Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




یسوع دے لہو دے وسیلے توں نجات

DELIVERANCE THROUGH THE BLOOD OF JESUS
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ دِتّا گیا اِک واعظ
ہفتہ دی دوپہر، یکم ستمبر، 2018
A sermon preached at the Baptist Tabernacle of Los Angeles
Saturday Afternoon, September 1, 2018

’’ایہہ گل میرے تیکر خُدا دے ذریعے پہنچی تے میں تہاڈے تیکر پہنچا دِتی، کہ خُداوند یسوع نے جیس راتی اُو پھڑوایا گیا، روٹی لہئی تے خُدا دا شُکر ادا کر کے توڑی تے کہیا، ایہہ میرا بدن اے جیہڑا تہاڈے لئی اے، میری یادگاری لئی ایہو ای کیا کرو۔ ایوین ای اُوہنے کھان دے بعد پیالہ وی لہیا تے کہیا، ایہہ پیالہ میرے لہو چہ نوا عہد اے، جدوں وی اینوں پیو میری یادگاری لئی پیا کرو‘‘ (1کرنتھیوں11:23۔25)۔


پچھلے ہفتے دی راتی مسیح لئی اِک عورت نوں جِتنا میرے لئی خُوشی تے اِستحقاق دی گل سی۔ میں کئی ہفتیاں توں اِک بندے نوں وی نئیں جِتیا سی۔ میں شاگردی تے منادی کردا رہیا سی۔ اُو اِک اہم موضوع سی، لیکن ایس توں مینوں نصفانہ طور تے اَدھی وی اینی خوشی نئیں ملی جِنّی کہ اُوس نوجوان عورت دی مسیح تے بھروسہ کرن لئی رہنمائی وِچ ملی سی!

جے تُسی میری حیاتی دی کہانی پڑھ چکے ہو تے تُسی جاندے ہی ہوؤ گے کہ تِن سالاں تیکر اِک آزاد خیال سیمنری وِچ پڑھن توں مینوں کِنّی شدید نفرت سی۔ لیکن جدوں میں اُوتھے سی تے میں گمراہ بپٹسٹ مبلغین دی مسیح تیکر رہنمائی کیتی سی۔ اُوہناں نوں مسیح لئی جیتن نال جیہڑی خوشی میں محسوس کیتی سی اُوہدے نال اُوس رنجیدگی دا اِزالہ ہو گیا جیہڑی میں اُوتھے بے اعتقاداں دے وِچکار پڑھن نال محسوس کیتی سی۔ میرے خیال وِچ ایہو ای وجہ اے کہ پولوس رسول نے نوجوان تیموتاؤس نوں ’’دُکھ اُٹھان تے مبشر دا کم کرن لئی‘‘ کہیا سی (2تیموتاؤس4:5)۔ میرے خیال چہ پولوس جانندا سی کہ تیموتاؤس ’’دُکھ برداشت‘‘ کر پائے گا جے اُوہنے مبشر دا کم کیتا۔ ہر بندہ جنہوں نے تیموتاؤس نے جیتیا اُوہنوں خوشی نال اسقدر لبریز کر دے گا کہ اُو ’’دُکھ برداشت‘‘ کر پائے گا حالات پاویں کِنّے ای بُرے کیوں نہ ہو جان! گذشتہ اِتوار دی راتی اُوس کُڑی نوں مسیح لئی جیتن دے بعد میں خود نوں دوبارہ جوان محسوس کیتا!

میں سٹھ وریاں توں وی زیادہ عرصے توں مبشراتی واعظاں دی تبلیغ کر رہیا واں، تے میری رُکن دے ہُن کوئی خواہش نئیں اے! کیوں کوئی بندہ اُوس گل نوں کرن توں سبکدوش ہونا چائے گا جہدے نال اُوہنوں خوشی ملدی ہووے؟

گندم دیاں پتیاں [گنڈاں] لیندے آؤ، گنڈاں لیندے آؤ
اَسی خوشی مناندے ہوئے آواں گے، گنڈاں لیندے آواں گے!
   (گنڈاں لیندے آواں گےBringing in the Sheaves‘‘ شاعر نولس شُعا Knowles Shaw، 1834۔1878)۔

