بُرائی – دیوانگی – تے موت

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

واعظ دا ایہ حوالہ سانوں دسدا اے کہ چنگی تے پیہڑھی گلاں نیک تے بد دوویں [قسم دے] لوکاں دے نال ہوندیاں نے۔ ایہ موت دی حقیقت دے باوجود حیاتی توں لطف اندوز ہون دے لئی وی کہندا اے۔ لیکن ہُںے اَسی براہ راست تلاوت نوں ویکھاں گے۔

I۔ پہلی گل، ’’بنی آدم دے دِل بُرائی نال بھرے ہوئے نے۔‘‘

مبصر چارلس برجزCharles Bridges (1794۔1869) نے اس گل دی اِک بہوتی واضح تصویر پیش کیتی کہ جیہڑی سانوں نسل انسانی دے دِل دے بارے چہ دسدی اے۔

دِل نوں بُرائی نال تعبیر کیتا گیا اے – آہو جی، بُرائی نال بھریا ہویا – بُرائی دی عادت – جان بُجھ کے – بغیر مِلاوٹ دے – ایتھوں تیکر کہ چشمے دے پُٹھن دی تھاں توں – آئینے دے اَگے کِھلو جاؤ! اپنے نفس تے یقین کرنا کیہنا مشکل اے جیویں کہ ایتھے بیان کیتا گیا اے! تے فیر وی، جدوں خدا دے روح دی گہری تعلیم دے تحت، کوئی اقرار نوں کیویں رد کر سکدا اے – ’’ویکھو! میں گھٹیا آں،‘‘ (ایوب 1: 4) ... ایہدے چہ کوئی مبالغہ یا غلطی نئیں ہو سکدی۔ ایہ خدا اے – دِل دا عظیم تلاش کرن آلا – اُوہی جیہڑا ایہنوں جانندا اے – ایہ اُوہی اے جیہڑا لکھدا اے، تے تصویر کِھیچدا اے۔ – نا جی، اُو برُائی دی وسعتاں دی فہرست دیہندا اے – دِل توں نکلنا – جسم دے ہر عضو نوں ناپاک کردا اے – روح دے ہر گوشے نوں – نہ ای اُو تصویر کسی خاص زمانے یا قوم تیکر محدود اے۔ ایہ بنی نوع انسان دا دِل اے – انسان دے ہر بچے دی اپنی فطری غیر تبدیل شُدہ حالت دی تاریخ۔ سارے لوکی اِک ای قید وِچ بند نے – گناہ دے انہیرے دے اسیر! کی انسان دی ایس توں بوہتی ذلت آمیز تصویر ہو سکدی اے؟ (چارلس بریجز، ایم۔ اے، Charles Bridges, M.A.، واعظ Ecclesiastes، دی بینر اور ٹرُتھ ٹرسٹ، 1998 ایڈیشن، صفحہ 214)۔

درحقیقت، بائبل وِچ بہتیری دوجی آیتاں ایس حقیقت نوں بیان کردیاں نے کہ [مسیح چہ ایمان نہ لیہیائے ہوئے] غیر تبدیل شُدہ مرد تے عورتاں ایس ای حالت وِچ نے، کیوں جے ’’بنی آدم دا دِل بُرائی نال بھریا ہویا اے۔‘‘ یرمیاہ نبی نے کہیا، ’’دِل ہر شے توں ودھ کے دھوکے باز تے سخت شریر اے‘‘ (یرمیاہ 17: 9)۔ خُداوند یسوع مسیح نے کہیا، ’’کیوں جے دِل توں بُرے خیالات نکلدے نے‘‘ (متی 15: 19)۔

