Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




ریپچر

(بائبل کی پیشنگوئی پر نمبر 5)
THE RAPTURE
(NUMBER 5 ON BIBLE PROPHECY)
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وچ دِتا گیا اِک واعظ
خُداوند دے دِن دی شام، 7 مئی، 2017
A sermon preached at the Baptist Tabernacle of Los Angeles
Lord’s Day Evening, May 7, 2017

’’کیوں جے خداوند خُود بڑی للکار تے مُقرب فرشتہ دی آواز تے خدا دے نرسنگے دے پھونکے جان دے نال آسمان تے اُترے گا تے اُو سب جہیڑے مسیح وچ مر چُکے نے پہلاں زندہ ہو جان گے۔ فیر اسی جہیڑے زندہ باقی ہوواں گے اُوہناں دے نال بدلاں تے چُک لئے جاواں گے تاکہ ہوا وچ خدا دا استقبال کرئیے…‘‘ (1۔ تھسلنیکیوں 4:16۔17).


بائبل وچ ایہہ اِک شاندار وعدہ اے! یسوع فیر آ رہیا اے! اُوہناں لفظاں نوں سُن کے ہر مسیحی نوں خوشی نال بھر جانا چائیدا اے، ’’یسوع فیر آ رہیا اے‘‘! مہربانی نال کلام پاک دے ایس حوالے نوں اپنی بائبل وچ کُھلا رکھو۔

کئی گھنٹیاں تیکر یسوع دے صلیب تے کِلاں نال جڑے جان دے بعد، اُو اِک زوردار آواز دے نال چلایا سی، ’’اے باپ، میں اپنی روح تیرے ہتھاں وچ سونپنا آں‘‘ (لوقا 23:46). اُو مر گیا۔ اُوہناں نے اُوہدے بدن نوں اِک قبر وچ رکھ دِتا۔ اُوہناں نے اُوہنوں مہربند کر دِتا تے رومی سپاہیاں نوں اُوہدی قبر دی نگہبانی کرن دا حکم دِتا۔

تیجے دن اُو مُردیاں وچوں زندہ ہو گیا۔ مگر جدوں اُو اپنے شاگرداں دے سامنے ظاہر ہویا،

’’اُو ایس قدر ہراساں تے خوف زدہ ہو گئے کہ سمجھن لگے کہ اُو کسی رُوح نوں ویکھ رئے نے‘‘(لوقا 24:37).

اُودھوں اُوہنے اُوہناں نوں کہیا،

’’میرے ہتھ تے پیر ویکھو، میں ای آں۔ مینوں چھو کے ویکھو کیوں جے رُوح دِیاں ہڈیاں ای ہوندیاں نے تے نہ گوشت جیویں تُسی میرے چہ ویکھ رئے اُو‘‘ (لوقا 24:39).

اُو اُوہناں نوں یروشلیم شہر توں باہر کوہ زیتون تے لے گیا۔ اُوہنے اُوہناں نوں ساری دُنیا وچ خوشخبری دا پرچار کرن لئی کہیا۔

’’تے جدوں اُو ایہہ گلاں کر چُکیا تے اُو اُوہناں دے ویکھدے ویکھدے اُتے چُک لہیا گیا تے بدلی نے اُوہنوں اُوہناں دیاں نظراں توں لُکا لہیا۔ جدوں اُو ٹکٹکی باندھے اُوہنوں آسمان دے ول جاندیاں ہویاں ویکھ رئے سن تے ویکھو دو مرد سفید لباس چہ اُوہناں دے کول آ کھلوتے تے کہن لگے، اَے گلیلی آدمیو! تُسی کھلوتے کھلوتے آسمان ول کیوں ویکھ رئے اُو؟ ایہو ای یسوع جہیڑا تہاڈے کولوں آسمان تے چُکیا گیا اے، ایسے طرح فیر آئے گا جیویں تُسی لوکاں نے اُوہنوں آسمان تے جاندیاں ویکھیا اے‘‘ (اعمال 1:9۔11).

’’ایہی یسوع‘‘ جہیڑا ’’آسمان تے‘‘ چُک لہیا گیا فیر آ رہیا گیا۔ اُو آسمان تے گیا! اُو تھلے آئے گا! یسوع فیر آ رہیا اے!

