Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




مسیح دے زخم

THE WOUNDS OF CHRIST
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وچ دِتا گیا اِک واعظ
خُداوند کے دِن کی سویر، 26 جون، 2016،
A sermon preached at the Baptist Tabernacle of Los Angeles
Lord's Day Morning, June 26, 2016

’’اُوہنے اُوہناں نوں اپنے ہتھ تے پیر وکھائے‘‘ (لوقا 24:40).


میں مسیح دے زخماں تے منادی کرن جا رہیا واں۔ اُوہنوں صلیب تے کیلّاں نال جڑیا گیا سی۔ اُوہدے مُردیاں وِچوں جی اُٹھن دے بعد ہُنے تیکر اُوہدے ہتھاں تے پیراں وِچ ہُنے تیکر سوراخ سن۔ اپنے مُردیاں وِچوں زندہ جی اُٹھن دے بعد اُوہنے اُو زخم اُوہناں نوں وکھائے سن۔ اُو صلیب تے تہاڈےگناہواں دا مکمل کفارہ ادا کرن دے لئی کِیلاں نال جڑیا گیا سی۔ اپنے گناہ توں تہاڈی نجات پا سکن دے لئی واحد راہ یسوع دے کول آنا تے اُوسی تے پروہسا کرنا اے۔

لیکن تُسی کدی وی یسوع تے پروہسا نئیں کرو گے جدوں تیکر کہ تُسی گناہ دے بارے چہ قصوروار محسوس نئیں کرو گے۔ تُسی اِک چنگا انسان بنن دے ذریعے نال خود نوں بچان دی کوشش کرو گے۔ لیکن تُسی اقرار کرنا نئیں چاہو گے کہ تُسی اِک گواچے ہوئے گنگہار اُو۔ تُسی اقرار کرنا نئیں چاہندے کہ یسوع ای اُو واحد ہستی اے جیہڑی صلیب تے اپنی موت دے وسیلے نال تہانوں گناہ توں بچا سکدی اے۔ تُسی اِقرار کرنا نئیں چاہندے کہ تُسی گنہگار اُو جیویں کائی پرنگ Kai Perng نے کیتا سی۔ کائی نے کہیا، ’’میں جانندا سی کہ میں اِک گنہگار سی۔ میں اِک چنگا بچہ بنن دی کوشش کیتی سی، مینوں ایس نال کوئی فرق نئیں پیندا سی میں کِنی ای سخت کوشش کردا میں خود نوں تبدیل نئیں کر پاندا سی۔ مینوں احساس ہویا کہ میں اِک گمراہ گنہگار سی، کہ میں خدا دے خلاف گناہ کیتا سی… میں محسوس کیتا سی کہ میں نااُمید سی۔‘‘ میں بالکل اُوہی الفاظ پچھلے اِتوار دی سویرے اپنے واعظ وِچ پڑھے سن، میں خود نے تبدیل نئیں کر پایا سی۔ مینوں احساس ہویا میں گنہگار سی۔ میں محسوس کیتا میں نااُمید سی۔ ایہدے باوجود چند اِک گھنٹے بعد میں اِک چینی کُڑی کولوں پُچھیا آیا اُوہنے نجات پا لئی سی۔ اُوہنے کہیا، ’’جی ہاں۔‘‘ میں اُوہنوں پُچھیا اُوہنے کیویں نجات پائی سی۔ اُوہنے کہیا کہ اُوہنے خود نوں بدلیا سی تے اِک بہتر انسان بن گئی سی۔ اُوہنے کہیا کہ ہُن اُو اپنے ماں پیو دی فرمانبرداری کردی سی۔ اُوہنے نوں خود نوں اِک بہتر انسان بنا لہیا سی! میں مشکل نال ای یقین کر پایا کہ اُوہنے اے کہیا سی! اُوہنے خود نوں تبدیل کر لہیا سی۔ اُوہنے خود نوں اِک بہتر انسان بنا لہیا سی! ناقابلِ یقین!

اُو ساڈے گرجا گھر وِچ اِک لمبے عرصے توں سی۔ اُو میری منادی نوں کئی وری بارہا سُن چکی سی، جیہڑی کہندی سی کہ تُسی اپنے آپ نوں تبدیل کرن تے اِک چنگے انسان بنن دے ذریعے نال نجات نئیں پا سکدے۔ اُو مینوں کئی وری بارہا سُن چکی سی کہ تُسی صرف یسوع دے وسیلے نال نجات پا سکدے اُو، جیہڑا تہاڈے گناہ دا کفارہ ادا کرن لئی صلیب تے قربان ہویا سی۔ ایہدے باوجود ایس تمام توں ایہنوں بالکل وی کوئی فائدہ نئیں ہویا سی! اُو بالکل ایہو ای سوچدی رئی سی کہ اُو خود نوں بدل سکدی سی تے نجات دلا سکدی سی۔ اُوہنے تے ایتھوں تیکر کہ یسوع دا تذکرہ تیکر نئیں کیتا! اِک وری وی نئیں! ایتھوں تیکر کہ اِک وری وی اُوہنے یسوع دا اُو ناں تیکر نئیں لہیا!

