ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اَج دی شامی میں آسیباں تے شیطان تے گل کرن جا رہیا واں، تے جیویں ڈاکٹر جے ۔ آئی۔ پیکرDr. J. I. Packer نے کہیا، ’’موجودہ دور دی کلیسیا دی خستہ حال صورتحال،‘‘ تے اُو وجہ کہ 1859 توں لیکر ہُن تیکر امریکہ وِچ کوئی وی وڈا قومی حیاتِ نو نئیں آیا۔ میں ڈاکٹر مارٹن لائیڈ جونز Dr. Martyn Lloyd-Jones دے لکھے ہوئے واعط دے خاکے تے انحصار کر رہیا آں۔ بنیادی مرکزی موضوع تے خُلاصہ ڈاکٹر لائیڈ جونز وَلوں نے۔

’’جدوں اُو گھر وِچ داخل ہویا تے آُوس دے شاگرداں نے چپکے نال اُوہنوں پُچھیا: اَسی ایس بدروح نے کیوں نئیں کڈ پائے؟ تے اُوہنے اُوہناں نوں کہیا، ایس قسم دی بدروح دعا تے روزہ دے سِوا کسی ہور طریقہ نال نئیں کڈی جا سکدی‘‘ (مرقس9:26۔29)۔

میں چاہنا واں کہ تُسی دو آیتاں دے بارے چہ سوچو۔ میں اِنہاں آیتاں نوں امریکہ وِچ ’’خستہ حال‘‘ گرجا گھراں تے مغربی دُنیا دی چیختی چلاندی تے پکارتی ہوئی لوڑ دے لئی لاگو کرن جا رہیا واں – جنہاں وچوں کُج نکات ساڈے گرجا گھر دے لئی رہنمائی کردے نے۔

میں جاننا واں کہ اُو انتہائی ناں ’’حیاتِ نو‘‘ اَج لوکاں دا موڈ خراب کر دیندا اے۔ اُو اہدے بارے چہ سُننا ای نئیں چاہندے۔ لیکن اُو وجہ جیہڑے ایس طرح محسوس کردے نے شیطانی اے! ایہہ اُو موضوع اے جیس دے بارے چہ شیطان نئیں چاہندا کہ لوکی سُنن۔ ایس لئی میں دعا مانگنا واں کہ تُسی بھرپور احتیاط دے نال اینوں سُنو گے جدوں میں ساڈے گرجا گھر تے دوجے تمام گرجا گھراں وِچ ایس اشد ضرورت تے گل کراں۔

ایہہ اُو موضوع اے جیس نال ساڈے وِچوں ہر اِک نوں شدت دے نال دلچسپی ہونی چائی دی اے۔ جدوں تیکر اَسی اَج گرجا گھراں دی حالت دے بارے وِچ شدید فکر دے بارے چہ محسوس نئیں کردے اَسی انتہائی بیچارے یا لاچار مسیحی ہونے واں۔ درحقیقت، جے تہاںوں حقیقی حیاتِ نو وِچ کوئی دلچسپی نئیں ہوندی اے تے تہانوں سوال کرنا چائی دا اے کہ آیا تُسی سرے توں مسیحی ہو وی کہ نئیں! جے تہانوں ساڈے گرجا گھر تے دوجے گرجا گھراں لئی کوئی فکر نئیں ہوندی اے تے تُسی یقیناً اِک جوشیلے مسیحی نئیں ہو! میں دُہرانا واں، حقیقی حیاتِ نو کُج نہ کُج ایہو جیہا ہونا چائی دا اے کہ ساڈے وِچوں ہر اِک نوں ایس نال شدید طور تے دلچسپی ہونی چائی دی اے۔

تے آؤ مرقس دے نویں باب وچوں ایس واقعے دے بارے وِچ اَسی ایہہ سوچن نال آغاز کرنےواں۔ ایہہ اِک انتہائی اہم واقعہ اے، کیوں جے چاروں وِچوں تِن انجیلاں متی، مرقس تے لوقا وِچ ایناں واقعات نوں سانوں پیش کرنے لئی پاک نے بہت زیادہ احتیاط کیتی اے۔ میں مرقس وِچ دِتے گئے واقعہ وِچوں دو آیتاں پڑھ رہیا واں۔ باب دے ابتدائی حصے وِچ مرقس سانو دسدا اے کہ مسیح نے پطرس، یعقوب تے یوحنا نوں لہیا تے تبدیلی دی پہاڑی تے ٹُر گیا جیتھے اُوہناں نے اِک حیرت انگیز واقعہ نوں ویکھیا سی۔ لیکن، جدوں اُو پہاڑ توں تھلے آئے تے اُوہناں نے اِک بہت وڈے ہجوم نوں باقی دے شاگرداں دے آلے دوالے تے اُوہناں نال بحث کردے ہوئے پایا! اُو تِن جیہڑے یسوع دے نال تھلے آئے سی سمجھ نہ پائے کہ ایہہ سب کُج کیس دے بارے چہ سی۔ فیر ہجوم وِچوں اِک شخص اَگے ودھیا تے یسوع نے دسیا کہ اُوس دے پُتر نوں اِک بدروح نے قبصے چہ کیتا ہویا سی جیس نال اُوہدے مُنہ توں چَگ نکلدی اے تے اُو اپنے دند پیسدا اے۔ فیر اُوس بندے نے کہیا، ’’میں اُوہنوں تیرے شاگرداں دے کول لہایا سی کہ اُو اُوہدے وِچوں بدروح نوں کڈ دین گے لیکن اُو کڈ نہ پائے‘‘ (مرقس9:18)۔ اُوہناں نے کوشش کیتی سی لیکن اُو ناکام رئے سی۔

