Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




منگل دے روز ساڈے روزہ رکھن دے دِن تے غور طلب گلّاں

NOTES ON OUR FAST-DAY ON TUESDAY
(Punjabi – A Language of Pakistan)

ڈاکٹر۔ آر۔ ایل۔ ہائیمرز، جونئیر وَلّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ دِتّا گیا اِک واعظ
خداوند دے دن دی شام، 12 اگست، 2018
A sermon preached at the Baptist Tabernacle of Los Angeles
Lord's Day Evening, August 12, 2018

’’جدوں توں روزہ رکھے تے اپنا مُنہ دھو، سر چہ تیل لگا تاکہ لوکاں نوں نئیں بلکہ آسمانی پیو نو جیہڑا نظراں توں پوشیدہ اے، معلوم ہو کہ توں روزہ دار اے تے تیرا پیو جیہڑا پوشیدگی وِچ ویکھدا اے تینوں اجر دے گا‘‘ (متی6:17، 18)۔


غور کرو کہ یسوع نے نئیں کہیا، ’’جے توں روزہ رکھے۔‘‘ جی نئیں، اُوہنے کہیا، ’’جدوں توں روزہ رکھے۔‘‘ دُنیا دار لوکاں لئی اَج روزہ رکھنا اِک عجیب گل دکھائی دیندی اے۔ کدی کدی ضرورت توں زیادہ فکر کرن آلی اِک ماں سوچے گی تُسی بُھک نال مر جاؤ گے جے تُسی اِک دِن وی کھانا کھائے بغیر گزاردے ہو۔ اپنی ماں نال جھوٹ نہ بولو۔ اُوہنوں صرف اِنّا دس دیو کہ تُسی اُوس کھانے نوں نئیں کھا رئے۔

ہر کسی نوں روزہ رکھنا چائی دا اے۔ جے تہانوں کوئی جسمانی مسئلہ اے تے تہانوں روزہ دا اِک دِن شروع کرن توں پہلاں اِک میڈیکل ڈاکٹر نال ملنا چائی دا اے۔ ساڈے گرجا گھر وِچ، تہانوں ڈاکٹر جوڈیِتھ کیگن، یا ڈاکٹر کرھیٹن ایل۔ چعین نال ملنا چائی دا اے۔ یا تُسی اُوہناں نو فون کر سکدے اُو۔ ڈاکٹر جوڈیِتھ دا فون نمبر(213)324-3231 اے۔ ڈاکٹر چعین دا فون نمبر (323)819-5153 اے۔ جے تہانوں ذیابیطیس یا ہائی بلڈ پریشر یا کسی ہور گل دی شکایت اے تے تہانوں ڈاکٹر جوڈیِتھ کیگن یا ڈاکٹر چعین نوں فون کرنا یقینی بنانا چائی دا اے۔ یا ایس عبادت دے بعد اُوہناں وِچوں کسی اِک نال گل کرنی چائی دی اے۔ جے اُو تہانوں روزہ نہ رکھن لئی کہندے نے تے تُسی فیر وی دعا چہ زیادہ ویلہ گزار سکدے ہو جدوں اَسی منگل دے روز اپنے روزے دا دِن مناواں گے۔ تُسی اُوس دِن دعا وِچ روزہ رکھے بغیر شمولیت کر سکدے اُو۔

منگل کے دِن، 14 اگست نوں، اَسی اپنے گرجا گھر وِچ روزے دا اِک دِن مناواں گے۔ تہاڈے وِچوں کوئی وی روزہ نئیں رکھدا۔ کوئی وی تہاڈی چانچ نئیں کر رہیا ہوئے گا کہ آیا تُسی روزہ رکھیا ہویا اے۔ جے تُسی ساڈے نال روزہ رکھو گے تے ایہہ مکمل طور تے رضامندانہ ہووے گا۔ اینوں رکھو جے تُسی چاہندے ہو۔ اینوں مت رکھو جے تُسی نئیں چاہندے۔

