Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




چین وِچ حیاتی – مغرب چہ موت!

(چینی موسمِ خزاں دے وِچکار آلے میلے تے پیش کیتا گیا اِک واعظ)

LIFE IN CHINA – DEATH IN THE WEST!
(A SERMON GIVEN AT THE CHINESE MID-AUTUMN FESTIVAL)
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ دِتا گیا اِک واعظ
خداوند دے دِن دی شام، 22 ستمبر، 2013
A sermon preached at the Baptist Tabernacle of Los Angeles
Lord’s Day Evening, September 22, 2013

’’جیہدے کِن ہون اُو سُنے کہ پاک روح کلیسیاواں نوں کی فرماندا اے‘‘
(مکاشفہ 3:13).

’’جیہدے کِن ہون اُو سُنے کہ پاک روح کلیسیاواں نوں کی فرماندا اے‘‘
(مکاشفہ 3:22).


مُکاشفہ دے دوجے تے تیجے باب وِچ مسیح وَلوں ست اصلی کلیسیاواں لئی جیہڑیاں پہلی صدی وِچ ایشیا مائینر Asia Minor وِچ وجود رکھدیاں سن ست خطوط موجود نے۔ ستاں خطاں وِچوں ہر خط کلیسیا دے ’’فرشتے‘‘ لئی پیجیا گیا سی۔ ’’فرشتےangel‘‘ لئی یونانی لفظ دا واقعی چہ مطلب ’’پیامبرmessenger‘‘ ہوندا اے۔ تبصرہ نگار متفق نے کہ ہر خط کلیسیا دے پادری نوں لکھیا گیا سی، جیہڑا اُوس کلیسیا دے لئی خُدا دا ’’پیامبر‘‘ سی۔ ڈاکٹر جے۔ ورنن میگی Dr. J. Vernon McGee نے اُنہاں خطاں دے تِن اِطلاق پیش کیتے۔ میں اِک چوتھے اِطلاق دا اضافہ کراں گا۔ ڈاکٹر میگی نے کہیا کہ ایناں ست کلیسیاواں نوں تِن طریقیاں نال سمجھیا تے لاگو کیتا جا سکدا اے،

1. ہم عصر Contemporary – اُوہناں دے کول یوحنا دے دِناں وِچ حقیقی مقامی کلیسیاواں لئی اِک براہ راست پیغام سی۔

2. مخلوط Composite – ہر کوئی کُج گلاں پیش کردا سی جیہڑیاں ساریاں کلیسیاواں تے لاگو ہوندیاں سن۔

3. تاریخ وارانہ Chronological – کلیسیا دا تاریخی تناظر۔ ایتھے کلیسیا دی تاریخ وِچ ست واضح زمانے نے، پینتیکوست توں لے کے مسیح دی آمد ثٓنی تیکر (جے۔ ورنن میکجی، ٹی ایچ۔ ڈی J. Vernon McGee, Th. D.، بائبل میں سے Thru the Bible، تھامس نیلسن پبلشرز Thomas Nelson Publishers، 1983، جلد پنجم، صفحہ 898)۔


میں ایس گل توں وی قائل آں کہ اُوہناں کلیسیاواں دی خصوصیات دُنیا دے مختلف خِطّیاں وِچ ویکھیاں جا سکدیاں نے۔ ایہہ چوتھا اِطلاق اے۔ مکاشفہ وِچ ایہہ کلیسیائیں دُنیا دے مختلف خِطّیاں وِچ کلیسیا دی تصویر پیش کردیاں نے۔ جے کوئی مذہبی صورتحال نوں جانندا اے، تے ایہہ واضح اے کہ چین میں کلیسیا، فلدفیہPhiladelphia دی کلیسیا دے مشابہ اے – جنہوں مکاشفہ3:7۔13 وِچ پیش کیتا گیا اے۔ تے مغرب وِچ، انگریزی بولن آلی دُنیا تے یورپ دی کلیسیا، لودیکیہ دے کلیسیا دے مشابہ اے – جنہوں مکاشفہ13:14۔22 وِچ پیش کیتا گیا اے۔ جے اَسی ایناں دو علاقائی کلیسیاواں تے مقصدیاتی طور تے نظر پائیے، اپنے جذبات نوں اِک پاسے رکھ کے، تے سختی نال اصلی حقائق تے مرکوز رہیے، تے اَسی ویکھاں گے کہ چین وِچ کلیسیاواں دے وِچ حیاتی اے – تے امریکہ تے مغرب دے کلیسیاوں وچ موت اے۔ یاد رکھو کہ ایہہ خطوط کیناں نوں لکھے گئے سن،

’’جیہدے کَن ہون اُو سُنے کہ پاک روح کلیسیاواں نوں کی فرماندا اے‘‘ (مکاشفہ 3:13).

تے فیر،

’’جیہدے کَن ہون اُو سُنے کہ پاک روح کلیسیاواں نوں کی فرماندا اے‘‘ (مکاشفہ 3:22).

I۔ اوّل، مغرب میں اور – امریکہ میں کلیسیاواں لئی پاک روح کی فرماندا اے!

