Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 40 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




مسیح دی تدفین دی متضاد منطق

(اشعیا 53 باب تے واعظ نمبر 10 )
THE PARADOX OF CHRIST’S BURIAL
(SERMON NUMBER 10 ON ISAIAH 53)
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ تبلیغی واعظ
7 اپریل، 2013 ، خُداوند دے دِن دی شام
A sermon preached at the Baptist Tabernacle of Los Angeles
Lord’s Day Evening, April 7, 2013

’’تے اُو شریراں دے وِچکار دفنایا گیا، لیکن ایہو جئی قبر وِچ رکھیا گیا جیہڑی کسی دولت مند لئی بنائی گئی سی؛ حالانکہ اُوہنے کدی ظلم نئیں کیتا، نہ ای اُوہدے مُنہ توں کوئی مکر دی گل نکلی‘‘ (اشعیا53:9)۔


مسیح دے دفنائے جان تے تُسی کینے واعظ سُنے نے؟ میں کدی اِک وی نئیں سُںیا، حالانکہ میں 53 وریاں توں منادی کردا ریاں واں تے 57 وریاں توں گرجا گھر نال منسلک آں۔ مینوں تے اے وی یاد نئیں اے کہ میں کدی مسیح دی تدفین دے بارے چہ کوئی واعظ پڑھیا وی اے! سانوں ایس توں کئی زیادہ سُن چکیا ہونا چائیدا اے۔ آخرکار، یسوع دا دفنایا جانا اینا غیر اہم وی نئیں اے۔ درحقیقت ایہہ انجیل دا دوجا موضوع اے!

’’کتابِ مقدس دے مطابق مسیح ساڈے گناہواں لئی قربان ہویا‘‘ (1۔کرنتھیوں15:3).

اُو انجیل دا پہلا موضوع اے۔

’’تے ایہہ کہ اُو دفنایا گیا‘‘(1۔کرنتھیوں 15:4).

ایہہ انجیل دا دوجا موضوع اے۔

اَسی کیویں کہہ سکنے آں کہ اَسی انجیل دی منادی کرنے آں جے اَسی کدی وی اُوس دے دوجے موضوع دا تزکرہ تیکر نئیں کردے؟ لیکن، فیر، اَج کُج واعظ یا تے پہلے موضوع تے یا تیجے موضوع تے توجہ مرکوز کردے نے۔ ایہو ای دورِ حاضرہ دی وڈی کمزوریاں وِچوں اِک اے۔ سانوں انجیل نوں مرکزی بنانا چائیدا اے۔ سانوں اپنی تبلیغ وِچ مسیح نوں مذید تعظیم دینی چائیدی اے، تے اُوہنوں تے اُوہدے کفارے دے عمل نوں واضح ترین اہمیت دینی چائیدی اے۔

بُہتیرے لوکی ایس حقیقت تے افسوس کردے نے کہ اَج کل پہلے وگری عظیم تبلیغ بہت گھٹ رہ گئی اے۔ جیس نال میں مکمل طور تے متفق آں۔ اَج بہت گھٹ چنگی تبلیغ رہ گئی اے، بلاشُبہ بہت ای گھٹ! لیکن ایہہ گل سچ کیوں اے؟ ایویں زیادہ تر ایس لئی اے کیوں جے ایتھے انجیل دی منادی بہت گھٹ ہوندی اے۔ پادری صاحبان گمراہ لوکاں نوں انجیل دی منادی کرن دے بجائے ’’مسیحیاں نوں تعلیم‘‘ دیندے نے، حالانکہ بے اُوہناں دے گرجا گھر گمراہ ہوئے لوکاں توں حقیقتاً بھرے پڑے ہون! ایہو جئے کہلان آلے ’’مسیحیاں‘‘ نوں دِتی جان آلی ’’اخلاقی تعلیم‘‘ کدی وی عظیم تبلیغ نئیں منی جا سکدی! جدوں مسیح مرکز نئیں اے، تے منادی کدی عظیم ہو ای نئیں سکدی!

