Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




عا لمگیر گناہ، مخصوص گناہ، تے گناہ دا علاج

(اشعیا 53 باب تے واعظ نمبر 7)
UNIVERSAL SIN, PARTICULAR SIN,
AND THE CURE FOR SIN
(SERMON NUMBER 7 ON ISAIAH 53)
(Punjabi – A Language of Pakistan)

ڈاکٹر آر۔ ایل۔ ہائیمرز، جونئیر وَلّوں
.by Dr. R. L. Hymers, Jr

لاس اینجلز دی بپتسمہ دین آلی عبادت گاہ وِچ تبلیغی واعظ
24 مارچ، 2013، خُداوند دے دِن دی سویر
A sermon preached at the Baptist Tabernacle of Los Angeles
Lord’s Day Morning, March 24, 2013

’’اسی سب بھیڑاں دی مانند بھٹک گئے؛ ساڈے وچوں ہر اِک نے اپنی اپنی راہ لئی؛ تے خُداوند نے ساڈی ساریاں دی بدکاری اُوہدے تے لاد دِتی‘‘ (اشعیا 53:6).


ڈاکٹر رچرڈ لینڈ جنوبی بپتسمہ دین آلے اخلاقیات دے اجتماع تے مذہبی خود مختیاری دے گروہ دے صدر نے۔ ڈاکٹر لینڈ جانندے نے کہ اسی اِک ایویں دی تہذیب وچ رہ رئے آں جہیڑی کہ حیرت انگیز طور تے مسیحیت دے بنیادی حقائق توں لا علم نے۔ اوہناں نے کہیا،

میں نے ٹائم میگزین دے اِک نشر پارے چہ امریکہ … چہ مذہبی فقدان دے بارے چہ پڑھیا۔ اِک جوڑا اپنی عبادت کر چُکن دے بعد مقررہ پادری نوں ملن آیا، تے اُوہناں نے کہیا، ’’ساڈا نو عمر بیٹا ایہہ جاننا چاہندا اے کہ جمع دے نشان تے کیڑا بندہ لٹک رہیا اے۔‘‘ اُو نئیں جانندے سی کہ اُو یسوع سی تے اُو ایہہ وی نئیں جانندے سی کہ اُو صلیب سی (’’جمع دے نشان تے بندہ The Man on the Plus Sign،‘‘ ورلڈWorld میگزین، یکم اگست، 2009, صفحہ 24).

ایہہ بہت حیرت ناک اے کہ بے شمار لوکی جہیڑے اِیس مُلک چہ پیدا ہوئے تے وڈے ہوئے نے اُوہناں نوں یسوع کون اے تے اُوہنے کی کیتا سی دے بارے چہ بہت گھٹ معلومات نے۔ سارا قصور اِیس حقیقت چہ پنہاں اے کہ ساڈے زیادہ تر گرجا گھراں چہ مسیح بخود تے انتہائی کم تبلیغ ہوندی اے۔ لیکن تُسی، ایتھو تیکر کہ اِک اِتوار نوں وی، ساڈے گرجا گھر چہ ایہہ جانے بغیر نئیں جا سکدے کہ یسوع کون اے تے کیوں اُو گنہگاراں دے متبادل دے طور تے صلیب تے مریا سی! جدوں یسوع صلیب تے مریا سی، اُوہنے ساڈے گناہ چُکے سی تے اُوہناں لئی کفارہ ادا کیتا سی۔ اُوہنے صلیب تے تہانوں گناہ توں پاک صاف کرن لئی اپنا لہو وگایا سی۔ سپرجئین Spurgeon نے کہیا، ’’کج مبلغین ہوندے نے جہیڑے یسوع مسیح دے لہو دے بارے چہ تبلیغ نئیں کردے نے، تے اُوہناں نال تعلق رکھدے ہوئے تہانوں کہن لئی میرے کول اِک گل اے – اُوہناں نوں سُنن لئی کدی وی مت جاؤو! اُوہناں نوں سُنن لئی کدی وی مت جاؤو! اِک مذہبی خدمت جیس چہ اُو لہو شامل نئیں ہوندا بے جان ہوندی اے، تے اِک بے جان مذہبی خدمت کسے دے وی کَم دی نئیں ہوندی‘‘(سی۔ ایچ۔ سپرجئینC. H. Spurgeon، ’’مسیح دے خون دے ذریعے نال آزادی Freedom Through Christ’s Blood،‘‘ 2 اگست، 1874)۔ ایہہ خیال کہ مسیح ساڈے گناہ برداشت کرے گا اشعیا 53 باب وچ بار بار دھرایا گیا اے۔