مکاشفہ 3:14۔17 تے نظر پاؤ۔

’’لودیکیہ دی کلیسیا دے فرشتہ نوں لکھ: جیہڑا آمین تے قابل اعتماد، برحق گواہ تے خُدا دی خلقت دا مبدا اے ایہہ فرماندا اے کہ میں تیرے کماں نال واقف آں کہ تو نہ سرد اے نہ گرم۔ کاش کہ توں سرد ہوندا یا گرم۔ پس چونکہ توں نہ گرم اے نہ سرد بلکہ نیم گرم اے ایس لئی میں تینوں اپنے مُنہ توں نکلا پھینکن نوں آں۔ توں کہندا اے کہ توں دولتمند اے تے مالدار بن گیا اے تے تینوں کسی شے دی لُوڑ نئیں مگر تو ایہہ نئیں جانندا کہ تو بدبخت، بے چارہ، غریب، اَنّا تے ننگا اے‘‘ (مکاشفہ 3:14۔17).

ایہہ ساڈی کلیسیاواں دی اِک خوبصورت تصویر نئیں اے! لیکن ایہہ اِک وفادار تے سچی تصویر اے! ایتھے کلیسائیں واقعی چہ پیچیدہ صورتحا وِچ نے! تے اُو ہر سال بدتر ہوندیاں جارہیاں نے!

سانوں ایہہ بالکل وی نئیں سوچنا چائیدا اے کہ ایہہ یوحنا رسول دے رائے اے۔ سانوں دسیا گیا اے کہ ایہہ اُو اے جیہڑا خداوند یسوع مسیح سوچدا اے۔ اُوہنوں مکاشفہ 3:14 وِچ ’’آمین،‘‘ تے ’’قابلِ اعمتاد تے برحق گواہ‘‘ کہیا گیا اے۔ اُوس لفظ ’’آمینamen‘‘ دا مطلب ’’سچاtruth‘‘ ہوندا اے۔ اُو ہر لفظ نوں جیہڑا اُو بولدا اے ’’آمین‘‘ کہہ سکدا اے کیوں جے ہر لفظ ’’سچا‘‘ اے۔ مسیح اُو ’’قابل اعمتاد تے برحق گواہ‘‘ اے۔ ایہی اے جیہڑا خُداوند یسوع مسیح ساڈی لودیکیہ دے حالت دے بارے وِچ کہندا اے۔

لودیکیہ دی کلیسیا وِچ ایہو جیہا کُج نئیں اے کہ مسیح ایہدا توثیق کردا۔ اُو ایہدے وِچ تعریف دے لئی کُج نئیں پاندا اے۔ لیکن اُو بوہتا کُج ملامت کرن لئی ضرور پاندا اے۔ مسیح کہندا اے،

’’میں تیرے کماں توں واقف آں کہ توں نہ سرد اے نہ گرم۔ کاش کہ تو سرد ہوندا یا گرم‘‘ (مکاشفہ 3:15).

اکٹر میرل سی۔ ٹینی Dr. Merrill C. Tenney نے کہیا، ’’ایہہ نا ای تے ایمان نال یخ بستہ مخالفت وِچ مرتد ہوئی، نا ای جوش… نال شعلہ فشان بنی۔ ایہہ بھٹک رئی سی، چل نئیں رئی سی‘‘(میرل سی۔ ٹینی، پی ایچ۔ ڈی۔ Merrill C. Tenney, Ph.D.، مکاشفہ کی تفسیر پیش کرنا Interpreting Revelation، عئیرڈ مین اشاعتی کمپنی Eerdmans Publishing Company، 1957، صفحہ66)۔ امریکہ تے مغرب وِچ انجیلی بشارت دی کلیسیاواں دی کیہو جئی اِک تصویر! ’’نہ تے سرد نا تے گرم۔‘‘ ساڈے زیادہ تر مبلغاں تے ساڈی زیادہ تر کلیسیاواں دی کیہو جئی اِک تصویر!

