دو چور تے وِچکار چہ یسو | Two Thieves, and Jesus in the Midst

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

کئی وریاں پہلاں ڈاکٹر رابرٹ ایل سومنر Robert L. Sumner دی لکھی ہوئی خدا وَلّوں پیہجھیا گیا اِنسان Man Sent from God نامی اِک کتاب کسی نے میہنوں پیہجھی سی۔ ایہ ڈاکٹر جان آر رائس (1895۔1980) دی حیاتی دی کہانی سی۔ میں بیٹھ کے اِک شامی تقریباً دس وجے اُوہنوں پڑھنا شروع کیتا۔ میں اُوس راتی، پوری دی پوری کتاب، شروع توں لے کے آخیرلے ورقے تیکر پڑھی۔ میں اُوہنوں ہتھوں نئیں رکھ پایا کیوں جے میں ویکھیا کہ ڈاکٹر رائس ایہو جئے بہتیرے تجربات وِچوں لنگہے نے جیہڑے میرے وگرے سن۔ اُو بہوتی ساری آزمائشاں تے مشکلاں وِچوں لنگہے تے بائبل دا دفاع کرن تے اُوہناں تے وحشیانہ طور تے حملے کیتے گئے، سچائی دے لئی تے بغیر کسی سمجھوتے دے مسیح دی انجیل دی تبلیغ کرن دے لئی کِھلون تے اُوہناں تے شیطانی حملے کیتے گئے۔ میں ڈاکٹر رائس نال صرف اِک وری ملیا سی، اُوہناں دے مرن توں چند ہفتے پہلاں اُوہناں دے دفتر وِچ اُوہناں دے نال چند گھنٹے لنگہائے سن۔ اُودھوں توں میں ڈاکٹر رائس دی لکھی ہوئی زیادہ تر کتاباں پڑھیاں نے، تے اُوہناں نے میری حیاتی تے گہرا اثر چھڈیا اے۔ میں ایہدے لئی خدا دا شکر گزار آں۔ اَج دی سویرے میں تہانوں اِک واعظ پیش کر رہیا آں جیہڑا اُوہناں دے پیغام، ’’اُوہدے نال دوجے دو‘‘ توں لیہیا گیا اے، جیہڑا اُوہناں دی کتاب اُو خوشخبری جیہڑی 16,000 لوکاں نوں نجات دلا چکی اے The Godpel That Has Saved 16,000 Souls توں لیہیا گیا اے (سورڈ آف دی لارڈ پبلشرز Sword of the Lord Publishers، 1974، صفحہ 39-54)۔

’’اُوہناں نے یسوع نوں مصلوب کیتا تے اُوہدے نال دو ہُور بندیاں نوں وی، اِک نوں یسوع دے اِک پاسے تے دوجے نوں دوجے پاسے، تے یسوع نوں وِچکار چہ‘‘ (یوحنا 19: 18)۔

یروشلم شہر دے باہر اِک چھوٹی پہاڑی تے بہوتا وڈا اِکٹھ تین مجرماں نوں مردے ہوئے ویکھنے دے لئی جمع سی۔ لیکن ہُن سانوں اُوس اِکٹھ دے نال کوئی سروکار نئیں اے۔

اُوہدے لاگے ای رومی فوج دا اِک افسر (جیہڑا سو سپاہیاں دا انچارج) اے، جیہدے کول سپاہیاں دا اِک دستہ اے، جیہڑا پھانسی دا اِنچارج اے۔ ایتھے ای عدالتِ عالیہ دے ارکان، تے سردار کاہن وی سن، جِنہاں نے اِک راتی پہلاں یسوع نوں کفر کیہن دے اِلزام وِچ سزا دِتی سی۔ لیکن ہُن سانوں اُوہناں نال کوئی سروکار نئیں اے۔

