Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




آزاد خیال مسیحی تربیت گاہ وِچ ڈاکٹر سُنگ دے نال
(وسطِ خزاں کے چینی میلے کے موقعے پر دیا گیا ایک واعظ )

WITH DR. JOHN SUNG AT A LIBERAL SEMINARY
(A SERMON GIVEN AT THE CHINESE MID-AUTUMN FESTIVAL)
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ دِتّا گیا اِک واعظ
خُداوند دے دن دی شام، 23 ستمبر، 2018
A sermon preached at the Baptist Tabernacle of Los Angeles
Lord’s Day Evening, September 23, 2018

’’اُوس نے اپنے عزیز پُتر دے وسیلے توں سانوں مفت عنایت فرمایا‘‘ (افسیوں1:6)۔


میں 1930 دے اِک عظیم چینی مبشرِ انجیل ڈاکٹر جان سُنگ دی حیاتی دا مطالعہ کردا رہیا آں۔ ڈاکٹر جان سُنگ دی حیاتی دے میرے مطالعے وِچ، اُوہناں دی حیاتی تے میری دے حیاتی دے درمیان، میں ڈھیر ساری مماثلتاں تے کُج تضادات پائے، جیہڑے میرے خیال وِچ شاید اُوہناں لئی دلچسپ ہُون جیہڑے میرے واعظاں نوں پڑھدے نے۔

اِبتدائی زندگی

ڈاکٹر سُنگ دے مقابلے وِچ میری ابتدائی حیاتی چہ بہتیرے اختلافات رئے نے۔ اُو اِک مسیحی خاندان وِچ پیدا ہوئے سن۔ میں اِک غیر مسیحی خاندان وِچ پیدا ہویا سی۔ میرے والد اشیاء بیچن آلے اِک انسان سن۔ ڈاکٹر سُنگ دے والد اِک پادری سن۔ ڈاکٹر سُنگ دے والد اُوہناں نوں علاقے دا پادری بنانا چاہندے سن۔ میرے والد مینوں علاقے دا پادری نئیں بننا چاہندے سن۔ ڈاکٹر سُنگ شروع توں ای اِک ذہین طالب علم سن، امریکن یونیورسٹی توں وی پنجی وریاں دی عمر وِچ اِک نوجوان بندے دی حیثیت نال 21 مہینیاں وِچ پی ایچ ڈی دی ڈگری حاصل کر لئی سی۔ جدوں کے دوجے پاسے میں، ہائی سکول چھڈ چکیا سی، تے راتاں نوں تعلیم مکمل کرن دی کوشش کر رہیا سی، تے مذید ایہہ کہ بائبل سکول وِچ فیل ہو گیا سی، لیکن سکول چھڈن توں کُج عرصہ پہلاں مذہبی طور تے تبدیل ہو گیا سی۔ ڈاکٹر سُنگ ہمیشہ توں ای اِک ذہن طالب علم سن۔ اُوہناں نے اپنی اعلیٰ تعلیم دی ڈگری حاصل کیتی سی۔ اُوہناں نے کیمسٹری وِچ اپنی ماسٹرز دی ڈگری صرف 9 مہینیاں وِچ حاصل کیتی سی، تے صرف 21 مہینیاں وِچ کیمسٹری وِچ اِک پی ایچ ڈی کیتی۔ میرے مذہبی طور تے تبدیل ہون توں پہلاں تیکر میں اِک غریب طالبِ علم سی۔ میں ہائی سکول وِچ ناکام رہیا سی، تے جدوں میں پہلی وری کالج گیا سی تے ناکام ہو گیا سی۔ اُو مذہبی طور تے ہوئے سن جدوں اُو مذہبی تربیت گاہ وِچ سی، جبکہ میں دوجی وری کالج وِچ داخلہ لین توں پہلاں مذہبی طور تے تبدیل ہویا سی۔ میں 28 ستمبر 1961 وِچ، صبح دے تقریباً 10:30 بجے، بائیولہ کالج [جیہڑا کہ ہُن یونیورسٹی اے] وِچ اِک چھوٹے جئے گرجا گھر وِچ ڈاکٹر چارلس جے۔ وُوڈبریج دے واعظ دے وِچکار مذہبی طور تے تبدیل ہویا سی۔ ڈاکٹر سُنگ یونین تھیولوجیکل مذہبی تربیت گاہ دے پہلے سال دے آخیر وِچ مذہبی طور تے تبدیل ہوئے سن۔ ’’سب کُج یسوع دے لئی۔‘‘ ایہہ کورس گاؤ!

