ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
بپتسمہ دے لئی اُمیدواراں نوں اِک سبقA LESSON TO CANDIDATES FOR BAPTISM (Punjabi – A Language of Pakistan) ڈاکٹر کرسٹوفر ایل کیگن وَلّوں by Dr. Christopher L. Cagan لاس اینجلز دی بپتسمہ دین آلی عبادت گاہ وِچ دِتا گیا اِک سبق جمعرات دی شام، 17 نومبر، 2016 A lesson given at the Baptist Tabernacle of Los Angeles Thursday Evening, November 17, 2016 ’’چنانچہ موت چہ شامل ہون دا بپتسمہ لے کے اَسی اُوہدے نلا دفن وی ہوئے تاکہ جیویں مسیح اپنے آسمانی باپ دی جلالی قوت دے وسیلہ توں مُردیاں وِچوں زندہ کیتا گیا اُویں ای اَسی وی نئی حیاتی وِچ قدم ودھائیے‘‘ (رومیوں6: 4)۔ |
تہانوں [لوکاں نوں] ایس ہفتے دی راتی بپتسمہ دِتا جائے گا۔ جدوں تُسی بپتسمہ یافتہ ہو جاؤ گے تے تُسی ایس مقامی گرجا گھر دے رُکن بن جاؤ گے۔ ایس دا مطلب کی ہوندا اے ایس دے بارے چہ مینوں بے شمار گلاں تہانوں دَس لین دیو۔
I۔ پہلی گل، بپتسمہ کی ہوندا اے؟
جدوں تُسی ساڈے پادری کولوں بپتسمہ لیندے اُو، تے تہانوں پانی دے ہیٹاں ڈبویا جائے گا تے فیر پانی توں باہر کڈ لہیا جائے گا۔ ایہہ مسیح دی موت تے جی اُٹھن دی تصویر اے۔ یسوع نوں مصلوب کر کے دفن کیتا گیا۔ تیجے دِن اُو مُردیاں وِچوں جی اُٹھیا۔ جیس طرح مسیح نوں زمین دے ہیٹاں رکھیا گیا تے فیر اُو جی اُٹھیا، ایسی طرح تہانوں پانی دے ہیٹاں رکھا جائے گا تے فیر پانی توں باہر کڈ لہیا جائے گا۔ جدوں تُسی بپتسمہ لیندے اُو، تے تُسی ایہہ ظاہر کر رئے اُو کہ تُسی مسیح تے پروہسا کیتا اے، جِنہوں دفن کیتا گیا تے جیہڑا فیر توں جی اُٹھیا۔ ساڈی تلاوت ایہو ای کہندی اے،
’’چنانچہ موت چہ شامل ہون دا بپتسمہ لے کے اَسی اُوہدے نلا دفن وی ہوئے تاکہ جیویں مسیح اپنے آسمانی باپ دی جلالی قوت دے وسیلہ توں مُردیاں وِچوں زندہ کیتا گیا اُویں ای اَسی وی نئی حیاتی وِچ قدم ودھائیے‘‘ (رومیوں6: 4)۔
بپتسمہ تہانوں پانی دے ہیٹاں ڈال کے تے تہانوں پانی توں باہر کڈ کے لینا چائیدا اے۔ جدوں فلپ نے حبشی خواجہ سرا نوں بپتسمہ دِتا، ’’اُو دوویں، فلپ تے خواجہ سرا، پانی چہ اُتر گئے۔ تے اُوہنے اُوہنوں بپتسمہ دِتا۔ تے جدوں اُو پانی توں باہر نکلے‘‘ (اعمال8: 38۔39)۔ فلپ نے خواجہ سرا دے سر تے پانی دے چند قطرے نئیں چھڑکے۔ اُوہنے اُوہنوں پانی دے ہیٹاں کیتا تے اُوہنوں پانی توں باہر کڈیا۔
