Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




اشعیا دی بُلاہٹ تے تبدیلی

THE CONVERSION AND CALL OF ISAIAH
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.


لاس اینجلز دی بپتسمہ دین آلی عبادت گاہ وِچ دِتا گیا اِک واعظ
خداوند دے دِن دی سویر، یکم نومبر، 2015
A sermon preached at the Baptist Tabernacle of Los Angeles
Lord's Day Morning, November 1, 2015

’’جس ورے عُزیاہ بادشاہ نے وفات پائی میں خداوند نوں اِک بُلند و بالا تخت تے جلوہ افروز ویکھیا تے اُوہدی قِبا دے گھیر نال ہیکل معمور ہو گی‘‘ (اشعیا6:1)۔


اشعیا دی کتاب واقعی چہ ایس باب توں شروع ہوندی اے۔ بے شمار تبصرہ نگار کہندے نے کہ ایہہ اِک نبی دی حیثیت توں اشعیا دی بُلاہٹ اے – تے اُو ایہہ اے۔ مگر ایہہ ایس توں کِدرے ودھ کے اے۔ میں قائل ہو چکیا واں کہ ایہہ اشعیا دی تبدیلی دے نال نال اُس دی پیشن گوئی دے لئی بُلاہٹ وی اے۔ اینج ماضی وِچ اکثر مبلغین دے نال ہو چکیا اے۔ جدوں اُو تبدیلی دا تجربہ کردے نے تے اُوہناں نوں اُودھوں احساس ہوندا اے کہ خُدا اُوہناں کولوں چاہندا اے کہ اُو دوجیاں نوں تبلیغ کرن۔ لیکن میں سوچنا واں کہ سب توں اہم نکتہ ایہہ اے کہ ایہہ آیات سانوں وکھاندی اے کہ اشعیا کیویں تبدیل ہویا سی۔ تے، جے تُسی تبدیل ہون جا رئے اُو تے تہانوں وی جن حالات وِچوں اشعیا لنگہیا اُوہناں وِچوں کُج حالات توں لنگہنا ہووے گا۔

I۔ پہلی گل، خدا دی آگاہی ہونی چائیدی اے۔

تُسی وریاں تیکر گرجا گھر آ سکدے اُو تے خدا دی کوئی آگاہی نہیں پاندے۔ تُسی بائبل دا مطالعہ کر سکدے اُو تے خدا دے بغیر کسی آگاہی دے لئی وریاں تیکر دعا دے الفاظ پڑھ سکدے اُو۔ میں اپنی حیاتی وِچ بے شمار وری اُوس خیال توں چونک چُکیا واں۔

میرے چینی بپتسمہ دین آلے گرجا گھر وِچ جان توں پہلاں میں کئی وریاں تیکر اِک کوکیشیئینCaucasian (سفید فام) بپتسمہ دینے والے گرجا گھر کا رُکن تھا۔ حالانکہ میں اِک نوعمر سی، مینوں اُو سوچنا یاد اے کہ اُوتھے نوجوان لوکی، تقریباً اُوہناں ساریاں دی، خدا دے نال بالکل وی وابستگی نئیں سی۔ سنڈے سکول وِچ اُو صرف ایہنا کردے سی کہ ذمہ لائے گئے مواد نوں پڑھدے تے جوابات دے دیندے۔ فیر اُو واعظاں دے دوران سجے کبھے ہلدے رہندے تے اِک دوجے نوں نوٹس دیندے پھردے۔ اُوہناں دے کوئی حیاتی نئیں سی۔ اُوہناں نوں کسی گل دی سمجھ نئیں سی۔ اُوہناں وِچ سنجیدگی دے بارے چہ اِک وی گل نئیں سی۔ میں اُوہناں وِچوں کسی اِک نوں وی اِک خاموش تھاں تے جاندیاں ہویاں تے دعا منگدے ہویاں ویکھن دا تصور وی نہیں پاندا۔ اُوہناں دا ’’خدا دی دِتی ہوئی حیاتی وِچ کوئی حصہ نئیں سی‘‘ (افسیوں4:18)۔

