مینوں سب توں بوہتی یسوع دی لوڑ اے | All I Need Is Jesus

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اُو حوالہ جیہڑا مسٹر پرودھوم نے کُج ای منٹ پہلاں پڑھیا، ساڈی تلاوت دے لئی 1 کرنتھیوں دے پہلے باب وِچوں لہیا گیا اے۔ رسول اُوہناں نوں دسدا اے کہ نا ای تے بوہتے عقلمند دںیاوی لوکی، نا ای بوہتی قوت آلے (اثر و رسوخ رکھن آلے) لوکی، نا ای بوہتے (عظیم) بُلند مرتبہ لوکی بچائے ای نئیں گئے۔ اُو نئیں سوچدے اُوہناں نوں خدا دی لوڑ اے۔ اُو صرف ایس دُنیا دی شیواں دے بارے چہ فکر مند نے۔ اُو کسی وی شے دے کھو جان دی تکلیف دے لئی تیار نئیں نے، اُو خود انکاری دے لئی تے مسیح دی پیروی وِچ صلیب اُٹھان دے لئی تیار نئیں نے۔

رسول کرنتھیوں دے لوکاں نوں یاد دلاندا اے کہ اوہناں دے کول گرجا گھر وِچ بوہتے امیر تے مشہور لوکی نئیں نے۔ مگر اُوہناں دی کلیسیا اُوہناں لوکاں دے نال بنی اے جِنہاں نوں خُدا نے چُنیا، اُو جِنہاں نوں بے اعتقادی دُنیا بے وقوف تے کمزور تے حقیر کہے گی، جیہڑے کہ ویکھے جان دے وی قابل نئیں ہون گے۔ اُوہناں عظیم تے دنیاوی عقلمنداں دے ’’نیست و نابود کیے جان‘‘ دے لئی خدا تہاڈے وگرے لوکاں نوں چُنندا اے۔ تے بالکل ایہو ای اے جیہڑا ہویا سی۔ دُنیا نے ایہناں مسیحیاں دے نال مکمل طور تے غیر اہم لوکاں دی حیثیت نال برتاؤ کیتا۔ مگر اُو غلطی تے سن۔ اُو کمتر حقیر مسیحی ساری رومی سلطنت وِچ پھیل گئے، تے بعد چہ ساری دُنیا وِچ پھیل جان گے۔ خدا نے معمولی مسیحیاں نوں اُوس بوہتی وڈی کافر رومی سلطنت نوں نیست کرن دے لئی چُنیا۔ مینوں اینج وکھائی دیندا اے کہ اشتراکیت پسند چین وِچ خدا ایہہ فیر کر رہیا اے۔ جیویں کہ ساڈا اِک حمدوثنا دا گیت ایس نوں لکھدا اے، ’’ایمان اُو فتح اے، جیہڑی دُنیا تے غالب آندی اے۔‘‘ جدوں امریکہ جیویں کہ اَسی ایہنوں جاننے آں ختم ہو جائے، فیر وی ایتھے مسیحی موجود ہون گے۔

ایمان اُو فتح اے، ایمان اُو فتح اے!
اُو، شاندار فتح اے جیہڑی دُنیا تے غالب آندی اے۔
(’’ایمان اُو فتح اے‘‘ شاعر جان ایچ۔ یعٹس John H. Yates، 1837۔1900)۔

خدا ساڈے وگرے کمترے تے کمزور لوکاں نوں چُنندا اے تاکہ کوئی وی انسان تکبر نہ کرے، ’’تاکہ کوئی بشر خدا دے حضور وِچ فخر نہ کر سکے‘‘ (1 کرنتھیوں1:29)۔ ڈاکٹر جے ورنن میگی Dr. J. Vernon نے کہیا کہ بُہتیرے مبشرانِ انجیل ’’مشہور و معروف لوکاں تے زور دیندے نے جِنہاں نے [ایمان نوں ہمیشہ بنایا ہویا ہوندا اے] – جیہڑے کہ تفریح کران آلے، صنعت وِچ رہنما تے حکومت وِچ ممتاز لوکی ہوندے نے۔ مگر خدا اہمیت اوسط لوکاں نوں دیندا اے۔ اُو تہانوں تے میرے وگرے سادہ جہئے لوکاں نوں بُلا رہیا اے‘‘ (جے ورنن میگی، ٹی ایچ۔ ڈی۔ J. Vernon McGee, Th. D. ، بائبل وِچوں Thru the Bible، تھامس نیلسن پبلشرز Thomas Nelson Publisher، 1983، جلد پنجم، صفحہ12)۔