ایہہ پہلی وری اے کہ اَسی بے شمار مہینیاں دے بعد روزے دا اِک دن رکھیا اے۔ مینوں ڈاکٹر ایلمر ایل۔ ٹاؤنز Dr. Elmer L. Towns دے ذریعے توں دعا تے روزہ رکھن دی ضرورت دے بارے چہ یاد آیا، جیہڑے لبرٹی یونیورسٹی دے شریک بانی نے۔ ایس پیغام چہ جیہڑے خیالات تے تبصرے میں پیش کراں گا اُو ڈاکٹر ٹاؤنز دی کتاب روزہ رکھن لئی نوسیکھیاں لئی رہنمائی The Beginner’s Guide to Fasting، بیتھنے ہاؤس پبلیشرز Bethany House Publishers، 2001۔ ایہہ اِک چنگی کتاب اے۔ جے تہانوں نقل چائی دی اے تے تُسی Amazon.com تے آرڈر کر سکدے ہو۔

ڈاکٹر ٹاؤنز کی کتاب وِچ روزہ رکھن دی بے شمار قِسماں نے۔ لیکن اَسی اِک دِن دا روزہ رکھن جا رئے نے جِنہوں اُو ’’یومِ کافور دا روزہ Yom Kippur Fast کہندے نے۔ ایہہ اِک دِن دا روزہ ہوندا سی جِنہوں رکھن دی یہودی ایمانداراں نوں لُوڑ ہوندی سی (احبار16:29)۔

اَج، مسیحیاں کولوں روزہ رکھنا مطلوب نئیں ہوندا – لیکن سانوں روزہ رکھن دی اِجازت دِتی گئی اے۔ یسوع نے کہیا، ’’جدوں توں روزہ رکھے‘‘ (متی6:16) کیونکہ روزہ ساڈے کردار تے ایمان دی تعمیر دے لئی اِک تربیت اے۔

جے تُسی کدی وی روزہ نئیں رکھیا تے ساری دیہاڑی بغیر کھائے پیئے رہن دے بارے چہ سوچن نال تُسی شاید خوفزدہ ہو جاؤ۔ لیکن روزہ رکھنا تُہانوں وزن گھٹان لئی خاص خوراک کھان دے مقابلے وِچ کوئی زیادہ نقصان نئیں دے گا۔ اِک دِن دا روزہ اِک عام بندے نوں جنہوں ڈاکٹر – جیویں ڈاکٹر جوڈیِتھ کیگن یا ڈاکٹر چعین ’’اِجازت دے دین‘‘ کوئی نقصان نئیں پہنچائے گا۔

اِک دِن دا ’’یومِ کافور دا روزہ‘‘ منگل دے روز تہاڈے لئی پہلا روزہ رکھن لئی سب توں بہترین ہووے گا۔ تہاڈے کولوں روزہ رکھنا مطلوب نئیں اے۔ تُسی اینوں رضامندانہ طور تے اِک روحانی تربیت دی حیثیت نال رکھو۔ مت پریشان ہو کہ دوجے کی سوچن گے، کیوں جے تہاڈا روزہ خُدا تے تہاڈے درمیان اِک ذاتی وابستگی اے۔ روزہ رکھنا خُدا لئی اِک دعائی جنگجو بنن وِچ تہاڈی مدد کرے گا۔

جدوں تُسی منگل نوں روزہ رکھو تے مزاحمت دی توقع رکھو۔ ابلیس تہاڈی مخالفت کرے گا۔ جے تُسی دوجیاں دی نجات یا اپنے گرجا گھر لئلی دعا مانگدے ہو، شیطان تہادی مخالفت کرے گا۔ روزہ رکھنا کوئی آسان نئیں ہوندا۔ لہٰذا جدوں تُسی روزہ رکھن دی مہم دا آغاز کردے ہو تے اینوں ایہہ جان کر کرو کہ ایہہ شاید اُوکھا ہو سکدا اے۔ لیکن انعام وی اُوسی دے قابل ہوندے نے!