یسوع نے اُوس بندے کولوں چند اِک سوالات پُچھے۔ فیر اُوس نے چھیتی ای اُس مُنڈے وِچوں بدروح نوں کڈ دِتا۔ فیر مسیح گھر وِچ ٹُر گیا، تے شاگرد اُوہدے نال گئے۔ گھر چہ داخل ہون دے بعد شاگرداں نے اُوہنوں پُچھیا، ’’اَسی اُوہنوں کیوں نہ کڈ پائے؟‘‘ (مرقس9:28)۔ مسیح نے جواب دِتا، ’’ایس قسم دی بدروح دعا تے روزے توں علاوہ کسی ہور طریقہ نال نئیں کڈی جا سکدی‘‘ (مرقس9:29)۔

ہُن میں ایس واقعہ نوں استعمال کردے ہویاں اَج ساڈے گرجا گھر وِچ مسئلے نوں ظاہر کرن جا رہیا واں۔ ایہہ مُنڈا دورِ حاضرہ دی دُنیا وِچ نوجوان لوکاں دی نمائندگی کردا اے۔ اُو شاگرد اَج ساڈے گرجا گھراں دی نمائندگی کردے نے۔ کی ایہہ گل واضح نئیں اے کہ ساڈے گرجا گھر نوجواں لوکاں دی مدد کرن چہ ناکام ہو رئے نے؟ جارج برنا سانوں دسدے نے کہ اَسی خود اپنے نوجوان لوکاں نوں جیہڑے گرجا گھر وِچ پرورش پاندے نے 88 % کھو دینے آں۔ تے اَسی دُنیا وِچوں انتہائی چند اِک نوجوان لوکاں نو، شدید چند لوکاں نوں جیت رئے آں۔ ساڈے گرجا گھر مُرجھاندے جا رئے نے تے تیزی نال ناکام ہو رئے نے۔ مغربی بپٹسٹ ہُن ہر ورے تقریباً 1,000 گرجا گھراں نوں کھو رئے نے! ایہہ خُود اُوہناں دی اپنی تعداد اے! تے ساڈے خود مختیاف گرجا گھر وی کوئی بہتر نئیں کر رئے نے۔ کوئی وی جیہڑا اُوہناں نمبراں تے نظر پاندا اے ویکھ سکدا اے کہ ساڈے گرجا گھر اَدھے وی اینے مضبوط نئیں جنّے اُو سو وریاں پہلے ہویا کردے سی۔ ایہو ای وجہ اے کہ ڈاکٹر جے۔ آئی پیکر Dr. J. I. Packer نے ’’موجودہ دور دے گرجا گھراں دی خستہ حالی‘‘ دے بارے وِچ گل کیتی سی۔

ساڈے گرجا گھر شاگرداں ای دی مانند، اُو سب کُج کر رئے نے جیہڑا اُو کر سکدے نے، تے ایس دے باوجود اُو ناکام ہو رئے نے۔ اُو اُوسی بُری طرح نال ناکام ہو رئے نے جنّی بُری طرح نال شاگرد ناکام ہوئے سی جدوں اُوہناں نے اُوس نوجوان بندے دی مدد کرن دی کوشش کیتی سی۔ جیہڑا سوال سانوں کرنا چائی دا اے اُو ایہہ اے ’’اَسی کیوں نئیں اُوہنوں کڈ پائے؟‘‘ ایس ناکامی دا سبب کی اے؟

ایتھے، مرقس دے نویں باب وِچ، سانوں ایویں وکھائی دیندا اے کہ مسیح اُوسی انتہائی سوال دے نال نمٹ رہیا اے۔ تے جیہڑا جواب مسیح نے پیش کیتا اے اُو اَج وی ایسی قدر اہم اے جنّا اُو اُوس ویلے سی۔

’’آُوس دے شاگرداں نے چپکے نال اُوہنوں پُچھیا: اَسی ایس قسم دی بدروح نوں کیوں نئیں کڈ پائے؟ تے اُوہنے اُوہناں نوں کہیا، ایس قسم دی بدروح دعا تے روزہ دے سِوا کسی ہور طریقہ نال نئیں کڈی جا سکدی‘‘ (مرقس9:26۔29)۔

ایس تلاوت نوں تین سادہ نکات چہ تقسیم کیتا جا سکدا اے۔

I۔ اُو پہلا نکتہ ’’ایس قسم دی بدروح‘‘ اے۔

اُو کیوں نہ اُوس بدروح نوں کڈ پائے؟ مسیح نے کہیا، ’’ایس قسم دی بدروح دعا تے روزہ دے علاوہ کسی ہور طریقہ نال نئیں کڈی جا سکدی۔‘‘ اُوہنے سانوں دسیا کہ اِک معاملے تے دوجے معاملے، دوواں دے وِچکار فرق ہوندا اے۔ ماضی چہ مسیح اُوہناں نوں منادی کرن تے بدروحواں نوں کڈن لئی پیج چکیا سی – تے اُو گئے وی سن تے منادی کیتی سی تے بے شمار بدروحواں نوں کڈیا وی سی۔ اُو خوشی منادے ہوئے واپس آئے سن۔ اُوہناں نے کہیا سی کہ آسیباں نے اُوہناں دی تابعداری کیتی سی۔

