Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




پاک صاف کر دین آلا لہو

THE CLEANSING BLOOD
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

لاس اینجلز دی بپتسمہ دین آلی عبادت وچ دِتا گیا اِک واعظ
خُداوند دے دِن دی شام، 4 اکتوبر، 2015
A sermon preached at the Baptist Tabernacle of Los Angeles
Lord's Day Evening, October 4, 2015

’’اُوہدے پُتر یسوع دا لہو سانوں ہر گناہ توں پاک کردا اے‘‘
(1 یوحنا1:7)


یوحنا ہلے بلوغت ول بڑھ ای رہیا سی جدوں یسوع نے اُوہنوں شاگرد بنن لئی چُنیا۔ لیکن اُو اِک شاندار نوجوان بندہ سی۔ گتسمنی دے باغ وچ یسوع دے نال اُوہدی نزدیکی نوں ویکھا جا سکدا اے۔ جدوں یسوع اندر گہری تاریکی وچ گیا تے اُوہنے باقی شاگرداں نوں باغ دے سرے تے ای چھڈ دِتا سی۔ اُو اپنے نال صرف یوحنا تے دوجے دو نوں لے کے گیا سی، جدوں اُو ’’بوہتا پریشان تے بیقرار ہون لگیا؛ تے اُوہنے اُوہنوں کہیا، غم دی شدت توں میری جان نکلی جا رئی اے: تُسی ایتھے ٹھہرو تے جاگدے رہوو‘‘ (مرقس14:33، 34)۔

جدوں سپاہی یسوع نوں گرفتار کرن لئی آئے تے دوجے شاگرداں نے اُوہنوں چھڈ دِتا تے نٹھ گئے۔ لیکن یوحنا سڑک دے نال نال پِچھا کردے ہوئے یسوع دے پِچھے پِچھے اگلی سویر کلوری تیکر گیا سی جدوں اُو اپنی سُولی چُک کے اپنے مصلوب کیتے جان آلی تھاں تیکر گیا۔ جدوں دوجے خوف نال لُکے ہوئے سی، تے ایہہ کَلّا مُنڈا سی جیہنے مسیح دی ماں دی حفاظت کیتی جدوں اُو سُولی تے اپنے پُتر نوں مردا ہویا ویکھ رہئی سی۔ ایویں یوحنا واحد شاگرد سی جیہنے اُوس دِن یسوع نوں مردے ہوئے ویکھیا سی۔ باقی سارے بُوہے بند کر کے لُکے ہوئے سی۔

یسوع نے سُولی توں یوحنا تے اپنی ماں تے نظر پائی سی۔ اُوہنے یوحنا نوں اُوس [یسوع دی ماں] دا خیال رکھن لئی کہیا۔ اُوہنے یسوع نوں کہندے ہوئے سُنیا، ’’میں پیاسا واں۔‘‘ اُوہنے یسوع نوں کہندے ہوئے سُنیا ’’ایہہ تمام ہویا‘‘ جدوں اُو سُولی تے مریا سی۔ لیکن ایہدے باوجود یوحنا اپنے آپ نوں مصلوب نجات دہندہ دے کولوں دور نہ لے جا سکیا۔ یوحنا نے ویکھیا سی جدوں سپاہیاں وچوں اِک نے مسیح دی پسلی نوں نیزے نال چھیدیا سی۔ ’’تے [فوراً] لہو تے پانی وگن لگیا‘‘ (یوحنا19:34)۔ بعد وچ اُوہنے ایس واقعے نوں احتیاط نال قلمبند کیتا، ’’تاں جے تُسی وی ایمان لہیاؤ‘‘ (یوحنا19:35)۔

