ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یسوع دے مصلوب کیتے جان توں اِک رات پہلاں اُو اپنے شاگرداں نوں ’’اِک بہت وڈے بالاخانے‘‘چہ لے گیا (لوقا22:12) جیتھے اُوہناں نے فسح دا کھانا اکٹھے ای کھادا۔ کھانا کھا چکن دے بعد یسوع نے روٹی تے اِک پیالہ لہیا تے عشائے ربانی نوں قائم کیتا۔ فیر یسوع نے اُوہناں نوں دَسیا کہ ’’تہاڈے وِچوں اِک مینوں دھوکہ دے گا‘‘ (متی26:21)۔ اُودوں یہوداہ ’’فوراً باہر ٹُر گیا: تے رات ہو چکی سی‘‘ (یوحنا13:30)۔ چند اِک منٹاں بعد شاگرد اِک وری فیر ایس گل تے بحث کرن لگے کہ ’’اُوہناں وِچوں سب توں وڈا کہیڑا اے‘‘ (حوالہ ویکھو لوقا9:46)۔ ڈاکٹر میگی Dr. McGee نے کہیا، ’’کی تُسی ایدا تصور کر سکدے ہو؟ بالکل صلیب دے سائے چہ اے لوکی رُتبے لئی لالچ کر رئے سن‘‘ (جے۔ ورنن میگی، ٹی ایچ۔ ڈی۔ J. Vernon McGee, Th.D.، بائبل وِچوں Thru the Bible، تھامس نیلسن پبلیشرز، 1983، جلد چہارم، صفحہ 435؛ لوقا22:24 تے غور طلب گل)۔

اُوہناں نوں ہُن وی سمجھ چہ نئیں آیا سی کہ یسوع مصلوب ہون لئی جا رہیا سی، حالانکہ اُو اُوہناں نوں ایس بارے چہ متی دی انجیل وِچ پنج وری دس چکیا سی (16:21؛ 17:12؛ 17:22۔23؛ 20:18۔19؛ 20:28)۔ میں ڈاکٹر میگی دے نال متفق آں کہ شاگرداں نے اُس ویلے تیکر نوا جنم (احیاء) نئیں لہیا سی جدوں تیکر اُوہناں نے ایسٹر دی شام نوں جی اُٹھے مسیح دا سامنا نئیں کر لہیا (یوحنا20:21 تے غور طلب گل۔ (میرے واعظ پڑھن لئی ایتھے کِلک کرو – ’’ شاگردوں کے خوف The Fear of the Disciples،‘‘ ’’یہ قول اور اِس کا مطلب اُن سے پوشیدہ رہا This Saying Was Hid From Them‘‘ اور ’’پطرس کی تبدیلی The Conversion of Peter۔‘‘)

پطرس نے خصوصی طور تے خوشخبری دی مخالفت کیتی سی۔ اُوہنے یسوع دے نال تعلق رکھدیاں ہویاں پاک روح وَلوں کوئی الہٰام ہویا سی (متی16:15۔17) – ایس دے باوجود اُوہنے یسوع دے نال ایہہ تے کہ اُوہنوں [یسوع نوں] قتل کیتا جائے گا، تے تیجے دِن فیر جی اُٹھے گا‘‘ غصہ کیتا۔ ایویں، پطرس نے شدت دے نال خوشخبری نوں جُھٹلایا سی! متی سانوں دسدا اے،

’’اُوہدے بعد یسوع نے اپنے شاگرداں تے ظاہر کرنا شروع کیتا کہ اُوہدا یروشلیم جانا لازمی اے تاکہ اُو بزرگاں، سردا کاہناں تے شریعت دے عالماں دے ہتھوں بہت دُکھ چکے، قتل کیتا جائے تے تیجے دِن جی اُٹھے۔ فیر پطرس اُوہنوں الگ لے گیا تے ملامت کرن لگا کہ خُداوندا! ہرگز نئیں، تیرے نال ایویں کدی نئیں ہووے گا۔ لیکن یسوع نے مُڑ کے پطرس نوں کہیا، اے شیطان، میرے اَگوں دور ہو جا، توں میری راہ وِچ رکاوٹ بن رہیا اے: کیوں جے تینوں خُدا دیاں گلاں دا نیئٰں بلکہ بندیاں دیاں گلاں دا خیال اے‘‘ (متی16:21۔23)۔