جارج وائٹ فیلڈ (1714-1770) انگریزی زبان وِچ ہُنے تیکر دے سب توں وڈے مبشر سن۔ بلی گراھم نے ساڈے گرجا گھراں دے لئی کوئی چنگا کام نئیں کیتا! بلی گراھم نے صرف چند گمراہ ہوئے لوکاں نوں ساڈے گرجا گھراں وِچ پیہجھیا۔ لیکن جارج وائٹ فیلڈ دی منادی نے پہلی عظیم بیداری دا آغاز کیتا، تے گرجا گھراں نوں حقیقی معنیاں وِچ تبدیل ہون آلے ہزارہاں لوکاں نال بھر دِتا! میں وائٹ فیلڈ نوں اُوہناں دے واعظ نال بیان کر رہیا آں، ’’دُنیا نوں قائل کرن آلا روح القدس۔‘‘ اُوہناں نے کہیا،

     ایہ ہمیشہ روح القدس ای ہوندا اے جیہڑا باطنی روحانی پریشانی لیہیاندا اے، یعنی تہاڈے دِل وِچ نااُمیدی تے پریشانی دا احساس۔
     عام طور تے اُو تہانوں کسی وڈے گناہ دا مجرم ٹھہراندا اے۔ ایہ اُو طریقہ اے جِنہوں روح القدس عام طور تے گنہگاراں دے نال استعمال کردا اے۔ اُو پہلاں اُوہناں نوں کسی خوفناک گناہ دے بارے چہ قائل کردا اے، تے فیر اُوہناں دے سارے گناہواں نوں یاد کراندا اے۔ کی تہاڈے گناہ کدی تہاڈے اَگے ایویں ظاہر ہوئے؟ جے نئیں، تے تہانوں کدی وی سزایابی دے تحت نئیں لیہایا گیا یا تہانوں مسیح وِچ ایمان دِلا کے تبدیل نئیں کتیا گیا! تُسی ہںے تیکر گمراہ یا کھوئے ہوئے اُو!
     میرے دوست، کی تُسی کدی اپنے گنہگار دِل دے بارے وِچ [مجرم ٹھہرائے جان یا] سزایابی دا تجربہ کیتا اے؟ کی تہانوں کدی ایہ محسوس ہویا کہ تہاڈے وِچ کوئی چنگی گل نئیں اے؟ کی تُسی کدی محسوس کیتا کہ تُسی فطرتاً گنہگار اُو؟ کی ایہ گناہ کدی تہانوں بھیانک محسوس ہوئے جے نئیں، تے تُسی ہںے وی گمراہ یا گواچے ہوئے اُو۔ تُسی کدی تبدیل نئیں ہوئے اُو۔ تہانوں کدی بیدار نئیں کیتا گیا یا مجرم نئیں ٹھہرایا گیا۔ تُسی ہُنے تیکر گمراہ یا گواچے ہوئے اُو۔

ساڈے گرجا گھر وِچ اِک چینی لڑکے نوں ایہ تجربہ ہویا۔ اُوہنے کہیا،

میں اچانک گناہ دی بہوتی بھاری سزایابی دے تحت آ گیا۔ اُو آیت، ’’میرے گناہ ہمیشہ میرے اَگے نے،‘‘ میرے لئی بہوتی زیادہ حقیقی سی۔ میرے ذہن چہ بس ایہو ای سی کہ میں اِک مقدس خدا دے خلاف کیویں گناہ کیتا سی۔ میں جیہڑا کُجھ کیتا اُو اُوہدی نظر وِچ غلیظ چیتھڑیاں وانگوں سی۔ میری اپنے گناہواں تے سزایابی دی مقدار تقریباً لبریز ہو چکی سی۔ اپنے گناہواں دے علاوہ ہُور کُجھ سوچنا مشکل سی۔ میری سزایابی ایس قدر شدید سی کہ میں صرف اِک ای گل دے بارے چہ سوچ سکدا سی کہ میہنوں میرے اپنے گناہواں توں نجات دلائی جانی چائیدی سی۔