بائبل چہ اِک دِن دا یوم کافور دا روزہ غروبِ آفتاب توں غروبِ افتاب تیکر سی۔ جے تُسی ساڈے نال اِک دِن دا روزہ رکھن جا رئے اُو تے تہانوں غروبِ آفتاب (تقریباً8:30 بجے شام) توں پہلاں کُج ہلکی پھلکی غذا کھا لینی چائی دی اے۔ اِک کیلا یا دلیے دا اِک پیالہ کھا لو۔ اگلے دِن ناشتہ یا دوپہر دا کھانا نہ کھاؤ۔ جدوں منگل نوں سورج غروب ہوندا اے تے اَسی ایتھے گرجا گھر وِچ کھانا تیار رکھاں گے۔ فیر اَسی چند اِک ہور دعاواں منگاں گے تے تہاڈے لئی ایک موقع فراہم کراں گے کہ تُسی اپنے روزے دے دِن تے دعا دے بارے چہ گواہی پیش کرو، تے میں اِک چھوٹا جیہا واعظ دیاں گا۔

جدوں تُسی منگل نوں دعا مانگو تے روزہ رکھو، تے تہاڈا اِک مقصد ہونا چائی دا اے۔ روزہ رکھن دے ایس دِن دا مقصد خُدا توں ہفتہ دے روز مرداں دی کھیڈاں لئی ساڈے گرجا گھر وِچ دوجے مرداں نوں لہیان لئی یا اُوہناں نوں شامل کرن دے منصوبے نو استعمال کرن لئی دعا مانگنا اے۔ جے خُداوند کھیڈاں نوں برکت نئیں دے گا تے کوئی وی ساڈے گرجا وِچ نئیں آئے گا، تے کھیڈ بس اِک ہور سرگرمی بن کر رہ جان گے، گرجا گھر دی ’’مشنری‘‘ دا اِک حصہ، بس اِک ہور سرگرمی جیہڑی کوئی وی پھل پیدا نئیں کردی۔ چند اِک دِناں وِچ ساڈی عورتاں اِک نوی سرگرمی کرن جا رہیاں نے اُوہدی دعا دے لئی اَسی اِک ہور روزے دا دِن رکھاں گے۔ لیکن میں ہر کسی نوں کہہ رہیا آں، دونویں عورتاں تے مرداں نوں کہ منگل نوں دعا مانگن تے روزہ رکھن کہ ساڈے گرجا وِچ نوے لوکاں نوں کِھچ لہیاں لئی ہفتے دی شام دی کھیڈاں نوں خُدا استعمال کرے۔ تُسی کُج دوجیاں گلاں لئی وی دعا منگ سکدے ہو – لیکن ایس روزے دے اہم مقصد نوں ایس گل تے مرکوز ہونا چائی دا اے کہ ہفتے دی شام دی کھیڈاں نوں خُدا ساڈے گرجا گھر وِچ نئے نوجوان لوکاں نوں لہیاں لئی استعمال کرے۔ اپنی دعاواں دے اہم مقصد نوں اُوس گل تے مرکوز کرو – کہ خُدا کھیڈاں وِچ لوکاں نوں لہیان لئی تے فیر ساڈی اِتوار دی عبادت وِچ آن لئی مرداں دی مدد کرے۔ اُوس مقصد لئی روزہ رکھو تے دعا منگو۔ ایس مقصد لئی سانوں خواتین دی وی لُوڑ اے کہ اُو ساڈے نال روزہ رکھن۔

سوموار دی شام نوں اِک ہلکی پھلکی غذا دے نال اپنے روزے دا آغاز کرن نوں یاد رکھیں، فیر منگل نوں ناشتے تے دوپہر دے کھانے دا روزہ رکھیں۔ شام دے لاگے کسی ہور ہلکی پھلکی غذا نوں کھائیں، فیر منگل دی شام نوں 7:00 وجے گرجا گھر آئیں، تے اَسی اکھٹے روزہ کُج دلیے تے سینڈوِچ دے نال کھولاں گے۔