انجیل دا علم ہونا، مسیح دے بارے چہ حقائق جانن توں کئیں زیادہ ہوندا اے۔ انجیل دا حقیقی علم مسیح بخود نوں جاننا اے۔ یسوع نے کہیا،

’’ہمیشہ دی حیاتی ایہہ اے کہ اُو تجھ واحد تے سچے خُدا نوں جانن، تے یسوع مسیح نوں وی جانن جینوں توں پیجیا اے‘‘
 (یوحنا 17:3)۔

جارج رِیکر بَیری George Ricker Berry نے کہیا کہ یوحنا17:3 وِچ لفظ ’’جانن‘‘ دے ترجمے دا مطلب اے کہ ’’تجربے دے نال … جاننا‘‘(نئے عہد نامے دی یونانی توں انگریزی وِچ لُغت Greek-English New Testament Lexiconحقیقی مسیح ہون لئی ضروری اے کہ تُسی مسیح نوں تجربے نال جانو۔ محض حقائق دا علم تہانوں نجات نئیں دے پائے گا۔ تہانوں اپنے گناہواں لئی اُس یسوع دی موت نوں تجربے دے وسیلے توں جاننا چائیدا اے۔ تہانوں اُوس یسوع دی تدفین تجربے نال جاننی چائیدی اے۔ تہانوں اُوس یسوع دا مُردیاں وِچوں جی اُٹھنا تجربے نال جاننا چائیدا اے۔ ایہو ای راہ نجات ول جاندی اے۔ دائمی حیاتی دی ایہو ای راہ اے۔

’’ہمیشہ دی حیاتی ایہہ اے کہ اُو تجھ واحد تے سچے خُدا نوں جانن، تے یسوع مسیح نوں وی جانن جینوں توں پیجیا اے‘‘
(یوحنا 17:3)۔

جے تُسی ایہو جئے تجربات توں نئیں گزرے ہو تے مینوں اُمید اے میں تہانوں بے چینی دا احساس دلایا اے۔ ایس لئی ایہہ سوال ای نئیں پیدا ہوندا کہ تُسی اِک حقیقی مسیح نئیں ہو، کیوں جے تُسی مسیح وِچ حقیقی تبدیلی دا تجربہ نئیں کیتا اے۔ تُسی اُوس ویلے تیکر پریشانی تے بے چینی وِچ رہن آلے اُو جدوں تیکر کہ تُسی اپنا ذہن نئیں بدل لیندے، یسوع دے پیراں وِچوں ڈِگو تے صرف اُوسی وِچ سچی نجات پاؤ۔

مسیح نوں جانن لئی، تہانوں صلیب تیکر جانا چائیدا اے، تے ایمان دے وسیلے نال اُوس یسوع تے نظر پانی اے جیہڑا ساڈے گناہواں دا کفارہ ادا کرن لئی مصلوب ہویا۔ تے ایس توں علاوہ تہانوں ایمان دے وسیلے نال مسیح دے مقبرے وِچ جانا چائیدا اے تے

’’موت وِچ شامل ہون دا بپتسمہ لے کے اُوس دے نال دفن وی ہوں‘‘ (رومیوں 6:4الف)،

تاکہ جیویں مسیح اپنے آسمانی پیو دی جلالی قوت دے وسیلے نال مُردیاں وِچوں زندہ کیتا گیا اُوسی طرح اَسی وی ’’نئی حیاتی وِچ قدم ودھائیے‘‘ (رومیوں6:4ب)۔

ایس لئی اَسی یسوع دی تدفین نوں جانن لئی ساڈی تلاوتِ کلام پاک وَل واپس لوٹنے آں، تاکہ اَسی اُوس دا تجربہ یسوع دے نال کر سکیے۔

’’تے اُو شریراں دے وِچکار دفنایا گیا، لیکن ایہو جئی قبر وِچ رکھیا گیا جیہڑی کسی دولت مند لئی بنائی گئی سی؛ حالانکہ اُوہنے کدی ظلم نئیں کیتا، نہ ای اُوہدے مُنہ توں کوئی مکر دی گل نکلی‘‘ (اشعیا53:9)۔

ایس آیت وِچ اَسی مسیح دی تدفین دی متضاد منطق پانے آں، ایس دی پہیلی بظاہر اِک تضاد اے۔ تے فیر اَسی ایس پہیلی دا حل پانے آں۔