’’یقیناً اُوہنے ساڈیاں بیماریاں برداشت کیتیاں تے ساڈے غم چُک لئے‘‘ (اشعیا 53:4).

’’لیکن اُو ساڈیاں خطاواں دے سبب نال گھائل کیتا گیا، تے ساڈی بد اعمالی دے باعث کُچلا گیا‘‘ (اشعیا 53:5).

’’جہیڑی سزا ساڈی سلامتی دا باعث ہوئی اُو اُوہنے چُکی‘‘ (اشعیا 53:5).

’’اُوہدے کوڑے کھان نال اسی شفایاب ہوئے‘‘ (اشعیا 53:5).

’’تے خُداوند نے ساڈی ساریاں دی بدکاری اُوہدے تے لاد دِتی‘‘ (اشعیا 53:6).

’’تے میرے لوکاں دے گناہواں دے سبب اُوہنوں مار پئی‘‘ (اشعیا 53:8).

’’خداوند اُوہدی جان نوں گناہ دی قربانی قرار دیندا اے‘‘ (اشعیا 53:10).

’’اُو اُوہناں دیاں بُرائیاں خود چُک لوے گا‘‘ (اشعیا 53:11).

’’اُوہنے بُہتیریاں دے گناہ چُک لئے‘‘ (اشعیا 53:12).

بار بار اشعیا 53 باب چہ سانوں دسدا گیا اے کہ مسیح اپنے آپ تے ساڈے جرم لاد لوے گا، ساڈے گناہواں لئی ساڈی جگہ تے مصائب برداشت کرے گا، اُوہناں دا مکمل کفارہ ادا کرن لئی۔

لیکن ہُن، ساڈی اِیس تلاوت چہ اِک نیا خیال پیش کیتا گیا اے۔ ایتھے سانوں اُو وجہ دسی گئی اے جیدے سبب نال مسیح نوں مصیبت برداشت کرنی پئی، بے شک اُو خود بے گناہ سی، لیکن اُوہنوں انسان دا جرم برداشت کرنا پیا۔

’’اسی سب بھیڑاں دی مانند بھٹک گئے؛ ساڈے وچوں ہر اِک نے اپنی اپنی راہ لئی؛ تے خُداوند نے ساڈی ساریاں دی بدکاری اُوہدے تے لاد دِتی‘‘ (اشعیا 53:6).

ایہہ تلاوت قدرتی طور تے تِن حصیاں چہ تقسیم ہوندی اے۔

1۔ اوّل، تمام بنی نوع انسان دے گناہ دا عمومی اعتراف۔

نبی نے کہیا،

’’اسی سارے بھیڑاں دی مانند بھٹک گئے. . . ‘‘ (اشعیا 53:6).

ایتھے ساڈے کول بنی نوع انسان دی عالمگیری گنہگاری توں متعلق اِک واضح بیان اے۔ ’’اسی سارے بھیڑاں دی مانند بھٹک گئے۔‘‘

’’اسی سارے پہلاں ای ثابت کر چُکے آں کہ یہودی تے غیر یہودی، سب دے سب گناہ دے قابو چہ نے؛ جیویں کہ پاک کلام چہ لکھیا اے، کوئی راستباز نئیں، اِک وی نئیں: کوئی سمجھ دار نئیں، کوئی خُدا دا طالب نئیں‘‘ (رومیوں 3:9۔11).

’’اسی سارے بھیڑاں دی مانند بھٹک گئے،‘‘ ساڈے وچوں ہر اِک!