جدوں میری ماں فوت ہوئی تے میں جیہنی چھیتی ممکن ہو سکدا سی اُوہنی چھیتی علیانہ تے اپنے مُنڈیاں نوں لے کے پہنچیا سی۔ میں اُوہناں دے کمرے وچ چند اِک قدم چُکے تے ویکھیا، اِک لمحے لئی، کہ اُوس بیچاری دا ٹُوٹا پھوٹا بدن پہلاں توں ای اِک آر پار ویکھے جا سکن آلے پلاسٹک دے بیگ دے اندر سی۔ ماں ہمیشہ توں ای خود نوں کسی دے سامنے بغیر لباس دے ویکھ لیے جان دے معاملے وچ انتہائی شرمیلی سی۔ جدوں میں پلاسٹک دے تھیلے وچوں اُوہناں دے پیر ویکھے تے میں مُنڈیاں نوں واپس ہال ول دھکیل دِتا۔ لیکن اُوہناں دے قدماں تے اُو اِک لمحے دے کُج حصے لئی ویکھنا میرے ذہن تے ہمیشہ لئی نقش ہو چُکیا سی۔ ایہہ اٹھارہ وریاں پہلاں دی گل سی۔ میں ایہنوں اپنے ذہن وچ ایویں ویکھ سکنا واں جیویں ایہہ کل ای دی گل ہووے۔

تے اینج ای یوحنا دے نال وی ہویا سی۔ اُوہنے یسوع دی پسلی وچ نیزے نوں گھُسدے ہوئے ویکھیا سی۔ اُوہنے زخم وچوں لہو نوں اُبلدا ہویا ویکھیا سی۔ اُو ایس گل نوں کدی وی بھُل نئیں پایا ہووے گا۔ سٹھ وریاں بعد، اِک انتہائی وڈھیرے بندے دی حیثیت نال، جیہڑا اخیرلا بچا رہن آلا شاگرد سی، یوحنا ہُنے تیکر یسوع دے لہو دے بارے وچ سوچ رہیا سی جیہڑا اُوہنے اُوس دِن ویکھیا سی۔ اِک بزرگ آدمی دے کنمدے ہتھاں نال اُوہنے چرمی کاغذ دے ورق تے اُوہناں لفظاں ’’اُوس [خُدا] دے پُتر یسوع دا لہو سانوں ہر گناہ توں پاک کردا اے‘‘ (1یوحنا1:7) نوں کُندہ کیتا ہووے گا۔ یوحنا لئی یسوع دا لہو کیوں ایس قدر اہمیت دا حامل سی؟

I۔ پہلی گل، ایہہ خُدا دے پُتر یسوع مسیح دا لہو سی۔

اُو کسی ایرے غیرے دا لہو نئیں سی، تُسی جانندے اُو۔ ڈاکٹر ڈبلیو۔ اے۔ کرسویل Dr. W. A. Criswell جیہڑے کہ تقریباً سٹھ وریاں تیکر ٹیکساس دے شہر ڈلاس وچ پہلاں چینی بپتسمہ دین آلے گرجا گھر دے پادری رئے اُوہناں نے کہیا،

اُو خُدا سی جیہنے انسان دا روپ دھارا۔ پولوس وَلّوں ایس آیت توں ودھ کوئی ہور نئیں ہو سکدی اُوہناں لفظاں دے مقابلے وچ جیہڑے اُوہنے افسیوں دے بزرگان نوں اعمال 20:28 وچ کہے، ’’پس اپنا تے سارے گلے دا خیال رکھو جیہدے تُسی پاک روح وَلّوں پاسبان مقرر کیتے گئے ہو تاں جے خُدا دی کلیسیا دی پاسبانی کرو جیہنوں اُوہنے خاص اپنے لہو نال خریدیا اے۔‘‘ ایتھے اُو بیان کھُلم کھُلا، قابلِ مُذمت، سخت انداز نال، نامعقول طور تے دِتا گیا اے، کُج لوکاں دے مطابق [جیویں کہ جان میک آرتھر نے کہیا]، کہ ایہہ خُدا دا لہو سی جیہڑا سُولی تے وگایا گیا سی۔ سچے طور تے اُو انسان وچ خُدا سی جیہدی روح نے ساڈے کفارے لئی رہنمائی کیتی سی… ایس لئی زور آوری نال، مسیح دا لہو کم کردا اے… زندہ خُدا دی خدمت لئی مُردہ کماں توں ساڈے ضمیراں نوں پاک کردا اے… اُوس مسیح دے لہو جیہنے دائمی روح دے ذریعے نال خود نوں خُدا لئی پیش کر دِتا، سانوں پاک کردا اے، سانوں صاف کردا اے، سانوں دھو ڈالدا اے، سانوں مکمل کردا اے۔ (ڈبلیو۔ اے۔ کرسویل، پی ایچ۔ ڈی۔ W. A. Criswell, Ph.D.، ’’یسوع دا لہوThe Blood of Jesus،‘‘ اُو رحم دِل مسیح The Compassionate Christ، کرسینڈو کُتب پبلیکیشنز Crescendo Book Publications، 1976، صفحہ72)۔