تے ایسی لئی، میں گذشتہ اِتوار دی راتی فیر خوشی منائی جدوں میں اُوس نوجوان عورت دی یسوع دے کول آن وِچ مدد کیتی! لیکن میں اُوہدی کدی وی مدد نہ کر پاندا جے مینوں معلوم نہ ہوندا کہ ساڈی تلاوت وِچ کی سی۔

’’لو، کھاؤ، ایہہ میرا بدن اے جیہڑا تہاڈے لئی توڑا گیا… یہ پیالہ میرے لہو وِچ نیا عہد اے، جدوں وی اینوں پیو میری یادگاری لئی پیا کرو‘‘ (1کرنتھیوں11:24۔25)۔

تُسی شاید کہو، ’’اُو آیتاں بندیاں نوں جیتن دے بارے چہ کی کہندیاں نے؟ اُو آیتاں عشائے ربانی دے بارے وِچ گل کردیاں نے۔ اُوہناں دا اِطلاق بندیاں نوں جیتن لئی کیویں ہوندا اے؟‘‘ ایہہ اے جیہڑا اُو مینوں کہندیاں نے – عشائے ربانی وِچ دو جُز نے، اِک نئیں اے! پہلا، مسیح دا بند جیہڑا صلیب تے ساڈے گناہ دا کفارہ ادا کرنے لئی مر گیا سی۔ دوجا، مسیح دا لہو، جیہڑا سانوں تمام گناہ توں پاک صاف کر دیندا اے! اِک مشہور ایونجیلیکل تعلیم دے رئے نے کہ لہو یسوع دی موت دے بارے چہ اِک وکھرا لفظ اے۔ جے اُو درست نے، تے فیر عشائے ربانی وچ دو جُز کیوں نے؟ اُو شیواں جیہڑیاں وکھری ہوندیاں نے اِکہو جئی نئیں ہوندیاں نے!

جدوں میں آزاد خیال سیمنری چہ پڑھ رہیا سی، تے میرے استاداں وچوں اِک ہر کلاس چے لگ بھگ ہمیشہ ھیری ایمرسن فوسڈِک دا حوالہ دیندے سی۔ اُو فوسڈِک نوں مسیحیت دا دفاع کرن آلا کہیا کردے سی! اصل چہ فوسڈِک بائبل تے مسیح دا کٹر دشمن سی۔ جدوں اُو یونین تھیالوجیکل سیمنری چہ سی، تے عظیم چینی مبشر ڈاکٹر جان سُنگ اوہتھے پڑھ رئے سی۔ ڈاکٹر سُنگ نوں تجربہ ہو چُکیا سی جیس وِچ یسوع دے لہو دے وسیلے نال اُو پاک صاف ہو گئے سی۔ فوسڈِک نے ڈاکٹر سُنگ نوں ذہنی علاج دے اِک اِدارے وِچ زنجیراں وِچ قید کروا دِتا۔ خُدا دی مداخلت دے وسیلے نال، ڈاکٹر سُنگ قیدی بنائے جان توں بچ نکلے۔ اُو واپس چین ٹُر گئے تے اِک شہرہ آفاق ایونجیلِسٹ بنے۔ لیکن سُنو جو ھیری ایمرسن فوسڈِک نے مسیح دے لہو دے بارے چہ کہیا۔

مسیح دا لہو ابتدائی نظریات توں لہیا گیا اے۔ لہو توں تعلق رکھدیاں ہویاں آدھے جادوئی تصورات نوں حمدوثنا دے کُج مسیحی گیتاں، واعظاں تے دعاواں وِچ بُنیا گیا اے (بائبل نوں سمجھن لئی اِک گائیڈ A Guide to Understanding the Bible، ھارپرHarper، 1938، صفحہ 560)

جیہڑی گَل میرے ذہن نوں اُڑاندی اے اُو ایہہ اے کہ بے شمار نوے ایونجیلیکز ہُن وی بالکل اُوسی گَل چہ یقین کرنے نے جیہڑی فوسڈِک نے مسیح دے لہو دے بارے چہ کیتی سی۔ ایہہ نئے اوینجیلیکل مبشرین کُج ایس قسم دیاں گلاں کردے نے، ’’مسیح دا خود اپنا جسمانی لہو گناہ توں پاک صاف نئیں کردا اے۔‘‘ ایسی بندے نے کہیا، ’’لہو نوں موت دے متبادل دے طور تے استعمال کیتا گیا اے۔‘‘ مینوں حیرت اے کہ اُو عشائے ربانی کیویں ونڈ سکدا اے – جیہڑی کہ واضح طور تے تعلیم دیندی اے کہ یسوع دا بدن تے لہو دو مختلف گلاں نے!

