Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




نئے سال دا اِک وعدہ – تے تبنیہہ

A NEW YEAR’S PROMISE – AND WARNING!
(Punjabi - A Language of Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ تبلیغی واعظ
خُدواند دا دِن، دوپہر12:30، یکم جنوری، 2012
A sermon preached at the Baptist Tabernacle of Los Angeles
Lord’s Day, 12:30 PM, January 1, 2012

’’جے اَسی دُکھ اُٹھاواں گے تے اُوہدے نال بادشاہی وی کراں گے، جے اَسی اُس دا اِنکار کراں گے تے اُو وی ساڈا اِنکار کرے گا‘‘ (2 تیموتاؤس2:12)۔


لندن چہ اپنی ابتدائی مذہبی خدمت دے دوران سی۔ ایچ۔ سپرجیئن C. H. Spurgeon نوں ہر سال دے آخری چہ اِک لفافہ جیدے وِچ کاغذ دی اِک سِلپ ہوندی سی موصول ہوندا سی۔ اُوس کاغذ تے کلام پاک دی اِک آیت ہوندی سی جیہڑی نوے سال لئی اُوہناں دے واعظ لئی استعمال کیتی جانی ہوندی سی۔ ایناں تلاوتوں نوں اُوس نوجوان تے انتہائی کامیاب بپٹسٹ مبلغ سپرجیئن لئی انگلستان دے اِک گرجا گھر وِچوں اِک مذہبی بزرگ رہنما وَلّوں چُنیا جاندا سی۔ ایہہ بزرگ اینجلیکل مذہیب خادم اِک چھوٹے جئے گاؤں دے گرجا گھر وِچ پادرانہ خدمات سرانجام دے رئے سن، لیکن سپرجیئن دے دِل وِچ اُوہناں لئی شدید احترام سی، تے کئی وریاں تیکر تسلسل دے نال اُوس عظیم بپٹسٹ مبلغ نے اپنے نوے سال دے واعظ دعا دی بھرپوری دے نال چُنی گئی اُس آیت تے دِتّے جیہڑے نوے سال تے اُوہناں لئی دوجے فرقے دے اِس قابلِ احترام تے پاکیزہ بندے وَلّوں چُنی جاندی سی۔ اُوہناں نے اُوس مذہبی خادم دا ناں ظاہر نہیں کیتا، لیکن سپرجیئن نے ہمیشہ تذکرہ کیتا کہ اُس بزرگ اینجلیکل کاہن نے اُس آیت نوں چُنیا سی جیدی اُو نوے سال تے منادی کرن گے۔

3 جنوری، 1864 دے دِن وی سپرجیئن نے اِک وری فیر اُوسی وڈیرے پادری وَلّوں اُوہناں نوں پیجی گئی آیت تے تبلیغ کیتی۔ 1864 وِچ نوے سال لئی تحفے وِچ پیجی گئی اُو تلاوت سی،

’’جے اَسی دُکھ اُٹھاواں گے تے اُوہدے نال بادشاہی وی کراں گے، جے اَسی اُس دا اِنکار کراں گے تے اُو وی ساڈا اِنکار کرے گا‘‘ (2 تیموتاؤس2:12)۔

میں تہانوں سپرجیئن دے واعظ دا مختصر تے ترمیم کیتا ہویا نسخہ پیش کر رہیا واں۔ میں پہلے نکتے نوں کسی حد تیکر اُوہناں مسیحیاں لئی بے شمار واقعات نوں سامنے لہیان لئی پھیلا کے پیش کیتا اے جنہاں نے دورِ حاضرہ وِچ اپنے ایمان لئی تکلیفاں برداشت کیتیاں۔ دوجے نکتے وِچ میں مسیح دی انکاری دے بارے چہ دو ہولناک مثالاں نوں شامل کراں گا، جنہاں نوں سپرجیئن نے بذاتِ خود اپنے واعظ ’’یسوع دے نال تکلیفاں برداشت کرنا تے بادشاہی کرناSuffering and Reigning with Jesus‘‘ وِچ پیش کیتا (سی۔ ایچ۔ سپرجئین، میٹروپولیٹن دی عبادت گاہ دے منبر توں The Metropolitan Tabernacle Pulpit، پِلگرِم اشاعت خانے، دوبارہ اشاعت1991، جلد دہم، صفحات1۔12)۔