بیسوی صدی دے اَخیر تے ساڈی انجیلی بشارت دی کلیسیاواں بائبل وِچ اعتقاد توں پرے ہٹنا شروع ہو گئیاں سن۔ ڈاکٹر ھیرالڈ لینڈسل Dr. Harold Lindsell نے اک معروف امتیازی کتاب بائبل دے لئی جنگ The Battle for the Bible (ژونڈروان Zondervan، 1976) لکھی۔ ایہدے خلاف بوہتا واویلہ ہویا۔ انجیلی بشارت دے بے شمار رہنماواں نے ڈاکٹر لینڈسِل نال گل کرن توں پرھیز کیتا تے اُوہناں نوں برادری توں نکل باہر کیتا۔ لیکن اُو ایس قدر اہم رہنما سن تے ایس قدر جانی مانی تے معزز ہستی سن کہ بائبل لئی اُوہناں دی پکار بغیر کسی خطا دے سُنی گئی۔ میں ایہہ ویکھ کے حیران رہ گیا سی کہ زیادہ تر انجیلی بشارت دی تعلیم نے بائبل وِچ دوبارہ اعتقاد کرنا شروع کر دِتا سی۔ لیکن ڈاکٹر پیج پیٹرسن Dr. Paige Patterson، جیہڑے جنوب مغربی بپتسمہ دین آلی علم الہٰیات کی سیمنریSouthwestern Baptist Theological Senimary دے صدر سن، نے کہیا کہ تنہا بائبل وِچ اعتقاد ساڈے شہراں دے اندرون وِچ گواچے ہوئے لوکاں تیکر نئیں پہنچ پائے گا، یا ساڈی کلیسیاواں وِچ حیات نو نئیں لہیا پائے گا۔ اُو بالکل سچے سن۔ ایویں، ساڈی کلیسیائیں فیر کسی حد تے کھولتیاں نے؟ ایہنے سانوں بائبل تے یقین کردے رہن لئی، مگر بغیر گرمجوشی تے بغیر شدید ولولے دے نال گواچے ہوئے لوکاں تیکر پہنچن لئی چھڈ دِتا۔ ایس گرمجوشی تے شدید ولولے دی کمی دے نتیجے وِچ، پچھلے چار وریاں توں، ہر سال مغربی بپتسمہ دین آلے گھٹ ہوندے جا رئے نے! ایہہ بالکل پہلی وری ہویا اے کہ مغربی بپتسمہ دین آلی کلیسیائیں تعداد وِچ گھٹ ہوئیاں نے۔ خود مختیار بنیادی بپتسمہ دین آلے independent fundamental Baptists وی تعداد وِچ گھٹ ہوئے۔ ایہدے نال کی مطلب نکلدا اے؟ ایس دا ایہہ مطلب اے کہ ساڈی کلیسیائیں نہ تے سرد (بائبل تے حملہ کر رئیاں نے) نہ تے گرم (فیر بحال ہوئیاں)۔ ایہدا مطلب اے کہ ساڈی کلیسیائیں ’’نیم گرم‘‘ نے۔ تے مسیح نے کہیا اینج ہونا بدترین گل ہووے گی! میرے خیال وِچ ایہہ انتہائی واضح ہوندا اے کہ ساڈی ’’نیم گرم‘‘ کلیسیا دے لوکی خود نوں ’’اعتدال پسند‘‘ کہندے نے۔ قاموس اللغات thesaurus وِچ ’’اعتدال پسندmoderate‘‘ ’’نیم گرم lukewarm‘‘ دے لئی اِک ہم معنی لفظ اے (ویکھو انگریزی دے ہم معنی لفظاں دی پینگوئین لغات the Penguin Dictionary of English Synonyms، کلیئرمونٹ کُتب Claremont Books، 1995 ایڈیشن)۔

تے مسیح ساڈی ’’اعتدال پسند،‘‘ ادھے موئے ہوئے کلیسیا دے لوکاں دی اپنے مُنہ توں قے کرن آلا اے۔ اُوہناں ’’اعتدال پسنداں‘‘ نوں مسیح اپنے مُنہ توں تُکھ (قے کرنا) دیوے گا! معاف کیجیے گا، یہی یونانی لفظ دا واقعی چہ مطلب ہوندا اے – قے کرنا!

’’پس چونکہ توں نہ گرم اے نہ سرد بلکہ نیم گرم اے ایس لئی میں تینوں اپنے مُنہ توں [قے کرنا] نکال سُٹن نوں آں‘‘ (مکاشفہ 3:16).

تے آؤ ایس دا مطلب کہ ہوندا اے اُوس دی شدت نوں گھٹ نہ کرئیے! جدوں مسیح اِک کلیسیا نوں اپنے مُنہ توں تُھکدا اے تے ایہدا مطلب ہوندا اے کہ اِراکین جہنم وِچ جاندے نے۔ مینوں اُوہناں دے بارے چہ ایہو جئی کوئی گل نہ کہو کہ تاج چھن جان گے! جی نئیں، سیاق و سباق وِچ، جدوں اُوہناں نوں تُکھیا جاندا اے تے اُوہناں دی جہنم دی اَگ وِچ قے کر دِتی جاندی اے! آیات 17 تے 18 دی روشنی وِچ ایس دے علاوہ ایہدا ہُور کی مطلب ہوندا اے؟

’’کہ توں دولتمند اے تے مالدار بن گیا اے تے تینوں کسی شے دی لُوڑ نئیں مگر تو ایہہ نئیں جانندا کہ تو بدبخت، بے چارہ، غریب، اَنّا تے ننگا اے‘‘ (مکاشفہ 3:17).

’’بدبخت، تے بے چارہ، تے غریب، تے اَنا، تے ننگا‘‘ – ایہہ کی اے جے ایہہ غیرنجات یافتہ لوکاں دی تفصیل نئیں اے؟ ’’میں تینوں اپنے مُنہ توں نکال سُٹن نوں آں‘‘ (آیت 16) دا مطلب ایہو ای اے جیویں ’’ایہدے ہتھ پیر بن کے باہر انیرے چہ سُٹ دیو جیتھے اُو روندا تے دند پیسدا رئے گا‘‘ (متی22:13)۔ ’’میں تینوں اپنے مُنہ توں نکل سُٹن نوں آں‘‘ دا مطلب ایہو جئی ای گل اے تے ایہو جیہا ای ویلہ اے، جدوں مسیح غیر نجات یافتہ کلیسیا دے اراکین نوں کہے گا، ’’میں تہاڈے نال کدی واقف ای نئیں سی: اے بدکارو! میری نظراں توں دور ہو جاؤ‘‘ (متی7:23)۔ ’’میں تینوں اپنے مُنہ توں نکل سُٹن نوں آں‘‘ دا مطلب بالکل ایویں ای اے جیویں،

’’تے جیس دا ناں کتابِ حیات وِچ لکھیا ہویا نہ مِلیا اُوہنوں وی اَگ دی جھیل وِچ سُٹیا گیا‘‘(مکاشفہ 20:15).