ڈاکٹر جے ورنن میگی نے اُوس حوالے تے ایہہ رائے پیش کیتی،

پہلی وری خُداوند یسوع نے اپنے شاگرداں نوں اپنی موت تے جی اُٹھن دا دسیا۔ ایہہ ویلہ اُوہدے اصل وِچ مصلوب کیتے جان توں تقریباً چھے مہینے پہلے سی۔ اُوہنے کیوں ایس قدر انتہائی اہم اعلان لئی ایس قدر زیادہ لمبا انتظار کیتا؟ یقینی طور تے، اُوہدے شاگرد ایس گل لئی تیار نئیں سن، حتیٰ کہ ایس ویلے وی، اُوہناں دے ردعمل توں اندازہ لاہندیاں ہویاں۔ اُوہنے ایس حقیقت نوں کہ اُو یروشلیم مرن لئی جا رہیا سی پانچ وری دھرایا سی (متی [16:21]؛ 17:12؛ 17:22۔23؛ 20:18۔29؛ 20:28)۔ ایس قدر زیادہ ہدایت دے باوجود، شاگرد اہدی اہمیت نوں گرفت چہ لین وِچ ناکام رئے سن… اُوہدے جی اُٹھن دے بعد تیکر (جے۔ ورنن میگی، ٹی ایچ۔ ڈی۔ J. Vernon McGee, Th.D.، بائبل وِچوں Thru the Bible، تھامس نیلسن پبلیشرز، 1983، جلد چہارم، صفحہ 93؛ متی16:21 تے غور طلب گل)۔

ڈاکٹر میگی نے کہیا، ’’ایس گل دا نچور ایہہ اے، پطرس نے کہیا، ’تو مسیحا اے؛ تو خُدا دا پُتر اے۔ تینوں مرنا نئیں چائیدا اے، توں صلیب لئی جا ای نئیں سکدا!‘ صلیب اُوہدی سوچ وِچ سی ای نئیں… بالکل وی نئیں، جیویں کہ تُسی ویکھ سکدے ہو‘‘ (ibid.، متی16:22 تے غور طلب گل)۔ پطرس نوں مسیح نال توقع سی کہ اُو بالکل اُسی ویلے اپنی بادشاہی قائم کرے۔ اُوہنوں مسیحا نال توقع نئیں سی کہ اُو پہلاں دُکھ چکے تے صلیب تے مرے جیویں کہ پرانے عہد نامے دی بے شمار پیشن گوئیاں وِچ پہلاں ای توں دسیا گیا سی (حوالہ ویکھو اشعیا53؛ زبور22؛ زکریا12:10؛ 13:6؛ وغیرہ۔)۔ میں ڈاکٹر میگی دے نال متفق آں، کہ پطرس دا خوشخبری نوں سرے نال ای ٹھکرانا ظاہر کردا اے کہ اوہنے اُوس ویلے تیکر فیر جنم [احیاء] نئیں لہیا سی جدوں تیکر مسیح مُرددیاں وِچوں جی نئیں اُٹھیا سی۔ کوئی وی جیہڑا خوشخبری نوں ٹھکراندا اے فیر جنم نئیں لے سکدا تے مسیح وِچ ایمان لہیا کے تبدیل نئیں ہو سکدا!

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے موبائل فون تے مہیا نے۔
WWW.SERMONSFORTHEWORLD.COM تے جاؤ۔
جیدے تے لفظ ’’ایپ اے اُوس سبز بٹن تے کلِک کرو۔
جیہڑا ہدایتاں سامنے آن اُوہناں تے عمل کرو۔

+ + + + + + + + + + + + + + + + + + + + + + + + + + + + + + + + + + + + + +

ہُن فیر، جیویں کہ اَسی اپنی تلاوت دی جانب ودھنے آں، اَسی ویکھنے آں کہ شاگرد کیہنوں ’’سب توں وڈھا شمار‘‘ کیتا جائے گا ایس گل تے بحث کر رئے نے۔ فیر سانوں پتا چلدا اے کہ یسوع نے شمعون پطرس نوں کہیا،

