Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




شیطان تے فتح

VICTORY OVER SATAN
(Punjabi – A Language of Pakistan)

ڈاکٹر آر ایل ہائیمرز، جونیئر وَلّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ دِتا گیا اِک واعظ
خُداوند دے دِن دی سویرے، 21 ستمبر، 2014
A sermon preached at the Baptist Tabernacle of Los Angeles
Lord's Day Morning, September 21, 2014

’’وہ برّہ دے لہو تے اپنی گواہی دے بدولت اُوس تے غالب آئے؛ تے اُوہناں نے اپنی جاناں نوں عزیز نہ سمجھیا ایتھوں تیکر کہ موت وی گوارا کر لئی‘‘ (مکاشفہ 12: 11)۔


’’اُو اُوہدے تے غالب آئے۔‘‘ اُو کون نے جیس تے اُو غالب آئے؟ ایہہ آیت 9 وِچ واضح کر دِتا گیا اے۔ اُوہنوں ’’بوہتے وڈھے اژدھے‘‘ دے طور تے بیان کیتا گیا اے، ’’ابلیس،‘‘ ’’تے شیطان، جہیڑا ساری دُنیا نوں گمراہ کردا اے۔‘‘ اُو اِک جیس تے اُو غالب آئے سن شیطان سی، اُو ابلیس سی۔

’’اُو اُوہدے تے غالب آئے۔‘‘ ’’اُو‘‘ کون نے؟ ایہہ اُوہناں دی نشاندہی کردا اے جیہڑے بوہتی وڈی مصیبت دے دوران بچائے گئے نے، یعنی کہ ایس زمانے دے بالکل خاتمے تے ست وریاں دا عرصہ۔ مکاشفہ7: 14 کہندی اے،

’’ایہہ اُو لوکی نے جیہڑے وڈی مصیبت وِچوں نکل کے آئے نے تے اپنے جامے برّہ دے لہو وِچ دھو کے سفید کیتے نے‘‘ (مکاشفہ7: 14).

ایہہ وڈی مصیب دے عرصے دی مسیحی نے۔ شیطان اُوہناں نال نفرت کردا اے کیوں جے اُو ’’خداوند دے احکامت دی پابندی کردے نے، تے یسوع مسیح دی گواہی دین تے قائم نے‘‘ (مکاشفہ12: 17)۔ مگر ایہہ مسیحی شیطان تے غالب آن گے۔ تے ساڈی تلاوت بالکل دُرست طور تے سانوں دسدی اے کہ کینج اُو ابلیس تے غالب آن گے،

’’اُو برّہ دے لہو تے اپنی گواہی دی بدولت اُوہدے تے غالب آئے؛ تے اُوہناں نے اپنی جاناں نوں عزیز نہ سمجھیا ایتھوں تیکر کہ موت وی گوارا کر لئی‘‘ (مکاشفہ12: 11)۔

میں ایس حوالے دی پیشن گوئی دی بوہتی گہرائی دے لئی نئیں جا رہیا آں۔ ایس واعظ وِچ، ایہنا کہہ دینا ای کافی اے کہ ایہہ اُوس وڈھی مصیبت دے خوف توں بھرپور دور وِچ مسیحی نے، تے اُو شیطان تے غالب آن گے۔

ماضی وِچ ساڈی تلاوت اِک بوہتی وڈی برکت رئی اے جدوں مسیحیاں نوں شدت دے نال اذیت دِتی جاندی سی – جدوں اُوہناں نوں رومی شہنشاہواں دے دور وِچ ستایا گیا، جدوں اُوہناں نوں شدید تفتیش دے دوران رومن چرچ نے اذیت دِتی، جدوں اُوہناں نوں تہذیبی انقلاب دے دوران چین وِچ اشتراکیت پسنداں نے اذیت دِتی۔ تے جیویں کہ اُوہناں نوں اَج دی سویرے ساری دُنیا وِچ اذیت دِتی جا رئی اے، ایذارسانیاں دے ہر دور وِچ سچے مسیحیاں دی حوصلہ افزائی ایہناں ای وڈی مصیبتاں دے مقدسین دے ایمان دے ذریعے توں ہوندی رئی اے،

’’اُو برّہ دے لہو تے اپنی گواہی دی بدولت اُوہدے تے غالب آئے؛ تے اُوہناں نے اپنی جاناں نوں عزیز نہ سمجھیا ایتھوں تیکر کہ موت وی گوارا کر لئی‘‘ (مکاشفہ12: 11)۔