کی تُسی کدی غور کیتا کہ اَسی امیر تے مشہور لوکاں تے انجیلی بشارت دے لئی اصرار نئیں کردے؟ کی تُسی کدی تعجب کیتا کہ کیوں؟ تے جناب، بائبل دے ایہہ حصہ سانوں دسدا اے کہ کیوں،

’’بھائیو! غور کرو کہ جدوں تُسی بلائے گئے سی اُودھوں تُسی کی سی؟ کیوں جے جسمانی لحاظ نال تہاڈے وِچوں بُہتیرے کم دانشور، بارسوخ یا شریف خانداناں وِچ شمار کیتے جاندے سی۔ لیکن خدا نے اُوہناں نوں جیہڑے دُنیا دی نظراں وِچ بے وقوف نے چُن لہیا تاکہ عالماں نوں شرمندہ کرے تے اُوہناں نوں جیہڑے دُںیا دی نظراں وِچ کمزور نے چُن لہیا تاکہ زور آوراں نوں شرمندہ کرے۔ خدا نے ایس جہاں دے کمینوں، حقیروں بلکہ بے وجوداں نوں چُن لہیا کہ موجوداں نوں نیست کرن۔ تاکہ کوئی بشر خدا دے حضور وِچ فخر نہ کر سکے‘‘ (1۔ کرنتھیوں 1:26۔29).

ویکھیا تسی، اَسی کئی وریاں دے تجربے توں سِکھ چکے آں کہ امیراں تے شہرت یافتہ لوکاں نوں گرجا گھر آن تے بچائے جان دے لئی تیار نئیں کر سکدے۔ ساڈے گرجا گھراں وِچ افراد دی تعداد ودھدی اے کیوں جے اَسی کالج تے ہائی سکولاں وِچوں نوجوان لوکاں نوں انجیل دی بشارت سُنانے آں۔ ایہہ دُنیا سوچدی اے کہ نوجوان لوکی بیوقوف تے کمزور ہوندے نے۔ مگر اُو تہاڈے وِچوں کُج نوں بُلاندا اے، جیتھے اُو امیراں تے مشہور لوکاں نوں نظر انداز کر کے تہانوں کول کردا اے! اُو جانندا اے کہ اُوہناں وِچوں انتہائی گھٹ [لوکی] سُنن گے تے مسیح دے شاگرد بنن گے! اُو حد تو بوہتی خود دے لئی مطمئین نے، تے حقیقی مسیحی بنن دے لئی انتہائی مادیت پسند نے۔ ایس لئی خدا اُوہناں دے بالکل لاگے توں لنگ جاندا اے۔ اُو اُوہناں نوں اِک مؤثر بُلاہٹ دے نال نئیں بُلاندا۔ اُو تقریباً مکمل طور تے نوجوان لوکاں نوں بُلاندا اے۔ تے تہاڈے وِچوں کُج مسیح وَل کِھیچے آندے نے تے نجات پاندے نے۔ ساڈی تلاوت وضاحت کردی اے کہ خدا دے وسیلے توں بلائے جانا تے اُوہدے پُتر یسوع دے ذریعے توں نجات پانا کیس قدر اعزاز دی گل اے۔

’’لیکن تُسی خدا وَلوں مسیح یسوع وِچوں اُو، جِنہوں اُوہنے ساڈے لئی حکمت، راستبازی، پاکیزگی تے مخلصی ٹھہرایا۔ تاکہ جیویں لکھیا اے کہ جے کوئی فخر کرنا چاہ وے تے خداوند تے فخر کرے‘‘ (1۔ کرنتھیوں 1:30،31).

1۔ پہلی گل، مسیح یسوع وَل کھِیچے جان دا اعزاز۔

تلاوت کہندی اے، ’’لیکن تُسی خدا وَلوں مسیح یسوع وِچ اُو…‘‘ (1 کرنتھیوں 1:30)۔ ’’وَلوں اُوہدے وِچ‘‘ یعنی کہ ’’خدا دے۔‘‘ ایہدا ترجمہ اینج وی کتیا جا سکدا اے، ’’لیکن اُوہدے کرن دے وسیلے توں تُسی مسیح یسوع وِچ اُو۔‘‘ ایہہ واضح طور تے ظاہر ہوندا اے کہ خدا ای اُو ہستی اے جیہڑی اِک گواچے ہوئے بندے نوں مسیح دے نال اشتراکیت وِچ لہیاندی اے۔ خدا نے ہوسیع نبی دی معرفت کہیا، ’’میں اُوہناں نوں انسانی شفقت دیاں رسیاں تے محبت دے رشتیاں وِچ جکڑ کے لے گیا‘‘ (ہوسیع11:4)۔ تے یسوع نے کہیا، ’’میرے کول کوئی نئیں آندا جدوں تیکر کہ باپ جِنہے مینوں پیجیا اے اُوہنوں کِھیچ نہ لہیائے‘‘ (یوحنا6:44)۔ جدید ’’فیصلہ سازیت‘‘ تعلیم دیندی اے کہ لوکی مسیح دے کول کسی وی ویلے جدوں اُوہناں دا دِل کرے آ سکدے نے! مگر بائبل تعلیم دیندی اے کہ صرف خدا اے جیہڑا گمراہ ہوئے گنہگاراں نوں مسیح دے نال اشتراکیت وِچ کِھیچ سکدا اے۔ ’’لیکن تُسی خدا وَلوں مسیح یسوع وِچ اُو۔‘‘ ’’لیکن اُوہدے کرن دے وسیلے توں تُسی مسیح یسوع وِچ اُو۔‘‘ سپرجئین نے ایہنوں ایہہ کہندے ہوئے واضح کیتا، ’’خدا دے ذریعے توں اَسی مسیح یسوع وِچ آں۔‘‘

