Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




مسیح – عالمگیر طور تے حقیر جانیا گیا

(اشعیا53 باب تے واعظ نمبر4)
CHRIST – UNIVERSALLY DEVALUED
(SERMON NUMBER 4 ON ISAIAH 53)
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
.by Dr. R. L. Hymers, Jr

لاس اینجلز دی بپتسمہ دین آلی عبادت گاہ وِچ دِتا گیا اِک واعظ
ہفتے دی شام، 16 مارچ، 2013
A sermon preached at the Baptist Tabernacle of Los Angeles
Saturday Evening, March 16, 2013

’’لوکاں نے اُوہنوں حقیر جانیا تے ٹھکرایا، اُو اِک غمگین بندہ سی جیہڑا رنج توں آشنا سی: تے اُوس بندے وانگر سی جینوں ویکھ کے لوکی منہ وٹ لیندے نے۔ اُوہنوں حقیر سمجھا گیا تے اَسی اُوس دی کُج قدر نہ جانی‘‘ (اشعیا53:3)۔


ڈاکٹر ایڈورڈ جے۔ یَنگ نے کہیا،

ایہہ بے اعتقادی جیدا نقشہ اشعیا نبی نے ایتھے کھچیا اے بالکل ایہو جئی بے اعتقادی اے جیہڑی اَج ساڈے بارے چہ پائی جاندی اے۔ لوکی [مسیح] دے بارے چہ خوشگوار تے تعریفی گلاں کردے نے۔ اُو اُوہدے اخلاق دی تعریف کرن گے، اُوہدی تعلیمات اعلان کردی اے کہ اُو اِک نیک بندہ تے عظیم نبی سی، صرف اُوہی سی جنّے اُوہناں معاشرتی مسئلیاں دا حل پیش کیتا جنہاں دا سامنا اَج دُںیا نوں کرنا پے رہیا اے۔ ایس دے باوجود اُو تسلیم نئیں کردے کہ اُو گنہگار نے، جیہڑے کدی وی نہ مکن آلی سزا دے مستحق نے، تے اے وی کہ مسیح دی موت خُدا دے انصاف دی تسلی لئی دِتی گئی اِک واضح قربانی اے، جیہڑی اِک ناراض خُدا دی مفاہمت گنہگار نال کراندی اے۔ لوکی نئیں جان پان گے کہ خُدا اپنے پُتر دے بارے چہ کی کہندا اے۔ اَج وی، خادم [مسیح] لوکاں چہ حقیر جانیا جاندا اے تے مسترد کیتا جاندا اے، تے لوکی اُوس دی قدر نئیں کردے (ایڈورڈ جے۔ ینگ، پی ایچ۔ ڈی۔، اشعیا دی کتاب The Book of Isaiah، ولیم بی۔ عئیرڈ مینز اشاعت خانہ، 1972 جلد 3، صفحہ 344).

لوتھر نے یقین کیتا سی کہ اشعیا دا ترپن باب بائبل دا دِل سی۔ میرے خیال وِچ اُو دُرست سی۔ جے تُسی ایہہ تسلیم کرو، فیر ساڈے کلام دی اہمیت شدید ودھ جاندی اے۔ میں یقین کرنا واں کہ ایہہ آیت اُن واضح بیانات وِچوں اِک اے جیہڑی بائبل وِچ دِتی گئی نسل انسانی دی تمام بدکاری دے بارے چہ دسدی اے۔ ’’بدکاری‘‘ توں ساڈی مُراد ’’اخلاقی زوال‘‘ اے۔ تے ’’تمام‘‘ توں مُراد ’’مکمل‘‘ اے۔ لوکی مکمل طور تے اخلاقی زوال وِچ مبتلا ہو گئے۔ جیویں کہ ہیائیڈلبرگHeidelberg دی مذہبی تعلیم کہندی اے، انسانی فطرت دا اخلاقی زوال شروع ہوندا اے جنت وِچ ’’ساڈے پہلے والدین آدم تے حوّا دی نافرمانی تے دھوکا کھان نال۔ ایس دھوکہ کھان نے ساڈی فطرت نوں ایس قدر زہریلا کر چھڈیا اے کہ اَسی ماں دے ٹیڈھ توں ای – گنہگار پیدا ہونے آں‘‘ (ہیائیڈلبرگ Heidelberg Catechism Theدی مذہبی تعلیم، سوال سات)۔ مکمل بدکاری لوکاں دی خُدا وَل عداوت نال ظاہر ہوندی اے،

’’ایس لئی کہ جسمانی نیت خُدا دی مخالفت [بغاوت] کردی اے‘‘ (رومیوں8:7 ).