اُوہنا ںال کیہڑی گل غلط سی؟ دو ٹوک انداز چہ کہیا جائے تے اُوہناں دے کول کوئی خدا نئیں سی۔ کی اُو کدی کدی خدا دے بارے چہ نئیں سوچدے سی؟ اُوہ، مینوں یقین اے اُو سوچدے سن۔ لیکن خدا دے بارے چہ اُوہناں دا تصور محض اِک تصوراتی عقیدہ سی، یا اِک اندرونی احساس سی۔

ساڈے کول ایتھے بالکل اِسی گرجا گھر وِچ لوکی نے جِنہاں دے کول خدا اے۔ تُسی جانندے اُو، ایہہ کوئی عام گل نئیں اے۔ ایویں ای تقریباً سارے لوکی، ایس بعد آلی جدید ثقافت وِچ، آخریلے دِناں وِچ نے۔ جے تُسی کہیا، ’’خدا میرے لئی انتہائی حقیقی اے۔ خدا میری حیاتی وِچ سب توں بوہتی اہم ہستی اے،‘‘ تے تہاڈے سکول دے بیلی کی سوچن گے؟ جیتھے تُسی نوکری کردے اُو اُوس تھاں تے لوکی کی سوچن گے؟ کی اُو تہانوں خالی نظراں نال نئیں ویکھن گے؟ کی اُو نئیں سوچن گے کہ تُسی عجیب اُو؟ ہُن، اَسی حقیقت وَل ودھ رئے آں! اُو خدا نوں نئیں جانندے – تے نا ای تُسی جانندے اُو! اَج دی سویرے ایتھے نوجوان لوکی نے جِنہاں نوں اُوہناں دے مقابلے وِچ جِنہاں نال تُسی ہر روز سکول وِچ یا کم تے گل کردے اُو خدا دے بارے وِچ کوئی بوہتی آگاہی نئیں ہوندی اے۔

خدا ساڈے اندر نئیں اے۔ ایہہ اِک اہم گل اے۔ جے تُسی اپنے ہم جماعتاں نوں کہیا کہ تُسی روحانی اُو، تے اُو گل اُوہناں نوں پریشان نئیں کرے گی۔ جے تُسی اُوہناں نوں کہیا کہ تُسی خدا دے بارے وِچ اِتوار نوں گرجا گھر وِچ سُنیا سی تے اُو گل اُوہناں نوں پریشان نئیں کرے گی۔ لیکن جے تُسی اُوہناں دے نظراں وِچ نظراں پا کے کہیا، ’’خدا جِہنے دُنیا نوں تخلیق کیتا میری حیاتی وِچ سب توں بوہتی اہم تے حقیقی ہستی اے،‘‘ تے اُو تہانوں ویکھن گے تے سوچن گے تُسی کِنہے عجیب اُو۔ کیوں؟ کیوں جے بائبل کہندی اے،

’’کوئی سمجھدار نئیں، کوئی خدا دا طالب نئیں‘‘ (رومیوں 3:11).

تے، بائبل کہندی اے،

’’دُںیا آلے [اپنی] حکمت دے مطابق خدا نوں نئیں جان سکدے‘‘ (1 کرنتھیوں1:21)۔

زیادہ تر نئے مبشران اِنجیل باقی دی گمراہ دُنیا دے مقابلے وِچ کوئی چنگے نئیں نے۔ تے ایتھوں تیکر کہ شاید تُسی کالج وِچ اِک بائبل دے مطالعے دے گروہ وِچ جاؤ لیکن تُسی اُوہناں نوں خدا دے بارے چہ سنجیدگی نال گل کردے ہوئے نئیں سُنو گے۔ کُڑیاں عام طور تے اُوتھے گلاں کرن تے ایس شے یا اُوس شے دے بارے وِچ اِدھر اُودھر دیاں ہانکن جاندیاں نے۔ جے اُوتھے کوئی مُنڈے ہون تے اُو اُوتھے عموماً کڑیاں نوں تاڑن دے لئی آندے نے۔ مگر اُو خدا دے بارے چہ نئیں سوچدے – کم از کم بائبل دے خدا دے بارے وِچ نئیں سوچدے! جے تُسی کہیا کہ تُسی کاتھولک سی یا یہودی سی یا ایتھوں تیکر کہ اِک بپٹسٹ سی تے اُو گل اُوہناں نوں پریشان نئیں کرے گی۔ جے تُسی کہیا، ’’خدا میرے اندر اے، تے تہاڈے وِچ وی اے،‘‘ تے اُو گل اُوہناں نوں بالکل وی پریشان نئیں کرے گی۔ ایہہ نئے زمانے دی سوچ اے۔ لیکن جے تُسی کہیا، ’’خدا اُوتھے اُوتے اے، سانوں ویکھ رہیا اے۔ اُو ساڈے گناہ ویکھدا تے ساڈا انصاف کردا اے،‘‘ تے کی ہووے گا؟ اُو سوچن گے تُسی عجیب و غریب اُو، کی اُو نئیں سوچن گے؟