اور ایتھوں تیکر کہ اَج، امریکہ وِچ، سانوں بطور مسیحی کراہت دی نگاہ نال ویکھیا جاندا اے، نقص کڈے جاندے نے، بدنام کیتا جاندا تے ستایا جاندا اے۔ مسیحیت واحد مذہبی گروہ اے جیس تے حملہ کیتا جانا تے جیس نوں بدنام کیتا جانا امریکہ وِچ دُرست اے۔ خبراں دی دُنیا ایس نوں سارا ویلہ کردی اے۔ اینج ای کالج دے پروفیسرز کردے نے۔

اپنی کتاب مسیحیت دی دیوانگی، ایمان حملے دی زد وِچ Christianophobia, A Faith Under Attack، ریوپرٹ شارٹ Rupert Shortt نے اَج ساری دُنیا وِچ مسیحیاں دی موجودہ ایذا رسانیاں دی فہرست مرتب کیتی۔ کتاب دا شروع تے آخر دا خالی صفحہ کہندا اے، ’’ساری دُنیا وِچ مسیحی اپنے ایمان دے لئی تشدد یا تعصب نوں برداشت کردے نے۔ دراصل، کسی ہُور ایمان دے گروہ دے مقابلے وِچ بوہتے مسیحی نے جیہڑے خوف دی حیاتی بسر کر رئے نے‘‘ (ریوپرٹ شارٹ Rupert Shortt، مسیحیت دی دیوانگی Christianophobia، عئیرڈمینز اشاعتی کمپنی Eerdmans Publishing Company، 2010)۔ جے تُسی کالج دے اِک طالب علم اُو، تے تُسی بوہتی چنگی طرح نال جانندے اُو کہ تہاڈے پروفیسراں دے ذریعے توں مسیحیت دے خلاف مسلسل بات کیتی جاندی اے – تے تُسی جانندے اُو کہ ایہہ واحد مذہب اے جیس تے اُو ایس طرح نال حملہ کردے نے! تُسی ایہہ وی جانندے اُو کہ شیطان تہاڈے واپس ایس گرجا گھر وِچ آن دے خلاف اے۔ تُسی بخوبی جانندے اُو کہ شیطان اُوہناں دے خلاف اے جیہڑے ’’خداوند دے حکماں تے عمل کردے نے تے یسوع دی گواہی دین تے قائم نے‘‘ (مکاشفہ12: 17)۔ جے تُسی اِک سنجیدہ مسیحی بنندے اُو تے شیطان تہاڈے خلاف ہووے گا۔ پطرس رسول نے کہیا، ’’تہاڈا دشمن ابلیس دھاڑدے ہوئے ببرشیر وانگوں لبھدا پھردا اے کہ کیہنوں پھاڑ کھائے‘‘ (1پطرس5: 8)۔

لہٰذا، کینج تُسی ایس مخالفانہ دُنیا وِچ ایمان توں بھرپور مسیحی ہو سکدے نے؟ وڈی مصیبتاں دے دور دے مقدسین سانوں جواب مہیا کردے نے۔ اُو سانوں دسدے نے کہ کینج توں اَسی ساڈی روزمرّہ حیاتی وِچ شیطان تے قابو پا سکدے نے،

’’اُو برّہ دے لہو تے اپنی گواہی دی بدولت اُوہدے تے غالب آئے؛ تے اُوہناں نے اپنی جاناں نوں عزیز نہ سمجھیا ایتھوں تیکر کہ موت وی گوارا کر لئی‘‘ (مکاشفہ12: 11)۔

I۔ پہلی گل، تُسی برّہ دے لہو دے وسیلے توں شیطان تے قابو پا سکدے اُو۔

’’اُو برّہ دے لہو دی بدولت اُوہدے تے غالب آئے…‘‘ (مکاشفہ12: 11)۔

’’اُو برّہ‘‘ خداوند یسوع مسیح اے۔ یوحنا بپتسمہ دین آلے نے مسیح نوں کہیا ’’خدا دا برّہ جیہڑا جہاں دی گناہ اُٹھا لے جاندا اے‘‘ (یوحنا1: 29)۔ ڈاکٹر ھنری ایم۔ مورس Dr. Henry M. Morris نے کہیا کہ [میسح دے لہو دے لئی] گھٹ توں گھٹ 43 ایہو جئے حوالے نے جیہڑے اک یا دوجی طرح توں سارے دے سارے ساڈی نجات وِچ ایس دی اہمیت دے لئی گواہی دیندے نے۔ ایتھے، انتہائی مناسب طریقے نال، زور [مسیح دے لہو وِچ] شیطان تے قابو پان دے لئی اُوس قوت تے اے‘‘ (ھنری ایم۔ مورس، پی ایچ۔ ڈی۔ Henry M. Morris, Ph.D.، نئے دفاع کرن آلیاں کا مطالعۂ بائبل The New Defender’s Study Bible، ورلڈ پبلیشنگ World Publishing، صفحہ 2016؛ مکاشفہ12: 11 تے اِک غور طلب گل)۔ ڈاکٹر جے۔ ورنن میگی Dr. J. Vernon McGee نے کہیا،