ایہہ بغاوت مسیح تیکر جاندی اے، جیہڑا خُدا دا پُتر اے۔ مکمل بدکاری ایس گل دی وی وضاحت کردی اے کہ کیوں رومی سپاہیاں نے جدوں اُوہنوں [یسوع] گرفتار کیتا تے

’’اُو اُوہدے تے تھوکدے سن تے سرکنڈا لے کے اُوس دے سر تے ماردے سن‘‘(متی 27:30).

مکمل بدکاری وضاحت کردی اے کہ کیوں رومی گورنر پیلاطوس نے

’’یسوع نے کوڑے لگوا کے [تے] مصلوب کرن لئی اُوہناں دے حوالے کر چھڈیا‘‘ (متی 27:26).

مکمل بدکاری وضاحت کردی اے کہ کیوں اَج وی،

’’لوکاں نے اُوہنوں حقیر جانیا تے ٹھکرایا، اُو اِک غمگین بندہ سی جیہڑا رنج توں آشنا سی: تے اُوس بندے وانگر سی جینوں ویکھ کے لوکی منہ وٹ لیندے نے۔ اُوہنوں حقیر سمجھا گیا تے اَسی اُوس دی کُج قدر نہ جانی‘‘ (اشعیا53:3)۔

1۔ پہلی گل، مکمل بدکاری دی وجہ توں لوکی مسیح نوں حقیر جاندے تے اُوس دی قدر نئیں کردے نے۔

’’اُو حقیر سمجھا گیا تے اَسی اُوس دی کوئی قدر نہ جانی…‘‘ (اشعیا 53:3).

ایہہ مسیح دے عام طور تے مسترد کیتے جان دی وضاھت کردی اے جیہڑا اَج اَسی اپنے آلے دوالے ویکھنے آں۔ تُسی کرسمس تے ایسٹر دے موقع تے ٹائمز تے نیوز ویک وگرے امریکہ دے رسالیاں دے سرِورق تے ویکھدے اُو۔ ایہہ باقاعدگی نال شائع ہون آلے خبراں دے جریدے بِلا ناغہ مسیح دے اُتے سرورق دی کہانی ہر دسمبر تے ہر اپریل دے ایناں دِناں وِچ چھاپدے نے۔ لیکن میں تہانوں ایس گل دا یقین دلا دیواں کہ ایہہ کدی وی چاپلوسی آلیاں کہانیاں نئیں ہوندیاں نے۔ اُو ہمیشہ یسوع دی اِک انوکھی نظر آن آلی قرونِ وسطی دی مصوری دی تصویر رسالے دے سرورق لئی چُنندے سن، اِک ایہو جئی مصوری جیہڑی دور جدید دے ذہن لئی یسوع نوں عجیب تے کسی ہور زمانے دا ظاہر کرے۔ بے شک ایہہ مقصداً کیتا جاندا اے۔ اُو لوکی بِلاناغہ سرورق دی کہانی اُوہناں لوکاں کولوں لکھواندے نے جنہاں دا تعلق انتہائی آزاد خیالانہ علمِ الہیٰاتی نقطہ نظر نال ہوندا اے، اُو لوکی جیہڑے مسیح نوں خُدا دا صرف صُلبی پُتر تے نجات دا واحد ذریعہ منن توں انکار کردے نے۔ مینوں یقین اے کہ ایس قسم دی شیواں برطانیہ دے چھوٹے سائز دے اخبارات تے تمام دُنیا دے رسالیاں وِچ شائع کیتیاں جاندیاں نے۔ مسیح تے ٹیلی ویژن تے فلماں وِچ وی کھلے عام حملہ کیتا جاندا اے

تہاڈے دُںیاوی ہائی سکول یا کالج، جیہدے تُسی طالب علم ہو ایس گل توں باخوبی واقف نے کہ تہاڈے اُستاداں دے کول یسوع یا مسیحیت دے بارے وِچ کُج کہن لئی کارآمد الفاظ نئیں نے۔ تہاڈے اُستاداں دے ذریعے مسیح تے اُوس دی تعلیمات تے مسلسل حملہ کیتا جاندا اے تے اُوہنوں حقیر جانیا جاندا اے۔

’’اُو حقیر سمجھا گیا تے اَسی اُوس دی کوئی قدر نہ جانی…‘‘ (اشعیا 53:3).

