Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




یسوع کے کوڑے کھانے سے شفایابی

THE HEALING STRIPES OF JESUS
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وچ دِتا گیا اِک واعظ
خُداوند دے دِن دی سویر، 12 اکتوبر، 2014
A sermon preached at the Baptist Tabernacle of Los Angeles
Lord's Day Morning, October 12, 2014

’’اُسی دے مار کھان نال تُسی شفا پائی‘‘ (1۔ پطرس 2:24).


ساڈی تلاوت وِچ پطرس رسول اشعیا53 باب 5 آیت توں حوالہ دے رہیا اے۔ کُج لوکی کہندے نے کہ ایہہ خصوصی طور تے جسمانی شفایابی وَل نشاندہی کردا اے۔ اُو کہندے نے کہ خدا اپنے لوکاں نوں بیماری نال تکلیف برداشت کردے ہویاں نئیں ویکھنا چاہندا۔ میرے خیال وچ ایہہ اِک غلطی اے۔ آیت 21 کہندی اے کہ مسیح نے ’’ساڈے لئی مصیبتاں برداشت کر کے اِک مثال قائم کیتی تاں جے اِسی اُوہدے نقشِ قدم تے ٹُر سکیے‘‘ (1پطرس2:12)۔ لہٰذا، مسیح ای وانگوں، ایس دُںیا وِچ اِک مسیح نوں کُج نہ کُج مصائب توں لہنگنا ای پئے گا – جیہدے وِچ بیماری نال تکلیف برداشت کرنا شامل اے جیویں کہ پولوس رسول نے کیتی (ویکھو 2 کرنتھیوں12:9۔10)۔

جی نئیں جیویں کہ کہیا گیا اے ایہہ آیت جسمانی شفایابی توں تعلق نئیں رکھدی اے۔ ایہہ تلاوت سانوں یسوع دے بارے وِچ دسدی اے،

’’اُو آپئے ای اپنے پینڈے تے ساڈے گناہواں دا بوجھ لدے ہوئے سولی تے چڑھ گیا تاں جے اَسی گناہواں دے اعتبار توں مُردہ ہو جائیے مگر راستبازی دے اعتبار توں جیوندے ہو جائیے۔ اُوسی دے مار کھان نال اَسی شفا پائی‘‘ (1۔پطرس 2:24).

’’گناہواں‘‘ دا تزکرہ دو وری کیتا گیا اے، تے جسمانی شفا دا بالکل وی تزکرہ نئیں اے۔ 1پطرس2:24 آیت مسیح توں ساڈے گناہواں دی شفایابی دے بارے وِچ گل کر رئی اے۔ ڈاکٹر جے ورنن میگی نے کہیا، ’’پطرس ایس گل نوں نہایت واضح کردا اے کہ اِسی اپنے گناہواں تے قصوراں توں شفا پانے آں‘‘ (بائبل وِچوں Thru the Bible، جلد سوئم، صفحہ 314؛ اشعیا53: 5 تے غور طلب گل)۔

یسوع دے کوڑے کھان تے کُچلے جان تے زخماں دے وسیلے توں، سچے مسیحی گناہ توں شفا پاندے نے۔ میں جاننا واں کہ برگشتہ دُںیا گناہ توں شفا پان نوں اِک نِکی جہئی گل دی حیثیت نال لیندی اے۔ اُوہناں وِچوں کوئی اِک شاید کہوے، ’’تہاڈے مطلب اے کہ یسوع صرف گناہ دی شفایابی کردا اے؟ کہ اُو میرے جسم نوں شفا دے سکدا اے؟‘‘ بے شک اُو کر سکدا اے، مگر گناہ دی شفایابی کرنا کئی گناہ زیادہ اہم اے، لامتناہی طور تے بوہتی زیادہ اہم، دائمی طور تے بوہتی زیادہ اہم! میں جاننا واں کہ برگشتہ دُںیا ایس گل نوں ویکھ نئیں سکدی۔ مگر اُو کسی نہ کسی دِن جان ای جان گے، جدوں اُو خود نوں اَگ دی جھیل وِچ پان گے۔ مگر اِک سچے مسیحی یا اِک بیدار گنہگار نوں ایس سچائی نوں ہُنے جانن دی لوڑ اے!

