Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




جد خدا لہو ویکھدا اے

WHEN GOD SEES THE BLOOD
(Punjabi – Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ دِتّا گیا اِک واعظ
خُداوند دے دِن دی شام، 27 اگست، 2017
Lord’s Day Evening, August 27, 2017

’’جد میں اُوس لہو نوں ویکھاں گا، میں تہانوں چھڈ دیاں گاں‘‘ (خروج12:13)۔


عبرانی لوکی قال دے وِچکار مصر ٹُر گئے سی۔ شروع شروع چہ اُوہناں نوں عزت دیتی گئی سی کیوں جے یوسف، یعقوب دا پُتر، فرعون دے کول ایک حکمران سی۔ اسرائیل دے بچے جوان ہوندے تے تعداد وِچ وھددے گئے، لیکن فیر اِک نوا فرعون نظراں چہ آیا جیہڑا یوسف نوں نئیں جانندا سی۔ اُو ڈر گیا کہ عبرانی لوکی تعداد وِچ ایس قدر چھیتی ودی جا رئے سن کہ اُو زمین تے قابض ہو سکدے نے۔ تے ایویں اُوس نے اُوہناں نوں غلام بنا چھڈیا۔ عبرانی لوکی خُدا دے اَگے دعا وِچ گڑگڑائے، تے اُوہنے اُوہناں نوں آزادی دلان لئی موسیٰ نوں کلہیا۔ لیکن فرعون پیھڑے دِل آلا تے ظالم سی۔ اُو خدا دے لوکاں نوں نکلن نئیں دے سکدا سی۔ تے ایویں خُدا نے مصر تے نو آفتاں نازل کیتیاں۔ ہر وری اُوہناں تے جد آفت آندی سی، موسیٰ فرعون دے کول آندا تے کہندا، ’’عبرانیاں دے خُداوند خُدا نے ایوین آکھیا، میرے لوکاں نوں نکلن دے۔‘‘ لیکن فرعون نے کدی وی گل نہ منی۔ اُوس دا دِل وَٹہ ہو چکیا سی۔ ہُون خُدا دے لئی ویلہ آ چکیا سی کہ دسویں آفت نازل کردا۔

’’تے خُداوند نے موسیٰ نوں کہیا سی کہ میں فرعون تے مِصر تے اِک ہُور آفت نازل کراں گا تے اُوس دے بعد اُو تہاںوں ایدروں نکلن دے گا…‘‘ (خروج11:1)۔

تے موسیٰ فیر فرعون دے دربار چہ آیا، تے کہیا،

’’خُداوند ایویں کہندا اے کہ ادھی رات نوں میں سارے مِصر وِچ چکر لاواں گا۔ تے مِصر وِچ ہر اِک پہلوٹھا مر جاوے گا… تے اِسی رات نوں میں مِصر وِچوں ہو کر گزراں گا تے اِنسان تے ڈنگر دوواں دے ساریاں پہلوٹھیاں نوں مار گراواں گا‘‘ (خروج11:4۔5؛ 12:12)۔

لیکن خُدا نئیں چاہندا سی کہ اُوہدے لوکاں نوں سزا ملے۔ اُوہنے موسیٰ نوں کہیا کہ ہر خاندان اِک برّہ لے تے اُوہنوں ذبح کرے۔

’’تے فیر اُوہدا تھوڑا جہیا لہو لے کے اُوہناں گھراں دے بوہیاں دے دواں پلڑیاں تے، تے اُوتے دی چوکھاٹ تے لان…‘‘ (خروج12:7)۔

ہُون کِھلو جاؤ تے خروج12:12۔13 اُوچی واج دے نال پڑھو۔

’’تے اِسی رات نوں میں مِصر وِچوں دی ہو کر گزراں گا تے اِنسان تے ڈنگر دوواں دے ساریاں پہلوٹھیاں نوں مار گراواں گا تے … سزا دیاں گا۔ میں خُداوند آں۔ تے جِنہاں مکاناں وِچ تُسی ہووے گے اُوہناں تے اُو لہو تہاڈے وَلوں نشان ہووے گا تے میں اُوس لہو نوں ویکھ کے تہانوں چھڈی جاواں گا۔ تے جدوں میں مِصریاں نوں ماراں گا تے اُوس ویلے کوئی وی خطرناک آفت تہاڈے لاگے نئیں آوے گی‘‘ (خروج12:12۔13)۔