اُسی ویلے توں میں جانندا سی کہ میرے نال کُجھ غلط سی۔ میں جانندا سی کہ میں اِک بدچلن گنہگار سی۔ میں کیہنی ای کوشش کیتی فیر وی میں خود نوں بدل نئیں سکیا۔ بہتیرے واعظ سُنن دے بعد، آخیر کار میں محسوس کیتا کہ میں اِک برگشتہ گنہگار سی۔ میرے گناہ میرے تے ایہنے ای واضح سن کہ میہنوں لگیا جیویں میں ای اُو بندہ آں جِنہے یسوع نوں ماریا سی۔ یسوع دی سولی دے سامنے گوڈے ٹیک کے روندے ہوئے، میں فیر وی اُوہدے کول نئیں آواں گا۔ اکثر میں محسوس کیتا کہ میں نااُمید آں، کہ شاید میں خدا دے چُنے ہوئے لوکاں وِچوں نئیں آں۔

کی تُسی ایویں گناہ دی سزایابی دے تحت رئے اُو؟ کی تُسی کدی محسوس کیتا اے کہ تہاڈا دِل گنہگار تے خدا دے لئی مُردہ سی؟ کی تُسی کدی محسوس کیتا اے کہ تہاڈے وِچ کوئی اُمید نئیں سی؟ جیویں کہ وائٹ فیلڈ نے کہیا، ’’جے نئیں، تے تُسی ہُنے وی گواچے ہوئے یا گمراہ ہو۔‘‘ تُسی مسیحی نئیں اُو۔

’’بنی آدم دے دِل بدی نال تے اُوہناں دے سینے عمر بھر دیوانگی نال بھرے رہندے نے تے اُوہدے بعد اُو مُردیاں وِچ جا مِلدے نے‘‘ (واعظ 9: 3)۔

II۔ دوجی گل، ’’جدوں تیکر اُو زندہ رہندے نے اُوہناں دے دِل وِچ دیوانگی رہندی اے۔‘‘

معتبر مبصر چارلس بریجز نوں فیر توں سُنو، جیویں کہ اُو تلاوت دے ایس حصے تے بولدے نے، ’’تے اُوہناں دے سینے عمر بھر دیوانگی نال بھرے رہندے نے،‘‘

[انسان] جنون وَل نٹھدا اے [پاگل پن] – ذمہ دار پاگل پن – گناہ کرن دی رضامندی – اُوہدے نال پیار کرن آلا دِل – گنہگار نوں اِک لمحہ سوچن دیو۔ کی خدا دے خلاف بغاوت دا ہر عمل پاگل پن نئیں اے؟ کیوں جے ’’کیہنے اپنے آپ نوں خدا دے خلاف سخت کیتا، تے کامیاب ہویا؟‘‘ (ایوب 9: 4)۔ آسمانی شیواں دے بجائے اُوہدا دُنیاوی شیواں دا انتخاب اُوہدی سمجھ وِچ کمی نوں ظاہر کردا اے۔ ایہ پاگل اے جیہڑا اپنا سونا سُٹ دیہندا اے، تے موتیاں تے بھوسے نوں ترجیح دیہندا اے۔ تُسی اِک بندے نوں بدنصیب گمراہی تے غلط سوچ وِچ ویکھنے آں – چالبازی نال دھوکہ کھایا ہویا۔ – ’’اُوہناں دے دِلاں وِچ دیوانگی دے سوا ہُور کی اے جیہڑا اُوہناں نوں خود اپنی ای تباہی وَل لے جا سکدا اے؟ انسان دی فطرت کس قدر بدتر دیوانگی دی صلاحیت رکھدی اے؟ خدا توں نٹھنا – رحمت توں نٹھنا – آسمان توں نٹھنا – شیطان دی خدمت کرنا – خدا دی لعنت دے تحت حیاتی لنگہانا، تے ابدی لعنت دے کنارے حیاتی لنگہانا۔ اُوہناں دے سینے عمر بھر دیوانگی نال بھرے رہندے نے۔ اُو اَخیر تیکر ایس ای راہ تے ٹُردے رہندے نے۔

سنو اُو پاگل پن، روحانی پاگل پن، جیہڑا ساڈے کُجھ لوکاں نوں نجات دلائے جان توں پہلاں سی۔ ساڈے اِک نوجوان نے کہیا،