برّہ دے لہو وِچ حیرت انگیز کارنامے کرن دی قوت اے۔ ایس نوں بھول مت جانا۔ آؤ ایہدی اہمیت نوں گھٹ نئیں کرنا چائیدا اے۔ برّہ دے لہو دے بارے وچ بے شمار حوالے اُوہدی آسمان وچ موجودگی دے ہون دی لوڑ نوں ظاہر کردے نے [جی ہاں، ڈاکٹر میگی دا یقین اے کہ مسیح دا لہو اوتھے اے! عبرانیوں 9: 12 تے اُوہدی غور طلب گل کہندی اے، ’’مسیح اپنا اصلی لہو آسمان وچ لے کے گیا‘‘]۔ ایہہ کوئی نامعقول ذہن سازی نئیں اے؛ ایہدے بجائے نامعقولیت تے ساڈے گناہواں وچ اے جنہاں نے ایس گل نوں ضروری بنا ڈالیا کہ اُو اپنا لہو نچھاور کرے (جے۔ ورنن میگی، ٹی ایچ۔ ڈی۔ J. Vernon McGee, Th.D.، بائبل وچوں Thru the Bible، جلد پنجم، تھامس نیلسن پبلیشرز Thomas Nelson Publishers، 1983، صفحہ 993؛ مکاشفہ12: 11 تے غور طلب گل)۔

تہاڈے وچوں کُج مینوں ہوریس بُشنل Horace Bushnell (1802۔1876) دی یاد دلاندے نے۔ بُشنل اِک اجتماعی پادری بنیا سی، مگر اُو اِک المیاتی شخصیت اے۔ ڈاکٹر ڈیوڈ لارسن Dr. David Larsen نے کہیا، ’’اُو خوش نئیں سی، نا ای اُو کدی وی صحت مند رہیا سی‘‘ (مبلغین دی کمپنی The Company of Preachers، کریگل پبلیکیشنز Kregel Publiscations، 1998، صفحہ 529)۔ یعیل Yale وچ حیاتِ نو آیا تے اُو غیر نجات یافتہ ای رہیا سی اُوس ویلے اُو اوتھے اِک طالب علم سی۔ اُوہنے تبدیل ہون دے بجائے تدریجیت نوں اختیار کرن نال حیاتِ نو دے خلاف ردعمل دا اظہار کیتا سی۔ اپنی کتاب مسیحی فطرت Christian Nature وچ اُوہنے کہیا کہ اِک بچہ مسخ شُدہ نئیں ہوندا اے۔ اُوہنے تعلیم دِتی کہ اِک بچے نوں ایہہ کدی وی نہ سوچدے ہوئے نشونما کرنی چائیدی اے کہ اُو اِک مسیحی نئیں اے۔ ایویں اُوہنے اچانک تبدیلی دے تصور نوں مسترد کر دِتا۔ اُوہنے صلیب تے مسیح دے کفارے تے لہو دے ذریعے نال نجات نوں وی مسترد کر دِتا۔ اُوہنے سوچیا سی کہ اِک بندہ تدریجی طور تے مسیحی بننا سِکھدا اے۔

تہاڈے وچوں کُج مینوں ایس بندے دے بارے وچ یاد دلا دیندے نے۔ اُو اِک المیاتی شخصیت سی جیہڑی کدی وی سچے طور تے خوش نئیں رہیا سی۔ اُوہدے وانگوں ای، تُسی سوچدے اُو کہ نجات مسیح تے پرہوسا کرن دے وسیلے نال تبدیلی تے اچانک اُوہدے لہو دے وسیلے نال پاک صاف ہون دے بجائے مسیح دے بارے وچ جانن دے ذریعے نال آندی اے۔ تُسی ایس قدر زیادہ مذھبی خیالات نال بھرے ہوئے اُو کہ تُسی اُو بالکل وی نئیں کرو گے جو سادہ اے، ’’خُداوند یسوع مسیح تے یقین کر تے تُو نجات پا لے گا‘‘ (اعمال16: 31)۔