لہٰذا جدوں اے شخص اپنے پُتر نوں اُوہناں دے کول لہایا تے اُو پُریقین سن کہ اُوس دی مدد اُوہی سب کُج کرن دے نال جیہڑا اُو ایس توں پہلاں کر چکے سی کر پان گے۔ ایس دے باوجود ایس وری اُو مکمل طور تے ناکام وہ گئے سن۔ اُوہناں دی تمام تر کوششاں دے باوجود وی مُنڈے دی بالکل وی کوئی وی مدد نئیں ہو سکی سی، تے اُوہناں نے تعجب کیتا سی کہ کیوں۔ فیر مسیح نے ’’ایس قسم دی بدروح‘‘ دے بارے چہ دسیا سی۔ ’’ایس قسم دی بدروح‘‘ تے جیدے نال اُو پہلاں نمٹ چکے سن اُینان دواں دے درمیان اِک فرق اے۔

اِک طرح نال، مسئلہ ہمیشہ اِکو جہیا ای اے۔ گرجا گھر دا کم نوجوان لوکاں نوں شیطان دی قوت تے اُوس دے آسیباں توں چُھٹکارہ دِلانا ہوندا اے، ’’اُوہناں نوں تاریکی توں روشنی وِچ لہیانا ہوندا اے تے شیطان دے اختیار توں کڈ کے خُدا وَل پھیرنا ہوندا اے‘‘ (اعمال26:18)۔ اُو ہر عمر تے ہر تہذیب وِچ ہمیشہ اِکو جیہا ای ہوندا اے۔ گرجا گھراں نوں ہمیشہ ای توں شیطان دے اُوس دے آسیباں نال نمٹنا ہوندا اے۔ لیکن آسیباں دے درمیان فرق ہوندا اے۔ اُو سارے اِکو جیہے نئیں ہوندے۔ پولوس رسول نے کہیا کہ ’’سانوں خون تے گوشت یعنی انسان نال نئیں بلکہ تاریکی دی دُںیا دے حاکماں، اختیار آلیاں تے شرارت دی روحانی فوجاں نال لڑنا اے جیہڑیاں آسمانی مقاماں وِچ نے‘‘ (افسیوں6:12)۔ اُوہنے سانوں دسیا کہ آسیباں دے مختلف درجات ہوندے نے تے اُوہناں دا رہنما آپئے شیطان ہوندا اے، ’’ہوا دی عملداری دا حاکم، جیس دی روح ہُن تیکر نافرمان لوکاں وِچ تاثیر کردی اے‘‘ (افسیوں2:2)۔ شیطان اپنی ساری قوت نال زندہ اے۔ لیکن اُوہدے تحت اے تھلڑے طبقے دی آسیبی قوتاں ہوندیاں نے۔ شاگرد آسانی نال کمزور بدروحواں نوں کڈ سکدے نے۔ لیکن، ایتھے، اُوس مُںڈے وِچ، اِک بہت وڈی قوت دی بدروح سی۔ ’’ایس قسم دی بدروح‘‘ مختلف ہوندی اے، تے ایسی لئی اِک بہت وڈا مسئلہ ہوندا اے۔ پہلی گل جیہڑی سانوں تلاش کرنی چائی دی اے اُو ایہہ اے کہ ’’ایس قسم دی بدروح‘‘ ہے کی جیدے نال اَج سانوں نمٹنا چائی دا اے۔

جدوں اَسی اُوناں لفظاں ’’ایس قسم دی بدروح‘‘ تے نظر پانے آں تے مینوں تعجب ہوندا اے کہ آیا انتہائی بے شمار پادری صاحبان نوں ایتھوں تیکر احساس وی اے کہ جیہڑی جنگ اَسی لڑ رئے آں اُو اِک روحانی جنگ اے۔ میں پُر یقین آں کہ زیادہ تر پادری صاحبان کدی وی نئیں سوچدے کہ اُوہناں دا کم شیطان تے اُوس دی بُری بدروحواں دے نال اِک جنگ اے۔ سیمنریاں تے ایتھوں تیکر کہ بائبل دے کالج انسانی طریقہ کارواں تے بہت زیادہ زور دیندے نے۔ لیکن اُو مبلغاں نوں تعلیم نئیں دیندے کہ اُوہناں دے مرکزی مسائل روحانی سلطنت وِچ لُکے ہوئے نے۔

ایس لئی اُو مخصوص طریقے تے چلدے رہندے نے جیہڑے ماضی چہ کامیاب ہویا کردے سی۔ اُوہناں نوں احساس نئیں ہوندا کہ اُو پرانے طریقے اَج ’’ایس قسم دی بدروح‘‘ دے نال نئیں نمٹ سکدے۔ ہر کوئی جانندا اے کہ ایتھے اِک لوڑ اے۔ لیکن سوال ایہہ پیدا ہوندا اے – اُو لُوڑ ٹھیک طور تے ہے کی؟ جدوں تیکر اَسی اُوس عینی ضرورت نال اَج آگاہ نئیں ہو جاندے، اَسی اُوہنے ای ناکام ہواں گے جِنّے شاگرد اُوس مُنڈے نال ہوئے سن۔