تے ایویں، قدامت پسند، بائبل وِچ یقین رکھن آلی کلیسیاواں وِچ، بہوتی عورتاں جیہڑیاں سنڈے سکول وِچ تعلیم دیندیاں نے مسیح دے ذریعے جہنم وِچ تُھک دِتیاں جان گئیاں۔ بوہتے مناد جہنم وِچ تُھک دتے جان گے۔ کلیسیا وِچ انتہائی معزز خانداناں دے افراد جہنم وِچ تُھک دتے جان گے۔ تے بہتیرے اُوہناں غیرتبدیل شُدہ پادریاں دی اِک بہت وڈی تعداد تے بھونچکے رہ جان گے جنہاں نوں شعلیاں وِچ تُھک دِتا جائے گا، تے ’’اَگ دی جھیل وِچ جھونک دِتا‘‘ جائے گا۔

آؤ ایس دا سامنا کریے، انجیلی بشارت دے درمیان اُوس تمام اعتدال پسند، نیم گرم، تے ’’ترقی یافتہ‘‘ کہلائی جان آلی تحریک گواچے ہوئے لوکاں دے نال مشکل مسئلہ اے۔ ایہہ شروع ہوندی اے جدوں اَسی ہر کسی دے نال جیہڑا ہتھ کھڑا کردا اے، یا گنہگار دی دعا منگدا اے، اپنی کلیسیا دا مکمل رُکن قبول کر لینے آں! ایہہ اِک سو پنجا وریاں توں زیادہ عرصے توں اِک وددھدی ہوئی شرع دے نال جاری رہیا اے۔ جیس دے نتیجے وِچ، ایتھوں تیکر کہ پادریاں دی اِک بہت ودی تعدا نے کدی وی نوے سرے توں جنم لہیا ای نئیں اے! اُو سوچدے نے کہ ’’اُو دولتمند نے، تے مالدار بن گئے نے، تے کسی شے دی لوڑ نئیں؛ تے ایہہ نئیں جانندے کہ [اُو] بدبخت، تے بے چارے، تے غریب، تے اَنے، تے ننگے نے‘‘ (مکاشفہ 3:17)۔ خُداوند ساڈی مدد کرے! پادریاں تے مناداں تے سنڈے سکول دیاں خواتین اُستانیاں دے نال، ایس ہولناک تے گواچی ہوئی حالت وِچ، حیرانگی دی کوئی گل نئیں ہووے گی کہ مسیح ساڈی انجیلی بشارت دی کلیساواں نوں اپنے مُنہ توں قے کر کے سُٹ دیوے گا!

ایس حقیقت نوں کہ ساڈی کلیسیائیں غیر تبدیل شُدہ [غیر نجات یافتہ] لوکاں نال بھریاں ہوئیاں نے ڈاکٹر مارٹن لائیڈ جونز Dr. Martyn Lloyd-Jones نے اکثر دھیان چہ رکھیا، جنہاں نے کہیا کہ ایہنے ’’دُنیا لئی ساڈی گواہی‘‘ نوں کمزور کیتا اے تے بدی دی قوتاں دے خلاف کھلون وِچ ’’اُوہدے مبلغین نوں انتہائی ناکارہ – انتہائی کمزور تے بے بس کر چھڈیا اے‘‘ (’’بینر اور ٹرُتھ ٹرسٹ Banner of Truth Trust‘‘ میگزین، مئی 1981، صفحات32۔33)۔

اکٹر اے۔ ڈبلیو۔ ٹوزر Dr. A. W. Tozer نے وی کہیا کہ ساڈی کلیسیائیں گواچے ہوئے لوکاں نے پرہیاں پئیاں نے۔ مثال دے طور تے، اُوہناں نے کہیا، ایتھے… اِک غمگین تے ہولناک قیامت دا دِن ہُنے آن آلا اے، اُوہناں لئی مکاشفے تے دھچکے دا دِن اے جیہڑے مسیحیت لئی نئے جنم دے معجزے دے بجائے ذہنی رضامندی تے انحصار کردے نے‘‘ (سینڈیمینی این اِزم Sandemanianism دی حیثیت نال جانیا جاندا اے) (اے۔ ڈبلیو۔ ٹوزر، ڈی۔ڈی۔ A. W. Tozer, D.D.، میں اینوں بدعت کہنا واں I Call It Heresy، کرسچن پبلیکشنز Christian Pbulications, Inc.، 1974 ایڈیشن، صفحہ40)۔

ڈاکٹر ڈیوڈ ایل۔ لارسن Dr. David L. Larsen حیران سن کہ ڈاکٹر لائیڈ جونز تے ڈاکٹر ٹوزر ’’دوست سن۔‘‘ مگر میرے لئی ایہہ کوئی حیرانگی دی گل نئیں سی۔ ایناں دوواں عظیم مبلغاں نے ویکھیا سی کہ ایتھے حالات کیس قدر خراب سن، تے دوواں نوں ای حیات نو دی چاہت سی (ڈیوڈ ایل۔ لارسن، ڈی۔ڈی۔ David L. Larsen, D.D.، مبلغین کا ساتھ Company of the Preachers، کریگل اشاعت خانے Kregel Publications، 1998، صفحہ 845)۔