تقریباً 1,500 وریاں توں یہودی فسح نوں ماندے نے۔ اُو برّے دا تے خمیری روٹی دا خصوصی کھانا کھاندے تے فسح دے دِناں وِچ مصر دی غلامی توں اُوہناں دی نجات دی یاد وِچ کلام پاک دا ایہہ حوالہ پڑھدے نے۔ اُو ناں ’’فسحPassover‘‘ ساڈی تلاوت وِچوں آندا اے،

’’میں اُوس لہو نوں ویکھ کے تہاںوں چھڈی جاواں گا‘‘ (خروج12:13)۔

میں چاہنا واں کہ تُسی ایس تلاوت دے بارے وِچ تین طریقیاں نال سوچو۔ پہلاں، لہو دا مطلب۔ دوجا، لہو دی افادیت۔ تے تیجا، لہو دا اِطلاق۔

I۔ پہلی گل، لہو دا مطلب۔

’’میں اُوس لہو نوں ویکھ کے تہاںوں چھڈی جاواں گا‘‘

کی اُوس آیت وِچ اَج ساڈے لئی کُج پہیا اے؟ جی ہاں، اہدے وِچ کئی گلاں لبھدیاں نے، کیوں جے اُو لہو جیہڑا پہلی فسح تے وگایا گیا سی اُوس خون دی نشاندہی کردا اے جیہڑا یسوع – فسح دے موقع تے وگائے گا۔ اوہ، آہو، ایہہ اُوہی فسح سی کہ یسوع نوں مصلوب کیتا گیا سی۔

’’اُوس دے شاگرداں نے اُوہنوں پوچھیا، سانوں دَس کہ توں عیدِ فسح دا کھانا کیتھے کھانا چاہندا اے تاکہ اَسی جا کر تیاری کریے؟‘‘ (مرقس14:12)۔

اُو کھانا کھان لئی اُوتے اِک بالاخانے وِچ گئے تے ایہہ آیت خروج12:13 پڑھی،

میں اُوس لہو نوں ویکھ کے تہانوں چھڈی جاواں گا‘‘ (خروج12:13)۔

پہلاں یسوع نے اُوہناں نوں خمیری روٹی دِتّی۔

’’تے اُوہنے پیالہ لیا تے جدوں اُو خُدا دا شکر ادا کر چکیا تے اُوہنے اُو اُوہناں نوں دِتّا… تے اُوہنے اُوہناں نوں کہیا، ایہہ نوے عہد دا میرا اُو لہو اے جیہڑا بُہتیریاں دے لئی وگایا جاوے گا‘‘ (مرقس14:23۔24)۔

مسیح ویکھن ڈھیا سی کہ خروج 12:13 میں چوکھاٹ تے اُو لہو نوے عہد دے لہو دی ایک عکاسی سی، جیہڑا اُو اگلے دِن صلیب تے وگائے گا۔

میں اُوس لہو نوں ویکھ کے تہانوں چھڈی جاواں گا‘‘ (خروج12:13)۔

ایہہ آیت کسی وی لہو دے بارے وِچ گل نئیں کر رئی سی۔ ایہہ ایس لہو دے بارے وِچ گل کر رئی سی

’’ایہہ خُدا دا برّہ اے جیہڑا دُنیا دے گناہ چُک لے جائے گا‘‘ (یوحنا1:29)۔

چوکھاٹ تے اُو لہو مستقبل وِچ نظر آندا اے تے اُوس لہو دی عکاسی کردا اے جیہڑا گنہگاراں نوں تباہی توں تاوان دے کے چُھڑاندا اے تے اُوہناں نوں شامل کر دیندا اے

’’خُدا دی کلیسیا [وِچ]، جِہنوں اُوہنے خاص اپنے لہو دے نال خریدیا اے‘‘ (اعمال20:28)۔

تُسی شاید پُچھ سکدے اُو کیوں اُوس لہو وِچ ایس قدر قوت ہوندی اے۔ سپرجئیں نے آکھیا،