1۔ پہلی گل، یسوع دی تدفین دی متضاد منظق۔

’’تے اُو شریراں دے وِچکار دفنایا گیا، لیکن ایہو جئی قبر وِچ رکھیا گیا جیہڑی کسی دولت مند لئی بنائی گئی سی…‘‘ (اشعیا53:9)۔

یسوع دے زمانے وِچ، ’’شریر‘‘ [فاسق یا بدکردار] مجرم ہوندے سن۔ ’’امیر‘‘ معزز تصور کیتے جاندے سن۔ تے فیر کیویں یسوع دی قبر شریراں دے نال سی تے اِک او ای ویلے چہ انج دی قبر وچ رکھیا گیا سی جہیڑی کسی دولت مند لئی بنائی گئی سی‘‘؟ اِیس گل نے قدیم یہودی تبصرہ نگاراں نوں تذبذب وچ پا دِتا سی۔ ایہہ اُوہناں دے ذہن وچ اِک متضاد منطق سی، جہیڑا بظاہر اُلٹ سی۔

لیکن ایہہ مُعّمہ یوحنا دی انجیل وچ حل کیتا گیا اے۔ یسوع صلیب اُتے دو چوراں دے وِچکار مریا سی، اِک اُوہدے سجے تے دوجا اُوہدے کبھے ہتھ سی۔ ساڈی تلاوت کلامِ پاک وچ اُوہناں دا حوالہ بطور ’’شریراں‘‘ [بدکاراں] دے دتا گیا اے۔ یسوع پہلے فوت ہویا سی، جدوں کہ دونے ای چور کُج دیر بعد تیکر زندہ رئے سن۔

’’ایہہ [فسح دی] تیاری دا دِن سی تے اگلا دِن خصوصی سبت سی۔ یہودی نئیں چاہندے سن کہ سبت دے دن لاشاں صلیباں تے ٹنگیاں رہن لہٰذا اُوہناں نے پیلاطُوس دے کول جا کے درخواست کیتی مجرماں دیاں لتاں توڑ کے اُوہناں دیاں لاشاں نوں تھلّے لا لہیا جائے‘‘ (یوحنا 19:31).

سپاہیاں نے دوناں چوراں دیاں لتاں توڑیاں۔ ایہہ ایس لئی کیتا گیا سی تاکہ اُو مذید زندہ رہن لئی سا نہ لین تے، ایس طرح، چھیتی مر جان۔ لیکن جدوں اُو یسوع دے کول آئے، جہیڑا کہ وچ آلی صلیب اُتے لٹک رہیا سی، تے اُو پہلے ای مر چُکیا سی۔ اُوہناں وچوں اِک نے یسوع دی پسلی نوں اِک نیزے نال چھیدیا تاکہ یسوع دی موت نوں یقینی کرے۔ پانی تے خُون اُبل کے باہر نکلیا، جیدے توں ایہہ ظاہر ہوندا سی کہ اُو دل دے دورے نال مریا سی۔

اُوہنے ہاتھی دند دے تخت تے حکومت نئیں کیتی سی،
   اُو کلوری دی صلیب تے مریا سی؛
گنہگاراں لئی اُوہنے اُوتھے اپنا سب کج شمار کیتا لیکن ہار گیا،
   تے اُوہنے اپنی بادشاہی دا صلیب اُتوں جائزہ لہیا۔
اُوہدا تخت اِک بوسیدہ صلیب بن گئی،
   اُوہدی بادشاہی صرف دلاں وچ سی؛
اُوہنے اپنا پیار گہرے لال رنگ نال لکھیا سی،
   تے اپنے سر تے کنڈیاں دا تاج پایا سی۔
(’’اِک کنڈیاں دا تاج A Crown of Thorns‘‘ شاعر عرّہ ایف۔ سٹانفِلIra F. Stanphill، 1914۔1993).

