Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




خونی پسینہ

THE BLOODY SWEAT
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ دِتا گیا اِک واعظ
خُداوند کے دِن کی شام، 18 فروری، 2018
A sermon preached at the Baptist Tabernacle of Los Angeles
Lord’s Day Evening, February 18, 2018

’’فیر اُو سخت درد تے کرب وِچ مبتلا ہو کے ہُور وی دِلسوزی نال دعا کرن لگا تے اُوہدا پسینہ لہو دی وڈی وڈی بونداں وانگوں زمین تے ٹپکن لگا‘‘ (لوقا22: 44).


ایہہ پیغام سی۔ ایچ۔ سپرجیئن C. H. Spurgeon دی ذریعے توں دِتے گئے دو عظیم واعظاں ’’باغ وِچ اذیت The Agony in the Garden‘‘(18 اکتوبر، 1874) تے ’’گتسمنیGethsemane‘‘(8 فروری، 1863) تے مشتمل اے۔ میں تہانوں مبلغین دے شہزادے وَلوں دِتے گئے ایہناں دوویں شاہکار خطبیاں دا اِختصار پیش کراں گا۔ ایتھے کُج وی اصل نئیں اے۔ میں ایہناں واعظاں نوں دورِحاضرہ دے کم پڑھے لکھے ذہناں دے لئی سادہ کیتا اے۔ ایہناں خیالات نوں عظیم مبلغ دے واعظاں توں کشید کیتا گیا اے، تے میں ایس اُمید دے نال تہاڈے اَگے پیش کر رہیا آں کہ گتسمنی دے باغ وِچ سپرجیئن دی پیش کیتی گئی مسیح دی تصویر تہاڈی جان نوں گرفت وِچ کر لئے گی تے تُہاڈے دائمی مقدر نوں دُرست کر دے گی۔

یسوع نے فسح دا کھانا کھایا تے عشائے ربانی نوں اپنے شاگرداں دے نال منایا سی۔ فیر اُو اُوہناں دے نال گتسمنی دے باغ وِچ ٹر گیا سی۔ اُوہنے کیوں گتسمنی نوں اپنی اذیت دے آغاز دے لئی چُنیا سی؟ کی ایہہ ایس لئی سی کیوں جے آدم دے گناہ نے سانوں باغ عدن دے باغ وِچ تباہ کیتا سی؛ لہٰذا آخریلے آدم نے سانوں اِک دوجے باغ، گتسمنی دے باغ وِچ بحال کرن دے خواہش چاہی؟

مسیح اکثر گتسمنی وِچ دعا منگن دے لئی آیا کردا سی۔ ایہہ اِک ایہو جئی تھاں سی جیتھے اُو پہلاں وی کئی وری جا چکیا سی۔ یسوع دا مطلب سی کہ اَسی ویکھیے کہ سادے گناہ نے اُوہدے بارے وِچ ہر اِک شے نوں دُکھ وِچ تبدیل کر دِتا سی۔ اُو تھاں جیتھے اُوہنے سب توں بوہتی خوشی محسوس کیتی سی اُو تھاں بن چکی سی جیتھے اُوہنوں سب توں بوہتے دُکھ چُکن دے لئی بُلایا گیا۔

یا فیر اُوہنے شاید گتسمنی نوں ایس لئی چُنیا کیوں جے ایہہ اُوہنوں ماضی وِچ گزرے ہوئے دعا دے لمحات نوں یاد دِلاندا سی۔ ایہہ اُو تھاں سی جیتھے خدا نے اکثر یسوع نوں جواب دِتا سی۔ جیویں ای اُو اذیت وِچ داخل ہویا، اُوہنے شاید محسوس کیتا سی کہ ہُنے اُوہدی مدد کرن دے لئی اُوہنے دعا دے لئی خدا دے جواب نوں یاد رکھن دی لوڑ سی۔

دعا وِچ گتسمنی چہ اُوہدے جان دی اہم وجہ غالباً ایہہ سی کہ اُوتھے جانا اُوہدی عادت سی تے ہر کوئی ایہہ گل جانندا سی۔ یوحنا سانوں دسدا اے، ’’اُوہدا جانن آلا یہوداہ وی جِہنے اُوہنوں دھوکہ دِتا سی، اُوس تھاں توں واقف سی؛ کیوں جے یسوع کئی وری اپنے شاگرداں دے نال اُوتھے جا چکیا سی‘‘ (یوحنا18: 2)۔ یسوع جان بجھ کے اُوس تھاں تے گیا سی جِیتھے اُو جانند سی کہ اُو اُوہنوں گرفتار کر لین گے۔ جدوں یسوع دے دھوکہ کھان دا ویلہ آیا، اُو ’’برّے وانگوں ذبح ہون دے لئی‘‘ گیا (اشعیا53: 7)۔ اُو سردار کاہن دے سپاہیاں توں نئیں لُکیا سی۔ اُوہنوں اِک چور وانگوں شکار یا جاسوساں دے ذریعے توں تلاش کروان دے لُوڑ نئیں پیہئی سی۔ یسوع جان بُجھ کے اِک ایہو جیہئی تھاں تے گیا سی جیتھروں غدار اُوہنوں سُہکھا لبھ لئے تے یسوع دے دشمن اُوہنوں گرفتار کر پان۔

