Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




کی تُسی پِچھے چھڈ دیے جاؤ گے؟

WILL YOU BE LEFT BEHIND?
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ دِتّا گیا اِک واعظ
خُداوند دے دن دی شام، 16 ستمبر، 2018
A sermon preached at the Baptist Tabernacle of Los Angeles
Lord’s Day Evening, September 16, 2018

’’پس جاگدے رہوو: کیوں جے تُسی نئیں جاندے کہ تہاڈا خُداوند کیس دِن آئے گا‘‘ (متی24:42)۔


تقریباً ہر اخبار جیہڑا میں پڑھنا واں اُوس وِچ بائبل دی پیشن گوئی تے جیس طریقے نال اَسی ایس دے بارے چہ جاننے واں دُنیا دے خاتمے توں متعلق کُج نہ کُج ہوندا اے۔ ایہہ نشانیاں نےجیہڑیاں ساڈے تے خُداوند نے ایہہ ظاہر کرن لئی بخشیاں نے کہ ساڈے کول ساڈی دُنیا دے خاتمے توں پہلاں کیس قدر کم ویلہ بچیا اے۔

ایتھے لاس اینجلز وِچ ڈیلی نیوز Daily News وِچوں سُرخیاں نوں سُنو۔

پُلاں دا کھنڈرات وِچ تبدیل ہونا۔ قومی پُلاں وِچوں اِک چوتھائی توں وی زیادہ انتہائی کمزور، خستہ حال یا فیڈرل ریکارڈز دے مطابق اپنی موجودہ ٹریفک دے بوجھ سہن لئی ناکافی نے جیس دی تفصیل اِک امریکی روڈ سسٹم نے دَسی جیہڑا کوئی چالبازی نئیں کردا۔

امریکہ زمین تے اِک عظیم ترین قوم اے، لیکن اَسی تے اپنے پُلاں تے اپنیاں سڑکاں نوں وی قابلِ استعمال نئیں رکھ سکدے!

دوائیاں دی قلت دا ہسپتالاں تے وار ۔ مُلک بھر وِچ ہسپتال بالغاں دے ٹٹنس دے ٹیکیاں دا ذخیرہ کر رئے نے… اِک نہایت اہم ویکسین دی بہت زیادہ کمی دی وجہ توں۔ مدّتاں بعد ہسپتالاں نوں سامنا کرن آلی ایہہ دوائیاں دی سب توں زیادہ قِلتاں وِچوں اِک اے – تے ایہہ توقع مت کرو کہ ایہہ آخیرلی ہووے گی۔ ہر دیہاڑے جیہڑے ہسپتال دوائیاں استعمال کردے نے اُوہناں دی قلت [ہُون] مذید ہُور اکثریت دے نال نمودار ہو رئی اے، تے بدترین ایہہ اے کہ اُوہناں وِچ متبادل دے طور تے چند اِک چنگیاں مصنوعات زیادہ اکثریت وِچ شامل ہوندیاں نے... ایہہ گل ڈاکٹراں تے دوافروشاں دا تعاقب کردی اے جیہڑے ایس نال نمٹن لئی جدوجہد کر رئے نے… ہسپتال پہلاں توں کہیں زیادہ چھیتی ایس قلت نوں محسوس کر رئے نے کیوں جے، روزانہ دی تیزی دے نال ودھدی ہوئی دوائیاں دیاں قیمتاں دا سامنا کردے ہویاں، زیادہ تر ہسپتال ہُن وسائل [دوائیاں] دے ذخیرے وِچ صرف چند اِک دِن ہی دی فراہمی رکھدے نے۔

کیلیمنجارو پہاڑ دی چوٹی تے برف دا پگھلنا۔ افریقہ دے پہاڑ کیلیمنجارو دی چوٹی توں سفید برف غائب ہو رئی اے، جیہڑا کے ہر پاسے گلیشیئرز آلے پہاڑاں دے سکڑن دے اِک عمل دا شکار اے۔ پہاڑاں دیاں برفیلی چوٹیاں ’’موسمی تبدیلی‘‘ دی وجہ توں پگھل رئیاں نے جیہڑیاں کہ اَج دی رات ساری دُنیا نوں دھمکا رئیاں نے!

