Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 40 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




لہو تے گناہ

SIN AND BLOOD
(Punjabi – A Language of Pakistan)

ڈاکٹر سی۔ ایل۔ کیگن وَلّوں تحریر کیتا گیا اِک واعظ
تے جیس دی تبلیغ مسٹر جان سیموئیل کیگن وَلّوں
لاس اینجلز دی بپتسمہ دینے آلی عبادت گاہ وِچ کیتی گئی
خُداوند دے دِن دی شام، 13 جنوری، 2018
A sermon written by Dr. C. L. Cagan
and preached by Mr. John Samuel Cagan
at the Baptist Tabernacle of Los Angeles
Saturday Evening, January 13, 2018

’’تے اُوس دے پُتر یسوع دا خون سانوں ہر گناہ توں پاک کر دا اے‘‘
(1۔ یوحنا 1:7).


تقریباً ہر کوئی سوچدا اے کہ اُو مرن جا رہیا اے، لیکن اُو نئیں جانندا کہ موت دے بعد کی ہوندا اے۔ ہر کسی نے موت دے بعد کی ہوندا اے ایس دے بارے چہ سوچیا ہوندا اے۔ موت دے بعد کی ہوندا اے ایس دے بارے چہ لوکاں دے کول ہر قسم دے تصورات ہوندے نے۔ تہاڈے کالج دے پروفیسر سوچدے نے کہ موت دے بعد کوئی حیاتی نئیں ہوندی۔ تہاڈا بیلی سوچدا اے کہ ہر کوئی مرن دے بعد دوبارہ توں جنم لے لیندا اے۔ لیکن بائبل کہندی اے کہ حقیقی جنت تے حقیقی جہنم ہوندی اے، تے جنت تے جہنم ہمیشہ دے لئی ہوندی اے۔ بائبل نئیں کہندی اے کہ تُسی جنت وِچ جاؤ گے کیونکہ تُسی چنگے ہو۔ تُسی جانندے ہو کہ تُسی واقعی چہ چنگے نئیں ہو۔ حالانکہ تُسی اینے ای چنگے ہو جِنہے کہ زیادہ تر لوکی ہوندے نے تے تُسی اینے وی بُری نئیں ہوندے جِنہا کوئی ہُور ہوندا اے، تُسی فیر وی جنت وِچ جان لئی اینے چنگے نئیں ہوندے۔ بائبل کہندی اے کہ تہانوں جنت وِچ جان لئی کامل ہونا ہوندا اے، تے تُسی جانندے ہو کہ تُسی کامل نئیں ہو۔ بائبل کہندی اے، ’’جیہڑی جان گناہ کردی اے اُو مردی اے‘‘ (حزقی ایل 18:20)۔

جے تہاڈے اندراج وِچ کوئی گناہ اے تے تُسی جہنم وِچ جاؤ گے۔ تُسی جنت وِچ جان لئی اینے زیادہ جنگے نئیں ہو تے کدی ہوؤ گے وی نئیں۔ بائبل کہندی اے، ’’جیہڑا کوئی شریعت دی کتاب دیاں ساریاں گلاں تے عمل نئیں کردا اُو لعنتی اے‘‘ (گلِتیوں3:10)۔ جے تُسی ہر اُو گل نئیں کردے جیس دا خُداوند بائبل وِچ حکم دیندا اے تے تُسی جہنم وِچ جاؤ گے۔ تُسی کدی وی جنت وِچ جان لئی چنگے نئیں ہو سکدے۔ تہانوں اُوتھے جان واسطے اِک دوجی راہ دی لوڑ ہوندی اے۔ تہانوں اُوتھے جان لئی مسیح دے لہو دی لوڑ ہوندی اے۔ ساڈی تلاوت کہندی اے، ’’یسوع مسیح [خُدا دے] پُتر دا لہو سانوں تمام گناہواں توں پاک صاف کردا اے‘‘ (1 یوحنا1:7)۔ ایہہ تہاڈا مسئلہ اے، تے تُسی کیویں ایس توں نجات پا سکدے ہو، ایہہ گل ساڈی تلاوت وِچ دو لفظاں چہ پیش کیتی گئی اے: لہو تے گناہ۔ میں اَج دی راتی اِن دو لفظاں دے بارے چہ گل کرنا چاہنا واں۔

