Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




دُعّا وِچ ترتیب تے دلیل – حصّہ دوئم

ORDER AND ARGUMENT IN PRAYER – PART II
(Punjabi – A Language of Pakistan)

مسٹر جان سیموئیل کیگن وَلّوں
by Mr. John Samuel Cagan

لاس اینجلز دی بپتسمہ دین آلی عبادت گاہ وچ دِتا گیا اِک واعظ
ہفتے دی شام، 3 ستمبر، 2016
A sermon preached at the Baptist Tabernacle of Los Angeles
Saturday Evening, September 3, 2016

’’کاش کہ میں جانندا اُو مینوں کیتھے مل سکدا اے! کاش کہ میں اُوس دے مسکن تیکر جا سکدا! میں اپنا حال اُوہدے سامنے بیان کردا تے اپنے مُںہ نال دلائل پیش کردا‘‘ (ایوب 23:3۔4).


اَسی بحث کر رئے آں کیویں منظم تے مدلّل دعاواں کیتیاں جان۔ اینج کرن دے لئی، ایہہ اہم اے کہ تہاڈے ذہن وِچ بائبل دی کہانیاں تے آیتاں ہون۔ مشابہت تے مطابقت دے نال بحث کرنا نقطۂ نظر نوں مضبوط بنان دے لئی طاقتور ترین راہ اے۔ مشابہت و مطابقت دو شیواں دے مابین ساخت دے لحاظ توں یکسانیت دا موازنہ ہوندا اے۔ جدوں تُسی کسی بوہتی وڈی تے معجزانہ گل دے لئی دعا منگدے اُو تے کسی ایہو جئی گل دا حوالہ دیں جیہڑی خدا نے بائبل وِچ کیتی ہووے تے جیہڑی بوہتی وڈھی معجزاتی ہووے۔ جے تُسی کسی ایہو جئی گل دے لئی دعا منگ رئے اُو جیہڑی اپنے وَل کم توجہ کھیچدی اے تے کسی ایہو جئی گل دا حوالہ دیو جیہڑی روشنی پائے کہ خدا کیس قدر تفصیل تے مبنی تے مخصوص ہوندا اے۔ ایہہ سارے دا سارا صرف ایس لئی معنی خیز ہوندا اے کیوں جے اُو دعا دا جواب دیندا اے۔ بائبل وِچ ایہو جئے بے شمار واقعات نے جیتھے اُوہنے منظم، وجوہاتی تے دلیل تے مبنی دعا دا جواب دِتا اے۔ بائبل وِچ ایہو جئے بے شمار لوکاں دی مثالاں نے جِنہاں نے خدا دے نال بحث کیتی۔

I۔ پہلی گل، منظم دعا دے لئی خُدا دا ردعمل۔

موسیٰ نے بیابان وِچ اسرائیل دے لئی دعا منگی سی۔ لوکاں نے خدا توں مُنہ موڑ لہیا سی تے سونے دے اِک بچھڑے دی پوجا شروع کر دِتی سی۔ خدا نے اُوہناں نوں تباہ کرن دے لئی دھمکی دِتی سی۔ موسیٰ نے لوکاں دے لئی دعا منگی۔ بائبل کہندی اے،

’’موسیٰ نے خداوند اپنے خدا نوں رحم دی درخواست کردے ہوئے کہیا کہ اے خداوند! تیرا غضب اپنے لوکاں دے خلاف کیوں بھڑکے جِنہاں نوں توں عظیم قوت تے زور آور باز نال مصر توں کڈ لہایا؟ مصریاں نوں ایہہ کہن دا موقع کیوں ملے کہ عبرانیاں دا خدا اُوہناں نوں بُرے اِرادے نال نکال لے گیا تاکہ اُوہناں نوں پہاڑاں وِچ مارے، روئے زمین توں مٹا ڈالے؟ لہٰذا اپنے شدید قہر توں باز رہ تے اپنے لوکاں تے آفت نازل نہ کر‘‘ (خروج 32:11۔12).