لاگے ای چند عورتاں نے، یسوع دی ماں مریم، مریم مگدلینی، تے کُجھ دوجیاں عورتاں جیہڑیاں گلیل توں یسوع دے مگر مگر آئیاں سن۔ لیکن ہُن سانوں اُوہناں نال کوئی سروکار نئیں اے۔

اَسی اُوہناں لوکاں دے بارے چہ نئیں سوچ رئے آں جیہڑے یسوع نال محبت کردے نے تے جیہڑے اُوہدے نال نفرت کردے نے۔ اِک لمحے دے لئی وی سانوں اُوہناں نال کوئی سروکار نئیں اے۔

ایہدے بجائے، ساڈا دو بندیاں دے نال سامنا اے جیہڑے دوویں پاسے سولیاں تے کیلاں نال جڑے ہوئے نے تے اُوہناں دے وِچکار سولی تے یسوع جڑیا ہویا اے۔ یسوع دے دوویں پاسیاں دے دوویں بندیاں نوں مصلوب کر کے موت دی سزا سُنائی گئی اے۔ ایہ دوویں سورج غروب ہون توں پہلاں ای مر جان گے۔

آئیے ایہناں دوویں بندیاں دے بارے وِچ سوچن دے لئی چند لمحے کڈیے، جیہڑے یسوع دے دوویں پاسے سولی تے کیلاں نال جڑے ہوئے نے۔

I۔ پہلی گل، ایہ دو بندے ساری بنی نوع انسان دی نمائندگی کردے نے۔

جی ہاں، زمین تے ہر بندے دی نمائندگی سولیاں تے ایہناں دوویں بندیاں دے ذریعہ کیتی جاندی اے۔ دُنیا وِچ ہر کوئی، تے ایتھے موجود ہر کوئی، اَج دی سویر، مصلوبیت دے خوفناک منظر وِچ ایہناں دو المناک شخصیات دی نمائندگی کر رہیا اے۔

اَساں ساریاں وانگوں ایہ دوویں آدمی گنہگار نے۔ بائبل کہندی اے،

’’پس جیویں اِک بندے دے ذریعے گناہ دُنیا وِچ داخل ہویا تے گناہ دے سبب توں موت آئی، اُونج ای موت سارے انساناں وِچ پھیل گئی کیوں جے سب نے گناہ کیتا‘‘ (رومیوں 5: 12)۔

مرن آلے ایہناں دوویں مجرماں نے انسانی شریعت نوں توڑیا اے تے مجرم نے۔ لیکن ایہناں دا ایہدے توں کِدرے بوہتا سنگین مسئلہ اے۔ اُو خدا دے سامنے گنہگار نے۔ بائبل ایہنوں واضح کردی اے، ’’کیوں جے ساریاں نے گناہ کیتا اے، تے خدا دے جلال توں محروم نے‘‘ (رومیوں 3: 23)۔ کُجھ لوکاں نے ظاہری گناہ کیتے نے، جیویں قتل، زنا، یا چوری۔ دوجیاں نے اپنے دِلاں وِچ نفرت، ہوس تے لالچ نال گناہ کیتا اے۔ لیکن ساریاں نے گناہ کیتا اے۔ ہر کوئی فطرتاً تے عمل توں گنہگار اے۔ بائبل کہندی اے،

’’کوئی راستباز نئیں، اِک وی نئیں … سارے دے سارے گمراہ ہو گئے نے، اُو کسی کم دے نئیں رئے‘‘ (رومیوں 3: 10، 12)۔

ایہ دو بندے، جیہڑے سزایافتہ گنہگار نے، گنہگاراں دی پوری انانی نسل دی نمائندگی کردے نے۔ آئیے اپنے آپ نوں دھوکہ نہ دیو۔ اَسی سارے گنہگار آں۔ جے سانوں اُو لبھ گیا جیہدے اَسی مستحق سن تے ساڈے وِچوں ہر اِک پہلاں توں ای جہنم وِچ ہووے گا، کیوں جے اَسی سارے خدا دی نظر وِچ جہنم دے مستحق گنہگار آں۔ تے چونکہ اِسی سارے گنہگار آں، ایس لئی اَسی سارے اپنے گناہواں دی سزا پانے آں۔ تے ایہ دوویں چور اَساں ساریاں دی تے ساری بنی نوع انساندی نمائندگی کرنے آں۔

