Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




غُسل کر تے پاک صاف ہو جا! – مسیح وِچ ایمان لہیا کے تبدیل ہون دا تشبیہاتی علم

WASH AND BE CLEAN! – THE TYPOLOGY OF CONVERSION
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وچ دِتا گیا اِک واعظ
25 جون، 2017، خُداوند دے دن دی سویرے
A sermon preached at the Baptist Tabernacle of Los Angeles
Lord’s Day Morning, October 15, 2017

’’جا تے سَت وری یردن وِچ غسل کر، تے تیرا جسم بحال ہو جائے گا تے توں پاک صاف ہو جائن گا‘‘ (2۔ سلاطین 5:10).


ایہہ اِک سادہ جئی کہانی اے۔ لیکن ایدے معنی بہتے گہرے نے۔ جے تُسی ہُنے تیکر نجات نئیں پائی اے تے تہانوں اینوں انتہائی احتیاط دے نال سُننا چائیدا اے۔ تہانوں ایدے تے عمل کرنا چائیدا اے۔ ایہہ تہانوں سچے طور تے نجات پان لئی راہ وکھاندی اے۔

ایہہ اِک سادہ جئی کہانی اے۔ ایہہ بائبل وِچ تہانوں نجات پان لئی تے اِک حقیقی مسیحی بنن دی واحد راہ وکھان لئی پیش کیتی گئی سی۔

نعمان اِک بہت وڈا بندہ سی۔ اُو شاہِ اِرام دے لشکر دا سردار سی۔ اُو اِک نڈر سپاہی سی۔ اُوہنوں اِک بادشال وَلّوں عزت بخشی گئی سی، تے اُو اِک انتہائی مغرور بندہ سی۔ لیکن اُوہنوں کوڑھ دے ہولناک مرض نے زندہ دفن کر چھڈیا سی۔ اُو کوڑھ نال مر رہیا سی تے اُو ایہہ گل جانندا سی۔ اُوہنے ہر اِک شے نوں آزمایا سی لیکن کسی نال وی اُوہدا علاج نئیں ہویا سی۔ نعمان دے گھر وِچ اِک نوجوان عبرانی کُڑی ملازمہ سی۔ اُوہنے اُوہنوں دَسیا کہ اسرائیل وِچ اِک نبی اے جیہڑا اُوہدے کوڑھ دا علاج کر سکدا اے۔ اُوہنے [نعمان نے] ہر اِک شے نوں آزمایا سی لیکن سی وی شے نے اُوہدی بیماری نوں شفا نئیں بخشی سی۔ آخر کار نعمان نے سوچیا، ’’شاید ایہہ نبی مینوں شفا بخش دے۔‘‘ ایہہ شفا پان دا اُوہدے کول آخری موقع سی، لہٰذا اُو الیشع، جیہڑا خُدا دا نبی سی، اُوہنوں مِلن لئی آیا۔

لیکن اُو نبی خُدا دا سچا بندہ سی۔ جے اُو گھر توں باہر جاندا تے نعمان لئی دعا کردا تے لوکی سوچدے کہ اُوس نبی نے اُوہنوں شفا بخشی سی۔ نبی چاہندا سی کہ نعمان جان جائے کہ ایہہ خُدا سی جِنہے اُوہنوں شفا بخشی سی، ناکہ خود نبی نے۔ ایس لئی نعمان نبی دے بوہے تے اپنی بگھی چہ سوار ہو کے آیا لیکن نبی اُوہدے نال گل کرن لئی باہر نئیں نکلیا۔ اُوہدے بجائے اُوہنے اِک قاصد نعمان دے کول پھیجیا،

’’تے الیشع نے اُوہنوں اِک قاصِد دی معرفت کہلا بھیجا کہ جا تے سَت وری یردن وِچ غسل کر تے تیرا جسم بحال ہو جائے گا تے توں پاک صاف ہو جائن گا‘‘ (2۔ سلاطین 5:10).