اَج دی سویر میں تہانوں کہنا واں – تُسی کدی وی نجات نئیں پاؤ گے جدوں تیکر کہ تُسی محسوس نئیں کردے کہ تُسی اِک نااُمید گنہگار اُو۔ جے تُسی کدی وی محسوس نئیں کردے کہ تُسی اِک نااُمید گنہگار اُو تے تسی کدی وی اپنے لئی یسوع دی لوڑ نوں محسوس نئیں کر پاؤ گے – تہاڈے گناہ دا کفارہ ادا کرن دے لئی اُوہدا صلیب تے قربان ہونا۔ تے اَج دی سویر میرا واعظ تہاڈے لئی کوئی معنی نئیں رکھے گا – جدوں تیکر کہ پاک روح تہانوں گناہ تو بھرپور تے مایوس نئیں بنا دیندا۔ صرف جدوں تُسی گناہ توں بھرپور تے نااُمید محسوس کرو تے صرف اُوہدوں ای تُسی سمجھ پاؤ گے کہ کیوں یسوع نے اُوہناں نوں اپنے ہتھاں تے پیراں وِچ سوراخ وکھائے سن۔

’’اُوہنے اُوہناں نوں اپنے ہتھ تے پیر وکھائے‘‘ (لوقا 24:40).

اُوہنے کیوں اُوہناں نوں اپنے ہتھاں تے پیراں وِچ اُوہناں زخماں نوں وکھایا سی؟ اُوہدی وجہ کی سی؟ اُوہنے اُوہناں نوں اپنے زخم کیوں وکھائے سن؟ میں تہانوں تِن وجوہات پیش کراں گا کیوں،

’’اُوہنے اُوہناں نوں اپنے ہتھ تے پیر وکھائے‘‘ (لوقا 24:40).

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I۔ پہلی گل، یسوع نے اُوہناں نوں اپنے زخم وکھائے تاکہ اَسی جان جائیے کہ اُو اُوہی ہستی سی جِنہوں صلیب تے مصلوب کیتا گیا سی۔

توہم پرست بدعتیوں نے کہیا کہ یسوع حقیقتاً صلیب تے نئیں مویا سی۔ اَج بُہتیرے لوکی نے جیہڑے ایہہ یقین نئیں کردے کہ خُدا اپنے پُتر نوں ایس قدر ہولناک موت مرن دے گا۔ یسوع جانندا سی کہ اُوہدی مصلوبیت نوں لے کے بوہتی بے اعتقادی ہو جائے گی۔ ایہہ پہلی وجہ اے کیوں،

’’اُوہنے اُوہناں نوں اپنے ہتھ تے پیر وکھائے‘‘ (لوقا 24:40).

یسوع چاہندا سی کہ ہر کوئی جان جائے کہ واقعی چہ اُوہنے صلیب تے مصیبتاں برداشت کیتیاں تے مریا سی۔ ایسے لئی، اُوہنے اپنے شاگرداں نوں اپنے زخم وکھن دِتے، تے ایتھوں تیکر کہ اُوہناں نوں چھون دِتا۔ یوحنا رسول جیہڑا ایہدا اِک چشم دید گواہ اے، اُوہدے بارے چہ دسدا اے ’’اَسی اُوہنوں سُنیا تے اپنی اَنکھاں نال ویکھیا، بلکہ غور نال ویکھا تے اپنے ہتھاں نال اُوہنوں چھویا وی اے‘‘ (1۔یوحنا1:1)۔ ڈاکٹر واٹز Dr. Watts نے کہیا،

ویکھو، اُوہدے سر توں، اُوہدے ہتھاں توں، اُوہدے پیراں توں،
   دُکھ تے محبت کٹھے رل کے ھیٹاں وگدے نے
کی کدی ایہو جئی محبت تے دُکھ ملے نے،
   یا کنڈیاں نے ایس قدر اعلیٰ تاج بنایا ہوے؟
(’’جدوں میں حیرت انگیز صلیب دا جائزہ لینا واں When I Survey the Wondrous Cross‘‘ شاعر آئزک واٹز، ڈی۔ ڈی۔ Isaac Watts, D. D.، 1674۔1748)۔

صلیب وِچ صلیب وِچ،
   ہمیشہ میرا جلال ہو؛
جدوں تیکر کہ میری بے خود جان پا نہ لئے
   دریا توں پرے آرام۔
(’’صلیب دے نیڑے Near the Cross‘‘ شاعر فینی جے۔ کراسبیFanny J. Crosby ، 1820۔1915)۔

’’اُوہنے اُوہناں نوں اپنے ہتھ تے پیر وکھائے‘‘ (لوقا 24:40).