بائبل کہندی اے،’’جیویں انسان دا اِک وری مرنا تے اُوہدے بعد عدالت دا ہونا مقرر اے‘‘ (عبرانیوں 9: 27)۔ ایہ دوویں چور اُوس ای ویلے مر گئے سن جدوں سپاہیاں نے اُوہناں دیاں لتاں دیاں ہڈیاں توڑ دِتیاں تاکہ اُو چھیتی مر جان۔ کوئی اُوہناں تے ماتم کرن آلا یا اُوہناں تے ترس کھان آلا نئیں اے۔ کوئی ہُور دھیرے دھیرے مردا اے، ڈاکٹراں دے کول حاضر ہوندا اے، تے رشتہ دار تے دوست بیلی روندے روندے ماتم کردے نے۔ ایہدے باوجود، اُو سارے مر جاندے نے، تے اُو مر جاندے نے، کسی نہ کسی لحاظ نال، اِک ای وگرے – گنہگار خدا توں ملن دے لئی نکلدے نے۔ میں کہنا آں کہ ایہ دوویں آدمی ساری بنی نوع انسان وانگوں نے، کیوں جے اَساں ساریاں نوں مرنا اے۔

ایہ عجیب اے، لیکن موت ہمیشہ حیرت دے طور تے آندی اے۔ ایہ ہمیشہ بہوتی اچانک ہوندا اے۔ لوکی کدی وی تیار نئیں ہوندے۔ پاویں موت اِک رینگدے ہوئے کینشر دے طور تے آئے، تہاڈی طاقت نوں ختم کرن تے اَخیر کار تہاڈے دِل نوں روکن دے لئی آئے، یا پاوہں اُو تہاڈے تے کسی جنگلی درندے وانگوں جھپٹے، موت ناگزیر اے۔ ساریاں نوں مرنا اے۔ ایہ دوویں چور اپنی موت وِچ سارے انساناں دی نمائندگی کرنے آں۔

نیز، ایہناں دوویں آدمیاں نوں پتا چلیا، جیویں کہ اَساں ساریاں نوں معلوم ہونا چائیدا اے، کہ صرف ابدیت دی اہمیت اے۔ ہُن اُوہناں دے لئی کی فرق پیہندا اے، جدوں اُو ایہناں سولیاں تے ننگے لٹکدے نے، بغیر کپڑیاں دے، بغیر پیسیاں دے، ایس دُنیا وِچ کسی شے دے بغیر؟ ہُن اُوہناں دے لئی صرف اِک اہم شے ایہ اے کہ اُو خدا نال ملن۔ ہُن اُوہناں دے لئی ابدیت ای اہمیت رکھدی اے۔