اُوہناں بھیڑاں دی مانند جہیڑیاں خداوند دے قانون دی باڑھ توڑ کے جا چُکیاں نے، اسی سارے بھٹک چکے آں، اسی سارے خُدا توں بھٹک کے دور ہو چُکے آں۔ پطرس رسول نے کہیا،

’’پہلاں تُسی بھیڑاں وانگوں بھٹکدے پھردے سی‘‘ (1۔پطرس 2:25).

پطرس نے جہیڑا یونانی لفظ استعمال کیتا اے اُوہدا مطلب اے کہ سچائی تے پناہ گاہ توں دور بھٹکنا، دھوکہ کھانا (ناقابلِ تسخیر). ایہی مقدس کلامِ پاک چہ بنی نوع انسان دی عالمگیری وضاحت اے۔

’’اسی سارے بھیڑاں دی مانند بھٹک گئے. . . ‘‘ (اشعیا 53:6).

انسان دا موازنہ اِک جانور نال کیتا گیا اے کیوں جے گناہ اُوہنوں رسوا کردا اے – تے اُو جانوراں وانگوں ہو جانندا اے۔ لیکن ساڈا موازنہ اِک ذہین جانور نال نئیں کیتا گیا اے۔ نئیں، انسان دا موازنہ اِک سادہ – ذہن رکھن آلی بھیڑ نال کیتا گیا اے۔

تُسی ایس شہر چہ رہندے اُو، ایس لئی تُسی غالباً بھیڑ دیاں بیوقوفیاں دے بارے چہ زیادہ نئیں جانندے اُو۔ لیکن بائبل دے زمانے چہ لوکی بہت اچھی طرح نال جانندے سی کہ بھیڑاں کنیاں بے وقوف ہوندیاں نے۔ ایس لئی لازمی اے کہ چرواہے دے ذریعے نال اُوہناں دی نگرانی انتہائی احتیاط نال کیتی جائے نئیں تے اُو بھٹک جان گیاں۔

بھیڑاں صرف اِک گل چہ اچھیاں نے – بھٹک جان چہ! جے باڑھ چہ صرف اِک سوراخ اے، تے بھیڑاں اُوہنوں تلاش کر لین گیاں تے بھٹک جان گیاں۔ تے فیر وی، اِک دفعہ بھیڑ اپنے باڑے توں نکل جائے، اُو کدی واپس آن دی کوشش نئیں کردی۔ بھیڑاں محفوظ پناہ گاہ توں دور تے دور بھٹکدیاں جاندیاں نے۔ تے انج ای انسان اے۔ اُو بدی کرن لئی بہت عقلمند اے، لیکن ایہہ جانن لئی کہ کی بہتر اے، اُو بے وقوف اے۔ جیویں یونانی دیومالائی کہانیاں وچ آرگوس سی، انسان دے کول گناہ دی تلاش لئی سینکڑوں اکھاں نے؛ لیکن جدوں خدا نوں لبن دی گل آندی اے تے اُو ایناں ای انا اے جِنا برتمائی! پولوس رسول نے گناہ دی عالمگیری بیماری دے بارے چہ دسیا اے جدوں اُوہنے کہیا،

’’اُوس ویلے تہاڈا مسیح نال کوئی تعلق نئیں سی، تُسی اسرائیلی قوم چہ شمار نئیں کیتے جاندے سی، تے اُوناں عہدنامیاں توں خراج سی جنہاں دا وعدہ خدا دے ولوں کیتا گیا سی، تُسی ایس دنیا چہ خدا دے بغیر نااُمیدی دی حالت چہ زندگی گزاردے سی‘‘ (افسیوں 2:12).

’’اُوہناں دی عقل تاریک ہو گئی اے، تے اُو اپنی سخت دلی دے باعث جہالت چہ گرفتار نے، تے خدا دی دِتی ہوئی زندگی چہ اُوہناں دا کوئی حصہ نئیں‘‘ (افسیوں 4:18).