ایس گل نے نعمان نوں واقعی چہ ناراض کر چھڈیا سی۔ ’’کیوں، ایہہ نبی مینوں مِلن لئی باہر نئیں آیا! آخر، اُو سوچدا کی اے، اُو ہے کی اے؟‘‘ اُوہنے سوچیا سی کہ نبی اُوہنوں مِلن لئی باہر آئے گا ’’تے اُوس تھاں تے جِیتھے کوڑھ اے اپنے ہتھ نوں پھیرے گا، تے مینوں میرے کوڑھ توں شفا دے گا۔‘‘ اُوہنے سوچیا سی کہ نبی بینی حِن Benny Hinn وانگر ہووے گا۔ کہ اُو ایس گل نال بہت زیادہ شہرت کمائے گا، تے بندے نوں سوچن تے مجبور کر دے گا کہ اُو ایمان نال شفا دین آلا اِک بہت وڈا بندہ اے۔ لین نبی سارا جلال خُدا نوں دینا چاہندا سی۔ اُوہنے سادگی نال نعمان دے کول اِک قاصد نوں پھیج دِتا،

’’تے الیشع نے اُوہنوں اِک قاصِد دی معرفت کہلا بھیجا کہ جا تے سَت وری یردن وِچ غسل کر تے تیرا جسم بحال ہو جائے گا تے توں پاک صاف ہو جائن گا‘‘ (2۔ سلاطین 5:10).

نعمان بڑے غصے چہ سی۔ اُوہنے طیش وچ اوتھوں نکلنا شروع کیتا!

اودھوں نعمان دے نوکر نے اُوہنوں کہیا، ’’جے نبی نے تہانوں کوئی بہت وڈا کم کرن نوں کہیا ہوندا تے کی تُسی نہ کیتا ہوندا؟ تے کیوں نہ اُو کیتا جائے جیہڑا اُوہنے تہانوں کرن نوں کہیا اے، ’دُھل جان تے پاک صاف ہو جان‘؟‘‘ اُودھوں نعمان نے سوچیا، ’’ٹھیک اے، میں اُو کراں گا جیہڑا نبی نے کرن نوں کہیا۔‘‘ اُو دریائے یردن تے گیا تے خود نوں ست واری غُسل کروایا، ’’تے اُوہدا جسم فیر اِک چھوٹے بچے دے جسم وانگوں ہو گیا تے اُو پاک صاف ہو گیا سی‘‘ (2سلاطین5:14)۔

کلامِ پاک دے ایس حوالے تے بے شمار عظیم واعظاں دی منادی کیتی جا چکی اے۔ اُو عظیم مبلغین، جیویں سپرجیئن ایہہ کہن لئی حق بجانب سن کہ نعمان دے کوڑھ دا پاک صاف ہونا صلیب تے وگائے گئے یسوع دے لہو دے وسیلے نال تہاڈے گناہواں دے پاک صاف ہون دی عکاسی کردا اے۔ سُنو تے نعمان دی کہانی تہاڈے تے ظاہر کرے گی کہ کیویں اج دی سویر اپنے گناہ توں پاک صاف ہویا جا سکدا اے تے نجات پائی جا سکدی اے!

I۔ پہلی گل، اُوہنوں کوڑھ سی۔

’’اُو اِک کوڑھی سی‘‘ (2سلاطین5:1)۔

اونج ای تُسی اُو۔ تُسی گناہ دے کوڑھ توں بھرے ہوئے اُو! گناہ دا کوڑھ تہاڈے وچ پہلاں گنہگار، آدم ولوں نازل ہویا اے۔ پولوس رسول نے کہیا،

’’پس جیویں اِک آدمی [آدم] دے ذریعہ گناہ دنیا وچ داخل ہویا تے گناہ دے سبب نال موت آئی اوج ای مَوت سب اِنساناں وچ کھِلر گئی کیوں جے سب نے گناہ کیتا‘‘ (رومیوں 5:12).