اُو فیر آ رہیا اے، اُو فیر آ رہیا اے،
اُوہی آلا یسوع، جنہوں لوکاں نے مسترد کیتا؛
اُو فیر آ رہیا اے، اُو فیر آ رہیا اے،
قوت تے عظیم جلال دے نال، اُو فیر آ رہیا اے!
   (’’اُو فیر آ رہیا اے He is Coming Again‘‘ شاعر میبل جانسٹن کیمپ
      Mabel Johnston Camp، 1871۔1937)۔

ہُن بائبل سانوں دسدی اے کہ اُو دو موقعیاں تے آئے گا، دو مرحلیاں چہ۔ اُوہدی واپسی دا دوجا مرحلہ اُوہدوں ہوئے گا جدوں اُو زمین تے ہزار ورے تیکر لئی اپنی بادشاہت قائم کرن لئی آئے گا۔ مگر ساڈی تلاوت اُوہدی واپسی دے پہلے حصے دے بارے وچ گل کر رئی اے۔ 1۔ تسالونیکیوں 4:16۔17 وچ ساڈی تلاوت تے فیر نظر پاؤو۔ کلام پاک دے اُوس حوالے وچوں ایس واقعے دے بارے وچ تِن گلاں تے دھیان دوو۔

I۔ پہلی، خُداوند یسوع فضا وچ زمین دے اُتے اُترے گا۔

1۔ تسالونیکیوں 4:16 تے غور کرو۔

’’ ’’کیوں جے خداوند خُود بڑی للکار تے مُقرب فرشتہ دی آواز تے خدا دے نرسنگے دے پھونکے جان دے نال آسمان تے اُترے گا...‘‘ (1۔تھسلنیکیوں 4:16).

ایہہ مسیح ’’خود‘‘ اے جہیڑا ’’آسمان توں‘‘ تھلے آندا اے۔ ایہہ پاک روح نئیں اے۔ درحقیقت، اُو روح تے سرے توں ہے ای نئیں۔ ایہہ ’’اوہی یسوع اے جِنوں آسمان … چہ چُک لہیا گیا [سی]‘‘ (اعمال 1:11). ایہہ ’’ایہو ای یسوع‘‘ اے جہیڑا آسمان توں آئے گا۔

’’کیوں جے خداوند خُود بڑی للکار تے مُقرب فرشتہ دی آواز تے خدا دے نرسنگے دے پھونکے جان دے نال آسمان تے اُترے گا…‘‘ (1۔ تھسلنیکیوں 4:16).

’’مینوں چھو کے ویکھو کیوں جے رُوح دِیاں ہڈیاں ای ہوندیاں نے تے نہ گوشت جیویں تُسی میرے چہ ویکھ رئے اُو‘‘ (لوقا 24:39).

اُو فیر آ رہیا اے، اُو فیر آ رہیا اے،
ایہہ بالکل اُوہی یسوع اے، جِنوں لوکاں نے مسترد کیتا؛
اُو فیر آ رہیا اے، اُو فیر آ رہیا اے،
قوت تے عظیم جلال دے نال، اُو فیر آ رہیا اے!
   (’’اُو فیر آ رہیا اے He is Coming Again‘‘ شاعر میبل جونسٹن کیمپ
      Mabel Johnston Camp، 1871۔1937)۔

کی تہانوں یاد اے یسوع نے یوحنا 14:3 چہ کی کہیا؟ اُوہنے کہیا،

’’میں فیر آواں گا‘‘ (یوحنا 14:3).

میں ایہہ وی چاہنا آں کہ تُسی غور کرو کہ ایتھے ساڈی تلاوت چہ اُو زمین تے نئیں آندا اے۔ اُوہدی زمین تے واپسی اِک بالکل ای الگ واقعہ اے، جہیڑا کہ بعد چہ رونما ہوندا اے، تے جیدے بارے چہ مکاشفہ19:11۔16؛ متی24:27۔31؛ زکریا14:4۔5 تے بائبل وچ بے شمار دوجے حوالیاں چہ دسیا گیا اے۔ مگر میں چاہنا آں تُسی غور کرو کہ ساڈی تلاوت وچ اُو زمین تے واپس نئیں آندا اے۔ آیت 17 تے نظر پاؤو۔ کھڑے ہوو تے اینوں باآواز بُلند پڑھو۔

’’فیر اسی جہیڑے زندہ باقی ہوواں گے اُوہناں دے نال بدلاں تے چُک لئے جاواں گے تاکہ ہوا وچ خداوند دا استقبال کرئیے…‘‘ (1۔ تھسلنیکیوں 4:17).