’’تے خُداوند نے کہیا، شمعون، شمعون، ویکھ، شیطان نے گِڑگڑا کے اِجازت منگی کہ تہانوں گندم وانگوں پھٹکے لیکن میں تیرے لئی دعا کیتی کہ تیرا ایمان جاندا نہ رئے تے جدوں تُو توبہ کر چکے تے اپنے پراہواں دے ایمان نوں مضبوط کرنا۔ تے پطرس نے اُوہنوں کہیا، اے خُداوند! تیرے نال تے میں قید ہون بلکہ مرن نوں وی تیار آں۔ لیکن یسوع نے کہیا: اے پطرس، میں تَہنُوں کہندا آں کہ اج کُکڑ دے بانگ دین توں پہلاں تو تِن وری میرا انکار کرے گا کہ تو مینوں جاندا تک نئیں‘‘ (لوقا22:31۔34)۔

یسوع نے کہیا، ’’جدوں تو توبہ کر چکے، تے اپنے پراہواں نوں مضبوط کرنا۔‘‘ لیکن پطرس نے نئیں سوچیا سی کہ اُوہنوں وی توبہ کرن دی ضرورت سی! میں یقین کرنا آں کہ ایہہ سوچنا اِک غلطی ہوئے گی کہ مسیح پطرس دی تبدیلی یا اُوہدے توبہ کرن دے بارے وچ گل نئیں کر رہیا سی۔ اُو اُوس ویلے تیکر تبدیل نئیں ہویا سی یا اُوہنے اُوس ویلے تیکر توبہ نئیں کیتی سی جدوں تیکر مسیح اُوہدے تے دوجے شاگرداں دے سمنے ظاہر نئیں ہو گیا، تے اُوس شام نوں جدوں اُو مُردیاں وچوں جی اُٹھیا سی اُوہناں تے اپنا پاک روح نہ پھونکیا (حوالہ ویکھو یوحنا 20:22). ایس واقعہ نال تعلق رکھدے ہوئے ڈاکٹر میگی نے کہیا کہ ایہہ اُوس ویلے ہویا سی جدوں ’’ایناں لوکاں نے احیاء [نیا جنم] پائی سی‘‘ (بائبل وچوں Thru the Bible، جلد چہارم، یوحنا 20:22 تے غور طلب گل). میرے خیال وچ ’’فیصلہ سازیت‘‘ دے ایس دور وچ سانوں اُوہنوں ’’نوی بصیرت‘‘ دے نال پڑھن دی ضرورت اے۔

پطرس کافی پُر اعتماد سی جدوں اُوہنے کہیا، ’’تیرے نال تے میں قید ہون بلکہ مرن نوں وی تیار آں۔‘‘ لیکن یسوع جانندا سی کہ اُو ایویں ایس غیر تبدیل شدہ حالت وچ نئیں کر سکدا سی۔ یسوع نے اُوہنوں کہیا، ’’اے پطرس، میں تَہنوں کہندا آں کہ اج کُکڑ دے بانگ دین توں پہلاں تو تِن وری میرا انکار کرے گا کہ تُو مینوں جانندا تک نئیں۔‘‘ ایدے چہ سبق ایہہ اے: تُسی شیطان دے خلاف اُوس ویلے تیکر کھلون دے قابل نئیں اُو جدوں تیکر نیا جنم نئیں لیندے تے توبہ [مسیح وچ ایمان لہیا کے تبدیل نئیں ہو جاندے] نئیں کر لیندے!