تے ہُن اَسی گتسمنی دے باغ وِچ وڑنے آں۔ اُوس راتی ایہہ کیہنا تاریک تے ہولناک اے۔ یقینی طور تے اَسی یعقوب دے نال کہہ سکنے آں، ’’ایہہ تھاں کیس قدر بھیانک اے!‘‘ (پیدائش28: 17)۔ گتسمنی دے دھیان لاندھے ہوئے، اَسی مسیح دی اذیت دے بارے چہ سوچاں گے، تے میں باغ وِچ اُوہدے غم دے بارے چہ تِن وجوہات دین دی کوشش کراں گا۔

I۔ پہلی وجہ، گتسمنی وِچ مسیح دے دُکھ تے اذیت دا سبب کی سی؟

گلام پاک سانوں دسدا اے کہ یسوع ’’اِک غمگین انسان سی جیہڑا رنج توں آشنا سی‘‘ (اشعیا53: 3)، لیکن اُوہدی شخصیت افسردہ نئیں سی۔ خود اُوہدے اپنے اندر ایس قدر شدید اطمینان سی کہ اُو کہہ پایا ’’میں اپنا اطمینان تہانوں دینا آں‘‘ (یوحنا14: 27)۔ میں نئیں سوچدا کہ میں غلطی تے آں جدوں میں کہنا واں کہ یسوع اِک پُرامن، خوش بندہ سی۔

مگر گتسمنی وِچ سارا کُج بدل جاندا اے۔ اُوہدا اطمینان ٹُر جاندا اے۔ اُوہدی مسرت تڑپدے ہوئے غم وِچ بدل جاندی اے۔ پہاڑ توں ہیٹاں ڈھلوان راستے تے جاندے ہوئے جیہڑا یروشلیم توں نکلدا اے، گتسمنی دے لئی قیدرون دی وادی نوں کردے ہوئے، نجات دہندہ نے دعا منگی تے خوشی خوشی گلاں کیتیاں (یوحنا17: 15)۔

’’جدوں یسوع دعا کر چکیا تے اُو اپنے شاگرداں دے نال باہر آیا تے اُو سب قدرون دی وادی نوں پار کر کے اِک باغ وِچ ٹر گئے‘‘ (یوحنا18: 1)۔

اپنی ساری حیاتی دے دوران یسوع نے مشکل نال ای غمگین یا پریشان محسوس ہون دے بارے وِچ اِک وی لفظ ادا کیتا ہووے۔ لیکن ہُن، باغ وِچ داخل ہون تے، سب کُج بدل جاندا اے۔ اُو چلاندا اے، ’’جے ممکن ہووے تے ایہہ پیالہ میرے توں ٹل جائے‘‘ (متی26: 39)۔ اپنی ساری حیاتی دے دوران یسوع نے مشکل نال ای گھبراہٹ یا غم دا کوئی اظہار کیتا ہووے، ایہدے باوجود ایتھے اُو آہواں بھردا اے، لہو دا پسینہ وگاندا اے تے کہندا اے، ’’غم دی شدت نال میری جان نکلی جا رئی اے‘‘ (متی26: 38)۔ اے خداوند یسوع، تیرے نال کی ہویا اے کہ تینوں ایس قدر شدت دے نال پریشان ہونا چائیدا اے؟

ایہہ گل واضح اے کہ ایس غم تے ذہنی دباؤ دا سبب اُوہدے جسم وِچ درد دی وجہ توں نئیں سی۔ یسوع نے ایس توں پہلاں کدی وی کسی جسمانی تکلیف دی شکایت نئیں کیتی سی۔ اُو غمگین رہیا سی جدوں اُوہدا بیلی لعزر فوت ہویا سی۔ اُوہنے بِلا شک و شبہ غم محسوس کیتا سی جدوں اُوہدے دشمناں نے کہیا اُو اِک شرابی سی، تے جدوں اُوہناں نے اُوہدے تے شیطان دی قوتاں دے نال آسیباں نوں کڈن دا الزام دھریا سی۔ لیکن ایہنے ایناں سارے حالات وِچ بہادری دا مظاہرہ کیتا تے ایہناں وِچوں لنگہیا۔ ایہہ اُوہدے تعاقب وِچ سن۔ کُج نہ کُج درد دے مقابلے وِچ تیز ترین، بے عزتی تے بدنامی توں کدرے بوہتا تلخ، مر جان دے صدمے دے مقابلے وِچ بوہتا ہولناک رہیا ہووے گا جیس نے ہُن ایس ویلے چہ نجات دہندہ نوں گرفت چہ لہیا، تے اُوہنوں ’’افسردہ تے بیقرار‘‘ کر دِتا سی متی (متی26: 37)۔

کی تُسی سوچدے اُو کہ ایہہ موت دا خوف تے مصلوب کیتے جان دا ڈر سی؟ بے شمار شُہدی اپنے ایمان دے لئی بہادری نال مر چکے نے۔ ایہہ گل سوچنا مسیح دے لئی رسوائی اے کہ اُوہدے کول اُوہناں دے مقابلے چہ گھٹ حوصلہ سی۔ ساڈے آقا نوں خود اپنے شُہدا توں کمترین نئیں سوچنا چائیدا اے جِنہاں نے موت تیکر اُوہدی پیروی کیتی! ایس دے علاوہ، بائبل کہندی اے، ’’یسوع نے خوشی دے لئی جیہڑی اُوہدے اَگے سی، شرمندگی دی پرواہ نئیں کیتی بلکہ سولی دا دُکھ سہا…‘‘ (عبرانیوں12: 2)۔ یسوع دے مقابلے چہ کوئی وی موت دے درد نوں بہتر طور تے چیلنج نئیں کر سکدا۔ باغ چہ اُوہدی اذیت دا سبب ایہہ نئیں رہیا ہووے گا۔