جدوں تیکر تُسی مر نئیں جاندے تُسی مذھب دی بھول بھلّیاں وچ آوارہ گردی کردے رہنا جاری رکھ سکدے اُو۔ مگر تُسی کدی وی سچے طور تے خوش نئیں ہوو گے۔ تہاڈے خیالات وچ یسوع مسیح کیتھے اے؟ تہاڈے خیالات وچ اُوہدا لہو کیتھے اے؟ بُشنل وانگوں، تُسی اِک المیاتی شخصیت اُو۔ تُسی کدی وی سکون نئیں پاؤ گے جدوں تیکر کہ تُسی بحث کرن تے خود توں ایہدا حل تلاش کرن توں باز نئیں آؤ گے۔ تہانوں سادہ جئے ایمان دے نال یسوع دے کول آنا چائیدا اے! تہانوں اُوہدے لہو وچ پرہوسا کرن نال اِک ای لمحے وچ نجات پا لینی چائیدی اے!

قائِن وی ہوریس بُشنل وانگوں اِک المیاتی شخصیت سی۔ قائِن نوں صرف لہو تے پرہوسا کرنا سی۔ مگر اُوہنے لہو نوں مسترد کیتا تے اِک گواچیا تے آوارہ گرد بن گیا، ’’تے زمین تے مارا مارا پھرا‘‘ (پیدائش4: 14)۔ بُشنل وانگوں، قائِن اپنے دِل وچ کدی وی اِک خوش انسان نئیں سی۔ سکون مسیح دے لہو وچ سِدھے سادے دِل وچ پرہوسے دے وسیلے نال ملدا اے! قائِن تے بُشنل دے نال جہنم وچ مت جاؤ! برّہ دے لہو دے وسیلے نال شیطان تے فتح نوں تلاش کرو!

شیطان نئیں چاہندا کہ تُسی یسوع دے لہو تے پرہوسا کرو۔ شیطان تہانوں دسے گا کہ مسیح دے لہو تے پرہوسا کرنا دشوار تے پیچیدہ اے! شیطان تہانوں دسے گا کہ تُسی اہم شے کھو دیو گے جے تُسی مسیح دے لہو تے پرہوسا کرو گے۔ اِک طرح نال، شیطان دُرست ای اے! تُسی کوئی اہم شے کھو دیو گے! تُسی اپنے گناہ نوں کھو دیو گے جے تُسی یسوع دے لہو تے پرہوسا کرو گے! تُسی دائمیت دے بارے وچ اپنی تشویش نوں کھو دیو گے جے تُسی یسوع دے لہو تے پرہوسا کرو گے!

تہاڈے لئی ایہہ کیس قدر المیاتی تے ہولناک ہونا چائیدا اے کہ ہر رات ایہہ سوچدے ہوئے سوو کہ شاید تہاڈی اکھ جہنم وچ کھُلے! تُسی کیویں اِس طرح حیاتی بسر کردے رہنا جاری رکھ سکدے اُو؟ جی ہاں، اِک مسیحی ہون دی حیثیت نال تہانوں کُج نہ کُج سختیاں توں لنگھنا پئے گا۔ مگر میں کسی ہور گل دے بارے وچ سوچ ای نئیں سکدا جیہڑا کہ ایہناں ای مشکل اے جیہناں کہ رات دے بعد رات تے اُوہدے بعد لامتناہی راتاں تیکر سون لئی جاندے ویلے ایہہ سوچدے ہوئے جانا کہ تہاڈی اکھ شاید ابدی شعلیاں وچ کھُلے! تُسی کیس قدر زیادہ پُر سکون تے چین نال ہوو گے جدوں ’’تُسی مسیح دے لہو دے وگان دے باعث راستباز ٹھہرائے جان دی توفیق پائی، اسی اُوہدے وسیلے نال غضب الٰہی توں ضرور بچاں گے‘‘ (رومیوں5: 9)۔ تہانوں کسی گل دی وی لوڑ نئیں اے ماسوائے مسیح دے کُل بخشوائے جان آلے لہو وچ یقین کرن دے! ابلیس تے قابو پان دا کوئی دوجا طریقہ نئیں اے ماسوائے مسیح دے لہو وچ بچے وانگوں ایمان رکھن دے!

