Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




یسوع وچ سادہ ایمان

(اشعیا 53 باب تے واعظ نمبر 15 )
SIMPLE FAITH IN JESUS
(SERMON NUMBER 15 ON ISAIAH 53)
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وچ تبلیغی واعظ
خُداوند دے دِن دی سویر، 21 جولائی، 2013
A sermon preached at the Baptist Tabernacle of Los Angeles
Lord’s Day Morning, July 21, 2013

’’اُو اُوہدی وانگر سی جنہوں ویکھ کے لوکی مُنہ وَٹ لیندے نے‘‘ (اشعیا 53:3).


’’اُو اُوہدی وانگر سی جنہوں ویکھ کے لوکی مُنہ وَٹ لیندے نے۔‘‘ دورِ حاضرہ دے اِک تبصرہ نگار نے کہیا کہ ایہہ الفاظ اسرائیل دی ’’اِک مصلیب مسیحا لئی شدید نفرت تے خُدا دے متجسم پُتر لئی احترام دی کمی‘‘ دے بارے چہ گل کردے نے۔ اُوہناں نے مسیح دے زمانے چہ صرف یہودی لوکاں نوں شامل کرن لئی ایس آیت نوں محدود کیتا۔ لیکن مینوں اُو چنگا لگیا جیہڑا موڈیMoody نے کہیا، ’’بائبل تبصریاں تے بہت زیادہ روشنی پاندی اے۔‘‘ جی نئیں، اُو آیت محض اسرائیل دی مسیح لئی شدید ناپسندیگی ای دی نشاندہی نئیں کردی۔ اینوں آیت دے ذریعے نال واضح کیتا جا چکیا اے۔ ایہہ کہندی اے، ’’اُوہنوں لوکاں نے حقیر جانیا تے مسترد کیتا۔‘‘ صرف یہودیاں ای دے بارے وِچ نئیں، بلکہ عام لفظاں وِچ ’’لوکاں دے بارے چہ! ’’لوکاں نے مسترد کیتا‘‘ – محض یہودیاں دے ای ذریعے نال نئیں۔ ’’بائبل تبصریاں تے شدید روشنی پاندی اے۔‘‘

لوتھرLuther نے ’’کلامِ پاک دے مشہابت‘‘ دے بارے چہ گل کیتی۔ اُس عظیم اصلاح کار دا مطلب سی کہ سانوں کلام پاک دا موازنہ ایہہ جانن لئی کہ خُدا نے اِک موضوع دے بارے چہ بائبل دے دوجے حصیاں وِچ کی کہیا، کلام پاک توں ای کرنا چائیدا اے۔ اشعیا49:7 وِچ اَسی پڑھنے آں،

’’اسرائیل دا فدیہ دین آلا تے قدوس خُداوند اُوہدے کولوں جیہڑا حقیر جانیا گیا تے جیدے نال قوماں نے نفرت کیتی تے جیہڑا حکمراناں دا خادم اے، ایویں فرماندا اے…‘‘ (اشعیا 49:7).

لہٰذا، ایتھے وی، سانوں پتا چلدا اے کہ ’’لوکی‘‘ عام طور تے یسوع، اُس ’’پاک خُدا‘‘ دی تحقیر کردے سن۔ نئے عہدنامے وِچ آپئے یسوع نے کہیا،

’’جے دُںیا تہاڈے کولوں دشمنی رکھدی اے تے یاد رکھو کہ اُوہنے پہلے میرے نال وی دشمنی رکھی اے‘‘ (یوحنا 15:18).

ایناں آیتاں وِچ، اَسی ویکھنے آں کہ دُنیا وِچ برگشتہ لوکی یا تے مسیح نال شدید نفرت کردے نے یا اُو اُوہدے نال اپنا مُنہ وَٹ لیندے نے تے اُوہدے بارے چہ سوچدے وی نئیں۔

’’اُو اُوہدی وانگر سی جنہوں ویکھ کے لوکی مُنہ وَٹ لیندے نے‘‘ (اشعیا 53:3).