اَج ’’ایس قسم دی بدروح‘‘ کی اے؟ ’’اِس قسم دی بدروح‘‘ وجودیت نال تعلق رکھن آلا اِک آسیب اے۔ وجودیت کہندی اے کہ کوئی شے اُوسی ویلے حقیقی ہوندے اے جے تُسی اُوس دا تجربہ کردے اُو – صرف جے تُسی اینوں محسوس کردے اُو۔ اِج لوکاں دے ذہناں نوں ’’محسوس کرن دے آسیب‘‘ دے ذریعے اَنّا کیتا جاندا اے۔ احساس دی وجودیت دا آسیب کہندا اے کہ تواںوں قبض کُشا یعنی دست آور تجربہ ہونا چائی دا اے – یقین دہانی دا اِک احساس۔ اُو آسیب کہندا اے کہ جے تہاڈے کول اپو احساس ہوندا اے تے ایہہ ثابت کردا اے کہ تُسی نجات پا چکے ہو۔

ایہہ انّے لوکی انصاف دے خُدا وِچ یقین نئیں رکھدے نے۔ اُو صرف احساسات تے یقین رکھدے نے۔ اُو سوچدے نے کہ اُوہناں دے کول نجات پانے لئی اِک احساس ہونا چائی دا اے۔ اُوہناں نوں ایہہ ثابت کرن لئی کہ اُو نجات پا چکے نے ’’یقین دہانی‘‘ دے اِک احساس دی لُوڑ پیندی اے۔ اُوہناں دی ’’یقین دہانی‘‘ اِک بُت ہوندا اے! اُو اپنے احساسات تے پرہوسا کردے نے ناکہ یسوع مسیح تے! اَسی لوکاں کولوں پچھنے آں، ’’کی تُسی مسیح تے پرہوسا کیتا؟‘‘ اُو کہندے نے، ’’نئیں۔‘‘ اُو نئیں کیوں کہندے نے؟ کیوں جے اُوہناں دے کول دُرست احساس نئیں ہوندا اے! اُو اپنے احساس تے پرہوسا کردے نے مسیح تے نئیں! اُوہناں آسیباں نے اُوہناں دے ذہناں نوں انّا کیتا ہوندا اے۔ ’’ایس قسم دی بدروح‘‘ دے آسیب نوں صرف دعا تے روزہ نال ای شکست دی جا سکدی اے! ’’ایس قسم دی بدروح‘‘ دی گرفت نوں توڑن لئی سانوں روزہ رکھنا چائی دا اے!

II۔ دوسرا نکتہ طریقے ہوندے نے جیہڑے ناکام ہو چکے نے۔

میں ساڈےگرجا گھران نوں اُو کم کردے ہوئے ویکھنا واں جیہڑے ماضی وِچ بہت مددگار ہویا کردے سی، لیکن ’’ایس قسم دی بدروح‘‘ تے مذید کوئی خاص اثر نئیں پیندا۔ تے چونکہ اَسی پرانے طریقیاں تے انحصار کرنے آں، اَسی تقریباً اپنے سارے ای نوجواناں نوں کھو دینے آں، تے اَسی دُنیا وِچوں مشکلاں نال ای کسی نوں مسیح تے ایمان دلا کے تبدیل کر پانے آں۔ غلط سمجھے جان دا خطرہ مول لیندیاں ہویاں، میں سنڈے سکول نوں اُوسی زمرے چہ پاواں گا۔ ایہہ ایک سو پنجی ورے پہلاں انتہائی مؤثر سی۔ لیکن میرے خیال چہ ایس دی اَج بہت تھوڑی قدر ہوندی اے۔ میں ایہی گل نجات دے کتابچیاں دے بارے چہ کہواں گا۔ کسی دور چہ لوکی واقعی چہ اُوہناں نوں پڑھا کردے سی تے گرجا گھر ٹُرے آندے سن۔ مگر میں سادگی نال کسی وی پادری صاحب کولوں پُچھاں گا، ’’کی تہاڈے گرجا گھر وِچ کوئی نوجوان لوکی نے جیہڑے کتابچہ پڑھن دے وجہ نال گرجا گھر وِچ آئے تے نجات پائی؟‘‘ میرے خیال چہ ایہہ گل واضح اے کہ ’’ایس قسم دی بدروح‘‘ساڈے دور وِچ اُوہناں طریقیاں دا جیہڑے اَسی ماضی وِچ استمعال کردے سن بخوبی ردعمل ظاہر نئیں کردی۔ میں اُوس زمرے وِچ گھر گھر جان نوں وی پاواں گا۔ ایہہ ماضی چہ بھرپور قوت دے طور تے استعمال کیتا جاندا رہیا اے، لیکن نوجوان لوکاں نوں ہُن گرجا گھر وِچ لہیاں لئی مدد نئیں کردا اے جدوں اَسی ’’ایس قسم دی بدروح‘‘ نال نمٹ رئے ہونے آں۔