لیکن فیر غیر متوقع طور تے کُج ہویا سی۔ دو بہت ممتاز بندے یسوع دے جسم دا دعویٰ کرن لئی سامنے آئے۔ اُو اِک امیر بندہ تے یہودی سین ہیڈرن [قدیم یروشلم دی مذہبی تے اعلٰی عدلیہ دی کونسل] دا رُکن، آریماتھیا دا یوسف سی، تے یہودیاں دا حکمران نیکودیمس سی، جہیڑا ایس توں پہلاں اِک رات نوں یسوع دے کول آیا سی (موازنہ کریں یوحنا 3:1۔2). اُو دوویں خُفیہ شاگرد بنے بنے رئے سن، لیکن ہُن اُو پہلی واری سرعام سامنے آندے نے۔ اُوہناں نے اصل چہ انج کر کے اپنی حیاتی داؤ تے لگا دِتی سی۔ ڈاکٹر میکجی نے کہیا،

اِیناں دواں آدمیاں لئی ایس قدر زیادہ تنقید نہ کیتی جائے۔ اُو درپردہ رئے سن لیکن، ہُن جدوں کہ خُداوند دے سارے شاگرد بھیڈاں دے وانگوں تِتر بِتر ہو گئے سن تے روپوش ہو گئے سن، تے ایہہ دوویں آدمی منظرِ عام تے سامنے آئے (جے. ورنن میکجی، ٹی ایچ.ڈی.، بائبل وچوں Thru the Bible، تھامس نیلسن، 1983، جلد چہارم ، صفحہ 494).

آریماتھیا دے یوسف دے نیکودیمس نے یسوع دا جسم لہیا سی۔ یوسف اِک امیر شخص سی تے اُوہنے یسوع دے جسم نوں اپنے نئے مزار وچ رکھیا سی،

’’تے اُوہنوں اپنی نئی قبر وچ جہیڑی چٹان وچ کُھدوائی سی رکھ دِتا۔ فیر اُو اِک وڈا جیا پتھر قبر دے منہ تے لُڑھکا کے چلا گیا‘‘ (متی 27:60).

ایویں مسیح دی تدفین دی متضاد منطق دی وضاحت کیتی گئی۔ جی ہاں، یسوع نے اپنی قبر شریراں دے نال بنائی، صلیب تے دو چوراں دے وِچکار اپنے مرن نال۔ لیکن اُو دفنایا گیا سی ’’اِک ایہوجئی قبر وچ جہیڑی کسی دولت مند لئی بنائی گئی سی‘‘ (اشعیا 53:9)، اِک امیر آدمی دے مزار وچ۔ مسیح نے اِک بدذات غُنڈے دی موت دا تجربہ کیتا سی، لیکن اُوہنوں دولت مند لئی بنائی گئی قبر وچ دفنا کے عزت دِتی گئی سی۔ ایہہ ظاہر کردا اے کہ ساڈے خُداوند دی بے عزتی دا اختتام ہو رہیا سی۔ اُوہدے جسم نوں دو چوراں دے نال اِک مشترکہ قبر وچ نئیں سُٹ دِتا گیا سی۔ اُوہنوں اُوسے ای عزت و احترام دے نال اِک امیر تے عزت دار شخص دے مزار وچ رکھیا گیا سی جیدا اُو مستحق سی۔ تے اِیس طرح ایہہ متضاد منطق، جہیڑا اکثر وڈھیرے ربّیاں نوں جہیڑے اُوہدا مطالعہ کردے سن مخمسے وچ پا دیندی سی، ساڈی تلاوت نے بہت سادہ بنا دِتا سی۔

’’تے اُو شریراں دے وِچکار دفنایا گیا، لیکن ایہو جئی قبر وِچ رکھیا گیا جیہڑی کسی دولت مند لئی بنائی گئی سی…‘‘ (اشعیا53:9)۔

لیکن ایتھے اِک ہور وجہ وی اے کہ کیوں مسیح نے اپنی قبر بدکار دے نال تے امیر دے نال بنائی سی۔ جیویں کہ میں کہیا، یہودی لوکی مجرماں تے قانون شکناں نوں ’’بدکاراں‘‘ دے طور تے سوچدے سن، تے اُو ’’امیراں‘‘ نوں معزز لوکاں دے طور تے سوچدے سن۔ ایہہ حقیقت کہ یسوع نے ’’اپنی قبر دواں‘‘ گروہاں دے نال بنائی ظاہر کردی اے کہ قدیم ربّی ’’بدکاراں‘‘ تے ’’امیراں‘‘ نوں علیحدہ کرن دے معاملے وچ غلط سن۔ اُو دو گروہ کدی وی نئیں سن۔ دونوں گروہ گنہگار ای سن۔