موسیٰ خدا نوں کہہ رہیا سی، ’’اے خداوند، لوکی تیرے بارے وِچ کی کہن گے؟ اُو تیرے عظیم ناں دے بارے وِچ کی سوچن گے جے توں ایہناں لوکاں نوں تباہ کر دیندا اے؟‘‘ فیر موسیٰ نے خدا نوں اُوس دا وعدہ یاد دلایا:

’’اپنے بندیاں، ابراہام، اِضحاق تے یعقوب نوں یاد کر جِنہاں نوں توں اپنی ای قسم کھا کے کہیا سی کہ میں تہاڈی نسل نوں آسمان دے تاریاں وانگوں ودھاواں گا تے ایہہ سارا مُلک جیس دا میں اُوہناں نال وعدہ کیتا سی تہاڈی نسل نوں دیاں گا تے اُو ہمیشہ دے لئی ایس دے وارث ہون گے‘‘ (خروج 32:13).

موسیٰ نے خدا نوں اُوہدا وعدہ یاد دلایا جیہڑا اُوہنے ابراہام، اضحاق تے یعقوب (اسرائیل) دے نال کیتا سی، کہ اُو اُوہناں دی نسل نوں ودھائے گا تے اُوہناں نوں کنعان دی سرزمین عطا کرے گا۔ ’’جے توں ایہناں لوکاں نوں ہُنے تباہ کر دیوے گا تے تیرا وعدہ پورا نئیں ہووے گا۔‘‘ خدا نے موسیٰ دی دعا دا جواب دِتا۔ بائبل کہندی اے، ’’فیر خداوند اپنے قہروغضب توں باز آیا [ایس بارے چہ اپنا وعدہ بدل لہیا] تے اُوہنے اپنے لوکاں تے اُو آفت نازل نہ کیتی جیس دی اُوہنے دھمکی دِتی سی‘‘ (خروج14:32)۔ خدا نے اپنا اِرادہ بدل لہیا سی۔ اُوہنے لوکاں نوں تباہ نئیں کیتا سی۔ خدا نے موسیٰ دی دعا دا جواب دِتا سی۔

خدا دے لوکاں دے دُکھاں دا حوالہ دینا اِک بحث وِچ شامل ہو سکدا اے۔ ہم سارے انسان آں۔ جدوں ہولناک گلاں ہوندیاں نے، تے اَسی اُوہناں گلاں دا تجربہ درد تے تکلیف دے ذریعے توں کرنے آں۔ ایتھوں تیکر کہ یسوع وی رویا سی، جدوں لعزر مریا سی۔ جے تہاڈے کول کوئی چاہن آلا آندا اے تے اُوس درد دے بارے وِچ دسدا اے جیس وِچ اُو سن، تے ایس نوں مدد کرن دے لئی اِک درخواست دی حیثیت نال پیش کردا اے، تے ایہہ قائل کرن دے لئی قوت توں بھرپور اِک ذریعہ ہووے گا۔ خدا سانوں اُوس توں کہیں بوہتا پیار کردا اے جیہڑا اَسی کدی وی کسی دوجے بندے نوں کر سکنے آں۔ اپنے دِل دے غماں نوں، اپنے دوست دے دِل دے غماں نوں تے خدا دے لوکاں دے غماں نوں اپنے دلائل وِچ سامنے لاؤ۔

یروشلم دے تباہ ہو چکن دے بعد یرمیاہ نے دعا منگی سی، ’’اے خداوند، جو کُج ساڈے تے لنگہیا اے اُوہنوں یاد کر؛ نظر کر تے ساڈی رسوائی نوں ویکھ‘‘ (نوحہ1:5) یروشلم دے تباہ ہو چکن دے بعد، زبور نویس نے کہیا،

’’اے خدا! قوماں تیری میراث وِچ گُھس آئیاں نے، اُوہناں نے تیری مقدس ہیکل نوں ناپاک کیتا اے، اُوہناں نے یروشلم نوں کھنڈر بنا دِتا اے۔ اُوہناں نے تیرے خادماں دی لاشاں نوں ہوا دے پرندیاں دی، تے تیرے مقدساں دے گوشت نوں زمین دے درندیاں دی خوراک بنا دِتا اے۔ اُوہناں نے یروشلم دے چاروں پاسے اُوہناں دا لہو پانی وانگوں وگایا اے، تے اُوہناں نوں دفن کرن آلا کوئی نئیں اے۔ اَسی اپنے ہمسائیاں دے لئی ملامت دا، تے اپنے آس پاس دے لوکاں دے لئی مذاق تے تمسخر دا باعث بن گئے‘‘ (زبور 79:1۔4).