ایہہ ظاہر کردا اے کہ سوچنا کیس قدر انتہائی احمقانہ اے کہ تُسی سِیکھ سکدے اُو مسیح دے کول کیویں آیا جائے۔ خدا نوں تہانوں مسیح وِچ لہیانا چائیدا اے۔ تنہا خدا نے ’’اُوہنے سانوں مسیح دے نال جیوندا کیتا تے آسمانی مقاماں وِچ اُوہدے نال بِٹھایا‘‘ (افسیوں2:6)۔ ایس عظیم سچائی دے بارے چہ سوچن نال تہانوں فائدہ پہنچے گا جے تُسی پہلاں توں ای نجات پائے ہوئے اُو۔ تُسی خود نوں تبدیل نئیں کیتا سی۔ خدا نے تہانوں تبدیل کیتا سی۔ تُسی حل تلاش نئیں کیتا سی کہ مسیح دے کول کیویں آیا جائے تے ’’اُوسی وِچ‘‘ ہو جائیے۔ جی نئیں! جی نئیں! ’’تُسی خدا وَلوں مسیح یسوع وِچ اُو۔‘‘ خدا دی کھیچے جان آلی قوت دے ذریعے توں تُسی مسیح دے بدن دے رُکن اُو، تے اُوہدے نال جُڑے ہوئے اُو۔ ایہہ یاد رکھنا تہانوں فائدہ پہنچائے گا کہ گواچیا ہویا ہونا کینج دا سی۔ ایس نال تہانوں فائدہ پہنچے گا کہ یاد رکھو تُسی کیویں کوشش کیتی تے ایس دے باوجود مسیح دے کول آن دے لئی اہل نہ ہوئے۔ ایس نال ہر حقیقی مسیحی نوں فائدہ پہنچے گا کہ یاد رکھے تُسی کیویں ناکام ہوئے، تے ناکام فیر ناکام ہوئے جدوں تیکر کہ بالاآخر خدا دے ذریعے توں تُسی مسیح یسوع وَل کھیچے گئے! ایس ای لئی حقیقی مسیحی حیرانگی دے نال گاندے نے،

حیرت انگیز فضل! کیس قدر مِٹھی اُو واج اے،
جنہے میرے وگرے تباہ حال نوں بچایا اے!
میں جیہڑا کدی گواچ گیا سی، لیکن ہُن مل گیا واں،
اَنّا سی لیکن ہُن ویکھنا واں۔
(’’حیرت انگیز فضلAmazing Grace ‘‘ شاعر جان نیوٹن John Newton ، 1725۔1807).

اوہ! ایہہ اِک حیرت انگیز گل اے کہ خدا اپنے فضل وِچ تہانوں مسیح یسوع دے نال اشتراکیت وِچ لہیا چکیا اے!

مگر میں تہاڈے وِچوں کُج لوکاں کولوں ضرور پُچھاں گا، کی تُسی مسیح یسوع وِچ اُو؟ کی رسول تہاڈے لئی کہہ پائے گا، ’’تُسی خدا وَلوں مسیح یسوع وِچ اُو؟‘‘

یسوع مسیح تہانوں قبول کرن دے لئی تیار اے جے سچے طور تے اُوہدے کول آن دے لئی خواہش کردے اُو۔ مگر تُسی کہہ نئیں سکدے کہ کہنی دیر تیکر دے لئی بوہا کھلا رہئے گا۔ بزرگ نوح کشتی وِچ آئے تے بچائے گئے۔ کشتی مسیح دی اِک تشبیہہ اے۔ کی تُسی کدی تعجب کیتا کہ کیوں ماسوائے نوح دے خاندان دے ہُور کوئی وی کشتی وِچ داخل نئیں ہویا سی؟ جدوں میں ایہہ واعظ لکھ رہیا سی تے میں بُہتیریاں وجوہات نوں سوچن دی کوشش کیتی۔ شاید تُسی کُج ہور وی سوچ پاؤ، مگر میں صرف تین وجوہات دے بارے چہ سوچ پایا۔