تے اُو اج وی سچ ای اے۔ معزز لوکی وی اُوہناں ای دے برابر گنہگار نے جنہاں نوں اُو ’’بدکار‘‘ کہندے ہون گے۔ جیویں ای میں واعظ دا ایہہ حصہ لکھن لئی بیٹھیا ٹیلی فون تے کاروبار کرن آلے اِک شخص نے مینوں فون کیتا، اُو اِک ’’قدامت پسند‘‘ مذہبی جماعت لئی چندہ منگ رہیا سی۔ فون کرن آلے نے کہیا، ’’تہاڈے خیال وچ پیش کیتے جان آلے معاملیاں وچوں کیڑا معاملہ جیدا سامنا امریکہ نوں اے سب توں اہم اے – اسقاط حمل، اسرائیل دی معاونت چہ ناکامی، یا ہم جنس شادی؟‘‘ میں کہیا، ’’اُوہناں وچوں کوئی وی نئیں۔ سب توں اہم معاملہ جیدا امریکہ نوں سامنا اے ایہہ اے کہ ساڈے پادری اپنے گرجہ گھر دے اراکین دے گناہ تے تبلیغ نئیں دیندے نے۔‘‘ میرے کہن دا کی مطلب سی؟ میرا مطلب سی کہ اسقاط حمل، ہم جنس شادی تے اسرائیل دی معاونت چہ ناکامی بیماری دی علامتاں نے، اصل بیماری نئیں اے، بلکہ بیماری دی صرف علامتاں نے۔ تُسی بیماری دی علامتاں دا علاج کرن تے کم کر سکدے اُو، لیکن ایدے توں کوئی دیرپا بہتری نئیں ہوئے گی جدوں تیکر کہ تُسی بنیادی بیماری دے نال نمٹ نئیں لیندے۔ تے اُو بیماری گناہ اے – گناہ جہیڑا دواں آزاد خیال تے قدامت پسنداں نوں قتل کر رہیا اے؛ گناہ جہیڑا دواں عوامیّت دے حامی تے جمہوری حکومت دے حامیاں نوں تباہ کر رہیا اے؛ گناہ جہیڑا دواں ’’بدکاراں‘‘ تے ’’امیراں‘‘ اُتے لعنت کر رہیا اے۔

گناہ دِل وچ پنہاں ہوندا اے۔ انسان دے اپنے باطنی اعمال ای نئیں بلکہ دِل وی غلط ہوندا اے۔ گناہ اُوس دی گہری ترین خواہشاں تے خیالاں نوں قابو کردا اے۔ تہاڈا گناہ توں بھرپور دل تہانوں اُوہناں چیزاں دے بارے وچ جہیریاں غلط نے سوچن لئی کہندا اے۔ فیر تہاڈے گناہ توں بھرپور فطرت خُدا دے خلاف بغاوت کرن لئی تحریک دیندی اے تے اُوس گناہ نوں سرزد کرن لئی کہندی جیدے بارے وچ تُسی سوچ رئے سی۔ گناہ تہاڈی باطنی حیاتی تے حکومت کردا اے تے تہاڈی رہنمائی بااختیار دے خلاف بغاوت لئی کردا اے، خُدا دے خلاف بغاوت لئی۔ تہاڈے دل دی خُدا دے خلاف بغاوت ایس قدر شدید ہوندی اے کہ چاہے کُج وی کر لوو اُوہنوں بدل نئیں سکدے اُو، یا تہاڈے اُتے اُوہدا کنٹرول توڑ سکو۔ تہانوں اُوس جگہ تے لہیانا چائیدا اے جِتھے تُسی رسول دے نال کہہ سکو، ’’ہائے میں کیویں دا بدبخت آدمی آں، اِیس موت دے بدن توں مینوں کون چُھڑائے گا؟‘‘ (رومیوں 7:24). صرف اودوں ای تُسی یسوع دا ’’بدکاراں‘‘ تے ’’امیراں‘‘ دے نال اُوہدی موت وچ قبر بنان دی اہمیت نوں سمجھ پاوو گے۔ تہاڈا چاہے کیویں دا وی ماضی رہیا ہووے، مسیح مریا تے اُو دفنایا گیا تاکہ تہاڈے گناہ دوویں معاف کیتے تے مٹائے جان۔ جیویں کہ ڈاکٹر جے۔ وِلبر چےپمین Dr. J. Wilbur Chapman نے اپنے حمدوثنا دے گیتاں وچوں اک وچ ایہہ بیان کیتا، ’’مدفون، اُو میرے گناہ چُک کے بہت دور لے گیاBuried, He carried my sin far away ‘‘ (’’اک دِن One Day‘‘ شاعر ڈاکٹر جے۔ وِلبر چےپمین، 1859۔1918)۔ صرف مسیح ای تہاڈے گناہ معاف کر سکدا اے! صرف مسیح ای تہاڈے گناہ توں باغی دِل نوں بدل سکدا اے!