اُوہنے خدا نے اُوہدے یہودی لوکاں دی تکلیفاں دے بارے وِچ دسیا۔ فیر اُوہنے خدا کولوں خود اُوہدی اپنی ساکھ، خود اُوہدے اپنے ناں دا دفاع کرن دے لئی دعا منگی۔ اُوہنے خدا نوں کہیا، ’’اے ساڈے منجی خدا! اپنے ناں دے جلال دی خاطر ساڈی مدد کر؛ اپنے ناں دی خاطر سانوں نجات دے تے ساڈے گناہ بخش دے‘‘ (زبور9:79)۔ فیر اُوہنے دعا منگی، ’’غیر قوماں ایہہ کیوں کہن کہ اُوہناں دا خدا کیتھے اے؟‘‘ (زبور10:79)۔ اُوہنے گمراہ لوکاں دے وِچکار خود اُوس [خدا] دے اپنے ناں تے عزت دا دفاع کرن دے لئی دعا منگی سی۔

میں دعا منگن دے لئی کھڑا ہون توں پہلاں، اُوس بارے چہ سوچن دی کوشش کرنا واں جیہڑا خدا بائبل وِچ کر چکیا اے تے جیہڑا ساڈی موجودہ حالت تے لاگو ہو سکدا اے۔ بائبل دا حوالہ دینا خدا دے سامنے واقعے دا تعارف ہوندا اے۔ ایہہ اہم اے کہ تُسی اپنی بائبل دا مطالعہ کرو تے جدوں تُسی ایس نوں پڑھ رئے ہوو تے ایس تے توجہ دیو۔ اکثر، پاویں تُسی اِک آیت نوں لفظ بہ لفظ یاد نئیں رکھ سکدے، تاں وی تہانوں اِک تصور یاد رہ جائے گا جیہڑا تہانوں بائبل وِچوں لبھیا سی، تے تُسی اُوس آئیڈیے نوں اپنی دلیل وِچ استعمال کر سکدے اُو۔ ایہدے لئی شاید کُج سوچ وچار تے تخلیقی صلاحیت درکار ہووے، لیکن ایہو ای تے ہوندا اے جیس دی کسی بندے دے نال بحث کرن دے لئی اکثر لوڑ پیندی اے، خصوصی طور تے خدا دے نال۔ اُو ہُنے وی اُوہی خدا اے جیہڑا اُودوں سی۔ داؤد نے دعا منگی سی، ’’میرے توں روپوش نہ ہو، تو میرا مددگار رہیا اے؛ اے میرے منّجی خدا، مینوں ٹھکرائیں نا تے نا ای مینوں ترک کریں‘‘ (زبور9:27)۔

موسیٰ نے دعا منگی سی، ’’تو [سانوں] عظیم قوت تے زور آور بازو نال مصر توں کڈ لہایا‘‘ (خروج11:32)۔ اُو کہہ رہیا سی، ’’اے خداوند خدا، توں سانوں مصر دی سرزمین توں باہر کڈ لہایا۔ توں سانوں باہر محض ایس لئی نئیں نکال لہایا کہ بیابان وِچ سانوں مرن دے لئی چھڈ دے!‘‘ خدا نے دوجیاں دے لئی کی کِیتا؟ بائبل دے زمانے وِچ؟ تاریخ وِچ؟ ساڈے گرجا گھر وِچ؟ تہاڈے لئی؟ ایس بارے چہ سوچو کیویں ایہہ دلائل جو کُج خدا نے ماضی وِچ کیتا اُوس دے لئی اِک اپیل یا اِلتجا نے۔

اے خداوند خدا توں نے 18ویں صدی وِچ ویزلی Wesley تے وائٹ فیلڈ Whitefield دے لئی حیاتِ نو پیجیا سی۔
توں نے اپنی روح نوں لوئیس دے جزیریاںIsle of Lewis تے چین وِچ پیجیا سی۔ توں اپنے روں نوں ایتھے وی پیجن دے قابل اے!
توں نے میری روح نوں نجات بخشی۔ توں نے ایتھے دوجیاں دی جاناں نوں نجات بخشی۔ ایس بندے نوں وی نجات دے!
توں نے ساڈے گرجا گھر نوں اِک ہولناک پھوٹ توں بچایا۔ توں سانوں اُوہدے وِچوں صرف مرن دے لئی کڈ کے نئیں لہایا۔ ایس لئی، اے خداوند خدا، ساڈے گرجا گھر نوں جینے دا مؤجب بنا!
توں نے ساڈے لئی بوہتے وڈے عظیم کم کیتے نے جیویں (مثالیں)۔ توں نے ساڈی دعاواں دے جواب دِتے۔ توں نے دوجیاں دی دعاواں دے جواب دِتے (اپنی دعاواں دے ناں لوو یا دوجے لوکاں دی دعاواں دے بارے وِچ کہوو)۔ ایس لئی ایس دعا دا جواب دے!