ایہہ اِک اہم نکتہ اے، تے میں اینوں اِک وی مرتبہ ہتھوں نئیں جان دیاں گا! جے میں اُوس کُڑی نوں گذشتہ اِتوار نوں ای دس دِتا ہوندا کہ مسیح دا ’’لہو گناہ توں پاک صاف نئیں کردا‘‘ تے اُو ہُن تیکر گمراہ ای ہوندی! اَج نوجوان لوکی اُوس طریقے نال نئیں سوچدے جیویں لوکی سوچیا کردے سی۔ جے میں اُوہناں نوں دسنا واں کہ مسیح اُوہناں دے گناہواں لئی قربان ہو گیا، تے اُو اکثر ایس گل نوں اپنے ذہن چہ قبول نئیں کردے۔ اُوہناں نوں مذید کُج ہُور چائی دا ہوندا اے۔ ابلیس اُوہناں نوں دسدا اے کہ اُوہناں نوں کسی قسم دے احساس نوں پانا ہوندا اے۔ اُو ’’مذید کُج ہُور‘‘ دے طور تے اِک احساس دے نال چِیمڑے رہندے نے۔ اُو گمشدہ رہندے نے۔ لیکن جے میں اُوہناں نوں مسیح دے لہو دے بارے چہ دسنا واں، تے اُوہناں وِچوں بہتیریاں نوں اِیہہ گل مطمئن کر دیندی اے، تے اُو یسوع تے پرہوسا کردے نے تے نجات پا لیندے نے۔ ایہو وجہ اے کہ سانوں عشائے ربانی وِچ موجود دوویں اِجزا تے منادی کرنی چائی دی اے – مسیح دے بدن دی موت – تے مسیح دا لہو۔

1۔ پہلی گل، گمشدہ لوکی مسیح دے لہو وِچ ایمان دے وسیلے نال نجات پاندے نے۔

رومیوں3:24 تے 25 آیتاں کہندیاں نے،

اُوس دے فضل دے سبب اُوس مخلصی دے وسیلے نال جیہڑی یسوع مسیح وِچ اے، مفت راستباز ٹھہرائے جاندے نے: خُدا نے یسوع نوں مقرر کیتا کہ اُو اپنا لہو وگائے تے انسان دے گناہ دا کفارہ بن جائے تے اُوس دے لہو تے اییمان لہیاں والے فائدہ چُکن…‘‘ (رومیوں3:24، 25)۔

’’انسان دے گناہ دے کفارے propitiation‘‘ دا مطلب ’’رحم دی تھاں‘‘ ہوندا اے۔ لہٰذا، سانوں مسیح وِچ رحم ملدا اے ’’اُوس دے لہو وِچ ایمان دے وسیلے نال۔‘‘

تے جدوں اُو فاتح کھڑا ہوندا اے، میرے توں گناہ دی لعنت دی گرفت ختم ہو چُکی ہوندی اے؛
کیوں جے میں اُوس دا تے اُو میرا اے – مسیح دے قیمتی لہو دے وسیلے نال خریدا گیا۔
   (’’تنہا مسیح وِچ In Christ Alone‘‘ شاعر کیتھ گیٹی اور سٹیوارٹ ٹاؤن اینڈ Keith Getty and Stewart Townend، 2001)۔

لیکن اُو کیویں ہو سکداے اے جے اُوتھے لہو نئیں اے؟

خُدا دا شکر ادا کرو کہ یسوع دا لہو ہُن وی میسر اے! ڈاکٹر اینڈریو میورے نے نشاندہی کیتی اے کہ مسیح دا لہو اَج کیتھے اے۔ عبرانیوں 12:22۔24 آیات وِچ سانوں شیواں دی اِک فہرست پیش کیتی گئی اے جیہڑیاں آسمان وِچ نے۔ اُوہناں وِچ یسوع دا اُو لہو وی اے۔ ڈاکٹر میورے نے کہیا،

آسمان وِچ، جیتھے خُدا ساڈا ساریاں دا منصف اے، تے جیتھے یسوع، نئے عہد دا ثالثی اے، اُوتھے ’’چھڑکیا ہویا لہو‘‘ وی اے‘‘ (عبرانیوں12:23، 24)۔