سکول دے وِچ تہاڈے ہم جماعت، تے ملازمت تے تہاڈے نال کم کرن آلے سنگی بیلی، مسیح دا ناں اِک لعنتی لفظ دے طور تے استعمال کردے نے، تے تقریباً روزانہ اُوس دے بارے چہ بُرائی کردے نے۔

جے تُسی اِک غیر مسیحی گھرانے توں ہو تے تُسی اُوتھے وی پناہ حاصل نئیں کر سکدے! تُسی بہت چنگی طرح نال جاندے ہو کہ تہاڈے غیر مسیحی والدین نجات دہندہ نوں حقیر گرداندے نے تے اُوس دی قدر نئیں کردے۔ تہاڈے وِچوں بہتیرے جانندے نے کہ اُوہناں دے مسیح تے لگائے گئے ڈھیروں بہتان تے مذاق نوں برداشت کرنا کینا اُوکھا اے – تے تہاڈے لئی وی اُوس [مسیح] وِچ یقین رکھن لئی تے بپتسمہ دین آلے گرجا گھر دے اِک سنجیدہ مسیحی بنن لئی کیس قدر اُوکھا اے۔ ایہہ سارے دا سارا نسلِ انسانی دے باغی تے مسخ شُدہ دِل توں نکلدا اے۔

’’اُو حقیر سمجھا گیا تے اَسی اُوس دی کوئی قدر نہ جانی…‘‘ (اشعیا 53:3).

2۔ دوجی گل، مکمل طور تے مسخ کیتا جان مسیح دی غمگینی تے دُکھ دا سبب اے۔

’’لوکاں نے اُوہنوں حقیر جانیا تے ٹھکرایا، اُو اِک غمگین بندہ سی جیہڑا رنج توں آشنا سی…‘‘ (اشعیا53:3)۔

مسیح دی غمگینی تے دُکھ دا سبب کی سی؟ تے کی ہو سکدا ے ماسوائے اُوس بغاوت تے حقارت نال رد کیتے جان دے علاوہ جیہڑی ایہہ گواچی ہوئی دُنیا اُوس [یسوع] دے نال کردی اے!

جدوں اُو زمین تے رہ رہیا سی تے کاتب، فریسی، تے سردار کاہن اُوس [یسوع] دے خلاف ایس قدر باغی سن، تے اُوس [یسوع] نوں ایس قدر شدت نال حقیر جان کر رد کردے سن، کہ اِک موقع تے اُو [یسوع] روح دی شدید اذیت نال چیخ پہیا سی:

’’اے یروشلم! اے یروشلم! توں نبیاں نوں قتل کیتا تے جیہڑے تیرے کول بھیجے گئے اُوہناں نوں سنگسار کر ڈالا۔ میں کئی وری چاہیا کہ تیرے بچیاں نوں جمع کر لوواں جیویں کُکڑی اپنے چوچیاں نوں اپنے پراں ہیٹھاں جمع کر لیندی اے، لیکن توں راضی نہ ہویا!‘‘ (لوقا 13:34).

مسیح دُکھ تے غماں نال ایس قدر ٹُٹ گیا سی، لوکاں دے بوجھ تل ایس قدر دب گیا سی، کہ گتسمنی دے باغ وِچ، اُوس رات توں قبل جدوں اُوہناں نے اُوہنوں گرفتار کیتا تے مصلوب کیتا سی،

’’اُوہد پسینہ لہو دیاں بونداں وانگر زمین تے ٹپکن لگا‘‘(لوقا 22:44).

اُوتھے میرے خُدا نے میری تمام خطاواں برداشت کیتیاں؛
   ایہہ فضل دے ذریعے نال یقین کیتا جا سکدا اے؛
لیکن جیہڑیاں دھشتناکیاں اُوہنے محسوس کیتیاں
   ایس قدر شدید نے کہ اُوہناں دا تصور کرنا وی محال اے۔
کوئی وی تیرے وِچوں لنگ نئیں سکدا
   غمگین، تاریک گتسمنی!
کوئی وی تیرے وِچوں لنگ نئیں سکدا،
غمگین، تاریک گتسمنی!
   (’’گتسمنی Gethsemane‘‘ شاعر جوزف ہارٹ Joseph Hart، 1712۔1768؛
       پادری توں ترمیم کیتا گیا؛ بطرز ’’آؤ، اے گنہگارو Come, Ye Sinners‘‘)۔