جے مسیح محض اِک بندہ ہوندا… تے اُوہدے لہو وِچ نجات دلان لئی کوئی اثر انگیزی نئیں ہوندی؛ لیکن مسیح ’’انتہائی خُدا دا انتہائی خُدا‘‘ سی؛ اُو لہو جیہڑا یسوع نے وگایا سی خُدا دی وانگر لہو سی۔ اُو اِک انسان دا لہو سی، کیوں جے اُو ساڈے وانگوں اِک انسان سی؛ لیکن اُو الوہیت ایس قدر زیادہ انسانیت دے نال جُڑی سی کہ اُوس لہو نے اُوس وِچوں اثرانگیزی نوں اخذ کر لیا… دائمیت دی کدی وی نہ مُکن آلی انوکھی گل، کہ خُدا نوں مرن لئی ایک انسان بننا چائی دا اے۔ اوہ! جدوں اَسی سوچنے آں کہ مسیح دُنیا دا خالق سی، تے کہ اُوہدے توثیقی موڈھیاں تے کائنات لٹکی ہوئی سی، تے اَسی تعجب نئیں کر سکدے کہ اُوہدی موت نجات دلان لئی قوت توں بھرپور اے تے کہ اُوس دے لہو نوں گناہ توں پاک صاف ہونا چائی دا اے… کیوں جے اُو الہٰی اے، اُو ’’آخری حد تیکر اُوہناں نوں جیہڑے خُدا دے کول اُوہدے وسیلے توں آندے نے نجات دلان دے قابل اے۔‘‘ اُوہدا لہو اُو لہو اے جیس دے وسیلے توں تُسی خُدا دے قہر تے غصے توں شاید فرار پا لیندے اُو (سی۔ ایچ۔ سپرجیئن، ’’اُو لہو The Blood،‘‘ نئی پارک سٹریٹ واعظ گاہ The New Park Street Pulpit، پِلگِرم اشاعت خانے Pilgrim Publications، دوبارہ اشاعت 1981، جلد پنجویں، ورقے27۔28)۔

میں اُوس لہو نوں ویکھ کے تہانوں چھڈی جاواں گا‘‘ (خروج12:13)۔

بوہے دی چوکھاٹ تے اُو لہو خُدائی انسان مسیح یسوع دے لہو دی عکاسی کردا اے۔

’’مسیح جو فسح دا برّہ اے ساڈے لئی قربان ہو چکیا اے‘‘ (1۔کرنتھیوں5:7)۔

تے اُوس لہو دا مطلب اے!

II۔ دوجی گل، اُوس لہو دی افادیت۔

’’میں اُوس لہو نوں ویکھ کے تہانوں چھڈی جاواں گا‘‘ (خروج12:13)۔

’’میں تہانوں چھڈی جاواں گا۔‘‘ تہاڈے تے کوئی سزا نئیں آئے گی۔ تہاڈے تے کوئی لعنت نازل نئیں ہوئے گی – جے تہاڈے کول اُو لہو ہوندا اے۔

’’تے جدوں خُداوند ایس مُلک وِچوں مِصریوں نوں ماردا ہویا گزرے گا تے اُو بوہیاں دی چوکھاٹاں دے اُتے تے پلڑیاں تے اُوس لہو نوں ویکھے گا تے اُو اُوس بوہے نوں چھڈ دے گا تے ہلاک کرن آلے نوں گھر دے اندر آن تے تہانوں مارن دی اِجازت نئیں دے گا‘‘ (خروج12:23)۔

اُوس مرد تے عورت تے جیس دے کول اُو لہو ہوندا اے خُدا وَلوں کوئی وی سزا نازل نئیں ہو سکدی۔

’’تے زوفے دا اِک گُچھا لے کے اُوس لہو وِچ جیہڑا برتن وِچ ہووے گا ڈِبو کے اُوس لہو وِچوں کُج بوہے دی چوکھاٹ دے اُتے دے حصہ وِچ تے کُج اُوس چوکھاٹ دے دوواں پلڑیاں تے لگا دیئیں…‘‘ (خروج12:22)۔

چوکھاٹ تے لہو – اُو اُتلی لکڑ دی بائی۔ دوویں پاسے لہو، بوہے دے دوواں پلڑیاں تے۔ تھلے دھلیز دی لکڑ تے لہو۔ اُتے۔ تھلے۔ دوواں پاسیاں تے۔ اُو حرکت مسیح دی صلیب ول نشاندہی کر دی اے!