’’اُو برّہ دے لہو دی بدولت اُوہدے تے غالب آئے…‘‘ (مکاشفہ 12: 11)۔

’’مگر‘‘ تُسی کہندے اُو، ’’کی ہووے گا جے میرے توں فیر گناہ ہو جاوے؟ میں کیوں شیطان تے قابو پا سکنا واں جے میرے توں فیر گناہ ہو جاوے؟‘‘ کیوں کُج ہور ایہدے نالوں سادہ نئیں ہو سکدا! یوحنا رسول اِک وڈھیرا شخص سی۔ اُو تقریباً 90 برس دا سی۔ یقینی طور تے، اُو ستر یا ودھ وریاں توں نجات یافتہ رہیا ہووے گا، اُوہدا اِک بُرا خیال سی یا اِک گناہ نال بھرپور رویہ سی۔ مگر اُوہنے کہیا، ’’جے کسی توں گناہ سرزد ہو جاوے تے خُدا باپ دے کول ساڈا اِک مددگار موجود اے یعنی یسوع مسیح راستباز: تے اُو ساڈے گناہواں دا کفارہ اے…‘‘ (1یوحنا2: 1۔2)۔ ’’تے اُوہدے پُتر یسوع مسیح دا لہو سانوں ہر اِک گناہ توں پاک کردا اے‘‘ (1یوحنا1: 7)۔ اِک وری تُسی یسوع دے لہو وچ ایمان دے وسیلے نال بچا لیے جاندے اُو تے یقین قائم کر سکدے اُو کہ اُوہدا لہو تہانوں مستقبل دے سارے گناہواں توں وی پاک صاف کر دیوے گا! کیہنے افسوس دی گل اے کہ ہرویس بُشنل نوں کدی وی اُو بابرکت پاکیزگی نئیں ملی! کیہنے افسوس دی گل اے کہ اُو ’’قائِن دی راہ تے چل نکلا‘‘ (یہوداہ11)۔ کیہنے افسوس دی گل اے کہ اُوہنے اُوس صلیب دے لہو دے وسیلے نال سکون پائے بغیر حیاتی بسر کیتی تے مر گیا!

موراویئعن Moravian مشنریاں نے نجات لئی جان ویزلی John Wesley (1703۔1791) دی رہنمائی کیتی سی۔ اُوہناں نے اُوہنوں مسیح دے لہو وچ ایمان دی نشاندہی کیتی سی۔ اُوہدے ذریعے نال پہلاں تبدیل ہون آلیاں وچوں اِک اُوہدی اپنی ماں سی۔ اُوہنے اپنی حیاتی ایہنی ای بے داغ لنگھائی سی جیہنی کہ آدم دا کوئی بچہ لنگھا سکدا سی۔ مگر جدوں جان نے اپنی تبدیلی دے بعد اُوہناں نال گل کیتی، اُوہناں نوں کہیا، ’’میں نے شاذونادر ای اینج دی کوئی گل سُنی ہووے جیویں کہ ایس عمر وچ گناہواں دی معافی (ایس حیاتی وچ)۔‘‘ مگر جدوں جان نے یوخرست دے دوران اُوہناں نوں پیالہ پیش کیتا تے کہیا، ’’ساڈے خداوند یسوع مسیح دا لہو،‘‘ تے اُوہناں دی ماں نے کہیا، ’’اُو لفظ میرے دِل وچ چُبھ گئے، تے میں جان گئی کہ خُدا نے مسیح دی خاطر مینوں میرے سارے گناہ معاف کر دِتے نے۔‘‘ ویزلی خود وی صرف کُج عرصہ پہلاں ای بچائے گئے سی۔ اپنے نجات پان توں بالکل پہلاں، اُوہناں نے اِک موراویئعن مبلغ نوں دسیا، ’’جدوں بچائے جان آلے ایمان دا تحفہ مینوں ملے گا تے میں کسی وی دوجے موضوع تے منادی نئیں کراں گا۔‘‘ تے ایہی سی جیہدے بارے وچ اُوہناں نے اپنی باقی دی ساری حیاتی منادی کیتی – یسوع دے لہو وچ ایمان دے وسیلے نال نجات۔ جدوں اُو 87 برس دی عمر وچ مر رئے سن، اُو جیہڑے اُوہناں دے بستر مرگ دے قریب سن اُوہناں نوں بار بار کہندے ہوئے سُن سکدے سن

’’میں گنہگاراں وچ سب توں بُرا آں،
مگر یسوع میرے لئی مریا سی۔‘‘

’’اُو برّہ دے لہو تے اپنی گواہی دی بدولت اُوہدے تے غالب آئے…‘‘ (مکاشفہ 12: 11)۔

II۔ دوجی گل، مگر مختصراً، اپنی گواہی دی بدولت، تُسی شیطان تے قابو پا سکدے اُو، جیویں کہ وڈی مصیبت دے مقدسین پان گے۔