جے تہاڈے گناہ نئیں تے فیر کی سی جیس دی وجہ توں مسیح نوں اپنے پینڈے تے اپنی روح اُتے ایس اذیت نوں برداشت کرنا پہیا سی؟ اُوہدے دُکھ تے غم دا سبب کی سی، جے بغاوت نئیں سی تے تہاڈی مسخ شُدہ فطرت دی عداوت نئیں سی، جیس دے سبب نال اُوس [یسوع] تے خُداوند دا فیصلہ ہویا سی، جیس دی وجہ نال اُوس لئی ضروری ہو گیا سی کہ اُو ساڈے گناہواں دا بوجھ صلیب تیکر چُکے؟

دُکھاں دا انسان، کی ناں اے
خُدا دے پُتر لئی جو آیا
تباہ حال گنہگاراں نوں سانبھل لئی!
ھیلیلویاہ! کیہو جیہا نجات دہندہ اے!

بیہودہ ٹھٹھیاں تے شرم نوں برداشت کیتا،
میری تھاں تے کِھلو کے اُوہنے سزا پائی؛
اپنے لہو نال میری معافی تے مہر لگائی؛
ھیلیلویاہ! کیہو جیہا نجات دہندہ اے!
(’’ھیلیلویاہ! کیہو جیہا نجات دہندہ اے!‘‘ شاعر فلپس پی. بلِس، 1838۔1876).

تے اَج، جدوں اُو جنت وِچ خُداوند دے سجّہے ہتھ تے بیٹھا اے، تہاڈی باطنی فطرت وِچ کی اے جیس دے سبب توں یسوع نوں دُکھ تے غم ملدا اے۔ اُو ایس حقیقت توں ملدا اے کہ تُسی، خود ای اُوہنوں حقیر جانندے تے رد کردے ہو۔ تُسی شاید کہوو کہ تُسی اُوہدے نال پیار کردے ہو۔ لیکن ایہہ حقیقت کہ تُسی اُوہدے کول آن توں انکار کرو گے ظاہر کردی اے کہ تُسی واقع چہ اُوہنوں حقیر جانندے تے رد کردے ہو۔ خود اپنی ذات توں ایماندار رہوو! جے تُسی اُوہنوں حقیر نئیں جانندے تے رد نئیں کردے، فیر ہُور کیہڑی ممکن وجہ ہو سکدی اے جیہڑی تہانوں ایس دے کول آن توں روکدی اے؟ اَج سویرے تہاڈے ایمان دے نال اُوس دے کول آن توں انکار نے اُوہنوں شدید غم تے دُکھ پہنچایا اے۔

’’لوکاں نے اُوہنوں حقیر جانیا تے ٹھکرایا، اُو اِک غمگین بندہ سی جیہڑا رنج توں آشنا سی…‘‘ (اشعیا53:3)۔

3۔ تیجی گل، ساری دی ساری بدکاری نسلِ انسانی لئی مسیح توں اپنا چہرہ لُکہان دا سبب بنندی اے۔

کلام چہ جملے دے تیجے جُز نوں ویکھو،

’’لوکاں نے اُوہنوں حقیر جانیا تے ٹھکرایا، اُو اِک غمگین بندہ سی جیہڑا رنج توں آشنا سی: تے اُوس بندے وانگر سی جینوں ویکھ کے لوکی منہ وٹ لیندے نے…‘‘ (اشعیا53:3)۔

ڈاکٹر گِل نے کہیا، ’’تے اُوس بندے وانگر سی جینوں ویکھ کے لوکی منہ وٹ لیندے نے؛ ایہہ اینا ای کراہت انگیز تے قابلِ نفرت عمل اے جِنّا کہ اُوس توں منہ وٹ لینا، تے اُوس توں متنفر ہونا، جیوں کہ توھین دے نال اُوہدے وَل ویکھنا، کسی وی توجہ لئی نااہل ہون دی وجہ‘‘ (جان گِل، ڈی۔ڈی۔، پرانے عہد نامے دا آشکارہ بھید An Exposition of the Old Testament، بپتسمہ دینے والے معیاری بئیرر، 1989 دوبارہ اشاعت، جلد اوّل، صفحات 311۔312).