اج دی سویر تہاڈی کیہو جئی تفصیل! ڈاکٹر واٹز Dr. Watts تہاڈی حالت نوں حمدوثنا دے اِک گیت وچ پیش کردے نے،


خُداوندا، میں گناہ چہ گھیریا ہویا دو کوڑی دا آں،
   تے ناپاک تے غلیظ پیدا ہویا آں؛
اُوس آدمی توں اُچھالیا گیا جیدے جرائم ساڈے تے پیندے نے
   نسل نوں بدکار کردے نے تے سانوں ساریاں نوں آلودہ۔

ویکھ میں تیرے سمنے دوزانو ہوندا آں،
   میری واحد پناہ تیرے جلال وچ اے؛
کوئی وی بیرونی اقسام مینوں پاک نئیں کر سکدیاں؛
   اُو کوڑھ میرے باطن تیکر گہرا اے۔
(ڈاکٹر آئزک واٹز Dr. Isaac Watts، 1674۔ 1748).

گناہ دا کوڑھ تہاڈے ’’باطن دی گہرائی‘‘ چہ ہوندا اے! ایہہ گل اج دی سویر تہاڈی وضاحت کردی اے! ’’گناہ دا کوڑھ تہاڈے باطن دی گہرائی چہ ہوندا اے!‘‘ یسوع نے کہیا،

’’کیوں جے اندر توں یعنی اُوہدے دل توں بُرے خیال باہر آندے نے جیویں حرامکاری، چوری، خُونریزی، زِنا، لالچ، بدکاری، مکروفریب، شہوت پرستی، بدنظری، بدگوئی، نخوت تے حماقت۔ ایہہ ساریاں برائیاں اِنسان دے اندروں نکلدیاں نے …‘‘ (مرقس 7:21۔23).

اُو تہاڈے دلِ دی اِک تصویر اے، جیہڑی بُرے خیالات توں بھری پئی اے۔ تہاڈا دِل گناہ دے کوڑھ توں بھریا ہویا اے!

کوئی وی بیرونی اقسام [تہانوں] پاک نئین کر سکدیاں؛ کوڑھ تہاڈے باطن دی گہرائی وچ ہوندا اے –

کی نئیں ہوندا؟ کی نئیں ہوندا؟ تُسی جانندے اُو کہ ایہہ ہوندا اے! تے کوئی وی بیرونی اقسام [کوئی وی بیرونی اعمال] تہانوں پاک صاف نئیں کر سکدے! کوئی وی فیصلے تے دعاؤاں تہانوں پاک صاف نئیں کر سکدے! کُج وی جیہڑا تُسی محسوس کر سکدے یا سِکھ سکدے اُو تہانوں پاک صاف نئیں کر سکدا! تے تُسی ایہہ گل جانندے اُو! ’’کوڑھ [دا گناہ] تہاڈے باطن دی گہرائی چہ اے‘‘ تہاڈے دل چہ! تے تُسی ایہہ گل جانندے اُو – کی نئیں جانندے؟

تُسی جانندے اُو کہ ایہہ سچ اے۔ تہانوں ایہہ گل اِک بیرونی گناہ دے سرزد کرن توں پہلاں ای پتا سی۔ تُسی اُو جان بجھ کے کیتا سی! تُسی بلکل درست طور تے جانندے سو تُسی کی کر رئے سی۔ تُسی کیوں اُو کیتا جے تُسی جانندے سو اُو غلط سی؟ تُسی غیر نجات یافتہ حالت وچ تاریکی نال محبت کیتی سی۔ تُسی گناہ توں لطف اُٹھایا سی۔ تُسی گناہ کرن نال خوش ہوندے سی۔ تہانوں ایدا ذائقہ پسند سی۔ تہانوں ایہہ پسند سی حالانکہ تُسی جانندے سو کہ ایہہ غلط سی! ایہہ ای وجہ اے کہ تہانوں اپنے گناہ توں بھرپور دِل دے بارے چہ سچائی سُنن توں نفرت ہوندی اے! تُسی مینوں تہاڈے بدکار دِل دے بارے چہ سچائی دسن دی وجہ توں نفرت کردے اُو – کی تُسی نئیں کردے؟ ایہہ تہاڈی مذمت کردا اے تے سچائی سُنن لئی تہانوں دُکھ محسوس کرندا اے! اُو کوڑھ تہاڈے باطن دی گہرائی چہ اے! تہاڈا دِل گھن چکر تے مسخ شُدہ اے۔ جیہڑا اچھا تے دُرست اے اُوہدے مقابلے چہ تُسی گناہ توں لطف اندوز ہوندے اُو۔ تہاڈے بے اعتقادی دے بدکار دِل دے باطن دی گہرائی چہ اُو کوڑھ پنہاں اے! ایہہ گل میں خود نال نئیں بنائی۔ میں ڈاکٹر مارٹن لائیڈ جونز Dr. Martyn Lloyd-Jones دی گل نوں دھرا رہیا سی، جیہڑے اِک میڈیکل ڈاکٹر نے تے جیہڑے تہاڈے جئے گناہ توں بھرپور دِلاں دے بارے چہ سب کُج جانندے نے!