لوکی یسوع نال اپنا مُنہ بہت طریقیاں نال موڑدے نے۔ ایتھے اُوہناں وِچوں تین طریقے درج نے۔

I۔ پہلے، کُج اُو لوکی نے جیہڑے مسیح توں اپنے مُںہ مکمل حقارت نال موڑ لیندے نے۔

میں پادری وورمبرانڈ Wurmbrand دی کتاب مسیح دے لئی اذیت سہی Tortured for Christ پڑھدا رہیا آں۔ پادری ورمبرانڈ نے اُوہناں ہولناکیاں دے بارے چہ دسیا جنہاں وِچوں اُو اشتراکیت پسنداں دی وجہ توں جیہڑے مسیح نال نفرت کردے سے گزرے۔

     بغیر کسی وقفے دے اذیتاں تے درندگی جاری رئی۔ جدوں میں ہوش گنوا بیندا یا شدید اذیتاں توں اقرار دی مذید کوئی ہور اُمیداں پیش کرن لئی مدہوشی وِچ چلا جاندا تے مینوں میرے قیدخانے دے چھوٹے جئے کمرے وِچ واپس پیج دیا جاندا۔ اُوتھے میں پہیا رہندا، بغیر کسی دی توجہ دے تے ادھموا، ایس لئی کہ کُج تھوڑی بہت قوت پا لواں تے اُو فیر توں دوبارہ میرے تے کم شروع کر سکن۔ بہتیرے لوکی ایس مرحلے تے مر گئے… لنگدیاں وریاں چہ، بے شمار دوجے قیدخانیاں وِچ، اُوہناں نے میری کمر دے چار مہرے توڑے، تے بہت ساریاں دوجیاں ہڈیاں۔ اُوہناں نے میرے بدن دی درجناں تھاواں تے اذیتاں دے نقش و نگار بنائے۔ اُوہناں نے میرے بدن چہ اٹھارہ سوارخ بنائے تے جلائے…
     ایہہ سُنن لئی – سانوں دِن چہ سترہ سترہ گھنٹے بیَنا پیندا – ہفتیاں، مہینیاں، وریاں لئی

اشتراکیت پسندی چنگی اے!
اشتراکیت پسندی چنگی اے!
اشتراکیت پسندی چنگی اے!
مسیحیت بیوقوفی اے!
مسیحیت بیوقوفی اے!
مسیحیت بیوقوفی اے!
چھڈ دیو!
چھڈ دیو! چھڈ دیو!

(رچرڈ وورمبرانڈ، ٹی ایچ۔ ڈی۔ Richard Wurmbrand, Th. D.، مسیحی دے لئی اذیت سہی Tortured for Christ، لِیونگ سیکریفائز کُتب Living Sacrifice Books، اشاعت 1998، صفحات 38، 39 )

۔

اُوہناں نے مبالغہ آرائی نال کم نئیں لہیا سی۔ میں اُوہناں نوں بہت چنگی طرح نال جاندا سی۔

اشتراکیت پسنداں تے دوجے اشتراکیت دا پرچار کرن آلیاں دے ذریعے نال مسیح لئی نفرت بہت شدید اے۔ اَسی اَج وی امریکہ وِچ اشتراکیت دا پرچار کرن آلیاں وَلّوں تے اُوہناں دے پیروکاراں وَلّوں مسیح دے خلاف بہت وڈے وڈے حملیاں نوں ویکھنے آں – وائٹ ہاؤس توں لے کے سکول ہاؤس تیکر۔ اُوچیاں کرسیاں آلے لوکی ہُن مسیح کولوں اپنے مُنہ مکمل کراہت چہ موڑ لیندے نے۔ اُو جیہڑے مسیح تے اُوہدے پیروکاراں نوں نیوا وکھاندے نے یقینی طور تے ساڈی تلاوت نوں پورا کردے نے،

’’اُو اُوہدی وانگر سی جنہوں ویکھ کے لوکی مُنہ وَٹ لیندے نے‘‘ (اشعیا 53:3).