کُج مخصوص گلاں نے جیہڑیاں اَج دے دور وِچ بیکار نے، جدوں اُوہناں دا ’’ایس قسم دی بدروح‘‘ تے اِطلاق کیتا جاندا اے۔ دوجے لفظاں چہ، مسیح مؤثر طور تے کہہ رہیا اے، ’’تُسی ایس معاملے چہ ناکام ہو چکے اُو کیوں جے جیہڑی قوت تہاڈے کول سی، جیہڑی دوجے معاملیاں لئی کافی سی اُوس دی ایتھے کوئی قدر نئیں اے۔ ایہہ تہانوں مُنڈے دی مدد کرن لئی بے بس چھڈ دیندی اے جیہڑا ’’ایس قسم دی بدروح‘‘ دی قوت دے تحت ہوندا اے۔

میں جاننا آں کہ ایہو جئے وی پادری صاحبان نے جیہڑے احساس کردے نے کہ بے شمار گلاں نے جِنہاں نوں اَسی ماضی وِچ کیا کردے ساں تے اَج بیکار نے۔ لیکن اُوہناں نوں شیطان دی ’’چالبازیاں‘‘ (2کرنتھیوں2:11) دے بجائے طریقیات دے بارے چہ سوچن لئی تربیت دِتی گئی اے – لہٰذا اُو بُری طرح نال نئے طریقیاں چہ پئے رہندے نے جیہڑے پرانیاں دے مقابلے چہ کوئی بہتر نئیں ہوندے – یعنی کہ، جے اَسی نوجوان لوکاں نوں گرجا گھر دے مضبوط رُکن بنان لئی کوششاں کر رئے آں۔ مثال دے طور تے کُج مخصوص لوکی ہوندے نے جیہڑے سانوں کہندے نے کہ اِیناں دا حل ہوندا اے نوجوان لوکاں نوں ’’ثابت کرنا‘‘ کہ پیدائش دی کتاب وِچ تخلیق دا واقعہ سچا اے تے اِرتقاء اِک جھوٹ اے۔ اُو سوچدے نے کہ نوجوان لوکی مسیح وِچ ایمان لہیا کے تبدیل ہو جان گے، تے دوجے لوکی دُنیا وِچوں گرجا گھر چہ آن گے، جے اَسی ارتقاء نوں غلط ثابت کر سکیے تے اُوہناں نوں پیدائش دی کتاب وچوں جواب لبھن لئی تیار کر لہیے۔ اُو سوچدے نے کہ ایس طریقے نال اِسی موجودہ صورتحال توں نمٹ سکنے آں۔

ڈاکٹر لائیڈ جونز Dr. Lloyd-Jones نے کہیا، ’’اٹھارویں صدی دے شروع چہ بالکل ایسے ای طریقے نال سی، جدوں لوکی اپنے ایمان نوں [معافی چاہن] تے گھماندے رہندے سی۔ ایہہ نے اُو گلاں جنہاں دی اُو سانوں تعلیم دیندے سی کہ اُو مسیحیت دی سچائی نوں ظاہر کرن گیاں، لیکن اُو اینج کردے نئیں سن۔ ’ایس قسم دی بدروح‘ اُوس طریقے نال کُج وی نہ کرن توں اَگے ودھ سکدی اے۔‘‘

اِک دوجا طریقہ جیہڑا ناکام ہو چکیا اے اپو دورِ حاضرہ دے ترجمیاں دے استعمال نال اے۔ سانوں دسیا گیا اے کہ نوجوان لوکاں نوں کنگ جیمس بائبل سمجھ چہ نئیں آندی۔ سانوں جیس شے دی لوڑ اے اُو جدید زبان وِچ بائبل اے۔ فیر نوجوان لوکی ایس نوں پڑھن گے۔ فیر اُو کہن گے، ’’ایہہ مسیحیت اے‘‘ – تے اُو ہجوم در ہجوم ساڈے گرجا گھراں وِچ ٹُرے آن گے۔ لیکن اُو رونما نئیں ہویا۔ درحقیقت، اُوس دا بالکل اُلٹ رونما ہویا۔ میں سٹھ وریاں توں نوجوان لوکان دے نال لگ بھگ مکمل طور نال کم کردا رہیا واں۔ مینوں ایہہ حقیقت معلوم اے کہ ایہہ جدید ترجمے نوجوان لوکاں وِچ بالکل وی دلچسپی پیدا نئیں کردے۔ درحقیقت، میں اُوہناں وِچوں کئی لوکاں نوں کہندیاں ہویاں سُننا واں ’’ایہہ صحیح لگدا نئیں اے۔ ایہہ بائبل وانگوں نئیں لگدا اے۔‘‘

میں کدی وی جدید ترجمے توں منادی نئیں کیتی، تے میں کدی کراں گا وی نئیں۔ تے اَسی سارے ویلے نوجوان لوکاں نوں مسیح وِچ ایمان لہیا کے تبدیل ہوندیاں ہویا ویکھدے رہنے آں۔ دویں ساڈے گرجا گھر وِچ دے دُنیا وِچوں وی۔ ایناں جدید ترجمیاں دی کوئی وی قدروقیمت ہووے، اُو مسئلے نوں حل نئیں کرن گے۔ اُو ’’ایس قسم دی بدروح‘‘ دے نال نئیں نمٹ سکدے۔