فیر یسوع بالاخانے توں شاگرداں نوں باہر گتسمنی دے باغ دی تاریکی وچ لے آیا جِتھے، ’’فیر اُو سخت درد و کرب وچ مبتلا ہو کے ہور وی دِلسوزی نال دعا کرن لگیا: تے اُوہدا پسینہ لہو دیاں بونداں دے وانگوں زمین تے ٹپکن لگیا‘‘ (لوقا 22:44). جدوں یسوع ایس تنہائی آلی دعا نوں کر کے واپس آیا، تے اُوہنے شاگرداں نوں سوتیاں پایا۔ جدوں اُو اُوہناں نال گلاں کر رہیا سی تے ہیکل دے سپاہی، دھوکے باز یہوداہ دی رہنمائی وِچ باغ وِچ ٹُرے چلے آئے تے یسوع نوں گرفتار کر لہیا۔ اُو یسوع نوں گھسیٹدیاں ہویاں سردار کاہن دے گھر لے گئے، ’’تے پطرس بوتی دور تیکر پِچھے گیا‘‘ (لوقا22:54)۔ سردار کاہن دی رہائش گاہ دے باہر اَگ جلائی گئی سی۔ پطرس لوکاں دے اِک گروہ دے نال اَگ دے کول بہھ گیا سی۔ فیر اِک نوجوان کُڑی نے کہیا، ’’ایہہ بندہ وی [یسوع] دے نال سی‘‘ (لوقا22:56)۔ پطرس نے ایہہ کہندیاں ہویاں یسوع دا انکار کیتا، ’’اے عورت، میں اُوہنوں نئیں جانندا‘‘ (لوقا22:57)۔ کُج ویلے بعد اِک ہور شخص نے پطرس نوں ویکھیا تے کہیا، ’’تُوں وی اُوہناں ای وچوں اِک اے‘‘ – تُوں یسوع دے شاگرداں وچوں اِک اے – ’’تے پطرس نے کہیا، اے شخص، میں نئیں آں‘‘ (لوقا 22:58). تقریباً اِک گھنٹے بعد اِک ہور شخص نے کہیا، ’’ایہہ آدمی بلاشبہ اُوہدے نال سی کیوں جے ایہہ وی گلیلی اے‘‘ (لوقا 22:59). تے پطرس نے کہیا، ’’اے شخص، میں نئیں جانندا کہ تُوں کی کہہ رہیا اے‘‘ لوقا 22:60). ’’ایدے تے [پطرس] خود تے لعنت کرن لگیا تے قسماں کھا کھا کے کہن لگا کہ میں ایس آدمی توں واقف نئیں آں‘‘ (متی 26:74).

’’تے ہلے اُو کہہ ای رہیا سی کہ کُکڑ نے بانگ دتی۔ تے خداوند نے مُڑ کے پطرس ول ویکھیا تے پطرس نوں خداوند دی اُو گل یاد آئی جیہڑی اُوہنے پطرس نوں کہی سی کہ اج کُکڑ دے بانگ دین توں پہلاں تُو تِن وری میرا اِنکار کرے گا۔ تے پطرس باہر جا کے زار زار رویا‘‘ (لوقا 22:60۔62).

ایتھے ساڈی تلاوت اے، ’’تے پطرس باہر جا کے زار زار رویا۔‘‘ ایدے توں دو سبق حاصل کیتے جا سکدے نے – پہلا، اُوہدی سزایابی دا سبب تے، دوجا، اوہدے لئی علاج۔

I۔ پہلا، پطرس دی سزایابی دا سبب۔

ایتھے اسی پطرس نوں گناہ دی سزایابی دے تحت ویکھدے آں۔ ڈاکٹر اے۔ ٹی رابرٹسن Dr. A. T. Robertson نے کہیا، ’’اُو زار زار رویا۔ تمام زباناں تے تمام دلاں وچ ’ناقابلِ برداشت Bitter‘ آنسوؤاں لئی اِک عام تاثر اے‘‘ (اے۔ ٹی۔ رابرٹسن A. T. Robertson، علم الہٰیات وچ ڈاکٹریٹ Litt.D.، نئے عہدنامے وچ کلام دی عکاسیWord Pictures in the New Testament، بروڈمین پریس Broadman Press، 1930، جلد دوئم، صفحہ 276؛ لوقا 22:62 تے غور طلب گل).

ڈاکٹر آر۔ سی۔ ایچ۔ لینسکی Dr. R. C. H. Lenski نے کہیا، ’’متی تے لوقا [پطرس] دی توبہ نوں دو لفظاں [eklause pikrōs] دے نال بیان کردے نے، اُو فعل بُلند، قابلِ سماعت رون دا اظہار کردا اے: ’اُو ناقابلِ برداشت طور تے سسکیاں لے لے کے رویا۔‘ فعل متعلق جسمانی طور تے سسکیاں لین دی جانب نشاندہی نئیں کردا اے بلکہ اُوس شرمساری دی شدت نوں ظاہر کردا اے جیہڑی ایدی وجہ توں ہوئی اے۔ شرمساری وچ اُو احساس شامل اے کہ اسی گناہ کر چُکے آں تے ساڈے گناہ لئی اُوس رنج دا خالص نتیجہ‘‘ ( آر۔ سی۔ ایچ۔ لینسکی، پی ایچ۔ ڈی۔ R. C. H. Lenski, Ph.D.، لوقا دی انجیل دی تاویل The Interpretation of St. Luke’s Gospel، اُوگسبرگ اشاعت خانےAugsburg Publishing House ، اشاعت 1961، صفحہ 1091؛ لوقا 22:62 تے غور طلب گل).