II۔ دوجی گل، اُو نبی دے ایہہ دَسن دی وجہ توں کہ کیویں پاک صاف ہویا جا سکدا اے پریشان سی۔

جدوں نبی نے اُوہنوں دسیا ’’جا تے پاک صاف ہو‘‘ اُو غصے نال چلا گیا سی۔ اُوہنے کہیا، ’’میں سوچیا سی [اُو نبی میرے لئی دعا منگے گا]۔‘‘ ’’میں سوچیا۔‘‘ تُسی سوچدے اُو کہ تُسی جانندے اُو کہ نجات پان لئی کی کرنا چائیدا اے۔ ’’میں سوچیا۔‘‘ اپنے جھوٹے خیالاں توں دور ہو جاواں! نجات پان دے بارے چہ تُسی جو کُج سوچدے اُو اُوہدے بارے چہ اپنے خیالاں توں چھٹکارہ پاؤ۔ تُسی ایس بارے چہ کُج وی نئیں جانندے! موڈی Moody نے کہیا،

نعمان نوں اُوہدی بیماری مل چُکی سی – تکبر تے کوڑھ۔ تکبر نوں وی اینی ای صفائی دی ضرورت سی جِنی کہ کوڑھ نوں سی۔ نعمان نوں اپنے تکبر دی بگھی توں تھلے اُترنا ای سی؛ بعد چے غسل کرن لئی جیویں کہ اُوہنوں کہیا گیا سی۔

تے ایہی اے جیہڑا اج دی سویر تہاڈے نال رونما ہونا چائیدا اے۔ ایہہ ہے جیہڑا تہانوں کرنا چائیدا اے جے تُسی نجات پانا چاہندے اُو۔ ’’تُسی جو سوچدے اُو‘‘ اُوہدے توں چُھٹکارہ حاصل کرو۔ اپنے تکبر توں چھٹکارہ حاصل کرو تے نجات پان دے بارے چہ اپنے خود دے خیالاں توں چھٹکارہ حاصل کرو۔ تُہانوں دُھل کر پاک صاف ہو جانا چائیدا اے جیویں کہ تہانوں دسیا گیا سی۔ ’’جا غسل کر … تے تو پاک صاف ہو جاویں گا۔‘‘ یسوع دے کول اِک گمراہ تے گناہ توں بھرپور شخص دی حیثیت نال آؤ۔ یسوع دے کول آؤ تے اُو تہاڈے گناہ توں بھرپور دل نوں اُوس خون دے نال جیہڑا اُوہنے صلیب تے تہانوں پاک صاف کرن لئی وگایا پاک صاف کر دے گا! ’’یسوع مسیح اُوس [خُدا] دے پُتر دا لہو سانوں سارے گناہواں توں پاک صاف کردا اے‘‘ (1۔ یوحنا 1:7). ’’غُسل کر تے پاک صاف ہو جا!‘‘ ایہہ ای اے جیہڑا خُدا خُود تہانوں بالکل ایسے ویلے دس رہیا اے! ’’غُسل کر تے پاک صاف ہو جا!‘‘