II۔ دوجی گل، یسوع نے اُوہناں نوں اپنے زخم وکھائے تاکہ اَسی جان جائیے کہ اُو ساڈے گناہواں دے لئی مصائب زدہ متبادل اے۔

یوحنا بپتسمہ دین آلے نے کہیا سی،

’’دیکھو خدا دا برّہ جیہڑا دُںیا دا گناہ اُٹھا لے جاندا اے‘‘ (یوحنا 1:29).

لیکن اُوہنے صحیح طور تے آشکارہ نئیں کیتا سی کہ کیویں یسوع ساڈے گناہواں نوں اُٹھا لے جائے گا۔ ایہہ اُوس ویلے تیکر نئیں ہویا سی جدوں تیکر کہ یسوع مُردیاں وِچوں جی نہ اُٹھیا کہ شاگرد جان جان کہ یسوع،

’’... آپئے اپنے ہی پینڈے تے ساڈے گناہواں دا بوجھ لئے ہوئے صلیب تے چڑھ گیا‘‘ (1۔ پطرس 2:24).

ایہہ صرف اُوہدے ہتھاں تے پیراں وِچ کِلّاں دے نشاناں نوں ویکھن دے بعد سی کہ اُو جان گئے،

’’مسیح نے وی یعنی راستباز نے ناراستاں تے گناہواں دے بدلہ چہ اِک ای وری دُکھ اُٹھایا تاں جے اُو سانوں خدا تیکر پہنچائے‘‘ (1۔ پطرس 3:18).

ایہہ دوجی وجہ اے،

اُو چاہندا سی کہ اَسی یقینی طور تے جان جائیے کہ ساڈے گناہواں دا کفارہ ادا کرن دے لئی اُوہنے مصیبتاں برداشت کیتیاں تے صلیب تے مریا، تاکہ اَسی گناہ تے جہنم توں بچا لیے جائیں۔ اُو چاہندا سی کہ اَسی اُوہدے ہتھاں تے پیراں وِچ کِلّاں دے نشاناں نوں ویکھیے تاکہ اَسی جان جائیے کہ خدا دا قہر صلیب تے اُوہدے تے پیہیا سی، کہ اَسی جان جائیے کہ

’’اُوہدے فضل دے سبب اُس مخلصی دے وسیلے نال جیہڑی یسوع مسیح وِچ اے مفت راستباز ٹھہرائے جانے آں خدا نے یسوع نوں مقرر کیتا کہ اُو اپنا لہو وگائے تے انسان دے گناہ دا کفارہ بن جائے تےاُوس تے ایمان لہیان آلے فائدہ چُکن‘‘ رومیوں 3:24۔25).

ایسے لئی،

’’اُوہنے اُوہناں نوں اپنے ہتھ تے پیر وکھائے‘‘ (لوقا 24:40).

ڈاکٹر واٹز دا حمد و ثنا دا گیت گاؤ!

ویکھو، اُوہدے سر توں، اُوہدے ہتھاں توں، اُوہدے پیراں توں،
   دُکھ تے محبت کٹھے رل کے ھیٹاں وگدے نے
کی کدی ایہو جئی محبت تے دُکھ ملے نے،
   یا کنڈیاں نے ایس قدر اعلیٰ تاج بنایا ہوے؟

’’صلیب وِچ‘‘ اینوں گاؤ!

صلیب وِچ صلیب وِچ،
   ہمیشہ میرا جلال ہو؛
جدوں تیکر کہ میری بے خود جان پا نہ لئے
   دریا توں پرے آرام۔

’’اُوہنے اُوہناں نوں اپنے ہتھ تے پیر وکھائے‘‘ (لوقا 24:40).