سب کُج یسوع لئی! سب کُج یسوع لئی! میرے سارے ویلے تے میرے سارے دِن؛
سب کُج یسوع لئی! سب کُج یسوع لئی! میرے سارے ویلے تے میرے سارے دِن؛
   (’’سب کُج یسوع لئی‘‘ شاعر میری ڈی۔ جیمس Mary D. James، 1810۔1883)۔

مذہبی تربیت گاہ دی حیاتی

ایہہ اُوس ویلے ہویا جدوں ڈاکٹر سُنگ آزاد خیال مذہبی تربیت گاہ وِچ پڑھ رئے سن کہ بے شمار مماثلتاں رونما ہویاں جِنہاں نے ساڈی حیاتیاں نوں ایکو جہیا بنا چھڈیا۔ مینوں کیلیفورنیا دے پہلے بپتسمہ دین آلے گرجا گھر جیہڑا کہ ہون ٹِنگٹن پارک وِچ واقع اے اُوہدے وِچ میرے مذہبی طور تے تبدیل ہون توں پہلاں منادی لئی بُلایا گیا سی۔ ڈاکٹر سُنگ وانگر، اُوس ویلے دے دوران میری دلچسپی چینی لوکاں نوں بشارتِ انجیل دین وِچ ودھ گئی سی۔ جیمس ہڈسن ٹیلر دی حیاتی تے مشتمل کتاب تے جان وِیزلی دا شمارہ پڑھن دے بعد، مینوں محسوس ہویا کہ خُدا مینوں ہانگ کانگ یا تائیوان وِچ مبلغِ تبلیٖغِ دین دی حیثیت نال تبلیغ لئی بُلا رہیا سی۔ میں نے 1960 دے شروع وِچ چینی زبان نوں سکھنا شروع کیتا سی، لیکن چینی زبان دی تعلیم مینوں ادھ وچکار چھڈنی پئی جدوں مینوں لاس اینجلز سٹی کالج وِچ پڑھانا پئیا۔ 1961 وِچ جنوری دے مہینے چہ میں لاس اینجلز دے پہلے بپتسمہ دین آلے چینی گرجا گھر دا رُکن بنیا۔ میں اُنیس ورے دا سی۔ تعلیم دے اُوہناں وریاں دے وچکار میرا لائحۂ عمل شدید مصروفیت دا ہوندا سی، رات نوں کالج پڑھن جانا، جدوں کہ اِتوار دے سکول وِچ پڑھانا، بچیاں دے گرجا گھر وِچ بچیاں نو ہر اِتوار تبلیغ کرنا، تے چینی گرجا گھر وِچ ہر جمعہ تے اِتوار نوں دوجی ذمہ داریاں لئی کئی کئی گھنٹے خدمت کرنا۔ میں دن دے وچکار سارا ویلہ کم کر رہیا سی تے رات نوں کالج وِچ پڑھ رہیا سی۔ ویک اینڈز تے سارے کم جیہڑے میں گرجا گھر وِچ کر رہیا سی اُوہناں دے نال میرا لائحہ عمل بہتی مشکل سی۔ میں اِک کتاب پڑھی سی جینوں صدارتی اُمیدوار صدر نیکسن نے تجویز کیتا سی، اُوس کتاب دا عنوان سی ’’مثبت سوچ دی قوت The Power of Positive Thinking ‘‘ تے مصنف ڈاکٹر نارمن وِنسنٹ پیئل Dr. Norman Vincent Peale سی۔ اُوس ویلے میں نئیں جانندا سی کہ ڈاکٹر پیئل اِک آزاد خیال سن۔ لیکن اُوہناں دی کتاب وِچ اِک باب ایہو جیہا سی جیس نے میرے تے مثبت تاثر پایا سی۔ اُوس باب وِچ ڈاکٹر پیئل نے فلپیوں4:13 نوں یاد کرن لئی کہیا سی تے اُوس وِچ موجود وعدے دا دعویٰ کیتا سی،