ایس توں علاوہ، میں یقین نئیں کردا کہ گتسمین دی اذیت شیطان دے اِک غیرمعمولی حملے دے سبب توں سی۔ اپنی منادی دے آغاز وِچ، مسیح ابلیس دے نال اِک شدید کشمکش توں لنگہیا سی جدوں اُو بیابان وِچ سی۔ ایس دے باوجود اَسی نئیں پڑھدے کہ یسوع بیابان وِچ ’’اذیت چہ سی۔‘‘ اُوس بیابانی آزمائش وِچ گتسمنی چہ خونی پسینے وانگوں کُج وی نئیں سی۔ جدوں فرشتیاں دا خداوند شیطان دے مُنہ در مُنہ کِھلوتا سی، اُوہنے بالکل وی شدید رون، تے اتھرو وگان، زمین تے سجدے وِچ ڈِگن تے باپ نال اِلتجاواں کرن دا اِظہار نئیں کیتا سی۔ ایہدے موازنے وِچ، شیطان دے نال مسیح دی کشمکش آسان سی۔ مگر گتسمنی وِچ ایس اذیت نے اُوہدی انتہائی جان نوں زخمی کر دِتا سی تے تقریباً اُوہنے مار ای ڈالیا سی۔

فیر، ایس اذیت دا سبب کی سی؟ ایہہ اُوس ویلے ہوندی اے جدوں خدا یسوع نون ساڈے لئی غم وِچ مبتلا کردا اے۔ ایہہ ہُنے ای سی کہ یسوع نوں باپ دے ہتھ توں اِک مخصوص پیالہ لیہنا سی۔ اُوہنے یسوع نے ڈرا دِتا سی۔ ایس لئی تُسی پُریقین ہو سکدے اُو کہ ایہہ جسمانی تکلیف دے مقابلے وِچ کُج بوہتی ہولناک گل سی، کیوں جے اُوس توں تے اُو پِیچھے نئیں ہٹیا سی۔ ایہہ لوکاں دے یسوع دے نال غصے ہون دے مقابلے چہ بدترین سی – ایس توں تے یسوع کدی وی نئیں ڈریا سی یا پیچھے ہٹیا سی۔ ایہہ شیطانی آزمائش دے مقابلے وِچ کدرے بوہتی ہولناک سی – جیہدے تے اُوہنے قابو کر لہیا سی۔ ایہہ کُج ناقابلِ تصور دھشت ناک، حیرت انگیز طور تے ہولناک سی – جیہڑا خدا باپ وَلوں اُوہدے تے نازل کیتا گیا سی۔

ایہہ گل کہ اُو کیہڑی شے سی جیہڑی اُوہدی اذیت دا سبب بنی سی ایس توں تعلق رکھدے ہوئے سارے شک نوں دور کردی اے:

’’خداوند نے اَساں ساریاں دی بدکاری اُوہدے تے لد دِتی سی‘‘ (اشعیا 53: 6).

اُو ہُن اُوس لعنت نوں برداشت کردا اے جیہڑی گنہگاراں تے نازل ہون آلی سی۔ اُو ڈٹا رہیا تے گنہگاراں دی تھاں تے مصیبتاں برداشت کیتیاں۔ اُو اُوہناں اذیتاں دا راز اے جیہڑا بیان کرنا میرے لئی مکمل طور تے ممکن نئیں اے۔ کوئی وی انسان اِیس تکلیف دا مکمل طور تے احاطہ نئیں کر سکدا۔

ایہہ صرف خدا دے لئی اے، تے تہنا خدا دے لئی،
کہ اُوہناں دی شدت نوں مکمل طور تے جانا جائے۔
   (’’تیرے انجانے مصائب Thine Unknown Sufferings‘‘ شاعر جوزف ہارٹJoseph Hart، 1712۔1768)۔

خدا دا برّہ اپنے بدن تے نسل انسانی دے گناہواں نوں برداشت کردا اے تے ساڈے گناہواں دا بوجھ اُوہدی جان تے پیندا اے۔

’’اُو آپئے اپنے ای بدن تے ساڈے گناہواں دا بوجھ لئے ہوئے سولی تے چڑھ گیا تاں جے اَسی گناہواں دے اعتبار توں مُردہ ہو جان مگر راستبازی دے اعتبار توں زندہ ہو جائیے۔ اُوسی دے مار کھان نال تُسی شفا پائی‘‘ (1پطرس2: 24).

میں یقین کرنا واں کہ گتسمنی ای وِچ ساڈے سارے گناہ ’’خود اُوہدے اپنے بدن تے‘‘ لد دِتے گئے سن تے اگلے دِن اُوہنے سولی تیکر ساڈے گناہواں نوں برداشت کیتا سی۔