I۔ پہلی گل، اُو لفظ ’’گناہ۔‘‘

’’[خُدا دے] پُتر دا لہو سانوں تمام گناہواں توں پاک صاف کردا اے‘‘ (1 یوحنا1:7)۔

ہر کوئی اقرار کردا اے کہ اُو گنہگار اے۔ تُسی اقرار کردے ہو کہ تُسی گنہگار ہو۔ لیکن تُسی اپنے گناہ نوں اِک ادنیٰ بُرائی peccadillo دی حیثیت دے نال ویکھدے ہو۔ ’’peccadillo‘‘ اِک نِکّی جہئی غلطی ہوندی اے، کُج ایہو جیہا جیہڑا ہر کوئی کردا اے۔ لہٰذا تُسی ایس دے بارے چہ بُھل جاندے ہو۔ لیکن خُدا ایس دے بارے چہ نئیں بُھلدا۔ خدا ہر گناہ نوں اپنی شریعت دے خلاف اِک جرم دی حیثیت نال یاد رکھدا اے – خُدا بخود نوں ٹھکران دی حیثیت نال۔ جدوں تُسی خدا دی شریعت دی نافرمانی کردے او تے اُوہدی تحقیر کردے او تے تُسی خدا بخود نوں ٹھکراندے او تے اُوہدی نافرمانی کردے او۔ تہاڈا گناہ کی اے؟

گناہ او اے جدوں تُسی او کم کردے او جہیڑے غلط ہوندے نے۔ بائبل کہندی اے، ’’جہیڑا کوئی گناہ کردا اے او شریعت دی مخالفت [دا توڑنا] کردا اے‘‘ (1۔ یوحنا 3:4). کی تُسی کدی وی جھوٹ بولیا اے؟ ہر کوئی بول چُکیا اے۔ تے بائبل کہندی اے، ’’توں جھوٹی گواہی مت دیویں‘‘ (خروج 20:16). بائبل کہندی اے، ’’جھوٹیاں دی تھاں اَگ تے گندھک نال جلن آلی جھیل وچ ہووے گی‘‘ (مکاشفہ 21:8).

تُسی اُو کم کیتے نے جنہاں دے بارے وچ کوئی نئیں جاندا۔ تُسی چاہندے وی نئیں کہ کوئی اُوہناں دے بارے چہ جانے۔ تہانوں شرمندگی ہووے گی۔ لیکن خُدا اُوہناں دے بارے چہ جانندا اے۔ بائبل کہندی اے، ’’تو [خدا] نے ساڈی بدکاریاں نوں اپنے سامنے، تے ساڈے پوشیدہ گناہواں نوں اپنی حضوری دی روشنی وچ رکھیا ہویا اے‘‘ (زبور 90:8). تے ’’خداوند ہر اِک فعل نوں ہر اِک پوشیدہ گل سمیت، خواہ اُو چنگی ہووے یا بُری، عدالت وچ لہیائے گا‘‘ (واعظ 12:14). خدا تہاڈے سارے خُفیہ گناہواں نوں جانندا اے۔ اُو آخری عدالت دے موقع تے اُوہناں نوں ہر کسی دے سامنے لہیائے گا۔ تے تہانوں اَگ دی جھیل وچ سُٹ دِتّا جائے گا۔