’’جیہڑا مینوں طاقت بخشدا اے اُوس دی مدد نال میں سب کُج کر سکنا واں‘‘ (فلپییوں 4:13)

ایس آیت وِچ وعدے دا دعویٰ میری حیاتی دے موڑاں وِچوں اِک سی۔ میں ہر روز فلپیوں4:13 تے سوچ وِچ ڈُب جاندا سے، تے اُو وعدہ میرے لئی حقیقت بن گیا، جدوں مسیح نے مینوں قوت بخشی کہ آکر کار میں کالج وِچ بہتر ہون لگا، جدوں کہ میں کیلیفورنیا دی ریاست دے سند یافتہ ادارے دے خط لکھن آلے حصے وِچ سارا ویلے کم کردا سی، جدوں کہ میں راتاں نوں پڑھائی دے کورسز دا ساری بوجھ وی چکدا سی، تے ویک اینڈ تے چینی بپتسمہ دین آلے گرجا گھر وِچ اُو ساری کم وہ کردا سی۔ میں نے 1970 دے موسمِ بہار وِچ لاس اینجلز کیلیفورنیا توں گریجوایشن دا امتحان پاس کیتا۔ ’’سب کُج یسوع دے لئی۔‘‘ ایہہ کورس دوبارہ گاؤ!

سب کُج یسوع لئی! سب کُج یسوع لئی! میرے سارے ویلے تے میرے سارے دِن؛
سب کُج یسوع لئی! سب کُج یسوع لئی! میرے سارے ویلے تے میرے سارے دِن؛

پہلا چینی بپتسمہ دین آلا گرجا گھر جنوبی پبتسمہ دین آلے اجتماع دے نال منسلک سی۔ مینوں جنوبی بپتسمہ دین آلیاں نے دسیا سی کہ میں مذہبی تربیت گاہ وِچ مذہبی عہدے تے فائز ہون لئی ضرور جاواں۔ بے شک مینوں 1960 دے ستمبر وِچ کیلیفورنیا دے ہون ٹِنگٹن پارک دے پہلے جنوبی بپتسمہ دین آلے گرجا گھر نے تبلیغ کرن دا اِجازت نامہ دِتا سی، تے 1970 تیکر میں اعلیٰ تعلیم دی ڈگری وی مکمل کر چکیا سی، فیر وی جنوبی بپتسمہ دین آلے مینوں مذہبی عُہدے دے فائز نئیں کر سکدے سی جدوں تیکر میں تین سالہ دورانیے دی الوہیت وِچ ماسٹرز دی ڈگری مذہبی تربیت گاہ توں مکمل نہ کر لیندا۔ میں اِینے پیسے نئیں جمع کر سکیا سی کہ بائیولا وِچ بہت زیادہ اعتدال پسند علم الہٰیات دے ٹالبوٹ سکول وِچ جا سکدا، لہٰذا میرے کول صرف اِکو اِنتخاب سی کہ گولڈن گیٹ بپتسمہ دین آلی علمِ الہٰیات دی مذہبی تربیت گاہ وِچ داخلہ لیندا جیہڑی سان فرانسسکو دے قریب، صلیب ماریِن وِچ مِل وادی چہ واقع سی۔ میں جانندا سی کہ سکول آزاد خیال سی لیکن پہلے چینی بپتسمہ دین آلے گرجا گھر دے قائدین نے کہیا کہ ایس توں مینوں کوئی نقصان نئیں پہنچے گا کیوں جے میرے پادری صاحب، ڈاکٹر ٹیموتھی لِن (جنہاں نے بوب جونز یونیورسٹی دے گریجوایٹ ڈپارٹمنٹ وِچ پڑھیا سی) نے مینوں ترجیحاً مکمل تے جامع تربیت اعتدال پسند علمِ الہٰیات تے بائبل وِچ اُوہناں وریاں دے دوران دِتی سی جدوں میں اُوہناں دی شاگردی وِچ چینی گرجا گھر وِچ پڑھدا سی۔