ہمیشہ اُوہناں تکلیفاں، اُوس موت، اُو لہو، یسوع مسیح دی اُوس شفاعتی دعا دے بارے وِچ گل کرو۔ مسیح سانوں اُوہدے ناں وِچ دعا منگن دے لئی مدعو کردا اے۔ یسوع ساڈی راستبازی اے۔ اُو ای خدا باپ دے لئی واحد راہ اے۔ یسوع نے کہیا، ’’میرے وسیلہ دے بغیر کوئی باپ دے کول نئیں جا سکدا‘‘ (یوحنا6:14)۔ یسوع نے شاگرداں نوں کہیا، ’’جے تُسی میرا ناں لے کے مینوں کُج وی کرن دی درخواست کرو گے تے میں کراں گا‘‘ (یوحنا14:14)۔ تہاڈی خود اپنی کوئی راستبازی نئیں اے۔ خود اپنے آپ وِچ تُسی صرف اِک گنہگار اُو تے تُسی ایس تے علاوہ کدی وی کُج ہُور نئیں ہو پاؤ گے۔ لیکن جے تُسی یسوع تے پروہسا کر چکے اُو، تے خدا تہاڈے تے تہاڈے گناہواں دی معافی دے نال نظر پاندا اے، جیہڑے یسوع دے لہو دے وسیلے توں دھوئے گئے نے تے تُسی مسیح دی راستبازی نوں پا لیندے اُو۔ ایس طرح تُسی یسوع دے ناں وِچ خدا کولوں دعا منگ سکدے اُو تے خدا تہاڈی اینج ای سُنے گا جیوں کہ تُسی گنہگار نئیں اُو – درحقیقت، بالکل جیویں تُسی یسوع ای اُو۔ بائبل کہندی اے،

’’پس جدوں ساڈا اِک عظیم سردار کاہن اے… خدا دا پُتر یسوع تے آؤ اَسی اپنے ایمان تے قائم رہیے۔ … اَسی خدا دے فضل دے تخت دے کول دلیری نال چلیے تاں جے اُو ساڈے تے رحم کرے تے اَسی اُوس فضل نوں حاصل کریے جیہڑا ضرورت دے ویلے ساڈے کم آئے‘‘ (عبرانیوں 4:14،16).

بائبل کہندی اے، ’’ایس لئی پراہوو، سانوں یسوع دے لہو دے وسیلے توں اُوس نئی تے زندہ راہ توں پاک ترین مکان وِچ داخل ہون دے ہمت اے‘‘ (عبرانیوں19:10)۔ خدا دے سامنے کھلون دے لئی ساڈا خود اپنے آپ وِچ کوئی حق نئیں بنندا، مگر یسوع وِچ تے اُوہدے لہو دے وسیلے توں اَسی براہ راست اُوس [خداوند] دی حضوری وِچ داخل ہون دی ہمت کر سکنے آں۔

مسیح خدا ساڈے لئی دعا منگ رہیا اے۔ بائبل کہندی اے، ’’اُو اُوہناں دی [ساڈی] شفاعت کرن [دعا منگن] دے لئی ہمیشہ زندہ اے‘‘ (عبرانیوں25:7)۔

یاد رکھو کہ خداوند اِک ہستی اے نا کہ اِک مشین یا اِک قوت۔ خداوند دعا دا جواب دیندا اے، بِلاشُبہ تہانوں مستقل مزاج ہونا چائیدا اے تے منگدے رہنا چائیدا اے – کدی کدی کئی کئی وریاں تیکر۔ ڈاکٹر ہائیمرز نے اپنی ماں دے لئی اُوہناں دی نجات پان توں پہلاں کئی وریاں تیکر دعا منگی سی۔ میری مونسینMarie Monson، جیہڑی چین دے لئی اِک مشنری سن، اُوہناں نے حیاتِ نو ندے آن توں پہلا ایس دے لئی 20 وریاں تیکر دعا منگی سی۔ بے شمار لوکاں نے تی یا چالی وریاں تیکر حیاتِ نو دے آن توں پہلاں دعاواں منگیاں سن۔

