Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




قربان کیتا گیا پُتر تے خونی برّہ

THE SACRIFICIAL SON AND THE BLOODY LAMB
(Punjabi – A Language of Pakistan)

ڈاکٹر سی۔ ایل۔ کیگن وَلّوں
by Dr. Christopher L. Cagan

لاس اینجلز دی بپتسمہ دین آلی عبادت گاہ وِچ دِتا گیا اِک واعظ
ہفتے دی شام، 10 اکتوبر، 2015
A sermon preached at the Baptist Tabernacle of Los Angeles
Saturday Evening, October 10, 2015

’’ایہہ [آدم سی] اِک آن آلے [مسیح] دی شبیہہ [یونانی وِچ tupos، type] تے
(رومیوں5:14)


بائبل کہندی اے کہ آدم، جیہڑا پہلا انسان سی، مسیح دی تشبیہہfigure‘‘ سی۔ یونانی لفظ جِنہے ’’تشبیہہ‘‘ دا ترجمہ کیتا tupos اے۔ اَسی ایہدے توں انگریزی دا لفظ type حاصل کرنے آں۔ آدم مسیح دی اِک تشبیہہtype سی۔

تشبیہہ کی اے؟ ایہدا مطلب کی ہوندا اے؟ پرانے عہدنامے چہ تشبیہہ اِک بندہ یا شے ہوندی اے جیہڑی نئے عہد نامے چہ اِک اعلیٰ پیشن گوئی دے پورے کیتے جان دی عکاسی یا نمائندگی کردی ہووے، جِنہوں شبیہہantitype کہندے نے۔ آدم تشبیہہtype سی۔ مسیح شبیہہantitype اے۔

شبیہہ تے تشبیہہ چہ ہمیشہ اِک تعلق ہوندا اے۔ آدم تے مسیح وِچ اِک تعلق اے۔ جدوں آدم نے گناہ کیتا تے اُو ساری نسل انسانی تے موت لہیا – تہاڈے تیکر تے میرے تیکر بائبل کہندی اے، ’’اِک آدمی دے ذریعے توں گناہ دُنیا چہ داخل ہویا تے گناہ دے سبب توں موت آئی‘‘ (رومیوں5: 12)۔ مگر یسوع مسیح گناہ دی ادائیگی تے نسل انسانی نوں حیاتی بخشن دے لئی آیا – تہاڈے لئی تے میرے لئی۔ جیہڑا آدم نے کیتا، مسیح اُوہنوں صحیح کرن دے لئی آیا۔ بائبل کہندی اے، ’’جیویں اِک بندے دی [آدم دی] نافرمانی دی وجہ توں بوہتے لوکی گنہگار ٹھہرے اُونج ای اِک بندے دی [مسیح دی] فرمانبرداری نال بوہتے لوکی راستباز ٹھہرائے جان گے‘‘ (رومیوں5: 19)۔ صلیب تے اُوہدی قربانی دے وسیلے توں تے اُوہدے لہو وگان دے ذریعے نال، یسوع اُوہناں ساریاں دے گناہ پاک صاف کر دیندا اے جیہڑے اُوہدے تے پروہسا کردے نے۔

بائبل چہ مسیح دے بے شمار قسم دی شبیہات نے۔ اَج دی راتی میں تہانوں اُوہناں وِچوں محض دو نوں ظاہر کرن جا رہیا آں۔ ایہہ دو شبیہات انتہائی اہم نے، کیوں جے ایہہ سانوں اُوس قربانی نوں ویکھاندیاں نے جیہڑی مسیح نے ساڈے گناہ دے لئی کیتی۔