ایہہ آیتاں سانوں دسدیاں نے کہ بنی نوع انسان خدا توں بھٹک گیا اے۔

’’اسی سارے بھیڑاں دی مانند بھٹک گئے. . . ‘‘ (اشعیا 53:6).

ایتھے فیر، ساڈے پاک کلام چہ، تمام بنی نوع انسان دے گناہ دا اِک عمومی اعتراف اے۔ جہیڑا ایہہ ظاہر کردا اے کہ نسلِ انسانی سینکڑوں جھوٹے مذاہب تے جھوٹے عقائد چہ پے کے خدا توں دُور ہو چکی اے۔ ’’اُوہناں دی عقل تاریک ہو گئی اے، تے اُو اپنی سخت دلی دے باعث جہالت چہ گرفتار نے، تے خُدا دی دِتی ہوئی زندگی چہ اُوہناں دا کوئی حصہ نئیں‘‘ (افسیوں 4:18).

2۔ دوئم، ہر اِک دے مخصوص گناہ دا ذاتی اعتراف۔

کلام پاک جاری رہندا اے،

’’اسی سب بھیڑاں دی مانند بھٹک گئے؛ ساڈے وچوں ہر اِک نے اپنی اپنی راہ لئی…‘‘ (اشعیا 53:6).

نسلِ انسانی دے گناہ دے عمومی اعتراف نوں ہر انسان دے مخصوص گناہ دے ذاتی اعتراف دی حمایت حاصل اے۔ ’’ساڈے وچوں ہر اِک نے اپنی اپنی راہ لئی۔‘‘ کوئی وی، اپنی مرضی نال، اپنے آپ نوں خدا دی راہ تے موڑ نئیں سکدا اے۔ ہر معاملے چہ ہر شخص نے ’’اپنی راہ خود‘‘ چُنی اے۔ گناہ دی اصل جڑ ایتھے ای پوشیدہ اے – اپنی راہ خود چُنن وچ، خُدا دی مرضی دے برخلاف۔ اسی خود اپنی زندگیاں نوں قابو چہ کرنا چاہندے سی۔ اسی خود اپنے منصوبیاں تے چلنا چاہندے سی۔ اسی خُود نوں خدا دے حوالے نئیں کراں گے۔ اسی مسیح تے پرہوسا نئیں کراں گے تے خود نوں اُوہدے حوالے ساڈے خداوند دی حیثیت نال نئیں کراں گے۔

کلامِ پاک ظاہر کردا اے کہ ہر اِک دا خود اپنا اِک خاص گناہ اے، ’’اُوہدی اپنی راہ اے۔‘‘ ہر بندے تے عورت دا اِک اہم گناہ ہوندا اے جہیڑا کہ کسی نہ کسی طور دوجیاں توں مختلف ہوندا اے۔ دو بچے، جنہاں دی پرورش اِک او ای ماں پیو نے کیتی سی، اُوہناں دے ہراساں کر دین آلے عادتاً مختلف گناہ ہون گے۔ اِک عادتاً اپنے طریقے نال گناہ کرے گا، تے دوجا کسی ہور طریقے نال۔ ’’ساڈے وچوں ہر اِک نے اپنی اپنی راہ لئی اے۔‘‘ اِک سجے پاسے مُڑیا اے تے دوجا کھبے پاسے۔ لیکن دوویں خدا دی راہ نوں مسترد کردے نے۔

مسیح دے زمانے وچ، شراب خانے آلے (ساقی) سن، جہیڑے خُدا دی شریعت دے انتہائی خلاف زندگی گزاردے سن۔ دوجے پاسے، فریسی سن، اُو مغرور تے خود نوں راستباز سمجھدے سن، تے ایہہ سوچدے سن کہ اُو دوجیاں نالوں بہتر نے۔ اِیناں دے علاوہ صدوقی وی سن، جہیڑے فرشتیاں تے بدروحاں تے یقین نئیں کردے سن۔ اُوہناں نے اینی گنہگار زندگی نئیں گزاری جینی شراب خانے آلے (ساقیاں) نے یا اینی توہماتی زندگی نئیں گزاری جینی فریسیاں نے، لیکن اُو وی خُود اپنے طریقیاں نال خدا دے سچ توں متنفر سن۔ اُوہناں وچوں ہر اِک دے بارے چہ ایہہ کہیا جا سکدا اے کہ،

’’ساڈے وچوں ہر اِک نے اپنی اپنی راہ لئی…‘‘ (اشعیا 53:6).