’’تے پطرس باہر جا کے زار زار رویا‘‘ (لوقا22:62)۔

اُو خُدائی رنج سی،

’’کیوں جے اُو رنج جیہڑا خُدا دی مرضی نوں پورا کردا اے انسان نوں توبہ کرن تے اُبھاردا اے جیدا نتیجہ نجات اے‘‘ (2 کرنتھیوں7:10)۔

ایہہ سزایابی سی جیہڑی پطرس نوں خُدا دے روح ولوں پطرس تے بھیجی گئی سی،

’’تے جدوں اُو آ جائے گا، تے جِتھے تیکر گناہ، دا تعلق اے اُو دُنیا نوں مجرم قرار دے گا‘‘ (یوحنا16:8)۔

عمومی طور تے گناہ دی سزایابی تے گل کردے ہوئے آئعین ایچ۔ میورے Iain H. Murray نے کہیا،

پاک روح گناہ دی سزایابی لئی آندا اے۔ ایہہ قطعی طور تے ضروری اے کہ انسان نوں گناہ دا قائل ہونا چائیدا اے … [پاک روح] مقصد دے تحت گناہ دے بارے چہ قائل کرن لئی آندا اے، لوکاں نوں ایہہ احساس دلان لئی کہ اُو قصوروار نے، شدید طور تے قصوروار نے – ایس قدر قصور وار کہ اُو کھو چکے نے، تباہ ہو چکے نے تے فنا پذیر ہو چکے نے۔ اُو گناہ نوں گناہ ظاہر کرن لئی آندا اے، تے سانوں [گناہ دے] خوف توں بھرپور نتائج دکھان لئی آندا اے۔ اُو زخم دین لئی آندا اے تاں جے کوئی وی انسانی مرہم شفا نہ دے سکے؛ قتل کرن لئی تاں جے کوئی وی زمینی قوت سانوں زندہ نہ کر سکے … ایتھے پاک روح نوں مرجھا ڈالن آلا عمل ہوندا اے جیدا سانوں تجربہ کرنا چائیدا اے، ورنہ اسی کدی وی اُوہدی قوت بخش تے بحال کر دین آلی قوت نوں جان نئیں پان گے۔ ایہہ مُرجھانا سب توں ودھ ضرورت توں بھرپور تجربہ ہوندا اے، تے بالکل ہُنے ای ایدے تے زور دین دی ضرورت وی اے۔ اج ساڈے ہاں بے شمار انج دے لوکی تعمیر ہو چکے نے جنہاں نوں کدی وی نیچا نئیں کیتا گیا سی؛ ایس قدر زیادہ لبریز ہوئے جنہاں نوں کدی وی خالی نئیں کیتا گیا سی؛ ایس قدر لوکی معزز ہوئے جنہاں نوں کدی وی عاجز نئیں کیتا گیا سی؛ کہ میں تہانوں نہایت ایمانداری دے نال یاد دلاندا آں کہ پاک روح نوں [تہانوں] گناہ دے بارے وچ قائل کرنا چائیدا اے، ورنہ [تُسی] نجات نئیں پا سکدے۔ [سزایابی دا] ایہہ کم سب توں ودھ ضروری اے، کیوں جے ایدے بغیر کوئی وی خُدا دے فضل دی خوشخبری نوں وصول کرن لئی قیادت کرن آلے لوکی نئیں نے … مسیح وچ ایمان لہیا کے تبدیل ہون دے بارے چہ سچائی دی بحالی لئی اج اشد ضرورت اے۔ ایس موضوع تے اِک وسیع پھیلی ہوئی تکرار ہزارہا کم اہم گلاں نوں اُڑا دین لئی ہوا دا اِک صحت مندانہ جھونکا ہوئے گی۔ خُدا دے خوف دا اِک نیاپن بے شمار دُنیاوی سوچاں دا خاتمہ کر دئے گا … آئعین ایچ۔ میورے Iain H. Murray، پرانی ایونجیلیکل اِزم The Old Evangelicalism، سچائی تے پرہوسے دے علمدار The Banner of Truth Trust، 2005 ایڈیشن، صفحات 66۔67)۔

میرے واعظ ’’خُدا دے روح دا افسردہ کر دین آلا کم The Withering Work of the Spirit‘‘ نوں پڑھن لئی ایتھے کلک کرو۔