I۔ پہلی تشبیہہ – اضحاق، اُو پُتر جیہڑا قربانی دے لئی پیش کیتا گیا۔

اِضحاق ابراہام دا پُتر سی۔ مسیح توں تقریباً دو ہزار وریاں پہلاں، خدا نے ابراہام نوں سدیا۔ اُوہنے ابراہام نال وعدہ کیتا کہ اُوہدے ہاں پُتر پیدا ہووے گا حالانکہ اُوہدی ووہٹی سارہ بہوتی وڈیہری سی۔ اِضحاق اُوس ویلے پیدا ہویا سی جدوں سارہ دی عمر نوے ورے دی سی۔ خدا وَلوں کیہو جیہا اِک تحفہ! اِضحاق ودھیا تے اِک نوجوان شخص بنیا۔

فیر خدا نے ابراہام دے ایمان نوں آزمایا۔ کی ابراہام واقعی چہ اُوس [خدا] تے بھروسہ کردا سی؟ بائبل کہندی اے، ’’کُج عرصہ بعد خدا نے ابراہام نوں آزمایا [اِمتحان لہیا] …اُوہنے اُوہنوں کہیا، ’’ابراہام: تے اُوہنے جواب دِتا، ویکھ میں حاضر آں‘‘ (پیدائش22: 1)۔ اُو اِمتحان بوہتا سخت سی۔ خدا نے اُوہنوں کہیا،

’’اپنے اِکلوتے پُتر اِضحاق نوں جِنہوں توں پیار کردا اے نال لے کے موریاہ دے علاقے وِچ جا تے اُوتھے دے اِک پہاڑ تے جیہڑا میں تیہنوں بتاواں گا اُوہنوں سوختنی قربانی دے طور تے نذر کر‘‘ (پیدائش22: 2)۔

ایہہ ناممکن ویکھائی دینا چائیدا اے۔ اُو پُتر جیس دا خدا نے وعدہ کیتا سی تے جیس نوں اِک معجزے دے طور تے پیش کیتا – اُو پُتر جیہدے نال ابراہام محبت کرتا سی – ہُن خدا نے ابراہام نوں کہیا کہ اُوہنوں قتل کر دے؟ خدا نے کیوں اُو چاہا ہوئے گا؟ کی اُو حد توں بوہتا سی؟ کی اُو ظالم سی؟ ایس گل نے ابراہام نوں اُوہدی جان دی گہرائیاں تیکر دھلا دِتا سی۔ مگر ابراہام نے خدا تے پروہسا کیتا۔ بائبل کہندی اے، ’’دوجے دِں صبح سویرے ابراہام نے اُٹھ کے اپنے کھوتے تے زین کسا تے اپنے خادماں وِچوں دو نوں تے اپنے پُتر اِضحاق نوں اپنے نال لہیا، تے جدوں اُوہنے سوختنی قربانی دے لئی لکڑیاں کٹ لہیاں تے اُو اُوس مقام دے لئی ٹُر پیہیا جیہڑا خدا نے اُوہنوں دسیا سی‘‘ (پیدائش22: 3)۔

ابراہام نے خدا دی فرمانبرداری کیتی سی حالانکہ اُوہدی سمجھ چہ نئیں آیا سی۔ اُوہنے خدا دی اُوس ویلے وی فرمانبرداری کیتی سی جدوں اُو انتہائی دُکھ نال پرھیا ہویا سی۔ اُو اُتے پہاڑ تے گیا تے اپنے پُتر دی قربانی دین دے لئی تیار ہویا۔‘‘ اُوہنے اپنے خادماں نوں کہیا تُسی ایتھے کھوتے دے کول رُکو تے میں تے ایہہ مُنڈا اُتے جانے آں۔ اُوتھے اَسی عبادت کراں گے تے فیر تہاڈے کول واپس آواں گے۔ ابراہام نے سوختنی قربانی دی لکڑیاں نکال کے اپنے پُتر اِضحاق نوں دِتیاں کہ اُو اُوہناں نوں چُک لئے تے اَگ تے چھری آپئے سنبھال لئی جیویں ای اُو دوویں ایک نال روانہ ہوئے‘‘ (پیدائش22: 5۔6)۔ اُو اپنے پُتر دے نال تنہا سی۔