اُو گولڈن گیٹ مذہبی تربیت گاہ بھیج کر میرا بھلا چاہندے سی، لیکن ایہہ بہترین تجویز نئیں سی۔ اُوس مذہبی تربیت گاہ وِچ پڑھن دا نتیجہ ایہہ نکلیا کہ میں منادی چھڈن دے بالکل لاگے پہنچ گیا سی، جو کہ اُوس ویلے شدید آزاد خیال سی (تاہم اَج ایہہ زیادہ اعتدال پسند اے)۔ لیکن جدوں میں گولڈن گیت گیا تے اُو انتہائی آزاد خیالی دا صحیح گڑھ سی، بالکل نیویارک وِچ موجود یونین تھیولوجیکل سیمنری وانگو، جدوں ڈاکٹر جان سُنگ 1926 دے موسمِ خزاں وِچ اُوتھے گئے سی۔ یونین مذہبی تربیت گاہ وی اُوسی نقطۂ نظر نال پڑھاندی سی جہدے نال گولڈن گیت پڑھاندی سی۔ یونین مذہبی تربیت گاہ دے بارے چہ ڈاکٹر سُنگ دے سوانح نگار نے کہیا،

[جان سُنگ] نے چھیتی معلوم کر لہیا کہ بائبل تے مسیحی ایمان دی حکمتِ عملی خالصتاً فلسفیانہ سی۔ ہر مسئلے دا انسانی وجوہات دی روشنی وِچ جائزہ لہیا جاندا سی۔ بائبل دی کوئی وی گل جینوں سائنسی طریقے دے مطابق ثابت نئیں کیتا جا سکدا سی اُوہنوں لائقِ مذمت اعتقاد تصور کر کے مسترد کر دِتا جاندا سی! پیدائش دی کتاب نوں غیر تاریخی قرار دِتا گیا تے معجزات تے یقین نوں غیر سائنسی۔ تاریخی یسوع نوں اِک مثالی حسنِ مجسم دی نقل دے طور تے پیش کیتا گیا، جدوں کہ اُوس [یسوع] دی موت تے جسمانی طور تے مُردیاں وِچوں جی اُٹھن جیہے تبدلیاتی اقدار نوں تسلیم ای نئیں کیتا گیا۔ دعا نوں ویلے نوں ضائع کرن دی حیثیت نال تصور کیتا گیا۔ ایہو جئے نقطۂ نظر نال غیر متفق ہونا اپنے آپ نوں تضحیک تے ہمدردی دا مستحق قرار دینا سی‘‘ (لیزلی ٹی۔ لیعل، جُان سُنگ دی سوانح حیات: مشرقِ بعید وِچ خدا دا شعلہ A Biography of John Sung: Flame of God in the Far East، سمندر پار دے تبلیغ مسیحی مبلغین دی صحبت Overseas Missionary Fellowship، 1965 اشاعت، صفحات 29۔30)۔

اصل وِچ ایہہ سی جیہڑا مینوں اپنے الہٰیات دے تین سالہ ماسٹرز دے کورس دے دوران گولڈن گیٹ مذہبی تربیت گاہ وِچ پڑھایا گیا سی۔