بپتسمہ ایہو جئے بندے نوں دینا چائیدا اے جیہڑا پہلاں ای توں مسیح تے پروہسا کر چکیا ہووے۔ ایہنوں ’’مومن دا بپتسمہ‘‘ کہیا جاندا اے۔ کُج گرجا گھر بچے تے ماڑا جیہا پانی چھڑکدے نے تے ایہنوں بپتسمہ کہندے نے۔ لیکن اِک بچہ اپنے لئی یسوع مسیح تے پروہسا نئیں کر سکدا، یا ایہہ سمجھ نئیں سکدا کہ ایہدا کی مطلب اے کہ یسوع ایہدے لئی مر گیا تے جی اُٹھیا۔
پبتسمہ کسی بندے نوں نئیں بچاندا تے نہ ای کسی گناہ نوں دھوندا اے۔ ایہہ مسیح دا لہو اے جیہڑا گناہواں نوں دھو دیندا اے۔ بائبل کہندی اے، ’’اُوہدے پتر یسوع مسیح دا لہو سانوں سارے گناہواں توں پاک کردا اے‘‘ (1 یوحنا1: 7)۔ کُج کھوئے یا گمراہ ہوئے لوکی سوچدے نے کہ اُو نجات پا گئے نے کیوں جے اُوہناں نے بپتسمہ لہیا سی۔ لیکن بپتسمہ دا پانی کسی نوں نئیں بچاندا۔ ایہہ گناہ نوں نئیں دھوندا۔ صرف مسیح دا لہو اینج کردا اے۔ بپتسمہ صرف اِک ظاہری نشانی اے کہ تُسی مسیح تے پروہسا کیتا اے جیہڑا مر گیا تے فیر توں جی اُٹھیا۔
جدوں تُسی بپتسمہ لیہندے اُو، تے تُسی اُوس مقامی گرجا گھر دے رُکن بن جاؤ گے۔ تُسی بپتسمہ لین دے بعد عشائے ربانی دے لئی ساڈے نال شامل ہو سکو گے۔ ہُن میں ایس بارے چہ گل کرنا چاہنا آں کہ مقامی گرجا گھر کی اے۔
II۔ دوجی گل، گرجا گھر کی ہوندا اے؟
بائبل کہندی اے،
’’تے اُو ہر روز اِک دِل ہو کے ہیکل چہ جمع ہوندے سن تے گھراں وِچ روٹی توڑدے سی اِکٹھے ہو کے خوشی تے صاف دِلی نال اُوہنوں کھاندے سن۔ اُو خداوند دی تمجید کردے سن تے سارے لوکاں دی نظراں وِچ مقبول سن تے خداوند نجات پان آلیاں دی تعداد وِچ روز بروز اضافہ کردا رہندا سی‘‘ (اعمال2: 46۔47)۔
وہ یونانی لفظ جیس نے ’’کلیسیا یا گرجا گھر‘‘ دا ترجمہ کیتا ’’ایکلیسیاekklesia‘‘ اے۔ اوُس لفظ ’’ایکلیسیاekklesia‘‘ دا مطلب ہوندا اے’’بُلائے ہوئے لوکی۔‘‘ کلیسیا یا گرجا گھر اُو لوکی ہوندے نے جیہناں نوں دُنیا وِچوں مسیح تے پروہسا کرن دے لئی بُلایا جا چکیا ہوندا اے۔ گرجا گھر لوکاں دا اِک مقامی گروہ اے جِنہاں نے مسیح تے پروہسا کیتا اے تے جیہڑے باقاعدگی نال دعا کرن، انجیل دی منادی سُنن، رفاقت رکھن، اکٹھے کھانا کھان تے انجیلی بشارت کرن دے لئی اکٹھے ہوندے نے۔