تے ’’اُوہناں دی گواہی دے الفاظ‘‘ کی ہون گے‘‘؟ ایہہ اونج دے ای ہون گے جیویں جان ویزلی دی مردے ویلے گواہی سی،

’’میں گنہگاراں وچ سب توں بُرا آں،
مگر یسوع میرے لئی مریا سی۔‘‘

جدوں بہتیرے لوکی ’’گواہی‘‘ دیندے نے تے اُو اپنے گناہ دے بارے وچ گل کیتے جاندے نے – اُوہناں دے مذھبی بنن توں پہلاں اُوہناں توں کی کی گناہ سرزد ہوئے۔ فیر اُو ایدھر اُودھر دیاں گلاں کیتے جاندے نے، اُو ساری قسم دیاں گلیاں جیہڑیاں اُوہناں دے نال رونما ہوئیاں سن جدوں اُو گواچے ہوئے سی۔ آخرکار اُوہناں دیاں گلاں ختم ہو جاندیاں نے تے اُو کہندے نے، ’’فیر میں یسوع تے پرہوسا کیتا۔‘‘ اُو یسوع مسیح دے بارے وچ تے اُوہنے اُوہناں لئی کی کیتا ایس بارے وچ بوہتی کم (کدی کدی کُج وی نئیں] گل کردے نے۔ ایس قسم دی ’’گواہی‘‘ شیطان تے قابو نئیں پائے گی! اُو تہاڈٰی پِٹھ پِچھے ہنسدا اے جدوں تُسی اپنے گناہواں تے خود اصلاحی دے بارے وچ شیخی بگھار رئے ہوندے اُو۔ شیطان اُوس ویلے تیکر دفع نئیں ہوندا جدوں تیکر تُسی یسوع دے لہو دے بارے وچ گلاں کرنا شروع نئیں کردے! کُج وی ابلیس تے قابو نئیں پا سکدا جدوں تیکر یسوع دے لہو دے بارے وچ گواہی نہ ہووے!

جان ویزلی دے پراہ چارلس وی ویلے دے اُوسی عرصے وچ تبدیل ہوئے سی۔ جان وانگوں، چارلس ویزلی Charles Wesley (1707۔1788) نے بوہتے وڈے وڈے ہجوماں نوں مسیح دے لہو دے وسیلے نال نجات تے ہر روز منادی کیتی۔ اُو اُوہناں دی گواہی سی، تے اُوہناں نے چھ ہزار توں زائد حمد و ثنا دے جیہڑے گیت لکھے اُوہناں وچ ایہنوں پیش کیتا۔ اُوہناں نے اِک حمد و ثنا دا گیت ہر تیجے دِن پنجا وریاں تیکر لکھیا! اُو سارے دے سارے صلیب تے مسیح دے لہو دی نہایت اعلٰی گواہیاں نے۔ اُوہناں وچوں اِک ایہہ اے۔

اُو تنسیخ شُدہ گناہ دی قوت نوں توڑدا اے،
     اُو قیدی نوں آزادی دیندا اے؛
اُوہدا لہو غلیظ ترین نوں پاک صاف کر دیندا اے؛
     اُوہدا لہو میرے لئی فائدہ مند اے!
(’’اوہ ہزار زباناں لئی O For a Thousand Tongues‘‘ شاعر چارلس ویزلی Charles Wesley، 1707۔1788)۔

ایہہ اُوہناں دی گواہی سی! اُوہناں نے یسوع دے نجات بخشن آلے لہو دے بارے وچ گواہی دِتی! ایتھے اُوہناں دے حمد و ثنا دے گیتاں وچوں اِک ہور اے،

پنج وگدے زخم اُوہنے سہے،
     جیہڑے کلوری تے اُوہنوں ملے؛
اُو مؤثر دعاؤاں برساندے نے،
     اُو شدت دے نال میرے لئی التجا کردے نے:
’’ایہنوں معاف کر، ہائے معاف کر، اُو پکاردے نے،
     نا ای ایس بخشے ہوئے گنہگار نوں مرن دیندے،
نا ای ایس بخشے ہوئے گنہگار نوں مرن دیندے۔‘‘
     (’’اُٹھ، اے میری جان، اُٹھ!Arise, My Soul, Arise! ‘‘ شاعر چارلس ویزلی Charles Wesley، 1707۔ 1788).

ایتھے اِک ہور اے،

تے کی ایہہ ہو سکدا اے کہ میں پا جاؤاں
     نجات دہندہ دے لہو وچ دلچسپی؟…
حیرت انگیز پیار! ایہہ کیویں ہو سکدا اے
     اُو تُسی سی، میرے خُداوند، جیہڑے میرے لئی مرے سی۔
(’’تے ایہہ کیویں ہو سکدا اے؟ And Can It Be? ‘‘ شاعر چارلس ویزلی Charles Wesley، 1707۔1788).