لیکن تُسی کدی وی پاک صاف نئین ہو سکدے جدوں تیکر کہ تہاڈے تکبر تے قابو نئیں پا لہیا جاندا۔ تہاڈے دِل نوں تبدیل ہونا چائیدا اے۔ تہانوں کدی وی معاف نئیں کیتا جا سکدا جدوں تیکر کہ تُسی توبہ نئیں کر لیندے۔ تہاڈے دِل نوں تبدیل ہونا چائیدا اے۔ تہانوں اپنی خود غرضی نوں محسوس کران تے مجبور کیتا جانا چائیدا اے۔ تُسی نجات پایا ہویا محسوس کرنا چاہندے اُو۔ تُسی یقین دہانی کرنا چاہندے اُو کہ تُسی نجات پا چُکے اُو۔ لیکن تُسی جو اُو اُوہنوں بدلنا نئیں چاہندے۔ تُسی نجات پانا چاہندے اُو تاں جے تُسی اپنی خود غرضانہ حیاتی بسر کردے رہنا جاری رکھ سکو۔

مسیح وچ ایمان لہیا کے تبدیل ہونا سانوں دِل دی اِک مکمل تبدیلی دے بارے چہ دسدی اے۔ تہاڈی انتہائی فطرت غلط اے۔ تہاڈا انتہائی دِل غلط اے۔ تہاڈی فطرت جڑ توں گلی سڑی ہوئی اے۔ تہاڈے باطن دی تبدیلی نوں ایس قدر انقلابی ہونا چائیدا اے کہ تُسی خود نوں حوالے کرن لئی مرے جا رئے اُو تے اِک بالکل نئی حیاتی لئی فیر پیدا ہونا چاہندے اُو، اِک ایہو جئی حیاتی جیدا مرکز تہاڈے [خود دے] بجائے خدا نوں خوش کرنا ہوئے۔ چند اِک گناہواں نوں چھڈ دینا تہاڈی مدد نئیں کرے گا۔ محض گرجا گھر وچ آنا تے محض دعا کرنا تہاڈی مدد نئیں کرے گا۔ تہانوں اِک نئی فطرت ملنی چائیدی اے، اِک مکمل طور نال نئی حیاتی ملنی چائیدی اے۔

مسیح وچ ایمان لہیان دی تبدیلی لئی جان کیگن John Cagan دی اپنی کوشش نوں سُنو۔ ’’میں ہر اِک اُوس گل توں جیہڑی میرے چہ سی تنگ آ چُکیا سی۔ ایتھو تیکر کہ میرا گناہ مینوں مجرم قرار دیندا سی مینوں اُودھوں وی یسوع نئیں ملیا سی۔ میں نجات پان لئی کوششاں کر رہیا سی۔ میں یسوع تے پرہوسا کرن دیاں کوششاں کر رہیا سی تے میں کر نئیں پا رہیا سی۔ میں صرف مسیحی ہون دا [فیصلہ] نئیں کر پا رہیا سی۔ ایس گل نے مینوں ایس قدر بے بس محسوس کرایا۔ میں اپنے گناہ نوں مینوں جہنم وچ دھکیلدا ہویا محسوس کر سکدا سی فیر وی میں اپنی ڈھٹائی نوں محسوس کر سکدا سی جیہڑی میرے ہنجواں نوں نہ نکلن تے مجبور کردی سی۔ میں ایسے ای کشمکش چہ پھنس چُکیا سی۔‘‘