مذہبی تربیت گاہ وِچ، ڈاکٹر جان سُنگ اپنے والد جیہڑے کہ اِک پادری سن دی سیکھائی ہوئی بچپن دی اعتقد دیاں گلاں بُھل چکے سن۔ اُوہناں نے بُدھ مت تے ٹائو اِزم Taoism پڑھنا شروع کر دِتا سی، تے حیران ہوندے سے کہ آیا لاؤ ژی Lao-Tze دی تعلیمات اُوہناں نوں اُو امن دلا سکدیاں نے جیس دی اُوہناں نوں تلاش اے۔ اُوہناں نے لاؤ۔ژی دی کتاب ٹاؤ ٹہے چنگ Toa The Ching دا ترجمہ کیتا، تے اپنی جماعتاں وِچوں اِک چہ اُوس چینی فلسفہ دان دا مقالہ پڑھیا۔ اُوہناں نے ایتھوں تیکر کہ اپنے سون آلے کمرے وِچ تنہائی چہ بُدھ مت دے کلام دا جاپ شروع کر دِتا، ’’اُوس اُمید تے کہ شاید خود ذاتی توں منکری اُوہناں نوں اُو نجات دلا سکے جیس دا وعدہ بُدھا نے کیتا… لیکن اُوہناں دا اپنا دِل تاریکیاں وِچ ای رہیا‘‘ (لیعل، ibid.، صفحہ 31).

اُوہناں نے لکھیا، ’’میری روح بیاباناں وِچ بھٹکدی سی۔ نہ میں سو سکدا سی نہ کھا سکدا سی… میرا دِل شدید غمگینی دے نال پرہیا ہویا سی‘‘ (لیعلLyall ، صفحہ 31)۔ یہاں پر کلک کیجیے ڈاکٹر سُنگ کی بہترین سوانح حیات The best biography of Dr. Sung ، ’’مجھے جُان سُنگ یاد ہے‘‘ٰI Remember John Sung، مصنف ریورنڈ ولیم ای۔ شوبرٹ Rev. William E. Schubert ، یا جائیے www.strategicpress.org

بہت سے محسوسات تے تجربات جو ڈاکٹر سُنگ نے آزاد خیال مذہبی تربیت گاہ وِچ کیتے سن، میں وی گولڈن گیٹ علمِ الہٰیات دی مذہبی تربیت گاہ دے میرے تین وریاں دے دوران محسوس کیتے سن۔ تیجے ورے تیکر میں مکمل طور تے تنہا سی، شدید طور تے ذہنی دباؤ دا شکار، تے سنجیدگی نال مذہبی خدمت نوں بھلائی واسطے چھڈن لئی غوروفکر کر رئیا سی۔ ایس تمام وِچ، میرے احساسات اُوس موڑ تے بالکل ایہو جئے سن جیویں جان سُنگ دے سی۔ ’’سب کُج یسوع دے لئی۔‘‘ دوبارہ گاؤ!

سب کُج یسوع لئی! سب کُج یسوع لئی! میرے سارے ویلے تے میرے سارے دِن؛
سب کُج یسوع لئی! سب کُج یسوع لئی! میرے سارے ویلے تے میرے سارے دِن؛

تبدیلی

لیکن ایتھے اِک بہت وڈا فرق سی۔ جان سُنگ ہُنے تیکر مذہبی طور تے تبدیل نئیں ہوئے سن۔ میں ماضی وِچ ستمبر 1961 وِچ حقیقی مذہبی تبدیلی دا تجربہ کر چکیا سی۔ میں یقینی طور تے یسوع دے کول آ گیا سی، اُوہدے خون وِچ دُھل چکیا سی، تے کئی سال پہلاں، بائیولا کالج وِچ اُوس دِن نیا جنم لے چکیا سی۔

ایسی طرح دے گہرے نفسیاتی دباؤ دی حالت وِچ، ڈاکٹر سُنگ چین واپس آ گئے تے مذہبی طور تے تبدیل ہو گئے۔ میں یسوع نوں پہلاں توں جانندا سی، لیکن مینوں شیطان نے ایس قدر شدت نال آزمایا تے کوشش کیتی کہ میں محسوس کیتا سی کہ میں منادی جاری نئیں پاواں گا۔

فیر اِک رات دے آخری پہر تقریباً دو بجے دے قریب میں اپنے دماغ وِچ کلام دی ایس آیت دے نال جاگ اُٹھیا سی،