1. پہلی، اُوہناں نے نئیں سوچیا سی کہ سزا دے حکم دا فیصلہ اُوہناں تے نازل ہووے گا – اُو اپنے گناہ دی سزایابی دے تحت نئیں آئے سن۔

2. دوجی، اُوہناں نے ایہدے تے یقین نئیں کیتا جیس دی منادی نوح نے کیتی۔ اُو ’’راستبازی دا اِک مبلغ‘‘ سی (2 پطرس2:5)۔ مگر اُوہناں نے اُوہدی منادی دا یقین نئیں کیتا۔

3. تیجی، اُو خود نوں حلیم کرن تے خود نوں بچان دے لئی کشتی تے انحصار کرن دے لئی انتہائی مغرور سن۔

میرے خیال چہ ایہناں تیناں گلاں وِچوں اِک یا بوہتی تہاڈے وِچوں کُج لوکاں نوں مسیح وَل آں توں روکدیاں نے۔ میں اُوہناں تین گلاں نوں دھراواں گا۔ سوچن دی کوشش کرو کہ اُوہناں وِچوں کیہڑی اِک (یا بوہتی) تہانوں مسیح دے کول آن توں روکدی اے۔

1. پہلی، تُسی نئیں سوچدے کہ سزایابی دے حکم دا فیصلہ تہاڈے تے نازل ہووے گا – تُسی اپنے گناہ دی سزایابی تے تحت نئیں آئے۔

2. دوجی، تُسی اُوہدے تے یقین نئیں رکھدے جیہدی منادی کیتی گئی اے۔

3. تیجی، تُسی خود نوں حلیم کرن تے تہانوں بچان دے لئی مسیح تے انحصار کرن دے لئی انتہائی مغرور اُو۔

کی اَج راتی تہاڈی ایہو ای حالت اے؟ سانوں عظیم مبشر انجیل جارج وائٹ فیلڈ George Whitefield (1714۔1770) دے نال مِل کے کہنا چائیدا اے، ’’لوکی [مسیح نوں] کدی وی قبول نئیں کرن گے، تے اَسی اُوہناں نوں کوئی تسکین نئیں پہنچا سکدے جدوں تیکر کہ اُو گناہ توں تنگ نہ آ جان تے یسوع نوں سینے نال لان لئی تیار نہ ہو جان‘‘ (جارج وائٹ فیلڈ، ’’خوشخبری دے مذہبی رہنما دی اِک ذمہ داری The Duty of a Gospel Minister‘‘)۔

کی ایس وِچ تہانوں کوئی تضاد وکھائی دیندا اے؟ تُسی خود تے انحصار کر کے یسوع دے کول نئیں آ سکدے – تے ایہدے باوجود تہانوں ایس دے کول آنا چائیدا اے ورنہ فنا ہو جاؤ گے۔ پرانے زمانے دے مبلغین ایس نوں ’’خوشخبری دی جکڑ‘‘ کہندے سن۔ تُسی اینج کُچلے جاندے اُو جیویں جکڑ وِچ اُو۔ جکڑ دا اِک حصہ تہانوں کہندا اے کہ تہانوں ضرور یسوع دے کول جانا چائیدا اے۔ جکڑ دا دوجا حصہ تہانوں کہندا اے کہ تُسی خود تے انحصار کر کے اُوہدے کول نئیں جا سکدے۔ اُودھوں فیر تُسی کی کرسکدے اُو؟ تے جناب، تُسی ایس گرجا گھر نوں چھڈ سکدے اُو تے اپنی راہ ہو سکدے اُو، ایہہ کہندے ہوئے کہ ایہہ انتہائی مشکل اے۔ یا فیر تُسی کر جاؤ جیہڑا نوح دے زمانے وِچ لوکاں نے کدی وی نئیں کیتا سی،

’’افسوس تے ماتم کرو تے روؤ۔ تہاڈی ہنسی ماتم وِچ تے تہاڈی خوشی غم وِچ بدل جائے۔ خداوند دے سامنے فروتن بنو تے اُو تہانوں سربُلند کرے گا‘‘ (یعقوب 4:9۔10).