میں مسیح دے خلاف کشیت لڑدا رہیا، اپنے عزایم، لالچ تے گناہواں وِچ جاری رہنا چاہندا سی۔ [میں جانندا سی] میرے سارے عزائم غلط سی [ہُنے تیکر] میں بار بار مسیح توں مُنہ موڑیا سی۔ میں خالی پن وِچ چلا گیا، ہُنے وی اپنی آزادی تے بغاوت نال چمٹیا ہویا، مسیح دے بغیر، نجات دے بغیر، اپنی حیاتی وِچ کسی حقیقی اُمید دے بغیر۔

پاگل پن! جے دِل وِچ دیوانگی نئیں اے تے اُو کی اے؟ اِک ہُور بندے نے کہیا،

یسوع تے یقین کرن دے بجائے، میں احساسات تے یقین دہانی دی تلاش وِچ رہیا۔ میں بار بار ایہو ای کردا رہیا۔

کی اُو پاگل پن نئیں اے؟ اِک ہُور بندے نے کہیا،

جیویں ای میں ڈٓاکٹر ہائیمرز دی تبلیغ نوں سُنندا سی، میرا دماغ دُھندلا جاندا سی تے میں ہمیشہ کُجھ ہُور سوچدا رہندا سی۔

پاگل پن! روحانی دیوانگی! فیر وی اُو دوبارہ کہندا،

جدوں میں تفتیشی کمرے وِچ آندا، تے میں واعظ نوں یاد کردے ہوئے کُجھ کیہن دے بارے چہ سوچن دی کوشش کردا، تے کُجھ الفاظ کہندا … میں اپنے گناہواں دے بارے چہ نئیں سوچنا چاہندا سی، بلکہ کسی ہُور دے گناہواں، یا کسی ہُور دی تبدیلی دے بارے وِچ سوچنا چاہندا سی [تاکہ میں ایہنوں نقل کر سکاں]۔

مزید پاگل پن! دل وِچ مذید دیوانگی! فیر اِک نے کہیا،

میں اپنے مسئلیاں نوں خود حل کرن دی کوشش کیتی۔ ایہ یسوع دے کول نہ آن دا میرا بہانہ سی۔

’’دیوانگی اُوہناں دے دِل وِچ رہندی اے‘‘! اِک نوجوان عورت نے کہیا،

مسیح دے لئی جدوجہد کرن دے بجائے، میں اپنے ایمان نوں ثابت کرن دے لئی نجات دے احساس، یا کسی قسم دے ’’تجربے‘‘ دی تلاش وِچ سی۔ تہانوں ایہ احساس، تے اُو تجربہ اے تے فیر تُسی ’’بچائے گئے‘‘ اُو۔ میں ایہ بار بار کردا رہیا، حالانکہ مشیراں نے میہنوں دسیا کہ ایہ کدی کام نئیں کرے گا۔

کی تہانوں کدی ایہو جئے دیوانے خیالات آئے نے؟ فیر، میں تہانوں پُچھنا آں، کی اُوہناں نے تہاڈی مدد کیتی اے؟ تے جے اُوہناں نے تہاڈی مدد نئیں کیتی اے تے کیوں بار بار اِکیہو جئے خیالات سوچدے رہندے اُو؟ کی اینج کرنا پاگل پن نئیں اے؟

’’بنی آدم دے دِل بدی نال تے اُوہناں دے سینے عمر بھر دیوانگی نال بھرے رہندے نے تے اُوہدے بعد اُو مُردیاں وِچ جا مِلدے نے‘‘