کی تُسی اُوہدے وچوں کُج وی اج دی سویر محسوس کردے اُو؟ جے کردے اُو، تے تُسی اُوہدے وانگر کیوں اُو؟ ایہہ ایس لئی اے کیوں جے تُسی اپنے دِل دی تبدیلی دے بغیر ای نجات پانا چاہندے اُو۔ تُسی ساڈے توں چاہندے اُو کہ تہانوں اِک مسیحی دی حیثیت نال تہاڈے دِل دی تبدیلی دے بغیر ای قبول کر لئیے۔ لیکن ایہہ ممکن نئیں اے! تہانوں نئے سرے توں پیدا ہونا چائیدا اے۔ تہانوں اِک نیا دل ملنا چائیدا اے جیہڑا خود حیاتی دے مقابلے چہ خُدا توں زیادہ محبت کردا ہوئے۔ تہانوں توبہ کرنی چائیدی اے۔ جو تُسی اُو تہانوں اُوس توں نفرت ہونی چائیدی اے! تہانوں اپنے تکبر نوں چھڈنا چائیدا اے ورنہ تُسی اپنے گناہ ای چہ مر جاؤ گے۔ تہاڈا دِل گناہ دے کوڑھ دے قابو چہ اے۔ جیک نعان Jack Ngann نے کہیا، ’’تُسی جو اُو خُدا نوں اُوس توں نفرت کرن تے تہانوں مجبور کرانا چائیدا اے۔‘‘

کوئی وی بیرونی اقسام [تہانوں] پاک نئیں کر سکدیاں؛
کوڑھ تہاڈے باطن دی گہرائی چہ ہوندا اے۔

موڈی دُرست سن،

نعمان نوں اُوہدی بیماری مل چُکی سی – تکبر تے کوڑھ۔ تکبر نوں وی اینی ای صفائی دی ضرورت سی جِنی کہ کوڑھ نوں سی۔ نعمان نوں اپنے تکبر دی بگھی توں تھلے اُترنا ای سی؛ بعد چے غسل کرن لئی جیویں کہ اُوہنوں کہیا گیا سی۔

جان کیگن John Cagan نے کہیا، ’’میں مزید ہور خُود تے قابو نئیں پا سکدا سی۔ مینوں یسوع چائیدا ای سی۔ اُوس ویلے چہ میں مسیح توں مزاحمت کرنی چھڈ دِتی۔ ایہہ ایس قدر واضح سی کہ مینوں تے صرف اینا ای کرنا سی کہ اُوس [یسوع] تے پرہوسا کردا؛ میں یاد کر سکنا آں جدوں میں اپنے آپ نوں ختم کیتا تے اُو صرف مسیح سی … میں اپنے گناہ توں مُڑ گیا، تے میں تنہا یسوع تے ای نظر پائی! … یسوع نے [میرے دل دے گناہواں نوں پرے] کر دِتا سی تے ایدے بجائے مینوں محبت بخشی سی… یسوع نے میرے سارے گناہواں نوں دھو ڈالیا سی۔ اُوہنے مینوں نئی حیاتی بخشی سی۔‘‘

جیس ویلے تُسی یسوع، خُدا دے پُتر تے پرہوسا کردے اُو، ’’یسوع مسیح اُوس [خُدا] دے پُتر دا لہو [تہانوں] سارے گناہ توں پاک صاف کر دیندا اے‘‘ (1۔ یوحنا 1:7). سارے گناہ! سارے گناہ – چاہے اُو تہاڈے دِل دا گناہ ہوئے، یا اُو گناہ ہون جیہڑے تُسی سرزد کر چکے اُو – سارے گناہواں نوں یسوع دے لہو دے وسیلے نال دُھل جانا چائیدا اے – تے صرف یسوع، خُدا دے پُتر دے لہو دے وسیلے نال۔ اُوہنے صلیب تے اپنے لہو نوں تہانوں پاک صاف کرن لئی وگایا۔ اُوہنے اُو کیوں کیتا سی؟ کیوں جے اُو تہانوں محبت کردا سی۔ اُو اپنے لہو دے نال تہانوں پاک صاف کرنا چاہندا اے!

کی شے میرے گناہ نوں دھو سکدی اے؟
   کُج وی نئیں ماسوائے یسوع دے لہو دے؛
کی شے مینوں فیر مکمل کر سکدی اے؟
   کُج وی نئیں ماسوائے یسوع دے لہو دے۔
اوہ! کیس قدر قیمتی اے اُو بہاؤ
   جیہڑا مینوں برف دے وانگوں سفید بناندا اے؛
کوئی دوجا چشمہ میں نئیں جانندا،
   کُج وی نئیں ماسوائے یسوع دے لہو دے۔
(’’کچھ وی نئیں ماسو ائے لہو دے Nothing But the Blood‘‘ شاعر رابرٹ لوری
   Robert Lowry، 1826۔1899).