’’اُسی دے مار کھان نال تُسی شفا پائی‘‘ (1۔ پطرس 2:24).

ایتھے گناہ توں بیمار اِک روح دے لئی شفایابی اے۔ تے ایہہ شفایابی سانوں خداوند یسوع مسیح دے مصائب برداشت کرن دے ذریعے نال مِلدی اے۔ خدا کرے کہ پاک روح تہانوں ایہہ جانن دے لئی منور کرے کہ تہاڈی گناہ توں بیمار روں یسوع مسیح دے کوڑے کھان نال شفا پا سکدی اے!

’’اُسی دے مار کھان نال تُسی شفا پائی‘‘ (1۔ پطرس 2:24).

I۔ پہلی گل، خود بیماری تے غور کرو۔

خدا گناہ نوں اِک بیماری دے طور تے لیندا اے۔ تے اُو اینج ترس کھا کے کردا اے۔ جے خدا برگشتہ لوکاں تے ہُنے انصاف کرے، تے اُوہناں نوں فوراً ای جہنم وِچ غرق کر دِتا جائے! گنہگار مجرم ہوندے نے، مگر خدا ہُن برگشتہ لوکاں نوں گنہگاراں تے طور تے نئیں لیندا اے۔ اُو اُوہناں نوں ایس حیاتی وِچ بیمار لوکاں دی حیثیت نال لیندا اے۔ اُو گناہ دی بیماری تے نظر پاندا اے۔ تے ہُنے لوکاں دا گناہ دی بدکاری دے سبب توں انصاف نئیں کردا۔

میں بے شمار بیماریاں دا ناں لے سکنا آں، جیویں کہ ایبولا وائرس جیہڑا لوکاں نوں مار ڈالڈا اے۔ مگر بدترین بیماری گناہ اے۔ گناہ دوجی ساریاں بیماریاں نوں اِکٹھا کر کے لوکاں نوں مارن دے مقابلے وِچ زیادہ لوکاں نوں ماردا اے۔ ایہو ای وجہ اے کہ رسول کہندا اے ’’اَسی قصوراں وِچ مُردہ آں‘‘ (افسیوں2:5)۔ انسان گناہ دی بیماری دے نال مختلف درجیاں وِچ جیویں کہ گناہ اپنے بُرے کماں نال کردا اے، تباہ، کُچلا، بیمار، مفلوج تے آلودہ ہو چکیا اے۔

دوجیاں ساریاں بیماریاں وانگوں گناہ انسان نوں کمزور کردا اے۔ ایہہ انسان نوں اِخلاقی طور تے بیمار کردا اے۔ اُو ہُولے ہُولے کمزور توں کمزور تر کیتا جاندا اے۔ آخر کار گناہ انسان کولوں نیکی تے بدی دے وِچکار فرق دسن دی اہلیت نوں کھو لیندا اے۔ گناہ ضمیر نوں تباہ و برباد کر دیندا اے۔ شروع شروع وِچ اُوہدا ضمیر اُوہدی ملامت کردا اے جدوں اُو گناہ سرزد کردا اے۔ مگر ویلہ لنگہن دے نال نال اُو سخت ہوندا جاندا اے، ایس لئی ضمیر گناہ دے لئی ہُن مذید اُوہدی ملامت نئیں کردا۔ اُو اِک منشیات دے عادی وانگوں ہو جاندا اے۔ شروع شروع وِچ، صرف ماڑا جیہا نشہ اُوہنوں نشے دی اثرات دا احساس دلاندا اے۔ چھیتی ای بوہتی وڈی مقدار وِچ نشے دی لوڑ پیہنا شروع ہو جاندی اے۔ بالاآخر اُو ایس قدر بوہتا نشہ لے سکدا اے جیہڑا اُوہنوں متاثر کیتیاں بغیر دس لوکاں نوں قتل کر سکدا اے۔ گناہ دی بیماری دے خطرناک اثرات وِچوں اِک ایہہ اے کہ ایہہ ضمیر نوں مفلوج کر دیندا اے۔ ہُن اُو وڈے وڈے گناہواں نوں سرزد کرسکدا اے جیہڑے اُوہنوں بالکل وی پریشان نئیں کردے۔