فیر اِضحاق نے اِک سوال پُچھیا جِنہے اُوہدے باپ دی اذیت نوں ہُور بوہتا گہرا کر دِتا۔ ’’اِضحاق اپنے باپ نوں کہن لگا، میرے ابا: تے اُوہنے کہیا، آہو میرے پُتر۔ تے اُوس اِضحاق نے کہیا، اَگ تے لکڑیاں ایتھے نے لیکن سوختنی قربانی دے لئی برّہ کیتھے اے؟‘‘ (پیدائش22: 7)۔ فیر وی ابراہام نے ایمان وِچ جواب دِتا۔ اُوہنے کہیا، ’’میرے پُتر، خدا آپئے ای سوختنی قربانی دے لئی برّہ مہیا کر دیوے گا۔ تے اُو دوویں نال نال ٹُردے رئے‘‘ (پیدائش22: 8)۔ اُو اُوتے پہاڑ دی چوٹی تے پہنچ گئے۔ ’’تے جدوں اُو اُوس مقام تے پہنچ گئے جیہڑا خدا نے اُوہنوں دسیا سی تے ابراہام نے اُوتھے قربان گاہ بنائی تے اُوہدے تے لکڑاں چُن دِتیاں۔ فیر اُوہنے اپنے پُتر اِضحاق نوں رسی نال بن گے قربان گاہ تے لکڑیاں دے اُتے رکھ دِتا۔ فیر اُوہنے ہتھ چہ چُھری پَھڑی تاکہ اپنے پُتر نوں ذبح کرے‘‘ (پیدائش22:9۔10)۔

ابراہام اپنے پُتر نوں قتل کرن آلا ای سی! اُو کر ای چکیا ہوندا! لیکن آخری لمحے چہ خدا آسمان تو بولیا،

’’ایس مُنڈے تے ہتھ نہ چلا تے ایہنوں کُج نہ کر۔ ہُن میں جان گیا کہ توں اِک خدا ترس انسان اے کیوں جے توں میرے توں اپنے پُتر بلکہ اِکلوتے پُتر نوں وی دریغ نئیں کیتا‘‘ (پیدائش22: 12)۔

اِضحاق بخشیا گیا سی! تے خدا نے ابراہام نوں اِضحاق دے بجائے قربانی دی حیثیت نال اِک مینڈھا [اِک جانور] قتل کرن دے لئی کہیا۔ اُو اِمتحان مکمل ہو چکیا سی۔ ابراہام دا ایمان حقیقی سی! ’’توں میرے توں اپنے پُتر بلکہ اِکلوتے پُتر نوں وی دریغ نئیں کیتا‘‘ (پیدائش22: 12)۔ اُو اپنے پُتر نوں چھڈن دے لئی تیار سی۔

ایہہ صرف ابراہام ای دا اِمتحان نئیں سی۔ اِضحاق دے نال جو کُج وی رونما ہویا اُو اِک تشبیہہ سی، اِک تصویر سی، جیہڑی مسیح دی بوہتی وڈی قربانی دے بارے چہ سی۔ اِضحاق اِک تشبیہہ سی۔ مسیح اُوہدی شبیہہ اے۔ خدا نے ابراہام نوں اپنے پُتر اِضحاق نوں اِک تشبیہہ دی حیثیت نال پیش کرن دِتا، جیہڑی اِک عکاسی اے، اُو گل دی جیہڑی اُو خود اپنے پُتر یسوع دے نال کرن آلا سی۔ خدا نے اپنے پُتر یسوع مسیح نوں تہاڈے گناہ دے لئی اِک قربانی دی حیثیت نال صلیب تے قربان ہون دے لئی پیجیا۔ بائبل وِث سب توں مشہور آیت یوحنا3: 16 اے۔ ایہہ کہندی اے،

’’کیوں جے خدا نے دُنیا نال ایس قدر محبت کیتی کہ اپنا اِکلوتا پُتر بخش دِتا تاکہ جیہڑا کوئی اُوہدے تے ایمان لہیائے ہلاک نہ ہووے بلکہ ہمیشہ دی حیاتی پائے‘‘ (یوحنا3: 16)۔

