیہڑی مسیح نے لوقا14:23 وِچ کہی، ’’راہواں تے کھیتاں دیاں باڑاں وَل نکل جا تے لوکاں نوں مجبور کر کے اُو آن۔‘‘پہلاں، اَسی گمراہ لوکاں نوں گرجا گھر وِچ لے کے آنے آں۔ اُوتھے اُو خوشخبری نوں سُندے نے تے مسیح تے پرہوسا کردے نے۔ دورِ حاضرہ دے امریکہ گرجا گھر ایس دا اُلٹ کردے نے۔ اُو سڑک تے لوکاں نوں جلدی نال اِک ’’فیصلہ‘‘ کرن لئی ہنمائی کردے نے۔ لیکن تقریباً اُوہناں وِچوں کوئی وی گرجا گھر وِچ نئیں آندا۔ اُوہناں دا طریقہ کار فیصلیاں نے جنم دیندا اے، ناکہ مسیح وِچ ایمان لہیان دی تبدیلیاں نوں۔ اَج میں ایہہ سمجھاناں چاہنا واں کہ کیوں اَسی انجیلی بشارت دا پرچار جیویں اُو کردے نے اُوس توں مختلف طریقے نال کرنے آں۔

اِس کیوں باہر لوکاں دے ناں حاصل کرن لئی تے اُوہناں نوں گرجا گھر وِچ آن دی دعوت دین لئی جانے آں، تے جدوں اَسی اُوہناں نال گل بات کرنے واں تے اُوہناں نوں نجات دلان دی کوشش نئیں کردے؟

پہلی گل، کیونکہ ساڈا طریقہ بائبل دا طریقہ اے۔ ایہہ سارے دا سارا نئےعہد نامے وِچوں اے۔ اینڈریو بارہ شاگرداں وِچوں اِک سی۔ بائبل کہندی اے،

’’اُوہناں دو شاگرداں وِچوں جیہڑے یوحنا [بپتسمہ دین آلے] دی گل سُن کر یسوع دے پیچھے ہو لئے سی، اِک اندریاس سی جیہرا شمعون پطرس دا پرھا سی۔ اِندریاس نے پہلا کم ایہہ کیتا کہ اپنے پرہا شمعون نوں لبھ کے اُوہنوں کہیا کہ سانوں مسیح لبھ گیا اے، جیس دا یونانی ترجمہ [خِرستُس] مسیح کیتا جاندا اے۔ فیر اُو اُوہنوں نال لے کے یسوع دے کول آیا‘‘ (یوحنا1:40۔42)۔

اندریاس نوں شاید ای کسی گل دا پتا سی۔ لیکن اُو جانندا سی کہ یسوع ای اُو مسیحا سی۔ اندریاس لوکاں دے نال گنہگاراں دی دعا منگن لئی ایدھر اُدھر نئیں گیا سی۔ بلکہ اُو اپنے پرہا شمعون پطرس نوں یسوع دے کول لے کے آیا سی۔ پطرس آپئے شاگرد بن گیا سی۔ بعد وِچ پطرس مسیح وِچ ایمان لہیا کے تبدیل ہویا سی تے پینتیکوست دے روز تبلیغ کیتی سی جدوں تین ہزار لوکاں نے مسیح تے پرہوسا کیتا سی۔ لیکن ایس دا آغاز اُوس ویلے ہویا سی جدوں اُوس نے اپنے پرہا دی پیروی کیتی سی تے یسوع نال ملیا سی۔

شاگرد فلپس نے وی ایہہ گل نتھانی ایل نوں کہی سی۔ اُوہنے نتھانی ایل نوں کہیا، ’’چل کے آپئی ویکھ لے‘‘ (یوحنا1:46)۔ فلپس زیادہ کُج نئیں جانندا سی۔ لیکن اُو یسوع نال ملان لئی نتھانی ایل نوں لے کے آیا سی، تے ایسی گل نال سارا فرق پے جاندا اے۔