II۔ دوجے، اُو لوکی نے جیہڑے مسیح نال عدم دلچسپی دے ذریعے اپنے مُنہ موڑ لیندے نے۔

یقیناً ایہہ اَج دی سویر ایتھے موجود تہاڈے وِچوں کُج لوکاں نوں بیان کردا اے! تُسی کدی وی اِک مسیحی نوں نقصان پہنچان دا یا ایہہ ’’مسیحیت بیوقوفی اے‘‘ چیخن دا سوچ وی نئیں سکدے۔ تُسی خوف نال سُکڑ جاؤ گے جدوں میں تہانوں دَساں گا کہ اُوہناں اشتراکیت پسنداں نے پادری وورمبرانڈ نال کی کیتا سی۔ تُسی کہو گے، ’’میں کدی وی ایہو جیہا کم نئیں کراں گا!‘‘ میں تہاڈا یقین کرنا واں۔ میں نئیں سوچ سکدا کہ تُسی کدی وی یسوع تے اُوہناں درندہ صفت اشتراکیت پسند ایذا رسانیاں وِچوں اِک وانگو حملہ کرو گے۔ تے ایس دے باوجود!... تے ایس دے باوجود!... تُسی یسوع لئی اپنی سردمہر عدم دلچسپی دے ذریعے نال ساڈی تلاوت نوں پورا کردے ہو،

’’اُو اُوہدی وانگر سی جنہوں ویکھ کے لوکی مُنہ وَٹ لیندے نے‘‘ (اشعیا53:3).

تُسی گرجا گھر لئی آندے ہو تے محض ایتھے بیندے ہو۔ تہاڈی اَکھیاں بوجھل ہوندیاں نے جدوں میں یسوع دے بارے چہ گل کرنا واں۔ تہاڈے وِچوں کُج تے اپنی اَکھاں بند کر لیندے نے۔ تہاڈے وِچوں کئی دوجے لوکی اپنے دِل بند کر لیندے نے۔ سردمہر عدم دلچسپی دے نال تُسی یسوع کولوں اپنے مُنہ موڑ لیندے ہو۔

کی تُسی جانندے ہو کہ ایتھوں تیکر کہ اِک بندہ جیہڑا کہ اِک مبلغ ہوندا اے اُو وی اینج کر سکدا اے؟ جدوں میں سان فرانسسکو دے شمال چہ مغربی بپتسمہ دین آلی اِک سیمنری وِچ سی تے اُوتھے ٹام فریڈرک نامی اِک طالب علم سی۔ مگر اِک اِتوار خود اُوہدے اپنے واعظ نے اُوہدے دِل نوں چیر کے رکھ چھڈیا۔ اُوہنے ایس قدر شدت دے نال رونا شروع کر دیا کہ اُو مذید ہور منادی نہ کر پایا۔ اُو واعظ گاہ توں اُتریا تے الطار تے گوڈیاں دے سہارے بیٹھ گیا۔ اُوتھے اُوہنے نجات دہندہ لئی اپنی محبت دی کمی دی توبہ منگی۔ اُوتھے، اپنی حیرت ذدہ مذہبی جماعت دے اَگے، اُوہنے یسوع کولوں اپنے مُنہ نوں موڑنا روکیا سی۔ اُوہنے نجات دہندہ تے پرہوسا کیتا، تے اُو اِک حقیقی مسیحی بن گیا۔ اُو اِک انتہائی رحم دِل انسان بن گیا۔ تے میرے ہوسٹل دے مشترکہ سون آلے کمرے چہ اُوہناں لوکاں نال آیا جیہڑے ہر جمعرات دی شام اُوتھے میرے نال دعا وِچ شامل ہوندے سی۔ اُوہنے اُوہنا پروفیسراں دے خلاف جیہڑے بائبل تے حملہ کردے سن میرے پشت پناہی کیتی۔ اُو میرے نال گیا سی جدوں اَسی سیمنری دے صدر دا سامنا اُوہدے صدر دروازے تے کیتا سی۔ اُوہنے میری تائید کیتی سی حالانکہ اُوہناں نے اُونوں ’’ہائیمرز دے دیوانیاں‘‘ وِچوں اِک کہیا سی۔ اُوہنے اِک برگشتہ مغربی بپتسمہ دین آلا مبلغ بنے ہوئے رہن نوں اِک حقیقی مسیحی بنے ہوئے رہن تے قبول کیتا سی۔ اُوہدی تبدیلی رونما ہوئی سی جدوں اُوہنے سردمہری دی عدم دلچسپی نال یسوع دے نال پیش آنا چھڈ دِتا سی۔