بائبل کہندی اے کہ گرجا گھر بوہتا اہم ہوندا اے۔ یسوع نے کہیا، ’’میں اپنی کلیسیا قائم کراں گا تے موت وی ایس تے غالب نئیں ہو پائی گی‘‘ (متی16: 18)۔ بائبل کلیسیا نوں ’’حق دا ستون تے بنیاد‘‘ کہندی اے (1 تیموتھیس3: 15)۔ سائپرین Cyprian نے تیجی صدی چہ کہیا، ’’جیس دے کول اپنی ماں دے لئی گرجا گھر نئیں اے اُو اپنے باپ دے لئی خدا نوں نئیں پا سکدا۔‘‘ جے تُسی گرجا گھر دا حصہ نئیں اُو، تے تُسی بائبلی مسیحی نئیں اُو۔
بائبل سیکھاندی اے کہ ہر بائبلی مسیحی نوں مقامی گرجا گھر دا حصہ ہونا چائیدا اے۔ کُج لوکی کہندے نے کہ اُو اِک پُراسرار ’’کلیسیا یا گرجا گھر‘‘ دا حصہ نے جیہڑا ہر تھاں تے اے تے کدرے وی نئیں اے۔ اُو مقامی گرجا گھر نئیں جاندے، لیکن اُو کہندے نے کہ اُو اِک ’’کلیسیا‘‘ دا حصہ نے۔ لیکن بائبل مقامی گرجا گھراں دے بارے چہ بار بار دسدی اے۔ نئے عہدنامے دی کتاباں افسُس دی کلیسیا، کرنتھیوں دی کلیسیا، فلپیوں دی کلیسیا، کُلسیوں دی کلیسیا، تالونیکیوں دی کلیسیا نوں لکھی گئی نے۔ اُو ایہناں شہراں وِچ مسیحیاں دے مقامی گرجا گھراں نوں لکھے گئے سن۔ پادری جِم گنیٹ Jim Gent نے کہیا، ’’رسولاں نے گرجا گھراں دی بنیاد رکھی تے اُوہناں نے کیس ہُور شے دی بنیاد نئیں رکھی، تے مقامی گرجا گھر اَج وی، حق دا ستون تے بنیاد اے!‘‘ (جم گینٹJim Gent، خدا کہندا اے تہانوں مقامی گرجا گھر دی لوڑ پیندی اے God Says You Need the Local Church، سُمرنہ اشاعت خانے Smyrna Publications، 1994، صفحہ90)۔
ابتدائی مسیحی اپنے مقامی گرجا گھراں وِچ انتہائی چاک و چوبند سن۔ اُو ’’ہر روز اِک دِل ہو کے ہیکل وِچ جمع ہوندے سن تے گھراں وِچ توڑدے سن تے اِکٹھے ہو کے خوشی تے صاف دِلیل نال ایہنوں کھاندے سن‘‘ (اعمال2: 46)۔ ’’تے خداوند نجات پان آلیاں دی تعداد وِچ مسلسل اِضافہ کردا رہندا سی‘‘ (اعمال2: 47)۔ ایہہ لوکی ہر روز اِکٹھے ہوندے سن۔
تے اینج، اَج، بائبلی مسیحیاں نوں اپنے مقامی گرجا گھر وِچ بہوتا فعال ہونا چائیدا اے۔ ڈاکٹر جیری فال ویل Dr. Jerry Falwell نے کہیا کہ مسیحیاں نوں گرجا گھر وِچ ہونا چائیدا اے ’’ہر وری بوہا کُھلا رہندا اے۔‘‘ اُو سچے سن۔ ڈٓاکتر ٹموتھی لِن Dr. Timothy Lin نے کہیا کہ تہانوں گرجا گھر نوں اپنا ’’دوجا گھر‘‘ بنانا چائیدا اے۔ اُو دُرست سن۔ ہر ہفتے کئی وری گرجا گھر آؤ۔