اِک دن یسوع سامریہ وِچوں لنگیا تے اِک عورت دی نجات لئی رہنمائی کیتی۔ اُو بائبل نوں نئیں جانندی سی۔ اُو یہودی نئیں سی۔ لیکن اُوہنے یسوع تے پرہوسا ضرور کیتا سی۔ اُو اپنے قصبے وِچ واپس لوکاں نوں گنہگاراں دی دعا مانگن دی رہنمائی کرن لئی نئیں گئی سی۔ لیکن اُوس نے اُوہناں نوں یسوع دے کول آن تے اُوہدے نال ملن لئی دعوت ضرور دِتی سی۔ بائبل کہندی اے،

’’اُو [سامری] عورت پانی دا گھڑا اُوتھے ای چھڈ کے واپس شہر ٹُر گئی تے لوکاں نوں کہن لگی، آؤ اِک بندے نال مِلو جیس نے مینوں سب کُج جیہڑا ہُن تیکر میں کیتا سی دس دِتا: کی ایہو ای مسیح تے نئیں؟‘‘ (یوحنا4:28، 29)۔

ہر کوئی اُو کر سکدا اے – حتّٰی کہ جے تُسی ہُن تیکر نجات وی نہ پائی ہووے۔ تہانوں بائبل دے نظریات سیکھن لئی کسی کلاس روم وِچ جان دی لوڑ نئیں ہوندی اے۔ تُسی لوکاں دے سوالاں دے جواب دین دی کوشش نئیں کر رئے ہوندے۔ تُسی اُوہناں نوں سڑکاں تے نجات دین دی کوششاں نئیں کر رئے ہوندے۔ تُسی اُوہناں نوں محض صرف گرجا گھر وِچ آن، دوست بنان، تے اِک چنگا ویلہ لنگہان لئی دعوت دے رئے ہوندے ہو۔ ہر کوئی اُو کر سکدا اے – تے اَسی اُوہی کرنے واں۔

دوجی گل، کیونکہ ساڈا طریقہ کم کردا اے۔ بے شمار گرجا گھر سرے توں انجیلی بشارت دا پرچار کردے ای نئیں۔ لیکن جے اُو کردے نے، تے اُو اُوہناں نال سڑکاں تے گل کرن لئی جاندے نے یا اُوہناں دے صدر دروازے تے گل کردے نے۔ اُو گمراہ لوکاں نوں چھیتی چھیتی وِچ ’’نجات دا منصوبہ‘‘ پیش کردے نے تے بالکل اُوسی ویلے اُوہناں کولوں گنہگاراں دی اِک دعا مانگن لئی کہندے نے۔ ایس نوں ’’فیصلہ سازیت‘‘ کہندے نے۔ اُو فرد جیہڑا اِک ’’فیصلہ‘‘ کر لیندا اے اُوہنوں مسیح وِچ ایمان لہیائے ہوئے اِک شخص دی حیثیت دے نال شمار کر لہیا جاندا اے۔ اُو اُوس فرد نوں ’’نجات یافتہ‘‘ دے طور تے شمار کردے نے۔ اُوہدے بعد، اُو گرجا گھر اُوہناں لوکاں دا ’’دھیان‘‘ رکھدے نے – لیکن اُوہناں وِچوں تقریباً کوئی وی گرجا گھر نئیں آندا۔ میرے ابو، ڈاکٹر کیگن نے اِک وری اِک بنیاد پرست بپٹسٹ گرجا گھر دا وِزٹ کیتا جیتھے اُوہناں نے اِک ہفتے وِچ 900 توں زیادہ لوکاں دے نال دعا کیتی سی – لیکن گرجا گھر دے لوکاں دی تعداد 125 ای رئی سی۔ اُن 900 لوکاں نے اِک فیصلہ کیتا سی، لیکن اُو کدی وی گرجا گھر وِچ نئیں آئے سن۔ اُوہناں نے اِک دعا مانگی سی، لیکن اُو مسیح دے کول نئیں آئے سی۔