اُوہناں دی بدکاری دی قدرتی حالت وِچ، لوکاں نے سچے مسیح کولوں اپنے مُنہ وٹ لئے سن۔ اُو شاید، جیویں کہ ڈاکٹر ینگ نے کہیا، ’’اُوس دے بارے چہ خوشگوار تے تعریفی گلاں کرو… [لیکن] اُو نئیں کردے نے، تاہم ایہہ منندے نے کہ اُو گنہگار نے، نامُکن آلی سزا دے مستحق نے، تے ایہہ کہ مسیح دی موت خُدا دے انصاف دی تسلی لئی دِتی گئی اِک واضح قربانی اے، تے جیہڑی اِک ناراض خُدا دی مفاہمت گنہگار دے نال کراندی اے۔ لوکی نئیں جان پان گے کہ خُدا اپنے پُتر دے متعلق کی کہندا اے‘‘ (ینگ، ibid.)۔

غیر مسیحی یا تے یسوع نوں مکمل طور تے مسترد کردے نے، یا فیر اُوس نوں محض ’’نبی‘‘ یا ’’اُستاد‘‘ دا درجہ دے کر کمتر کر دیندے نے۔ پس، اُو سچے مسیح نوں رد کردے نے، جیویں کہ بائبل وِچ اُوہنوں ظاہر کیتا گیا اے۔ اِک ای مسلک نوں منن آلے وی سچے مسیح نوں رد کردے نے، اُو تقلید پسند مسیحیت نوں رد کردے نے تے حقیقی مسیح دی تھاں تے ’’اِک یسوع نے بدلدے نے، جیس دے بارے چہ اَسی تبلیغ نئیں کیتی‘‘ (2کرنتھیوں11:4)۔ یسوع نے ایس دے بارے چہ پیشن گوئی کیتی سی جدوں اُوہنے کہیا، ’’جھوٹے مسیح اُٹھ کھڑے ہون گے‘‘ (متی24:24)۔ صرف سچا یسوع اِک اے جیس نوں پرانے تے نئے عہدنامے وِچ ظاہر کیتا گیا اے۔ مسیح دے باقی تمام تصورات ’’جھوٹے مسیح‘‘ نے، یا جیویں کہ پولوس رسول نے کہیا، ’’اِک ہور یسوع، جیس دے اَسی تبلیغ نئیں کیتی۔‘‘اِک مورمونز دا جھوٹا مسیح اے۔ اِک یہوداہ دے گواہاں دا جھوٹا مسیح اے۔ اِک مسلماناں دا جھوٹا مسیح اے۔ بے شمار پینتیکوسٹل، کرشماتی تے بپتسمہ دین آلیاں دا اِک جھوٹا روحانی مسیح اے۔‘‘ جھوتے مسیح وِچ یقین کرن نال اُو اُوس سچے مسیح نال جیہڑا مقدس صحیفیاں وِچ ظاہر کیتا گیا اے مُنہ وٹ لیندے نے۔

افسوس دے نال ایہہ گل اکثر مبشرانِ انجیل دے مسیحیاں لئی وی سچی اے۔ ڈاکٹر اے۔ ڈبلیو۔ توزر، جیہڑے کہ اِک انتہائی محترم مبشر مصنف نے، اُوہناں نے ایس نقطے نوں بہت سادگی دے نال پیش کیتا جدوں اُوہناں نے کہیا،