تہاڈے مرن دے پنج منٹ بعد ایہدے نال کوئی فرق نئیں پیہئے ا کہ تُسی ڈونلڈ ٹرمپ وگرے امیر آدمی اُو، یا بھکاریاں دے علاقے وِچ غریب بھکاری اُو۔ ایہدے نال کوئی فرق نئیں پیہئے گا کہ تُسی لیکسس وگری مہنگی ترین گڈی چلائی اے یا بس لینی اے۔ ایہدے نال کوئی فرق نئیں پیہئے گا کہ تہاڈا گھر چنگا سی یا شاہراہ دے ہیٹاں گتے دے خانے وِچ رہندے سی۔ ایہدے نال کوئی فرق نئیں پیہئے گا کہ تُسی اِک عظیم کالج توں گریجویشن کیتا اے یا ہائی سکول توں ای باہر ہو گئے اُو۔ ایہدے نال کوئی فرق نئیں پیہئے گا کہ تُسی اِک مضبوط ایتھلیٹ سی، یا وھیل چئیر وِچ کوئی بیکار بندے سی۔ جدوں تہاڈے تے موت آئے گی، جیویں کہ اُوہناں دو بندیاں دے نال ہویا، تے ابدیت دے علاوہ کوئی شے اہمیت نئیں رکھدی۔ میں تہانوں ساریاں نوں کہنا آں جیہڑے اَج سویرے میہنوں سُنندے نے – تُسی موت توں نئیں بچ سکدے! صرف ابدیت اہمیت اے – تے ایس دُنیا دی شیواں دے بارے وِچ ایس قدر فکرمند ہونا کیہو جئی حماقت اے کہ تُسی جنت توں محروم ہو جاؤ! اِک پرانا گیت ایہنوں واضح کردا اے۔

تُسی ہمیشہ دی حیاتی کیتھے لنگہاؤ گے؟
   ایہ سوال تہاڈے تے، تے میرے تے آندا اے؛
اُو حتمی جواب کی ہووے گا؟
   تُسی ہمیشہ دی حیاتی کیتھے لنگہاؤ گے؟
ہمیشہ دی حیاتی! ہمیشہ دی حیاتی!
   تُسی ہمیشہ دی حیاتی کیتھے لنگہاؤ گے؟
(’’تُسی ہمیشہ دی حیاتی کیتھے لنگہاؤ گے؟ Where Will You Spend Eternity?
‘‘ شاعر علیشاہ اے۔ ھوفمین Elisha A. Hoffman، 1839۔1929)۔

II۔ دوجی گل، یسوع اُوہناں دی واحد اُمید دے طور تے اے۔

ساڈی تلاوت کہندی اے، ’’اُوہناں نے یسوع نوں سولی تے چڑھایا تے اُوہدے نال دو ہُور آدمیاں نوں وی، اِک نوں یسوع دے اِک پاسے تے دوجے نوں دوجے پاسے، تے یسوع نوں وِچکار چہ‘‘ (یوحنا 19: 18)۔ اُوہناں لوکاں دی واحد اُمید ایہ اے کہ یسوع اُوہناں دے نال اے۔

اُوتھے سولی تے یسوع دے موجود ہون دا مطلب اے کہ گناہ دا کفارہ دِتا جا چکیا اے۔ ایہ دوویں آدمی پہلاں ای توں گمراہ یا غیرنجات یافتہ نے۔ اُو پہلاں ای توں گنہگار نے۔ اُو پہلاں ای توں قابلِ مذمت نے۔ اُو مرن آلے نے۔ اُوہناں دی واحد اُمید ایہ اے کہ خدا نے یسوع نوں سولی تے اُوہناں دی تھاں مرن دے لئی، اُوہناں دے گناہ دا کفارہ ادا کرن دے لئی پیہجھیا اے۔

یسوع کیہو جیہا متبادل اے، گنہگار دی تھاں مردے ہوئے، گنہگار دا قرض ادا کرن دے لئی! اُو گنہگاراں دی تھاں سولی تے تکلیفاں برداشت کر رہیا اے۔ ہُن، ’’خداوند نے اُوہدے تے اَساں ساریاں دی بدکاری لاد دِتی اے‘‘ (اشعیا 53: 6)۔ ایہناں دو گنہگاراں دے لئی واحد اُمید ایہ اے کہ یسوع اُوہناں دے گناہواں دا اِلزام تے سزا اپنے سر لے سکدا اے۔ تے اینج ای اَساں ساریاں دے نال اے۔ اُوتھے سولی تے یسوع دا مطلب اے کہ خدا نے اُوہنوں ساڈے گناہواں توں بچان دے لئی اُوتھے پیہجھیا اے۔ ایہدا مطلب ایہ اے کہ خدا سانوں پیار کردا اے، تے اُوہنے اپنے پُتر نوں ساڈے گناہواں نوں برداشت کرن دے لئی، تے ساڈی تھاں تے مرن دے لئی، ساڈے گناہواں دی ادائیگی دے لئی بخش دِتا۔