III۔ تیجی گل، ’’تے اُوہدے بعد اُو مُردیاں نال جا ملدے نے۔‘‘

اُوہناں دے سینے عمر بھر دیوانگی نال بھرے رہندے نے۔ تے ایس توں وی بہوتی خوفناک سوچ ایہ اے کہ اُو اَخیرلے دِن تیکر اینج ای جاری رکھے ہوئے نے۔ ایہدے بعد اُو میت دے کول جاندے نے۔ – افسوس! اُوہناں مبارک مُردیاں دے لئی نئیں جیہڑے خداوند وِچ مر جاندے نے (مکاشفہ 14: 13)۔ ایہ بیچارے خالی الذہن گنہگار جہنم سُٹے جاندے نے، مایوسی دے انہیرے دے علاقے – ’’رون تے دند پیسن‘‘ دی دُںیا وِچ (متی 22: 13)۔ خیال یا تصور توں پرے خوفناک ہوندی اے جہنم دی لافانیت۔ کی گل اے انجیل وِچ رحمت تے فضل دی کیس قدر حیرت انگیز طاقت ہوندی اے – جیہڑی اِک گنہگار نوں ایہو جئی نااُمید بربادی توں چھپا سکدی اے، تے اُوہنوں نجات وِچ لیہیا سکدی اے (گذشتہ گل دے تسلسل وِچ ibid.، صفحہ 216)۔

بچنے دا واحد راستہ، تہاڈے گناہواں دا کفارہ سولی تے مسیح دی موت دے ذریعے اے، تے مسیح دے لہو نال تہاڈے گناہواں دا دُھلنا یا صفائی اے۔ ساڈے گرجا گھر وِچ اِک نوجوان نے کہیا،

خوشخبری دی منادی میرے تے واضح ہو گئی – کہ نجات خداوند یسوع مسیح وَلوں اے۔ میہں یقین کردا سی کہ یسوع سولی تے مرن دے لئی آیا سی تاکہ میرے سارے گناہواں دا کفارہ ادا کر سکے۔ میں یسوع دے کول اِک بدبخت گنہگار دے طور تے آیا سی جیس وِچ اپنے آپ چہ کوئی اُمید نئیں سی، لیکن میری اُمید ہُن یسوع مسیح وِچ سی۔ میرے لئی سب توں اہم شے یسوع دے کول آنا تے میرے گناہواں دا اُوہدے لہو نال دُھل جانا سی۔ میں اُوہدے لہو تے پروہسا کیتا سی۔

’’مسیح یسوع: جِنہوں خدا نے مقرر کیتا کہ اُو اپنا لہو بہائے تے انسان دے گناہ دا کفارہ بن جائے‘‘ (رومیوں 3: 24، 25)۔

ڈاکٹر جان سُنگ نوں سُنو جدوں اُو مسیح وِچ ایمان لیہان دی اپنی تبدیلی دے بارے وِچ دس رئے نے۔ بعد وِچ اپو چین چہ انجیلی بشارت دے سب توں اہم مبشر بن گئے۔ ہیٹاں لکھی گئی تحریر وِچ دسیا گیا اے کہ اُوہناں نے کیویں نجات پائی،