میک آرتھر نے اعمال 20:28 دے بارے وچ کہیا، ’’پولوس دا اُوس پیو تے خُداوند یسوع مسیح دے اتحاد وچ ایس قدر شدت نال یقین سی کہ اُو مسیح دی موت دے بارے وچ ایویں گل کردا اے جیویں خُدا دا لہو وگایا گیا ہووے – جیہدا کوئی بدن نئیں تے ایویں کوئی لہو نئیں‘‘ (میک آرتھر دا مطالعۂ بائبل The MacArthur Study Bible؛ اعمال20:28 تےغور طلب گل)۔ ایویں، ڈاکٹر میک آرتھر نے نتیجتاً کہیا کہ پولوس غلط سی، کہ خُدا دا ’’کوئی لہو‘‘ نئیں ہوندا۔ ایہہ اِک خطرناک بیان اے، کیوں جے ایویں تثلیث دے عقیدے نوں تباہ کردا ہویا وکھائی دیندا اے۔ اسی میک آرتھر دے بیان نوں مسترد کرنے آں۔ اسی پولوس تے ڈاکٹر کرسویل دے نال کھلوتے آں، جنہاں نے کہیا، ایہہ خُدا دا لہو سی جیہڑا سُولی تے وگایا گیا سی‘‘ (ibid.)۔

II۔ دوجی گل، ایہہ یسوع مسیح دا لہو اے جیہڑا سانوں گناہ توں پاک صاف کردا اے۔

یوحنا رسول نے کہیا،

’’ اُوہدے پُتر یسوع دا لہو سانوں ہر گناہ توں پاک کردا اے‘‘ (1۔ یوحنا 17).

ڈاکٹر میگی Dr. McGee نے کہیا، ’’اُو لفظ پاک cleanseth فعل حال وچ اے – مسیح دا لہو سانوں گناہ توں پاک کرنا جاری رکھدا اے‘‘ (بائبل وچوں Thru the Bible؛ 1یوحنا1:7 تے غور طلب گل)۔ ایہدا مطلب ہوندا اے کہ یسوع دا لہو اَج وی وجود رکھدا اے۔ لفظ’’ پاک cleanseth‘‘ دا فعل حال وچ ہونا ساڈے تے ظاہر کردا اے کہ ایتھوں تیکر کہ ہلے وی، موجودہ زمانے وچ، مسیح دا لہو سانوں پاک کرن لئی دستیاب اے۔ میک آرتھر ایس گل تے یقین نئیں کردے۔ اُوہناں نے کہیا، ’’مسیح دا اپنا جسمانی لہو، خود اپنے آپ وچ، گناہ توں پاک نئیں سی‘‘ (عبرانیوں تے میک آرتھر دا نئے عہد نامے دا تبصرہ The MacArthur New Testament Commentary on Hebrews، صفحہ237)۔ ایہہ اِک جھوٹ اے!

’’ اُوہدے پُتر یسوع دا لہو سانوں ہر گناہ توں پاک [فعل حال] کردا اے‘‘ (1۔ یوحنا 1:7).

ڈاکٹر مارٹن لائیڈ جونز Dr. Martyn Lloyd-Jones نے کہیا،

ساڈی انجیل لہو دی انجیل اے؛ لہو بنیاد اے؛ ایہدے بغیر کُج وی نئیں اے (مصالحت دی راہ، افسیوں2 The Way of Recociliation, Ephesians2، سچائی دا علمبردار اِدارہBanner of Truth Trust ، صفحہ240)۔

فیر ڈاکٹر لائیڈ جونز نے کہیا،

ایس گل دا حتمی امتحان کہ آیا اِک انسان سچے طور تے انجیل دی منادی کر رہیا اے یا نئیں ایہہ غور کرن نال ہوندا اے کہ اُو جیہڑا زور ’’لہو‘‘ تے پاندا اے اُو کیہنا اے۔ سُولی تے موت دے بارے ای وچ گلاں کر دینا کافی نئیں ہوندا اے؛ امتحان تے ’لہو‘ اے (ibid.، صفحہ331)۔