’’تے اُو شریراں دے وِچکار دفنایا گیا، لیکن ایہو جئی قبر وِچ رکھیا گیا جیہڑی کسی دولت مند لئی بنائی گئی سی…‘‘ (اشعیا53:9)۔

2۔ دوجی گل، متضاد منطق دی وضاحت سمجھائی گئی۔

ساڈی تلاوت دا دوجا حصہ دسدا اے کہ کیوں مسیح، حالانکہ اُو چوراں دے نال بے عذتی دی موت مریا سی، لیکن اعزاز تے احترام دے نال دفنایا گیا سی۔ مہربانی نال کھڑے ہو جاؤ تے دوجا حصہ پڑھو جہیڑا اِیناں لفظاں توں شروع ہوندا اے، ’’حالانکہ اُوہنے کدی ظلم نہ کیتا …‘‘ (اشعیا 53:9).

’’تے اُو شریراں دے وِچکار دفنایا گیا، لیکن ایہو جئی قبر وِچ رکھیا گیا جیہڑی کسی دولت مند لئی بنائی گئی سی؛ حالانکہ اُوہنے کدی ظلم نئیں کیتا، نہ ای اُوہدے مُنہ توں کوئی مکر دی گل نکلی‘‘ (اشعیا53:9)۔

تُسی تشریف رکھ لوو۔

ایہہ مسیح دے عزت بخش جنازے دی وجہ پیش کردی اے۔ ایہہ عزت یسوع نوں ایس لئی ملی سی کیوں جے اُوہنے کوئی ظلم نئیں کیتا سی؛ یا کسی نوں نقصان نئیں پہنچایا سی۔ اُو چوری یا جبر، قتل یا کسی قسم دی ظلمت دا قصور وار نئیں ٹھہرایا گیا سی۔ اُوہنے کدی کوئی ہجوم اکٹھا نئیں کیتا سی، یا کدی رومی یا یہودی دواں وچوں کسی حکومت دے خلاف فساد برپا کیتا سی۔ نہ ای اُوہدے منہ توں کفر دی کوئی گل نکلی۔ اُوہنے کدی جھوٹے عقائد دی تعلیم نئیں دِتی۔ اُوہنے کدی لوکاں نوں دھوکہ نئیں دِتا جیدا اُوہدے تے الزام لگایا گیا سی۔ جہیڑا کہ سراسر اِک جھوٹ سی۔ اُوہنے کدی وی کسی نوں خُدا دی حقیقی عبادت توں دور کرن دی کوشش نئیں کیتی سی۔ اُوہنے مسلسل موسیٰ دے قانون تے انبیاء نوں برقرار رکھیا تے اُوہناں دا احترام کیتا، اُو اُوہناں دے مذہب یا اُوہناں دی ریاست دا دشمن نئیں سی۔ بلا شُبہ، اُو کسی گناہ دا قصور وار نئیں سی۔ پُولوس رسول نے کہیا کہ مسیح،

’’اُوہنے نہ تے کدی گناہ کیتا نہ اُوہدے منہ توں کوئی مکر دی گل نکلی‘‘ (1۔پطرس 2:22).