کی تُسی کدی وی کسی جنسی تصویر نوں ویکھیا اے؟ کی تُسی انٹرنیٹ تے فحاشی نوں ویکھیا اے؟ یسوع نے کہیا، جہیڑا کوئی کسی عورت تے بُری نظر پاندا اے اُو اپنے دل وچ اُوہدے نال پہلاں ای توں زنا کر چُکیا اے‘‘ (متی 5:28). ایہہ اے جہیڑا تُسی کردے اُو۔ تُسی اِک عورت تے نظر پاندے اُو۔ تُسی اپنے کمپیوٹر تے جنسیات نوں ویکھدے اُو۔ جہیڑا تُسی ویکھیا تُسی اُوہدے بارے وچ سوچدے اُو۔ اُو تہانوں ہُنے وی یاد اے۔ تُسی اپنے دل چہ زناکاری کیتی اے۔ بائبل کہندی اے کہ ’’دلالاں، بزدلاں، بے ایماناں، گھنؤنے لوکاں …. تے سارے جھوٹیاں دی تھاں اَگ تے گندھک نال جلن آلی جھیل وچ ہووے گی‘‘ (مکاشفہ 21:8). اُو یونانی لفظ جیس توں ’’دلالاں whoremongers‘‘ دا ترجمہ کیتا گیا پورنوئیس pornois اے۔ انگریزی دا لفظ ’’فحاشی pornography‘‘ اُوسی یونانی توں نکلیا اے۔ تُسی فحاشی نوں ویکھدے اُو۔ تُسی پورنوئیس pornois ہو۔ خُدا تہاڈے سارے خُفیہ گناہواں نوں جانندا اے۔ تُسی اَگ دی جھیل وچ جاؤ گے۔

تے گناہ اُو ہوندا اے جدوں تُسی اُو کم نئیں کردے ہو جہیڑے درست ہوندے نے۔ بائبل کہندی اے، ’’جہیڑا کوئی شریعت دی کتاب دِیاں ساریاں گلاں تے عمل نئیں کردا اُو لعنتی اے‘‘ (گلِتیوں 3:10). کسی نے یسوع کولوں پچھیا، ’’شریعت وچ سب توں وڈا حکم کی اے؟‘‘ (متی 22:36). یسوع نے اُوہنوں کہیا،

’’خداوند اپنے خدا توں اپنے سارے دل، اپنی ساری جان تے اپنی ساری عقل نال محبت رکھ۔ سب توں وڈا تے پہلا حکم ایہوئی اے‘‘ (متی 22:37۔38).

تُسی پہلے تے سب توں وڈے حکم نوں ای توڑدے اُو! تُسی خداوند نال اپنے سارے دل، جان تے ذہن دے نال محبت نئیں کردے۔ تہاڈے ایتھوں آن توں پہلاں تُسی مشکلاں نال ای شاید گرجا گھر جایا کردے سی۔ تُسی خُدا دے نال ایہو جہیا روّیہ اپنایا ہویا سی جیویں اُو بالکل وی اہم نئیں اے۔ لیکن ایتھے کُج ہَور اے جیس نوں تُسی اپنے سارے دِل دے نال پیار کردے اُو۔ تُسی اُوہدے بغیر زندہ نئیں رہ سکدے۔ ایہہ تہاڈا کمپیوٹر، ٹہاڈا سمارٹ فون اے۔ تُسی الیکٹرونک دی دُنیا – انٹرنیٹ، ای میلز، میسیجز، سیلفیز، فیس بُک، فحاشی، انسٹاگرام، پِن انٹریسٹ، لنکڈاِن، ویڈیو گیمز، کال آف ڈیوٹی، کلیش اور کلینس، تے لکھاں دوجیاں گلاں وچ ہر روز کئی کئی گھنٹے لنگہا دیندے او۔ تُسی اپنے آلے دے بغیر زندہ نئیں رہ سکدے۔ تُسی اِک دن وی ایس دے بغیر نئیں چل سکدے! تُسی ہر روز گھنٹیاں تیکر اپنا سارا دل، جان تے ذہن لا چھڈدے ہو۔ تُسی حقیقی خدا دی خدمت نئیں کردے۔ تہاڈا آلہ ای تہاڈا خُدا ہوندا اے!