ہُور کیس شے دی اُو کوششاں کر رئے نے؟ اوہ، سب توں وڈی جدید موسیقی اے! سانوں موسیقی نوں دُرست کرنا ای ہووے گا تے فیر اُو گرجا گھر وِچ آن گے تے مسیحی بنن گے۔‘‘ ایہہ انتہائی افسوس ناک اے۔ کی مینوں واقعی چہ ایس تے رائے دین دی لوڑ اے؟ اِک مغربی بپٹسٹ گرجا گھر اے جیہڑا لاس اینجلز وِچ کرائے دی عمارتاں چہ لگدا اے۔ پادری صاحب اِک ٹی شرٹ پہندے نے تے اِک سٹول تے بیندے نے۔ اپنی گل پیش کرن توں پہلاں، راک موسیقی تقریباً اِک گھنٹے تیکر وجدی اے۔ ساڈے لوکاں وِچوں اِک اہدی جانچ لئی گیا۔ اُو مجروع ہو گیا سی۔ اُوہنے کہیا کہ عبادت تاریک تے قابلِ افسوس سی، تے روحانی بالکل وی نئیں سی۔ اُوہنے کہیا اُو لوکی انساناں نوں نئیں جیتّدے نے تے اُو اُوہناں نوں جیویں ساڈے نوجوان لوکی دعا مانگدے نے اِک گھنٹہ وی دعا مانگدے ویکھن دا تصور نئیں کر سکدا۔ اِک گھنٹہ ماسوائے دعا دے ہُور کُج وی نہ ہووے؟ پُل جاؤ اینوں! لہٰذا، ’’ایس قسم دی بدروح‘‘ تے قابو پان لئی جدید راک موسیقی وی ناکام ہو چکی اے۔

III۔ تیسرا نکتہ ایہہ اے کہ سانوں کسی نہ کسی ایہو جئی شے دی لُوڑ اے جیہڑی اُس بدکار قوت توں نیویں جا سکدی ہووے تے اُوہدے ٹکڑے ٹکڑے کر سکدی ہ اُو، تے صرف اِک ای شے اے جیہڑی ایہہ کر سکدی اے، تے اُو اے خُدا دی قوت!

ڈاکٹر لائیڈ جونز نے کہیا، ’’سانوں ایس گل دا احساس کر لینا چائی دا اے کہ کِنّی ای وڈی ’ایس قسم دی بدروح‘ کیوں نہ ہووے، خُدا دی قوت لامحدود طور تے بہت وڈی اے، تے جیس شے دی سانوں لُوڑ اے اُو مذید ہور زیادہ علم، سمجھ، مذید ہُور زیادہ سمجھوتے، [نوے ترجمے، یا راک موسیقی] نئیں اے – جی نئیں، سانوں اِک ایہو جئی قوت دی لوڑ اے جیہڑی لوکاں دی روحواں وِچ داخل ہو سکدی ہووے تے اُوہناں نوں توڑ دے تے اُوہناں نوں کُچل ڈالے تے اُوہناں نوں حلیم بنا ڈالے تے فیر اُوہناں نوں بالکل نوا بنا ڈالے۔ تے اُو اے زندہ خُدا دی قوت۔‘‘ تے ایہو گل سانوں واپس تلاوت وَل لےجاندی اے،

’’اَسی ایس بدروح نوں کیوں نئیں کڈ پائے؟ تے اُوہنے اُوہناں نوں کہیا، ایس قسم دی بدروح دعا تے روزہ دے سِوا کسی ہور طریقہ نال نئیں کڈی جا سکدی‘‘ (مرقس9:26۔29)۔

دعا تے روزہ رکھنا۔ کُج وی ہُور ساڈے گرجا گھراں دی ’’ایس قسم دی بدروح‘‘ دے شیطانی حملیاں تے قابو پان وِچ مدد نئیں کر سکدا۔ ساڈے گرجا گھر اَج نوجوان لوکاںدے دِلاں تیکر نئیں پہنچ رئے نے۔ اَسی کی کر سکنے آں؟ ’’ایس قسم دی بدروح دعا تے روزہ دے علاوہ کسی ہُور طریقہ دے نال نئیں کڈی جا سکدی۔‘‘

کُج ’’عالمین‘‘ کہن گے، ’’سب توں بہترین مسوّدے نئیں کہندے ’تے روزہ رکھو۔‘‘‘ لیکن اُوس ’’عالم‘‘ نوں آسیباں دے بارے چہ کی پتا اے؟ اُو سڑکاں توں ساڈے شہر دے کالجاں دے کیمپساں وِچوں کافراں نوں مسیح وِچ ایمان لہیا کے بدلن دے بارے چہ کی جانندا اے؟ اُو حیاتِ نو دے بارے چہ کی جانندا اے – حیاتِ نو جیس دا کہ اُو بالکل اَیسی ویلے چین وِچ تجربہ کر رئے نے؟ اُو اُوہناں گلاں دے بارے چہ کُج وی نئیں جانندا اے۔ میں اپنی زندگی چہ گناہ نوں ٹوٹے ٹوٹے کر دین آلے تِن حیات نو دا جشم دید گواہ رہ چکیا آں۔ میں ایہہ سوچ کے خوشی نال بھر جانا واں کہ مینوں ایس قدر شدت دے نال اُوہناں تِناں حیات نو دے وِچ منادی کرن دی سعادت نصیب ہوئی سی۔ اُو مبشراتی اِجلاس نئیں سن۔ اے اُو دور سی جدوں خُدا دی قوت لوکاں دے دِلاں وِچ گھر کر لیندی سی، تے اُوہناں نوں توڑ ڈالڈی سی، تے اُوہناں نوں کُچل ڈالڈی سی، تے اُوہناں نوں بنا دیندی سی تے مسیح یسوع وِچ اُوہناں نوں اِک نوا مخلوق بنا چھڈدی سی!