ٹام چند اِک ہفتے پہلاں ای فوت ہویا۔ میں اُوہدی ووہٹی نوں کُج روپے پیجھے۔ ایہہ گھٹ توں گھٹ سی جیہڑا میں اپنے شکریے دے اظہار لئی اُوہدے نال کر سکدا سی جو کُج اُوہنے 1970 دی ابتدائی دہائی وِچ گولڈن گیٹ تھیالوجیکل سیمنری وِچ بائبل لئی جنگ وِچ میرا ساتھ دین لئی کیتا سی۔ تے میں خُدا دا یسوع لئی ٹام دے دِل نوں کھولن تے شکرگزار آں، جدوں اُو خود اپنے ای واعظ دی منادی کردے ہوئے کافی عرصہ پہلاں اِک اِتوار دی سویر بچا لہیا گیا سی۔

کوئی کہندا اے، ڈاکٹر ہائیمرز، تُسی نئیں چاہو گے کہ میں ٹام فریڈریک جیہا بناں، کی تُسی چاہو گے؟‘‘ خُداوند میری مدد کرے! میں آسمان چہ فرشتیاں دی موجودگی وِچ خوشی مناواں گا جے تُسی اَدھے وی اُوہو جئے بندے بن جاؤ جیہو جیہا اُو سی! تہاڈے وِچوں کُج اُو نوجوان لوکی نے جیہڑے ایتھے ہفتہ در ہفتہ بے فکری نال، بغیر بیدار ہوئے تے عدم دلچسپی دے نال بیندے نے – میں خُداوند کولوں خواہش کرنا واں کہ گھٹ توں گھٹ تُسی تھوڑے بہت ای ٹام وانگو ہو جاؤ!

ہُن، اینو کُج ایس طرح لہیو – کی ہوندا جے تُسی 1971یا 1972 وِچ گولڈن گیٹ سیمنری وِچ ہوندے؟ کی ہوندا جے تُسی اُوتھے کسی ہُور گرجا گھر وَلّوں ہوندے تے میں تہاڈا پادری نہ ہوندا؟ ہُنّے سوچو! کی تُسی میری پُشت پناہی کیتی ہوندی جدوں میں اُوہناں پروفیسراں دا سامنا کیتا سی جنہاں نے بائبل تے حملہ کیتا سی؟ ہُنے سوچو! کی تُسی میری پشت پناہی کیتی ہوندی؟ یا تُسی اینوں ’’سردمہری‘‘ نال لہیا ہوندا تے بحث و تکرار توں دور ای رئے ہوندے؟ سوچو!

ہُن، جے تُسی خود دے نال ایماندار ہو تے تہاڈے وِچوں کُج لوکاں نے مننا پئے گا کہ تُسی سردمہر تے لاتعلق ای رئے ہوندے۔ آخر نوں، تُسی وی اپنی ڈگری لینی چائی ہووے گی تے اُودھروں ’’ہائیمرز دے دیوانیاں‘‘ وِچوں اِک دا لیبل لگوائے بغیر نکلنا چاہیا ہووے گا، کی تُسی نئیں چاہیا ہووے گا؟ تُسی اِک دم جیویں کہ ہُنے ہو اچانک ای نئیں بدل گئے ہوو گے تے مسیح لئی جوشیلے ہو گئے ہو گے، کی تُسی ہوئے ہوو گے؟ سوچو! میں یقین کرنا واں کہ تُہاڈے وِچوں اُو جیہڑے تفتیشی کمرے وِچ زبردستی آندے جاندے رئے نے اُس آزاد خیال سیمنری وِچ میرے حمایتی نئیں رئے ہو گے۔ جی نئیں، تُسی بالکل اینے ای سردمہر تے عدم دلچسپ ہستی رئے ہوو گے جنّے کہ تُسی ہُنّے ہو! تُسی اُوہناں دے نال شامل ہو گئے ہوندے جیہڑے کہندے نے،

’’اُو اُوہدی وانگر سی جنہوں ویکھ کے لوکی مُنہ وَٹ لیندے نے‘‘ (اشعیا53:3).