اَسی لوکاں نوں کسی نہ کسی قسم دے ’’فیصلے‘‘ وِچ پان دی غلطی دے لئی بے انتہا بے تاب ہو جانے آں۔ ایہہ اُودھوں ای ہوندا اے جدوں تُسی شدید قسم دی تکلیف برداشت کر چکے ہوندے اُو کہ تہانوں سب توں بوہتا سکون مِلدا اے۔ ایہہ اُو بندہ ہوندا اے جیہڑا موت دے دہانے توں شفایاب ہو چکیا ہوندا اے جیہڑا کہ اپنے علاج دے لئی بے انتہا شکر گزار ہوندا اے۔ ایہہ او گنہگار ہوندا اے جیہڑا جہنم دی اِک جھلک ویکھ چکیا ہوندا اے جیہڑا آسمان دے جلال دا سب توں بوہتا شکر بجا لہیاندا اے (مارٹن لائیڈ جونز Martin Lloyd-Jones, M.D.، ہماری نجات دی ضمانت The Assurance of Our Salvation، کراسوے کُتب Crossway Books، 2000، صفحہ305)۔

صرف مسیح ای تہانوں نجات دلا سکدا اے۔ تُسی مینوں ایہہ کہندے ہوئے کئی وری سُن چکے اُو۔ مگر تُسی ایہدا اُوس ویلے تیکر یقین نئیں کرو گے جدوں تیکر کہ ایہنوں خود توں محسوس نئیں کرو گے۔ خدا ایہہ جانندا اے

جیہڑا بندہ اپنی مرضی دے خلاف قائل ہوندا اے
اُو ہُن وی اپنی اُوہی رائے رکھدا اے۔

لہٰذا، تہانوں قائل کرن دے لئی، خدا نوں تہانوں مایوسی دے انتہا تیکر لہیانا چائیدا اے۔ تہانوں مسیح دی اشد لوڑ دا احساس دِلایا جانا چائیدا اے۔ تہانوں ایہہ احساس دلایا جانا چائیدا اے کہ خود تہاڈے وِچ کوئی اُمید باقی نئیں رئی اے۔ تہاڈی ایہہ سوچن دے لئی رہنمائی ہونی چائیدی اے، ’’میں ایس طرح دے نال رہنا برداشت نئیں کر سکدا! مینوں میرے گناہواں نوں یسوع دے وسیلے توں معاف کروا لینا چائیدا اے!‘‘ ڈاکٹر لائیڈ جونز نے کہیا، ’’کوئی وی مسیح دے کول کدی وی نئیں آ سکدا جدوں تیکر کہ اُو مایوسی دی انتہا نوں نئیں پہنچ جاندا‘‘ (مارٹن لائیڈ جونز، ایم۔ڈی۔ Martyn Lloyd-Jones, M.D.، خُدا دا طریقہ ساڈا نئیں God’s Way Not Ours، دی بینر آف ٹرٹھ ٹرسٹ The Banner of Truth Trust، 2003، صفحہ71)۔ خدا نوں تہانوں تہاڈی لوڑ دے لئی بیدار کرنا چائیدا اے، تے خدا نوں تہانوں آرام دے لئی یسوع وَل کِھیچنا چائیدا اے۔ تُسی ایہہ گلاں خود اپنے آُپ توں نئیں کر سکدے۔ بوہتے لوکی تے ایہناں گلاں دا تجربہ وی نئیں کر پاندے۔ اُو کدی وہ اپنی مایوس حالت دے بارے چہ آگاہی حاصل نئیں کر پاندے تے کدی وی یسوع وَل نئیں کھیچے جاندے۔ ایہہ ای وجہ اے کہ میں کہنا واں مسیح وَل کِھیچے جانا ’’مسیح یسوع وِچ ہونا‘‘ اِک اعزاز ہوندا اے۔ بائبل کہندی اے، ’’بُلائے ہوئے تے بُہتیرے نے لیکن چُنے ہوئے گھٹ نے‘‘ (متی22:14)۔

II۔ دوجی گل، پروردگاری اُوہناں نوں ای میسر ہوندی اے جیہڑے مسیح یسوع وِچ ہوندے نے۔

میں شاید مسیح وَل کِھیچے جان دے اعزاز تے ضرورت توں زیادہ ویلہ صرف کر چکیا واں۔ مگر ایہہ انتہائی ضروری سی۔ تُسی کدی وی مسیح دی پروردگاری نئیں حاصل کر سکدے جدوں تیکر کہ تُسی مسیح وَل کِھیچے نا گئے ہو۔ ایہہ پروردگاری صرف اُوہناں نوں ای فراہم کیتی جاندی اے جیہڑے مسیح نال تعلق رکھدے نے، جیہڑے، ’’مسیح یسوع وِچ‘‘ ہوندے نے۔ تلاوت کہندی اے،

’’لیکن تُسی خدا وَلوں مسیح یسوع وِچوں اُو، جِنہوں اُوہنے ساڈے لئی حکمت، راستبازی، پاکیزگی تے مخلصی ٹھہرایا‘‘ (1۔ کرنتھیوں 1:30).