گناہ واقعی وچ خُدا دی تردید کرنا ہوندا اے۔ خُدا جو کہندا اے تُسی اُوہنوں کرن توں انکار کر دیندے او۔ تُسی او کم کردے او جنہاں نوں کرن توں خدا منع کردا اے۔ ہر وری جدوں تُسی گناہ کردے اُو تے تُسی خدا دی ’’نئیں‘‘ کردے او۔ خود کولوں پچھو، ’’میں ایہہ کیوں کرنا واں؟‘‘ تہاڈا بیرونی گناہ تہاڈی اندرونی گنہگار فطرت توں آندا اے۔

تہاڈے بیرونی گناہ توں جہیڑے تُسی کردے او کئیں زیادہ گہرائی وچ تہاڈی گنہگار فطرت ہوندی اے۔ ایہہ نئیں اے جہیڑا تُسی کردے او، ایہہ او اے جہیڑے تُسی ہو۔ تُسی اپنی وجودیت دے دِل وچے ای گناہ توں بھرپور ہندے او۔ تُسی خود غرض او۔ جہیڑے کم تُسی کردے ہو او تہاڈی شخصیت نال میل نئیں کھاندے۔ تُسی خود نوں بدل نئیں سکدے۔ کوشش کر کے تُسی کج بیرونی گلاں نوں بدل سکدے ہو۔ تُسی ایک سوئچ دے دبان دے نال اپنے بارے چہ ہر اِک گل نوں بدلنا پسند کرو گے۔ لیکن تُسی کر نئیں سکدے۔ تُسی اپنی گنہگار فطرت توں پیچھا نئیں چُھڑا سکدے۔ تہانوں ایہہ آدم توں وراثت چہ ملی اے۔ ایہہ تہاڈا جُز بن چُکی اے۔ بائبل کہندی اے، ’’جسمانی نیت خُدا دی مخالفت کردی اے: او نہ تے خُدا دی شریعت دے تابع اے نہ ہو سکدی اے‘‘ (رومیوں 8:7). تُسی خُود نوں خُدا دی پیروی کرن لئی مجبور نئیں کر سکدے۔ بائبل کہندی اے کہ تُسی ’’گناہواں وچ مُردہ‘‘ ہو (افسیوں 2:5). تُسی ’’دل تے دماغ دی ہر ہوس نوں پورا کرن وچ لگے رہندے‘‘ ہو (افسیوں 2:3). تُسی ’’دوجے انسانوں وانگر خُدا دے غضب دے ماتحت‘‘ ہو (افسیوں 2:3).

میرے والد، ڈاکٹر کیگن خود ایس ای طرح دے سن۔ تے اُو ایہہ گل جانندے سن۔ اُوہناں نے ایس بارے چہ بے شمار وری سوچیا سی۔ اپنے مسیح وچ ایمان لہیا کر تبدیل ہون توں کئی وریاں پہلاں، اُو جانندے سن اُوہناں نے خدا نوں مسترد کیتا سی۔ اُوہناں نے بائبل تے مسیحی ایمان توں انکار کیتا سی۔ جدوں اُوہناں نے گناہ کیتا، او جانندے سن اُو خدا دی تردید کر رئے سن۔ جدوں او خُود غرض سن، او جانندے سی او خدا توں منکر ہو رئے سن۔ جدوں اُوہناں نے خُود اپنے طریقے نال نہ کہ خدا دے طریقے نال حیاتی بسر کرن دا فیصلہ کیتا تے او جانندے سن او خدا نوں ’’نئیں‘‘ کہہ رئے سی۔ اُو برائی نوں چُن چکے سن۔ اُو بُرے ہون نوں چُن چکے سن۔ اُو خُود نوں بچا نئیں سکدے سی۔ خدا دا شُکر اے، یسوع نے – اپنے لہو دے وسیلے نال اُوہناں نوں نجات دلائی! تے ایہہ گل مینوں دوجے نقطے ول لے آندی اے۔

II۔ دُوجی گل، اُو لفظ ’’خون۔‘‘

’’[خداوند دے] پُتر یسوع دا لہو سانوں ہر گناہ توں پاک کردا اے‘‘ (1۔ یوحنا 1:7).