’’تے پطرس باہر جا کے زار زار رویا‘‘ (لوقا22:62)۔

ذاتی طور تے، میں یقین کردا آں کہ ایہہ اُوس ویلے ہویا سی جدوں پطرس گناہ دی سزایابی دی انجیلی بشارت دی پرانی تعلیم دے تحت آیا سی۔ جی ہاں، میں پطرس نوں ایس حد تیکر پہلاں توں جانندا آں جدوں اُوہنے یسوع نوں کہیا سی، ’’اے خُداوند! میں گنہگار آدمی آں، تے میرے کولوں چلا جا‘‘ (لوقا 5:8). لیکن ایہہ سوچناکہ تُسی اِک گناہ توں بھرپور ہو اِک گل اے تے اِک پاک خُدا دی حضوری وچ اپنے گناہ دے ہولناک وزن نوں محسوس کرنا قطعی طور تے اِک مختلف گل اے! میں قائل ہو چکیا آں کہ پطرس مکمل طور تے سزایابی وچ نئیں سی جدوں تیکر ایہہ ویلا نئیں آیا۔

’’تے پطرس باہر جا کے زار زار رویا‘‘ (لوقا22:62)۔

ہر کوئی جسمانی طور تے آنسو نئیں وگاندا جدوں اُو مسیح وچ ایمان لہیا کے تبدیل ہو چکیا ہوندا اے۔ ایدے باوجود لوتھر، تے بنعین، تے وائٹ فیلڈ تے ویزلی حیات نو دے ادوار وچ بے شمار ہزارہا لوکی جسمانی طور تے زار و قطار آنسوؤاں دے نال رو چکے نے۔ تے میرے خیال وچ اج کل دی انجیلی بشارت دے پرچار دی تعلیم وچ سب توں ودھ اہم گلاں وچوں اِک جیہڑی نظر نئیں آندی اے اُو کسی قسم دے آنسوؤاں دی قلت اے، تے ’’اُو رنج جیہڑا خُدا دی مرضی نوں پورا کردا اے تے انسان نوں توبہ کرن تے اُبھاردا اے جیدا نتیجہ نجات اے‘‘ اُوہدی قلت اے (2۔ کرنتھیوں 7:10).

’’تے پطرس باہر جا کے زار زار رویا‘‘ (لوقا22:62)۔

اِک نوجوان بندے نے کہیا، ’’جدوں وی میں خُود تے نظر ڈالدا آں، تے میں خُود نوں اِک گنہگار دی حیثیت نال ویکھدا آں۔‘‘ ہائے، ’’ویکھنا‘‘ اُو اِک الگ گل اے! لیکن کی تُسی اپنی گناہ دی بھرپوری نوں محسوس کردے اُو؟ کی ایہہ تہانوں بوجھ تلے دباندی اے تے تہانوں مُرجھاندی [افسردہ کردی] اے، جیویں کہ آئعین میورے نے کہیا؟ کی تُسی گناہ دی سزایابی دے بھاری بوجھ تلے دبے ہوئے تے مشقت کر رئے اُو؟ کی تُسی کم از کم اپنے دِل وچ افسردگی نوں محسوس کر سکدے اُو جدوں تُسی اپنے گناہ دے بارے وچ سوچدے اُو؟

’’تے پطرس باہر جا کے زار زار رویا‘‘ (لوقا22:62)۔

پطرس دی سزایابی دا سبب خُدا دا روح سی۔

II۔ دوجا، پطرس دی سزایابی لئی علاج۔

میرا ویلا گزر چُکیا اے۔ میں ایس موضوع نوں صرف مختصراً چھو سکدا آں۔ پطرس سزایابی دی حالت وچ تِن دِناں تیکر رہیا سی۔ اُو جمعہ، ہفتہ تے تقریباً سارے دا سارا اِتوار (رومن حسابی شمار توں) روح دے شدید کرب وچ مبتلا رہیا سی۔ اِیسٹر سنڈے دی سویر،

’’پطرس اُٹھیا تے قبر وَل نٹھیا؛ اُوتھے اُوہنے جُھک کے اندر ویکھیا تے اُوہنوں صرف کفن پہیا نظر آیا تے اُو ایس ماجرے تے تعجب کردا ہویا اُودھروں ٹُر گیا‘‘ (لوقا24:12)۔