III۔ تیجے، ایتھے اُو لوکی نے جنہاں نے مسیح کولوں اپنے مُنہ غفلت وِچ موڑ لئے سن۔

تُسی اِک لمبی مدت تیکر یسوع کولوں اپنے مُنہ وَٹّے رکھے نے۔ تُسی پرواہ نئیں کردے چاہے میں یسوع دے بارے چہ منادی کراں یا نہ کراں۔ جے میں نفسیات تے گل کراں تے تُسی اپنی کرسیاں تے سیدھے ہو جاؤ گے تے توجہ دے نال سُنو گے۔ جے میں سیاست تے گل کرنا واں تے تُسی اپنی کرسیاں تے اَگے نوں جُھک جاؤ گئ تاکہ تُسی اِک اِک لفظ سُن پاؤ۔ اُوہناں ویلیاں تے جدوں میں بائبل دی پیشن گوئیاں تے گل کرنا واں تے تُسی واعظ تے پوری توجہ دیندے اُو۔ کُج ہفتیاں پہلاں جدوں میں آسمان تے گل کیتی سی تے تُسی انتہائی توجہ نال سُنیا سی، دھیان نال سُن رئے سی کیوں جے تہاڈے لئی اُو اِک نوا موضوع سی۔ مگر جیویں ای میں خوشخبری تے واپس آیا تے تہاڈی اَکھاں بوجھل ہو گئیاں۔ جدوں میں یسوع دے بارے چہ گل کرنا واں تے تہاڈی دلچسپی ختم ہو جاندی اے! کی تُسی ایویں نئیں کردے؟ کی تُسی ایویں نئیں کردے؟

تُسی نوجوان لوکی کالج وِچ پڑھائی تے کافی ویلہ تے قوت لگاندے اُو۔ تُسی گھنٹیاں تیکر لگا تار مطالعہ کردے اُو تاکہ تُسی اپنی جماعتاں وِچ چنگا کر سکو۔ تُسی مطالعے لئی سویرے چھیتی اُٹھ کھلوندے اُو۔ تُسی پڑھائی کرن لئی رات گئے تیکر جاگدے اُو۔ میں خوش آں کہ تُسی اینج کردے اُو کیوں جے تُسی ہُن اپنے سکول وِچ بہتر کارکردگی نئیں وکھاندے تے اپنے پیشے وِچ بہتر کارگردگی نئیں وکھاؤ گے۔ میں تہانوں سکول وِچ سخت محنت دے نال مطالعہ کردے رہن تے مبارک باد پیش کرنا واں۔ مگر تُسی کدی وی بائبل دے مطالعے لئی معمول توں اِک گھنٹہ وی زیادہ نئیں رُکے، یا ایناں واعظاں دا مطالعہ کرن لئی جیہڑے کہ ہر اِتوار نوں تہانوں چھپی ہوئی صورت وِچ پیش کیتے جاندے نے۔ تُسی تے مسیح دے بارے چہ مطالعہ کرن لئی اِک گھنٹہ پہلاں اُٹھن لئی سوچیا وی نئیں ہو گا جیہڑا تہاڈی گناہ توں بھرپور جان نوں بچان لئی مر گیا سی۔ اُس مسیح دے مقابلے وِچ جیہڑا تہاڈے نال محبت کردا اے تے جیہڑا آسمان چہ تہاڈے لئی دعاواں منگ رہیا اے، تہانوں دُنیا وِچ ہر اِک گل زیادہ اہم وکھائی دیندی اے۔