’’اُوس نے اپنے عزیز پُتر دے وسیلے توں سانوں مفت عنایت فرمایا‘‘ (افسیوں1:6)۔

میں بستر وِچوں باہر آیا تے آیت نوں یکسوئی دے نال ویکھیا۔ مینوں ایویں لگیا کہ خُدا کہہ رہیا اے، ’’ایہہ تیرے لئی اے۔ تینوں ’’ میرے پیارے نے قبول کیتا‘‘ اے۔ تینوں قبول کیتا گیا اے کیوں جے تُو میرے پیارے پُتر یسوع ’وِچ‘ اے۔ تینوں کوئی قبول نئیں کردا اے، لیکن میں کرنا واں۔ تینوں میں قبول کیتا اے کیوں جے تُو میرے محبوب پُتر ’وِچ‘ اے۔ میں بستر وِچوں چھال مار کے نکلیا، اپنے کپڑے پائے تے رات وِچ باہر نوں نٹھیا۔ مذہبی تربیت گاہ دے پچھلے پاسے اِک ہموار چوٹی آلے پہاڑ تے۔ میں جدوں وی سان فرانسسکو وِچ ہونا واں ایس جگہ اُوس مقام تے جان واں۔ کافی فاصلے تے، جنوب مشرق وَل میں سان فرانسسکو دیاں روشنیاں ویکھ سکنا واں، تے مغرب وِچ ٹاملپئیس پہاڑ۔ برفانی ہوائیں میرے بالاں وِچوں لنگ رئی سی، تے خُدا میرے نال دوبارہ ہمکلام ہوندا ہویا محسوس ہویا سی۔ اُوہنے کہیا، ’’ہُن تو انساناں نوں خوش کرن لئی تبلیغ نئیں کرے گا۔ ہُن تو مینوں خوش کرن لئی تبلیغ کرے گا۔ ہُن تو میرا مبلغ اے۔‘‘ خُدا نے مینوں ایہہ وی دسیا سی کہ میں اپنے اہم کم اُوہدوں تیکر نئیں کر سکاں گا جدوں تیکر میں بُڈھا نئیں ہو جاندا۔ میں ہڈیاں تیکر سردی وِچ ٹھٹھردا ہویا بستر وِچ واپس ٹُر گیا، ایہہ مانندے ہویاں کہ خُداوند نے مینوں تبلیغ کرن لئی دوجی مرتبہ سدیا سی۔ ’’سب کُج یسوع دے لئی۔‘‘ اینوں دوبارہ گاؤً!

سب کُج یسوع لئی! سب کُج یسوع لئی! میرے سارے ویلے تے میرے سارے دِن؛
سب کُج یسوع لئی! سب کُج یسوع لئی! میرے سارے ویلے تے میرے سارے دِن؛

میں کدی وی ڈاکٹر جان سُنگ جیہا مبشرِ انجیل نئیں بن پاواں گا تے ایتھوں تیکر کہ اِک غیر مُلکی مسیحی مبلغِ دین، جیویں کہ میرا اِرادہ سی۔ 70 وریاں دی عمر وِچ ہُن میں بہت بُڈھا ہو چکیا واں۔ لیکن میں دعا منگنا واں کہ دوجے جیہڑے ایشیا دے دور دراز حصّیاں وِچ تے دُنیا وِچ نے، میرے انجیلی تبلیغ دے واعظاں دے مسوّدے لین تے اُوہناں دی تبلیغ کرن، میری تھاں تے کِھلو کے، انٹرنیٹ توں میرے واعظاں دی تبلیغ کرن، اُو کرن جیہڑا میں 1961 وِچ جدوں میں اُنیس وریاں دا سی کرن دی خواہش کیتی سی۔

ہُن، ایتھے اَج دی راتی ساڈے نوجوان لوکاں لئی اِک نِکا جیہا پیغام۔ حال ہی وِچ شائع ہوئی جان سُنگ دی ڈائری وِچوں اقتباس Extracts from the Diary of John Sung دی تمہید وِچوں، پیدائشGenesis، 2008، ملائیشیا دے ریورنڈ ہووا ینگ Rev. Hwa Young نے کہیا،