بائبل سانوں واضح طور تے عبرانیوں 12:23، 24 آیتاں وِچ دسدی اے کہ آسمان وِچ یسوع دا لہو اے۔ قدیم کلیسیا دے مشہور مبلغ جان کرائیسوسٹوم John Chrysostom نے وی ایہی گل کیتی سی۔ کرائیسوسٹوم نے کہیا،

اُوہدا لہو آسمان وِچ لے جایا گیا سی۔ تہانوں فیر خیال رکھنا چائی دا اے کہ اَسی اُوسی لہو وِچ شمولیت کریے جیہڑا پاک تھاں تے لے جایا گیا سی، آسمان وِچ سچی پاک تھاں (جان کرائیسوسٹوم John Chrysostom، عبرانیوں تے مذہبی خُطباتHomilies on Hebrews، صفحہ 517)۔

ایہو گل عظیم اصلاح کار جان کیلوِن نے وی کیتی سی۔

مسیح دا اُو لہو جیدے وِچ کوئی ملاوٹ نئیں اے ساڈے لئی دُنیا دے اختتام تیکر لئی وی بہت اے، کیوں جے مسیح دا لہو ہمیشہ خُدا دی حضوری وِچ ٹپکدا رہندا اے (جان کیلوِن John Calvin، عبرانیوں تے تبصرہ Commentary on Hebrews، صفحہ235)۔

17ویں صدی دے تبصرہ نگار میتھیو پول نے کہیا،

اُو اِک ای وار پاک تھاں وِچ گیا؛ عہد دے ایس لہو دے نال اُو اپنے بدن وِچوں صلیب تے اپنی جان نکل جان دے فوراً بعد، آسمان وِچ مقدس ترین مقام وِچ گیا (میتھیو پول Mathew Poole، تمام بائبل تے اِک تبصرہ A Commentary on the Whole Bible، جلد سوئم، صفحہ849)۔

سپرجئین، جیہڑے تمام زمانیاں دے عظیم ترین مبلغ نے، اُوہناں نے کہیا،

جدوں اَسی آپئے جنت وِچ جائیے تے سانوں چھڑکے ہوئے لہو توں پراں نئیں جانا چاہیے؛ جی نئیں، کسی دوجی تھاں دے مقابلے وِچ اَسی اُوس دی موجودگی زیادہ سچے طور تے اُوتھے ویکھاں گے۔ ’’کیا!‘‘ تُسی کہندے اُو، ’’جنت وِچ یسوع دا لہو؟‘‘ جی ہاں! آؤ، اُوہناں نوں جیہڑے قیمتی لہو دے بارے وِچ سرسری طور تے گلاں کردے نے اُوہناں دے نظریے نوں دُرست کریے ورنہ اُو بے حرمتی دے قصور وار ٹھہرن گے۔ میرے لئی کسی ہُور گل دے بارے وِچ سوچن یا منادی کرن توں زیادہ قیمتی ایہہ شاندار موضوع اے۔ مسیح دا لہو خوشخبری دی جان اے (سی۔ ایچ۔ سپرجئین، ’’چھڑکا گیا لہوThe Blood of Sprinkling،‘‘ 28فروری، 1886، M.T.P.، جلد 32، صفحہ121)۔

تے ڈاکٹر جے ورنن میگی، جیہڑے عالمگیر شہرت یافتہ بائبل دے اُستاد نے، اُوہناں نے کہا،

اُوس دا لہو اِیتھوں تیکر کہ ہُنے آسمان وِچ اے، تے لامحدود زمانیاں تیکر اُو اُوتھے ای سانوں اُو ہولناک قیمت چکان دی یاد دلان لئی رہوے گا جیہڑی مسیح نوں ساڈے گناہ بخشوان لئی ادا کرنی پئی (جے۔ ورنن میگی J. Vernon McGee، بائبل وِچوں Thru the Bible، جلد 5، صفحہ560)۔

II۔ دوسری گل، مسیح دا لہو شیطان تے اُوس دے آسیباں تے قابو پاندا اے!