اُوتھے یسوع اُوہناں دے وِچکار ظاہر کردا اے کہ اُو قابلِ رسائی اے۔ اُو سانوں بچان دے لئی موجود اے۔ اُو دو چوراں دے وِچکار اے۔ ایہدے مطلب اے کہ اُوہنے اپنے آپ نوں عاجز کیتا اے۔ اُو آسمان توں اُتریا اے تے اپنے آپ نوں بنی نوع انسان دا حصہ بنا لیہیا اے۔ اُو اُوہناں ساریوں نوں قبول کرن دے لئی موجود اے جیہڑے اُوہدے تے پروہسا کردے نے۔ بائبل کہندی اے، ’’جیہڑے لوکی اُوہدے وسیلے نال خدا دے کول آندے نے اُو اُوہناں نوں پوری پوری نجات دے سکدا اے‘‘ (عبرانیوں 7: 25)۔ کوئی وی شخص یسوع دے کول ایمان دے نال آ سکدا اے تے اُوہدے ذریعے نجات پا سکدا اے۔ لیکن اُوہناں لوکاں دے لئی ویلہ مُک رہیا اے۔ تھوڑی دیر وِچ اُوہناں دے معاف کرن تے نجات پان دا آخری موقع ختم ہو رہیا اے۔

III۔ تیجی گل، اِک آدمی یسوع تے پروہسا کردا اے تے دوجا اُوہنوں رد کردا اے۔

اُو دوویں برابر دے قصور وار نے۔ اُو دوویں قابلِ مذمت نے۔ اُو دوویں اپنے گناہواں چہ مر رئے نے۔ ایہو جیہا کوئی لفظ نئیں کہ اُوہناں وِچوں اِک دوجے توں بہتر ہووے۔ اُو دوویں ای گنہگار نے، جہنم دے لئی سزایافتہ نے۔ بائبل سانوں دسدی اے کہ اُوہناں دوواں چوراں نے مسیح دا مخول اُڑایا، تے دِن دے دوران چہ یسوع دے خلاف واجاں کسیاں (متی 27: 39-44)۔ مرقس سانوں دسدا اے، ’’اُو جیہڑے اُوہدے نال مصلوب کیتے گئے سن اُوہناں نے اُوہنوں بُرا بھلا کہیا‘‘ – اُوہدی توھین کردے رئے (مرقس 15: 32)۔ ایہ دوویں بندے سخت گہنگار سن۔ اُوہناں وِچ کوئی فرق نئیں سی۔ اُو دوویں گمراہ ہوئے گنہگار سن۔

لیکن اُوہناں وِچوں اِک نوں روح القدس دے ذریعے اُوہدے گناہ دا مجرم ٹھہرایا گیا۔ اچانک خدا دی روح نے اُوہدے دِل نوں چھو لیہیا تے اُوہنے اپنے گناہ دا اِقرار کیتا۔ دوجا چور یسوع دی توھین کردا رہیا۔ لیکن ایہ شخص اپنے گناہ توں تنگ آ گیا سی، تے اُوہنے دوجے نوں کہیا، ’’کی تیہنوں خدا توں ڈر نئیں لگدا، ایہ ویکھ کے کہ توں وی اُوسی سزا وِچ اے؟ تے اَسی واقعی انصاف پسند آں؛ کیوں جے سانوں اپنے اعمال دا مناسب اجر لبھدا اے، لیکن ایس آدمی [یسوع ] نے کُجھ غلط نئیں کیتا سی‘‘ (لوقا 23: 40، 41)۔