بہت وڈے وڈے زلزے زیادہ تر لوکاں نوں بہت زیادہ خوف وِچ مبتلا چھڈ دیندے نے!

یروشلم وِچ گڈی دا اِک بم دھماکے وِچ پھٹنا۔ یروشلم وِچ اِک کٹر آرتھوڈکس یہودی پڑوس وِچ اِک گڈی دھماکے نال پھٹ گئی، جیس نال عمارتاں لرز اُٹھیاں تے ہوا وِچ دھاتی ٹکڑے زناٹے نال گزرے۔

ایہہ شاید کدی کدی ہون آلے واقعات وکھائی دیندے ہون۔ لیکن اُو لوکی جیہڑے بائبل دی پیشن گوئی دے متعلق جانندے نے اُوہناں نوں احساس ہوندا اے کہ ایہہ اُو نشانیاں نے جیہڑیاں دسدیاں نے کہ اَسی ہُن آخیرلے دِناں وِچ زندگی بسر کر رئے آں۔ تے جیویں کہ اَسی جاننے واں کہ دُنیا دا خاتمہ اُوہناں لئی جیہڑے بائبل دیاں پیشن گوئیاں نوں سمجھدے نے ہُن انتہائی قریب ہوندا وکھائی دیندا اے۔

یسوع نے کہیا:

’’پس جاگدے رہوو: کیوں جے تُسی نئیں جاندے کہ تہاڈا خُداوند کیس دِن آئے گا‘‘ (متی24:42)۔

یسوع نے تاریخاں طے کرن دے خلاف خبردار کیتا سی (متی24:36؛ اعمال1:7)۔ لیکن اُوہنے آن آلے خاتمے دی عمومی علامتاں دی تاک وِچ رہن لئی سانوں کہیا۔ میں یقین کرنا واں کہ اَسی ہُن اُوسے زمانے وِچ زندگی بسر کر رئے آں۔ بائبل تعلیم دیندی اے کہ خاتمہ قریب اے۔

بائبل تعلیم دیندی اے کہ یسوع ہوا وِچ آ رہیا اے۔ زندہ تے مُردہ، جہیڑے سچے طور تے مسیح وِچ ایمان لہیا کے تبدیل ہوئے اُوہناں مسیحیاں نوں آسمان وِچ اُوس دا استقبال کرن لئی چُک لہیا جائے گا (حوالہ ویکھو 1تسالونیکیوں4:14۔18)۔ کُج لوکی جیہڑے بائبل وِچ یقین نئیں رکھدے نے اُو بائبل وِچ ایس پیشن گوئی دا مذاق اُڑاندے نے۔ اُو ھنسدے نے تے کہندے نے کہ ایہہ کدی وی نئیں رونما ہووے گا۔ لیکن اُو غلط نے۔چھیتی ای اِک دِن مسیح وِچ ایماندار زندہ تے مُردہ لوکاں نوں بدلاں وِچ اُوس دے استقبال لئی آسمان وِچ چُک لہیا جائے گا۔ تے تُسی پِچھے چھڈ دیتے جاؤ گے!

آؤ ریپچر [مسیح وِچ ایماندار زندہ تے مُردہ لوکاں دا بدلاں وِچ اُوس دے استقبال لئی آسمان وِچ چُکیا جانا] توں تعلق رکھدے ہویاں تِن گلاں دے بارے وِچ اختصار دے نال سوچو۔

I۔ پہلی گل، ریپچر توں پہلاں دے حالات۔

بائبل سانوں بالکل صحیح طور تے دسدی اے کہ ریپچر توں بالکل پہلاں دُنیا وِچ کیویں لگ رہیا ہووے گا۔ یسوع نے کہیا:

’’جیویں نوح دے دِناں وِچ ہویا سی اُویں ای ابنِ آدم دے آن دے ویلے ہووے گا۔ کیوں جے طوفان توں پہلاں دے دِناں وِچ لوکی کھاندے پیندے تے شادی بیاہ کردے کراندے سی۔ نوح دے کشتی وِچ داخل ہون دے دِن تیکر ایہہ سب کُج ہوندا رہیا۔ اُوہناں نوں خبر تیکر نئیں سی کہ کی ہون آلا اے، ایتھوں تیکر کہ طوفان آیا تے اُوہناں ساریاں نوں وگا کے لے گیا ابنِ آدم دا آنا وی ایویں ای ہووے گا‘‘ (متی24:37۔39)۔