اَسی اُو کیوں نئیں کردے جیہڑا اُو گرجا گھر کردے نے؟ ایہہ کم نئیں کردا۔ گرجا گھر کی اراکین سینکڑاں لوکاں دی رہنمائی گنہگاراں دی اِک دعا منگن دے نال کردے نے۔ لیکن تقریباً اُوہناں وِچوں کوئی اِک وی گرجا گھر نئیں آندا۔ اُو مسیحی نئیں ہوئے ہوندے۔ اُوہناں نے اِک فیصلہ کیتا ہوندا اے لیکن اُو مسیح وِچ ایمان لہیا کے تبدیل نئیں ہوئے ہوندے۔

اَسی کیوں نئیں جدوں اَسی اُوہناں نال گل کرنے آں تے موقع ای تے گنہگاراں نوں مسیحی بنان لئی کوشش کردے؟ کیوںکہ اُو مسیحی نئیں بنندے نے! اہدے بجائے، اَسی باہر جانے واں تے لوکاں نوں گرجا گھر وِچ آن لئی مدعو کرنے آں۔ اَسی اُوہناں کولوں اُوہناں دا پہلا ناں تے اُوہناں دے ٹیلی فون نمبرز پوچھنے آن۔ ساڈے مناد تے رہنما اُوہناں نوں ٹیلی فون کردے نے تے اِتوار نوں گرجا گھر وِچ لہیانے لئی اُوہناں دے لئی اِک گڈی دا بندوبست کرنے آں۔ اَسی اُوہناں نوں خود اپنی گڈیاں وِچ گھراں توں لینے واں تے گرجا گھر وِچ لہیانے آں۔ اَسی اُوہناں دے نال دوستی کرنے آں۔ اَسی ہمیشہ ساڈی اِتوار دی سویر دی عبادت دے بعد دوپہر دا کھانا کھانے آں تے اِتوار دی شام دی عبادت دے بعد رات دا کھانا کھانے آں۔ اَسی اُوہناں نوں گرجا گھر وِچ خوش کرنے آں۔ فیر ساڈے مناد تے کارکُن اُوہناں نوں ٹیلی فون کردے نے تے اُوہناں نوں واپس آن لئی مدعو کردے نے۔

اَسی جو کرنے واں اُو کیوں کرنے آں؟ کیونکہ ایہہ کم کردا اے۔ ساڈا طریقہ کار لوکاں نوں گرجا گھر وِچ لے کے آندا اے، تے گرجا گھر وِچ شامل کردا اے۔ گرجا گھر وِچ اُو انجیل دی تبلیغ نوں سنندے نے۔ کُج لوکی مسیح تے اُوسی ویلے پرہوسا کر لیندے نے، لیکن زیادہ تر نوں اُوہناں دے مسیح وِچ ایمان لہیا کے تبدیل ہونے توں ہفتیاں یا مہینیاں پہلاں تیکر خوشخبری نوں سنن دی لوڑ پیندی اے۔ فیر اُو اپنی باقی دی تمام حیاتی گرجا گھر وِچ مسیحیاں دی حیثیت نال بسر کردے نے۔ دوجا طریقہ دھوکے بازی دی اِک چال اے جیہڑی کسی دا وی دِل نئیں جیتدی!