تُسی خود نوں نجات دلان لئی کج نئیں کر سکدے۔ لوتھر نے ایس دی کوشش کیتی سی۔ ویزلی نے ایس دی کوشش کیتی سی۔ قائین نے ایس دی کوشش کیتی سی۔ ایہہ اُوہناں وچوں کسی دے وی کم نئیں آئی سی۔ لیکن قائین دا پرا ہابل لہو دے وسیلے نال آیا سی تے نجات پائی سی! بائبل کہندی اے،

’’قائین زمین دی پیداوار وچوں خداوند لئی ہدیہ لہیایا۔ تے ہابل وی اپنی بھیڑ بکریاں دے چند پہلوٹھے بچے تے اُوہناں دی چربی لہیایا۔ خداوند نے ہابل تے اُوہدے ہدیے نوں قبول کیتا لیکن قائین تے اُوہدے ہدیے نوں منظور نہ کیتا‘‘ (پیدائش 4:3۔5).

تہانوں خون دے وسیلے نال ای خدا دے کول آنا ہوندا اے ورنہ تُسی بالکل وی نئیں آ سکدے۔ تہاڈا گناہ صرف خون دے وسیلے نال ای پاک صاف ہو سکدا اے! ایہوئی وجہ سی کہ یسوع آیا۔ او اِک بچے دی حیثیت نال پیدا ہویا۔ اِک بندے دی حیاتی بسر کیتی۔ صرف اِک بندہ ای دوجے لوکاں دے گناہواں دی خاطر قربان ہو سکدا اے۔ تے یسوع نے کدی وی گناہ نئیں کیتا سی۔ گناہ دے بغیر صرف اِک بندہ ای دوجیاں دے گناہواں دے لئی ادائیگی کر سکدا اے۔ مسیح نے صلیب تے تہاڈے گناہواں نوں دھون لئی اپنا لہو وگایا۔ یسوع جانندا سی او کیوں آیا۔ اُوہنے اپنے شاگرداں نوں کہیا، ’’ابنِ آدم [یسوع] ایس لئی نئیں آیا … اپنی جان فدیہ چے دے کے بہتیریاں نوں بچا لے‘‘ (مرقس 10:45). یسوع نے اپنے شاگرداں تے ظاہر کیتا ’’کہ اُوس لئی یروشلیم جانا لازمی اے تاکہ او بزرگاں، سردار کاہناں تے شریعت دے عالماں دے ہتھوں بہت دُکھ اُٹھائے، قتل کیتا جائے، تے تیسرے دن جی اُٹھے‘‘ (متی 16:21). یسوع نے کہیا، ’’ایس اے ای سبب نال [ایس اے ای وجہ نال] میں ایس گھڑی چے آیا‘‘ (یوحنا 12:27). مسیح بالکل درست طور تے جانندا سی او کیوں آیا – ساڈے ساریاں لئی اپنی حیاتی نوں گناہ دی اِک ادائیگی دی حیثیت نال پیش کرن لئی۔

نیا عہدنامہ لہو دے نال لبریز اے۔ بارہا ایہہ کہندا اے کہ لوکی مسیح دے لہو دے وسیلے نال نجات پاندے نے۔ بائبل کہندی اے،

’’مسیح یسوع: جیس نوں خدا نے مُقرر کیتا کہ او اپنا لہو وگائے تے انسان دے گناہ دا کفارہ بن جائے‘‘ (رومیوں 3:24۔25).

فیر، بائبل کہندی اے،

’’مسیح دے لہو وگان دے باعث راستباز ٹھہرائے جان دی توفیق پائی‘‘ (رومیوں 5:9).