’’جدوں توں روزہ رکھے‘‘ … ایس دا مطلب اے کہ یسوع نے روزہ رکھن دی منظوری دِتی۔ پاک روح توں قوت تے رہنمائی پان لئی مسیحیاں نوں روزہ رکھنا چائی دا اے۔ ڈاکٹر جان آر۔ رائس Dr. John R. Rice نے کہیا، ’’میں جاننا واں کہ حقیقی روزہ… سانوں اُو برکتاں بخشے گا جیہڑی سانوں خُدا دینا چاہندا اے۔‘‘ سپرجیئن Spurgeon نے کہیا، ’’مسیحی کلیسیا وِچ روزے نوں ترک کرن دے ذریعے نال اَسی اِک بہت وڈی برکت نوں کھو چکے آں۔‘‘ ڈٓاکٹر آر۔ اے۔ ٹورے Dr. R. A. Torrey نے کہیا، ’’جے اَسی قوت دے نال دعا منگنا چاہنے آں تے سانوں روزے دے نال دعا منگنی چائی دی اے۔‘‘ عظیم ایونجیلِسٹ جان ویزلی John Wesley نے کہیا، ’’کی تہاڈے کول دعا مانگن تے روزہ رکھن لئی وی کوئی دِن اے؟ فضل دے تخت تے دھاوا بول دیو… تے رحم نازل ہو جائے گا۔‘‘ میرے چینی پادری صاحب، ڈاکٹر ٹموتھی لِن Dr. Timothy Lin نے کہیا، ’’ساڈی روحانی آگاہی اکثر کھل جاندی اے جیویں ای اَسی دعا منگنا تے روزہ رکھنا شروع کردے آں… میں ایہہ گل اپنے ذاتی تجربے نال کر رہیا واں۔‘‘

اَج دی رات واعظ دے ایس مسوّدے نوں اپنے نال گھر لے جاؤ۔ جدوں تُسی ہلکی پھلکی غذا دے نال شام نوں اپنے روزے نوں رکھن دا آغاز کرن دی تیاری کرو تے ایس واعظ نوں پڑھو۔ اہدے وِچ یاد رکھن لئی کُج نکات نے جدوں تُسی سوموار دی شام توں لیکر منگل دی شام تیکر لئی روزہ رکھو:

1. اپنے روزے نوں (جِنّا ممکن ہو سکے) روز وِچ رکھو۔ لوکاں نوں دسدے نہ پھرو کہ تُسی روزے نال ہو۔

2. منگل دے روزے دے دوران اشعیا58:6 نوں حفظ کرو۔

’’روزہ جیہڑا میری پسند دا اے، کی اُو ایہہ نئیں کہ نا اِنصافی دی زنجیراں توڑیاں جان، جوئے دیاں رسّیاں کُھو دِتیاں جان، مظلوماں نوں آزاد کیتا جائے تے ہر جُوا توڑ دِتا جائے؟‘‘ (اشعیا58:6)۔

3. متی7:7۔11 نوں بار بار احتیاط دے نال پڑھو جدوں تُسی منگل نوں روزہ رکھو

منگو تے تہانوں دِتا جائے گا، لبھو تے تُسی پاؤ گے، کھٹکھٹاؤ تے تہاڈے لئی بوہا کھولیا جائے گا۔ کیوں جے جیہڑا منگدا اے اُوہنوں ملدا اے، جیہڑا لبھدا اے اُو پاندا اے، تے جیہڑا کھٹکھٹاندا اے اُوہدے لئی بوہا کھول دِتا جاندا اے۔ تہاڈے وِچوں کیہڑا اے کہ جے اُوس دا پُتر روٹی منگے تے اُو اُوہنوں پتھر دے۔ یا جے مچھلی منگے تے اُوہنوں سَپ دے؟ جے تُسی بُرے ہون دے باوجود اپنے بچیاں نوں چنگی چیزاں دینا جانندے اُو تے تہاڈٓا آسمانی باپ اُوہناں نوں جیہڑے اُوہدے کولوں منگدے نے، تہاڈے توں ودھ کے چنگیاں چیزاں کیوں نئیں دیوے گا؟‘‘ (متی7:7۔11)۔

4. ساڈے نوجوان لوکاں لئی دعا مانگو کہ اُو 18 اگست، ہفتے نوں باسکٹ بال دے کھیڈ لئی بے شمار نوجوان لوکاں نوں لہیان۔

5. ڈھیر سارا پانی پیئو۔ ہر اِک گھنٹے وِچ تقریباً اِک گلاس۔ تُسی کالی کافی یا چائے (بغیر کریم یا چینی دے) پی سکدے ہو جے تُسی ہر روز اینوں پین دے عادی ہو۔ جے تُسی ’’بوجھل‘‘ محسوس کرو تے تُسی ٹھنڈی سپرائٹ یا سیون اپ (اِک یا دو گلاس) پی سکدے ہو۔ قوت آلیاں مشروبات نہ پیئو!