بائبل سانوں دسدی اے کہ مصیبتاں دے بہت وڈے دور وِچ مسیحی ’’برّے دے لہو دے وسیلے نال‘‘ شیطان تے قابو پان گے (مکاشفہ12:11)۔ جدوں میں اَج نوجوان لوکاں نوں منادی کر رہیاں ہونا واں، تے میں جاننا واں کہ اُوہناں وِچوں بے شمار، ایتھوں تیکر کہ مسیحی گھراں توں وی، اُو گناہ سرزدکر چکے ہوندے نے جنہاں دے بارے چہ اَسی کدی سُنیا وی نئیں سی جدوں اِسی نوجوان سن۔ اُوہناں وِچوں بے شمار چرس تے دوجی منشیات لے چکے ہوندے نے۔ اُوہناں وِچوں زیادہ تر جنسی تعلقات کر چکے ہوندے نے۔ تقریباً اُوہناں وِچوں ساریاں نے فحش فلماں ویکھیاں ہویاں ہوندیاں نے، تے بے شمار ایہو جئے گناہواں نوں سرزد کر چکے ہوندے نے جنہاں دا تزکرہ کرنا انتہائی ہولناک اے۔ جدوں اُو سانوں مِلن لئی آندے نے تے ایہہ گل یقینی ہوندی اے کہ کُج آسیب زدہ ہوندے نے، تے جے اُوہناں نے LSD[نشہ] لہیا ہویا ہوندا اے تے اُو آسیب دے قبضے وِچ ہوندے نے۔ اُو بد دُعا توں آزاد ہونا چاہندے نے، لیکن رات دے دوران ابلیس اُوہناں دے کول آندا اے تے اُوہناں نوں اذیت دیندا اے، اُوہناں نوں اُن ہولناک گناہواں نوں یاد کراندا اے جیہڑے اُوہناں نے کیتے ہوندے نے۔ اَسی اُوہناں نوں کی کہہ سکنے آں جیہڑا اُوہناں دی مدد کرے؟ نفسیات مدد نئیں دیندی اے۔ میں کوشش کر چکیا واں۔ ایہہ اُوہناں نوں بالکل وی سکون فراہم نئیں کردی۔ ایہہ اُوہناں وجوہاتاں وِچوں اِک اے کہ بے شمار نوجوان لوکی اَج کل opioids [ذہنی تے جسمانی سکون پہنچان آلیاں نشے دیاں دوائیاں] لیندے نے۔ اُو مُٹھی مُٹھی بھر گولیاں نگل جاندے نے اُوہناں یاداں نوں روکن لئی تے کوشش کرین لئی جیہڑیاں اُوہناں دے گناہواں لئی اذیت پہنچاندیاں نے۔ میں اُوہناں دی مدد کرن لئی اُوہناں نوں کی کہہ سکنا واں؟ میں جاننا واں کہ کُج لوکی مینوں کرشماتی مشن آلا بُلان گے، جیہڑا کہ میں نئیں آں! لیکن مینوں تہانوں دس دینا چائی دے اے کہ امریکہ نمائندگان دی جماعت دا اِک میدان بن چکیا اے۔ بالکل جیویں غیر ملکی مشنری آسیباں نوں باہر کڈدے نے، میں اُو وی کر چکیا واں۔ لیکن فیر وی اُوہدے نال مکمل چین تے سکون نئیں ملدا اے۔ ہُن وی آسیبی قوتاں رات وِچ اُوہناں نوں اذیتاں دین لئی آندیاں نے! فیر میں اپنی چینی پادری صاحب توں مکمل چھٹکارا پان دا راز سیکھیا۔ ایہہ مکاشفہ12:7۔12 آیات وِچ اے۔ یہ ورقہ 1341 تے سیکوفیلڈ بائبل وِچ اے۔ مہربانی نال کھڑے ہو جاؤ جدوں میں اینوں پڑھاں۔