دوجی کسی ہُور بیماری وانگوں، گناہ آخرکار درد دا سبب بنندا اے۔ مینوں اِک نوجوان بندے نوں ویکھنا یاد اے جیہڑا تکلیف دی شدت نال زمین تے لوٹ پوٹ ہو رہیا سی کیوں جے اُو ہیروئین دے نشے دا عادی بن چکیا سی۔ خدا دا شکر اے کہ اُوہنوں ویلے سِر ای بیدار کر لہیا گیا سی، تے اُوہنوں یسوع دے وسیلے نال اُوہدے گناہ توں شفا دِتی گئی سی! مگر دوجے اُوس ویلے تیکر بیدار نئیں ہوندے جدوں تیکر کہ نہایت دیر نئیں وہ چکی ہووے – اُوس دولت مند آدمی وانگوں جیہڑا اُوس ویلے تیکر بیدار نئیں ہویا سی جدوں تیکر کہ اُوہنے ’’عالم ارواح وِچ عذاب نال مبتلا ہو کے اپنی اَنکھاں تاں نئیں چُکیاں‘‘ (لوقا16:23)۔

اُو جنہاں نوں ایبولا وائرس ہوندا اے اُوہناں نوں کسی وی دوجے نال رابطہ کرن توں روک دینا چائیدا اے۔ اُوہناں نوں طبّی قید وِچ رکھنا چائیدا اے، دوجیاں توں دور۔ تے خدا گناہ توں بیمار شخص نوں جہنم وِچ رکھدا اے۔ جے خدا اُوہنوں جنت وِچ جانے دے گا تے اُو اپنی بیماری نال ایہنوں جراثیماں دے نال متاثر کر دے گا۔ جے دُنیا وِچ سارے گنہگاراں نوں جنت وِچ جان دی اِجازت دے دِتی جائے تے اُو دُںیا دے مقابلے وِچ کوئی بہتر تھاں نئیں ہووے گی – جیہڑا عزت لوٹن، قتل تے جرائم توں بھرپور ہووے گی! میری گل سُنو! کی خدا نوں تہانوں اُوس ناخوشگوار تھاں تے طبّی قید وِچ رکھنا پہیئے گا کیوں جے تُسی گناہ دی بیماری توں شفایاب ہون توں اِنکار کر دِتا سی؟

گناہ اِک ایہو جئی بیماری اے جیہڑا تہانوں ہُںے زخمی کردی اے۔ گناہ تہانوں اِک بہترین حیاتی بسر کرن توں روکدا اے۔ لوکی گناہ وچ موجود نے، مگر اُو اُوس حیاتی توں لطف اندوز نئیں ہوندے جیہڑے اُو ہو سکدے سی۔ بائبل کہندی اے کہ اُو مُردہ نے جدوں کہ اُو حیاتی بسر کردے نے۔ گناہ تہانوں روحانی نور دی بصیرت توں، اُوہنوں سُنن توں، اُوہنوں محسوس کرن تے چکھن توں دور رکھدا اے۔ گناہ تہانوں اِک تباہ حال حالت وچ رکھدا اے۔ ایہہ تہانوں اِک وافر حیاتی جین توں روکدا اے!