تُسی تشریف رکح سکدے اُو۔

مسیح ہوا وچ ’’ریپچر یعنی بیخودی‘‘ دے موقعے تے آندا اے۔ اُو زمین تے بعد چہ آندا اے۔ بائبل دے لغوی مطالعے توں ایہہ واضح ہو جاندا اے کہ ایہہ دو علیحدہ واقعات نے۔ خُداوند یسوع میسح آسمان وچوں اُترے گا، مگر ’’ہوا وچ‘‘ زمین دے اُتے ٹھہر جائے گا۔ لفظ ’’ریپچر rapture‘‘ دا مطلب نقل و حمل دا کیتا جانا – بیخودی وچ جکڑے جانا ہوندا اے! خلا وچ کوئی ہوا نئیں ہوندی اے، لہٰذا ایس توں ظاہر ہوندا اے کہ اُو زمین دے اُتے فضا وچ داخل ہو چُکن دے بعد رُک جائے گا۔

’’فیر اسی جہیڑے زندہ باقی ہوواں گے اُوہناں دے نال بدلاں تے چُک لئے جاواں گے تاکہ ہوا وچ خداوند دا استقبال کرئیے…‘‘ (1۔ تھسلنیکیوں 4:17).

II۔ دوجی، اُو سب جہیڑے مسیح وچ مر چکے نے زندہ ہو جان گے۔

16 آیت وِچ، تلاوت کہندی اے،

’’کیوں جے خداوند خُود بڑی للکار تے مُقرب فرشتہ دی آواز تے خدا دے نرسنگے دے پھونکے جان دے نال آسمان تے اُترے گا تے اُو سب جہیڑے مسیح وچ مر چُکے نے پہلاں زندہ ہو جان گے…‘‘ (1۔ تھسلنیکیوں 4:16).

تُسی تشریف رکھ سکدے اُو۔ ’’اُو سب جہیڑے مسیح وچ مر چکے نے پہلاں زندہ ہو جاون گے۔‘‘ ڈاکٹر جے۔ ورنن میگی Dr. J. Vernon McGee نے کہیا،

اُو ’’اِک بڑی للکار دے نال‘‘ آسمان توں تھلے آئے گا۔ ایہہ حکم دی اِک واج اے۔ ایہہ اوہی واج اے جہیڑی اُوہنے اُوس ویلے استعمال کیتی سی جدوں اُوہنے لعزر دی قبر تے کھلو کے کہیا سی، ’’لعزر، باہر نکل آ‘‘ (جے۔ ورنن میگی، ٹی ایچ۔ ڈی۔J. Vernon McGee, Th.D.، بائبل وچوں Thru the Bible، تھامس نیلسن اشاعت خانے Thomas Nelson Publishers، 1983 جلد پنجم، صفحہ 398)۔

یسوع لعزر دی قبر تے آیا تے کہیا،

’’پتھر نوں ہٹا دیو۔ مارتھا جہیڑی اُوہدی بہن سی جہیڑا مر چُکیا سی اُوس [یسوع] نوں کہن لگی، اَے خداوند، اُوہدے وچوں تے بدبُو آن لگی اے کیوں جے اُو چار دِناں توں مُردہ اے‘‘ (یوحنا 11:39).

مگر اُوہناں نے یسوع دا حکم منیا۔ اُوہناں نے قبر توں پتھر نوں ہٹایا۔ تے یسوع نے،

’’ اُچی آواز نال پُکاریا، لعزر، باہر نکل آ۔ تے اُو جہیڑا مر چُکیا سی باہر نکل آیا‘‘ (یوحنا11:43۔44).

بالکل ایہو ای اے جیہڑا مسیح اپنی آمد دے دن فضا وچ رُک جان دے بعد [ریپچر] کرے گا۔ اُو اِک اُچی واج دے نال پکارے گا، اِک مقرب فرشتے جئی واج دے نال، اِک نرسنگے جئی واج (میگی McGee، ibid.)۔ جدوں مسیح سدے گا، جیویں کہ اُوہنے لعزر دی قبر تے کیتا سی، اُو جہیڑے ’’مسیح وچ مُردہ نے پہلے زندہ ہو جان گے۔‘‘ سچے مسیحیاں دے مُردہ جسم اپنی قبراں وچوں باہر نکل آن گے تے مسیح دا استقبال کرن لئی فضا وچ چُک لئے جان گے۔