ڈاکٹر سی۔ ایل۔ کیگن Dr. C. L. Cagan ساڈے گرجا گھر دے شریک کار پادری صاحب نے۔ ڈاکٹر کیگن دے مسیح وچ ایمان لہیا کے تبدیل ہون توں پہلاں اُو ہر اِتوار نوں تقریباً اِک ورے تیکر جان میک آرتھر دے گرجا گھر گئے۔ ڈاکٹر کیگن نے کہیا، ’’میں اپنے تبدیل ہون توں پہلاں اُوہناں دی تبلیغ دے تحت بیٹھیا ہویا سی۔ اُو میرے پادری صاحب سن۔ اُوہناں نے مینوں بائبل سِکھائی سی… میں اج دے دِن تیکر اُوہدی کئی گلاں دی تفصیلات تک نوں ہُنے تیکر یاد کر سکنا واں۔ تاہم، میں اُوہناں دی تبلیغ دے تحت مسیح وچ ایمان لہیا کے تبدیل نئیں ہویا سی… ڈاکٹر میک آرتھر دی خُدائی قسم دی فیصلہ سازیت میرے وچ اعمال دے ذریعے نال نجات دی حیثیت نال آئی سی… میں یقین کرنا واں کہ سانوں اپنے انجیلی بشارت دے پرچار دی منادی وچ مسیح دے لہو تے واضح ہونا چائیدا اے… جے اسی چاہنے آں کہ عظیم انجیلی واعظ دی منادی کرئیے جنہاں نوں خُدا بے شمار لوکاں نوں مسیح وچ ایمان لہیا کے تبدیل کرن لئی استعمال کر سکدا اے‘‘ (مردی ہوئی قوم نوں تبلیغ Preaching to a Dying Nation، لاس اینجلز دی بپتسمہ دین آلی عبادت گاہ، 1999، صفحات 183، 184)۔

میں مکمل طور تے ڈاکٹر لائیڈ جونز دے نال متفق آں کہ ’’[مسیح دی] موت تے سُولی دے بارے وچ گلاں کرنا ای کافی نئیں اے… ایس گل دا حتمی امتحان کہ آیا اِک بندہ سچے طور تے انجیل دی منادی کر رہیا اے یا نئیں ایہہ غور کرن نال ہوندا اے کہ اُو جیہڑا زور ’لہو‘ تے پاندا اے اُو کیہنا اے۔‘‘ آمین! میں خوش آں کہ ڈاکٹر لائیڈ جونز نے اُو گل کہی! میں تقریباً 58 وریاں توں خوشخبری دی منادی کردا رہیا واں۔ میں تجربے نال جاننا واں کہ گمراہ گنہگاراں نوں ایہہ سُنن دی لوڑ اے کہ یسوع اپنے لہو دے نال اُوہناں نوں سارے گناہ توں پاک کر سکدا اے۔ اِک اصول دی حیثیت نال اُو جہنم تے واعظاں یا بائبل دی پیشنگوئیاں تے واعظاں توں اُو نجات نئیں پان گے – ایہہ شروع شروع وچ تے صحیح ہون گے لیکن جدوں اسی ’’اصل گل ول آنے‘‘ آں – خود مسیح وچ نجات پا کے ایمان لہیان آلی گل ول آنے آں – تے سانوں نجات دہندہ دے لہو تے واعظاں دی منادی کرنی چائیدی اے۔

لہو تے واعظ محض گمراہ لوکاں لئی ای نئیں ہوندے۔ میں کدی کدی سوچنا واں، ’’اوہ خُدایا! میں تیرے پُتر دے لہو دے بغیر اِک دِن وی کیویں جی سکاں گا!‘‘ اُداسی دے لمحیاں وچ، کوئی گل وی میرے دِل نوں خوش نئیں کردی جیویں یسوع مسیح دا لہو کردا اے! غماں تے ذھنی دباؤ دے لمحیاں وچ ایہہ میری غذا تے مشروب اے۔

میں پاک صاف کر دین آلے لہو دی وجہ توں اُوہدی ستائش کرنا واں،
   اُو کیہو جیہا شاندار نجات دہندہ اے!
جِنہے میری جان دی خدا دے نال مصالحت کرائی؛
   اُو کیہو جیہا شاندار نجات دہندہ اے!
یسوع کیہو جیہا شاندار نجات دہندہ اے، میرا یسوع!
   یسوع کیہو جیہا شاندار نجات دہندہ اے، میرا خداوند!