ایس ای کتاب وِچ ڈاکٹر ٹوزر نے کہیا اُوہناں نے اندازہ لایا کہ اُوہناں وِچوں تین چوتھائی جیہڑے دعویٰ کردے نے کہ نجات پائے ہوئے نے اصل وِچ کھوئے ہوئے ہوتے ہیں، ’’میں بے خوفی تے دو ٹوک انداز نال بیان کرنا چاہواں گا کہ تقریباً تین چوتھائی… اِک معذور اُمید وِچ مزے چُکن ڈئے نے‘‘ (ibid.، صفحہ42)۔ جے اُو سچ سی جدوں ڈاکٹر ٹوزر نے ایہہ گل ماضی وِچ 1950 دی دہائی چہ کہی، تے اَج ایہہ انتہائی ودھ چکیا اے۔ بوہتی ساری بپتسمہ دین آلے رہنماواں نے مینوں ایہہ دسیا اے کہ 90 فیصد توں زیادہ کلیسیا دے اِراکین کھوئے ہوئے نے۔ ایہدا مطلب اے کہ مبلغاں، مناداں تے سنڈے سکول دیاں خواتین اُستانیاں دے کول سچے طور تے نجات پا لین دا 10 وِچوں اِک – یا گھٹ توں گھٹ چانس اے! اِک انتہائی مشہور بنیادی سکول دے چانسلر نے مینوں ذاتی طور تے دسیا کہ اُو سوچدا اے کہ ساڈے 10 فیصد توں گھٹ لوکی نجات یافتہ نے!

ایتھے امریکہ وِچ تے مغرب وِچ – بہوتے لوکی حیران ہوندے نے کہ کیوں ساڈے ایتھے ایس قدر قتل و غارت گری ہوندی اے، ایس قدر زیادہ منشیات دے عادی نے، ایس قدر طلاقاں ہوندیاں نے، تے ایس قدر نااُمید طرز دی حیاتی اے۔ ایس دا جواب سادہ جیہا اے – مشکلاں نال ای کوئی اِک بندہ حقیقی مسیحی ہوندا اے! مشکلاں نال ای کوئی اِک!

’’میں تیرے کماں نال واقف آں کہ تو نہ سرد اے نہ گرم۔ کاش کہ توں سرد ہوندا یا گرم۔ پس چونکہ توں نہ گرم اے نہ سرد بلکہ نیم گرم اے ایس لئی میں تینوں اپنے مُنہ توں نکلا پھینکن نوں آں۔ توں کہندا اے کہ توں دولتمند اے تے مالدار بن گیا اے تے تینوں کسی شے دی لُوڑ نئیں مگر تو ایہہ نئیں جانندا کہ تو بدبخت، بے چارہ، غریب، اَنّا تے ننگا اے‘‘ (مکاشفہ 3:15۔17).

بے شمار دہائیاں تیکر ساڈی کلیسیائیں نوے اراکین نون اُوہناں دیاں گواہیاں جانچے بغیر اپنادی رہیاں نے۔ ایویں لکھاں دے لکھ غیرتبدیل شُدہ کلیسیا دے اراکین نے۔ ساڈی کلیسیاواں یا گرجا گھر واقعی چہ ایہدے نتیجے نال گواچے ہوئے لوکاں توں پرہے ہوئے نے۔ گواچے ہوئے لوکی منادی سُنن دے بجائے تعلیم پانا چاہندے نے، مٹی وانگوں ایس قدر خشک درجہ بہ درجہ تاویلاں تے تشریحات حقیقی منادی دی تھاں لے چکیاں نے۔ گواچے ہوئے لوکی دعا کرنا نئیں چاہندے، ایس لئی ہفتے دے دوران دا دعائیہ اِجلاس یا تے بائبل دے مطالعے وِچ بدل چکیا اے، اِک یا دو کمزور جئی دعاواں دے نال – یا مکمل طور تے ختم ہو چکیا اے۔ گواچے ہوئے لوکی روحانی گلاں لئی کاہل ہوندے نے، ایس لئی اِتوار دی شام دی عبادات بہوتے گرجا گھراں وِچ مُک چکی اے۔ گواچے ہوئے لوکی ایس قدر سُست نے کہ اُو اِک مضبوط، منظم لوکاں نوں جیتن آلی مذہبی جماعت دا ساتھ وی نئیں دین گے۔ ویکھیا، ساڈی کلیسیاواں یا گرجا گھراں وِچ پژمُردگی تے سردمہری دا واقعی چہ اِک نقطۂ آغاز اے – ایہہ حقیقت کہ اراکین اکثر گواچے ہوئے لوکی ہوندے نے! میرے سابقہ پادری ٹموتھی لِن Dr. Timothy Lin صاحب نے کہیا،