تے گناہ ہمیشہ مُہلک ہوندا اے۔ بائبل کہندی اے، ’’جیہڑی جان گناہ کرے گی اُو مرے گی‘‘ (حزقی ایل18:4، 20)۔ کی تُسی کدی رابرٹ لوئیس سٹیونسن دا لکھیا ہویا ناول ’’ڈاکٹر جیکل تے مسٹر ہائیڈ Dr. Jekyll and Mr. Hyde‘‘ پڑھیا؟ کہانی وچ ڈاکٹر جیکل اِک نشہ مرتب کردا اے جیہڑا اُوہنوں ’’مسٹر ہائیڈ‘‘ نامی اِک ظالم بلا وچ تبدیل کر ڈالدا اے۔ آہستہ آہستہ اُوہنوں اِک افریت وچ بدلن توں خود نوں روکن لئی زیادہ توں زیادہ تریاق لینا پیندا اے۔ اخیر وچ تریاق کم کرنا چھڈ دیندا اے۔ اُو اِک افریت وچ بدل جاندا اے تے پولیس دے ہتھوں مارا جاندا اے۔ خود اپنی حیاتی دے بارے وچ رابرٹ لوئیس سٹیونسن نے کی اِک عکاسی کیتی اے! اُوہدا دادا اِک منسٹر سی تے اُوہدے ماں پیو دیندار مسیحی سن۔ سٹیونسن اپنے گھر توں نٹھ گیا سی تے اُوہنے اِک کلب وچ شمولیت اختیار کر لئی سی۔ اُوس کلب دا نعرہ ’’ہر اُوس گل نوں جیہڑی تہاڈے ماں پیو نے سکھائی اے مسترد کر دیو‘‘ سی۔ اُو شراب نوشی وچ غرق ہو گیا، تے اپنے ویلے نوں فحاشاواں نال لنگھایا۔ اُو گناہ دا ایس قدر دیوانہ ہو گیا کہ اُوہنے اُوہناں ماں پیو نوں جنہاں نے اُوہدے نال محبت کیتی سی لعنتی قرار دِتا۔ اُوہنے کہیا، ’’ایہہ کیس قدر خوشگوار گل اے کہ اُوہناں ای دو لوکاں دی خوشیاں نوں تباہ کر دیو جیہڑے دُنیا وچ تہاڈی ذرا وی پرواہ نئیں کردے۔‘‘ اُو دیوانہ ہو گیا سی! اُوہنے خود نوں اِک افریت وچ بدل لہیا سی، جیویں کہ مسٹر ہائیڈ نے اپنے ناول وچ کیتا سی۔ پھیپھڑیاں دے سرطان دے نال تباہ حال، اُو دُنیا وچ مٹرگشت کردا رہیا۔ اُو چوالی وریاں دی عمر وچ دماغ دی رگ پھٹ جان نال اِک نااُمید دہریے دی موت مریا۔ گناہ اُو بیماری سی جیہنے اُوہنوں تباہ و برباد کر دِتا، اُوہنوں قتل کر دِتا، تے کسی اُمید دے بغیر اُوہنوں بے دین دائمیت وچ جھونک دِتا! ایہہ کسی دے نال وی جیہڑا گناہ وچ حیاتی بسر کرنی جاری رکھدا اے ہو سکدا اے!

کوئی شاید کہے، ’’تُسی ایہناں گلاں دی منادی کیوں کردے اُو؟ تُسی میرے ذہن نوں ہولناک گلاں توں بھر دیندے اُو!‘‘ میں گناہ نوں اِک وجہ دے تحت بیان کیتا اے۔ میں چاہنا واں کہ تُسی گناہ لئی ایس شاندار علاج نوں سراہوو، جیہڑا ایس قدر خوبصورتی نال ساڈی تلاوت وچ پیش کیتا گیا اے۔ ایہہ یسوع دے بارے وچ گل کردا اے،

’’اُو آپئے ای اپنے پینڈے تے ساڈے گناہواں دا بوجھ لدے ہوئے سولی تے چڑھ گیا تاں جے اَسی گناہواں دے اعتبار توں مُردہ ہو جائیے مگر راستبازی دے اعتبار توں جیوندے ہو جائیے۔ اُوسی دے مار کھان نال اَسی شفا پائی‘‘ (1۔ پطرس 2:24).

تُسی وی مسیح دے زخماں دے وسیلے نال گناہ توں شفایابی پا سکدے اُو!

II۔ دوجی گل، بیماری دے علاج تے غور کرو۔

خُداوند گناہ دا بیماری دی حیثیت نال علاج کردا اے۔ ساڈی تلاوت وچ خُداوند اُوس علاج نوں پیش کردا اے جیہڑا اُوہنے سانوں اپنے بیٹے یسوع وچ مہیا کیتا اے – ’’اُوہدے کوڑے کھان نال [اَسی] شفا پانے آں‘‘ (ویکھو اشعیا53:5)۔