چند ایک مہینے پہلاں میں اپنے والد ڈاکٹر کیگن تے نوح سونگ دے نال افریقہ گیا سی۔ اَسی یوگنیڈا، کینیا تے روانڈا دے گرجا گھراں وِچ منادی کیتی۔ کینیا وِچ اَسی پادری صاحبان دے اِک کانفرنس وِچ گل کیتی سی۔ گئی دوپہر وِچ کافی دیر نال اُو اِجلاس مُکیہ سی۔ ڈاکٹر کیگن نے پادری صاحبان نوں کہیا، ’’آؤ باہر چلو تے ناں حاصل کرو۔‘‘ اَسی کینیا دے شہر نیروبی دی سڑکاں تے پادری صاحبان دے نال جیہڑے سواھیلی زبان دا ترجمہ کر رئے سی گئے۔ اَسی لوکاں دے نال گل بات کیتی تے اُوہناں دے فون نمبرز حاصل کیتے۔ اَسی اُوہناں نوں گرجا گھر آن دی دعوت دِتی۔ پادری صاحبان نے اُوہناں نوں فون کیتے تے اُوہناں نوں لہیاں لئی سواری دا بندوبست کیتا۔ اگلے ای دِن اُوہناں دے کول پنچ لوکی آئے! ساڈے روانڈا بذریعہ ہوائی جہاز رخصت ہو جان دے بعد، پادری صاحب نے اینج ای دوبارہ کیتا تے اِتوار نوں اُوہناں دے کول پنج ہُور لوکی آئے!

اُو مبلغین پُرجوش ہو گئے سی۔ اُوہناں نے اِک طریقہ دریافت کر لہیا سی جیہڑا کم کردا سی! اُوہناں نے سانوں دسیا کہ اُوہناں نے انتہائی شدید جدوجہد کیتی سی تے بہت سا پیسہ ایہو جئے اِجلاسوں نوں کرن تے لگایا سی جیتھے لوکی فیصلہ کردے سی، لیکن اُوہناں وِچوں کوئی وی گرجا گھر نئیں آندا سی۔ پادری صاحبان نے سوچیا سی کہ انجیل دی بشارت کرن دا اُوہی واحد طریقہ سی۔ اُو ساڈا طریقہ سیکھ کے خوش سن۔ کو کہ اصل وِچ لوکاں نوں گرجا گھر وِچ لے کے آندا اے۔

تیجی گل، ساڈا طریقہ تہاڈے لئی چنگا اے، صرف اُوہناں لئی ای نئیں جنہاں نوں مدعو کیتا جاندا اے۔ ایہہ تہانوں اِک مضبوط مسیحی بنائے گا جے تُسی تسلسل دے نال انجیلی بشارت دا پرچار کردے اُو۔ تے ایہہ تہاڈے ایمان وِچ مضبوطی لہیائے گا جدوں تُسی اُوہناں لوکاں نوں جنہاں نوں تُسی مدعو کیتا گرجا گھر وِچ آندا ہویا، گرجا گھر وِچ ٹکدیاں ہویا تے مسیح تے پرہوسا کردے ہویاں ویکھو گے۔ کسی ایہو جئے بندے نوں جِنوں تُسی مدعو کیتا ہویا ہووے گرجا گھر وِچ آندا ہوا ویکھن وِچ انتہائی شدید خوشی ملدی اے۔ اُوہناں نوں نجات پاندا ہویا ویکھن وِچ انتہائی شدید خوشی ملدی اے۔ میں تہاڈے لئی اُوس خوشی دی خواہش کرنا آں!

اَسی کتابچے کیوں نئیں ونڈدے؟ کُج لوکی اینج کردے نے۔ شاید تہانوں معلوم نہ ہووے کتابچہ کی ہوندا اے۔ کتابچہ کاغذ دا اِک ٹکڑا ہوندا اے، عام طور تے تہہ کیتا ہویا، جیہڑا اُو اِک بہت وڈی تعداد وِچ ونڈدے نے چاہے کوئی وی اُوہنوں لے لئے۔ کتابچہ اِک کہانی دسدا اے تے نجات دا پیغام پیش کردا اے۔ آخیر وِچ ایہہ اُوس شخص نوں اِک دعا مانگن یا اُوس کتابچے تے اپنے ناں دے دستخط کرن دے ذریعے نال مسیح تے پرہوسا کرن لئی دسدا اے۔