روحانیت نوں جسمانی نیت توں الگ پہنچان دی نااہلیت، تے کلیسیا دی رُکنیت لئی سارے اِطلاقات دی قبولیت، ہمیشہ توں ای کلیسیا… دا جان لیوا زخم رہیا اے… خُدا دی کلیسیا نوں پاک تے جلالی ہونا چائیدا اے۔ مگر جدوں اُو گناہ تے قصوراں وِچ مُردہ لوکاں نے پرہی ہوندی اے… تے ساڈا پاک خُدا کی کر سکدا اے ماسوائے اُوہدے کولوں جدا ہون دے؟ اَسی مسیحی زمین تے ہر بندے دی روح نال پیار کرنےآں، ایس دے باوجود سانوں کسی نوں وی خُدا دی موجودگی پان وِچ رخنہ اندازی کرن دی کدی وی اجازت نئیں دینی چائیدی، نہ ای کسی بندے نوں خُدا دا بدن تباہ کرن دی اجازت دینی چائیدی۔ اَسی اپنے پِینڈے دے اِک اِک خُلیے نال پیار کرنے آں، ایہدے باوجود سانوں کدی وی ایہو جئے کسی خُلیے دی موجودگی نوں اجازت نئیں دینی چائیدی جیہڑا ساڈے پینڈے نوں زہریلا کر سکدا اے یا نقصان پہنچا سکدا اے۔ سانوں ہمیشہ ایہو جئے نقصان دہ خُلیاں نوں مکمل طور تے نکال سُٹنا چاہئیدا اے۔ بدقسمتی نال، لوکی اکثر سرطان نال متاثر خُلیاں نوں وی مسیح دے بدن وِچ پان دی اجازت دے دیندے نے۔ ایہو ای وجہ اے کہ کیوں… کلیسیائیں یا گرجا گھر حتمی بیماریاں وِچ مبتلا نے! (ٹیموتھی لِن، پی ایچ۔ڈی۔ Timothy Lin, Ph.D.، کلیسیا کے بڑھنے کا راز The Secret of Church Growth، FCBC، 1992، صفحات39، 40)۔

امریکہ تے مغرب وِچ ساڈی کلیسیائیں لودیکیہ دے دور دی روحانی موت وِچ گہری دھنسیاں ہوئیاں نے! لیکن میں تہانوں دسیا سی کہ میں ’’چین وِچ حیاتی‘‘ تے وی گل کراں گا۔ تے ایہہ سانوں دوجے موضوع تے لے جاندا اے!

II۔ دوئم، چین وِچ کلیسیاواں لئی پاک روح کی فرماندا اے!

مکاشفہ3:7۔8 آیات تے نظر پاؤ،

’’فِلدِلفیہ دی کلیسیا دے فرشتہ نوں لکھ: اُوجیہڑا قُدّوس تے برحق اے تے داؤد دی کُنجی رکھدا اے، تے جنہوں کھولدا اے اُوہنوں کوئی بند نئیں کر سکدا تے جنہوں بند کردا اے اُوہنوں کوئی کھول نئیں سکدا ایہہ فرماندا اے کہ میں تیرے کماں توں واقف آں۔ ویکھ! میں تیرے اگے اِک بوہا کھول رکھیا اے جنہوں کوئی بند نئیں سکدا۔ میں جاننا واں کہ کمزور ہون دے باوجود توں میرے کلام تے عمل کیتا اے تے میرے ناں دا انکار نئیں کیتا‘‘ (مکاشفہ 3:7۔8).

غور کرو کہ میں کہیا، ’’چین وِچ کلیسیائیں۔‘‘ میں ایہہ نئیں کہیا کہ ’’چینی کلیسیائیں۔‘‘ امریکہ، مغرب دے دوجے ممالک، تے تائیوان وِچ بہوتے چینی گرجا گھر نے، جنہاں نوں ایناں آیات وِچ فلدلفیہ دی کلیسیا نال بیان نئیں کیتا گیا اے۔ ڈاکٹر لِن نے مینوں ذاتی طور تے دسیا سی کہ تائیوان وِچ کلیسیائیں نیم گرم نے۔

لیکن ایہہ آیات چین وِچ ’’گھریلو گرجا گھراں یا کلیسیاواں‘‘ دی تحریک لئی ضرور لاگو ہوندی اے! اُوتھے چین وِچ دو کلیسیائیں ہیں! ’’تین ذاتی کلیسیا Three Self Church‘‘ اشتراکیت پسند حکومت دے ذریعے نال چلائی جاندی اے۔ ایناں گرجا گھراں دے پادریاں نوں مسیح دے مُردیاں وِچوں جی اُٹھن، تے اُوہدی آمدثانی تے گل کرن دی اِجازت نئیں اے۔ ایہہ بہوتی حد تیکر امریکہ وِچ ’’وڈے وڈے mainline‘‘ گرجا گھراں دی مانند نے، تے اُو ودھ نئیں رئے نے۔

مگر ’’گھریلو گرجا گھر‘‘ اُو نے جیہڑے اشتراکیت پسند حکومت دے قابو توں باہر ودھ رئے نے۔ ایہہ شاندار طریقے نال ودھ چکے نے! اِک چینی گرجا گھر دے مبلغ نے کہیا، ’’پچھلی چند ایک دہائیاں وِچ، اینے ای جِنہے 100,000,000 لوکی چین وِچ یسوع دی پیروی کرنا شروع کر چکے نے۔ اُو خوشخبری چین دے تمام کونیاں وِچ لے جائی جا چکی اے…‘‘ (زندہ پانی Living Water، ژونڈروان Zondervan، 2008، صفحہ52)۔ ایہہ چینی مبلغ جاری رہندیاں ہویاں کہندے نے،

     