ساڈے گرجا گھر وِچ، اَسی خدا دی عبادت کرن تے ہر اِتوار دی سویرے تے ہر اِتوار دی رات نوں انجیل دی منادی سُنن دے لئی ملدے نے۔ ہر اِتوار دی سویرے تے ہر اِتوار دی رات گرجا گھر وِچ رہو۔ اَسی جمعرات تے ہفتہ نوں، تے بعض اوقات دوجے دِناں وِچ، دعا تے انجیلی بشارت دے لی ملدے نے۔ اعمال دی کتاب وِچ مسیحی ’’رسولاں کولوں تعلیم پاندے تے مل جل کے رہن تے روٹی توڑن تے دعا کرن وِچ برابر مشغول رہندے سن (اعمال2: 42)۔ اُو رسولاں دی تبلیغ سُنن دے لئی اِکٹھے ہوندے سن۔ اُو اِکٹھے کھانا کھان دے لئی مِلدے سن۔ اُو اِکہو نال نماز پڑھن دے لئی ملدے سن۔
بائبلی مسیحی انجیلی بشارت کرن گے۔ مُردیاں وِچوں جی اُٹھن دے بعد، یسوع نے کہیا، ’’ایس لئی تُسی جاؤ، تے ساریاں قوماں نوں تعلیم [تے شاگرد بنا] دیو‘‘ (متی28: 19)۔ مسیح نے نہ صرف رسولاں نوں بلکہ ہر کلیسیا تے ہر مسیحی نال گل کیتی۔ ایہنے ہر مسیحی نوں انجیلی بشارت دا پرچار کرن دا حکم دِتا۔ ایس لئی اُو الفاظ بائبل وِچ موجود نے!
جدوں وی دروازہ کُھلیا ہووے گرجا گھر وِچ رہوو! گرجا گھر نوں اپنا دوجا گھر بناؤ! تے اپنی آمدنی دا دسواں حصہ [دیہ یکی] دے کے مسیح نال اپنی محبت دا اِظہار کرو۔
III۔ دیہ یکی [دسواں حصہ] کی اے ؟
لفظ ’’دیہ یکیtithe‘‘ دا مطلب اے ’’دسواں حصہ۔‘‘ ’’دیہ یکی‘‘ دا مطلب اے کہ اپنی آمدنی دا دسواں حصہ مقامی گرجا گھر نوں دینا جدوں تُسی گرجا گھر وِچ آنا شروع کردے اُو، تے تُسی تشریف لیہیا رئے اُو۔ تُسی ساڈے مہمان اُو۔ اَسی تہانوں درخواست کرنے آں کہ نزرانے دی پلیٹ وِچ کوئی رقم نہ پاؤ۔ لیکن جے تُسی کلیسیا دے بپتسمہ یافتہ رُکن اُو، یا جے تُسی بپتمسہ یافتہ رُکن بنن دے لئی مطالعہ کر رئے اُو۔ یا جے تُسی وریاں توں شرکت کر رئے اُو، تے دیہ یکی دینا صحیح شے اے۔
پرانے عہد نامے وِچ، خداوند نے یہودی لوکاں نوں دسواں حصہ دین دا حکم دِتا۔ بائبل کہندی اے، ’’دسواں حصہ… خداوند دا اے‘‘ (احبار27: 30)۔ نئے عہدنامے وِچ، یسوع نے فریسیاں نال گل کیتی۔ اُوہنے کہیا کہ اُو ’’دسواں حصہ ادا کردے نے۔‘‘ فیر اُوہنے کہیا کہ اُوہناں دے کول انصاف، رحم، تے ایمان ہونا چائیدا اے، تے دوجی گل [دسویں حصے] نوں ادھورا نئیں چھڈنا چائیدا اے‘‘ (متی23: 23)۔ بائبل دیہ یکی ادا کرنا سکھاندی اے۔
تُسی اپنے پیسیاں نال کی اِکٹھا کردے اُو ایس توں پتہ چلدا اے کہ تہاڈا دِل کیتھے اے۔ مسیح نے کہیا، ’’جیتھے تہاڈا خزانہ [تہاڈا پیسہ] اے، اُوتھے تہاڈا دِل وی ہووے گا‘‘ (متی6: 21)۔ فیر یسوع نے کہیا، ’’تُسی خدا تے [دولت] دوواں دی خدمت نئیں کر سکدے‘‘ (متی6: 24)۔ جیہڑا کُج تُسی اپنے پیسیاں نال کردے اُو ایس توں ظاہر ہوندا اے کہ آیا تُسی مسیح نال محبت کردے اُو تے ایس دی اطاعت کردے اُو۔