ہُن، آؤ ایس گل نوں اِک قدم ہور اَگے ودھاؤ۔ آؤ تہاڈے بارے چہ گل کریے۔ تُسی ایتھے اُو تے تُسی ہلے تیکر مسیح وِچ ایمان لہیا کے تبدیل نئیں ہوئے اُو۔ تُسی خدا دے بارے چہ کی سوچدے اُو؟ تُسی کدی نہ کدی تے اُوہدے بارے چہ سوچدے ای ہووے گے، کی تُسی نئیں سوچدے؟ جے تُسی مسیح وِچ ایمان لہیا کے تبدیل نئیں ہوئے اُو تے تُسی یقیناً اُوہدے بارے چہ غلط گلاں ای سوچدے اُو۔

اشعیا اِک نوجوان بندہ سی جدوں اُوہدے نال ایہہ واقعہ رونما ہویا سی۔ اُوہنے بائبل دا مطالعہ کیتا ہویا سی۔ اُو ہیکل وِچ عبادتاں وِچ شامل رہیا سی۔ لیکن اُو آپئے خدا نوں نئیں جان پایا سی۔ اُو خدا دے بارے وِچ گلاں جانندا سی، مگر اُو تجربے نال خدا نوں نئیں جانندا سی۔ اُو بزرگ ایوب وانگوں سی۔ ایوب نے خدا نوں کہیا،

’’میرے کناں نے تیرے بارے چہ سُنیا سی لیکن ہُن میری اَکھاں نے تینوں ویکھ لہیا اے۔ ایس لئی مینوں اپنے آپ توں نفرت اے تے میں خاک تے راکھ وِچ توبہ کرنا آں‘‘ (ایوب42:5، 6)۔

ایوب نے خدا دے بارے وِچ سُنیا سی۔ لیکن ہُن خدا نے ’’ایوب نوں بگولے وِچوں جواب دِتا‘‘ سی (ایوب38:1؛ 40:6)۔ ’’فیر خدا نے ایوب نوں بگولے وِچوں جواب دِتا‘‘ (نئی امریکی بائبل NIV)۔

میں نئیں جانندا ایس گل دی انسانی زبان وِچ کیویں تشریح کراں۔ شاید ایہو ای بہتر اے کہ تہانوں کُج سچی کہانیاں پیش کراں۔ ڈاکٹر کیگن Dr. Cagan اِک دہریے سن۔ اُو خدا وِچ بالکل وی یقین نئیں رکھدے سن۔ فیر اِک رات دے اخیرلے پہر ڈاکٹر کیگن خوفزدہ ہو گئے۔ اگلے دِن سویرے UCLA وِچ اُوہناں دا اِک نہایت ای اہم امتحان سی۔ لیکن اُوہناں دی سمجھ وِچ مواد بالکل وی نئیں آیا سی۔ اُو جانندے سن کہ اُو اگلے دِن ناکام ہو جان گے۔ اچانک ڈاکٹر کیگن نے حیاتی وِچ پہلی وری دعا منگی۔ اُوہناں نے کہیا، ’’خداوندا، مینوں معاف کر دے۔‘‘ فیر اُو نیندر دی آغوش وِچ ٹُر گئے۔ اُو سو کے اُٹھے، تے ایہہ جانندے ہوئے کہ اُو امتحان وِچ ناکام ہو جان گے۔ مگر جدوں اُو جماعت وِچ پہچنے تے سوالاں تے نظر پائی تے اُوہناں نے بڑی آسانی نال جواب دے دِتے تے جماعت وِچ سب توں بہترین گریڈ حاصل کیتا۔ فیر اُوہناں نے جانیا کہ خدا حققی سی۔ بالاآخر، واقعی چہ اِک خدا سی۔