اپنے شاگرداں نوں دعا کیویں منگنی چائیدی اے سیکھان وِچ، یسوع نے ضرورت مند دوست دی تمثیل پیش کیتی۔ اُوہنے کہیا، ’’حالانکہ اُو نئیں اُٹھے گا تے اُوہنوں نئیں دے گا، اگرچہ اُو اُوہدا بیلی اے، فیر وی اُوہدے بارے بار اِصرار کرن [ثابت قدمی، ہمت نا ہارن] دی وجہ توں اُو اُٹھے گا تے جِنہیاں روٹیاں دی اُوہنوں لوڑ اے اُوہنوں دے گا‘‘ (لوقا8:11)۔ تہانوں دعا منگدے رہنا چائیدا اے جدوں تیکر کہ جواب نئیں مل جاندا۔

یسوع نے کہیا، ’’منگو تے تہانوں دِتا جائے گا؛ لبھو تے تُسی پاؤ گے، تے کھٹکھٹاؤ تے تہاڈے واسطے کھولیا جائے گا‘‘ (متی7:7)۔ یونانی وِچ مطلب ہوندا اے ’’منگدے رہنا جاری رکھو،‘‘ ’’لبھدے رہنا جاری رکھو،‘‘ ’’کھٹکھٹاندے رہنا جاری رکھو۔‘‘ ایہدے وِچ شاید ویلہ لگے ایس توں پہلاں کہ تہانوں جواب ملے۔ یسوع نے کہیا، ’’کی خداوند اپنے چُنے ہوئے لوکاں دا حساب کرن چہ دیر کرے گا جیہڑا دِن راتی اُوہنوں فریاد کردے نے، اگرچہ اُو اُوہناں دی گل ملتوی کردا اے‘‘ (لوقا7:18)۔ کیوں کدی کدی ایہدے وِچ جواب ملن توں پہلاں بوہتا ویلہ لگدا اے؟ کیوں جے خداوند اِک ہستی اے ناکہ اِک قوت۔ جے خدا کوئی مشین یا قوت ہوندا، تے تُسی صرف اِک وری دعا منگدے تے جواب مل جاندا۔ مگر خداوند اِک ہستی اے۔ کدی کدی جواب دین توں پہلاں، خداوند بوہتا ویلہ انتظار کردا اے۔

چونکہ خداوند اِک ہستی اے، کوئی قوت نئیں اے، کدی کدی جواب ’’نئیں‘‘ ہوندا اے۔ دعا کوئی جادو نئیں ہوندی اے۔ ایہہ خدا [نال کھیلواڑ کرنا یا اُوہدی] طاقت دا ناجائز فائدہ چُکنا نئیں ہوندا۔ دعا خداوند نوں عمل کرن تے مجبور نئیں کر سکدی۔ دعا خداوند کولوں عمل کرن دی گزارش کردی اے۔ خداوند قوت نئیں اے۔ اُو اِک ہستی اے۔ چونکہ اُو اِک محبت کرن آلا تے نگہبانی کرن آلا خدا اے، اُو دعا دا جواب دیندا اے؛ اِک قوت دی حیثیت نال خود کار طریقے توں نئیں، بلکہ اِک ہستی دی حیثیت توں جیہڑی دوجے بندے نوں جواب دیندی اے۔

تُسی ہمیشہ اُو نئیں پاؤ گے جیہدے لئی تُسی دعا منگدے اُو۔ خداوند اِک ہستی اے۔ اُو شاید ’’نئیں‘‘ کہندا اے۔ اِک نوجوان کُڑی دی حیثیت نال ایمی کارمیخائل Amy Carmichael نامی مشنری نے خدا کولوں اُوہدیاں اَکھاں دی رنگت بدلن دے لئی کہیا۔ اینج نئیں ہویا، تے اُوہنے تعجب کیتا کہ کیوں؟ جدوں تیکر خدا نے دَس نئیں دِتا کہ جواب ’’نئیں‘‘ سی بالکل جیویں جواب ’’ہاں‘‘ ہوندا اے۔