اُوتھے باغ وِچ مسیح نوں مکمل طور تے احساس ہو چکیا سی کہ گناہ نوں اُٹھان آلا کینج دا ہوندا اے۔ اُو قربانی دا بکرا بن گیا، اپنے سر تے اسرائیل دے گناہواں نوں برداشت کیتا، گناہ دی قربانی دین دے لئی چُنا گیا، خیمہ توں باہر لے جایا گیا تے خدا دے قہر دی اَگ توں مکمل طور تے بھسم کیتا گیا۔ کی ہُن تُسی ویکھیا مسیح کیوں ایس سبب توں پِچھے ہٹ رہیا سی؟ مسیح دے لئی اَسی گنہگاراں دی حالت وِچ خدا دی حضوری وِچ کِھڑے ہونا انتہائی چونکا دین آلی گل سی – جیویں کہ لوتھر نے کہیا، خدا دے حضوری وِچ اینج وکھائی دینا جیویں کہ آیا اُو [یسوع] ای دُنیا دے سارے گنہگاراں دا گنہگار سی۔ اُو ہُن خدا دے سارے انتقام تے قہر دا مرکز بن چکیا اے۔ اُو ہُن خود تے اُو فیصلہ کردا برداشت کردا اے جِنہوں گناہ توں بھرپور انسان تے نازل ہونا چائیدا اے۔ ایس حالت وِچ ہونا مسیح دے لئی انتہائی دھشت ناک رہیا ہووے گا۔

فیر، ایس توں علاوہ، باغ وِچ اُوہدے تے گناہ دے لئی سزا نازل ہونا شروع ہو گئی۔ پہلاں، گناہ خود اُوہدے تے نازل ہویا، تے فیر گناہ دے لئی سزا نازل ہونا شروع ہو گئی۔ ایہہ کوئی چھوٹی تکلیف نئیں سی جیس نے لوکاں دے گناہ دے لئی خدا دے انصاف دی ادائیگی کیتی۔ میں کدی وی ساڈے خداوند نے جو کُج وی برداشت کیتا اُوہنوں ودھا چڑھا کے دسن توں خوفزدہ نئیں ہوندا۔ اُوس پیالے وِچ جیہڑا اُوہنے پیتا سی ساری جہنم نوں اُنڈیلا گیا سی۔

اُو دشمن جیہڑا نجات دہندہ دی روح تے نازل ہویا سی، ناقابلِ اِظہار ذہنی اذیت تے شدید درد دا بوہتا وڈا تے بے انتہا گہرا سمندر سی جیہڑا نجات دہندہ دی جان تے اُوہدی قربانی دے لئی جان دین آلی موت وِچ اُمڈ آیا سی، جیہڑا ایس قدر شدید ناقابلِ تصور اے کہ مینوں ایس قدر بے انتہا دور تیکر نئیں نکل جانا چائیدا اے ورنہ کوئی میرے تے ناقابلِ فہم گل دا اِظہار کرن دی کوشش دا اِلزام دھر دے گا۔ لیکن ایہہ میں کہواں گا، انسانی گناہ دے بارے وِچ ایس بوہتی شدید گہری بے چینی دے انتہائی چھڑکاؤ نے، جدوں اُو مسیح تے نازل ہو رہیا سی تے اُوہنوں خونی پسینے وِچ بپتسمہ دے ڈالا۔ اِک گنہگار دی حیثیت توں برتاؤ کرن دے لئی، اِک گنہگار دی حیثیت نال سزا پان دے لئی، حالانکہ یسوع نے کدی وی گناہ نئیں کیتا سی – ایہہ سی اُو جِنہے اُوس یسوع نوں اُوس اذیت وِچ مبتلا کیتا سی جس دے بارے وِچ ساڈی تلاوت کہندی اے۔

’’فیر اُو سخت درد تے کرب وِچ مبتلا ہو کے ہُور وی دِلسوزی نال دعا کرن لگا تے اُوہدا پسینہ لہو دی وڈی وڈی بونداں وانگوں زمین تے ٹپکن لگا‘‘ (لوقا22: 44).

ہُن اَسی دوجی وجہ وَل آنے آں۔

II۔ دوجی وجہ، مسیح دے خونی پسینے دا مطلب کی سی؟

ایلیکوٹEllicott سانوں دسدے نے کہ خونی پسینے دی حقیقت ’’عام طور تے مانے جان آلا نظریہ‘‘ اے (چارلس جان ایلیکوٹCharles John Ellicott، ساری بائبل تے تبصرہCommentary on the Whole Bible، جلد ششم، صفحہ 351)۔ اُو ایہہ نشاندہی کرن دے لئی گل جاری رکھدے نے کہ ’’اُو انتہائی اصطلاح ’خونی پسینہ‘ ارسطو وِچ شدید نقاہت دی علامت دی حیثیت توں جانی گئی‘‘ (ibid.)۔ آگسٹین توں لے کے موجودہ دِن تیکر تبصرہ نگار ایہہ رائے قائم کر چکے نے کہ اُو الفاظ ’’جیویں کہ اُو سن‘‘ دا مطلب ہوندا اے کہ اُو واقعی وِچ اصلی لہو سی۔ اَسی وی یقین کرنے آں کہ مسیح نے واقعی وِچ خونی پسینہ وگایا سی۔ حالانکہ ایہہ کسی نہ کسی طور تے انوکھی گل اے، ایہہ تاریخ وِچ دوجے لوکاں وِچ بے شمار وری ویکھی جا چکی اے۔ گیلن Galen دی پرانی طبّی کتاباں وِچ، تے کُج حال ای وِچ دی تاریخ دیاں کتاباں وِچ، اُوہناں لوکاں دے ریکارڈ درج نے جِنہاں نے اِک طویل مدت تیکر کمزور رہ چکن دے بعد خونی پسینہ وگایا۔