جدوں میں پندرہ وریاں دی عمر دا سی تے میں شدت دے نال اپنی دادی دی موت توں اُوہناں ہولناک واقعات توں جیہڑے پچھلی راتی پیش آئے سن صدمے وِچ سی، تے اُوہناؓں دے جنازے تے صدمے چہ آ گیا سی۔ میں بوہتی دور گلینڈیل دے فارسٹ لان Forest Lawn, Glendale دی پہاڑیاں تے اُوتے نٹھ گیا سی۔ میں ہنپدا کنپدا تے پسینے چہ شرابور زمین تے ڈِگ پہیا سی۔ فیر خدا میرے تے نازل ہویا۔ خدا اُوتھے ای سی تے میں ایہہ گل جانندا سی۔ ایہہ گل ہمیشہ مینوں یعقوب دے بارے وِچ سوچن تے مجبور کر دیندی اے، جدوں اِک راتی خداوند اُوہدے کول آیا سی،

’’تے جدوں یعقوب نیند توں جاگیا تے اُوہنے سوچا کہ ہو نہ ہو خداوند ایس تھاں موجود اے تے مینوں ایس دا علم نئیں سی۔ اُو ڈر گیا تے کہن لگا، ایہہ تھاں کینی پُرہول اے‘‘ (پیدائش 28:16،17).

نا ای تے ڈاکٹر کیگن تے نا ای آپئی میں اُوہناں تجربات وِچ تبدیل ہوئے سن، مگر اَسی ایوب دے نال کہہ پان گے، ’’میرے کناں نے تیرے بارے وِچ سُنیا سی مگر ہُن میری اَکھاں نے تینوں ویکھ لہیا اے‘‘ (ایوب42:5)۔ ایس دا مطلب ایہہ نئیں ہوندا کہ اُوہنے اصل چہ خداوند نوں ویکھ لہیا سی۔ ایہہ کہن دا اِک تصویری طریقہ اے کہ اُوہنے خدا دے بارے وِچ سُنیا ہویا سی، مگر ہُن اُو جان گیا سی کہ خدا حقیقی سی تے اُو [اشعیا] اِک گنہگار سی ایس لئی اُوہنے کہیا، ’’مینوں اپنے آپ توں نفرت اے تے میں خاک تے راکھ وِچ توبہ کرنا واں‘‘ (ibid.)۔ تے اشعیا دا تجربہ وی اینج دا ای سی جیویں کہ یعقوب تے ایوب دا سی – تے ڈاکٹر کیگن تے خود میرا سی – میری دادی دے بھیانک جنازے دے بعد جدوں میں پندرہ وریاں دی عمر دا سی۔ اشعیا نے کہیا،

’’جس ورے عُزیاہ بادشاہ نے وفات پائی میں خداوند نوں اِک بُلند و بالا تخت تے جلوہ افروز ویکھیا تے اُوہدی قِبا دے گھیر نال ہیکل معمور ہو گی‘‘ (اشعیا6:1)۔