II۔ دوجی گل، منظم دعا خدا دے وعدے دا دعویٰ کردی اے۔

خداوند سچا اے۔ خداوند ایماندار اے۔ خداوند اپنے وعدیاں نوں نبھاندا اے۔ ساری دی ساری بائبل سچی اے۔ کوئی وی گل جیہڑی خداوند بائبل وِچ کہندا اے دعا وِچ حق دی حیثیت نال دعوےٰ دے طور تے کہی جا سکدی اے۔ یسوع نے کہیا، ’’تیرا کلام حق اے‘‘ (یوحنا17:17)۔ اُوہنے کہیا، ’’پاک کلام غلط نئیں ہو سکتا‘‘ (یوحنا35:10)۔

خداوند دے لفظاں دا دعویٰ ایس طریقے نال کرو:

’’تُو نے کہیا‘‘ (پیدائش 32:12).
’’جیویں توں کہیا اُونج ای کریں‘‘ (2۔ سموئیل 7:25).

داکٹر ہائیمرز دا پسندیدہ زبور، زبور27 اے۔ جدوں اُو دو وریاں دے سن تے اُوہناں دے ابو چھڈ کے چلے گئے۔ جدوں اُو بارہ وریاں دی عمر دے ہوئے تے اُو اپنی امی دے نال نئیں رہ سکدے سی، تے کئی وریاں تیکر اُوہناں نوں اُوہناں دے رشتے داراں دے نال رہنا پہیا جیہڑے اُوہناں دی پرواہ نئیں کردے سن۔ اُوہناں نے زبور10:27 وِچ سکون پایا، ’’خواہ میرے ماں پیو مینوں ترک کر دین تاں وی خداوند مینوں قبول کرے گا۔‘‘

یسوع نے کہیا، ’’تہاڈے وِچوں ایہو جیہا کون اے کہ جے اُوہدا پُتر روٹی منگے تے اُو اُوہنوں پتھر دے گا۔ یا جے مچھلی منگے تے اُوہنوں سَپ دے؟ جے تُسی ہون دے باوجود اپنے بچیاں نوں چنگی شیواں دینا جانندے اُو تے تہاڈا آسمانی باپ اُوہناں نوں جیہڑے اُوہدے کولوں منگدے نے، تہاڈے توں ودھ کے چنگی شیواں کیوں نئیں دے گا؟‘‘ (متی9:7۔11)۔ میرے ابو، ڈاکٹر کیگن Dr. Cagan، ایہناں آیتاں دا کئی وری دعویٰ کر چکے نے۔ اُوہناں نے کہیا، خداوندا، جے میرا پُتر مچھلی منگے گا تے میں اُوہنوں سَپ تے نئیں دیاں گا۔ جے اُو میرے توں روٹی منگے گا تے میں اُوہنوں پتھر تے نئیں دیاں گا۔ تے خداوندا، توں وی میرے نال اُوسی طرح دا برتاؤ نئیں کرے گا۔ خداوندا، میں دعا منگنا آں، مینوں اُو دے جیہدی مینوں لوڑ اے۔‘‘ تے خدا نے دِتا۔

میرے ابو نے خدا دے کلام دا دعویٰ چنگی گلاں نوں منگن دے لئی کیتا – جِنہاں دی اُوہناں نوں لوڑ سی۔ تُسی خدا دے کلام دا دعویٰ جیس شے دی تہانوں لوڑ ہوندی اے اُوہنوں منگن دے لئی کر سکدے اُو۔ تے تُسی خدا دے کلام دا دعویٰ اُوہدی مدد منگنے دے ل ئی تے اُوہدی حضوری منگن دے لئی کر سکدے اُو – کہ خداوند پاک روح نے پیجے۔ مسیح نے کہیا، ’’جدوں تُسی پیہڑھے ہو کے وی اپنے بچیاں نوں چنگیاں شیواں دینا جانندے اُو تے کی آسمانی باپ اُوہناں نوں پاک روح افراط نال عطا نئیں کرے گا جیہڑے اُوہدے توں منگدے نے؟‘‘ (لوقا11:13)۔

مسیح نے اُوہدے ناں وِچ اُوہدے ذریعے توں منگی جان آلی دعا دا وعدہ کیتا سی۔ یسوع نے کہیا، ’’جے تُسی میرا ناں لے کے میرے توں کُج وی کرن دی درخواست کرو گے تے میں ضرور کراں گا‘‘ (یوحنا14:14)۔ جدوں تُسی دعا منگو تے اُوس وعدے دا دعویٰ کرو۔