ویکھو، اُوہدے سر، ہتھاں، تے پیروں وِچوں،
   دُکھ تے محبت رل مل کر تھلے وگدے نے:
کی کدی ایویں، محبت تے دُکھ رَلّے نے،
   یا کنڈیاں نے ایس قدر اعلیٰ تاج بنایا ہووے؟
(جدوں میں حیرت انگیز صلیب دا جائزہ لینا آں When I Survey the Wondrous Cross‘‘ شاعر آئزک واٹز Isaac Watts، 1674۔1748)۔

کیوں جے تُسی جانندے اُو کہ ایہہ مخلصی تُسی سونے یا چاندی وگری فانی شیواں دے ذریعہ نال نئیں… بلکہ اِک بے عیب تے بے داغ برّے یعنی مسیح دے لہو توں پائی اے‘‘ (1۔پطرس1:18:19)۔

مارٹن لوتھر پوچھدے نے،

ہُون کی، ایہو ای اُو خزانہ اے جیس دی مدد نال ساڈا تاوان ادا کر کے سانوں چُھڑایا گیا اے؟ سونے یا چاندی وگری فانی شے نئیں بلکہ مسیح، خُدا دے پُتر دا قیمتی لہو۔ ایہہ خزانہ ایس قدر قیمتی تے معزز اے کہ کوئی وی انسانی سمجھ تے وجہ ایس نوں گرفت وِچ نئیں لے سکدی، ایویں ایس طریقے نال اے، کیوں جے ایس معصوم لہو دا صرف ایک قطرہ تمام دُنیا دے گناہ دے لئی کافی توں وی زیادہ ہووے گا۔ ایس توں باوجود پیو چاہندا سی کہ ساڈے تے اپنی فضل ایس قدر لبریزی دے نال عنایت کرے تے ساڈی مخلصی لئی اُوہنوں ایس قدر قیمت چکانی پئی کہ اُوہنے مسیح اپنے پُتر نوں ساڈی خاطر اپنے لہو نوں وگان دِتّا تے ایویں سانوں اُو سارا دا سارا خزانہ انعام دے طور تے بخش دِتّا (لوتھر، 1پطرس1:18۔19 کی تفسیر)۔

گتسمنی وِچ مسیح دا لہو زمین تے پسینے دی بونداں وانگوں ڈِگیا سی۔ اُوہدا لہو آزادی دے نال اُوس زناٹے ماردے کوڑے دے تھلے لگیا سی جدوں اُوہنوں پیلاطوس دے محل وِچ کوڑے مارے گئے سن۔ کنڈیاں دے تاج نے اُوہدے متھے نوں چھیدیا سی تے اُوہدی آنکھاں وِچ لہو وگ آیا سی۔ کِیلاں نے اُوہدے ہتھاں تے پیراں نو چھیدیا سی، تے لہو صلیب توں بے تحاشا وگیا سی۔ فیر، سپاہی نے اُوس دی وکھی نوں چھیدیا سی،

تے جیس توں فوراً لہو تے پانی وگن لگیا‘‘ (یوحنا19:34)۔

’’[خُدا نے] مسیح اپنے پُتر نوں ساڈے لئی اپنا سارا لہو وگان دی اِجازت دِتی تے ایویں سانوں اُو سارے دا سارا خزانہ انعام دے طور تے بخش دِتّا‘‘ (لوتھر، ibid.)۔

تے

’’اُوہدے پُتر یسوع دا لہو سانوں ہر گناہ توں پاک کردا اے‘‘ (1۔یوحنا1:7)۔

تمام گناہ مسیح یسوع دے وسیلے توں پاک صاف ہو جاندا اے! تمام گناہ! کوئی وی ایس قدر وڈا گناہ نئیں اے جِنوں اُوس دا لہو پاک صاف نئیں کر سکدا! کوئی وی گناہ ایہو جہیا نئیں اے جِنوں لہو دُھو نئیں سکدا۔ ایہہ مریم مگدلینی دی ست بدروحاں نوں کڈ سکدا اے۔ ایہہ آسیب زدیاں دے پاگل پن نوں مُکا سکدا اے۔ ایہہ کوڑھ دے ناقابلِ بیاں ناسوراں دا علاج کر سکدا اے۔ ایہو جئی کوئی وی روحانی بیماری نئیں اے جِنوں ایہہ شفا نئیں دے سکدا۔ اہدے لئی کوئی وی معاملہ انتہائی وڈا نئیں اے، کوئی تعجب نئیں پاویں اُو کِنا ای غلیظ یا قابلِ کراہت ہووے، کیوں جے مسیح دا ایہہ لہو ساریاں ضرورتاں لئی نہایت کافی اے۔

’’جدوں میں اُوس لہو نوں ویکھاں گا تے میں تہانوں چھڈی جاواں گا‘‘ (خروج12:13)۔

تے ایہہ گل لہو دی افادیت نوں ظاہر کردی اے!