ڈاکٹر جے ورنن میگی Dr. J. Vernon McGee نے کہیا،

جیس سال عُزیاہ بادشاہ نے وفات پائی، اشعیا سوچ رہیا اے، ’’نیک عُزیاہ بادشاہ وفات پا چکیا اے، تے حالات ہُن [بُرے] ہوندے جا رئے نے۔ اسرائیل نوں اسیری وِچ لے لہیا جائے گا۔ خوشحالی ختم ہو جائے گی۔ نمایاں طور تے تخفیفیت [مہنگائی تے گراوٹ] دا دور آ جائے گا، تے ایہدے بعد قحط پیہئے گا۔‘‘ ذہن دے ایس سانچے وِچ اشعیا نے اُوہی کیتا جیہڑا اینہاں حالات وِچ دوجا ہر کوئی کردا – اُو ہیکل وِچ جاندا اے… خدا دی ہیکل وِچ اشعیا ایہہ دریافت کردا اے کہ قوم دا سچا بادشاہ تے ہلے نئیں مریا اے۔ ’’میں خداوند نوں اِک بُلند و بالا تخت تے جلوہ افراز ویکھیا تے اُوہدی قِبا دے گھیرے نال ہیکل معمور ہو گئی‘‘ – خداوند تخت تے جلوہ افروز اے… خداوند بلند و بالا اے تے جلوہ افروز اے، تے اُو گناہ دے نال مفاہمت نئیں کرے گا (جے۔ ورنن میگی، ٹی ایچ۔ ڈی۔ J. Vernon McGee, Th.D.، بائبل وِچوں Thru the Bible، جلد سوئم، تھامس نیلسن پبلیشرز Thomas Nelson Publishers، 1982؛ اشعیا6:1 تے غور طلب گل)۔

ہُن اشعیا 6:3 آیت تے نظر پاؤ۔ سرافیم فرشتے اُوتھے سن،

’’تے اُو اِک دوجے نوں پکار پکار کے کہہ رئے سن، قدوس، قدوس، رب الافواج قدوس اے، ساری زمین اُوہدے جلال توں معمور اے‘‘ (اشعیا 6:3).

اُو پکارے سن، ’’قدوس، قدوس، رب الافواج قدوس اے۔‘‘ ڈاکٹر ڈبلیو۔ اے۔ کرسویل جیہڑے تقریباً سٹھ وریاں تیکر ٹیکساس دے شہر ڈلاس وِچ اِک بوہتے وڈے پادری صاحب رئے، اُوہناں نے کہیا، ’’میں سوچاں گا کہ ایہہ خدائے قادر وِچ اُوہناں تِن دی نشاندہی کردا اے،‘‘ تثلیث وِچ (ڈبلیو۔ اے۔ کرسویل، پی ایچ۔ ڈی۔ W. A. Criswell, Ph.D.، اشعیا: ایک تفسیر Isaiah: An Exposition، ژونڈروان پبلیشنگ ہاؤس Zondervan Publishing House، 1977، صفحہ53)۔

قدّوس، قدّوس، قدّوس!
   خُداوند خُدا قادرِ مطلق!
سجری سویرے
   ساڈے گیت تیرے لئی جلوہ گر ہونگے؛
قدّوس، قدّوس، قدّوس!
   رحمدل تے طاقتور!
تین ہستیاں وچ خُدا
   بابرکت تثلیث!

مقدس، مقدس، مقدس!
   حالانکہ اندھیرا تینوں چُھپا لیندا اے،
حالانکہ گنہگار آدمی دی آنکھ
   تیرے جلال نوں ویکھ نئیں پاندی،
صرف تو ای مقدس اے؛
   تیرے علاوہ کوئی ہُور نئیں اے،
قوت، محبت تے پاکیزگی وِچ کامل۔
(’’مقدس، مقدس، مقدس! Holy, Holy, Holy!‘‘ شاعر ریجینلڈ ھیبر Reginald Heber، 1783۔1826)۔

جے تہاڈے کول خدا دی کوئی آگاہی نئیں اے – صحائف دے تینوں مقدس خدا – جے تُسی اُوہدی پاکیزگی، انصاف تے رحم نال واقف نئیں اُو – تے تُسی کیویں اِک حقیقی مسیحی ہون دی اُمید رکھ سکدے اُو؟

II۔ دوجی گل، گناہ دی سزایابی دا ہونا ضروری اے۔

اشعیا6:5 تے نظر پاؤ،

’’فیر میں چِلا اُٹھا، میرے تے افسوس! میں تباہ ہو گیا! کیوں جے میرے ہونٹ ناپاک نے تے میں ناپاک ہونٹاں آلے لوکاں دے وِچکار رہنا واں تے میں نے بادشاہ نوں جیہڑا رب الافواج اے اپنی اَکھاں نال ویکھیا اے‘‘ (اشعیا 6:5).