      اَج کل ساڈے درمیان بہت زیادہ جعلی [بہروپیے] مسیح نے۔ جان اُوون، جیہڑے کہ اِک قدیم دانشور نے، اپنے دِناں وِچ اُوہناں نے لوکاں نوں خبردا کیتا سی: ’’تہاڈے کول اِک تصوراتی مسیح اے تے جے تُسی ایس تصوراتی مسیح نال خوش ہو تے تُسی ضرور اِک تصوراتی جنت دے نال وی خوش ہوو گے‘‘ … لیکن صرف اِک ای سچا مسیح اے، تے خُداوند نے کہیا اے کہ اُو اُوس دا پُتر اے… ایتھوں تیکر کہ اُوہناں لئی وی جیہڑے مسیح دی خُدائی نوں منندے نے اُو اکثر اُوس دی انسانیت نوں پہنچانن وِچ غلطی کر جاندے نے۔ اَسی بہت چھیتی نتیجہ قائم کر لہنے واں کہ جدوں اُو زمین تے موجود سی تے اُو لوکاں دے نال خُدا سی، لیکن اَسی اُوس دے برابر اِک اہم سچائی نوں نظر انداز کر جانے واں، کہ اُوتھے جیتھے اُو ہُن بیندا اے، اپنے مصالحانہ تخت تے [اُتے آسماناں وِچ] اُو خدا دے نال انسان اے، ہُن، ایسی لمحے نئے عہدنامے دی تعلیم ایہہ اے کہ جنت وِچ اِک انسان اے جیہڑا خُدا دے حضوری وِچ ساڈے لئی ظاہر ہو رہیا اے۔ اُو یقیناً اُوہو جیہا ای انسان اے جیویں کہ آدم یا موسیٰ یا پولوس سن۔ اُو اِک نورانی انسان اے، لیکن اُوس دا نور اُوہنوں غیر انسانی نئیں کر دیندا۔ اَج اُو بنی نوع انسان دی نسل دا اِک حقیقی انسان اے۔
      نجات ’’مکمل شُدہ کم دے قبول کرن‘‘ نال نئیں ملدی اے یا ’’مسیح دا فیصلہ کرن نال۔‘‘ [نجات] آندی اے خُداوند یسوع مسیح تے یقین کرن نال، جیہڑا کہ مکمل، زندہ، فاتح خُدا اے، جیس نے باحیثیت خدا تے انسان دے، ساڈے لڑائی لڑی تے جیتیا، ساڈے قرض [گناہ] قبول کیتے تے اُوہناں نوں ادا کیتا، ساڈے گناہ چُکے تے اُوہناں دے تحت مرا تے دوبارہ جی اُٹھیا تاکہ سانوں آزادی دلائے۔ ایہہ سچا مسیح اے، تے ایس توں کم کُج وی نئیں اے (اے۔ ڈبلیو۔ ٹُوزر، ڈی۔ڈی۔، ’’یسوع مسیح خداوند اے،‘‘ ٹُوزر کی طرف سے جواہرات، Gems from Tozer ، مسیحی اشاعت خانے، 1969، سینڈ دی لائٹ ٹرسٹ کی اجازت سے – 1979 ، صفحات 24، 25).

انسانی دِل دی قدرتی بدکاری غیر تبدیل شُدہ لوکاں دا سچے مسیح توں اپنا مُنہ وت لین دا سبب اے۔

’’ اُوس بندے وانگر سی جینوں ویکھ کے لوکی منہ وٹ لیندے نے. . . ‘‘ (اشعیا 53:3)

4۔ چوتھی گل، بنی نوع انسان دا مسیح نوں حقارت دی نظر نال ویکھنا مکمل بدکاری دا سبب اے۔

تیجی لائن وِچ ساڈے کلام دے آخیر وِچ ویکھو، آؤ کِھلو جاؤ تے اُچی واج دے نال جملے دے آخری جُز نوں پڑھنے آں، جیہڑا اِن لفظاں دے نال شروع ہوندا اے، ’’اُوہنوں حقارت دے نال ویکھیا گیا…‘‘

’’اُوہنوں حقارت دے نال ویکھیا گیا سی، تے اَسی اُوس دا احترام نئیں کیتا‘‘(اشعیا 53:3).

تُسی تشریف رکھ سکدے اُو۔ اُن لفظاں تے گل کرنے آں، ’’اَسی اُوہدا احترام نئیں کیتا‘‘، سپرجئین، ’’مبلغیں دے شہزادے‘‘ نے کہیا،

ایہہ ضرور نسلِ انسانی دا کائناتی اعتراف اے۔ عظیم ترین سُلطان توں لے کر کمینے [نیچ] ترین کسان تیکر، اعلیٰ و ارفع ذہانت توں لے کر عیاش ترین دماغ تیکر، تمام لوکاں دے پسندیدہ توں لیکر انجانے تے غیر اہم تیکر، ایہہ اِک اعتراف ضرور آنا چائیدا اے: ’’اَسی اُوہدا احترام نئیں کیتا‘‘ … ایتھوں تیکر کہ مقدسین وِچوں مقدس ترین… اُوہناں نے وی اِک وری ’’اُوہدا احترام نئیں کیتا‘‘… اِک وری ’’اُوہدا احترام نئیں کیتا [اُوہناں دے مذہبی طور تے تبدیل ہون توں پہلاں]‘‘ (سی۔ ایچ۔ سُپرجئین، ’’کیوں مسیح دا احترام نئیں کیتا گیا اے،‘‘ میٹروپولیٹن عبادت گاہ دی خُطبہ گاہ ، پلگِرم اشاعت خانے، 1978 دوبارہ اشاعت، جلد LIII، صفحات 157).