ڈاکٹر ینگ نے کہیا، ’’[مسیح] نوں اُوہدی ذلت دی موت دے بعد اِک معزز طریقے نال دفنایا گیا سی کیوں جے اُوہدی کامل معصومیت دی وجہ نال۔ [چونکہ] اُوہنے اپنے مجرم دشمناں دی طرح برتاؤ نئیں کیتا سی، ایس لئی اُوہنوں اُوہناں دے نال [اِک] ذلت آمیز طور تے نئیں دفنایا گیا، بلکہ اِک اعزاز دے نال اِک ایہو جئی قبر وچ رکھیا گیا جہیڑی کسی دولت مند لئی بنائی گئی سی۔‘‘

ایس توں مینوں سر ونسٹن چرچل دی یاد آ جاندی اے، جنہاں نے دیہی علاقے دی گرجا گھر دے صحن وچ اپنے پیو دے نال اِک معزز دفنانے دی جگہ چُنی سی، بجائے ایس دے کہ جہیڑا اُو سمجھدے سن اِک بہت کم عزت آلی جگہ اُوہناں دے پیو تے اُوہناں دے اپنے دشمناں دے وچکار، اُوہناں لوکاں دے وچکار جنہاں نے انگلستان دے نال غداری کیتی، اُوہناں لوکاں دے ہٹلر تے اُوہدی نازی سرکار نوں خوش کرن آلے خطرناک حد تیکر ناقابلِ اعتبار اعمال دے باوجود، فیر وی اُوہناں لوکاں نوں انتہائی شان و شوکت تے تقریب دے نال ویسٹ منسٹر وچ خانقاہ توں ملحق گرجہ گھر وچ دفنایا گیا۔ حالانکہ چرچل اِک نئے سرے توں جنم لہیا ہویا مسیحی نئیں سی، اُو اِک معزز آدمی سی۔

یسوع، بلا شُبہ، تمام ہستیاں وچ سب توں عظیم سی۔ جی ہاں، اُو سی تے اِک ایہو جیہا انسان اے، ’’یسوع مسیح جہیڑا انسان اے‘‘ (1۔ تیموتاؤس 2:5). اُوہدی عظمت ایس حقیقت وچ پنہاں نظر آندی اے کہ اُوہنے اپنی حیاتی جاندے بوجھدے ہوئے خدا باپ دی نظراں وچ ساڈے گناہواں دا کفارہ ادا کرن لئی قربان کر دِتی۔ اپنے مصلوب ہون توں کج دیر پہلاں یسوع نے کہیا،

’’ایدے توں زیادہ محبت کوئی نئیں کردا کہ اپنی جان اپنے دوستاں لئی قربان کر دئے‘‘ (یوحنا 15:13).

اُوہدا تخت اِک بوسیدہ صلیب بن گئی،
   اُوہدی بادشاہی صرف دلاں وچ سی؛
اُوہنے اپنا پیار گہرے لال رنگ نال لکھیا سی،
   تے اپنے سر تے کنڈیاں دا تاج پایا سی۔

تے ہُن، میرے بیلیوں، تُسی اُوس یسوع دے نال کی کرو گے جہیڑا مسیح کہلاندا اے؟ جیویں کہ سی. ایس. لوئیس C. S. Lewis نے لکھیا اے، ایدیاں دو ممکن وجوہات نے – تُسی اُوہدے منہ تے تھُک سکدے اُو تے اُوہنوں اِک شیطان دے طور تے قتل کر سکدے اُو؛ یا تُسی اُوہدے قدماں وچ ڈِگ کے اُوہنوں خُداوند تے خُدا کہہ سکدے اُو۔‘‘ تہاڈے لئی ایناں وچوں کیڑا ہوئے گا؟ تیجا انتخاب صرف ایہہ رہ جاندا اے کہ اُوہنوں مکمل طور تے نظر انداز کر دوو، تے اپنی حیاتی وچ ودھدے جاؤو جیویں اُوہدے تکلیف تے مصائب کوئی معنی ای نئیں رکھدے۔ مینوں اُوہناں لئی انتہائی دُکھ محسوس ہوندا اے جہیڑا نجات دہندہ دے نال ایس قدر رسوائی دا سلوک کردے نے۔ میں دُعا کردا آں کہ تُسی اُوہناں وچوں اِک نہ ہوو۔ ایہہ اُو نے جیناں دے بارے وچ ٹی. ایس. ایلیٹ T. S. Eliot نے کہیا ’’کُھوکھلے آدمیThe Hollow Men‘‘ – ایویں دے انسان جہیڑے صرف لمحاتی تسکین لئی جین۔ جی ہاں، میں دعا کردا آں کہ تُسی اُوہناں وچوں اِک نہ ہوو، کیوں جے اُوہناں لئی جہنم وچ جگہ اٹل اے۔