چند اِک منٹاں لئی ٹھہرو تے یسوع دے کوڑے کھان دے بارے وچ سوچو۔ خُداوند نے اپنے زخماں دے ذریعے نال سانوں گناہ توں شفا دین نوں منتخب کیتا۔ اُوہنے اپنے اکلوتے پُتر نوں بھیجیا، ’’خُدائے خُدا دا خُداوند،‘‘ آسمانوں تھلے ساڈے وچکار خیمہ زن ہون لئی۔ اُوہدے تیہہ وریاں دی عمر نوں پہنچن دے بعد، اُو ویلہ آ گیا جدوں اُوہنوں ساڈے گناہواں نوں چُکنا سی، تاں جے اُوہنوں شفایابی مل سکے۔ اُو رات نوں گتسمنی دے باغ وچ گیا۔ اوتھے اُوہدے تے ساڈے گناہ لد دِتے گئے، تے ’’اُوہدا پسینہ وڈی وڈی لہو دیاں بونداں وانگوں زمین تے ٹپک رہیا سی‘‘ (لوقا22:44)۔ اُو اُوہنوں کھِچدے ہوئے گورنر پینطُس پلاطوس دے کول لے گئے، جیتھے اُوہنوں کمر تے کوڑے مار مار کے ادھ مویا کر دِتا گیا – ساڈی تھاں تے۔ لفظ ’’کوڑے‘‘ اُوس اذیت نوں ظاہر کرن لئی استعمال کیتا گیا اے جیدے توں اُو لنگھیا سی، دوویں اُوہدے جسم تے تے اُوہدے ذہن وچ۔ سارا دا سارا مسیح ساڈے لئی قربانی بنا دِتا گیا۔ پیلاطوس نے اُوہنوں کوڑے لگوائے۔ سپاہیاں نے اُوہدے مُنہ تے تھُکیا۔ کوڑے مارنا اذیت دین دی نہایت ناخوشگوار اذیتاں وچوں اِک سی جیہڑی اُوس ویلے دی اِک ایجاد سی۔ رومی کوڑیاں نوں بیل دے عضلہ نال بنایا جاندا سی، جیدے وچ گنڈاں لگائی جاندیاں سن۔ ایہناں گنڈاں وچ تیز دھار ہڈیاں دی کھپچیاں پھنسائی جاندیاں سن۔ ہر وری جدوں اُو کوڑا اُوہدی ننگی کمر تے پیندا سی تے اُو اُوہدے گوشت وچ گہرے زخم پا دیندا سی – جدوں تیکر کہ اُو آپئے ای اپنے لہو دے تالاب وچ کھلو نہ گیا۔ مگر ایہہ اُوہدی اذیت دا اختتام نئیں سی۔ ایہہ تے صرف آغاز سی۔ اُوہناں نے اُوہنوں ماریا تے اُوہدی داڑھی دے بال نوچ ڈالے۔ فیر اُوہناں نے اُوہنوں اُوہدی قتل گاہ دی تھاں ول سولی چُک کے لے جان تے مجبور کیتا۔ روزہ رکھن تے لہو دے وگن دی وجہ توں، یسوع شدید تھک چُکیا سی۔ اُو بار بار اپنی صلیب دے وزن توں ڈِگیا سی۔ اخیر وچ ہجوم وچوں اِک حبشی نوں اُوہدی سولی چُکن لئی مجبور کیتا گیا سی۔ ایہہ سپاہیاں نے کیتا سی، رحمدلی دی وجہ توں نئیں، بلکہ ایس خوف توں کہ کِتھے سولی تے اُوہنوں کِلّاں نال جڑے جان توں پہلاں ای اُو مر نہ جاوے۔ اُوہناں نے اُوہدے سارے دے سارے کپڑے کھِچ کے اُوہنوں ننگا کر دِتا۔ اُوہناں نے اُوہنوں تھلے سولی تے پٹخ دِتا۔ اُوہناں نے اُوہدے ہتھاں تے پیراں نوں سولی تے کِلّاں نال جڑ دِتا۔ اُوہناں نے صلیب نوں اُتے چُکیا جیدے تے یسوع سی تے فیر اُوہنوں زمین وچ اِک گڑھے وچ زور نال جڑ دِتا۔ اُوہدے سارے دے سارے جوڑ اُکھڑ گئے – باہواں تے لتّاں دے جوڑ اُکھڑ گئے۔ اُو اوتھے تپدے ہوئے سورج دے تلے ٹنگیا ہویا سی۔ کیس قدر ہولناک ایہہ محسوس ہونا چائیدا اے جدوں کِلّاں اُوہدے ہتھاں تے پیراں دی نازک نسّاں نوں چیردی ہوئی لنگھدیاں سن۔ اُو پکار اُٹھیا، ’’میں پیاسا واں!‘‘ اُوہناں نے اسفنج نوں سرکہ وچ ڈبو کے اُوہنوں پیش کیتا۔ دِن دے وسط وچ سورج گھنے بدلاں نال لُک گیا۔ یسوع چیخ اُٹھیا، ’’ایہہ پورا ہویا‘‘ تے جان دے دِتی۔