بے شمار گرجا گھراں نے اپنے لوکاں دے ذریعے نال کتابچے ونڈوائے نے۔ اُو سوچدے نے کہ اُو لوکاں نوں مسیح دے کول لہیا رئے نے۔ لیکن کتابچے لوکاں نوں مسیح دے کول لے کے نئیں آندے۔ اُو اُوہناں نوں گرجا گھر وِچ لے کے نئیں آندے نے۔ اُو لوکی کیتھے نے؟ کتابچے ویلے تے پیسے دا ضائع نے۔ ایس لئی اَسی اُوہناں نوں استعمال نئیں کردے۔

اَسی کیویں جاننے آں؟ اَسی ایس دی کوشش کیتی سی۔ اَسی لکھاں کتابچیاں نوں ونڈیا سی۔ لوکاں نے اُوہناں نوں پڑھیا۔ لیکن اُوہناں وِچوں اِک وی گرجا گھر وِچ نئیں آیا سی! اُو مسیح وِچ ایمان لہیا کے تبدیل نئیں ہوئے سن جدوں اُوہناں نے اُوس کاغذ نوں پڑھیا سی۔ اُو طریقہ کار بائبل دا نئیں سی۔ بائبل کدی وی مسیحیاں نوں کتابچیاں ونڈن لئی نئیں دسدی۔ لیکن بائبل باہر جان لئی تے گنہگاراں نوں اندر لہیان لئی – مقامی گرجا گھراں وِچ لہیان لئی مجبور کرن دے بارے چہ دسدی اے! تے ایہو اے جیہڑا کم اَسی کرنے آں۔

اَسی دو دو کر کے باہر کیوں جانے واں؟ کیونکہ یسوع نے اپنے شاگرداں نوں ایسی طریقے نال باہر پیجیا سی۔ بائبل کہندی اے کہ مسیح نے ’’اُوہناں بارہ نوں سدیا، تے اُوہناں نوں دو دو کر کے روانہ کیتا‘‘ (مرقس6:7)۔ دوبارہ، بائبل کہندی اے کہ ’’خُداوند نے دوجے ستر نوں وی [چُنیا]، تے اُوہناں نے دو دو کر کے اپنے اپنے توں پہلاں اُوہناں شہراں تے قضبیاں وِچ روانہ کیتا جیتھے اُو خود جان والا سی‘‘ (لوقا10:1)۔

بِلاشُبہ، تُسی آپئی باہر انجیلی بشارت دا پرچار کرن لئی جا سکدے ہو۔ بائبل ایس دے بارے چہ کدی وی منع نئیں کردی اے۔ اہدے نال کُج وی غلط نئیں اے۔ لیکن دو دو کر کے جان بائبل دا طریقہ اے، تے ایہہ کم کردا اے!

دو دو کر کے جانا زیادہ لوکاں نوں گرجا گھر وِچ لہیاندا اے۔ لاس اینجلز تے دوجے وڈے شہراں وِچ، لوکی مشکوک ہو جاندے نے۔ اُو کسی ایہو جئے بندے دے نال گل بات کرنا نئیں چاہندے جینوں اُو جانندے ناں ہُون۔ نوجوان لوکی بزرگ لوکاں دے بارے چہ شکوک دا شکار ہو جاندے نے۔ کُڑیاں مُنڈیاں دے بارے چہ شک کردیاں نے۔ دو لوکاں نے اِکٹھے باہر پیچنا اُوہناں دے خوف نوں سکون پہنچاندا اے تے زیادہ تر ناواں نوں گرجا گھر وِچ لے کے آندا اے۔

دو دو کر کے جان تہاڈے لئی چنگا اے۔ اِک زیادہ تجربہ کار مسیحی دے نال جان دی وجہ توں، تُسی لوکاں نوں گرجا گھر وِچ مدعو کرنا سِکھو گے تے اینج کرن چہ سہولت پاؤ گے۔ شروع شروع وِچ، تُسی شاید خوفزدہ محسوس کرو۔ تہانوں معلوم نہ ہووے کی کرنا اے۔ لیکن کسی ہُور دے نال جان دی وجہ توں تُسی سِکھ جاؤ گے کہ ایویں کینج کرنا ہوندا اے۔ چھیتی تُسی آپئے ناں لہیا رئے ہووے گے!