لہٰذا، اَسی اُوناں دویں پرانے مسوّدیاں دی پیروی نئیں کر رئے آں جِنہاں نے اُوس لفظ ’’روزہ رکھنا‘‘ نوں مِٹا چھڈیا سی۔ گنوسٹک فرقہ روزہ رکھن تے زور دیندا اے۔ یوں جِنہاں لوکاں نے سانائی ٹیکس مسوّدیاں دی نقل کیتی سی اُوہناں نے اُس آیت نوں گنوسٹک فرقہ دے ذریعے نال استعمال کیتے جان توں محفوظ رکھن لئی اُوناں لفظاں ’’تے روزہ رکھنا‘‘ نوں کڈ دِتا۔ ’’گنوسٹک فرقہ فاقے دی حد تیکر روزہ رکھن چہ ماہر سی‘‘(ولیم آر۔ ہارنے William R. Horne، ٹرینٹی ایونجیلیکل سیمنری Trinity Evangelical Seminary، ’’کلیسیا دی تاریخ وِچ روزہ رکھن دی مشق The Practice of Fasting in Church History،‘‘ ورقہ 3)۔ دورِ حاضرہ دے ’’عالمین‘‘ سانوں دسدے نے کہ نقل کرن آلیاں نے اُوہناں لفظاں دا اضافہ کیتا سی۔ لیکن زیادہ امکان ایہہ اے کہ اُوہناں نے اُوناں لفظاں نو ہٹا دِتا سی۔ (ویکھو گنوسٹکس دی خُفیہ تاریخ: اوہناں دے پاک صحائف، اعتقادات تے روایات The Secret History of the Gnostics: Their Scriptures, Beliefs and Traditions، مصنف اینڈریو فلپ سمتھ Andrew Phillip Smith، باب 5، ورقہ 1)۔ اَسی جاننے واں کہ مسیح نے کہیا، ’’تے روزہ رکھو۔‘‘ اَسی ایہہ گل کیویں جاننے واں؟ سانوں ایہہ گل دو وجوہات دی بِنا تے معلوم اے۔ پہلی، شاگرداں نے یقینی طور تے دعا منگی سی جدوں اُوہناں نے ایس توں پہلاں بدروحواں نوں کڈیا سی۔ لہٰذا کسی ہُور گل دا اضافہ ہونا ضروری سی۔ کُج نہ کُج ہُور چائی دا سی – روزہ رکھنا! کلی دعا ای کافی نئیں سی۔ اَسی ایہہ گل تجربے نال وی جاننے آں۔ کیوں جے اَسی روزہ رکھ چکے آں تے اَسی اپنی اکھیاں نال ویکھ چکے آں کہ خُدا کی کر سکدا اے جدوں اَسی روزہ رکھن تے دعا منگن چہ اپنے دِلاں نوں اُنڈیلنے آں۔

ہُن میں ڈاکٹر مارٹن لائیڈ جونز وَلوں اِک دوجے حوالے نال اختتام کراں گا۔ کِنے شاندار مبلغ! کِنی بصیرت! میں کیس قدر زیادہ خُدا دا اُوہناں لئی شکریہ ادا کرنا واں۔ اِک دوجی تھاں تے اُوہناں نے کہیا،

میں تعجب کرنا واں کہ آیا سادے تے اے کدی وی ظاہر ہویا اے کہ سانوں روزہ رکھن دے سوال تے غور کرنے دی لوڑ اے؟ حقیقت ایہو ای اے، کی ایہہ نئیں اے، کہ ایہہ سارے دا سارا موضوع ساڈی زندگیاں وِچوں تے ساڈی ساری مسیحی سوچاں وِچوں باہر نکلدا ہویا وکھائی دیندا اے؟

تے اُو، غالباً کسی وی ہور گل دے مقابلے چہ کِدروں زیادہ اے، ایہو ای وجہ اے کہ اَسی ’’ایس قسم دی بدروح‘‘ تے قابو کرن دے قابل نئیں ہوئے آں۔

میں ساڈے گرجا گھر وِچ روزہ رکھن لئی اِک عمومی واج دین جا رہیا واں۔ میں ایس دے بارے چہ تہانوں بعد چہ مذید ہُور دساں گا۔ میں تہانوں دساں گا اَسی کدوں روزہ رکھ رئے آں۔ میں تہانوں دساں گا کہ روزہ کیویں رکھنا چائی دا اے، تے اپنے روزہ نوں ختم کیویں کرنا ہوندا اے۔