III۔ تیجی گل، یسوع نے اُوہناں نوں اپنے زخم وکھائے تاکہ اَسی جان جائیے کہ زمانیاں توں اُوہی نجات دہندہ اے۔

سانوں دائمی مخلصی دلان لئی مسیح اپنے زخم تے اپنا لہو آسمان وچ اپنے نال لے گیا۔

’’کیوں جے مسیح اِنسانی ہتھاں دے بنائے ہُوئے مکان وچ جیہڑا حقیقی پاک مکان دی نقل اے داخل نئیں ہُویا بلکہ آسمان ای وچ داخل ہویا جیتھے اُو ساڈی خاطرخدا دے روبرو حاضر اے‘‘ (عبرانیوں 9:24).

آسمان وچ خُدا دے سجے ہتھ تے بئے ہوئے، یسوع دے زخم ہمیشہ تے ابد تیکر لئی خُدا تے فرشتیاں لئی اِک یاد دہانی نے کہ،

’’اُو ساڈے گناہواں دا کفّارہ اے تے نہ صرف ساڈے ای گناہواں دا بلکہ ساری دُنیا دے گناہواں دا کفّارہ اے‘‘ (1۔ یوحنا 2:2).

ایہدے باوجود بوہتے لوکی اج دُنیا وچ یسوع نوں قبول نئیں کردے نے۔ زیادہ تر لوکی خود اپنے نیک کماں تے خود اپنے مذہبی عقیدیاں دے ذریعے نال وچائے جانا چاہندے نے۔ ایس لئی اُو یسوع نوں قبول نئیں کردے نے، جیہڑا نجات لئی خُدا دی فراہمی اے۔ خُدا تیکر جان لئی یسوع ای واحد راہ اے کیوں جے ساڈے گناہواں دی ادائیگی لئی واحد اُو ای سی جیہنے مصائب برداشت کیتے تے قربان ہویا۔ کسی دوجے مذھبی رہنما نے ایہہ نئیں کیتا – نا ای کنفوشیئس نے، نا ای بُدھا نے، نا جوزف سمتھ نے، کسی نے وی نئیں! ایہہ صرف یسوع ای دے بارے وچ کہیا جا سکدا اے،

’’اُو ساڈیاں خطاواں دے سبب نال گھائل کیتا گیا، تے ساڈی بداعمالی دے باعث کُچلا گیا؛ جیہڑی سزا ساڈی سلامتی دا باعث ہُوئی اُو اُوہنے چُکی، تے اُوہدے کوڑے کھان نال اسی شفایاب ہوئے‘‘ (اشعیا 53:5).

صرف یسوع دے بارے وچ ایہہ کہیا جا سکدا اے،

’’مسیح یسُوع گنہگاراں نوں نجات دین لئی دُنیا وچ آیا‘‘ (1۔ تیموتاؤس 1:15).

ایہہ صرف یسوع دے بارے وچ کہیا جا سکدا اے،

’’لیکن خُدا ساڈے لئی اپنی محبت ایویں ظاہر کردا اے کہ جدوں اسی گنہگار ای ساں تے مسیح نے ساڈی خاطر اپنی جان قُربان کر دِتی‘‘ (رومیوں 5:8).

اِیس ای لئی،

’’اُوہنے اُوہناں نوں اپنے ہتھ تے پیر وکھائے‘‘ (لوقا 24:40).

ڈاکٹر واٹز دا حمد و ثنا دا گیت فیر گاؤ!

ویکھو، اُوہدے سر توں، اُوہدے ہتھاں توں، اُوہدے پیراں توں،
   دُکھ تے محبت کٹھے رل کے ھیٹاں وگدے نے
کی کدی ایہو جئی محبت تے دُکھ ملے نے،
   یا کنڈیاں نے ایس قدر اعلیٰ تاج بنایا ہوے؟

’’صلیب وِچ‘‘ اینوں گاؤ!

صلیب وِچ، صلیب وِچ،
   ہمیشہ میرا جلال ہووے؛
جدوں تیکر کہ میری بے خود جان پا نہ لئے
   دریا توں پرے آرام۔

ایتھوں تیکر کہ جدوں یسوع دوجی وری آئے گا، تے اُوس ویلے وی اُوہدے ہتھاں تے پیراں تے مصلوبیت دے نشان موجود ہون گے۔ مسیح نے زکریا نبی دی معرفت کہیا،

’’تے اُو اُوہدے تے جیہنوں اُوہناں نے چھیدیا سی اینج دا ماتم کرن گے‘‘ (زکریاہ 12:10).