ہر ہفتے، تہانوں مِلن آلی رقم (اپنی آمدنی) دا دسواں حصہ الگ کرو تے جدوں اَسی دسواں حصہ لین گے تے ایہنوں ادا کرو۔ جے تہانوں ہر دو ہفتے یا مہینے وِچ اِک وری ادائیگی ملدی اے، تے دسواں حصہ تقسیم کرو تاکہ تُسی ہر ہفتے ایہنی ای رقم دے سکو۔ جے تُسی طالب علم اُو تے تہاڈی آمدنی گھٹ اے تے جیہڑا کُج تہانوں ملدا اے ایہدا دسواں حصہ دیو۔ جے تہانوں ہفتے وِچ دس ڈالر ملدے نے، تے تہاڈا دسواں حصہ ہفتے وِچ اِک ڈالر اے۔ یسوع نے کہیا، ’’جیہڑا گھٹ توں گھٹ وِچ دیانت دار اے اُو بوہتے وِچ وی وفادار اے‘‘ (لوقا16: 10)۔ جے جدوں تُسی جوان اُو تے دسواں حصہ دین وِچ وفادار اُو تے تہاڈی آمدنی گھٹ اے، تے فیر بعد چہ جدوں تہاڈے کول نوکری ہووے گی تے تُسی بوہتا پیسہ کماؤ گے، تے فیر وی تُسی وفادار رہوو گے۔
اِک بائبلی مسیحی اپنے پیسیاں نال خدا دی خدمت کرے گا۔ تے اِک بائبلی مسیحی مسیح تے اُوہدے گرجا گھر نال محبت کرے گا۔ اُو مسیح تے کلیسیا دا مخلص تے وفادار رئے گا۔
IV۔ چوتھی گل، گرجا گھر تے مسیح دے نال وفاداری کی اے؟
اِک بائبلی مسیحی دوجے لوکاں، ایتھوں تیکر کہ رشتہ داراں تے بیلیاں توں بوہتا یسوع نال محبت کرے گا۔ یسوع نے کہیا، ’’جیہڑا اپنے باپ یا ماں نوں میرے توں بوہتا پیار کردا اے اُو میرے لائق نئیں تے جیہڑا بیٹے یا بیٹی نوں میرے توں بوہتا پیار کردا اے اُو میرے لائق نئیں‘‘ (متی10: 37)۔ مسیح نے ’’اپنا ہتھ اپنے شاگرداں وِل ودھایا تے کہیا، ویکھو میرے ماں تے میرے بھائی! کیوں جے جیہڑا کوئی میرے آسمانی باپ دی مرضی تے ٹردا اے اُو ای [ایہہ لوکی] میرے بھائی، بہن تے ماں نے‘‘ (متی12: 49۔50)۔ جے تہاڈے رشتہ دار تہانوں مسیح دی پیروی کرن تے گرجا گھر آن توں روکن دی کوشش کردے نے، تے فیر وی ہر حال وِچ آؤ۔ تہانوں اپنے خاندان نال پیار کرنا چائیدا اے، لیکن تہانوں مسیح نال بوہتی محبت کرنی چائیدی اے۔
اِک بائبلی مسیحی دے کول گمراہ یا گمشدہ بیلی نئیں ہون گے – اُو بیلی جیہڑے مسیحی نئیں نے۔ بائبل کہندی اے، ’’جیہڑا کوئی… دنیا دا بیلی بنے گا اُو خدا دا دشمن اے‘‘ (یعقوب4: 4)۔ اَسی ساریاں نوں اسکول یا کم تے گمراہ ہوئے لوکاں نال گل کرنی اے، لیکن اُو ساڈے بیلی نئیں نے۔ اِک مسیحی دے بیلی دوجی مسیحی نے۔