لیکن مسیح دا خونی پسینہ وگان دا معاملہ انوکھا اے۔ اُوہنے ناصرف خونی پسینہ وگایا، بلکہ ایہہ وڈیاں ودیاں بونداں یا ’’گاڑھے مادے‘‘، وڈے، بھاری قطریاں وانگوں سن۔ ایہہ کسی وی معاملے چہ نئیں ویکھیا گیا اے۔ بیمار لوکاں دے پسینے وِچ کُج لہو پایا گیا اے، مگر کدی وی وڈیاں وڈیاں بونداں نئیں۔ فیر سانوں دسیا گیا اے کہ ایہہ وڈے وڈے خونی مادے یسوع دے کپڑیاں وِچ جذب نئیں ہوئے سن بلکہ ’’زمین تے ٹپک رئے‘‘ سن۔ ایتھے طبّ دی تاریخ وِچ مسیح تنہا کِھلوتا اے۔ اُو تندرست صحت وِچ اے، تیتی وریاں دی عمر دا اِک بندہ۔ لیکن اُو ذہنی دباؤ جیہڑا اُوس گناہ دے بوجھ نال ودھ رہیا سی، اُوہدی ساری طاقت نوں ایویں نچوڑن، تے اُوہدے بدن نوں ایس قدر شدید غیرقدرتی ہیجان وِچ مبتلا ہون تے مجبور کر دِتا کہ اُوہدے بدن دے مسام کُھل گئے تے لہو دی وڈی وڈی بونداں نکل پیہیاں تے زمین تے ٹپکیاں۔ ایہہ ظاہر کردا اے کہ اُوہدے تے کس قدر بوہتا گناہ دا بوجھ سی۔ اُوہنے نجات دہندہ نوں کُچل ڈالیا سی جدوں تیکر کہ اُوہدی کَھل توں لہو نہ وگنا شروع ہویا۔

ایہہ مسیح دی رضاکارانہ نوعیت نوں بیان کردی اے، کیوں جے چُھری دے بغیر ای خونی پسینہ آزادانہ وگایا۔ میڈیکل ڈاکٹرز سانوں دسدے نے کہ جدوں بوہتے سارے لوکی اِک بوہتے وڈے خوف چہ مبتلا ہوندے نے، تے لہو دِل وَل دباؤ پاندا اے۔ گل [رخسار] پیلے ہو جاندے نے؛ اِک بے ہوشی جیہا تاثر آ جاندا اے؛ لہو اندر وَل جا چکیا ہوندا اے۔ مگر ساڈے نجات دہندہ نوں اُوس اذیت وِچ ویکھو۔ اُو خود نوں ایس قدر فراموش کر بیندا اے کہ اُوہدا لہو، بجائے ایس دے کہ اندر وَل اُوہنوں طاقت بخشن دے لئی جاندا، باہر وَل زمین تے ٹپکن دے لئی رواں ہو جاندا اے۔ زمین تے اُوہدے لہو دا وگنا بوہتے وڈے پیمانے تے تہاڈے لئی آزادانہ نجات دی پیشکش دی عکاسی کردا اے۔ جیویں اُوہدی کَھل توں لہو آزادانہ وگ رہیا سی، اینج ای تُسی وی اپنے گناہواں توں آزادانہ طور تے دُھل سکدے اُو جدوں تُسی یسوع تے پروہسا کردے اُو۔

’’فیر اُو سخت درد تے کرب وِچ مبتلا ہو کے ہُور وی دِلسوزی نال دعا کرن لگا تے اُوہدا پسینہ لہو دی وڈی وڈی بونداں وانگوں زمین تے ٹپکن لگا‘‘ (لوقا22: 44).

اُو خونی پسینہ اُوہدی جان وِچ غم دے نتیجے دے طور تے آیا سی۔ سب توں بدترین درد دِل وِچ درد ہوندا اے۔ غم تے ذہنی دباؤ تاریک ترین صدمے ہوندے نے۔ اُو جیہڑے گہرے ذہنی دباؤ نوں جان چکے نے تہانوں دس سکدے نے کہ ایہہ سچ اے۔ متی وِچ اَسی پڑھیا کہ اُو ’’افسردہ تے انتہائی بیقرار‘‘ سی (متی26: 37)۔ ’’انتہائی بیقرار‘‘ – اُو تاثر معنیاں نال بھرپور اے۔ ایہہ اِک ایہو جئے ذہن نوں بیان کردا اے جیہڑے کسی دوجے خیال نوں بے دخل کر کے مکمل طور تے دُکھ نال حاوی ہو چکیا ہوندا اے۔ ساڈے گناہ نوں چکن آلے دی حیثیت نال اُوہدی حالت نے اُوہدے ذہن نوں باقی سارے احساسات توں پرے کر دِتا سی۔ اُوہنے ذہنی پریشانی دے اِک بوہتے وڈے سمندر دے اَگے تے پیچھے تھپیڑے برداشت کیتے سن۔ ’’فیر وی اَسی اُوہنوں خدا دا مارا، کوٹیا تے ستایا ہویا سمجھیا‘‘ (اشعیا53: 4)۔ ’’اپنی جان دا دُکھ چک کے، اُو حیاتی دا نور ویکھے گا تے مطمئن ہووے گا‘‘ (اشعیا53: 11)۔ اُوہدے دِل نے اُوہنوں ناکام کر دِتا سی۔ اُو ہولناکی تے سرسیمگی دے نال بھر چکیا سی۔ اُو ’’انتہائی بیقرار‘‘ سی۔ عالم تھامس گُڈوِنThomas Goodwin نے کہیا، ’’اُو لفظ اِک ناکامی دا، فقدان دا تے روح دے ڈوبن دا اِظہار کردا اے۔ جیویں کہ لوکاں دے نال بیماری تے بے ہوش ہون دے حد تیکر کمزوری نال ہوندا اے۔‘‘ ایپافروڈیٹس Epaphroditus دی بیماری، جِنہے اُوہنوں موت دے قریب کر دِتا سی نوں ایسی لفظ دے ذریعے نال پکاریا جاندا اے۔ ایویں، اَسی ویکھنے آں کہ مسیح دی جان بیمار تے بے ہو رئی سی۔ اُوہدا پسینہ نقاہت دے سبب توں پیدا ہویا سی۔ مردے ہوئے لوکاں دا اُو سرد تے چپچپا پسینہ اُوہناں دے جسماں دی کمزوری دے ذریعے توں آندا اے۔ مگر یسوع دا خونی پسینہ ساڈے گناہواں دے بوجھ دے تحت اُوہدی جان دی اندرونی موت دے نال آیا سی۔ اُو ہولناک جان دی کمزوری دے وجہ توں بے ہوشی وِچ سی، تے اِک اندرونی موت دی تکلیف وِچ مبتلا سی، جیس دے نال نال ایہدے سارے بدن توں خونی پسینہ وگ رہیا سی۔ اُو ’’انتہائی بیقرار‘‘ سی۔