1949 وِچ انقلاب دے بعد، میرے مُلک وِچ مسیحیاں نوں اذیتاں دِتیاں گئیاں۔ گرجا گھراں نوں تباہ کیتا گیا یا جمنازیم، اناج دے گوداماں یا حکومتی دفتراں وِچ بدل دِتا گیا۔ سارے غیرمُلکی مشنریوں نوں کڈ دِتا گیا تے اُوہناں دے اپنے مُلکاں وِچ واپس پیجھ دِتا گای۔ پورے چین چہ دہریت دی روح کسی جنگ وِچ اَگ وانگوں پھیل گئی جدوں تیکر کہ ایہنے ساری زمین نوں داغ دار نہ کر چھڈیا۔ ہزاروں پادریاں تے گرجا گھراں دے رہنماواں نوں قتل کیتا گیا یا بوہتے وریاں لئی قید کر دِتا گیا۔ سینکڑوں نے دو دہائیاں تیکر بغیر کسی دوجی وجہ دے ماسوائے ایس دے کہ اُو یسوع نال محبت کردے سن بیگار کیمپاں وِچ سخت محنت کیتی۔ بہتیرے شدید نقاہت نال یا بھُک نال مر گئے۔ کیس باہر آلے نوں اندر ویکھن نال اینج لگدا سی جیویں اُوتھے چین وِچ کوئی گرجا گھر باقی نئیں بچیا۔ ایہہ لگدا سی کہ اینوں مکمل طور تے مٹا دِتا گیا سی۔
     فیر 1970 دی دہائی وِچ خُدا نے کُج کرنا شروع کیتا۔ شروع وِچ، محض نِکا جیہا بی نمودار ہویا، تے ایمانداراں دیاں کُج ننھی ٹولیاں، دہائیاں تیکر چھپے رہن دے بعد، سطح دے اُوتے دوبارہ نمودار ہوئیاں۔ ایناں نِکّے نِکّے بیجاں نے جڑاں پھڑنیاں شروع کیتیاں… تے ہر لنگدے دِن دے نال مضبوط تر تے وڈیاں ہوندیاں چلی گئیاں۔ 1980 دی ابتدائی دہائی تیکر، چین وِچ ہزارہا درخت ابھر آئے، تے اُوہناں نے، بدلے چہ، بہوتے بی پیدا کیتے جیہڑے پاک روح دی ہوا دے وسیلے نال دور دور تیکر نمودونمائش کردے چلے گئے۔ جیویں جیویں حیات نو قوم وِچ پھیلدا گیا، ہزاروں ایماندار لاکھاں وِچ بدل گئے، تے لکھاں کروڑاں وِچ بدل گئے تے ایتھوں تیکر کہ ہُن 100,000,000 مسیحی نے! (ibid.، صفحات52۔53)۔

جیویں کہ فلدلفیہ دی کلیسیا دے نال، خُدا نے اُوہناں دے اگے ’’اِک بوہا کھول کے رکھ چھڈیا تے جنہوں کوئی انسان بند نئیں کر سکدا‘‘ (مکاشفہ3:8)۔ لیکن اُوہناں نوں قیمت چکانا پئی سی! ایناں لوکاں نوں دُنیا توں دستبردار ہونا پئیا سی۔ اُوہناں نوں چین دے ہر گوشے وِچ انجیل لہیان لئی ہر شے دی قربانی لئی رضا ہونا پئیا سی۔ اُوہناں نے اپنے خوف مسترد کرنے پئے سن، تے کُلی طور تے خُداوند یسوع مسیح لئی وقف ہوئے سن! اُوس چین مبلغ نے فیر آزاد دُنیا وِچ سانوں کہیا،

پیارے بیلی، خُدا دی واج نوں سنن توں خوفزدہ نہ ہون تے اُوہدی فرمانبرداری کرن لئی میں تہاڈی حوصلہ افزائی کرنا واں! خُدا کدی وی جھوٹ نئیں بول سکدا، نہ ای اُو کدی اپنے بچیاں نوں چھڈ سکدا اے۔ اُوہدے تے مکمل طور تے پروہسا کیتا جا سکدا اے۔ ایمان تے اعتماد وِچ قدم ودھاؤ… یسوع ساڈے توں چاہندا اے کہ خُدا دی قوت وِچ جئیں تے قدم ودھائیں… ساڈا کردار خُدا دی واج نوں سننا اے، اپنی حیاتیاں نوں بے تکلفی نال پیش کرنا اے… ایس بیمار تے درد چہ مبتلا دُنیا تیکر پہنچن لئی خُدا دے حکم دی تابعداری کرنا اے (ibid.، صفحات54، 55)۔

جے ایس کوئی ایہو جیہا گرجا گھر بنان جا رئے آں جیہڑا چین چہ گھریلو گرجا گھراں دی مثال دی پیروی کردا اے، تے سانوں متبرک حیاتیاں جین لئی پاک روح دی قوت دی لوڑ پئے گی!

فیر اُوس چینی مبلغ نے کہیا کہ اَسی مغربی دُنیا وِچ ’’ہر اِتوار نوں ہزاروں واعظ سُنن آں جنہاں وِچ یسوع نوں صرف نجات دہندہ دے طور تے پیش کیتا جاندا اے، مگر خُداوند اور مالک دے طور تے نئیں۔ لوکاں نوں دسیا جاندا اے، ’یسوع تہاڈی مدد کرے گا، تہانوں برکت دیوے گا، تہانوں معاف کرے گا…‘ لیکن بہت ای گھٹ کفارے، عاجزی تے انکساری تے قربانی دے بارے چہ کہیا جاندا اے… [لوکی] خُداوند دی پیروی کرن دی کوششاں کر رئے نے، لیکن اُوہناں نے سچے طور تے کدی وی نئیں کفارہ ادا کیتا تے اپنی حیاتیاں نوں یسوع مسیح دے حوالے نئیں کیتا۔ جھوٹی انجیل دا نتیجہ جیہڑا اَج ایس قدر زور آور اے کہ جوش دے بغیر [لوکاں] دے گرجا گھراں وِچ ویکھیا جا سکدا اے، جنہاں دیاں حیاتیاں ہُنے وی خودغرضی تے دُنیاوی اصولاں تے مرکوز نے‘‘(ibid.، صفحہ 18)۔