حکمت، راستبازی، پاکیزگی، تے مخلصی – ایہہ چار گلاں نے جِنہاں دا وعدہ ایہہ تلاوت اُوہناں دے نال کردی اے جیہڑے ’’مسیح یسوع وِچ نے۔‘‘ پہلی گل، ساڈے نال حکمت دا وعدہ کیتا جاندا اے۔ میرے نجات پان دے بالکل بعد مینوں سوچنا یاد اے کہ میرے کول مینوں سہارا دین یا میری مدد کرن دے لئی کوئی وی نئیں سی۔ میرے ماں پیو دی طلاق ہو چکی سی، تے میرے کول آمدنی دا کوئی ذریعہ نئیں سی۔ مینوں سوچنا یاد اے کہ مینوں کسی وی قسم دی کوئی غلطی نئیں کرنی چائیدی اے۔ ایتھوں تیکر کہ اِک غلطی ای مینوں مشنری بنن توں روک سکدی سی۔ ایس لئی میں بالخصوص خدا کولوں حکمت منگی۔ تے اُوہنے واقعی چہ مینوں حکمت عطا کیتی! میں مسلسل خوفزدہ سی کہ میرا پیر تِلک جائے گا جے مسیح نے آپئے مینوں نہ سنبھالیا۔ تے اُوہنے واقعی چہ مینوں سنبھالیا! تے اُوہنے واقعی چہ مینوں حکمت بخشی! اِک وڈیری خاتون جیہڑی مینوں جانندی سی جدوں میں کالج وِچ سی اُوہناں نے مینوں بوہتا ویلہ نئیں لنگہیا تے کہیا، ’’توں ہمیشہ ای توں اِک سنجیدہ آدمی سی۔‘‘ ایہہ یسوع سی جِنہے مینوں سنجیدہ بنایا سی۔ ایہہ یسوع سی جِنہے مینوں حکمت بخشی سی۔ بائبل کہندی اے، ’’خدا دا خوف علم دی ابتدا اے‘‘ (امثال1:7)۔

دوجی گل، ساڈے نال، ’’راستبازی‘‘ دا وعدہ کیتا گیا اے۔ خود مسیح نوں ’’ساڈے واسطے… راستبازی۔‘‘ اَسی کسی ہُور دی راستبازی دا لباس زیب تن کیتے ہوئے آں – ایتھوں تیکر کہ آپئے یسوع! جیویں کہ حمدوثنا دا اِک پرانا گیت ایہنوں لکھدا اے، ’’تنہا اُوہدی راستبازی وِچ لباس زیب تن کیتے ہوئیاں، تخت دے اَگے بِنا غلطی دے کِھلون دے لئی‘‘ (’’مضبوط چٹان The Solid Rock‘‘)۔ بوہتی وری شیطان میرے کول آیا تے کہیا، ’’توں کیویں ایہہ یا اُو تبلیغ کر سکدا اے؟ توں کیویں ایس گل نوں یا اُوس گل نوں کرن دے لئی کِھلو سکنا اے؟ ہائے، افسیوں پہلے باب وِچ اُوس زمانے وِچ اُو الفاظ کیس قدر مِٹھے ہوندے ہون گے! ایہہ کہندی اے، ’’اُوہنے اپنے عزیز پُتر دے وسیلے توں سانوں مفت عنایت فرمایا۔ سانوں اُوس فضل دی بدولت مسیح دے لہو دے وسیلے توں مخلصی یعنی گناہواں دی معافی حاصل ہوندی اے‘‘ (افسیوں1:6، 7)۔ ’’عزیز پُتر‘‘ یسوع اے۔ مینوں یسوع وِچ قبول کیتا جاندا اے۔ میری راستبازی اُوہدے وَلوں اے! تنہا اُوہدی راستبازی وِچ کِھلوتا، تخت دے سامنے بغیر غلطی دے کھڑا ہون دے لئی۔‘‘ جدوں شیطان نے مینوں دسیا کہ میں اِک نوجوان بندے دی حیثیت توں منادی کرن دے لئی ٹھیک نئیں واں تے میں اُو الفاظ کہہ پاواں گا، ’’اُوہنے اپنے عزیز پُتر دے وسیلے توں [مینوں] مفت عنایت فرمایا‘‘ (افسیوں1:6)۔ کیہنی بابرکت اے! کیہنا سکون ملدا اے جدوں شیطان طیش وِچ آندا اے۔ اینج ای مصیبتاں دے دور وِچ مقدساں نے شیطان تے فتح پائی سی! ’’اُو برّہ دے لہو دی بدولت اُوہدے تے غالب آئے‘‘ (مکاشفہ12:11)۔ عظیم مشنری کاؤنٹ نیکولس زنزنڈورف Count Nicolaus Zinzendorf نے کہیا،