     ’’دُنیا مکمل طور تے باطل تے حیاتی صرف پریشانی تے مصائب لگ رئی سی … میرا دِل شدید ناخوشی نال بھر گیا سی۔‘‘
     اُس راتی اُو سو نئیں سکیا کیوں جے اُو دنیاوی حکمت تے انسانی صلاحیت دے خالی پن دے بارے وِچ سوچدا سی … لیکن ڈاکٹر سُنگ دے دِل نوں ہںے تیکر سکون نئیں لبھیا سی۔ ڈاکٹر سُنگ نے کہیا، ’’میری روح دا بھاری بوجھ اُوس ویلے تیکر بھاری سی جدوں تیکر میں اُوس مقام تیکر نہ پہنچ گیا جیتھے میہنوں جین دے کوئی خواہش نئیں سی۔‘‘
     پھر 10 فروری دی شام نوں اُوہدی تاریک روح وِچ نور پُھٹ پیہیا۔ اُوہنے اپنے حیاتی دے سارے گناہواں نوں اپنے سامنے پھیلدے ہوئے ویکھیا۔ پہلاں تے ایویں لگدا سی کہ ایہناں توں چھٹکارا حاصل کرن دا کوئی راستہ نئیں اے تے اُوہنوں جہنم وِچ جانا چائیدا اے۔ اُوہنے اپنے گناہواں نوں بُھلان دی کوشش کیتی، لیکن اُو ایویں نئیں کر سکیا۔ اُوہناں نے اُوہدے انتہائی دِل نوں چھید ڈالیا۔ اُوہنے اپنی بائبل تلاش کیتی تے سولی تے مسیح دی موت دی کہانی پڑھی۔ اپنے ذہن وِچ اُو سولی دے اَگے کِھلوتا ہویا اے تے یسوع نال اِلتجا کیتی کہ اُو قیمتی لہو دے ذریعے اپنے سارے گناہواں توں دُھل جائے۔ اُو روندا تے دعا کردا رہیا۔ فیر اچانک اُوہدے گناہ دا سارا بوجھ اُوہدے موڈھیاں توں ڈِگدا ہویا نظر آیا۔ اُو ’’ھیلیلویاہ!‘‘ دے نعرے لگاندے ہوئے اپنے پیراں تے اُچھلیا۔ ایہ بھول کر کہ ایہ اَدھی رات سی تے دوجے سو رئے سن، اُو ہاسٹل وِچ سون دے وڈے کمریاں وِچ ٹر گیا، چیخدا ہویا تے گناہ توں نجات دے لئی خدا دی ستائش کردا رہیا!
     ہُن اُوہدی واحد خواہش مسیح دے لئی گواہی دینا سی۔ اُوہنے ہر اُس بندے نال گل کرنا شروع کیتی جِنہوں اُو ملدا سی، اَتھروواں دے نال اُوہناں نوں مسیح دے کول آن دی تاکید کردا سی۔ خوشی دے گیت اُوہدا مُنہ خوشی دے گیتاں نال بھر گیا تے اُوہدے لباں توں تعریفاں وَگ رہیاں سن۔ اُو اِک بدلی ہوئی شخصیت سن۔ (لیسلی ٹی لائل Leslie T. Lyall، جان سُنگ John Sung، اوورسیز مشنری فیلوشپ، 1965 ایڈیشن، صفحہ 31-35 سے اخذ کردہ)۔

میں ایس واعظ دا اِختتام ساڈے گرجا گھر دی اِک نوجوان عورت دے چند جملے اُس رات دے حوالے نال کراں گا جیس راتی اُو مسیح وِچ ایمان لیہیا کے تبدیل ہوئی سی۔ اُوہنے کہیا،