نوح راستبازی دا اِک مبلغ سی (2پطرس2:5)۔ اُوہنے اپنی نسل نوں خبردار کیتا سی کہ سزا نازل ہو رئی سی۔ لیکن لوکی اُوس تے ہنسے سن تے اُوہناں نے اُوس دے پیغام دا مخُول اُڑایا سی۔ اُوہناں نے اُوہدی نہ سُنی۔ اُو اپنی گناہ توں بھرپور مادیت پرستی آلی حیاتی نوں بسر کردے رئے۔

ایویں ای اَج ہوندا اے۔ کوئی تہانوں گرجا گھر وِچ لے کے آندا اے۔ تُسی واعظ نوں سُندے اُو۔ فیر تُسی اپنی اُوسی پرانی حیاتی دے طور طریقیاں نوں بسر کرن لئی واپس ٹُر جاندے اُو۔ تُسی توبہ نئیں کردے۔ تُسی یسوع مسیح تے پرہوسا نئیں کردے۔ جدوں اَسی تہاںوں فون کرنے آں تے تُسی واپس ایس گرجا گھر وِچ نئیں آندے۔

تُسی لطف اندوز ہونا چاہندے اُو۔ ڈاکٹر ڈبلیو۔ اے۔ ٹوزر دے یادگار جملے نوں استعمال کردے ہویاں، تُسی سوچدے اُو دُنیا ’’اِک جنگ دے میدان دے بجائے کھیڈاں دا اِک میدان‘‘ اے۔ تُسی زندگی دے بارے وِچ اِک قسم دا ڈزنی لینڈ سمجھدے اُو۔ تُسی سوچدے اُو کہ تُہاڈی زندگی دا کُل مقصد ’’لطف اندوز‘‘ ہونا ای ہوندا اے۔ تُسی ہر اِتوار نوں گرجا گھر وِچ خُدا لئی وقت کڈن توں انکار کردے اُو۔ جدوں کوئی نِکا جہیا وی مسئلہ پے جائے تے تُسی گرجا گھر عبادت کرن لئی نئیں آندے۔ تُسی مسیح وِچ ایمان لہیا کے تبدیل نئیں ہوئے اُو۔ تُسی اِک حقیقی مسیحی نئیں اُو۔ موت جدوں تہاڈے لئی آئے گی تے تُسی تیار نئیں ہوؤ گے۔ جدوں ریپچر ہووے گا تے تُسی پِچھے چھڈ دیتے جاؤ گے!جیویں کہ مسٹر گریفتھ نے لمحہ بھر پہلے گایا سی، ’’پُتر آ چکیا اے تے تہانوں پِچھے چھڈیا جا چُکیا اے۔‘‘

یسوع نے کہیا:

’’پس جاگدے رہوو: کیوں جے تُسی نئیں جاندے کہ تہاڈا خُداوند کیس دِن آئے گا‘‘ (متی24:42)۔

II۔ فیر، دوجی گل، ریپچر دے لئی تیار نہ ہون دے خطرے دے بارے وِچ سوچو۔

مہربانی نال متی25 باب کھولو۔ ایہہ سیکوفیلڈ مطالعۂ بائبل وِچ ورقہ 1035 تے اے۔ سارے پرانے مبلغین نے کہیا کہ حوالے وِچ دِتی گئیاں کنواریاں اُوہناں لوکاں وَل نشاندہی کردیاں نے جیہڑے مسیح نوں مِلن لئی تیار نئیں سن۔ تے میں قائل آں کہ اُو سچے سن۔

ایس حوالے وِچ یسوع نے اِک تمثیل پیش کیتی، اِک کہانی جہیڑی اِک بہت وڈی روحانی سچائی دی عکاسی کردی اے۔ اُو عظیم سچائی کی اے جیس دے بارے وِچ اُو گل کر رہیا سی؟ متی25:13 تے نظر پاؤ۔ یسوع نے کہیا:

’’لہٰذا جاگدے رہوو کیوں جے تہانوں نہ تے اُوس دِن دا پتا اے نہ اُوس گھڑی دی خبر اے جیس وِچ ابنِ آدم آوے گا‘‘ (متی25:13)۔

لہٰذا، تہاڈے لئی ایہہ حوالہ اِک تنبیہہ اے!