ویکھو اُوس عظیم دِن وِچ میں کِھلوتا ہوواں گا،
کیوں جے جیہڑے میرے تے اِلزام لان گے ڈِگے ہون گے؟
جدوں کہ تیرے لہو دے وسیلے توں میں ہر اِلزام توں برّی ہوواں گا
گناہ دی انتہائی شدید لعنت تے شرمندگی توں۔
(’’یسوع، تیری راستبازی تے لہو Jesus, Thy Blood and Righteousness‘‘ شاعر کاؤنٹ نیکولس زنزنڈورف Count Nicolaus Zinzendorf، 1700۔1760؛ جان ویزلی نے ترجمہ کیتا، 1703۔1791)۔

فیر تیجی گل، ایس دے علاوہ، مسیح نے ساڈے لئی پاکیزگی نوں ٹھہرایا۔ پاک روح سانوں پاکیزہ کردی اے کیوں جے اَسی مسیح دے نال متحد ہونے آں۔ جے کوئی مسیح وِچ اے تے اُو چند اِک زیبائشی تبدیلیاں دے نال اِک پرانا مخلوق نئیں ہوندا۔ جی نئیں! جی نئیں! ’’جے کوئی مسیح وِچ اے تے اُو نیا مخلوق اے: پرانی شیواں جاندیاں رہن گئیاں؛ ویکھو، اُو نئی ہو گئیں‘‘ (2۔کرنتھیوں5:17)۔ پرانی فطرت نو ہسپتال وِچ شفایاب ہون دے لئی پیجیا جاندا اے۔ ایہنوں صلیب تے مصلوب ہون دے لئی پیجیا جاندا اے۔ ایہہ ماہیت نئیں بدلدی تے بہتر نئیں ہوندی بلکہ بدنصیبی نال مر جاندی اے تے دفن ہو جاندی اے۔ حیرت انگیز طور تے لوکی سوچدے نے کہ اُو مسیح دے کول معافی تے پاکیزگی دے لئی آ سکدے نے؛ تے موسیٰ دے کول آ سکدے نے جدوں اُو پاک ہونا چاہندے نے! اینج کم نئیں چلدا! تُسی ہُور زیادہ پاک اُونج ای ہوندے اُو جیویں تُسی نجات پاندے اُو – ایہدے لئی مسیح تے پروہسا کرن دے وسیلے توں تُسی ہُور بوہتے پاک ہو جاندے اُو۔ صلیب تے مسیح تہاڈی نجات دا ذریعہ سی۔ ہُن صلیب تے مسیح، فضل وِچ تہاڈے اِضافے دا ذریعہ اے! یسوع سانوں ساڈے گناہواں توں بچاندا اے، تے خدا وَلوں اُوہنے ساڈے لئی ’’پاکیزگی‘‘ نوں ٹھہرایا۔ ایہناں عظیم لفظاں نوں یاد رکھو،

جدوں ڈونگے پانیاں وِچوں لنگہن دے لئی میں تینوں بُلانا واں،
تے اُداسیاں دے دریا لبریز نئیں ہونے چائیدی نے؛
کیوں جے میں تیرے نال ہوواں گا، تیری آزمائشاں نوں برکت دین دے لئی،
تے تیری شدید ترین پریشانیاں وِچ میں تینوں پاک کراں گا۔
(کیہو جئی مضبوط اِک بنیاد How Firm a Foundation‘‘ شاعر جارج کیتھ George Keith، 1638۔1716)۔

لُن، مسیح وِچ جیہڑی آخری گل سانوں مہیا کیتی گئی اے اُو ’’مخلصی‘‘ اے۔ مگر کوئی کہندا اے، ’’کی ایہنوں سانوں دی جان آلی سب توں پہلی پروردگاری نئیں ہونا چائیدا اے؟‘‘ جی ہاں، مگر ایہہ سب توں آخری وی تے اے۔ جے تُسی اِک مسیحی اُو، تے تُسی کسی نہ کسی طرح گناہ توں آزاد اُو، مگر تہانوں ہُنے تیکر اُوہدی قوت مکمل طور تے بخشی نئیں گئی اے۔ حتیٰ کہ جدوں تُسی مر جاؤ گے فیر وی تہانوں مکمل بخشش حاصل نئیں ہووے گی۔ تُسی ’’اُوس ویلے دا انتظار کر رئے اُو جدوں خدا سانوں اپنے فرزند بنا کر ساڈے بدن نوں مخلصی بخشے گا‘‘ (رومیوں8:23)۔ ساڈی مسیح وِچ مخلصی دا مکمل طور تے احساس صرف اُوسی ویلے ہووے گا جدوں یسوع ساڈے لئی بدلاں وِچوں آئے گا!