اُو یسوع تے اِک چنگے بندے دے طور تے نئیں بلکہ اِک گنہگار دے طور تے پروہسا کردا اے۔ بائبل کہندی اے، ’’مسیح یسوع دُنیا وِچ گنہگاراں نوں نجات دلان دے لئی آیا‘‘ (I۔ تیمتھیس 1: 15)۔ تُسی ویکھدے اُو، مسیح گنہگاراں دے سوال کسی نوں نئیں بچاندا۔ ایہ آدمی جانندا سی کہ اُو گنہگار اے، ایس لئی مسیح اُوہنوں گناہ دی سزا توں بچا سکدا اے۔

اُوہنے یسوع نوں سولی تے مردے ویکھیا سی۔ اُوہنے یسوع دی دعا سُنی، ’’اے باپ، اُوہناں نوں معاف کر کیوں جے اُو نئیں جانندے کہ اُو کی کردے نے‘‘ (لوقا 23: 34)۔ اُوہنے ویکھیا کہ یسوع کیہنا پیارکرن آلا تے دیکھ بھال کرن آلا سی۔ تے اُوہنے کہیا، ’’ایس آدمی نے کُجھ غلط نئیں کیتا‘‘ (لوقا 23: 41)۔ اُوہنے سُنیا سی کہ سردار کاہن یسوع تے اِلزام لگاندے نے کہ اُو مسیحا، خدا دا پُتر اے۔ لیکن اچانک ایہ چور اپنے دِل وِچ جانندا اے کہ یسوع واقعی مسیحا تے نجات دہندہ اے۔

ایہ آدمی ہُن اِک بہوتا ای سادہ ایمان رکھدا اے، جیہڑا اُوہدے دِل وِچ روح القدس نال پیدا ہوندا اے۔ تے اُو یسوع نوں کہندا اے،

’’خداوند، جدوں توں اپنی بادشاہی وِچ آئے تے میہنوں یاد رکھنا‘‘ (لوقا 23: 42)۔

ایہدے توں ظاہر ہوندا اے کہ اُوہنے یسوع تے پروہسال کیتا۔ ایہ بہوتی سادہ جئی گل سی۔ اُوہنے کُجھ وی نئیں چھپایا سی۔ اُوہنے یسوع تے پروہسا کیتا، تے یسوع نے اُوہنوں بچایا۔ تے یسوع نے اُوہنوں کہیا،

’’توں اَج ای میرے نال فردوس وِچ ہووے گا‘‘ (لوقا 23: 43)۔

ایہ چور یسوع تے پروہسا کردا اے، تے سیوع اُوہدے سارے گناہواں نوں معاف کر دیہندا اے، تے اپنے قیمتی لہو نال اُوہناں نوں صاف کردا اے۔ تہانوں نجات پان دےلئی بہوتا زیادہ کُجھ جانن دی لوڑ نئیں اے۔ تہاڈے گناہ اُوہدے لہو نال دُھل جان گے جے تُسی سادہ ایمان دے نال یسوع تے پروہسا کردے اُو۔ وقت دے اِک لمحے وِچ، اُوس گنہگار آدمی نے یسوع تے پروہسا کیتا تے نجات پائی۔ ایہدے وِچ کوئی شک نئیں سی! یسوع نوں ایہنا یقین سی کہ ایہ آدمی ہُن بچ گیا اے کہا اُوہنے اُوہنوں کہیا،

’’توں اَج ای میرے نال فردوس وِچ ہووے گا‘‘ (لوقا 23: 43)۔

جیس لمحے تُسی یسوع تے پروہسا کردے اُو، تسی وی، سارے گناہواں توں پاک ہو جاؤ گے، تے ہمیشہ دے لئی، تے ابدیت دے لئی محفوظ ہو جاؤ گے!