میں کئی وریاں توں ایس پرانے گیت نوں نئیں گایا، لیکن ایہہ مینوں رات ای نوں یاد آیا! میں ایہنوں گاندا رہیا تے گاندا رہیا جدوں تیکر کہ میرا دِل خوشی نال بھر نئیں گیا! ایہنوں میرے نال گاؤ! ایہہ تہاڈے گیتاں دے ورق تے نمبر 7 اے۔

میں پاک صاف کر دین آلے لہو دی وجہ توں اُوہدی ستائش کرنا واں،
   اُو کیہو جیہا شاندار نجات دہندہ اے!
جِنہے میری جان دی خدا دے نال مصالحت کرائی؛
   اُو کیہو جیہا شاندار نجات دہندہ اے!
یسوع کیہو جیہا شاندار نجات دہندہ اے، میرا یسوع!
   یسوع کیہو جیہا شاندار نجات دہندہ اے، میرا خداوند!
(’’کیہو جیہا شاندار نجات دہندہ! What a Wonderful Savious!‘‘ شاعر علیشاہ اے۔ ھوفمین Elisha A. Hoffman، 1839۔1929)۔

میں اُوس گیت نوں اپنی حمدوثنا دے گیتاں دی کتاب وچ تلاش کیتا سی تے ایہنوں لبھ نہ پایا۔ فیر میں 50 وریاں پہلاں دے بپتسمہ آلے حمدوثنا دے گیتاں دی میری پرانی کاپی نوں تلاش کیتا، اُو حمدوثنا دی کتاب جیہنوں اسی پہلاں چینی بپتسمہ گرجا گھر وچ استعمال کیتا کردے سی۔ اُو اُوہدے وچ موجود سی! ایہہ کئی وریاں دے بعد اِک پرانے بیلی نوں ویکھن وانگوں سی۔ میری اکھاں وچ ہنجو آ گئے جدوں میں ایہنوں گا رہیا سی۔ ایہنوں ہُن آہستہ آہستہ گاؤ!

میں پاک صاف کر دین آلے لہو دی وجہ توں اُوہدی ستائش کرنا واں،
   اُو کیہو جیہا شاندار نجات دہندہ اے!
جِنہے میری جان دی خدا دے نال مصالحت کرائی؛
   اُو کیہو جیہا شاندار نجات دہندہ اے!
یسوع کیہو جیہا شاندار نجات دہندہ اے، میرا یسوع!
   یسوع کیہو جیہا شاندار نجات دہندہ اے، میرا خداوند!

مینوں ناں نہاد کہلائے جان آلے ’’ماہرین‘‘ نے دسیا کہ مینوں بائبل دی آیات دی طویل لڑی وچوں ’’تفسیراتی‘‘ واعظاں دی منادی کرنی چائیدی اے! لیکن میں ’’ماہرین‘‘ دی نئیں سُن سکدا! مینوں شاید سُن لینا چائیدا اے، لیکن میں نئیں سُن سکدا! مینوں اِک آیت – یا آیت دے اِک حصے دی ہڈیاں وچوں گودا چوسنا پئے گا – جیویں کہ ساڈے پیو دادا نے کیتا سی، اُو پیوریٹنز جیہڑے عظیم مبشران انجیل سی جنہاں نے اُوہناں دی پیروی کیتی سی – جیویں کہ وائٹ فیلڈWhitefield تے ویزلی Wesley، تے جان سینیک John Cennick، ڈانیئل رولینڈ Daniel Rowland، تے حوول ھیرس Howell Harris – خُدا اُوہناں نوں برکت دوے! تے جوزف پارکر Joseph Parker تے سپرجیئن Spurgeon جیہڑے مبلغین دے شہزادے نے۔ اُوہناں ای وانگوں، مینوں وی اِک یا دو آیات وچوں – یا اِک آیت دے حصے وچوں ای منادی کرنی چائیدی اے۔ میں اپنی منادی نوں اِک موضوع توں دوجے ول آوارہ گردی نئیں کرن دینا چاہندا۔ مینوں ہڈیاں وچوں گوشت تے اُوہناں وچوں گودا چائیدا اے! ایہہ اے جیہڑا میری جان نوں تسکین بخشدا اے – تے تہاڈی جان نوں وی! ہڈیاں وچ گودا!