حتیٰ کہ ایتھے گرجا گھر وِچ، جدوں میں یسوع دے بارے چہ منادی کر رہیا ہونا واں، تُسی اپنے ذہن نوں اُوہناں گلاں تے لا دیندے اُو جیہڑیاں اُس یسوع دے مقابلے وِچ تہانوں زیادہ اہم وکھائی دیندیاں نے۔ تے جدوں تُسی تفتیشی کمرے لئی آندے اُو تے میں تہانوں یسوع دے بارے وِچ گل کردیا ہویا سُن نئیں پاندا۔ میں کدی کدی تہانوں عقیدیاں تے بائبل دی آیتاں تے گل کردا ہویا پانا واں، لیکن میں تہانوں یسوع بخود دے بارے وِچ گلاں کردیا ہویا سُن نئیں پاندا! اُو تہاڈے خیالات وِچ ہوندا ای نئیں اے۔ زیادہ اوقات تُسی صرف جیہڑا تُسی محسوس کردے اُو – یا محسوس نئیں کردے اُوہدے بارے وِچ گل کردے اُو! تُسی خود نوں یقین دلان لئی احساس دی تلاش کر رئے ہوندے اُو، مگر تُسی یسوع بخود نوں تلاش نئیں کر رئے ہوندے۔ تُسی اپنی یقین دہانی دی کمی دے بارے وِچ گل کردے اُو مگر تُسی نجات دہندہ دے بارے وِچ گل نئیں کردے جو کہ واحد ہستی اے جیہڑی تہاڈی نجات لئی یقین دلا سکدی اے! تہاڈے وِچوں کُج سوچدے نے، ’’میں ٹُٹے ہوئے دِل آلا نئیں آں۔‘‘ میں تہانوں کہنا واں، ’’ٹُٹے ہوئے دِل دی تلاش مت کرو، یسوع وَل نظراں چکو!‘‘ لیکن جدوں میں اُوہدے ناں دا تذکرا کرناں واں تے تہاڈی اَکھاں نم ہو جاندیاں نے تے تُسی سوچدے اُو، ’’مینوں اِک احساس دی لوڑ اے۔ مینوں بچا لئے جان دے احساس دی لوڑ اے! میں کہنا آں، ’’ جی نئیں، تہانوں جے کسی شے دی لوڑ اے تے اُو یسوع اے۔‘‘ مگر جدوں میں اُوہدے ناں دا تذکرہ کرنا آں تے تہاڈی دلچسپی فوراً ای مُک جاندی اے۔ میں کہنا آں، یسوع پر ہُنے نظر پاؤ جیہڑا صلیب تے تہاڈے لئی لہو وگا رہیا اے۔‘‘ مگر تُسی واپس اپنے آپ تے ای نظر پاندے اُو۔ تُسی خود چہ اِک احساس دی تلاش کردے اُو! میں تہانوں خود توں نظراں ہٹا کے یسوع وَل وکھن لئی مجبور نئیں کر سکدا! میں نبی دا حوالہ دینا آں جہنے کہیا، ’’جدوں تیکر خُداوند مل سکدا اے اُوہدے طالب رہوو، جدوں تیکر اُو نزدیک اے اُوہنوں پکارو‘‘ (اشعیا55:6) لیکن تُسی خود وِچ اِک احساس یا جذبے دی تلاش کردے اُو بجائے ایس دے کہ مسیح بخود نوں تلاش کرو، جیہڑا تہاڈے نال ایس قدر محبت کردا اے!

’’اُو اُوہدی وانگر سی جنہوں ویکھ کے لوکی مُنہ وَٹ لیندے نے‘‘ (اشعیا53:3).

میں تہانوں یسوع کولوں مُنہ موڑن توں رُکن لئی پوچھ رہیا آں۔ جیس لمحے تُسی یسوع بخود دے ول رُخ کردے اُو، اُو تہانوں بچا لیندا اے۔ تُسی غالباً بچیا ہویا ’’محسوس‘‘ نئیں کردے۔ جیس دِن میں یسوع توں بچایا گیا سی، میں نجات پایا ہویا ’’محسوس‘‘ نئیں کیتا سی۔ میں تے اُوس دِن ایتھو تیکر نئیں جانندا سی کہ میں نجات پا چکیا سی جدوں تیکر کہ کئی مہینے نئیں گزر گئے۔ جے اُوس دِن میں کُج محسوس کیتا سی تے اُو یسوع سی! اُوس توں پہلاں میں یسوع وچ یقین کردا سی، مگر اُوس دِن – میں صرف اینا کہہ سکیا – اُوتھے یسوع سی! ایہہ اِک انتہائی ابتدائی ایمان سی، مگر ایہہ یسوع وچ ایمان سی، انتہائی سادہ، انتہائی ابتدائی – لیکن ایہہ یسوع سی!