تُسی اِک طویل مدت تیکر گناہ وچ مبتلا رہ چکے اُو۔ تُسی خواہش کردے اُو کہ تُسی وی جان کیگن ای دے وانگوں نجات پا جاؤ۔ تُسی اُوہدے وانگوں ہونا چاہندے اُو۔ لیکن تسی سوچیا ایہہ ناممکن اے۔ تُسی سوچیا تُسی بے انتہا عجیب و غریب سی۔ تُسی سوچیا تُسی انتہائی زیادہ گناہ توں بھرپور سی۔ تُسی سوچیا تُسی نا اُمید سی۔ لیکن تُسی غلطی تے سی! یسوع تہانوں محبت کردا اے۔ اُو تہانوں تہاڈے کسِے وی جانن آلے دے مقابلے چہ سب توں ودھ محبت کردا اے۔ اُو تہانوں محبت نہ کردے جے اُو تہاڈے دل چل گناہواں نوں جان جاندے۔ لیکن یسوع تہانوں فیر وی محبت کردا اے۔ یسوع کہندا اے، ’’میرے کول آؤ – تے میرے لہو دے وسیلے نال پاک صاف ہو جاؤ۔‘‘ یسوع کہندا اے، ’’غسل کر تے پاک صاف ہو جا۔‘‘ اُو صرف ایہہ کہندا اے کہ تُسی اپنے تکبر توں مُنہ موڑو تے اُوس یسوع تے پرہوسا کرو۔ فیر کسی نہ کسی دِن تُسی عالمِ بالا چہ گانا گا رئے ہوو گے،

’’یسوع مسیح ولوں جیہڑا [میرے نال] محبت رکھدا اے، تے جِنے اپنے لہو دے وسیلہ نال [مینوں] [میرے] سارے گناہواں توں مخلصی بخشی‘‘ (مکاشفہ 1:5).

’’غسل کر تے پاک صاف ہو جا۔‘‘ مسٹر گریفتھ، آؤ تے فیر گاؤ ’’جی ہاں، میں جانندا آں۔‘‘

جے تُسی پاک صاف ہونا چاہندے اُو تے مہربانی نال سمنے دی نشستاں تے موجود رہوو تے اسی تہاڈے یسوع تے پرہوسا کرن دے بارے چہ گل کراں گے۔

ڈاکٹر چعین Dr. Chan، مہربانی نال آؤ تے اُوہناں لئی دعا منگو، تے فیر اُوس کھانے لئی شکر گزاری کرو جیہڑا اسی رفاقت آلے ھال چہ کھان لئی جا رئے آں۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت گایا سی:
(’’جی ہاں، میں جانتا ہوں!Yes, I Know! ‘‘
شاعر آنہ ڈبلیو۔ واٹرمینAnna W. Waterman ، 1920)۔


لُبِ لُباب

غُسل کر تے پاک صاف ہو جا! – مسیح وِچ ایمان لہیا کے تبدیل ہون دا تشبیہاتی علم

WASH AND BE CLEAN! – THE TYPOLOGY OF CONVERSION

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

’’جا تے سَت وری یردن وِچ غسل کر، تے تیرا جسم بحال ہو جائے گا تے توں پاک صاف ہو جائن گا‘‘ (2۔ سلاطین 5:10).

(2۔ سلاطین 5:14)

I.   پہلی گل، اُوہنوں کوڑھ سی، 2۔ سلاطین 5:1؛ رومیوں 5:12؛ مرقس 7:21۔23۔

II.  دوجی گل، اُو نبی دے ایہہ دَسن دی وجہ توں کہ کیویں پاک صاف ہویا جا سکدا اے پریشان سی، 1۔ یوحنا 1:7؛ مکاشفہ 1:5۔