ابراہام اپنے پُتر نال محبت کردا سی۔ ایس دے باوجود اُو اُوہنوں موت دے حوالے کرن دے لئی تیار سی۔ خدا نے اپنے پُتر یسوع مسیح نال اِک لامحدود عظیم ترین محبت دے نال پیار کیتا۔ خدا باپ نے اپنے پُتر نوں قربان ہون دے لئی پیش کر دِتا – تہاڈے لئی اِک قربانی دے حیثیت نال۔ خداوند اِضحاق نوں بچان دے لئی بول اُٹھیا سی۔ مگر اُوہنے یسوع دی موت نوں روکن دے لئی کُج وی نئیں کیتا۔ صلیب تے یسوع پکار اُٹھیا سی، ’’اے میرے خدا، اے میرے خدا، توں مینوں کیوں چھڈ دِتا؟‘‘ (متی27: 46)۔ خدا نے آپئے اپنے ای پُتر کولوں مُکھ موڑ لہیا سی، کیوں جے اُو مسیح تے نظر نئیں پا سکدا سی جیہڑا ساڈے گناہ چُک رہیا سی۔ خدا نے اِضحاق نوں بخش دِتا سی، مگر خود اپنے پُتر یسوع نوں نئیں بخشیا۔ بائبل کہندی اے،

’’[خُدا نے] اپنے پُتر نوں بچائے رکھن دی بجائے اُوہنوں ساڈے ساریاں دے لئی قربان کر دِتا‘‘ (رومیوں8: 32)۔

قربانی دے لئی پیش کیتا گیا اِضحاق اِک نوجوان بندہ سی، لیکن بخشیا گیا ۔ یسوع قربانی دی حیثیت نال پیش کیتا گیا خدا دا الہٰی پُتر سی، تے بخشیا نئیں گیا۔ اپنی ہستی وِچ، تے اپنی موت چہ، مسیح اِضحاق نالوں کئی درجےبُلندی تے اے۔ اِضحاق اِک تشبیہہ سی، مسیح شبیہہ اے۔ تشبیہہ تے شبیہہ وِچ، اَسی ویکھنے آں کہ یسوع کون سی تے اُوہنے کی کیتا سی۔ اُو خدا دا پُتر سی جیہڑا تہاڈے لئی قربان ہویا۔

II۔ دوسری تشبیہ – فسح کا برّہ، جس کا خون انسان اور خُدا کے درمیان کھڑا ہے۔

مسیح توں 1,400 وریاں توں وی پہلاں، فسح دے برّے نوں مصر چہ قربان کیتا جاندا سی۔ عبرانی لوکی غلام سن۔ خدا اپنے خادم موسیٰ نوں اُوس مصر وِچوں باہر کڈ لہیان دے لئی استعمال کر رہیا سی۔ خدا پہلاں ای مصریاں تے نو وبائیں نازل کر چکیا سی، لیکن فرعون، اُوہناں دا بادشاہ، اپنا دِل سخت کر چکیا سی تے یہودی لوکاں نوں جان نئیں دے رہیا سی۔

اُودھوں خدا نے دسویں وبا پیجھن دا فیصلہ کیتا، جیہڑی ساریاں وِچوں سب توں بوہتی ہولناک سی۔ اُو اِک ای رات وِچ مصر چہ سارے پہلوٹھے بچیاں نوں مارن دے لئی موت دے اِک فرشتے نوں پیجھے گا۔ فیر فرعون لوکاں نوں جان دے گا۔ خدا نے کہیا،

’’تے ایسی رات نوں میں مصر وِچوں ہو کے لنگہاں گا، تے انسان تے حیوان ساریاں دے پہلوٹھیاں نوں مار گراواں گا…میں خداوند آں‘‘ (خروج12: 12)۔