تے فیر آسمان وِچ لڑائی ہوئی: میکائیل تے اُوس دے فرشتے اژدھے نال لڑن لئی نکلے؛ اژدھے تے اُوس دے فرشتیاں نے اُوہناں دا مقابلہ کیتا۔ لیکن اُوہناں دے اَگے ٹِک نہ سکے تے ایس دے بعد آسمان وِچ اُوہناں دا مقام اُوہناں دے ہاتھاں توں نکل گیا۔ تب اُو وڈا اژدھا تھلے سُٹ دِتا گیا یعنی اُوہی پرانا سَپ جیس دا ناں ابلیس تے شیطان اے تے جیہڑا ساری دُنیا نوں گمراہ کردا اے، اُو آپئی وی تے اُوس دے نال اُوس دے فرشتے وی زمین تے سُٹے گئے۔ تے میں آسمان وِچوں اِک بڑی واج آندی سُنی کہ، ہُن ساڈے خُدا دی نجات، قدرت تے بادشاہی تے اُوس دے مسیح دا اِختیار ظاہر ہویا: کیوں جے ساڈے پراہواں تے تہمت لان آلا جیہڑا دِنرات خُدا دے حضور اُوہناں تے تمہت لاندا رہندا اے تھلے سُٹیا گیا اے۔ اُو برّہ دے لہو تے اپنی گواہی دی بدولت اُوس تے غالب آئے۔ تے اُوہناں نے اپنی جاناں نوں عزیز نہ سمجھیا ایتھوں تیکر کہ موت وی گوارا کر لئی۔ ایس لئی اے آسمانو، تے آسمان وِچ رہن آلیوں، خوشی مناؤ! مگر اے زمین تے سمندر تہاڈے تے افسوس، ایس لئی کہ ابلیس تھلے تہاڈے کول سُٹیا گیا، اُو قہر نال پرہیا ہویا اے کیوں جے اُو جانندا ے کہ اُوس دی حیاتی دا چھیتی خاتمہ ہون آلا اے‘‘ (مکاشفہ12:7۔12)۔

تُسی تشریف رکھ سکدے اُو۔

وڈی مصیبتاں دے زمانے دے مقدسین نے ’’برّہ دے لہو دے وسیلے نال‘‘ شیطانیت دے آسیباں تے قابو پایا سی۔ جدوں یاداں اُوہناں نوں اذیت دین لئی آندیاں سن، میں اُوہناں نوں اِک پرانے زمانے دا حمدوثنا دا گیت گان لئی کہنا آں،

کی تُسی گناہ دے بوجھ توں آزاد ہونا چاہو گے؟
   اُوتھے لہو وِچ قوت اے، لہو وِچ قوت۔
کی تُسی بدی تے فتح پانا چاہو گے؟
   اُوتھے لہو وِچ شاندار قوت اے۔
اُوتھے قوت اے، قوت، حیرت انگیز کم کرن آلی قوت
   برّے دے لہو وِچ؛
اُوتھے قوت اے، قوت، حیرت انگیز کم کرن آلی قوت
   برّے دے قیمتی لہو وِچ۔
(’’اُوتھے لہو وِچ قوت اے There is Power in the Blood‘‘ شاعر لوئیس ای۔ جونز Lewis E. Jones، 1865۔1936)۔

کھڑے ہو جاؤ تے میرے نال کورس گاؤ۔ ایہہ تہاڈے گیتاں دے ورقے تے نمبر11 اے۔

اُوتھے قوت اے، قوت، حیرت انگیز کم کرن آلی قوت
   برّے دے لہو وِچ؛
اُوتھے قوت اے، قوت، حیرت انگیز کم کرن آلی قوت
   برّے دے قیمتی لہو وِچ۔

تُسی تشریف رکھ سکدے اُو۔

جے تُسی ہُن تیکر عذاب وِچ مبتلا اُو تے آؤ تے ڈاکٹر کیگن، مینوں یا جان کیگن نال ملاقات کرو۔ تہانوں پہلاں شاید کسی قوی آسیب کولوں چھٹکارہ پان دی لُوڑ پہوے گی۔ اُوس عظیم خوشخبری دے گیت نوں سُن جیہڑا ہُنے کُج ای دیر پہلاں مسٹر گریفتھ نے گایا۔ اُوہدے الفاظ ڈاکٹر اُوسولڈ جے۔ سمتھ نے لکھے نے۔ اُوہدی موسیقی دی ترتیب ڈاکٹر ہومر روڈیہور نے کیتی سی۔ بالی گراہم دے شیطان تے اُوس دے آسیباں تے منادی کرن توں پہلاں ایس گیت نوں جارج بیورلی نے کئی وری گایا۔