اُوہناں کنواریاں وچوں پنج تیار سن۔ اُو مسیح دی آمد دے لئی تیار سن۔ لیکن دوجیاں پنج جدوں اُو آیا تے تیار نئیں سن۔ اِک تمثیل نوں بہت زیادہ تفصیل نال سمجھن ول جانا خطرناک ہوندا اے۔ ایس حوالے دا سادہ جہیا پیغام: بے شمار لوکی تیار نئیں ہون گے جدوں یسوع ریپچر چے آوے گا۔

ہُن آیت دس تے نظر پاؤ:

’’جدوں اُو تیل خریدن جا رہیا سن تے لاڑا آ پہنچیا۔ جیہڑیاں کنواریاں تیار سن، لاڑے دے نال شادی کی ضیافت چے اندر ٹُر گیاں تے بُوہا بند کر دتا گیا‘‘ (متی 25:10).

سچے مسیحاں نوں یسوع دی آمدِ ثانی تے بدلاں چے استقبال لئی اُٹھا لیے جان دے بعد، بُوہا بند کر دتا جائے گا، بالکل جیویں نوح دی کشتی دا بُوہا بند کر دتا گیا سی۔ مزید ہور لوکی اندر نئیں آن گے۔ ’’تے بُوہا بند کر دتا گیا سی۔‘‘

آیت 11 تے نظر پاؤ،

’’بعد چے باقی کنواریاں وی آ گیاں تے کہن لگیاں، اَے خداوند، اَے خداوند، ساڈے لئی بُوہا کھول دے۔ لیکن اُوہنے جواب دِتا، سچ تے ایہہ اے کہ میں تہانوں جاندا ای نئیں‘‘ (متی 25:11۔12).

تے فیر، آیت 13 چے، یسوع ایس گل دا اِطلاق تہاڈے تے کردا اے:

’’لہٰذا جاگدے رہوو کیوں جے تہانوں نہ تے اُوس دِن دا پتا اے نہ اُوس گھڑی دی خبر اے جیس چے اِبنِ آدم آوے گا‘‘ (متی 25:13).

اسی ویلے دے عمومی دورانیے نوں جاندے آں، لیکن دِن تے لمحے نوں نئیں جاندے۔

تے جدوں اُو دِن تے لمحہ آوے گا تے تہاڈے لئی انتہائی دیر ہو چکی ہووے گی۔ جیویں کہ مسٹر گریفتھ نے اِیس واعظ توں پہلاں گایا، ’’پُتر آ چُکیا اے تے تہانوں پِچھے چھڈیا جا چکیا اے۔‘‘

III۔ فیر، تیجی گل، اُو جیہڑا ریپچر چے پِچھے چھڈ دِتے جان اُوہناں نوں خدا چھڈ دے گا۔ اُو اُوباش ہو جان گے، نجات پان دے قابل نہ ہون گے۔

مکاشفہ سولہ باب نوں سُنو۔ اِیس حوالے وچ اسی خُدا دے قہر دے بارے چے سِکھدے آں، جیہڑا کہ ریپچر دے بعد مسیح نوں ٹھکران آلی دُنیا تے نازل کیتا جاوے گا۔ دوجی آیت دسدی اے کہ اُوہناں نوں درد دے بھرپور پھوڑے نکل آن گے۔ چوتھی آیت دسدی اے کہ دُنیا دے پانی دے ذخائر زہریلے ہو جان گے۔ اٹھویں آیت دسدی اے کہ نسلِ انسانی اگ دے نال جُھلس جان گے۔ دسویں آیت دسدی اے کہ شدید نیرا ہو جاوے گا تے لوکاں دی درد دے مارے جیباں دنداں تھلے آ جان گیاں۔ اٹھارویں آیت سانوں دسدی اے کہ شدید پنچال آن گے۔ اکیسویں آیت سانوں دسدی اے کہ ’’مَن مَن بھر دے وڈے وڈے اولے‘‘ گرن گے، آسمان توں شہاب ثاقب گرن گے۔

کی لوکی مسیح دے ول رُوخ کرن گے جدوں ایہہ سب رونما ہووے گا؟ جی نئیں! نویں آیت دے آخیر نوں سُنو:

’’اُوہناں نے خدا دی تمجید کرن توں اِنکار کیتا تے توبہ نہ کیتی‘‘ (مکاشفہ 16:9).