میری اپنی بالغ حیاتی دے گذشتہ چالی یا ایس توں زیادہ وریاں دے دوران، میں ایشیا وِچ گرجا گھراں نوں تعداد تے اعتماد وِچ ودھدا ہویا ویکھ چکیا واں۔ تدریجی طور تے، میں محسوس کرنا واں کہ خُدا سانوں بُلا رہیا اے کہ [ساری دُنیا وِچ] مسیح دی منادی کرن دی اہم مہم وِچ مرکزی کردار ادا کریے۔ لیکن جے ایشیا دی کلیسیا ایس مہم دے نال وفادار رہندی اے، فیر بہتیریاں دی لوڑ پے جائے گی جیہڑے دِل دے نال چاہن گے جیہڑا جیمس ڈینی نے کہیا سی تے جیہڑا جان سُنگ نے واضح طور تے سمجھیا سی… جیہڑی ضرور اُبھرنی چائی دی اے اُو ایشیا دے مسیحیاں دی اِک نئی نسل اے، خاص طور تے اَج دے ساڈے نوجوان لوکاں دے وچکار۔ جیہڑے واضح طور تے جانندے نے ’’کہ اَج دی موجودہ شیطانی دُنیا وِچ ضرور اے کہ عظیم دستبرداری [خود تردیدی] ہووے۔ عظیم مسیحی کیرئیرز [مسیحیت نوں جاری رکھن آلے] ہونے چائی دے نے تے جیہڑے اُوسی طریقے نال حیاتی گزارن دی جرأت رکھدے ہون… خاص طور تے نوجوان نسل دے وچکار! ایہہ اُوہناں لوکاں لئی اِک تحریک ہووے جیہڑے جانندے ہون کہ عظیم [خود انکاری] کی معنی رکھدی اے، جیہڑے بے شمار عظیم مسیحی کیرئیرز [مسیحیت نوں جاری رکھن آلے لوکاں] دی رہنمائی کرے گی۔ خُدا دے جلال تے مسیح دی بادشاہت دے فروغ لئی (ریورنڈ ہووا ینگ Rev. Hwa Young، شمارہ جیہڑا کدی گواچ گیا سی: جان سُنگ دی ڈائری توں اقتباس The Journal Once Lost: Extracts from the Diary of John Sung ، پیدائشGenesis، 2008، صفحاتxiv – xv)۔

’’سب کُج یسوع دے لئی۔‘‘ اینوں دوبارہ گاؤ۔

سب کُج یسوع لئی! سب کُج یسوع لئی! میرے سارے ویلے تے میرے سارے دِن؛
سب کُج یسوع لئی! سب کُج یسوع لئی! میرے سارے ویلے تے میرے سارے دِن؛

دستبرداری تے خود تردیدی شروع ہوندے نے مذہبی طور تے تبدیل ہون توں۔ تہانوں اپنے گناہواں دا اقرار کرنا چائی دا اے تے اُوہناں توں دستبردار ہونا چائی دا اے مذہبی طور تے تبدیلی دے لئی۔ جان سُنگ اِک عظیم مسیحی سی کیونکہ اُوہنے اِک عظیم مذہبی تبدیلی کیتی۔ اُوہنے اِک عظیم مذہبی تبدیلی کیتی کیونکہ اُوہنے بہت وڈی خود تردیدی کیتی سی۔ اُوہنے اپنے عالم ہونے دے تمغے تے انجمن دی چابی سمندر وِچ سُٹ دِتی سی۔ بے شک اُوہناں نے کیمسٹری وِچ پی ایچ ڈی کیتی ہوئی سی، اُوہناں نے علم و فضل دی دُنیا توں مُنہ موڑ لہیا سی تے جنوب مشرقی ایشیا تے چین دے لوکاں نوں انجیل دی تبلیغ کرن ٹُر گئے سی۔ جان سُنگ نے جان بوجھ کے حیاتی دے اُوہناں ساریاں لوازماتاں توں جیہڑے اُو حاصل کر سکدے سی خود تردیدی کیتی سی۔ اپنے مذہبی تبدیلی توں کُج راتاں پہلے، خُداوند نے جان سُنگ نوں کہیا،