کی تُسی مینوں چارلس ویزلی وانگوں گواہی پیش کر سکدے اُو؟ کی تُسی یسوع دے گناہ نوں پاک صاف کر دین آلے لہو دے بارے وچ گل کر سکدے اُو؟ اُودوں تہاڈی گواہی، وڈی مصیبت دے مقدسین وانگوں، ابلیس تے قابو پا لیوے گی! مگر ایہدے توں پہلاں کی ہویا سی اُوہدے بارے وچ لچھے دار مسلسل گلاں صرف ابلیس نوں تہاڈے تے ہنسن تے مجبور کرن گئیاں!

III۔ تیجی گل، ایہہ وی مختصراً، یسوع نوں خود حیاتی توں ودھ پیار کرن نال، تُسی شیطان تے قابو پا سکدے اُو، جیویں اُو پان گے۔

’’اُو برّہ دے لہو تے اپنی گواہی دی بدولت [شیطان] تے غالب آئے؛ تے اُوہناں نے اپنی جاناں نوں عزیز نہ سمجھیا ایتھوں تیکر کہ موت وی گوارا کر لئی‘‘ (مکاشفہ12: 11)۔

تُسی شیطان تے یسوع نوں خود حیاتی توں ودھ پیار کرن نال قابو پا سکدے اُو۔ تُسی کہہ سکدے اُو، ’’کوئی وی ایویں نئیں کرے گا!‘‘ مگر تُسی غلط اُو۔

ایتھے مسیحیت دی دیوانگی، ایمان حملے دی زد وچ Christianophobia, A Faith Under Attack توں اُوس قسم دے ایمان دی چند اِک مثالاں نے۔ شمالی کوریا وچ 900 پادری تے 300,000 مسیحی قتل کیتے جا چُکے نے۔ کوریا وچ اِک خاتون نے 10 لوکاں دا اِک نِکا جئیا بائبل دے مطالعے دا گروپ تشکیل دِتا۔ اُوہنوں گرفتار کر لہیا گیا۔ اُوہنے کہیا، ’’میں چھ مہینے دی کربناک اذیت توں لنگھی۔ مینوں بارہا پیٹیا گیا۔ میرے دند اُکھاڑ دِتے گئے۔ میرے ناخناں نوں [جڑاں توں] کھِچ ڈالیا گیا۔ میرے زخماں تے لال مرچاں مسلیاں گئیاں۔ اُوہدے بعد مینوں چار سال دی کیو۔ہاؤ۔سو دے قید خانے دی سزا سُنائی گئی۔ اوتھے روزانہ تقریباً 30 یا 40 لوکی مردے سن۔ اسی لوکی ایس قدر پُکھے ہوندے سی کہ مُردہ لوکاں دے مُنہ توں خوراک چُک لیندے سی۔ اِک وری میں ایس قدر کمزور ہو گئی سی کہ مینوں مُردہ تصور کر لہیا گیا، تے میرے جسم نوں لاشاں دے انبار تے دفنان دے انتظار وچ سُٹ دِتا گیا‘‘ (شارٹ Shortt، ibid.، صفحات 221، 222)۔ اُو ایس ساری اذیت وچوں ایس لئی لنگھی کیوں جے اُوہنے چند اِک بیلیاں دے نال بائبل پڑھی سی! شمالی کوریا وچ مسیحیاں نوں صلیباں تے ٹنگ دِتا جاندا سی تے اَگ وچ مردے دم تیکر جلایا جاندا سی، اُوہناں نوں پُلاں اُتوں زندہ دھکا دے دِتا جاندا سی، تے بھاپ نال چلن آلے رولرز دے تھلے زندہ کُچل دِتا جاندا سی۔ ایہناں ساریاں ہولناکیاں دے باوجود ایہہ اندازہ لگایا جاندا اے کہ شمالی کوریا دے 2 فیصد لوکی زیرزمین [خفیہ] مسیحی نے۔ شمالی کوریا وچ تقریباً ادھے ملین لوکی خفیہ مسیحی نے، حالانکہ اُو ہر اِک لنگھدے دِن دے نال قتل کیتے جان دے خطرے وچ نے (ibid.، صفحہ220)۔ انڈیا وچ 2008 دے اگست تے ستمبر دے وسط وچ ہندوؤاں نے 90 مسیحی لوکاں ںوں قتل کر دِتا تے اُریسہ دی ریاست وچ 50,000 مسیحیاں نوں گھر توں بے گھر کر دِتا (ibid.، صفحہ 149)۔ چین وچ اشتراکیت پسند حکومت مسیحیاں نوں اذیت دینا تے اُوہناں تے دھونس جمانا جاری رکھے ہوئے اے (ibid.، صفحہ204)۔ میں تے 18 ممالک وچوں جیتھے مسیحیاں نوں محض یسوع تے ایمان رکھن لئی اذیت دِتی جاندی تے قتل کیتا جاندا اے، صرف چند اِک واقعات دا ای تذکرہ کر رہیا واں۔