لیکن دوجے چور نوں کی ہویا؟ جے اَسی بائبل نوں سنجیدگی نال لیہیے تے ایہ واضح اے کہ دوجے چور نے توبہ نئیں کیتی تے یسوع تے پروہسا نئیں کیتا۔ ایہدے وِچ کوئی شک نئیں کہ اُو اُوس دِن مردے ای جہنم وِچ گیا۔

اُوس دوجے چور دے کول نجات پان دا اِک آخری موقع سی، لیکن اُوہنے یسوع نوں مسترد کر دِتا۔ تے ایس لئی اُوہنوں اپنے گناہواں دا کفارہ ادا کرن دے لئی جہنم وِچ جانا پیہیا، کیوں جے اُوہنے یسوع تے پروہسا کرن توں انکار کر دِتا سی تے نجات دہندہ دے ذریعے اپنے گناہواں نوں معاف کرواں توں انکار کر دِتا سی۔ اُوہنے یسوع نوں ٹھکرا دِتا تے جہنم وِچ ٹُر گیا۔

پیارے گنہگار، تہانوں بچایا جا سکدا اے، جیویں کہ پہلا چور سی۔ اُوہنے یسوع نال منت کیتی کہ اُو اُوہنوں یاد رکھے، تے یسوع نے اُوہنوں بچایا، اُوہدے سارے گناہواں نوں معاف کر دِتا، تے اُوہنوں جنت وِچ، آسمان تے لے گیا، تاکہ اُوس دِن خدا دے نال ہووے۔ تُسی وی ایمان دے اِک لمحے وِچ یسوع تے پروہسا کر سکدے اُو، تے اُو تہاڈے گناہواں نوں معاف کر دے گا تے تہانوں وی بچائے گا۔ اَسی کس قدر شدت نال دعا منگنے آں کہ تُسی اَج یسوع تے پروہسا کرو گے تے نجات پا جاؤ گے، خدا دے پتر دے ذریعے تُسی اپنے گناہواں توں معافی پاؤ گے۔

اَسی تہاڈے گیت دے ورق تے حمد نمبر سات گان جا رئے آں۔ جے تُسی ڈاکٹر کیگن تے میرے نال یسوع دے ذریعے نجات پان دے بارے وِچ گل کرن چہ دلچسپی رکھدے اُو، تے مہربانی نال اپنی کرسی چھڈ کے کمرے دے پچھلے پاسے وَل چلے آؤ، جدوں کہ اَسی گا رئے آں۔

جدوں اَسی دعا کرنے آں تے التجا کرنے آں،
   جدوں تُسی اپنی روح دی انتہائی گہری ضرورت نوں ویکھدے اُو،
جدوں ساڈا باپ تہانوں گھر بُلاندا اے،
   تے کی تُسی، اے گنہگار، نئیں آؤ گے؟
ہُنے ای کیوں نئیں؟ ہُنے ای کیوں نئیں؟
   ہُنے ای کیوں نئیں؟ ہُنے ای کیوں نئیں؟
ہُنے ای کیوں نئیں؟ ہُنے ای کیوں نئیں؟
   ہُںے ای کیوں نئیں یسوع دے کول آندے؟

ایس دُںیا وِچ تُسی لبھن چہ ناکام رئے اُو
   پریشان ذہن دے لئی محض امن؛
مسیح دے کول آؤ، اُوہدے تے ای یقین کرو،
   امن تے خوشی تُسی لبھ لؤ گے۔
ہُنے ای کیوں نئیں؟ ہُنے ای کیوں نئیں؟
   ہُنے ای کیوں نئیں؟ ہُنے ای کیوں نئیں؟
ہُنے ای کیوں نئیں؟ ہُنے ای کیوں نئیں؟
   ہُںے ای کیوں نئیں یسوع دے کول آندے؟
(’’ہُنے ای کیوں نئیں؟ Why Not Now? ‘‘ شاعر ڈانیئل ڈبلیو۔ وھٹل
Daniel W. Whittle، 1840۔1901)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

دو چور تے وِچکار چہ یسوع