اپنے مصلوب کیتے جان توں اِک رات پہلاں، آخری کھانے دے موقع تے، یسوع نے پیالہ لہیا تے کہیا،

’’ایہہ پیالہ میرے اُوس لہو وچ جہیڑا تہاڈے لئی وگایا جاندا اے، نیا عہد اے‘‘ (لوقا 22:20).

پولوس رسول نے ’’خُدا دی اُوس کلیسیا دی، جینوں اُوس [یسوع] نے خود اپنے لہو دے نال خریدا سی‘‘ گل کیتی سی (اعمال20:28)۔ مسیح دا لہو خُدا دا لہو اے کیوں جے یسوع مسیح خُدا دا پُتر اے۔ بائبل کہندی اے، ’’سانوں اُوس فضل دی بدولت مسیح دے لہو دے وسیلے نال مخلصی یعنی گناہواں دی معافی حاصل ہوندی اے‘‘ (افسیوں1:7)۔ دوبارہ، بائبل کہندی اے، ’’سانوں اُوس [یسوع] دے لہو دے ذریعے توں مخلصی یعنی گناہواں دی معافی حاصل ہوندی اے‘‘ (کُلسیوں1:14)۔ سینکڑوں وری بائبل ایہو ای گل کردی اے – لہو، لہو، لہو! تُسی صرف مسیح دے لہو دے وسیلے نال نجات پا سکدے ہو!

تہاڈا مسئلہ گناہ، گناہ، گناہ اے! اُوس دا جواب لہو، لہو، لہو اے! گناہ – خون! گناہ – خون! گناہ – خون! ایہو ای سب کُج اے! ایہہ اِنا ای آسان اے جِنا کہ اُو!

تُسی کدی وی اپنے خیالات تے احساسات تے نظر پان دے وسیلے نال نجات نئیں پاؤ گے۔ مسیح دا لہو اُوتھے نئیں اے۔ اُو لہو صلیب تے وگایا گیا سی۔ ہُن اُو لہو اُتے جنت وِچ اے، جیتھے اُو ساڈے گناہواں نوں ڈھکدا اے۔ اپنے خیالات تے احساسات تے نظر پان دا فائدہ نئیں ہوندا۔

اِک عقیداتی سچائی تے یقین کرن دے ذریعے نال نجات نئیں پا سکدے – ایتھوں تیکر کہ لہو دے بارے چہ وہ کوئی گل ہووے۔ تہانوں یسوع بخود نوں پانا ای ہوندا اے! تہانوں اُوسی لہو نوں پانا ہوندا اے جیس دا اِطلاق تہاڈے گناہواں تے ہوندا اے۔ محض اپنے سر وِچ [اُوس یسوع دے] لہو دے بارے وِچ سوچنا تہانوں نجات نئیں دلا سکدا۔ ایہہ اُو تھاں نئیں جیتھے یسوع اے۔ ایہہ اُو تھاں نئیں جیتھے اُو [اُوس یسوع دا] لہو اے۔

تہانوں اپنے آپ توں پراں یسوع بخود وَل ویکھن دی لوڑ اے۔ اِک یسوع ای اُوس لہو دے نال اے۔ مسیح دا لہو تہاڈے سر یا تہاڈے دِل وِچ نئیں اے۔ مسیح دا لہو یسوع بخود دے نال اُتے جنت وِچ اے۔ اپنے آپ نال مُنہ موڑو تے یسوع تے پرہوسا کرو، اپنے آپ تے نئیں۔ بائبل کہندی اے، ’’تُسی میرے وَل مُڑو تے نجات پاؤ‘‘ (اشعیا45:22)۔ اپنے اندر مت جھانکو۔ یسوع بخود وَل ویکھو۔ بائبل کہندی اے، ’’خُداوند یسوع مسیح تے ایمان لہیا تے توں نجات پائیں گے‘‘ (اعمال16:31)۔ اِک یسوع ای لہو دے نال اے۔ اُوسی تے پرہوسا کرو۔ کیس ایہو جئی گل تے پرہوسا نہ کرو جیس دا یقین اپنے ذہن وِچ کردے ہو۔ تُسی مسیح وِچ ایمان لہیا کے تبدیل ہو چکے ہو ایہہ ویکھن لئی اپنے خیالات تے احساسات تے نظر مت پاؤ۔ یسوع بخود تے پرہوسا کرو۔ اِک اُو ہی لہو دے نال اے۔ جے تُسی یسوع تے پرہوسا کردے ہو، تے اُوہدا لہو تہاڈے گناہواں نوں ڈھک لئے گا۔