یسوع نے خصوصی طور تے گرجا گھر وِچ دعائیہ جلسیاں وِچ یا چھوٹے گرہواں وِچ جیہڑی دعا منگن دے لئی اِکٹھے ہوندے نے، لوکاں دے گروہواں دے وسیلے توں کی جان آلی دعا نوں سُنن دا وعدہ کیتا سی۔ مسیح نے کہیا، ’’جے تہاڈے وِچوں دو شخص اِتفاق کر کے جیہڑا کُج چاہن کہ ہو جائے اُو میرے آسمانی باپ کی طرف سے اُوہناں دے لئی ہو جائے گا‘‘ (متی19:18)۔ فیر، یسوع نے کہیا، ’’جیتھے دو یا تِن میرے ناں تے اِکٹھے ہوندے نے اُوتھے میں اُوہناں دے درمیان موجود ہونا واں‘‘ (متی20:18)۔ اُو وعدے دا دعویٰ کرو جدوں تُسی دعا منگو۔

خدا نے ساڈی ضرورتاں نوں پورا کرن دا وعدہ کیتا سی۔ بائبل کہندی اے، ’’میرا خدا یسوع مسیح دے ذریعہ اپنے جلال دی دولت نال تہاڈی ساریاں ضرورتاں پوری کر دے گا‘‘ (فلپیوں19:4)۔ ایس دا مطلب ایہہ نئیں ہوندا کہ خداوند تہانوں امیر کر دے گا جے تُسی روپے منگو۔ ایس دا مطلب ہوندا اے کہ خداوند تہاڈی ساری ضرورتاں نوں پورا کرے گا۔ تے اُو کرے گا! خداوند دے کلام وِچوں اُوس وعدے دا دعویٰ کرو جدوں تُسی دعا منگو!

خدا نے تہانوں اُو کرن دے لئی جیہڑا تہانوں کرنا چائیدا اے تقویت بخشن دا وعدہ کیتا سی۔ بائبل کہندی اے، ’’جیہڑے خداوند توں اُمید رکھدے نے [’خداوند توں اُمید رکھن تو مراد دعا منگنا اے!] اُو ازسرِنو تقویت پان گے۔ اُو عقاباں وانگوں پراں تے اُڈن گے؛ اُو نٹھن گے لیکن تکھن نہ پان گے، ٹُرن گے تے نقاہت محسوس نہ کرن گے‘‘ (اشعیا31:40)۔ اُوس وعدے دا دعویٰ کرو جدوں تُسی دعا منگو!

خدا نے تہانوں سُنن دا وعدہ کیتا اے جے تُسی اُوہنوں پکارو جدوں تُسی مصیبت وِچ ہوو۔ خداوند نے کہیا، ’’مصیبت دے دِن مینوں پکار: میں تیہنوں چھُڑاواں گا تے تُو میری تمجید کرے گا‘‘ (زبور 15:50). اُوس وعدے دا داعویٰ کرو۔ خُدا نوں کہوو جیہڑا اُوہنے اپنے کلام وچ کہیا۔ فیر اُوہنوں پکارو۔ ’’خُداوندا، میں مصیبت وچ آں۔ مہربانی نال میری مدد فرما۔‘‘

خُدا نے تہانوں سُنن دا وعدہ کیتا اے ایتھوں تیکر کہ جے تُسی گلاں لئی وی دعا منگو – جیویں کہ حیاتِ نو – جیہڑا تُسی کدی وی نئیں ویکھیا۔ خُداوند نے کہیا، ’’مینوں پکار تے میں تیہنوں جواب دواں گا تے تیہنوں نہایت غیر معمولی تے پوشیدہ گلاں دساں گا جنہاں نوں تُو نئیں جانندا‘‘ (یرمیاہ33:3)۔ اُوس وعدے دا داعویٰ کرو جدوں تسی حیاتِ نو لئی دعا منگو۔

اُوہناں گلاں لئی جیہڑیاں ناممکن وکھائی دیندیاں نے دعا منگن لئی خوفزدہ نہ ہوو۔ مسیح نے کہیا، ’’خُدا لئی سب کُج ممکن اے‘‘ (مرقس10:27)۔ یرمیاہ نے خُداوند نوں کہیا، ’’تیرے لئی کوئی کَم دشوار نئیں‘‘ (یرمیاہ32:17)۔