مرقس دے انجیل سانوں دسدی اے کہ اُو ’’دردناک حد تیکر پریشان‘‘ سی (مرقس14: 33)۔ یونانی لفظ وِچ مطلب ہوندا اے کہ اُوہدی حیرت نے اِک شدید دھشت پیدا کیتی سی، جیہو جئی لوکاں دے وِچ اُودھوں ہوندی اے جدوں اُوہناں دا جسم کپکپاندا اے تے رونگٹھے کھِلو جاندے نے۔ شریعت دی ترسیل نے موسیٰ نوں خوف نال دِہلا دِتا سی؛ اینج ای ساڈا خداوند اُوس گناہ دے نظارے نال جیہڑا اُوہدے تے لد دِتا گیا سی دھشت دے نال سکتے وِچ آ گیا سی۔

نجات دہندہ پہلاں غمگین سی، فیر افسردہ تے بیقرار تے آخیر وِچ ’’دردناک حد تیکر پریشان۔‘‘ اُو دھلا ڈالن آلی حیرت دے نال بھرا پیہا سی۔ جدوں اصل وِچ ساڈے گناہواں نوں چکن دا ویلہ آیا، تے اُو قطعی طور تے ایس صورتحال نال حیرت زدہ سی تے خدا دے اَگے گنہگار دی تھاں دے کھڑا کرن دے لئی دنگ رہ گیا سی۔ گنہگار دے نمائندے دے خیال توں حیرت زدہ سی۔ ایس گل نے اُوہدے پاک، شفیق، محبت بھری فطرت نوں لڑکھڑا کے رکھ دِتا سی تے اُو ’’دردناک حد تیکر پریشان‘‘ تے انتہائی بیقرار‘‘ ہو گیا سی۔

سانوں مذید ہور دسیا جاندا اے کہ اُوہنے کہیا، ’’غم دی شدت نال میری جان نکلی جا رئی اے‘‘ (متی26: 38)۔ یونانی لفظ ’’پیریلیوپس perilupos‘‘ دا مطلب ہوندا اے غماں دے نال اِحاطہ کرنا۔ عام جئی مصیبتاں وِچ فرار دا کوئی نہ کوئی راسہ عموماً ہوندا ے، اُمید دے لئی سا [سانس] لین دی کُج تھاں۔ اَسی عام طور تے اُوہناں لوکاں نوں جیہڑے مصیبت وِچ نے یاد دِلا سکنے آں کہ اُوہناں دا معاملہ شاید بدترین ہووے۔ مگر یسوع دے معاملے وِچ کُج وی بدتر تصور نئیں کیتا جا سکدا، کیوں جے اُو داؤد دے نال کہہ سکدا اے، ’’پاتال دی اذیت میرے تے آ پیہئی‘‘ (زبور116: 3)۔ خدا دی ساریاں لہراں تے وڈیاں وڈیاں موجاں اُوہدے توں لنگ گئیاں۔ اُوہدے اُوتوں، اُوہدے ہیٹوں، اُوہدے آلے دووالیوں، اُوہدے باہروں، اُوہدے باطن توں، سارے دا سارے درد ای درد سی تے اُوہدے درد تے غم توں فرار دی کوئی راہ نئیں سی۔ مسیح دے مقابلے وِچ کسی وی ہُور دا غم ایس توں ودھ کے نئیں ہو سکدا، تے اُوہنے کہیا، ’’غم دی شدت نال میری جان نکلی جا رئی اے،‘‘ غم نال گھری ہوئی، ’’حتیٰ کہ موت تیکر‘‘ – موت دے انتہائی دہانے تیکر!

اُو گتسمنی دے باغ وِچ نئیں مریا سی، مگر اُوہنے ایہنی ای تکلیف تے اذیت سہی سی جیویں کہ اُو مر چکیا سی۔ اُوہدا درد تے اُوہدی اذیت موت دے دہانے تیکر پہنچ چکی سی – تے فیر ٹھہر گئی سی۔

میں حیران نئیں آں کہ ایس قدر اندرونی دباؤ نے ساڈے خداوند دا پسینہ ایویں وگایا جیویں اُو لہو دی وڈی وڈی بونداں ہون۔ میں ایس گل نوں ایہنا واضح کیتا جِنہا میں انسانی نکتۂ نظر نال کرسکنا واں۔

ایہہ صرف خدا دے لئی اے، تے تنہا خدا دے لئی،
کہ اُوہناں دی شدت نوں مکمل طور تے جانا جائے۔

’’فیر اُو سخت درد تے کرب وِچ مبتلا ہو کے ہُور وی دِلسوزی نال دعا کرن لگا تے اُوہدا پسینہ لہو دی وڈی وڈی بونداں وانگوں زمین تے ٹپکن لگا‘‘ (لوقا22: 44).