1970 دی ابتدائی دھائی وچ مَیں علمِ الٰہیات دی آزاد خیال مغربی بپتسمہ دین آلیاں دی سیمنری وچ تعلیم حاصل کیتی سی۔ اُوہناں بے اعتقادے پروفیسراں نے کہیا سی کہ پرانے عہدنامے وچ مُردیاں دے زندہ کیتے جان دا ایہو جیہا کوئی تزکرہ نئیں اے۔ مگر اُو غلط سن۔ ایویں مُردیاں وچوں زندہ ہون دا انتہائی واضح تزکرہ پرانے عہد نامے وچ اشعیا نبی دی کتاب 26:19 وچ اے، جیہڑی کہندی اے،

’’تیرے مردے جین گے، اُوہناں دیاں لاشاں اُٹھ کھڑیاں ہون گیاں۔ تُسی جہیڑے خاک چہ جا بسے اُو، جاگو تے خُوشی دے نعرے لگاؤو: کیوں جے تیری تریل سویر دی تریل وانگوں اے، تے زمین اپنے مُردیاں نوں اُگل دیوے گی‘‘ (اشعیا 26:19).

ایوب دی کتاب پرانے عہد نامے دی سب توں قدیم ترین کتاب اے۔ ایہہ موسیٰ دی پیدائش دی کتاب دے لکھے جان توں وی پہلاں لکھی گئی سی۔ ایوب نے ریپچر دے بارے چہ دسیا۔

’’حالانکہ میرا جسم فنا ہو جاوے گا، میں اپنے جسم سمیت ای خدا نوں ویکھاں گا، میں ای خُود اُوہنوں ویکھاں گا خُود اپنیاں اکھاں نال میں اُوہدے تے نگاہ کراں گا، کوئی ہور نئیں۔ (اُوس گھڑی لئی) میرا دل اندر ای اندر کیس قدر بے قرار ہو رہیا اے‘‘ (ایوب 19:26۔27).

ریپچر دے بارے چہ پولوس رسول نے وی پیشن گوئی کیتی سی۔ اُوہنے کہیا،

’’ایہہ پلک جھپکتے ای ہو جاوے گا یعنی اِک دم جدوں آخری نرسنگا پھونکیا جاوے گا۔ کیوں جے سارے مُردے نرسنگے دے پھونکے جان تے غیر فانی جسم پاکے زندہ ہو جان گے تے اسی سب بدل جاواں گے‘‘ (1۔ کرنتھیوں 15:52) .

ساڈی تلاوت کہندی اے،

’’اُو سب جہیڑے مسیح وچ مرچکے نے زندہ ہوجان گے‘‘ (1۔تھسلنیکیوں4:16).

ہُن، تُسی تعجب کر سکدے اُو کہ اُو جسم جیہڑے کافی ویلیاں توں مُردہ رہ چُکے نے، سچے ایمانداراں دے بدن جیہڑے کہ یعقوب آلے معاملے وچ 3, 520 وریاں توں مُردہ نے کیویں جی اُٹھن گے۔ اُو کیویں رونما ہو سکدا اے؟ پولوس رسول اینوں 1۔ کرنتھیوں 15:51 وچ ’’اِک اسرار‘‘ کہندا اے، خالص یونانی چہ اِک ’’مُعما musterion‘‘، کُج ایہو جیہا جِنوں ساڈے انسانی ذہن مکمل طور تے سمجھ نئیں سکدے۔ کھری کھری گل کیتی جائے تے ایہہ اِک معجزہ اے۔ تُسی خُدا وچ یقین کردے اُو، کی تُسی کردے اُو؟ ٹھیک اے، سانوں بائبل دے اِک سرے توں لیکر دوجے تیکر دسیا گیا اے کہ خُدا معجزے کردا اے۔ تے ایہہ خُدا دے عظیم ترین معجزیاں وچوں اِک اے،

’’ اُو سب جہیڑے مسیح وچ مرچکے نے زندہ ہوجان گے‘‘ (1۔تھسلنیکیوں4:16).

شعوری طور تے اسی اینوں بالکل وی سمجھ نئیں پاندے، مگر سچائی دے علاوہ ایہہ کُج وی نئیں اے۔

’’ اُو سب جہیڑے مسیح وچ مرچکے نے [مُردہ مسیحی] پہلاں زندہ ہوجان گے‘‘ (1۔ تھسلنیکیوں 4:16).