تُسی اُوہناں گلاں لئی دعا منگ سکدے اُو جنہاں تے تُسی یقین نئیں کردے کہ ہو جان گئیاں، یا ہو سکدیاں نے۔ اِک بندے نے مسیح نے دسیا کہ کیویں اُوہدا پُتر اِک آسیب دی وجہ نال ستایا گیا سی۔ مسیح نے اُوہنوں کہیا، ’’ہو سکن دی کی گل اے، جیہڑا بندہ اعتقاد رکھدا اے اُوہدے لئی سب کُج ہو سکدا اے‘‘ (مرقس9:23)۔ اُوس بندے نے کہیا، ’’میں اعتقاد رکھنا واں، تے میرے اعتقاد نوں ہور وی پُختہ کر دے‘‘ (مرقس9:24)۔ مسیح نے اُوس مُنڈے نوں بدروح توں چھُٹکارا دلایا حالانکہ اُوہدا پیو یقین نئیں رکھدا سی کہ ایہہ ہو جاوے گا۔ خُداوند تہانوں دعا منگن لئی حوصلہ دیندا اے ایتھوں تیکر کہ جے تہاڈا ایمان کمزور وی ہووے، ایتھوں تیکر کہ جے تُسی یقین نئیں کردے ہوو کہ تہانوں جواب ملے گا۔

ڈاکٹر ہائیمرز نے ’’بے اعتقادی تے حیاتِ نو – اِک نئی بصیرتUnbelief and Revival – a New Insight‘‘ نامی اِک واعظ دی منادی کیتی سی۔ اُوہناں نے ظاہر کیتا کیویں تُسی گلاں لئی دعا منگ سکدے اُو، جیویں کہ حیاتِ نو دا معجزہ، اگرچہ کہ تُسی ایہنوں کدی وی نئیں ویکھیا۔ خُداوند نے بائبل وچ کہیا، ’’میں پیاسی زمین تے پانی اُنڈیلاں گا تے خشک زمین تے ندیاں جاری کراں گا؛ میں اپنی روح تیری نسل تے تے اپنی برکت تیری اولاد تے نازل کراں گا‘‘ (اشعیا44:3)۔ لوئیس دے جزیریاں Isle of Lewis تے اِک بندے نے دعا وچ اُوس وعدے دا داعویٰ کیتا سی۔ تے خُدا نے اوتھے اِک بوہتا عظیم حیاتِ نو بھیجیا سی۔

بائبل وچ بہتیرے، بے شمار وعدے نے۔ خدا اپنے کلام دی عزت رکھے گا۔ دعا وچ اُوہدے کلام دا داعویٰ کرو۔ اُوہدے وعدیاں دا داعویٰ کرو! خُدا تہاڈی دعا دے منظم دلائل نوں سُنے گا۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

دُعّا وِچ ترتیب تے دلیل – حصّہ دوئم

ORDER AND ARGUMENT IN PRAYER – PART II

مسٹر جان سیموئیل کیگن وَلّوں
by Mr. John Samuel Cagan

’’کاش کہ میں جانندا اُو مینوں کیتھے مل سکدا اے! کاش کہ میں اُوس دے مسکن تیکر جا سکدا! میں اپنا حال اُوہدے سامنے بیان کردا تے اپنے مُںہ نال دلائل پیش کردا‘‘ (ایوب 23:3۔4).

I.    پہلی، منظم دعا دے لئی خداوند دا ردعمل، خروج32:11۔12، 13، 14؛
نوحہ5:1؛ زبور79:1۔4، 9، 10؛ زبور27:9؛ یوحنا14:6، 14؛
عبرانیوں4:14، 16؛ 10:19؛ 7:25؛ لوقا11:8؛ متی7:7؛ لوقا18:7 .

II.   دوجی، منظم دعا خدا دے وعدیاں دا دعویٰ کردی اے، یوحنا17:17؛
یوحنا10:35؛ پیدائش 32:12؛ 2۔ سموئیل 7:25؛ زبور 27:10؛
متی 7:9۔11؛ لوقا 11:13؛ یوحنا 14:14؛ متی 18:19،20؛
فلپیوں 4:19؛ اشعیا 40:31؛ زبُور 50:15؛ یرمیاہ 33:3؛
مرقس 10:27؛ یرمیاہ 32:17؛ مرقس 9:23، 24؛ اشعیا 44:3۔