میں کیوں تہانوں یسوع دے لہو دے وسیلے نال ڈھکے جان لئی دس رہیا واں؟ کیوں کہ صرف یسوع دا لہو ای اِک جان نوں بچا سکدا اے۔ ایمی زبالاگا Emi Zabalaga گناہ وِچ گمراہ ہو چکی سی۔ اُوہنوں اِک نجات دہندا دی لوڑ سی۔ اُوہناں نے لکھیا، ’’میرا گناہ اِک لامحدود گہرے سمندر وانگوں پھیل چکیا اے۔ میں اینوں مذید ہور برداشت نئیں کر سکدی۔ مینوں مسیح نوں پانا ای اے۔ مینوں اُوس [مسیح] دا لہو پانا ای اے۔ یسوع نال بزدلانہ خوف وِچ پِچھے ہٹن دی بجائے، مسیح وِچ اِک ہُور جھوٹی تبدیلی توں خوفزدہ ہون دی بجائے، یا اِک غلطی کرن دی بجائے، یا خود وِچ جھانکن دی بجائے، اپنے احساسات دی جانچ کرن دی بجائے یا تاریکی وِچ ایتھے اُوتھے ٹٹولن دی بجائے جیویں کہ میں ہمیشہ کیتا، میں ایمان دے وسیلے نال مسیح وَل ویکھیا۔ اُو اُوتھے سی! اُو زندہ مسیح! اُوہنے مینوں نجات دلائی؛ اُوہنے میرے گناہواں نوں اپنے قیمتی لہو وِچ تر بہ تر کر دِتا؛ اُوہنے گناہ دے بھاری بوجھ نو چُک لہیا! یسوع نے خُدا دے اُوس قہر نوں جیہڑا کہ میرے تے حیاتی وِچ، موت وِچ، آخری عدالت دے موقع تے، تے جہنم وِچ مستحقانہ طور تے نازل ہوندا، خود جذب کر لہیا۔ اُوس نے مینوں میرے تمام گناہواں توں درگزر کیتا تے مینوں معافی بخشی۔ میرے ریکارڈ تے خود اُوس [یسوع دے] اپنے لہو دے نال ’قصوروار نئیں‘‘ دی مہر لگ چکی اے! اُو میرا وکیل، میرا ثالثی، میرا ہیرو تے میرا خُداوند اے۔‘‘ ایہہ اے جہیڑا یسوع دے لہو دا مطلب اُوس اِک جان لئی ہوندا اے جیہڑی گمراہ سی، تے مسیح وِچ لبھ چکی اے۔ صرف یسوع دا لہو ای اِک جان نوں نجات دلاندا اے۔

میرے لئی یسوع دا لہو سب توں اہم ترین گل اے، حالانکہ میں اینوں نہ کدی ویکھیا یا محسوس کیتا۔ کیوں کہ یسوع دے لہو دے وسیلے نال میں مخلصی پائی۔ میں ایس قدر گمراہ ہو چکیا سی۔ میں اِک بدنصیب حیاتی وِچ ایس قدر گمراہ ہو چکیا سی۔ میرے کول مستقبل لئی کوئی اُمید نئیں سی۔ تے میں بدل نئیں سکدا سی۔ جہیڑا میں پہلاں ای توں سی اُوس دے علاوہ کُج ہُور کرن لئی فیصلہ نئیں کر پایا سی۔ میرے تکبر نے مینوں گمراہ ای رکھیا۔ میری ہٹ دھرمی نے مینوں نا اُمید ای رکھیا۔ میرے گناہ نے مینوں گناہواں توں بھرپور ای رکھیا۔