تینوں خداؤں دی آگاہی نے نبی نوں اپنے گناہ ویکھنے تے مجبور کر دِتا سی، ’’ناپاک ہونٹاں آلا اِک بندہ۔‘‘ تُسی کدی وی اُوس قسم دی سزایابی دا تجربہ نئیں کر پاؤ گے جدوں تیکر خدا تہاڈے تے خود نوں ’’ساری زمین دے منصف‘‘ دی حیثیت نال ظاہر نا کر دے۔ ڈاکٹر ڈیوڈ ویلز Dr. David Wells اِک سُلجھے ہوئے عالم الہیٰات نے۔ اُوہناں نے کہیا،

نبی اُوس [خطرے] دی ہولناکی نال آگاہ ہو گیا سی جیس وِچ خدا دا کردار لوکاں نوں رکھدا اے۔ کوئی وی اُوہدے نور وِچ ٹھہر نئیں سکدا۔ ہر کوئی ایس نال تباہ ہو جاندا اے کیوں جے ایہہ اُوس قسم دا نور اے کہ جیہڑا اُوس تمام دے خلاف جیہڑا غلط اے، بدچلن، خود غرض، بے اعتقادہ، ناشکرا تے نافرمان اے اُوہنوں خود منواندا اے… اشعیا نے اُو گل اپنے رویاء وِچ ویکھی سی تے فوراً خدا کون اے ایہدی روشنی وِچ اعلان کر دِتا سی، ’’میرے تے افسوس! کیوں جے میں گمراہ آں؛ کیوں جے میں ناپاک ہونٹاں آلا اِک بندہ واں، تے ناپاک ہونٹاں آلے لوکاں دے وچکار وسدا آں؛ کیوں جے میری اَکھاں رب الافواج نوں ویکھ چکیاں نے! (اشعیا6:5)۔ ایہہ اُوہناں بے شمار تلاوتاں وِچوں محض اِک اے جیہڑی خدا دی نرمی، پاکیزگی، درندگی تے ہولناک حقیقت دے بارے چہ گل کردی اے (ڈیوڈ ایف۔ ویلز، پی ایچ۔ ڈی۔ پروٹسٹنٹ ہون دی ہمت The Courage to Be Protestant، عئیرڈمینز پبلیشنگ کمپنی Eerdmans Publishing Company، 2008، صفحہ 125)۔

ڈاکٹر ڈبلیو۔ اے۔ کرسویل نے کہیا،

خدا نوں ویکھن دے لئی جان دیاں نظراں تے خدا نوں سُنن دے لئی دِل دے کان چائیدے ہوندے نے۔ اُو جیہڑے اَنّے نے اُوہناں دے لئی اُو وجود نئیں رکھدا۔ اُو جیہڑے بُولے نے اُوہناں دے لئی اُو گل نئیں کردا۔ اُو جِنہاں دے کول ویکھن دے لئی اَکھاں، سُنن دے لئی کان تے محسوس کرن دے لئی دِل اے خدا ساڈے سامنے ہمیشہ دے لئی جلال وِچ موجود ہوندا اے۔ اشعیا دے رویاء وِچ، اُوہنے خود نوں گناہ توں بھرپور تے دو کوڑی دا محسوس کیتا سی۔ کوئی وی بندہ جیہڑا خدا دی حضوری وِچ کھڑا ہوندا اے خود نوں گھٹیاپن تے گندگی دے سیلاب وِچ ڈوبدا ہویا پائے گا جیہڑا اُوہنوں وگا کے لے جاندا اے (کرسویل، ibid.، صفحہ 54)۔