’’اُوہدے پُتر یسوع دا لہو سانوں ہر گناہ توں پاک کردا اے‘‘ (1۔ یوحنا 1:7).

شیطان آندا تے مینوں سرگوشی وچ کہندا اے، ’’جے تُسی اینج کرو گے تے اُو لوکی تے نئیں سوچن گے کہ تُسی اِک عظیم مبلغ اُو۔‘‘ میں اُوہنوں اپنا جواب گھما کے مارنا واں – مینوں ایہدی کی پرواہ جے اُو سوچدے نے کہ اِک ’عظیم مبلغ‘ آں یا نئیں؟ مینوں ایس بارے وچ بالکل وی کوئی پرواہ نئیں اے۔‘‘ میرا مقصد تے میری خواہش، میرا جلال تے میری مسرت ایس گل وچ اے کہ میں اِک گمراہ گنہگار نوں چشمے ول آندا ہویا ویکھاں تے یسوع مسیح دے قیمتی لہو دے وسیلے نال سارے گناہ توں دھل کے پاک صاف ہوندا ہویا ویکھاں۔

میں دو بپتسمہ یافتہ مبلغین نوں جاننا واں جیہڑے گمراہ لوکی نے۔ اُوہناں دیاں حیاتیاں ظاہر کردیاں نے کہ اُو کدی وی نئے سرے توں پیدا ای نئیں ہوئے، کدی وی مسیح وچ ایمان لہیا کے تبدیل ای نئیں ہوئے، کدی وی بچائے ای نئیں گئے۔ میں جاننا واں کہ پہلاں آلا میرے بے شمار واعظاں نوں پڑھدا اے۔ میں دوجے گمراہ یا کھوئے ہوئے مبلغ نوں اِک چینی پادری صاحب دے جنازے وچ ’’مُنہ ویکھن‘‘ دے موقع تے ویکھیا سی، جیہڑا کئی وریاں دا اِک پیارا بیلی سی۔ اُوہدا مُنہ ویکھ چُکن دے بعد میں کمرے وچوں باہر نکلیا۔ میں ایس گمراہ پادری دے نال روبرو ہویا۔ میں اُوہنوں کئی وریاں توں جاننا واں۔ اُوس بیچارے نے اپنی بے لاگ شدید خواہشات نوں ملوث کرن دی وجہ نال اپنا سارا کُج کھو دِتا۔ میں اُوہدے نال ہتھ ملایا۔ میں اُوہدی صحت دے بارے وچ پُچھیا۔ فیر میں کہیا، ’’میں چاہواں گا کہ تُسی انٹرنیٹ تے میرے واعظ پڑھو۔‘‘ اُو مسکرایا تے کہیا، ’’کی تُسی مذاق کر رئے اُو؟ میں اُوہناں نوں تہاڈی ویب سائٹ تے ہر ہفتے پڑھنا واں!‘‘ میرا دِل خوشی نال اُچھل پیا! اُو غریب بندہ ادھی صدی توں میرا بیلی رہیا سی! مینوں ایہنوں ناکام نئیں ہون دینا چائیدا! مینوں تے اِک ’’عظیم مبلغ‘‘ ہون دے بارے وچ سوچنا وی نئیں چائیدا۔ مینوں ایہنوں ناکام نئیں ہون دینا چائیدا! مینوں ایہنوں ناکام نئیں ہون دینا چائیدا! مینوں دور دراز تیکر گمراہ گنہگاراں نوں دسنا چائیدا اے،

’’اُوہدے پُتر یسوع دا لہو سانوں ہر گناہ توں پاک کردا اے‘‘ (1۔ یوحنا 1:7).