اِک بائبلی مسیحی ساری حیاتی اپنے مقامی گرجا گھر وِچ رئے گا۔ نئے عہدنامے دا معیار ’’حیاتی بھر دے لئی اِک ای کلیسیا‘‘ اے۔ بائبل کہندی اے، ’’ایہہ لوکی ساڈے وِچوں ای نکلے نے لیکن دِل توں ساڈے نلا نئیں سن۔ جے ہوندے تے ساڈے نال ای رہندے۔ ہُن جدوں کہ ایہہ لوکی ساڈے وِچوں نکل گئے نے تے ظاہر ہو گیا کہ ایہہ لوکی دِل توں ساڈے نال نئیں سن‘‘ (1 یوحنا2: 19)۔ جیہڑے لوکی اپنے مقامی گرجا گھر نوں چھڈ دیندے نے اُو بائبلی مسیحی نئیں ہوندے۔
اِک بائبلی مسیحی بائبلی علیحدگی تے عمل کرے گا۔ جدوں لوکی مسیح تے گرجا گھر تے حملہ کردے نے تے تہانوں اینہاں توں الگ ہونا چائیدا اے۔ بائبل کہندی اے، ’’پس اے بھائیو! میں تہانوں اِلتماس کرنا آں کہ جیہڑے لوکی اُوس تعلیم دی راہ وِچ جیہڑی تُسی پائی اے روڑے اٹکاندے نے تے لوکاں وِچ پھوٹ ڈالدے نے، ایہناں توں ہوشیار رہوو تے ایہناں توں دور رہوو۔ کیوں جے ایہو جئے لوکی ساڈے خداوند مسیح دی نئیں بلکہ اپنے ٹِہڈ دی خدمت کردے نے تے چکنی چُپڑی گلاں تے خوشامد نال سادہ دِلاں نوں بہکاندے نے‘‘ (رومیوں16: 17-18)۔ جے تُسی اُوہناں دیاں گلاں سُنو گے تے ایہہ لوکی تہانوں دھوکہ دین گے۔ پولوس رسول نے ایہناں لوکاں دے بارے چہ گل کیتی ’’جیہڑے دینداراں وگری وضع تے رکھن گے لیکن حیاتی وِچ دینداری دا کوئی اثر قبول نئیں کرن گے‘‘ (2 تیمتھیس3: 5)۔ اُو مسیحی ہون دا دعویٰ کردے نے۔ ایہناں دی ظاہری شکل یا خدوخال دینداراں وگری ہوندی اے، لیکن اُو بالکل وی بائبلی مسیحی نئیں نے۔ پولوس نے کہیا، ’’ایس طرح دے لوکاں کولوں مُنہ موڑو۔‘‘ ایہناں کولوں رُخ پھیر لو!
بعض اوقات مسیح نوں [حیاتی وِچ] پہلے درجے تے رکھنا سہوکھا نئیں ہوندا۔ کدی کدی تہانوں مسیح دے لئی تکلیف چکنی پیہندی اے۔ بائبل کہندی اے، ’’اُو سارے جیہڑے مسیح یسوع وِچ دینداری نال حیاتی گزارن گے ظلم و ستم دا شکار ہون گے‘‘ (2۔ تیمتھیس3: 12)۔ لیکن بائبل ایہہ وی کہندی اے، ’’جے اَسی دُکھ سہنے آں، تے فیر اُوہدے نال بادشاہی وی کراں گے‘‘ (2۔ تیمتھیس2: 12)۔
تُسی مسیح دے لئی زندہ رہوو تے ایہدے نال حکومت کرو جدوں اُو اپنی بادشاہی قائم کرن آئے! خدا تہانوں برکت دے جیویں کہ تُسی یسوع نال محبت کردے تے خدمت کردے اُو! آمین۔
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