پادری وورمبرانڈ نے جدوں اُو منادی کرن دی وجہ توں قید وچ سی تے اشتراکیت پسنداں دے ذریعے توں مسیح لئی بے شمار لوکاں نوں اذیتاں سہندیاں ہویاں ویکھدا سی۔ اُوہناں نے بے شمار قیدیاں نوں وی ویکھیا سی، تے ایتھو تیکر کہ اشتراکیت پسند نگہباناں نوں وی یسوع تے پرہوسا کردیاں ہویاں ویکھیا سی۔ پادری وورمبرانڈ نے کہیا،

اِک وری اُو بندہ ایمان تیکر پہنچ جاندا اے – حتیٰ کہ انتہائی ابتدائی ایمان – ایہہ ایمان نشوونما کردا تے ودھدا اے۔ اسی یقین کرنے آں کہ اُو فتح کرے گا کیوں جے اسی زیر زمین کلیسیا آلے اینوں بار بار فتح کردے ہویاں ویکھ چُکے آں۔ مسیح اشتراکیت پسنداں تے دوجے ’’ایمان دے دشمناں‘‘ نال محبت کردا اے۔ اُوہناں نوں مسیح لئی جتیا جا سکدا اے تے جِتنا ضروری اے (وورمبرانڈ Wurmbrand، ibid.، صفحہ 115)۔

اُو ڈاکو جہیڑا یسوع دے پہلو وچ صلیب تے مریا سی زمین چھڈ چُکن دے چند ای منٹاں وچ نجات پا گیا سی۔ اُو انتہائی گھٹ جانندا سی۔ اُوہدا ایمان پادری وورمبرانڈ دے الفاظ استعمال کرن لئی انتہائی ’’ابتدائی‘‘ سی۔ مگر اُو اُوسے لمحے وچ بچا لہیا گیا سی جدوں اُوہدے دِل نے یسوع تے پرہوسا کیتا سی۔ تے نجات دہندہ نے اُوہنوں دسیا سی، ’’تُو اج ای میرے نال فردوس وچ ہوئے گا‘‘ (لوقا 23:43). مینوں ایویں لگدا اے جیویں ایتھے اج دی صبح غالباً کوئی اے جہیڑا گھٹ توں گھٹ اینا ای یسوع تے پرہوسا کر سکدا اے جِنا کہ اُوس شخص نے کیتا سی۔ ایہہ شاید انتہائی سادہ، ’’ابتدائی پرہوسا ہوئے، لیکن جے تُسی یسوع تے کدی اینا جہیا ای پرہوسا کر لوو خود تے ثبوت لئی نظر ڈالے بغیر، صرف یسوع تے پرہوسا کرن تے اُوہنوں اُوسے ای حد تیکر رہن لئی، بغیر کسی خود دے معائنے دے، یسوع تہانوں بچا لئے گا۔ سادہ، کمزور، ’’ابتدائی‘‘، یسوع وچ بچیاں ورگا ایمان – ایہو ای سب کُج اے جیدی تہانوں ضرورت اے۔ ایتھو تیکر کہ اِک وری وی خود تے نظر مت پاوو۔ ایتھو تیکر کہ اِک وری وی کسی قسم دے احساس لئی تلاش مت کرو۔ سادگی دے نال یسوع دے ول رُخ کرو تے ایتھے ای خود نوں چھڈ دوو۔ ایدے نال مت اُلجھو۔ ایدا معائنہ مت کرو۔ ایدا تجزیہ مت کرو۔ صرف یسوع تے پرہوسا کرو تے اینوں ایدے ای تے چھڈ دوو۔ یسوع خود ای باقی سب کج کر لئے گا۔ حتیٰ کہ جیس وقت تُسی سو رئے ہوندے اُو، یسوع وچ ایمان دا ایہہ بیج اُگ جائے گا۔ مگر تہانوں یسوع بخود تے پرہوسا کرنا چائیدا – ہمیشہ ایسے قدر تھوڑا جہیا، ہمیشہ ایسے قدر سادہ جہیا، ہمیشہ ایسے قدر رُکیا ہویا، ہمیشہ ایسے قدر ابتدائی جہیا۔ تُسی یسوع تے ایس ای قدر پرہوسا کر سکدے اُو۔ تُسی اُوہدے کول جا سکدے اُو تے اینوں اُوہدے تے چھڈ دوو، یقین دہانی لئی خود اپنے احساسات دی پڑتال کیتے بغیر۔ اینوں یسوع دے کول ای چھڈ دوو۔ فیر، ایتھو تیکر کہ جدوں تُسی رات نوں سوندے اُو تے ایمان دا ایہہ بیج، جیویں کہ پادری وورمبرانڈ نے جہیا، ’’نشوونما کردا تے ودھدا‘‘ اے۔ اِک انتہائی کمزور، ابتدائی، جھجھکدے ہوئے، یسوع وچ ایمان دی ای تہانوں ساری ضرورت اے! اُوس گیت نوں فیر سُنو جہیڑا مسٹر گریفتھ Mr. Griffith نے گایا۔ ایہہ یسوع وچ اِک سادہ ابتدائی ایمان دی گل کردا اے، بغیر کسی احساس دے!