III۔ تیجی وجہ، مسیح کیوں ایہنے سارے دُکھاں وِچوں لنگہیا سی؟

میں پُریقین آں کہ بے شمار لوکی تعجب کردے نے کہ کیوں مسیح نوں ایس قدر اذیت وِچوں لنگھنا پہیا تے پسینے دی ایہو جئی بونداں وگانیاں پہیاں۔ اُو شاید کہندے ہون، ’’میں جاننا آں اُو اُوس تمام وچوں لنگھیا، مگر میں سمجھ نئیں پایا کیوں اُوہنوں ایس تمام وچوں لنگھنا پیہا۔‘‘ میں تہانوں چھ وجوہات پیش کراں گا کیوں یسوع نوں گتسمنی دے باغ وچ ایس تجربے توں لنگھنا پہیا۔

1. پہلی وجہ، سانوں اپنی حقیقی انسانیت دکھان لئی۔ اُوہدے بارے وچ محض خُدا دی حیثیت ای نال مت سوچو، حالانکہ اُو یقینی طور تے الہوی [خُدائی] اے، مگر تُسی اُوہنوں اپنے رشتہ دار جیہنا قریب سمجھو، تہاڈی ہڈیاں دی ہڈی، تہاڈے گوشت دا گوشت۔ کیس قدر جامع طور تے اُو تہاڈے نال ہمدردی کر سکدا اے! اُوہنوں تہاڈے سارے بوجھاں دے نال بوجھل کیتا گیا تے تہاڈے سارے غماں دے نال غمگین کیتا گیا۔ تہاڈے نال کدی وی ایہو جیہا کُج نئیں ہویا جیہنوں یسوع نہ سمجھ سکدا ہووے۔ ایہی وجہ اے کہ اُو تہانوں تہاڈی آزمائشاں وچ چُک لین دے قابل اے۔ یسوع دا ساتھ اپنے بیلی دی حیثیت نال تھامے رہوو۔ اُو تہانوں اینج دا اِطمینان بخشے گا جیہڑا تہانوں تہاڈی حیاتی دی ساری مصیبتاں وچوں کڈ لے جائے گا۔

2. دوجی وجہ، سانوں اِک مثال دین لئی۔ پطرس رسول نے کہیا، ’’مسیح نے تہاڈے لئی دُکھ چُک کے اِک مثال قائم کر دِتی تاں جے تُسی اُوہدے نقشِ قدم تے ٹُر سکو‘‘ (1۔ پطرس 21: 2). میں مکمل طور نال اُوہناں مبلغین دے نال غیر متفق آں جیہڑے تہانوں دسدے نے کہ مسیحی دی حیثیت نال حیاتی آسان ہووے گی! پولوس رسول نے کہیا، ’’جیہنے لوکی مسیح یسوع وچ حیاتی لنگھانا چاہندے نے سب ستائے جان گے‘‘ (2۔ تیموتاؤس 12: 3). اُوہنے کہیا، ’’تُسی ایس لئی مسیح یسوع دے چنگے سپاہی وانگوں میرے شریک اُو‘‘ (2۔ تیموتاؤس 3: 2). پولوس نے اُو لفظ اِک نوجوان مبلغ نوں کہے سی۔ منادی اِک دشوار کم اے۔ زیادہ تر لوکی ایہنوں نئیں کر سکدے۔ جارج برنا George Barna دے مطابق، اَج سارے پادری صاحبان وچوں 35 توں 40 فیصد منادی نوں چھڈ رئے نے۔ ایہہ دُنیا وچ سخت ترین بُلاہٹاں وچوں اِک اے۔ کوئی بندہ وی ایہنوں برداشت نئیں کر سکدا جدوں تیکر کہ اُو مسیح دا اِک سپاہی نہ ہووے! نا صرف پادری صاحبان، بلکہ سارے نیک مسیحی خُدا دی خدمت کرن لئی مصائب وچوں لنگھدے نے۔ بائبل کہندی اے، ’’خُدا دی بادشاہی وچ داخل ہون لئی بہتیری مصیبتاں دا سامنا لازم اے‘‘ (اعمال 22: 14). میرے خیال وچ اُو ڈاکٹر جان سُنگ Dr. John Sung سن جنہاں نے کہیا، ’’کوئی سُولی نئیں – کوئی تاج نئیں۔‘‘

3. تیجی وجہ، باغ وچ یسوع دا تجربہ گناہ دی بدکاری نوں ظاہر کردا اے۔ تُسی اِک گنہگار اُو، جیہڑا کہ یسوع کدی وی نئیں سی۔ اوہ گنہگار، تہاڈا گناہ اِک بھیانک گل سی کیوں جے ایہہ مسیح وچ ایس قدر تکلیف دا سبب بنیا سی۔ ساڈے گناہ دا منسوب کیتا جانا یسوع دے خونی پسینے دا سبب بنیا سی۔