دُنیا دے سارے حصیاں وچ، کروڑوں دی تعداد وچ مسیحی، خود حیاتی توں ودھ یسوع نال محبت کرن دے وسیلے نال بالکل ایس ای ویلے شیطان تے قابو پا رئے نے!

’’اُو برّہ دے لہو تے اپنی گواہی دی بدولت [شیطان] تے غالب آئے؛ تے اُوہناں نے اپنی جاناں نوں عزیز نہ سمجھیا ایتھوں تیکر کہ موت وی گوارا کر لئی‘‘ (مکاشفہ12: 11)۔

یسوع مسیح دے بارے وچ ایسا کی اے جیہڑا کروڑوں لوکاں نوں اُوہدے لئی مرن تے تیار کر دیندا اے؟ اُو کیوں ایویں سوچدے نے کہ دُنیا وچ یسوع دا لہو سب توں زیادہ اہم گل اے؟ اُو کیوں موت تیکر اُوہناں نوں بچان لئی یسوع دے بارے وچ گل کردے نے، حالانکہ ایہو جئی گل کرن نال اُوہناں دی اپنی حیاتی داؤ تے لگ سکدی اے؟

اُو خود حیاتی توں زیادہ یسوع نال محبت کردے نے کیوں جے اُوہنے صلیب تے جان قربان کر دِتی تے اُوہناں نوں گناہ توں نجات دلان لئی اپنا لہو وگایا۔ یسوع مسیح تے اُوہدا لہو سب توں زیادہ اہم گلاں ہون گئیاں جنہاں دے بارے وچ تُسی اپنی حیاتی وچ سُنو گے۔ کیوں؟ – کیوں جے اپنے لہو دے وسیلے نال صرف یسوع ای گناہ نوں معاف کر سکدا اے۔ تے صرف یسوع ای تہانوں دائمی حیاتی بخش سکدا اے۔ میں خُداوند خُدا دے ناں تے تہانوں التجا کرنا واں، یسوع دے کول آؤ تے اُوہدے تے پرہوسا کرو!

صرف اُوہدے تے ای پرہوسا کرو، صرف اُوہدے تے ای پرہوسا کرو،
     صرف اُوہدے تے ای ہُنے پرہوسا کرو۔
اُو تہانوں بچائے گا، اُو تہانوں بچائے گا،
     اُو ہُنے تہانوں بچائے گا۔
(’’صرف اُوہدے تے ای پرہوسا کرو Only Trust Him‘‘ شاعر جان ایچ. سٹاکٹنJohn H. Stockton، 1813۔1877).

آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

شیطان تے فتح

VICTORY OVER SATAN

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

’’وہ برّہ دے لہو تے اپنی گواہی دے بدولت اُوس تے غالب آئے؛ تے اُوہناں نے اپنی جاناں نوں عزیز نہ سمجھیا ایتھوں تیکر کہ موت وی گوارا کر لئی‘‘ (مکاشفہ 12: 11)۔

(مکاشفہ 7: 14؛ 12: 17؛ 1پطرس5: 8)

I.   پہلی گل، تُسی برّہ دے لہو دے وسیلے توں شیطان تے قابو پا سکدے اُو،
مکاشفہ12: 11الف؛ یوحنا1: 29؛ اعمال16: 31؛ پیدائش4: 14؛
رومیوں5: 9؛ 1یوحنا2: 1۔2؛ 1: 7؛ یہوداہ11 .

II.  دوجی گل، مگر مختصراً، اپنی گواہی دی بدولت، تُسی شیطان تے قابو پا سکدے اُو، جیویں کہ وڈی مصیبت دے مقدسین پان گے، مکاشفہ12: 11ب.

III. تیجی گل، ایہہ وی مختصراً، یسوع نوں خود حیاتی توں ودھ پیار کرن نال، تُسی شیطان تے قابو پا سکدے اُو، جیویں اُو پان گے، مکاشفہ12: 11س.