ایس واعظ نوں ’’مبلغین دے شہزادے‘‘ سی ایچ۔ سپرجیئن C. H. Spurgeon دے واعظاں وچوں اِک توں اخز کیتا گیا اے۔ کوئی زبان وی کدی وی یسوع دی اذیت نوں مکمل طور تے بیان نئیں کر سکدی۔ تہاڈے تے میرے گناہ لئی علاج خُدا دے پُتر دی متبدلیاتی اذیتاں وچ پائی جاندی اے۔ اُوہدا اُوہناں ’’کوڑیاں نوں کھانا‘‘ ساڈے گناہواں لئی اِک متبادل سی – ساڈیاں بداعمالیاں لئی ادائیگی۔ اُوہنے اُو ساری دی ساری دھشتناکیاں ساڈے گناہ دی ادائیگی لئی برداشت کیتیاں۔ بائبل کہندی اے، ’’مسیح نے وی یعنی راستباز نے ناراستاں دے گناہواں دے بدلہ وچ اِک ای وری دُکھ چُکیا تاں جے اُو تہانوں خُدا تیکر پہنچائے‘‘ (1۔پطرس3:18)۔ اُو اِک راستباز سی۔ اسی گناہ توں بھرپور تے ناراست آں۔ مسیح نے اذیت نوں برداشت کیتا ’’گناہواں لئی، اُوس راستباز [یسوع] نے راہواں لئی [اساں گنہگاراں لئی] تاں جے اُو سانوں خُدا تیکر پہنچائے۔‘‘ تہاڈے گناہ لئی علاج یسوع دی متبادلیاتی اذیت سہن تے موت وچ نے۔

’’اُوہدے کوڑے کھان نال اَسی شفایاب ہُوئے‘‘ (اشعیا 53:5).

گناہ توں وچائے جان لئی تہانوں یسوع دے زخماں دے علاوہ کسی ہور گل تے انحصار نئیں کرنا چائیدا اے۔ اشعیا 53 ایہہ نئیں کہندا، ’’اُوہدا کوڑے کھانا سانوں شفا دین لئی مددگار اے۔‘‘ جی نئیں! ایہہ کہندی اے، ’’اُوہدے کوڑے کھان توں اسی شفایاب ہوئے۔‘‘ سانوں توبہ کرنی چائیدی اے؟ جی ہاں۔ مگر یسوع دے کوڑے کھانا سانوں شفا دیندا اے، ساڈی توبہ نئیں۔ یسوع تے پرہوسا کرو، خود تے نئیں۔ صرف اُوس درد دے بارے وچ سوچو جیدے نال یسوع تہانوں وچان لئی لنگھیا۔ خود اپنے احساسات دے بارے وچ مت سوچو۔ صرف اُوس [یسوع] دے احساسات دے بارے وچ سوچو – اُو درد جیہڑا تہانوں وچان لئی سولی تے اُوہنے محسوس کیتا۔ جے تُسی اپنے احساسات دے بارے وچ سوچنا چھڈ دیو، تے صرف تہاڈے لئی اُوہدے درد دے احساسات دے بارے وچ سوچو، تے تُسی اِک ای لمحے وچ وچا لیے جاؤو گے! جوزف ہارٹ Joseph Hart (1712۔1768) نے اپنے دیندار ماں پیو دے خلاف بغاوت تے گناہ دی حیاتی بسر کیتی۔ مگر اُوہدی کہانی رابرٹ لوئیس سٹیونسن وانگوں اختتام پذیر نئیں ہوندی۔ اُو بالاآخر بیدار ہو گیا سی تے اُوہنے یسوع تے پرہوسا کیتا سی۔ اُوہنے مسیح دے ذریعے نال نجات تے سینکڑوں حمد و ثنا دے گیت لکھے۔ اپنے حمد و ثنا دے اُوہناں گیتاں وچوں اِک وچ اُوہنے کہیا،

اُو لمحہ جدوں اِک گنہگار یقین کردا اے،
   تے اپنے مصلوب خُدا وچ پرہوسا کردا اے،
اُوہدی معافی یکدم اُو پا لیندا اے،
   اُوہدے لہو دے وسیلے نال مکمل مخلصی۔

’’اُوہدے کوڑے کھان نال اَسی شفایاب ہُوئے‘‘ (اشعیا 53:5).