اُو جیہڑے زندہ نے مسیح لئی رُخ نئیں موڑن گے، جہنم وچ ابدیت تیکر دُکھ وچ ماتم کردے رہن گے۔ عظیم سپرجیئن نے کہیا، ’’اُو چھیدے ہوئے ہتھ تے اُو گھاؤ آلی پسلی تہاڈے خلاف گواہی ہون گے، حتیٰ کہ بدکار اعمال دے ذریعے نال مسیح دے دشمنوں تہاڈے خلاف، جے تُسی اُوہنوں قبول نہ کردے ہوئے مر جاندے اُو، تے ابدیت وچ داخل ہوندے اُو بدکار کماں دے ذریعے نال مسیح دے دشمنوں‘‘ (سی۔ ایچ۔ سپرجیئن C. H. Spurgeon، ’’یسوع دے زخم The Wounds of Jesus،‘‘ پارک سٹریٹ دی نئی واعظ گاہ The New Park Street Pulpit، پلگرِم اشاعت خانے Pilgrim Publications، جلد پنجم، صفحہ237)۔

’’اُوہنے اُوہناں نوں اپنے ہتھ تے پیر وکھائے‘‘ (لوقا 24:40).

لیکن سپرجئین نے فیر کہیا،

ویچارے گنہگار… کی تُسی [یسوع دے کول] آن لئی خوفزدہ اُو؟ تے فیر اُوہدے ہتھاں تے نظر پاؤ – اُوہدے پیراں تے نطر پاؤ، کی ایہہ تہانوں قائل نئیں کرن گے؟ … اُوہدی پسلی تے نظر پاؤ، اوتھوں اُوہدے دِل لئی اِک آسان رسائی اے۔ اُوہدی پسلی چھیدی ہوئی اے۔ اُوہدی پسلی [تہاڈے لئی] چھیدی ہوئی اے… ہائے گنہگار، خُدا تہاڈی اُوہدے زخماں وچ یقین کرن چہ مدد کرے! اُو ناکام نئیں ہو سکدے؛ مسیح دے زخماں نوں اُوہناں نوں شفا بخشنی چائیدی اے جیہڑے اُوہدے تے اپنا پرہوسا رکھدے نے (ibid.، صفحہ240)۔

’’اُوہنے اُوہناں نوں اپنے ہتھ تے پیر وکھائے‘‘ (لوقا 24:40).

پرانی سیلویشن آرمی دے ایوینجلین بوتھ Evangeline Booth نے اِینوں بخوبی کہیا،

یسوع دے زخم کھُلے ہوئے نے،
   گنہگار، ایہہ اُوہناں لئی بنائے گئے سی؛
یسوع دے زخم کھُلے ہوئے نے،
   اوتھے پناہ وچ آئے ہوئے نوں آزاد کرن لئی۔
(’’مسیح دے زخم The Wounds of Christ‘‘ شاعر ایوینجلین بوتھ Evangeline Booth، 1865۔1950)۔

یسوع کول آؤ۔ یسوع تے پرہوسا کرو۔ یسوع تہاڈے گناہواں دی ادائیگی لئی صلیب تے قربان ہویا۔ یسوع کول آؤ۔ یسوع تے پرہوسا کرو۔ اِک بہتر انسان بنن دی کوشش کرنا تُرک کرو۔ اُو تہانوں کدی وی نجات نئیں دلائے گی۔ صرف یسوع ای تہانوں گناہ تے جہنم توں نجات دلا سکدا اے! آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

مسیح دے زخم

THE WOUNDS OF CHRIST

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

’’اُوہنے اُوہناں نوں اپنے ہتھ تے پیر وکھائے‘‘ (لوقا 24:40).

(یوحنا19:34، 35، 41؛ 20:1، 5، 6۔7، 9، 19؛
لوقا24:37۔40؛ یوحنا20:27)

I۔   پہلی گل، یسوع نے اُوہناں نوں اپنے زخم وکھائے تاکہ اَسی جان جائیے کہ اُو اُوہی ہستی سی جِنہوں صلیب تے مصلوب کیتا گیا سی،1:یوحنا1:1 .

II۔  دوجی گل، یسوع نے اُوہناں نوں اپنے زخم وکھائے تاکہ اَسی جان جائیے کہ اُو ساڈے گناہواں دے لئی مصائب زدہ متبادل اے، یوحنا1:29؛ 1۔ پطرس2:24؛ 3:18؛ رومیوں 3:24۔25

III۔ تیجی گل، یسوع نے اُوہناں نوں اپنے زخم وکھائے تاکہ اَسی جان جائیے کہ زمانیاں توں اُوہی نجات دہندہ اے، عبرانیوں9:11۔12، 24؛ 1۔ یوحنا2:2؛ یوحنا14:6؛ اشعیا53:5؛ 1۔تیموتاؤس1:15؛ رومیوں5:8۔9؛ زکریا12:10 .