تہاڈے وچوں کُج نے شاید مسیحی گھرانیاں وچ پرورش پائی اے، تے فیر وی تسی انجیل دے نور نوں مسترد کرکے گناہ کیتا اے۔ ایہہ تہاڈی ’’اپنی راہ‘‘ اے۔ دوجے شاید کسی مخصوص گناہ دے بارے چہ سوچدے نے۔ جدوں تُسی اُوہنوں یاد کردے اُو، تے گہری مصیبت وچ مبتلا ہو جاندے اُو۔ فیر وی تہاڈے وچوں کُج جرم دے اِک مسلسل احساس دے نال ہون تے فیر یسوع دے کول آندے نے تے معافی تے امن و شانتی لبدے نے۔ کُج مسیح تے پرہوسا کرن توں مسلسل انکار کردے رہنا جارے رکھدے نے۔ ’’ساڈے وچوں ہر اِک نے اپنی اپنی راہ لے رکھی اے۔‘‘

اِک ہور شخص شاید کہندا اے کہ، ’’میں نے اپنا دل سخت کر لہیا اے۔ مینوں گناہ دے تحت سزایابی تے مسیح دا احساس ہوندا سی، لیکن ہُن مینوں نئیں اے۔ ہُن میں خوفزدہ آں کہ خُداوند نے اپنے قہر وچ قسم کھادی اے کہ میں اُوس [خُداوند] دی آغوش چہ داخل نئیں ہو سکاں گا۔ میں خوفزدہ آں کہ خُداوند نے مینوں بھلا دِتا اے۔‘‘ لیکن تُسی ساڈے پاک کلام دے بقیا حصے نوں احتیاط نال سُنو، کیوں جے ایدے وچ اِک تیجی شق وی اے۔ تے، اُوہناں اختتامی لفظاں وچ، تہاڈے لئی اُمید اے!

3۔ سوئم، اپنے لوکاں دے گناہواں لئی مسیح دی متبادل تے تبدلیاتی موت۔

برائے مہربانی کھڑے ہوں تے مکمل آیت نوں پڑھو، خاص طور تے آخری شِق تے خصوصی توجہ دوو، ’’تے خُداوند نے ساڈے ساریاں دی بدکاری اُوہدے تے لاد دِتی اے۔‘‘

’’اسی سب بھیڑاں دی مانند بھٹک گئے؛ ساڈے وچوں ہر اِک نے اپنی اپنی راہ لئی؛ تے خُداوند نے ساڈی ساریاں دی بدکاری اُوہدے تے لاد دِتی‘‘ (اشعیا 53:6).

تُسی تشریف رکھ سکدے اُو۔ ڈاکٹر ایڈورڈ جے. ینگ دا کہنا اے،

آیت دا پہلا ادھا حصہ خادم دے مصائب دی وجوہات دا تعین کردا اے، تے دوجا حصہ اِیس گل نوں سچا ثابت کردا اے کہ خداوند نے [ساڈیاں] بداعمالیاں، بدکاریاں دا بوجھ اُوہدے تے لاد کے خُود خام [یسوع] نوں مصائب برداشت کرن لئی تیار کیتا۔ ایتھے فعل [’’لدنا‘‘] دا مطلب اے بہت شدت دے نال ٹکرانا یا ضرب لگانا۔ ساڈیاں بدکاریاں جنہاں دے اسی قصور وار آں ساڈے تے واپس ضرب نئیں لگاندیاں، جیویں کہ اسی شاید صحیح طور تے توقع کرنے آں لیکن ساڈے بجائے ساڈی [جگہ] [یسوع] نوں ٹکراندیاں نے۔ خُداوند [خُدا] نے ساڈے قصوراں نوں اُوس [یسوع] نال ٹکران دا سبب بنایا … اُو قصور جہیڑے ساڈے نال تعلق رکھدے سن خدا نے سبب بنایا کہ اُوس نال ٹکران [یعنی کہ] اُوہنے باحیثیت ساڈے متبادل دے اُو سزا برداشت کیتی جہیڑی ساڈے گناہواں لئی درکار سی … چرواہیاں نے اپنی زندگی بھیڑاں لئی قربان کر دِتی (ایڈورڈ جے. ینگ، پی ایچ. ڈی. ، اشعیا دی کتاب The Book of Isaiah، عئیرڈ مینز، 1972،جلد سوئم، صفحات 349۔350).