پطرس ہلے تیکر ’’تعجب‘‘ کر رہیا سی؛ اُو ہلے تیکر مکمل طور تے سمجھ نئیں پایا سی یا اُوہنے خوشخبری تے یقین نئیں کیتا سی۔

میرا یقین اے کہ ایہہ اُوس ویلے ہویا سی جدوں جی اُٹھیا مسیح گیارہ شاگرداں تے ظاہر ہویا سی تے اُوہنے کہیا سی، ’’تُسی پاک روح پاؤ‘‘ (یوحنا 20:22)، کہ پطرس نے بالاآخر نویں سرے توں جنم لہیا سی تے مسیح وچ ایمان لہیا کے تبدیل ہویا سی۔ ڈاکٹر میگی نے یوحنا 20:22 تے ایہہ رائے پیش کیتی،

ایہہ سچ اے کہ شمعون پطرس نے کُج فہم و فراست وکھائی سی جدوں اُوہنے کہیا کہ یسوع ای المسیح اے، لیکن ایہہ اُوہدے چند ای منٹاں بعد سی کہ اُوہنے یسوع نوں صلیب تے نہ جان لئی تے نہ مرن لئی کہیا سی۔ میں ذاتی طور تے یقین رکھنا آں کہ جیس لمحے ساڈے خُداوند نے اُوہدے تے پھونکیا، تے کہیا، ’’تُسی پاک روح پاؤ،‘‘ ایناں لوکاں نے احیاء [نیا جنم] پائی سی۔ ایدے توں پہلاں، اُوہناں وچ خُدا دے روح دا بسیرا نئیں ہویا سی (جے۔ ورنن میگی، ٹی ایچ۔ ڈی۔ J. Vernon McGee, Th.D.، ibid.، صفحہ 498؛ یوحنا20:22 تے غور طلب گل)۔

ڈاکٹر میگی دی وانگوں، میں یقین رکھنا واں کہ پطرس نے ایسٹر سنڈے دی شام نوں نیا جنم لہیا سی جدوں مسیح اُوہدے تے، تے دوجیاں تے ظاہر ہویا سی۔ ایہہ اُسی ای ویلے ہویا سی جدوں یسوع نے خود پطرس دی گناہ دی سزایابی دا علاج کیتا سی۔

کی تُسی اپنے گناہ دے وزن نوں محسوس کردے اُو؟ کی تُسی گناہ دی سزایابی دے بوجھ تلے دبے ہوئے اُو یا اُوہنے تہاڈے تے بوجھ پایا اے؟ کی تُسی مسیح دے قیمتی لہو دے وسیلے نال اپنے گناہ دھو ڈالنا چاہندے اُو؟

ڈاکٹر جان آر۔ رائیس Dr. John R. Rice دے خوشخبری دے گیت دا دوجا بند ’’یسوع، صرف یسوع Jesus, Only Jesus‘‘ پطرس دے وسیلے نال لکھیا جا سکیا ہووے گا!

میری نیکی دی شیخی نے مینوں ناکام کیتا، گناہ لئی کوئی علاج نئیں جیہڑا میری بیماری اے،
   خُدا دے روح نے فیر مینوں یسوع تے اپنے گناہ چھڈ دین لئی قائل کر لہیا۔
میرے تمام گناہ معاف کیتے جا چکے نے، گناہ دیاں زنجیراں کٹ چُکیاں نے،
   تے میرا تمام دِل دِتا جا چُکیا اے، یسوع نوں، صرف یسوع نوں۔
(’’یسوع، صرف یسوعJesus, Only Jesus‘‘ شاعر ڈاکٹر جان آر۔ رائیس Dr. John R. Rice، 1895۔1980)۔

جے تُسی دُکھ محسوس کرو تے اپنے گناہ توں بھرپور دِل دے نال تے اپنی گناہ توں بھرپور فطرت دے نال ہُون دی وجہ توں سزایاب ہو، تے ایدا واحد علاج یسوع اے۔ جیویں کہ ڈاکٹر رائیس نے کہیا، ’’[اپنے] گناہواں نوں یسوع تے چھڈ دیو۔‘‘ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں گیت گایا: ’’یسوع، صرف یسوع Jesus, Only Jesus‘‘
(شاعر ڈاکٹر جان آر۔ رائیس Dr. John R. Rice، 1895۔1980)۔