III، تیجی، جہیڑے زندہ مسیحی ہون گے اُوہناں دے نال چُک لئے جان گے۔

آیت 17 تے نظر پاؤ۔

’’فیر اسی جہیڑے زندہ باقی ہوواں گے اُوہناں دے نال بدلاں تے چُک لئے جاواں گے تاکہ ہوا وچ خداوند دا استقبال کرئیے…‘‘ (1۔ تھسلنیکیوں 4:17).

اُوس ویلے زمین تے جیہڑے سچے مسیحی ہون گے اُو مُردہ مسیحیاں دے ’’نال ای چُک لئے‘‘ جان گے فضا وچ خُداوند دا استقبال کرن لئی۔ پہلاں مُردہ مسیحیاں نوں ’’چُکیا‘‘ جائے گا، تے فیر، دوجے نمبر تے، سچے مسیحیاں نوں جیہڑے زندہ ہون گے فضا وچ خُداوند دا استقبال کرن لئی ’’چُک لیا‘‘ جائے گا۔ بائبل سانوں دسدی اے کہ ایہہ سب دا سب وقوع پذیر ہوئے گا۔

’’ایہہ پلک جھپکتے ای ہوجاوے گا‘‘ (1۔ کرنتھیوں 15:52).

ایہہ اینی چھیتی رونما ہو جائے گا جنہی چھیتی تُسی اپنی پلک چپھکاندے اُو! مُردہ مسیحی تے فیر زندہ مسیحی، نال ای چُک لئے جان گے … فضا وچ خُداوند دا استقبال کرن لئی۔‘‘ بائبل وچ کیہو جیہا اِک شاندار وعدہ! مسیحی لئی کیہو جئی اِک شاندار اُمید!

اوہ، خوشی، اوہ مسرت! کی سانوں مرے بغیر جانا چائیدا اے،
کوئی بیماری نئیں، اُداسی نئیں، خوف تے رونا نئیں،
اپنے خداوند دے نال جلال چہ بدلاں چہ چُک لہیا جانا،
جدوں یسوع ’’اُوہدے اپنیاں نوں‘‘ خیر مقدم کردا اے۔
   (’’مسیح واپس آ گیا Christ Returneth‘‘ شاعر ایچ۔ ایل۔ ٹرنر H. L. Turner، 1878)۔

ڈاکٹر میگی Dr. McGee نے کہیا، ’’چُک لئے‘‘ دا یونانی لفظ ’’ہارپزو harpazo‘‘ توں ترجمہ کیتا گیا اے جیدا مطلب ’’تیزی نال پھڑ لینا، پھڑ لینا، چُک لینا، یا بیخودی وچ جکڑے جانا‘‘(ibid.، صفحہ399)۔ فیر ڈاکٹر میگی نے کہیا،

ایہہ اِک انتہائی باترتیب طریقہ کار ہوئے گا۔ مُردہ پہلاں زندہ کیتے جان گے… فیر رسول ہون گے تے اُو تمام لکھاں لوکی ہون گے جنہاں نے وریاں توں اپنی حیاتیاں تیاگ چھڈیاں۔ اُوہناں نے صدیاں توں صرف [چُک لئے جان دا] حق رکھیا اے۔ اخیر وچ، جے اسی اُوس ویلے زندہ ہواں گے، اسی اُوس جلوس دے اخیر وچ چُک لئے جان گے۔ اُو ایدے بالکل اخیرلے سرے تے ہون گے [ کیوں جے زیادہ تر مسیحی] تے پہلاں ای چُکے جا چُکے ہون گے… موت دے بوہے توں لنگ کے (ibid.)۔

کیہو جیہا جلالی، شاندارانہ سکون اے ایہہ! مُردہ [مسیحیاں] دے جسم چُک لئے جان گے۔ فیر اُوس ویلے جیہڑا وی زندہ ہووے گا اُوہناں دے نال ای فضا وچ خُداوند دے استقبال لئی چُک لہیا جاوے گا۔ ایویں اسی ہمیشہ لئی خُداوند دے نال ہوواں گے۔ درحقیقت، اسی زمین تے اُوہدے نال ای واپس آواں گے اُوہدے نال حکومت کرن لئی جدوں اُو اپنی بادشاہت نوں منظم کردا اے (ibid.).

ہر سچے مسیحی لئی اِک شاندار مستقبل انتظار کر رہیا اے جدوں مسیح سانوں آسمان وچوں لین لئی فضا وچ واپس آندا اے!