4. چوتھی وجہ، باغ وچ اُوہدی آزمائش دا ویلہ ساڈے لئی اُوہدی محبت نوں ظاہر کردا اے۔ اُوہنے ساڈی تھاں تے گنہگار سمار کیتے جان دی ہولناکی نوں برداشت کیتا سی۔ ساڈی تھاں تے مصائب برداشت کرن لئی، ساڈے گناہ دا کفارہ ادا کرن لئی، اسی یسوع دے ہر اِک شے لئی مقروض آں۔ ساڈے نال ایس قدر شدید محبت کرن لئی سانوں یسوع نال بے انتہا محبت کرنی چائیدی اے۔

5. پنجویں وجہ، باغ وچ یسوع تے نظر پاؤ تے اُوہدے کفارے دی عظمت نوں جانو۔ میں کیس قدر سیاہ آں، خُدا دی حضوری وچ کیس قدر غلیظ آں۔ میں محسوس کرنا آں کہ میں صرف جہنم وچ جھونکے جان لئی موزوں آں۔ میں حیرت زدہ آں کہ خُدا نے مینوں کافی پہلاں اوتھے نئیں جھونکیا۔ مگر میں گتسمنی وچ جانا واں، تے اُوہناں زیتون دے درختاں لئی ویکھنا واں، تے مینوں میرا نجات دہندہ نظر آندا اے۔ جی ہاں، میں اُوہنوں عذاب وچ زمین تے لوٹ پوٹ ہوندیاں ہویا ویکھنا واں، تے میں یسوع نوں کراہندا ہویا سُننا واں۔ میں اُوہدے آلے دوالے دی زمین تے نظر پانا واں تے اُوہنوں لہو نال سُرخ ویکھنا واں، جدوں کہ اُوہدا چہرہ خونی پسینے نال آلودہ ہوندا اے۔ میں یسوع نوں کہنا واں، ’’اے منّجی، تیرے نال کی غلط ہویا اے؟‘‘ میں اُوہنوں جواب دیندا ہویا سُننا واں، ’’میں تہاڈے گناہواں لئی تکلیف برداشت کر رہیا واں۔‘‘ تے مینوں احسان ہوندا اے کہ خُدا میرے لئی یسوع دی قربانی دے ذریعے نال میرے گناہواں نوں معافی بخش سکدا اے۔ یسوع دے کول آؤ تے اُوہدے وچ یقین رکھو۔ تہاڈے گناہ یسوع دے لہو دے وسیلے نال بخش دِتے جان گے۔

6. چھٹی وجہ، اُوس سزا دی ہولناکی دے بارے وچ سوچو جیہڑی اُوہناں لوکاں تے نازل ہووے گی جیہڑے اُوہدے کفارہ ادا کرن آلے لہو نوں مسترد کرن گے۔ سوچو جے تُسی یسوع نوں مسترد کر دیندے اُو تے تہانوں اِک دِن پاک خُدا دے سامنے کھلونا پئے گا تے اپنے گناہواں لئی سزا سُننی پئے گی۔ میں تہانوں دساں گا، اپنے دِل وچ درد دے نال جدوں میں تہانوں دساں گا کہ تہاڈے نال کی ہووے گا جے تُسی نجات دہندہ یسوع مسیح نوں مسترد کر دِتا۔ باغ وچ نئیں، بلکہ بستر وچ، تُسی حیران رہ جاؤ گے تے موت سبقت لے جائے گی۔ تُسی مر جاؤ گے تے تہاڈی جان نوں سزا سُنان لئی تے جہنم وچ بھیجن لئی چُک لہیا جائے گا۔ آؤ گتسمنی نوں سانوں خبردار کر لین دیو۔ آؤ ایہنوں آہاں تے ہنجواں تے خونی پسینے نوں گناہ توں توبہ کرن تے یسوع تے یقین کرن لئی تہانوں ترغیب دین دیو۔ یسوع دے کول آؤ۔ اُوہدے تے پرہوسا کرو۔ اُو مُردیاں وچوں جی اُٹھیا تے زندہ اے، آسمان وچ خُدا دے سجے ہتھ تے بیٹھیا ہویا اے۔ یسوع دے کول ہُنے آؤ تے معاف کیتے جاؤ ایہدے توں پہلاں کہ انتہائی تاخیر ہو جائے۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

THE BLOODY SWEAT

ڈاکٹر آر۔ ایل۔ ہائیمرز، جونیئر وَلوں
by Dr. R. L. Hymers, Jr.

’’فیر اُو سخت درد تے کرب وِچ مبتلا ہو کے ہُور وی دِلسوزی نال دعا کرن لگا تے اُوہدا پسینہ لہو دی وڈی وڈی بونداں وانگوں زمین تے ٹپکن لگا‘‘ (لوقا22: 44).

(یوحنا18: 2؛ اشعیا53: 7؛ پیدائش28: 17)

I.   پہلی وجہ، گتسمنی وِچ مسیح دے درد تے اذیت دا سبب کی سی؟ اشعیا53: 3؛ یوحنا14: 27؛ 18: 1؛ متی26: 39، 38، 37؛ عبرانیوں12: 2؛ اشعیا53: 6؛ 1پطرس2: 24؛ لوقا22: 44.

II.  دوجی وجہ، مسیح دے خونی پسینے دا مطلب کی سی؟ لوقا22: 44؛ متی26: 37؛ اشعیا53: 4، 11؛ مرقس14: 33؛ متی26: 38؛ زبور116: 3؛ لوقا22: 44 .

III. تیسری بات، مسیح کیوں اِس سب میں سے گزرا؟ 1پطرس2: 21؛ 2تیموتاؤس3: 12؛ 2: 3؛ اعمال14: 22.