صرف اُوسی تے پرہوسا کرو۔ صرف اُوسی تے پرہوسا کرو۔ صرف اُوسی تے ہُنے پرہوسا کرو۔ اُو تہانوں وچا لوے گا۔ اُو تہانوں وچا لوے گا۔ اُو تہانوں ہُنے وچا لوے گا! اِیونجیلین بُوتھ Evangeline Booth جیہڑی کہ سیلویشن آرمی دے بانیاں وچوں اِک نے، اُوہناں نے اُوس حمد و ثنا دے گیت وچ خوبصورتی نال کہیا جیہڑا ہُنے ہُنے مسٹر گریفتھ نے گایا،

گہرے سائے ودھ رئے سی، میری روح مجروح ہو رئی سی،
   کیوں جے میرے دِل وچ گناہ دے مہیب سُرمئی دھبے پنہاں سی؛
تے جدوں میں رو رہیا سی، تے میرا ماضی میرے تے چھا رہیا سی،
   میں اُوس لہو دے بارے وچ سُنیا جیہڑا گناہ نوں دھو سکدا اے۔
مسیح دے زخم کھُلے نے، اے گنہگار، اُو تیرے لئی ای بنائے گئے سی؛
   مسیح دے زخم کھُلے نے، نٹھ کے اوتھے پناہ لین لئی۔

اُو حیاتی دے سارے دُکھاں نوں تسکین دیندا اے، اُو ایہدی ساریاں شکناں نوں ہموار کر دیندا اے،
   اُو اُوہناں زخماں نوں سی ڈالدا اے جیہڑے ساڈیاں خطاواں بنا چُکیاں نے؛
اُو انھیرے نوں اُجالے وچ بدل ڈالدا اے، جیہڑا کہ سچے طور تے قابل تعریف اے
   اُو روح خوشی دے نال جدوں دوجی ساری روشنیاں مدھم ہو جاندیاں نے۔
مسیح دے زخم کھُلے نے، اے گنہگار، اُو تیرے لئی ای بنائے گئے سی؛
   مسیح دے زخم کھُلے نے، نٹھ کے اوتھے پناہ لین لئی۔

آؤ، اُوہدے دُکھاں وچ شامل ہوئیے، کل تیکر دا انتظار مت کرو۔
   حیاتی دی شام ڈھل رئی اے، موت دی گھنٹی وج جاوے گی؛
اُوہدا لہو تہاڈے لئی وگ رہیا اے، اُوہدا فضل ایس قدر نجات بخش اے،
   اُوہدی محبت حائل ہو کے تہاڈی روح نوں معافی دلائے گی۔
مسیح دے زخم کھُلے نے، اے گنہگار، اُو تیرے لئی ای بنائے گئے سی؛
   مسیح دے زخم کھُلے نے، نٹھ کے اوتھے پناہ لین لئی۔
(’’مسیح دے زخم کُھلے نے The Wounds of Christ Are Open‘‘ شاعر ایونجیلین بُوتھ Evangeline Booth، 1865۔1950)۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

یسوع دے کوڑے کھان نال شفایابی

THE HEALING STRIPES OF JESUS

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

’’اُوہدے ای کوڑے کھان نال اَسی شفا پائی‘‘ (1۔ پطرس2:24)۔

(حوالہ ویکھو اشعیا53:5؛ 1۔ پطرس2:21؛ حوالہ دیکھیں 2۔ کرنتھیوں12:9۔10)

I.   پہلی گل، خود بیماری تے غور کرو، افسیوں 2:5؛ لوقا16:23؛
حزقی ایل 18:4، 20 .

II.  دوجی گل، بیماری لئی علاج تے غور کرو، اشعیا53:5؛ لوقا22:44؛
1۔پطرس3:18.