کی تُسی ایویں رونما ہون لئی تیار ہو؟ کی تُسی تیار ہو؟ صرف اوہی جیہڑے ہُنے نجات پا لین گے فیر فضا وچ خُداوند نال ملن لئی بدلاں وچ بیخودی چہ چُک لئے جان گے۔ کی تُسی نجات یافتہ اُو؟ یسوع تہاڈے گناہواں دا کفارہ ادا کرن لئی صلیب تے مریا۔ اُو مُردیاں وچوں جی اُٹھیا تے آسمان وچ اپنا لہو تہاڈے سارے گناہواں نوں دھون لئی لے گیا۔ مگر تہانوں مسیح دے اگے گوڈے ٹیکنے چائیدے نے، تے نجات پان لئی تنہا اُسی تے پرہوسا کرنا چائیدا اے۔ جے تُسی سادہ ایمان دے نال مسیح دے کول جاندے اُو تے اُو خود اپنے لہو دے نال تہاڈے ہر گناہ نوں پاک صاف کر دے گا، تے تُسی نجات پا جاؤ گے، تُسی تیار ہو جاؤ گے۔

’’ اُوہناں دے نال بدلاں تے چُک لئے جاواں گے تاکہ ہوا وچ خداوند دا استقبال کرئیے‘‘ (1۔ تھسلنیکیوں 4:17).

فیر تُسی ساڈے نال گا پاؤ گے،

اوہ، خوشی، اوہ مسرت! کی سانوں مرے بغیر جانا چائیدا اے،
کوئی بیماری نئیں، اُداسی نئیں، خوف تے رونا نئیں،
اپنے خداوند دے نال جلال چہ بدلاں چہ چُک لہیا جانا،
جدوں یسوع ’’اُوہدے اپنیاں نوں‘‘ خیر مقدم کردا اے۔
اوہ خداوند یسوع، کِنی دیر ہور، کِنی دیر ہور،
اسی مسرت دا گیت اُچی آواز نال گاندے آں،
مسیح واپس آگیا! ھیلیلویاہ!
ھیلیلویاہ! آمین، ھیلیلویاہ! آمین۔
   (’’مسیح واپس آ گیا Christ Returneth‘‘ شاعر ایچ۔ ایل۔ ٹرنر H. L. Turner، 1878)۔

تُسی جو کُج وی کرو، اگلے ہفتے دے اختتام تے ایس گرجا گھر وچ خوشخبری نوں فیر سُنن لئی واپس آن نوں یقینی بناؤ۔ ڈاکٹر چعین Dr. Chan، مہربانی نال دعا وچ ساڈی رہنمائی کرو۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت گایا سی:
’’یسوع فیر آ رہیا اے Jesus is Coming Again‘‘
(شاعر جان ڈبلیو۔ پیٹرسن John W. Peterson، 1921۔2006)۔


لُبِ لُباب

ریپچر

(بائبل کی پیشنگوئی پر نمبر 5)
THE RAPTURE
(NUMBER 5 ON BIBLE PROPHECY)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

’’کیوں جے خداوند خُود بڑی للکار تے مُقرب فرشتہ دی آواز تے خدا دے نرسنگے دے پھونکے جان دے نال آسمان تے اُترے گا تے اُو سب جہیڑے مسیح وچ مر چُکے نے پہلاں زندہ ہو جان گے۔ فیر اسی جہیڑے زندہ باقی ہوواں گے اُوہناں دے نال بدلاں تے چُک لئے جاواں گے تاکہ ہوا وچ خدا دا استقبال کرئیے…‘‘ (1۔ تھسلنیکیوں 4:16۔17).

(لوقا 24:37، 39؛ اعمال 1:9۔11).

I۔ پہلی، خُداوند یسوع فضا وچ زمین دے اُتے اُترے گا،
1۔ تھسلنیکیوں 4:16الف؛ اعمال 1:11؛ لوقا 24:39؛ یوحنا 14:3؛
حوالہ دیکھیں مکاشفہ 19:11۔16؛ حوالہ دیکھیں متی24:27۔31؛ حوالہ دیکھیں زکریا14:4۔5؛ 1۔ تھسلنیکیوں 4:17۔

II. دوجی، اُو سب جہیڑے مسیح وچ مر چکے نے زندہ ہو جان گے،۔
یوحنا 11:39، 43۔44؛ اشعیا 26:19؛ 1۔ کرنتھیوں 15:52، 51۔

III۔ تیجی، جہیڑے زندہ مسیحی ہون گے اُوہناں دے نال چُک لئے جان گے،
1۔ تھسلنیکیوں 4:17؛ 1۔ کرنتھیوں 15:52۔