ایس توں پہلاں کہ میں گتسمنی بھُل جاواں؛
   ایس توں پہلاں کہ میں اُوہدی کرب و اذیت نوں بھُل جاواں؛
ایس توں پہلاں کہ میں میرے لئی اُوہدا پیار بھُل جاواں،
   مینوں کلوری دی راہ وکھا دے۔
(’’ مینوں کلوری دی راہ وکھا دےLead Me to Calvary ‘‘ شاعر جینی ای. ہیوزےJennie E. Hussey، 1874۔1958).

میں دُعا کردا آں کہ تُسی یسوع دے کول آؤ، اُوہدے تے اپنے تمام دل دے نال پرہوسا کرو، تے سچی مسیحی تبدیلی وچ موت توں گزر کے حیاتی چہ داخل ہوو۔

آؤ اکٹھے کھڑے ہو جائیے۔ جے تُسی یسوع دے وسیلے نال اپنے گناہ توں پاک صاف ہون دے بارے وچ ساڈے نال گل کرنا چاہوو، تے مہربانی نال ہُنے ای اجتماع گاہ دی پچھلی جانب قدم ودھاؤو۔ ڈاکٹر کیگن Dr. Cagan تہانوں اِک پُرسکون جگہ تے لے جان گے جِتھے اسی گل کر سکنے آں۔ مسٹر لی Mr. Lee، مہربانی نال آؤو تے اُوہناں لئی دعا کرو جنہاں نے ردعمل دا مظاہرہ کیتا۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلام پاک وچوں تلاوت ڈاکٹر کرہیٹن ایل۔ چَعینDr. Kreighton L. Chan نے کیتی سی: اشعیا 53:1۔9 .
واعظ توں پہلاں اکلیاں گیت مسٹر بنجامن کینکیڈ گریفتھ Mr. Benjamin Kincaid Griffith نے گایا سی:
"’’کنڈیاں دا اِک تاج A Crown of Thorns‘‘
(شاعر عرہ ایف۔ سٹینفل Ira F. Stanphill، 1914۔1993)\
’’مینوں کلوری دی راہ وِکھا دے Lead Me to Calvary‘‘
(شاعر جینی ای۔ ہیوزے Jennie E. Hussey، 1874۔1958)۔


لُبِ لُباب

مسیح دی تدفین دی متضاد منطق

(اشعیا 53 باب تے واعظ نمبر 10 )
THE PARADOX OF CHRIST’S BURIAL
(SERMON NUMBER 10 ON ISAIAH 53)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

’’تے اُو شریراں دے وِچکار دفنایا گیا، لیکن ایہو جئی قبر وِچ رکھیا گیا جیہڑی کسی دولت مند لئی بنائی گئی سی؛ حالانکہ اُوہنے کدی ظلم نئیں کیتا، نہ ای اُوہدے مُنہ توں کوئی مکر دی گل نکلی‘‘ (اشعیا53:9)۔

(1۔ کرنتھیوں 15:3۔4؛ یوحنا 17:3؛ رومیوں6:4)

1۔ پہلی گل، یسوع دی تدفین دی متضاد منظق، اشعیا 53:9الف؛ یوحنا 19:31؛
متی 27:60؛ رومیوں7:24 .

2۔ دوجی گل، متضاد منطق دی وضاحت سمجھائی گئی، اشعیا 53:9ب؛ 1 پطرس 2:22؛
1تیموتاؤس 2:5؛ یوحنا 15:13 .