’’کیوں جے خداوند خود بڑی للکار تے مقرب فرشتہ دے واج تے خدا دے نرسنگے دے پھونکے جان دے نال آسمان توں اُترے گا تے اُو سارے جیہڑے مسیح وِچ مر چکے نے زندہ ہو جان گے۔ فیر اَسی جیہڑے زندہ باقی ہون گے اُوہناں دے نال بدلاں تے چُک لہئے جان گے تاکہ ہوا وِچ خداند دا اِستقبال کریے تے ہمیشہ اُوہدے نال رہن‘‘ (1۔ تھسلنیکیوں 4:16۔17).

ایتھوں تیکر کہ میرا خستہ حال بدن وی جی اُٹھے نجات دہندہ بخود وانگوں کر دِتا جائے گا۔ اَسی دائمی مخلصی وِچ مُردیاں وِچوں جی اُٹھاں گے – تے ہمیشہ دی دائمی خوشی وِچ حیاتی گزاراں گے کیوں جے اَسی مسیح یسوع وِچ آں، جیہڑا ساڈی نجات دا آغاز تے اِختتام اے۔ مگر مینوں آخری موضوع دے لئی چھیتی کرنی چائیدی اے۔

III۔ تیجی گل، سانوں بچان تے پروردگاری دے لئی مسیح یسوع دی ستائش بچا لہیانی چائیدی اے۔

تُسی ویکھیا بہنوں تے پراہوو کہ مسیحی ہون دی حیثیت توں ساڈی انتہائی ہستی مکمل طور تے مسیح یسوع تے انحصار کردی اے۔ اُو جیہڑے سچے طور تے مسیح نوں جانندے نے اُو اُوس یسوع وِچ جلال کرنا چاہن گے – اُو مسیح دے بارے چہ تے جو کُج اُوہنے اُوہناں دے لئی کیتا اے فخر کرنا چاہن گے۔ لہولہان تفصیلات وِچ ٹُر جاندے نے اپنی غلاظت دے بارے وِچ دسدے نے، اپنی بغاوت تے اپنی گمراہی دے بارے چہ دسدے نے۔ اُو عام طور تے ایہہ کہندے ہوئے گل مکاندے نے – ’’تے فیر میں یسوع تے پروہسا کیتا۔‘‘ اُو یسوع دے بارے چہ اینج گل چھیڑدے نے جیویں اُو کوئی بعد دا خیال ہوندا اے۔ اُو خود دی ستائش پنچ منٹاں تیکر کردے نے، خدا اپنی حیاتی دے بارے چہ شیخیاں ماردے نے – مگر اُوہناں دے کول مسیح نوں جلال دین دے لئی صرف اِک یا دو سیکنڈ ہوندے نے! اُو گواہیاں مینوں بیمار کر دیندیاں نے! تے میرے خیال چہ اُو خدا نوں وی پسند نئیں آندیاں!

میں اینج دیاں نام نہاد کہلائی جان آلیاں ’’گواہیاں‘‘ نوں سُنن توں نفرت کرنا واں جیتھے لوکی اپنے ای بارے چہ گلاں کردے رہندے نے، اُو کینج دے گنہگار سن،

’’جے کوئی فخر کرنا چاہے تے خداوند تے فخر کرے‘‘ (1۔ کرنتھیوں 1:31).

تہاڈے کول جدوں تُسی اپنے جلالی نجات دہندہ دے بارے وِچ گواہی دیندے اُو تے کہن دے لئی بہت کُج ہونا چائیدا اے! تہانوں حکمت، راستبازی، پاکیزگی تے مخلصی دے بارے وِچ گل کرن دے قابل ہونا چائیدا اے جیہڑیاں تہانوں مسیح یسوع وِچ نے! تہانوں اپنے نجات دہندہ تے خداوند دی جلالت دے بارے وِچ مسلسل گلاں کردے رہن دا اہل ہونا چائیدا اے۔

ہُن تہاڈے لئی چند الفاظ جیہڑے بچائے ہوئے نئیں نے۔ کی تُسی یسوع دے کول آؤ گے تے ایہہ برکات قبول کرو گے؟ یسوع تہانوں اُوسی ویلے بچا لئے گا جدوں تُسی اُوہدے تے پروہسا کرو گے۔ اُوہدا لہو تہاڈے سارے گناہ پاک صاف کر دے گا۔ کی تُسی اُوہدے کول آؤ گے؟ یا کی تُسی اُوہنوں مسترد کردے رہنا جاری رکھو گے تے روحانی غربت وِچ حیاتی لنگہانا جاری رکھو گے جدوں تیکر کہ تُسی اچانک جہنم دے کُھلے ہوئے کھڈے وِچ ڈِگدے ہوئے حیران نہ ہو جاؤ؟ تہاڈا کی جواب اے؟

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