خدا نے عبرانی لوکاں نوں ایس سزا توں بچن دے لئی ایک راہ مہیا کیتی۔ اُوہنے موسیٰ نوں کہیا، ’’سارے اسرائیل نوں کہہ کہ ایس مہینے دے دسویں دِن ہر بندہ اپنے آبائی خاندان دے مطابق ہر گھرانے دے لئی اِک بّرہ لے‘‘ (خروج12: 3)۔ ایہہ برّہ مسیح دی اِک شبیہہ سی۔ تے خدا نے کہیا، ’’تہاڈا برّہ بے عیب ہونا چائیدا اے‘‘ (خروج12: 5) – جیہڑا بغیر گناہ کیتے ہوئے مسیح دی اِک تشبیہہ سی۔

ہر خاندان نوں اِک برّہ لہینا سی تے اُوہنے ذبح کرنا سی۔ خدا نے اُوہناں نوں دسیا کہ برّے دے لہو نوں اپنے گھراں دی چوکھٹ تے لگانا۔ اُوہنے کہیا،

’’اُو اُوہدا ماڑا جیہا لہو لے کے اُوہناں گھراں دے بوہیاں تے دوویں پلڑیاں تے تے اُوتھے چوکھاٹ تے لگان جِنہاں چہ اُو اُوس برّے نوں کھان گے‘‘ (خروج12: 7)۔

ایہہ لہو اِک علامت سی۔ جدوں موت دا فرشتہ آئے گا تے اُوس گھر چہ کوئی وی نئیں مرے گا۔ بائبل کہندی اے،

’’تے جِنہاں مکاناں چہ تُسی ہوو گے اُوہناں تے اُو لہو تہاڈے وَلوں اِک نشان ہووے گا تے میں اُوس لہو نوں ویکھ کے تہانوں چھڈدا جاواں گا۔ تے جدوں میں مصریاں نوں ماراں گا تے اُوس ویلے کوئی وی مہلک وبا تہاڈے لاگے نئیں آئے گی‘‘ (خروج12: 13)۔

ایہہ سادہ جیہئی گل سی۔ خدا دی سزا جِنہاں گھراں تے برّے دا لہو لگیا ہویا سی ٹلدی گئی لیکن اُوس لہو دے بغیر آلے گھراں چہ پہلوٹھیاں نوں ماردی گئی۔ بّرے دے لہو دے بغیر – موت۔ بّرے دے لہو دے نال – حیاتی۔

بائبل کہندی اے کہ فسح دا برّہ مسیح دی اِک تشبیہہ سی۔ پولوس رسول نے لکھیا، ’’مسیح ساڈا فسح ساڈے لئی قربان ہویا اے‘‘ (1کرنتھیوں5: 7)۔ جدوں یوحنا اصطباغی نے یسوع نوں ویکھیا سی تے اُوہنے کہیا،

’’خدا دا برّہ، جیہڑا جہاں دے گناہ چُک لے جاندا اے‘‘ (یوحنا1: 29)۔

فیر دوبارہ، یوحنا اصطباغی پکاریا،

’’ویکھو خدا دا برّہ!‘‘ (یوحنا1: 36)۔

یسوع ای خدا دا برّہ اے۔ اُوہدا لہو تہاڈے تے خدا دے وِچکار قائم اے۔

فسح دا بّرہ اِک تشبیہہ سی۔ مسیح شبیہہ اے۔ اُوس رات مصر چہ یہودیاں دے گھراں دی فسح دے برّے نے حفاظت کیتی سی۔ یسوع دا لہو تہاڈے گناہواں نوں ہمیشہ دے لئی ڈھانپ دیوے گا تے تہانوں سارے زمانیاں تے ساری ابدیت دے لئی سزا توں بچا لے گا۔