III۔ تیجی گل، اُوس لہو دا اِطلاق۔

جے برّے دی سنگی گھوٹی گئی ہوندی یا زہر دِتا گیا ہوندا، تے تباہ کرن آلا، ہر گھر دے پہلوٹھے نوں سزا وِچ مار چکیا ہوندا۔ جے برّے نوں قتل کیتا گیا ہوندا تے اُوس دے جسم نوں بوہے دی چوکھاٹ تے بن دِتا گیا ہوندا، تے تباہ کر دین آلا سزا وِچ مار چکیا ہوندا۔ آؤ اُوہناں نوں جیہڑے کہندے نے کہ اُوتھے کوئی لہو نئیں سی ایس گل نوں لکھ لین دیو۔ ایہہ تنہا برّے دی موت نئیں سی، بلکہ برّے دا لہو سی جیس نے فرق نوں ظاہر کیتا۔ سچ اے، برّے نوں مرنا سی، تے ایس دے باوجود خُدا نے کہیا،

’’جدوں میں اُوس لہو نوں ویکھاں گا تے میں تہانوں چھڈی جاواں گا‘‘ (خروج12:13)۔

لیکن ہتھ مُنہ دُھون آلے تسلے وِچ چھڈیا گیا لہو سزا نوں نئیں روک سکدا سی۔ اِہدا اِطلاق ہونا چائی دا اے۔ زوفے دے اُوس گُچھے نوں پھڑ

’’تے اُوس لہو وِچ ڈبو… تے بوہے دی چوکھاٹ دے اُتے تے حصے وِچ تے اُوس چوکھاٹ دے دوواں پلڑیاں تے لگا دیویں‘‘ (خروج12:22)۔

اُوس لہو دا اِطلاق ہونا چائی دا اے ورنہ ایس دی افادیت نئیں اے۔ ہائے، گنہگار، مسیح دے لہو نوں اپنا لے! یسوع دے لہو وِچ گناہ توں دُھل جا!

’’مسیح یسوع: جِنہوں خُدا نے مقرر کیتا کہ اُو اپنا لہو وگائے تے اِنسان دے گناہ دا کفارہ بن جائے‘‘ (رومیوں3:24۔25)۔

ایہہ حیرانی دی گل اے کہ نوی امریکی معیاری بائبل NASV ایس دا ترجمہ غلط کردی اے، اِک نام نہاد کہلان آلا لفظی ترجمہ! تے ایس دے باوجود NIV ایس دا ترجمہ دُرست کردی اے، ’’اُوہدے لہو وِچ ایمان دے وسیلے نال۔‘‘

اُوس دے لہو وِچ ایمان دے وسیلے نال۔‘‘

مسیح یسوع دا لہو ایمان دا مقصد اے۔ ایویں تُسی رابطہ جوڑدے اُو۔ ایویں لہو دا تہاڈے تے اِطلاق ہوندا اے – اُوس دے لہو وِچ ایمان دے وسیلے نال۔‘‘

’’اوہ نئیں،‘‘ کُج نوے نوے ایونجیلیکل لوکی شاید کہندے نے، ’’تُسی اُوس [یسوع] دے خون وِچ ایمان دے وسیلے توں نجات نئیں پاندے اُو!‘‘ ٹھیک اے، تے میں جاننا چاہواں گا تُسی ایس دے بغیر کیویں نجات پا سکدےاُو! ’’ٹھیک اے، جے اِک بندہ لہو تے انحصار کردا اے، اُو شاید مر جاوے۔‘‘ کدی وی نئیں! ایہہ ہو ای نئیں سکدا! خدا لہو توں جھوٹا ہو جائے گا جے اُو [خُدا] تُہانوں مرن دیندا اے جدوں کہ تُسی مسیح دے لہو تے انحصار کردے اُو!

’’کیونکہ ایہہ نوے عہد دا میرا اُو لہو اے جیہڑا بُہتیریاں دے گناہواں دی معافی لئی وگایا جاندا اے‘‘… گناہواں دی بخشش لئی (متی26:28)۔

بے شمار لوکی نے جیہڑے اُوس لہو دے اِطلاق نوں محسوس نئیں کردے۔ لیکن ایس نال کوئی فرق نئیں پیندا، کیونکہ ساڈی تلاوت نئیں کہندی کہ تُسی ای کلے اُو جِنوں لہو نوں ویکھن دی لوڑ پیندی اے۔ اوہ نئیں! ایہہ کہندی اے،