اُوس ویلے اَسی ایتھے گرجا گھر وِچ آواں گے تے اِک دعائیہ اِجلاس توں پہلاں کھانا کھاواں گے۔ فون کرن آلیاں وِچوں چند اِک نوں ڈاکٹر کیگن کُج عرصہ بعد فون کرن لئی ہدایت دین گے۔ ساڈے وِچوں باقی جی دعا منگن گے، تے ڈاکٹر کیگن تے میں سوالاں دے جواب دین گے۔

1.  اَسی اپنے نوے پروگرام دی کامیابی لئی دعا مانگاں گے تے روزہ رکھاں گے۔

2.  اَسی مُنڈیاں دی اِک نوی ’’پودpod‘‘ تے کُڑیاں دی اِک نوی ’’پودpod‘‘ لئی دعا مانگاں گے تے روزہ رکھاں گے۔ ’’پود‘‘ پنج یا چھ لوکی ہوندے نے جیہڑے ہفتہ، اِتوار دی سویر تے اِتوار دی شام نوں آندے نے تے جیہڑے شاگرد بنن چہ دلچسپی رکھدے نے۔

3.  اَسی اپنے گرجا گھر وِچ مسیح وِچ ایمان لہیا کے تبدیل ہون آلے لوکاں لئی وی دعا مانگاں گے تے روزہ رکھاں گے۔ اَسی خصوصی طور تے ’’ایس قسم دی بدروح‘‘ تے توجہ مرکوز کراں گے – اُو آسیب جیہڑے اِک ہستی نوں غلام بنا چھڈدے نے کہ اُو احساسات دی تلاش کردی اے۔

ہُن مینوں ایس اجلاس دا یسوع دے بارے چہ گل کیتیاں بغیر اختتام نئیں کرنا چاہیے۔ اُو سب جیہڑا سانوں چائی دا اے اُوسی چہ ملدا اے۔ عبرانیوں دی کتاب کہندی اے،

’’اَسی یسوع نے ویکھنے آں جِںہوں فرشتیاں توں کُج ای کمتر کیتا گیا تاکہ اُو خُدا دے فضل نال ہر انسان لئی اپنی جان دے تے چونکہ یسوع نے موت دا دُکھ سہا ایس لئی اُوہنوں جلال تے عزت دا تاج پہنایا گیا‘‘ (عبرانیوں2:9)۔

یسوع، خُدا دا پُتر، گنہگاراں دی تھاں تے قربان ہو گیا، گنہگار دے متبادل دی حیثیت نال۔ یسوع گوشت تے ہڈیاں سمیت یعنی جسمانی طور تے تہانوں بخشن لئی مُردیاں وِچوں جی اُٹھیا۔ جیس لمحے تُسی خود نوں یسوع دے حوالے کردے اُو تے تہاڈے گناہ صلیب تے اُوس دی موت دے وسیلے نال منسوغ کر دِتے جاندے نے۔ جیس لمحے تُسی خود نوں نجات دہندہ دے سپرد کردے اُو، تے تہاڈے گناہ مسیح دے قیمتی لہو دے وسیلے نال ہمیشہ لئی خُدا دےریکارڈ وِچوں دُھل جاندے نے۔ اَسی کیس قدر منگنے آں کہ تُسی خُداوند یسوع مسیح تے پرہوسا کرو گے تے اُوس دے وسیلے نال گناہ توں نجات پاؤ گے۔ آمین تے آمین۔ مہربانی نال کِھلو جاؤ تے اپنے گیتاں دے ورقے توں حمدوثنا دا گیت نمبر4 گاؤ۔

خُداوند ساڈا عظیم قلعہ اے، اِک دفاعی مورچہ جیہرا کدی وی نئیں ہردا،
   ساڈا مددگار، اُو وددھی ہوئی فانی بُرائیاں دے سیلاب دے وِچکار سی۔
کیوں جے ہُن تیکر ساڈا قدیم دشمن اے، جیہڑا بدقسمتی ول تلاش جاری رکھدا اے؛
   اُوس دی کاری گری تے قوت بہت ای وڈی اے، تے اُو ظالم نفرت نال بھریا ہویا اے،
زمین تے اُوس دی برابری کوئی نئیں کر سکدا۔

کی اَسی خود اپنی ای قوت تے پرہوسا نئیں کیتا، ساڈی جدوجہد ہارن آلی ہووے گی،
   کی ساڈے وَل چنگے لوکی نئیں سن، جنہاں نوں آپئی خُدا نے چُنیا سی۔
مت پُچھو اُو کون ہون گے؟ یسوع مسیح، ایہہ اے اُو؛
   خُداوند صبااُوتھ اے اُس دا ناں، زمانیاں توں ایہو ای رہیا اے،
تے اُوہنوں ای جنگ جتنی چائی دی اے۔
   (’’خُداوند ساڈا قوی قلعہ اے A Mighty Fortress Is Our God‘‘ شاعر مارٹن لوتھر Martin Luther، 1483۔1546)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں اکلیاں گیت مسٹر بینجیمن کینکیڈ گریفتھ Mr. Benjamin Kincaid Griffith
نے گایا سی: ’’پرانے زمانے دی قوتOld-Time Power‘‘
(شاعر پال ریڈر Paul Rader، 1878۔1938)۔