تے گیارہویں آیت:

’’تے اپنے دُکھاں تے ناسوراں دی وجہ توں آسمان دے خدا تے کفر بکن لگے لیکن اُوہناں نے اپنی حرکتاں توں توبہ نہ کیتی‘‘ (مکاشفہ 16:11).

تے بارھویں آیت دا آخیر:

’’آسمان توں مَن مَن بھر دے وڈے وڈے اولے گرن دی وباء دی وجہ توں [اُوہناں نے] خدا دی نسبت کفر بکیا کیوں جے آفت بہت سخت سی‘‘ (مکاشفہ 16:21).

تُسی ویکھیا، اُو خدا دے ولوں چھڈے جا چکے ہون۔ اُوہناں دے بچائے جان دے لئی انتہائی دیر ہو چکی ہووے گی۔ اُو ناقابلِ معافی گناہ دا اِرتکاب کر چکے ہون گے۔

’’خدا نے وی اُوہناں نوں چھڈ دِتا‘‘ (رومیوں 1:24).

’’خدا نے اُوہناں نوں چھڈ دتا‘‘ (رومیوں 1:26).

’’خدا نے اُوہناں نوں ناپسندیدہ خیالاں تے نامناسب حرکتاں دا شکار ہون دتا‘‘ (رومیوں 1:28).

جیویں کہ مسٹر گریفتھ نے گایا، ’’پُتر آ چُکیا اے، تے تہانوں پِچھے چھڈیا جا چُکیا اے۔‘‘

جے تُسی آسمان وچ مسیح دے بدلاں چے استقبال دے لئی اُٹھایا جانا چاہندے او، جے تُسی نجات پائے جانا چاہندے او، تے تہانوں ہنے ای نجات پانی چائیدی اے، جدوں کہ خُدا تہاڈے نال ہُنے گل کر رہیا اے۔ جے تُسی بڑے لمبے عرصے تیکر انتظار کیتا، تے انتہائی دیر ہو چکی ہووے گی۔

پِچھلے ہفتے مغربی کیرولینا تے شمالی کیرولینا وچ فلورنس طوفان آیا سی۔ لوکاں نوں بچ نکلن لئی خبردار کیتا گیا سی۔ صدر نے اُوہناں نوں خبردار کیتا۔ گورنر نے اُوہناں نوں خبردار کیتا۔ پولیس تے اگ بُجھان آلے عملے دے لوکی سڑکاں تے لاؤڈ سپیکراں دے نال گزرے تے اُوہناں نوں چھڈ کے نکل جان لئی خبردار کیتا۔ لوکاں نوں بار بار خبردار کیتا گیا۔ لیکن کج احمق لوکی ٹِکے رئے – تے اُو سیلاب دے پانیاں وچ ڈُب گئے۔ تہانوں خبردار کیتا جا چُکیا اے کہ مسیح آ رہیا اے۔ جے تُسی نئیں سُنیا، تے تہانوں ریپچر دے موقعے تے چھڈ دِتّا جائے گا۔ جے تُسی بہت لمبی مدت تیکر انتظار کیتا، تے انتہائی دیر ہو چکی ہووے گی۔

مسیح تہاڈے گناہواں دی ادائیگی دے لئی قربان ہو گیا۔ اُو مُردیاں وچوں جی اُٹھیا تے آسمان وچ خدا دے سجے پاسے بیٹھا اے۔ اُوہدے تے ہُنے ای ایمان لہیاؤ تے اُوس دا خون تہاڈے گناہواں نوں دھو ڈالے گا، تے تُسی ریپچر دے لئی تیار ہو جاؤ گے۔ جے تُسی انتظار کیتا تے تہاڈے بارے چہ کہیا جائے گا، ’’پُتر آ چُکیا اے، تے تہانوں پِچھے چھڈیا جا چُکیا اے۔‘‘ ایہہ تہاڈے گیتاں دے ورقہ تے نمبر 3 اے۔ کھلو جاؤ تے اینوں گاؤ۔ بوتی تیز نئیں۔ لفظاں دے بارے چہ سوچو!