’’اسی سب بھیڑاں دی مانند بھٹک گئے؛ ساڈے وچوں ہر اِک نے اپنی اپنی راہ لئی؛ تے خُداوند نے ساڈی ساریاں دی بدکاری اُوہدے تے لاد دِتی‘‘ (اشعیا 53:6).

اِک واعظ چہ جیدا عنوان سی ’’انفرادی گناہ جہیڑا یسوع تے لدیا گیا،‘‘ سپرجئین نے کہیا،

ایتھے گناہواں دے انبار نے، مجروع کرن آلے [بیہودہ] گناہ۔ میں اُوہناں دا تذکرہ نئیں کر سکدا، اُو داؤد دے گناہواں توں بہت مختلف سن۔ سیاہ گناہ، سُرخی مائل گناہ، اُو داؤد دے سن، لیکن داؤد دے گناہ بالکل وی اونج دے نئیں سن جیویں کہ منّسی دے سن؛ منّسی دے گناہ اونج دے نئیں سن جیویں دے پطرس دے – پطرس نے اِک بہت ای مختلف [طریقے نال] گناہ کیتا سی؛ تے اُو عورت جہیڑی کہ گنہگار سی، تُسی اوہدا پطرس نال موازنہ نئیں کر سکدے؛ نہ ای جے تُسی اُوہدے کردار تے نظر پاوو تے اُوہدا [موازنہ] لُدیہ نال کر سکدے اُو؛ نہ ای جے تُسی لُدیہ دے بارے چہ سوچو، تے اُوہدے تے فلّپی دے داروغے دے درمیان [فرق دا احساس] کیتے بغیر اُوہنوں ویکھ سکدے اُو۔ ایہہ تمام اِک او جئے نے، اُو تمام بھٹک چُکے سن، لیکن اُو تمام مختلف نے، اُوہناں وچوں ہر اِک نے اپنی اپنی راہ لئی؛ لیکن … خُداوند نے [’’بدکاری اُوہدے تے لاد دِتی ‘ ساریاں دی] … جدوں تُسی عظیم انجیل دی دوائی تیکر پہنچدے اُو، تے خُداوند یسوع مسیح دا بیش بہا لہو اُوتھے پاندے اُو … جینوں بُڈھے ڈاکٹر اکسیر اعظم کہیا کردے سی، اِک ایہوجئی عالمگیر دوائی جہیڑی ہر مرض دا علاج اے تے جرم وچ گناہ دے تمام اختلافات نوں پرے رکھدی اے ایویں جیویں کہ اُو بنائی ای اُوس گناہ لئی گئی سی۔ صرف تے صرف اُوسے ای گناہ لئی (سی. ایچ. سپرجئین، ’’انفرادی گناہ جہیڑا یسوع تے لدیا گیا،‘‘ میٹروپولیٹن عبادت گاہ دی واعظ گاہ توں The Metropolitan Tabernacle Pulpit، پِلگِرم اشاعت خانہ، 1977 دوبارہ اشاعت، جلد XVI ، صفحات 213۔214).