میں پاک صاف کر دین آلے لہو دی وجہ توں اُوہدی ستائش کرنا واں،
   اُو کیہو جیہا شاندار نجات دہندہ اے!
جِنہے میری جان دی خدا دے نال مصالحت کرائی؛
   اُو کیہو جیہا شاندار نجات دہندہ اے!
یسوع کیہو جیہا شاندار نجات دہندہ اے، میرا یسوع!
   یسوع کیہو جیہا شاندار نجات دہندہ اے، میرا خداوند!

اِک گمراہ یا گمشدہ ہونا کی ہوندا اے میں ایہہ گل جاننا واں! میں ایہہ گل وی جاننا واں کہ اِک گمشدہ یا گمراہ مبلغ ہونا وی کینج دا محسوس ہوندا اے – کیوں جے میں خود تِن وریاں تیکر اِک گمراہ مبلغ رہیا سی، اُوس ویلے تیکر جدوں میں 17 وریاں دی عمر وچ ’’منادی کرن توں ہتھیار ڈھا دِتے سن جدوں تیکر کہ میں 20 وریاں دی عمر وچ نجات نئیں پا لئی۔ اوویں گمراہ رہن دا احساس نہایت ہولناک ہوندا اے۔ گمراہ ہونا ایویں ای ہوندا اے جیویں زمین وچ جہنم دا ہونا، جیتھے خُدا دے نال باہمی رابطیاں دے سارے در بند کر دِتے جاندے نے، کدی یقین نئیں ہوندا، کدی پُراعتماد نئیں ہوندا، ہمیشہ بدنصیبی لئی خوف نال بھرپور، ہمیشہ خود نوں سزا دیندے ہوئے! ہائے، پیارے بیلی مینوں فون کرنا۔ میں تہاڈی جان نوں مذھبی برادری توں جُدا نئیں ہون دواں گا – نا ای میں تہاڈے توں مُنہ موڑاں گا۔ مینوں فون کرنا تے میں تہانوں اِک دوجی راہ وکھاواں گا، مصالحت دی راہ – پاک صاف ہون تے نئی زندگی دی راہ – خُدا دے پُتر یسوع مسیح دے لہو دی راہ! میں اُوس راہ نوں تِن وریاں تیکر کھو دِتا سی۔ تُسی شاید ایہنوں ایہدے توں ودھ کھو چُکے اُو۔ کیوں مذید ہور زیادہ انتظار کیتا جاوے؟ تُسی جانندے اُو کہ تہاڈے کول مسیح دا لہو نئیں اے۔ ہُن، آؤ تے ایہدے وچ غسل کرو۔ نبی نے نعمان کوڑھی نوں کہیا سی، ’’ست وری دریائے یردن وچ غوطے مارنا تے پاک صاف ہو جاوے گا‘‘ (حوالہ ویکھو 2 سلاطین5:10، 14)۔ تے میں اج دی رات تہانوں کہنا واں، ’’یسوع دے لہو وچ اِک وری غوطہ مارو تے تُسی اُوہدے توں وی زیادہ ہمیشہ لئی پاک صاف ہو جاؤو گے!

’’اُوہدے پُتر یسوع دا لہو سانوں ہر گناہ توں پاک کردا اے‘‘ (1۔ یوحنا 1:7).

میں پاک صاف کر دین آلے لہو دی وجہ توں اُوہدی ستائش کرنا واں،
   اُو کیہو جیہا شاندار نجات دہندہ اے!
جِنہے میری جان دی خدا دے نال مصالحت کرائی؛
   اُو کیہو جیہا شاندار نجات دہندہ اے!
یسوع کیہو جیہا شاندار نجات دہندہ اے، میرا یسوع!
   یسوع کیہو جیہا شاندار نجات دہندہ اے، میرا خداوند!