’’جدوں میں اُوس لہو نوں ویکھاں گا تے میں تہانوں چھڈی جاواں گا‘‘ (خروج12:13)۔

واحد خُدا اے جِنوں لہو نوں ویکھن دی لوڑ پیندی اے۔ خُدا ای اُو ہستی اے جِنوں اُوس لہو نو جیہڑا تہانوں ساریاں گناہواں توں دھو ڈالڈا اے ویکھن یا محسوس کرن دی لوڑ پیندی اے۔ ایہہ نئیں کہندی ’’جدوں تُسی لہو نوں ویکھو۔‘‘ ایہہ نئیں کہندی کہ تُہانوں مسیح دے خون دے وسیلے توں پاک صاف ہون لئی ہر گل نوں سمجھنا چائی دا اے۔ ایہہ کہندی اے، ’’جدوں میں اُوس [لہو] نوں ویکھاں گا۔‘‘ تُہاڈا ایمان پاویں ایس قدر شدید نہ ہووے۔ لیکن جے تُسی یسوع دے کول آندے اُو تے اُوس دے لہو تے پروہسا کردے اُو، تے خُدا ایہہ گل ویکھ لئے گا۔ واحد اُو ای تنہا اے جیدی اہمیت اے۔ تے

’’جدوں میں اُوس لہو نوں ویکھاں گا تے میں تہانوں چھڈی جاواں گا‘‘ (خروج12:13)۔

عبرانی لہو نوں نئیں ویکھ پائے سی۔ اُو اپنےگھراں دے اندر سی۔ اُو نئیں ویکھ سکدے سی کہ بوہے دے باہر چوکھاٹ تے، تے بوہے دے پلڑیاں تے باہروں کی لگیا ہویا سی۔ لیکن خُدا اُوتھے لہو نوں ویکھ سکدا سی۔ ایہہ واحد شرط اے جیس دی وجہ توں اِک گنہگار دی نجات دا انحصار ہوندا اے – خُدا دا تُہاڈے تے لہو دے اِطلاق دا ہوندا ہویا ویکھنا، نا کہ تہاڈا ایس نوں ویکھنا۔ فیر خُدا دے کول دعا وِچ آؤ تے کہو، ’’خداوندا، مینوں مسیح دے لہو دی خاطر بچا لے۔ میں اینوں ویکھ نئیں سکدا جِنا مینوں ویکھنا چائی دا اے، لیکن خُداوند، تو اینوں ویکھدا اے، تے توں کہہ چکیا اے،

’’جدوں میں اُوس لہو نوں ویکھاں گا تے میں تہانوں چھڈی جاواں گا‘‘ (خروج12:13)۔

’’خُداوندا، تو اُوس لہو نوں ویکھدا اے۔ توں ویکھدا اے کہ میں اُوس دی نجات دین آلی قوت وِچ پروہسا کر چکیا آں۔ مینوں تنہا مسیح دے لہو دی خاطر معاف کر دے تے پاک صاف کر دے۔‘‘ ایس گل نوں اپنے دِل توں نکلی ہوئی دعا بنا ڈالو تے خواہش بنا ڈالو تے تُسی انتہائی چھیتی یسوع دے لہو وِچ دُھل کے پاک صاف ہو جاؤ گے۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلامِ پاک وِچوں تلاوت: مسٹر ایبل پرودھوم نے کیتی سی: اشعیا52:13۔53:1 .
واعظ توں پہلاں کلّیاں گیت مسٹر بنجامن کینکیڈ گریفتھ Mr. Benjamin Kincaid Griffith نے گایا سی:
’’جِدوں میں لہو ویکھنا آں When I See the Blood‘‘
(شاعر جان فوٹے John Foote، 19ویں صدی)۔


لُبِ لُباب

جد خدا لہو ویکھدا اے

WHEN GOD SEES THE BLOOD

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

’’جد میں اُوس لہو نوں ویکھاں گا، میں تہانوں چھڈ دیاں گاں‘‘ (خروج12:13)۔

(خروج11:1، 4۔5؛ 12:12، 7)

I.    پہلی گل، لہو دا مطلب، مرقس 14:12، 23۔24؛ یوحنا 1:29؛
اعمال 20:28؛ 1۔ کرنتھیوں 5:7۔

II۔   دوجی گل، اُوس لہو دی افادیت، خروج 12:23،22؛
1۔ پطرس 1:18۔19؛ یوحنا 19:34؛ 1۔ یوحنا 1:7۔

II.  تیجی گل، اُوس لہو دا اِطلاق، رومیوں 3:24۔25؛ متی 26:28۔