یسوع دے کول آؤ۔ اپنے آپ نوں اُوس [یسوع] دے سامنے جھکاؤ۔ اُوس [یسوع] تے پرہوسا کرو تے تُسی کدی وی شرمندہ نئیں ہوو گے، کیوں جے، ’’خداوند نے ساڈی ساریاں دی بدکاری اُوہدے تے لاد دِتی۔‘‘

قصوروار، لائق مذمت تے بے بس، اسی ساں؛
   بے داغ خُدا دا برّہ اُو سی؛
’’مکمل کفارہ، ‘‘ کی ایہہ ہو سکدا اے؟
   ھیلیلویاہ! کیہوجیہا نجات دہندہ!
(’’ ھیلیلویاہ! کیویں دا نجات دہندہ! شاعر فلپ پی. بلِس، 1838۔1876).

کی تُسی یسوع تے پرہوسا کرو گے۔ کی تُسی خود نوں اُوس یسوع دے حوالے کرو گے، اُوہدے اگے ہتھیار ڈالو گے تے اُوہدے ای تے پرہوسا کرو گے۔ کی تُسی اپنے گناہ نوں اُوہدے لہو نال دھوو گے، تے صلیب تے اُوہدی متبادل قربانی دی وجہ نال فیصلے توں بچائے جاوو گے؟ خُدا باپ تہانوں تنہا مسیح تے انحصار کرن لئی ایمان بخشے، اُوہدے سامنے ہار منن لئی تے نجات پا جان لئی!

آؤ اکٹھے کھڑے ہو جائیے۔ جے تُسی مسیح تے پرہوسا کرن دے بارے چہ ساڈے نال گل بات کرنا چاہندے اُو تے مہربانی نال ہُنے ای اپنی نشست چھڈو تے اجتماع گاہ دی پچھلی جانب چلے جاؤو۔ ڈاکٹر کیگن Dr. Cagan تہانوں اِک خاموش کمرے وچ لے جاون گے جتھے اسی تہاڈے نال خود نوں مسیح دے حوالے کرن دے بارے چہ تے اپنے گناہ نوں اُوہدے پاک لہو دے وسیلے نال پاک صاف کروان دے بارے چہ گل بات کر سکیے۔ مسٹر لی Mr. Lee، مہربانی نال آؤ تے اُوہناں لوکاں لئی دعا منگو جنہاں نے ردعمل دا اظہار کیتا۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلام پاک وچوں تلاوت ڈاکٹر کرہیٹن ایل۔ چَعینDr. Kreighton L. Chan نے کیتی سی۔
اشعیا 52:13۔ 53:6 .
واعظ توں پہلاں اکلیاں گیت مسٹر بنجامن کینکیڈ گریفتھ Mr. Benjamin Kincaid Griffith نے گایا سی:
’’ہاں میں جانندا آں!Yes, I Know!‘‘
(شاعر مسز آنہ ڈبلیو۔ واٹرمین Mrs. Anna W. Waterman، 1920)


لُبِ لُباب

عا لمگیر گناہ، مخصوص گناہ، تے گناہ دا علاج

(اشعیا 53 باب تے واعظ نمبر 7)
UNIVERSAL SIN, PARTICULAR SIN,
AND THE CURE FOR SIN
(SERMON NUMBER 7 ON ISAIAH 53)

ڈاکٹر آر۔ ایل۔ ہائیمرز، جونئیر وَلّوں
.by Dr. R. L. Hymers, Jr

’’اسی سب بھیڑاں دی مانند بھٹک گئے؛ ساڈے وچوں ہر اِک نے اپنی اپنی راہ لئی؛ تے خُداوند نے ساڈی ساریاں دی بدکاری اُوہدے تے لاد دِتی‘‘ (اشعیا 53:6).

(اشعیا 53:4، 5، 6، 8، 10، 11، 12)

1۔ اوّل، تمام بنی نوع انسان دے گناہ دا عمومی اعتراف  ،
اشعیا 53:6 الف؛ رومیوں 3:9۔11؛ 1۔پطرس 2:25؛ افسیوں 2:12؛ 4:18 .

2  ۔ دوئم، ہر اک دے مخصوص گناہ دا ذاتی اعتراف، اشعیا 53:6ب.

3۔ سوئم، اپنے لوکاں دے گناہواں لئی مسیح دی متبادل تے تبدلیاتی موت، اشعیا 53:6 ج  .