کسی نہ کسی دِن تہاڈا خدا نال آمنا سامنا ہو جائے گا۔ اپنی موت دے ویلے تہاڈا سامنا اُوہدے انصاف دے نال ہووے گا جے تُسی ہُنے ایس حیاتی وِچ نجات نئیں پاندے اُو۔ اُو خدا جیہدے نال تہاڈی ملاقات ہووے گی اُوہی خدا نئیں ہووے گا جِںہوں تُسی اپنے تصور وِچ ویکھدے اُو۔ تے اُو کسی دوجی دُنیا دے مذھب دا خدا وی نئیں ہووے گا۔ تہاڈا سامنا بائبل دے خدا نال روبرو ہووے گا۔ تے اُو تہاڈا انصاف تہاڈے گناہ دے نال کرے گا، خاص طور تے تہاڈے دِل تے ذھن دے گناہ نال کرے گا۔ تہاڈے گناہ دے معاف کیتے جان دی صرف اِک ای راہ اے، تے اُو سولی تے – تہاڈی تھاں تے مسیح دی موت دے ذریعے نال اے۔ تے تہاڈے گناہ نوں پاک صاف کرن دے لئی صرف اِک ای راہ اے تے اُو اُوس لہو دے وسیلے نال اے جیہڑا مسیح نے اُوس سولی تے وگایا سی۔ ڈاکٹر مارٹ لائیڈ جونز Dr. Martyn Lloyd-Jones نے کہیا، ’’ساڈی انجیل لہو دی اِک انجیل اے؛ لہو ای بنیاد اے؛ اُوہدے بغیر کُج وی نئیں اے‘‘ (خُدا دی مصالحت دی راہ God’s Way of Reconciliation، افسیوں2، بینر اور ٹرٹھ ٹرسٹ The Banner of Truth Trust، 1981، صفحہ 240)۔

ہُں 8 ویں آیت تے نظر پاؤ۔

’’فیر میں خداوند نوں ایہہ کہندے ہوئے وی سُنیا، میں کیہنوں پیجاں تے ساڈی وَلوں کون جائے گا؟ فیر میں عرض کیتی، میں حاضر ہوں، مینوں پیج دے!‘‘ (اشعیا 6:8).

ہُن اشعیا نوں منادی دے لئی سدیا گیا اے۔ ’’میں حاضر ہوں۔ مینوں پیچ دے۔‘‘ تے اُو جائے گا تے دوجیاں نوں اُوہدی منادی کرے گا جیس دا خود اُوہنے تجربہ کیتا سی۔

تُسی صرف اُوس ویلے نجات پاؤ گے جے تُسی یسوع تے پرہوسا کرو تے اُوہدے پاک لہو دے وسیلے توں پاک صاف ہو جاؤ گے۔ تُسی خدا دا سامنا کرن دے لئی صرف اُوسی ویلے قابل ہو پاؤ گے جے تُسی یسوع اُوہدے پُتر دے لہو دے وسیلے توں اپنے گناہ توں پاک صاف ہو چکے ہوو گے۔ آسمان وِچ اَسی اِک نیا گیت گاواں گے، ’’توں ذبح ہو کے اپنے لہو نال سانوں خدا دے واسطے خرید لہیا‘‘ (مکاشفہ5:9)۔ اَج دی سویرے میں تہانوں یسوع تے پرہوسا کرن تے اُوہدے لہو دے وسیلے توں خدا دے حضوری وِچ پاک صاف ہو جان دے لئی التجا کرنا آں! آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

اشعیا دی بُلاہٹ تے تبدیلی

THE CONVERSION AND CALL OF ISAIAH

ڈاکٹر آر۔ ایل۔ ہائیمرز، جونیئر وَلّوں

by Dr. R. L. Hymers, Jr.

’’جس ورے عُزیاہ بادشاہ نے وفات پائی میں خداوند نوں اِک بُلند و بالا تخت تے جلوہ افروز ویکھیا تے اُوہدی قِبا دے گھیر نال ہیکل معمور ہو گی‘‘ (اشعیا6:1)۔

I.    پہلی گل، خدا دی آگاہی ہونی چائیدی اے، افسیوں4:18؛
رومیوں3:11؛ 1کرنتھیوں1:21؛ ایوب42:5، 6؛ 38:1؛ 40:6؛
پیدائش28:16، 17؛ اشعیا6:3 .

II.   دوجی گل، گناہ دی سزایابی دا ہونا ضروری اے، اشعیا6:5، 8؛
مکاشفہ5:9 .