ایسی آلے واعظ وِچ جیس دا عنوان سی، ’’کیوں مسیح دا احترام نئیں کیتا گیا اے،‘‘ سپرجئین نے چار وجوہات پیش کیتیاں نے کہ کیوں گمراہ دُنیا مسیح نوں سرھان وِچ ناکام رئی اے، کیوں مذہبی طور تے غیرتبدیل شُدہ لوکی مسیح دی اہمیت نئیں ویکھدے، اُوہدے بارے چہ ادب نال نئیں سوچدے، اُوہدا احترام تے عبادت نئیں کردے۔ سپرجئین کہندے نے کہ غیر محفوظ ایناں چار وجوہات دی وجہ توں اُوس دا احترام نئیں کردے نے:


(1)   لوکی مسیح دا ایس لئی احترام نئیں کردے کیوں جے اُو آپئی اپنے آپ نوں بہت زیادہ محترم گرداندے نے۔ ’’خود اعتمادی،‘‘ اُوہناں نے کہیا، ’’یسوع نوں دور رکھدی… تے جیس قدر ساڈی خود اعتمادی ودھدی اے، ’’اینی ای مضبوطی نال اَسی مسیح دے خلاف بوہا بند کرنے [تالا لگانے] آں۔ خود نال محبت نجات دہندہ دی محبت نوں روکدی اے۔‘‘

(2)   لوکی مسیح دا احترام ایس لئی نئیں کردے کیوں جے اُو دُنیا نوں بہت زیادہ احترام دیندے نے۔ ’’اَسی اُوس دا احترام ایس لئی نئیں کردے کیوں جے اَسی دُنیا تے اُوس دیاں تمام حماقتاں نال پیار کرنے آں۔‘‘

(3)   لوکی مسیح دا احترام ایس لئی نئیں کردے کیوں جے اُو اُوہنوں جانندے نئیں۔ ’’مسیح دے بارے چہ جاننا تے مسیح نوں خود جاننا، ایناں دوواں دے وچکار بہت واضح امتیاز اے… جیہڑے مسیح دے بارے چہ غلط سوچدے نے اُوہنوں کدی وی نئیں جان سکے… ’اَسی اُوہدا احترام نئیں کیتا‘… کیوں جے اَسی اُوہنوں جانندے ای نئیں سی۔‘‘

(4)   لوکی مسیح دا احترام نئیں کردے کیوں جے اُو روحانی طور تے مُردہ نے۔ ’’ایس وِچ حیران ہوں دی کوئی ضرورت نئیں اے کہ اَسی مسیح دا احترام نئیں کردے سی، کیوں جے اَسی روحانی طور تے مُردہ نئیں سی… اَسی ’مُردہ سی گناہواں تے بے جا مداخلتاں دی سبب نال‘ تے جیویں لعزر اپنی قبر وِچ سی، ہر لنگدے ہوئے لمحے دے نال اَسی زیادہ تے زیادہ خراب ہوندے جا رئے آں۔‘‘


بنی نوع انسان دا نجات دہندہ نوں رد کرن دی ایہہ وجوہات نے جیہڑیاں سپرجئین نے پیش کیتیاں، اُوس حقیقت دے لئی کہ اُو اُوس [یسوع] وِچ احترام نئیں ویکھدے۔ مینوں حیرت اے، کی ایس کلام دا اِطلاق تہاڈے تے ہوندا اے؟

’’لوکاں نے اُوہنوں حقیر جانیا تے ٹھکرایا، اُو اِک غمگین بندہ سی جیہڑا رنج توں آشنا سی: تے اُوس بندے وانگر سی جینوں ویکھ کے لوکی منہ وٹ لیندے نے۔ اُوہنوں حقیر سمجھا گیا تے اَسی اُوس دی کُج قدر نہ جانی‘‘ (اشعیا53:3)۔