یسوع خدا دا بے عیب برّہ اے جیس نے اپنا لہو تہاڈے لئی وگایا۔ جے تسی یسوع تے پروہسا کردے اُو تے اُوہدا لہو خدا دے حضوری وِچ تہاڈے گناہ ہمیشہ دے لئی دھو ڈالے گا۔ تسی اُوہدے ’’لہو دے وسیلے توں راستباز ٹھہرائے جاؤ گے‘‘ (رومیوں5: 9)، خدا وَلوں معاف کیتے جاؤ گے کیوں جے تہاڈے گناہ مسیح دے لہو نال ڈھانپے گئے نے۔ عظیم سپرجئیں دے لفظاں نوں سون، جیہڑے مبلغین دے شہزادے نے:

دُنیا گمراہ ہو چکی سی؛ خُدا نوں گناہ دی سزا دینی چائیدی اے؛ اُوہنے اپنے پُتر نوں ساڈے گناہ خود تے لدّن لئی بھیجیا کہ اُو خُدا دی شریعت نوں عزت بخش پائے تے شریعت دا فرمانبردار ہون نال خُدا دی حکومت نوں قائم کر پائے، تے موت دی سزا لئی خُود نوں حوالے کر پائے۔ اُو جیہنوں خُدا سب توں ودھ پیار کردا اے زمین تے آیا، اِک انسان بنیا، تے، اِک انسان ہون دی حیثیت توں، صلیبی موت لئی فرمانبردار سی۔ ایہہ اوہی اے جیہڑا کہلایا جاندا اے… ’’خُدا دا برّہِ‘‘ انسان دے گناہ دی اِک قربانی۔ قربانی دے بغیر گناہ توں کوئی خلاصی نئیں ہوندی؛ صرف اِک ای قربانی اے جیہڑی گناہ توں خلاصی کروا سکدی اے، تے اُو اے، یسوع مسیح جیہڑا راستباز اے… اُوہنے اپنی حیاتی حوالے کر دِتی، ’’ناراستبازاں لئی اُو راستباز،‘‘ اُو بےگناہ گنہگاراں لئی، ’’کہ اُو سانوں خُدا دے کول لہیا پائے،‘‘ تے ساڈی اُوس پیو… دے نال صُلح کراوے… تے جیہڑا کوئی اُوہدے چہ ایمان لہیائے زندہ رہوے۔ کوئی بندہ، ساری دُنیا وچ، جیہڑا خود نوں مسیح دے پرہوسے تے چھڈے گا، جیہڑا خُدا دی عظیم قربانی اے، نجات پا لیوے گا، کیوں جے… جیہڑا کوئی پُتر تے ایمان لہیاندا اے ہمیشہ دی حیاتی پاندا اے۔‘‘ (سی۔ ایچ۔ سپرجیئنC. H. Spurgeon، ’’کلام پاک وچ خُدا دا برّہ The Lamb of God in Scripture،‘‘ 25 اگست، 1889 وچ منادی کیتی گئی؛ میٹروپولیٹن عبادت گاہ دی واعظ گاہ Metropolitan Tabernacle Pulpit # 2، 329)۔

میں دعا منگنا واں کہ تُسی چھیتی ای یسوع تے پرہوسا کرو گے۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

قربان کیتا گیا پُتر تے خونی برّہ

THE SACRIFICIAL SON AND THE BLOODY LAMB

ڈاکٹر سی۔ ایل۔ کیگن وَلّوں
by Dr. Christopher L. Cagan

’’ایہہ [آدم سی] اِک آن آلے [مسیح] دی شبیہہ [یونانی وِچ tupos، type] تے
(رومیوں5:14)

(رومیوں5: 12، 19)

I.   پہلی تشبیہہ – اضحاق، اُو پُتر جیہڑا قربانی دے لئی پیش کیتا گیا، پیدائش22: 1، 2، 3، 5۔6، پیدائش22: 7، 8، 9۔10؛ یوحنا3: 16؛ متی27: 46؛ رومیوں8: 32 .

II.  دوجی تشبیہہ – فسح دا برّہ، جیس دا لہو انسان تے خدا دے وِچکار کِھلوتا اے، خروج، 12:12، 3، 5، 7، 13؛ 1کرنتھیوں5:7؛ یوحنا1:29، 36؛ رومیوں5:9 .