     میں محسوس کیتا کہ مسیح میرے نال گل کر رہیا اے، میہنوں اپنے کول آن دے لئی بُلا رہیا اے۔ اُوس راتی ڈاکٹر ہائیمرز نے خداوند دے فریب کرن دے لئی گمراہ ہوئے لوکاں دی سختی نال سرزنش کیتی۔ میں خوف نال کنبدے ہوئے اپنی نشست تے بیٹھ گیا۔ میں جانندا سی کہ اُو تے میں ای آں۔ اِک وِگڑے ہوئے بچے وانگوں میں خدا دی محبت تے رحم دی تحقیر کیتی سی تے حقارت زدہ جانیا سی، تے سب توں بُری گل، میں اُوہدے پُتر، یسوع نوں ٹھکرا دِتا سی۔ فیر ڈاکٹر ہائیمرز نے خدا دی محبت دی بارے وِچ گل کیتی۔ جیویں ای اُوس [یسوع] نے گل کیتی تے میں محسوس کیتا کہ مصائب، حیاتی دی نااُمیدی، دُنیا دا ٹھنڈا خالی پن، گناہ دا کُچلدا ہویا وزن – ایہ سارا کُجھ ایس لئی سیکہ خدا میرے نال پیار کردا سی تے یسوع دے لئی میری لوڑ نوں ویکھن دے لئی میہنوں عاجز کر رہیا سی۔ میں تفتیشی کمرے وِچ گیا تے میرے سامنے گناہ دی اِک دیوار اُٹھدی وکھائی دِتی، اُو بھیانک گناہ جیہڑے میں کیتے، میرے دِل دی شرارت تے کالا پن، میرے دماغ دے بُرے خیالات، تے یسوع نوں مسلسل ٹھکران دا عمل۔
     میرا گناہ اِک اتھاہ سمندر وانگوں سی۔ میں اُوہنوں مذید برداشت نئیں کر پا رہیا سی۔ میرے کول مسیح ہونا ای چائیدا سی! میہنوں اُوہدا لہو اپنا لیہنا چائیدا سی! میں اپنے گوڈیاں دے بل ڈِگ گیا تے یسوع بخود تے پروہا کیتا۔ خدا نے میہنوں احساس، نفسیاتی تجزیہ تے یقین دہانی دی خواہس دے بُتاں توں آزاد کیتا۔ خدا دے فضل نال میں اُوہناں نوں جان دِتا تے انتظار کردے ہوئے نجات دہندہ اَگے ہار من لئی۔ بزدلانہ خوف وِچ یسوع توں پِیچھے ہٹن دے بجائے، اِک ہور جھوٹی تبدیلی توں ڈرن، یا غلطی کرن، یا اپنے جذبات دی جانچ کرن، اپنے اندر جھانکن، انہیرے وِچ ٹٹولن دی بجائے، جیویں کہ میں ہمیشہ پہلاں کیتا سی، میں مسیح وَل ایمان دے نال ویکھیا۔ اُو اُوتھے سی! زندہ مسیح! اُوہنے میہنوں نجات دلائی۔ اُوہنے اپنے قیمتی لہو نال میرے گناہواں نوں دھویا۔ اُوہنے میرے گناہواں دا بھاری بوجھ چُک لیہیا!
     یسوع نے خدا دے قہر و غضب نوں جذب کیتا جیہڑا میرے تے نازل ہونا چائیدا سی۔ اُوہنے میہنوں تے میرے سارے گناہواں نوں معاف کر دِتا۔ میرے ریکارڈ تے اُوس [یسوع] دے اپنے لہو دے نال ’’مجرم نئیں‘‘ دی مہر لگائی گئی سی … ہُن جدوں میں یسوع دے بارے وِچ واعظ سُننا آں تے میرا دِل خوشی تے شکرگزارے نال پھول جاندا اے۔ میں پولوس رسول دے ال صرف ایہ کہہ سکنا آں، ’’خدا دا اُوہدے ناقابلِ بیان تحفے دے لئی شکر اے‘‘ (II کرنتھیوں 9: 15)۔

ایہ ساریاں شہادتاں یا گواہیاں، سوائے ڈاکٹر جان سُنگ دے، ساڈے اپنے گرجا گھر دے نوجواناں وَلوں سن۔ اُو سارے، بشمول ڈاکٹر سُنگ، تہانوں دسن گے کہ اُوہناں دے دِل بُرائی نال بھرئے ہوئے سن، تے دیوانگی اُوہناں دے دِلاں وِچ سی – جدوں تیکر کہ خدا نے اُوہناں نوں شدت نال گناہ دی سزا نئیں دِتی سی – جدوں تیکر کہ اُو اپنے گناہواں نوں مذید ہور برداشت نئیں کر سکدے سن – تے اُودھوں ای روح القدس دے ذریعے یسوع وَل کھیچے گئے سن۔

کی تُسی گناہ دی ایہو جئی کسی سزا نوں محسوس کیتا اے جیہڑی اُوہناں نے محسوس کیتی سی؟ کی تُسی اپنے ای گناہ دے خوفناک بادل دے ہیٹاں رہن نال تھک گئے اُو؟ فیر ہںے ای تفتیشی کمرے وِچ جاؤ تے یسوع تے پروہسا کرو۔ کیہڑی شے تہاڈے گناہواں نوں دھو سکدی اے؟ یسوع دے لہو دے علاوہ کُجھ وی نئیں! آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