مغربی مشاہدہ کرن آلیاں لئی، ’’چین وِچ زیر زمین گرجا گھر اَنّے ایمان تے لاعلمی دے آمیزے تے تعمیر کیتے ہوئے وکھائی دیندے نے، مگر اُو اَنّا ایمان اُوہناں دے نجات دہندہ، یسوع مسیح چہ لنگر انداز اے۔ عمومی طور تے مغربی کلیسیائیںح خُدا دے کلام تے عقلیت پسندی دے اُوہناں دی اپنی سمجھ دے اعتماد تے تعمیر ہوندیاں وکھائی دیندیاں نے… مغرب میں، جیتھے سانوں بے انتہا معلومات تے بائبل دی آگاہی تیکر رسائی اے، تے اَسی اپنی تمام حیاتیاں آسانی نال مسیح دے سامنے قطعی طور تے بے حس ہو کے لنگہا سکنے آں‘‘ (کریمسن صلیب Crimson Cross، یروشلم دے لئی واپسی Back to Jerusalem، 2012، صفحہ 235)۔

کی تُسی اپنی حیاتی دے نال مسیح تے پروہسا کرن لئی خوفزدہ رئے اُو؟ کی کسی گناہ تے کسی خوف نے تہانوں یسوع نوں اپنان تے اُوہدے سچے شاگرد ہون دی حیثیت نال نجات پان توں روکے رکھیا اے؟ جے تہانوں چین وِچ گھریلو گھرجا گھراں دے مسیحیاں دے ایمان نال للکاریاجاندا اے تے کی تُسی اپنے خوفاں دا سامنا کرو گے تے ’’دوجیاں ساریاں شیواں توں ہتھ دھو لؤو گے… تے ماسوائے کوڑے دے ہُور کُج نئیں سمجھو گے تاں جے [تُسی] مسیح نوں حاصل کر پاؤ‘‘؟ (فلپیوں3:8)۔ ماسوائے کوڑے دے ہُور کُج نئیں سمجھو گے! ماسوائے کوڑے دے ہُور کُج نئیں سمجھو گے! ماسوائے کوڑے دے ہُور کُج نئیں سمجھو گے – تاکہ تُسی مسیح نوں حاصل کر لو! کی تُسی اُوس عظیم پرانے حمدوثنا دے گیت وِچ موجود اُوس سچائی نوں اپناندے اُو، ’یسوع‘ میں اپنی صلیب چُک لئی اےJesus, I My Cross Have Taken‘‘؟ ایہہ تہاڈے گیت دے ورقے چہ 7نمبر اے۔ کھلو جاؤ تے اینوں گاؤ۔

یسوع، میں اپنی صلیب چُک لئی اے، سب کُج چھڈن تے تیری پیروی کرن لئی؛
   مفلس تے حقیر جانیا گیا، اکیلا چھڈیا گیا، ہُن توں تیرے تے ای میرا آسرا اے؛
ہر مہربان آرزو مر چکی اے، اُو تمام جیہدی میں کوشش کیتی تے اُمید کیتی تے جانیا؛
    ایس دے باوجود میری حالت کِنّی مالدار اے، خُدا تے آسمان ہُنے تیکر میرے اپنے نے!
(’’یسوع، میں اپنی صلیب چُک لئی اے Jesus, I My Cross Have Taken‘‘ شاعر ھنری ایف۔ لائٹ Henry F. Lyte، 1793۔1847)۔

جے تُسی اِک حقیقی مسیحی بنن دے بارے چہ ساڈے نال گل بات کرنا پسند کرو، جیویں کہ اُو جیہڑے چین وِچ گھریلو گرجا گھراں وِچ نے، تے مہربانی نال ہُنے اپنی کرسیاں چھڈو تے اجتماع گاہ دی پچھلی جانب چلے آؤ۔ ڈاکٹر کیگن Dr. Cagan تہانوں دعا تے مشاورت لئی اِک پُرسکون کمرے وِچ لے جان گے۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

چین وِچ حیاتی – مغرب چہ موت!
(چینی موسمِ خزاں دے وِچکار آلے میلے تے پیش کیتا گیا اِک واعظ)

LIFE IN CHINA – DEATH IN THE WEST!
(A SERMON GIVEN AT THE CHINESE MID-AUTUMN FESTIVAL)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

’’جیہدے کِن ہون اُو سُنے کہ پاک روح کلیسیاواں نوں کی فرماندا اے‘‘
(مکاشفہ 3:13).

’’جیہدے کِن ہون اُو سُنے کہ پاک روح کلیسیاواں نوں کی فرماندا اے‘‘
(مکاشفہ 3:22).

I.   اوّل، مغرب وِچ – تے امریکہ وِچ کلیسیاواں لئی پاک روح کی فرماندا اے! مکاشفہ3:14۔17؛ متی22:13؛ متی7:23؛ مکاشفہ20:15 .

II.  دوئم، چین وِچ کلیسیاواں لئی پاک روح کی فرماندا اے!
مکاشفہ3:7۔8؛ فلپیوں3:8 .