میری روح رات اے تے میرا دِل سخت لوہیا اے –
   میں ویکھ نئیں سکدا، میں محسوس نئیں کر سکدا؛
نور لئی، زندگی لئی، مینوں التجا کرنی چائیدی اے
   سادہ جئے ایمان وچ یسوع توں!
(’’یسوع وچ In Jesus‘‘ شاعر جیمس پروکٹر James Procter، 1913)۔

اسی تہاڈے نال دعا منگاں گے جے تُسی ساڈے توں چاہندے اُو۔ اسی تہاڈی اِک حقیقی مسیحی بنن وچ مدد کرنا چاہندے آں۔ صرف اپنی نشست چھڈو تے اجتماع گاہ دے پچھلی جانب ہُنے چلے جاؤو۔ ڈاکٹر کیگن Dr. Cagan تُہانوں دعا منگن لئی اِک خاموش تھاں تے لے جان گے۔ تُسی جاؤو جدوں کہ میں اُو گیت فیر گانا وآں۔

میں ہزاراں واری ناکام کوشش کر چُکیا آن
   اپنے خوف نوں دبان لئی، اپنی اُمیداں نوں ودھان لئی؛
مگر مینوں جیس چیز دی ضرورت اے، بائبل کہندی اے،
   ہمیشہ توں صرف یسوع ای اے۔

میری روح رات اے تے میرا دِل سخت لویا اے –
   میں ویکھ نئیں سکدا، میں محسوس نئیں کر سکدا؛
نور لئی، زندگی لئی، مینوں التجا کرنی چائیدی اے
   سادہ جئے ایمان وچ یسوع توں!
(’’یسوع وچ In Jesus‘‘ شاعر جیمس پروکٹر James Procter، 1913)۔

ڈاکٹر چعین Dr. Chan مہربانی نال آؤو تے اُوہناں لئی دعا منگو جنہاں نے ردعمل دا اظہار کیتا۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلام پاک توں تلاوت مسٹر ایبل پرودھوم Mr. Abel Prudhomme نے کیتی سی: لوقا23:39:43.
واعظ توں پہلاں کلیاں گیت سی: ’’یسوع وچ In Jesus‘‘ (شاعر جیمس پروکٹر James Procter، 1913)۔


لُبِ لُباب

یسوع وچ سادہ ایمان

(اشعیا 53 باب تے واعظ نمبر 15)
SIMPLE FAITH IN JESUS
(SERMON NUMBER 15 ON ISAIAH 53)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

’’اُو اُوہدی وانگر سی جنہوں ویکھ کے لوکی مُنہ وَٹ لیندے نے‘‘ (اشعیا 53:3).

(اشعیا49:7؛ یوحنا15:18)

I.   پہلے، کُج اُو لوکی نے جہیڑے مسیح توں اپنے مُنہ مکمل حقارت نال موڑ لیندے نے، اشعیا53:3 .

II.  دوجے، اُو لوکی نے جہیڑے مسیح نال عدم دلچسپی دے ذریعے نال اپنے مُنہ موڑ لیندے نے، اشعیا53:3 .

III. تیجے، ایتھے اُو لوکی نے جنہاں نے مسیح کولوں اپنے مُنہ غفلت وِچ موڑ لئے سن، اشعیا55:6؛ 53:3؛ لوقا23:43 .