6. جے تہاڈے کول اپنی صحت دے بارے چہ کوئی سوالات ہون جیویں کہ ذیابیطس یا بُلند فشارِ خون تے روزہ رکھن توں پہلاں ڈاکٹر کرھیٹن چعین Dr. Kreighton Chan یا ڈاکٹر جوڈیِتھ کیگن Judith Cagan نال گل کر سکدے اُو۔ اُوہناں دے فون نمبر ایس واعظ دے شروع وِچ دِتے جا چکے نے۔

7. سوموار نوں اپنے شام دے کھانے دے بعد اپنے روزے دا آغاز کرو۔ منگل دی شام نوں اِک ہلکی پھلکی غذا دے نال اپنے روزے دا اختتام کرو – فیر منگل دی شام نوں 7:00 بجے اِک ہلکے پھلکے کھانے لئی گرجا گھر تشریف لہیاؤ۔

8. اپنی دعاواں نوں منگل نوں ساڈے نوجوان لوکاں دی اگلے ہفتے باسکٹ بال دے کھیڈ لئی لوکاں نوں لہیاں وِچ کامیابی تے مرکوز رکھنا یاد رکھو۔


جے تہاڈا کوئی وی مسئلہ یا کوئی وی سوال ہووے تے مینوں ڈاکٹر ہائیمرز(818)352-0452 نو کسی وی ویلے فون کر سکدے ہو یا مسز ہائیمرز (818)645-7356 نو کسی وی ویلے فون کر سکدے ہو تے اُوہناں نو کہہ سکدے ہو کہ میرے نال گل کروا دین۔

دعا منگن تے روزہ رکھن دے اِک کامیاب ویلے نوں پان لئی میں تہاڈے لئی دعا منگ رہیا ہواں گا! اِک ہور گل: جے تُسی منگل نوں کم کر رئے ہو یا سکول وِچ ہو، تے اِیناں درخواستاں لئی گاہے بگاہے خاموشی دے نال دعا منگدے رہو۔ منگل نوں ایس واعظ نوں اپنے نال رکھو تاکہ (اُتے دِتے گئے) اُوہناں 8 نکات نوں تُسی دوبارہ پڑھ سکو۔ تہانوں ساریاں لوکاں نوں خداوند برکت دے!

ڈاکٹر آر۔ ایل۔ ہائیمرز، جونئیر
فلپیوں4:13

مہربانی نال کھلو جاؤ تے حمدوثنا دا گیت نمبر 4 ’’مینوں دعا کرنا سیکھا دے Teach Me to Pray گاؤ۔

مینوں دعا کرنا سیکھا، خُداوند، مینوں دعا کرنا سیکھا؛ ایہو ای دِن تے رات میرے دِل دی پُکار ہووے؛
میں تیری مرضی تے تیری راہ دا منتظر واں؛ مینوں دعا کرنا سیکھا، خُداوند، مینوں دعا کرنا سیکھا۔

دعا وِچ قوت، خُداوندا، دعا وِچ قوت! ایتھے گناہ تے دُکھ تے خدشیاں دی زمین وِچ؛
لوکی برگشتہ تے مر رئے نے، لوکی نااُمیدی وِچ نے؛ ہائے مینوں قوت بخش دے، دعا وِچ قوت!

میری کمزور مرضی نوں، خُداوندا، تو ای از سر نو نواں کر سکدا اے؛ میری گناہ توں بھرپور فطرت نوں توں ای کُچل سکدا اے؛
مینوں بلکل ہُنے ای نوی قوت دے نال لبریز کر دے؛ دعا مانگن دی قوت تے عمل کرن لئی قوت بخش دے!
   (’’مینوں دعا کرنا سیکھا Teach me to Pray، شاعر البرٹ ایس۔ ریٹسز Albert S. Reitz ، 1879۔ 1966)۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں اکلیاں گیت مسٹر بینجیمن کینکیڈ گریفتھ Mr. Benjamin Kincaid Griffith نے گایا سی:
’’مینوں دعا کرنا سیکھا Teach Me to Pray‘‘
، شاعر البرٹ ایس۔ ریٹسز Albert S. Reitz، 1879۔1966)۔