کوئی شاہراہ دے کنارے تنہا بیٹھا بھیک منگ رہیا سی،
اُوہدی اَکھاں انّیاں سن، اُو روشنی نوں نئیں ویکھ سکدا سی،
اُوہنے اپنے چیتھڑیاں نوں مضبوطی نال پھڑیا تے سایاں وِچ کپکپایا
فیر یسوع آیا تے اُوہدی تاریکی نوں نٹھان دی پیشکش کیتی۔
جدوں یسوع آندا اے تے آزمان آلے دی قوت ٹُٹ جاندی اے؛
جدوں یسوع آندا اے تے اَتھرو پُنجے جاندے نے۔
اُو رنج والم لے لیندا اے تے حیاتی نوں جلال دے نال بھر دیندا اے،
کیوں جے سب کُج بدل جاندا اے جدوں یسوع وسن لئی آندا اے۔

گھر تے بیلیاں توں شیطانی روح نے اُوہنوں دور کر دِتا،
مزاراں وِچ اُوہنے بدنصیبی وِچ بسیرا کیتا؛
اُوہنے اپنے آپ نوں تنہا کر لہیا جیویں ای بدروحواں دی قوتاں نے اُوس دے قبضہ کیتا،
فیر یسوع آیا تے اُوہنے اسیر نوں آزادی دلائی۔
جدوں یسوع آندا اے تے آزمان آلے دی قوت ٹُٹ جاندی اے؛
جدوں یسوع آندا اے تے اَتھرو پُنجے جاندے نے۔
اُو رنج والم لے لیندا اے تے حیاتی نوں جلال دے نال بھر دیندا اے،
کیوں جے سب کُج بدل جاندا اے جدوں یسوع وسن لئی آندا اے۔

ایس لئی اَج لوکاں نے نجات دہندہ نوں قابل سمجھیا اے،
اُو جنون، جنسی لذت تے گناہ نوں فتح نئیں کر سکے؛
اُوہناں دے ٹُٹے ہوئے دِلاں نے اُوہناں نوں تنہا تے اُداس چھڈ دِتا اے،
فیر یسوع آیا تے ساڈے درمیان خیمہ زن ہویا۔
جدوں یسوع آندا اے تے آزمان آلے دی قوت ٹُٹ جاندی اے؛
جدوں یسوع آندا اے تے اَتھرو پُنجے جاندے نے۔
اُو رنج والم لے لیندا اے تے حیاتی نوں جلال دے نال بھر دیندا اے،
کیوں جے سب کُج بدل جاندا اے جدوں یسوع وسن لئی آندا اے۔
(’’فیریسوع آندا اےThen Jesus Came‘‘ شاعر اُوسولڈ جے۔ سمتھ، 1889۔1986؛
موسیقی ترتیب دی ہومر روڈیہورHomer Rodeheaver، 1880۔1955؛ نے)۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں اکلیاں گیت مسٹر بینجیمن کینکیڈ گریفتھ Mr. Benjamin Kincaid Griffith نے گایا سی:
’’فیر یسوع آندا اے Then Jesus Came‘‘
(شاعر اُوسولڈ جے۔ سمتھ، 1889۔1986؛ موسیقی ترتیب دی ہومر روڈیہورHomer Rodeheaver، 1880۔1955؛ نے)۔


لُبِ لُباب

یسوع دے لہو دے وسیلے توں نجات

DELIVERANCE THROUGH THE BLOOD OF JESUS

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

’’ایہہ گل میرے تیکر خُدا دے ذریعے پہنچی تے میں تہاڈے تیکر پہنچا دِتی، کہ خُداوند یسوع نے جیس راتی اُو پھڑوایا گیا، روٹی لہئی تے خُدا دا شُکر ادا کر کے توڑی تے کہیا، ایہہ میرا بدن اے جیہڑا تہاڈے لئی اے، میری یادگاری لئی ایہو ای کیا کرو۔ ایوین ای اُوہنے کھان دے بعد پیالہ وی لہیا تے کہیا، ایہہ پیالہ میرے لہو چہ نوا عہد اے، جدوں وی اینوں پیو میری یادگاری لئی پیا کرو‘‘ (1کرنتھیوں11:23۔25)۔

(2تیموتاؤس4:5)

I.   پہلی گل، گمراہ لوکی مسیح دے لہو وِچ ایمان دے وسیلے نال نجات پاندے نے، رومیوں3:24، 25؛ عبرانیوں12:23،.

II.  دوسری گل، مسیح دا لہو شیطان تے آسیباں تے قابو پاندا اے!
مکاشفہ 12:7۔12 .