کی ایس واعظ دے لفظاں نے تہانوں اپنی بدکاری، تے یسوع لئی تہاڈے دِل دی ضدی مدافعت دے بارے چہ سوچن تے مجبور کیتا؟ کی تُسی اپنی دِل دیاں تھوڑی بوتی بدعنوانیاں نوں محسوس کیتا، جیہڑیاں مسیح نوں رد کردیاں نے تے اُوس دا احترام نئیں کردیاں نے؟ جے تُسی خود وِچ ماڑی جئی وی اُو ناخوشگوار بدعنوانی محسوس کیتی اے، تے میں تہانوں یقین دلانا واں کہ ایہہ صرف خُدا دے فضل نال اے کہ تُسی اینج محسوس کیتا۔ جیویں کہ بُوڑھے جان نیوٹن نے لکھیا اے،

حیرت انگیز فضل! کیس قدر میٹھی واج
   جیس نے میرے وگرے تباہ حال نوں بچایا!
میں جہیڑا کدی گواچ گیا سی، لیکن ہُن مل گیا واں،
   اَنّا سی لیکن ہُن ویکھ سکنا واں

ایہہ فضل سی جیس نے میرے دِل نوں خوف سیکھایا،
   تے فضل ای نے میرے خوفاں نوں نجات دِتی؛
ایہہ فضل کیس قدر قیمتی لگدا اے
   جیس گھنٹے میں پہلی وری یقین کیتا سی!
(’’حیرت انگیز فضلAmazing Grace‘‘ شاعر جان نیوٹن، 1725۔1807)۔

جے تُسی محسوس کردے اُو کہ تہاڈا ضدی دِل یسوع دے خلاف سُلاخاں دے پِچھے قید اے، تے جے کسی وی حد تیکر تُسی محسوس کردے اُو کہ تُسی اپنی بدحال بدکاری وِچ مسیح نوں رد کر رئے اُو، تے کی تُسی ہُن اپنی حیاتی اُوس دے حوالے کرو گے؟ کی تُسی مسیح دے کول آؤ گے، جینوں دُنیا رد کردی اے تے حقیر سمجھدی اے؟ میں دعا منگنا واں کہ خُداوند تہانوں اپنے پیارے پُتر وَل کھِچ لہیائے۔ جدوں تُسی یسوع دے کول آؤ تُسی اُوس دی راستبازی تے لہو دے وسیلے نال گناہ تے جہنم توں بچا لیے جاؤ گے۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلام پاک وِچوں تلاوت پادری صاحب نے کیتی: اشعیا52:13۔52:3 .
واعظ توں پہلاں کلیاں گیت مسٹر بینجیمن کینکیڈ گریفتھ نے گایا سی:
’’حیرت انگیز فضلAmazing Grace‘‘
(شاعر جان نیوٹن John Newton، 1725۔1807).


لُبِ لُباب

مسیح – عالمگیر طور تے حقیر جانیا گیا

(اشعیا53 باب تے واعظ نمبر4)
CHRIST – UNIVERSALLY DEVALUED
(SERMON NUMBER 4 ON ISAIAH 53)

ڈاکٹر آر۔ ایل۔ ہائیمرز، جونئیر وَلّوں
.by Dr. R. L. Hymers, Jr

’’لوکاں نے اُوہنوں حقیر جانیا تے ٹھکرایا، اُو اِک غمگین بندہ سی جیہڑا رنج توں آشنا سی: تے اُوس بندے وانگر سی جینوں ویکھ کے لوکی منہ وٹ لیندے نے۔ اُوہنوں حقیر سمجھا گیا تے اَسی اُوس دی کُج قدر نہ جانی‘‘ (اشعیا53:3)۔

(رومیوں8:7؛ متی27:30، 26)

I.    پہلی گل، مکمل بدکاری دی وجہ توں لوکی مسیح نوں حقیر جاندے تے اُوس دی قدر نئیں کردے نے،
اشعیا53:3الف۔

II.   دوجی گل، مکمل طور تے مسخ کیتا جان مسیح دی غمگینی تے دُکھ دا سبب اے،
اشعیا53:3ب؛ لوقا13:34؛ 22:44 .

III.  تیجی گل، ساری دی ساری بدکاری نسلِ انسانی لئی مسیح توں اپنا چہرہ لُکہان دا سبب بنندی اے،
اشعیا53:3ج؛ 2کرنتھیوں11:4؛ متی24:24 .

IV.  چوتھی گل، بنی نوع انسان دا مسیح نوں حقارت دی نظر نال ویکھنا مکمل بدکاری دا
سبب اے، اشعیا53:3د.