’’بندہ جے ساری دُنیا حاصل کر لے تے اپنی جان گنوا بیٹھے تے اُوہنوں کی فائدہ ہووے گا؟‘‘ (مرقس8:36)

’’سب کُج یسوع دے لئی۔‘‘ اینوں دوبارہ گاؤ۔

سب کُج یسوع لئی! سب کُج یسوع لئی! میرے سارے ویلے تے میرے سارے دِن؛
سب کُج یسوع لئی! سب کُج یسوع لئی! میرے سارے ویلے تے میرے سارے دِن؛

چھڈ دیو جیہڑا گناہ وی تہانوں روکے ہوئے اے۔ تفصیل دے نال خُدا دے اَگے اپنے گناہ دا اقرار کرو۔ روح القدوس تہانوں دِل دیاں گہرائیاں دے نال گناہواں دا جرم قبول کرائے۔ دُںیا نوں دستبردار کرو! اینوں چھڈ دیو! مسیح نوں اپنی حیاتی وِچ پہلی تھاں دیو۔ یسوع مسیح دے کول آؤ تے اُوس دے خون نال اپنے گناہ دھو کر پاک صاف ہوو۔ فیر یسوع دے لئی اپنے تمام دِل تے روح تے حیاتی دے نال جیئو! ہفتے دی راتی دعا تے انجیلی بشارت لئی ساڈے نال ہووے۔ ہر اِتوار دی صبح تے ہر اِتوار دی رات نوں ساڈے نال ہوو۔ یسوع دے لئی اپنے دِل تے روح تے حیاتی دے نال جیئو! یہاں کلک کیجیے پڑھنے کےلیے ’’ڈاکٹر جُان سُنگ کی حقیقی تبدیلی۔‘‘

مہربانی نال کھِلو جاؤ تے اپنے گیتاں دے ورق توں حمدوثنا دا گیت نمبر3 گاؤ، ’’سب کُج یسوع دے لئی۔‘‘

سب کُج یسوع لئی! سب کُج یسوع لئی! گناہواں دی قید توں بچان دیاں قوتاں میری ہستی لئی:
   میرے سارے خیالات تے الفاظ تے افعال، میرے سارے دِن تے میرے سارے گھنٹے۔
سب کُج یسوع دے لئی! سب کُج یسوع دے لئی! میرے سارے دِن تے میرے سارے گھنٹے؛
   سب کُج یسوع دے لئی! سب کُج یسوع دے لئی! میرے سارے دِن تے میرے سارے گھنٹے۔

جدوں توں میری اَکھاں یسوع تے مرکوز نے، میں اِردگرد دے تمام نظارے گنوا چکیا واں؛
   میری روح دا تصور ایس قدر زنجیراں وِچ جکڑیا مصلوب ہوئے وَل ویکھ رئیا اے؛
سب کُج یسوع دے لئی! سب کُج یسوع دے لئی! مصلوب ہوئے وَل ویکھ رئیا اے۔
   سب کُج یسوع دے لئی! سب کُج یسوع دے لئی! مصلوب ہوئے وَل ویکھ رئیا اے؛

اوہ، کیہو جہیا تعجب! کیس قدر حیرت انگیز! یسوع، بادشاہواں دا جلالی بادشاہ،
   مینوں اپنا محبوب پکارن لئی بے عزت کیتا گیا، مینوں اپنے پیراں تلے آرام کراندا اے۔
سب کُج یسوع دے لئی! سب کُج یسوع دے لئی! مصلوب ہوئے وَل ویکھ رئیا اے۔
   سب کُج یسوع دے لئی! سب کُج یسوع دے لئی! مصلوب ہوئے وَل ویکھ رئیا اے؛
(’’سب کُج یسوع لئی‘‘ شاعر میری ڈی۔ جیمس Mary D. James، 1810۔1883)۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت مسٹر بینجمین کینکیڈ گریفتھ Mr. Benjamin Kincaid Griffith نے گایا سی :
’’سب کُج یسوع لئی All For Jesus‘‘
(شاعر میری ڈی۔ جیمس Mary D. James، 1810۔1883)۔