میں جانندا سی مینوں اِک نجات دہندہ دی لوڑ سی، لیکن میں ایس دا اقرار نئیںکر پاندا سی۔ میں جانندا سی مینوں معاف کیتے جان دی لوڑ سی، لیکن میں معافی منگن لئی نئیں پوچھدا سی۔ لیکن بالاآخر، پاک روح نے میری جان نوں سکست دِتی تے میں اپنے گناہ وِچ مذید ہور جاری نہ رہ پایا۔ میرا خود اپنے گناہ نال بھرپور، لعنتی، تے ناقابلِ معافی جان دے نال سامنا سی، تے میں مکمل طور تے گمراہ ہو چکیا سی۔ میں کُلی طور تے گمراہ ہو چکیا سی، تے اِک نجات دہندہ دی لوڑ وِچ سی۔ اُوس نجات دہندہ نے مینوں لبھ لہیا – اُوس دا ناں یسوع اے۔ یسوع نے مینوں اپنے لہو دے اختیار دے وسیلے نال نجات دلائی۔ ماسوائے یسوع دے لہو دے کوئی وی شے میرے گناہواں نوں نئیں لُکہا سکدی۔ مینوں اپنے گناہواں نوں ٹکہن دی لوڑ سی، ایس لئی مینوں یسوع دے لہو نوں پانا ای سی۔ ایہو ای اے جیہڑا تہانوں وی پانا چائیدا اے۔ تہانوں اپنے گناہواں نوں ٹکہوانا چائیدا اے۔ تہانوں یسوع دے لہو دے وسیلے نال معاف کیتے جانا، پاک کیتے جانا تے لُکہائے جانا چائیدا اے۔ یسوع تے پرہوسا کرو، تے اُوس دا لہو تہانوں ٹکہے گا، پاک صاف کرے گا، تہاڈے گناہ نوں لُکہائے گا، تے تُسی ہمیشہ لئی نجات پا جاؤ گے۔ میں دعا منگنا واں کہ تُسی اَج ای اُوہدے تے پرہوسا کرو گے۔ ڈاکٹر ہائیمرز، مہربانی نال آئیں تے ایس عبادت دا اختتام کریں۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت مسٹر بینجمین کینکیڈ گریفتھ Mr. Benjamin Kincaid Griffith نے گایا سی:
’’کُج نئیں ماسوائے اُوس لہو دے Nothing But the Blood‘‘
(شاعر رابرٹ لؤری Robert Lowry، 1826۔1899)۔


لُبِ لُباب

لہو تے گناہ

SIN AND BLOOD

ڈاکٹر سی۔ ایل۔ کیگن وَلّوں تحریر کیتا گیا اِک واعظ
تےسٹر جان سیموئیل کیگن دے وسیلے نال منادی کیتی گئی
A sermon written by Dr. C. L. Cagan
and preached by Mr. John Samuel Cagan

’’تے اُوس دے پُتر یسوع دا خون سانوں ہر گناہ توں پاک کر دا اے‘‘
(1۔ یوحنا 1:7).

(حزقی ایل18:20؛ گلِتیوں3:10)

I.    پہلی گل، اُو لفظ ’’گناہ،‘‘ 1یوحنا3:4؛ خروج20:16؛
مکاشفہ21:8؛ زبور90:8؛ واعظ12:14؛
متی5:28؛ گلِتیوں3:10؛ متی22:36، 37۔38؛
رومیوں8:7؛ افسیوں2:5، 3 .

II.   دوجی گل، اُو لفظ ’’خُون،‘‘ پیدائش4:3۔5؛ مرقس10:45؛
متی16:21؛ یوحنا12:27؛ رومیوں3:24۔25؛ 5:9؛
لوقا22:20؛ اعمال20:28؛ افسیوں1:7؛ کُلسیوں1:14؛
اشعیا45:22؛ اعمال16:31 .