حیاتی بندوقاں تے جنگ نال پری پئی سی،
   تے ہر کوئی فرش تے روندیا جا چُکیا سی،
میں خواہش کرنا آں کہ اسی سارے تیار ہوندے۔
   بچے مرے، دِن سرد ہوندے چلے گئے،
روٹی دا اِک ٹکڑا سونے دی اِک تھیلی خرید سکدا سی،
   میں خواہش کرنا آں کہ اسی سارے تیار ہوندے۔
اپنا ذہن بدلن دے لئی کوئی ویلہ نئیں بچیا اے،
   تُسی کیویں ایس قدر اَنّے ہو سکدے او؟
نجات دہندہ نے سدیا لیکن تُسی نئیں سُنیا،
   پُتر آ چُکیا اے تے تہانوں پچھے چھڈیا جا چُکیا اے۔
تہانوں پچھے چھڈیا جا چُکیا اے،
   تہانوں پچھے چھڈیا جا چُکیا اے۔

بندہ تے ووہٹی بستر وچ سوئے ہوئے نے،
   اُو آواز سُندی اے تے سر گھماندی اے – اُو جا چُکیا اے۔
میں خواہش کرنا آں کہ اسی سارے تیار ہوندے۔
   دو بندے اُتے پہاڑ تے جا رئے نے،
اِک غائب ہو جاندا اے تے اِک ساکن کھڑا چھڈ دِتا جاندا اے،
   میں خواہش کرنا آں کہ اسی سارے تیار ہوندے۔
اپنا ذہن بدلن دے لئی کوئی ویلہ نئیں بچیا اے،
   تُسی کیویں ایس قدر اَنّے ہو سکدے او؟
نجات دہندہ نے سدیا لیکن تُسی نئیں سُنیا،
   پُتر آ چُکیا اے تے تہانوں پچھے چھڈیا جا چُکیا اے۔
تہانوں پچھے چھڈیا جا چُکیا اے،
   تہانوں پچھے چھڈیا جا چُکیا اے۔
(’’میں خواہش کرنا آں کہ اسی سارے تیار ہوندے I Wish We’d All Been Ready‘‘ شاعر لیری نارمن Larry Norman، 1947۔2008؛ پادری نے ترمیم کیا)۔

پِچھے چھڈے مت جاؤ۔ یسوع تے پرہوسا کرو تے ہُنے نجات پا لو، اج دی راتی!


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں تلاوتِ کلام پاک: متی24:37۔42 .
واعظ توں پہلاں کلیاں گیت مسٹر بینجمین کینکیڈ گریفتھ نے گایا سی:
’’میں خواہش کرنا آں کہ اسی سارے تیار ہوندے I Wish We’d All Been Ready‘‘
(شاعر لیری نارمن Larry Norman، 1947۔2008؛ پادری نے ترمیم کیا)۔


لُبِ لُباب

کی تُسی پِچھے چھڈ دیے جاؤ گے؟

WILL YOU BE LEFT BEHIND?

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

’’پس جاگدے رہوو: کیوں جے تُسی نئیں جاندے کہ تہاڈا خُداوند کیس دِن آئے گا‘‘
(متی24:42)۔

I.    پہلی گل، ریپچر توں پہلاں دے حالات، متی24:37۔41 .

II.   دوجی گل، ریپچر لئی تیار نہ ہون دا خطرہ، متی25:1۔13 .

III.  تیجی گل، اُوہناں بے شمار لوکاں دے بارے وچ خُدا ولوں چھڈ دیے جان لئی شدید نفرت جنہاں نوں ریپچر دے موقعے تے پچھے چھڈیا جا چُکیا ہووے گا،
مکاشفہ16:9، 11، 21 .