تہانوں اِک چنگی مسیحی رفاقت مل پائے گی۔ یسوع لئی کم کرنا تہانوں اُوہناں مسیحیاں دے لاگے لہیاندا اے جنہاں دے نال تُسی کم کردے ہو۔ ’’کم دی رفاقت‘‘ بِلاشُبہ اِک شاندار رفاقت ہوندی اے۔

سانوں کیویں پتا چلدا اے کہ دوجی راہ کم نئیں کردی؟ اَسی اینوں کئی وریاں تیکر آزما چُکیں آں! اَسی در در گئے سی تے لوکاں دی بلی گراہم دے کتابچیاں دے ذریعے نجات دے منصوبے وِچ رہنمائی کیتی سی۔ اَسی اُوہناں دے صدر دروازیاں تے، یا سڑک تے اُوہناں دے نال گنہگاراں دی دعا منگی سی۔ اَسی لکھاں کتابچیاں نوں ونڈیا سی۔ لیکن لوکی گرجا گھر وِچ نئیں آئے سن۔ اُو مسیح وِچ ایمان لہیا کے تبدیل نئیں ہوئے سن۔ اُوس طریقے نے کم نئیں کیتا سی۔

لیکن ساڈا طریقہ کم کردا اے! ساڈے کول لاس اینجلز دے مرکز وِچ اِک گرجا گھر اے۔ لاس اینجلز اِک بے دین تے بدکار شہر اے۔ ہر قسم دے گناہ ایتھے رونما ہوندے نے۔ لوکی کم تے سکول تے خاندان تے دوستاں دے نال مصروف ہوندے نے۔ ایتھے توجہ وٹان دیاں بے شمار گلاں نے، ٹیلی ویژن دے نال تے انٹرنیٹ تے آئی فون تے باقی بہت کُج۔ انتہائی گھٹ لوکی گرجا گھر وِچ جاندے نے۔ انتہائی گھٹ لوکی حقیقی مسیحی نے۔ اَسی لوکاں دی سڑکاں تے دعا وِچ رہنمائی کرن دی کوشش کیتی۔ لیکن اُوہدے نال گرجا گھر تعمیر نئیں ہویا۔ ایہہ مسیح لئی لوکاں نوں نئیں جِتدا۔

اَسی تجربہ نال سِکھیا۔ اَسی باہر گئے تے لوکاں نوں گرجا گھر لئی مدعو کیتا۔ فیر اَسی اُوہناں نوں گرجا گھر وِچ لہیائے جیتھے اُو خوشخبری نوں سُن پاندے تے بیلیاں نوں لبھ سکدے سن۔ ساڈے گرجا گھر وِچ ہر اِتوار نوں گمراہ لوکی ہوندے نے۔ اُو دوجے گرجا گھراں توں نئیں آئے ہوندے۔ اُو مسیحی گھرانیاں وِچوں نئیں آئے ہوندے۔ اُو دُنیا وِچوں اُوہدے تمام تر گناہواں دے نال آندے نے۔ تے اُوہناں وِچوں کُج شاندار مسیحی بنندے نے۔ ایہو ای وجہ اے کہ ساڈا گرجا گھر روحانی تے زندہ اے۔ ساڈا طریقہ حقیقی مسیحیاں نوں جنم دیندا اے، تے اَسی اُوہناں لئی خُداوند دے شکر گزار آں۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت مسٹر جیک نینگ Jack Ngann نے گایا سی:
’’اُوہناں نوں اندر لے کر آؤ Bring Them In‘‘
(شاعر ایلیکسزینہ تھامس Alexcenah Thomas، 19ویں صدی)۔