جان سُنگ John Sung اِک ذھین نوجوان چینی شخص سی جیہڑا تعلیم حاصل کرن دے لئی امریکہ آیا سی۔ لیکن اُوہنے محسوس کیتا کہ اُو اِک ناکام اِنسان سی۔ جیہڑا اُوہدا پیو چاہندا سی اُو بنن وِچ اُو ناکام رہیا سی۔ اُو اُس کُڑی دے نال ناکام رہیا سی جِنہوں اُو سیمنری وِچ ملیا سی۔ اُو سکون تلاش کرن وِچ ناکام رہیا سی۔ اُو جرم دے سبب توں اذیت چُکدا رہیا سی۔ اُو اِک شدید روحانی کمشکش وِچ سی۔ فیر، فروری دی اِک شام، اُوہنے اپنے اَگے حیاتی دے گناہواں نوں بِچھیا ہویا ویکھیا۔ شروع شروع وِچ اینج وکھائی دِتا جیویں اُوہناں توں فرار دے کوئی راہ نئیں سی تے اُوہنے جہنم وِچ جانا چائیدا اے۔ اُوہنے اپنے گناہواں نوں بُھلان دی کوشش کیتی سی۔ لیکن بُھلا نئیں پایا۔ اُو اُوہدے انتہائی دِل نوں چیردے سن۔ اُو اپنے صندوق دے کول گیا تے اُوہدے وِچوں لبھ کے بائبل کڈی۔ اُوہنے لوقا23 باب وِچوں یسوع دی مصلوبیت نوں کھولیا۔ اُوہدے گناہواں دے لئی سولی تے مردے ہوئے یسوع دا نظارہ ایس قدر شدید سی کہ اُوہنوں ایویں لگیا جیویں اُو صلیب دے ہیٹاں ای موجود سی، اُوس قیمتی لہو دے وسیلے توں پاک صاف ہو کے دُھل جان دے لئی اِلتجا کردا ہویا۔ اُوہنے اَدھی رات تیکر دعا منگنا تے رونا جاری رکھیا۔ فیر اُوہنے اپنے دِل وِچ اِک آواز نوں کہندے ہوئے سُںیا، ’’پُتر، تیرے گناہ معاف ہوئے۔‘‘ اُوہدے موڈھیاں توں سارا بوجھ یکدم ڈِگدا ہویا وکھائی دِتا۔ اُوہدے تے انتہائی شدید سکون دا احساس چھاندا ہویا محسوس ہویا تے اُو اپنے قدماں تے اُچھل پہیا تے پُکار اُٹھیا ’’ھلیلیویاہ!‘‘ اُو اجتماعی خواب گاہ دے وڈے ہال وِچوں تیزی دے نال نٹھدا ہویا تے نجات دلان دے لئی خدا دی ستائش کردے ہوئے پکاردا ہویا نکلیا۔ (جان سُنگ کی حالاتِ زندگی A Biography of John Sung وِچوں اخذ کیتا گیا، مصنف لیزلی ٹی۔ لیعال Leslie T. Lyall، چین چہ بیرونی مشن دی سمندر پار دی مشنری رفاقت China Inland Mission Overseas Missionary Fellowship، دوبارہ اشاعت 1965، صفحات33، 34)۔ اُو اِک عظیم ترین مبلغ بنن دے لئی ٹُر گیا جیہدے وگرا شاید ای کدی کوئی مشہور ہویا ہو!

’’اُوہدے پُتر یسوع دا لہو سانوں ہر گناہ توں پاک کردا اے‘‘ (1۔ یوحنا 1:7).

میں اَج دی راتی تہاڈے کولوں اِلتجا کرنا واں کہ یسوع دے کول آؤ۔ اپنے سارے خوف تے شک دور کرو۔ نجات دہندہ دے کول آؤ۔ اُوہدے قیمتی لہو دے نال دُھل کے پاک صاف ہو جاؤ۔ آمین۔ ڈاکٹر چعین Dr. Chan، مہربانی نال دعا وِچ ساڈی رہنمائی کرو۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

پاک صاف کر دین آلا لہو

THE CLEANSING BLOOD

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

’’اُوہدے پُتر یسوع دا لہو سانوں ہر گناہ توں پاک کردا اے‘‘ (1۔ یوحنا 1:7).

(مرقس14:33، 34؛ یوحنا19:34، 35)

I.    پہلی گل، ایہہ خدا دے پُتر یسوع مسیح دا لہو اے، اعمال20:28 .

II.   دوجی گل، ایہہ یسوع مسیح دا لہو اے جیہڑا سانوں گناہ توں پاک صاف کردا اے، 1یوحنا1:7 .