’’جے اَسی دُکھ اُٹھاواں گے تے اُوہدے نال بادشاہی وی کراں گے، جے اَسی اُس دا اِنکار کراں گے تے اُو وی ساڈا اِنکار کرے گا‘‘ (2 تیموتاؤس2:12)۔

تلاوت قدرتی طور تے دو حصیاں وِچ تقسیم ہوندی اے: یسوع دے نال تکلیفاں چُکنا، تے اُوہناں دا انعام – یسوع دے نال مرنا تے اُہدی سزا۔

I۔ پہلی گل، یسوع دے نال تکلیفاں چُکنا تے اُوہناں دا انعام۔

تکلیفاں چکنا ساریاں لوکاں دی اِک عام جئی حالت اے۔ ایدے توں فرار ممکن نئیں اے۔ جدوں اسی پیدا ہوندے آں تے تکلیف وچ ای ایس دُنیا وچ آندے آں، تے جدوں اسی مرنے آں تے تکلیف وچ ای مرنے آں۔ جیویں کہ ایوب اینوں لکھدا اے،

’’انسان جہیڑا عورت توں پیدا ہوندا اے چند دناں دا اے تے مصیبت دا ماریا ہویا وی‘‘ (ایوب 14:1).

کوئی وی حیاتی دیاں آزمائشاں تے دُکھاں توں نئیں بچ سکدا۔ فیر، ایوب دی کتاب وچ پڑھنے آں،

’’انسان دُکھ اُٹھان لئی پیدا ہویا اے، چنگاریاں وانگوں جہیڑیاں اُتے نوں اُٹھدی رہندیاں نے‘‘ (ایوب5:7)۔

گناہ دی تباہ کیتی گئی دُنیا وچ تکلیفاں چُکنا چونکہ تمام لوکاں دا عام مقدر اے، تے ایدا مطلوبہ طور تے ایہہ مطلب نئیں ہوندا کہ ایناں دا تجربہ کرن لئی تہانوں انعام دِتا جائے گا۔ ایس حیاتی وچ تہانوں شاید بہت وڈے وڈے دُکھاں توں گزرنا پئے، لیکن اُو تہانوں آن آلے قہر توں بچا نئیں پان گیاں۔ تُسی شاید انتہائی شدید مصیبتاں توں گزرو تے ایدے باوجود گمراہ یا غیر نجات یافتہ ای رہوو، کیونکہ،

’’جدوں تیکر کوئی نئے سرے توں پیدا نہ ہووے، اُو خُدا دی بادشاہی نوں نئیں ویکھ سکدا‘‘ (یوحنا3:3)۔

تے، ایویں، زمین تے مصیبتاں دی کوئی وی تعداد اِک غیر نجات یافتہ شخص نوں جنت وچ داخل ہون چہ مدد نئیں کر سکدی۔

تکلیفاں کوئی ایہو جئی شے نئیں نے جنہاں دا کلا مسیحی ای تجربہ کردے نے۔ نا ہی مصیبتاں فوری طور تے اپنے نال انعام لہیاندیاں نے۔ ایہہ تلاوت نہایت واضح طور تے ظاہر کردی اے کہ سانوں اُوس یسوع دے نال دُکھ چُکنے نے جے اُوہدے نال بادشاہی کرنی اے۔ اُو دُکھ جنہاں دا نتیجہ یسوع نال بادشاہت کرنا ہوندا اے اُو خُداوند یسوع مسیح دے نال دُکھ ہونے چاہیدے نے۔ تہانوں نئیں سوچنا چاہیدا کہ تُسی مسیح دے نال دُکھ چُک رئے اُو جے تُسی مسیح ’’وچ‘‘ نئیں اُو۔ جے تُسی مسیح دے کول نئیں آئے اُو تے زمین تے تہاڈے دُکھ جہنم وچ تجربہ کرن آلے اُوہناں دائمی دُکھاں دا پیش خیمہ ہوندے نے۔ صرف جدوں بندہ مسیح وچ ایمان لہیان دی تبدیلی دے ذریعے توں نجات دہندہ ’’وچ‘‘ ہوندا اے تے اُو اُودوں ای مسیح دے نال رفاقت وچ اپنے دُکھاں دا دعویٰ کر سکدا اے۔ کی تُسی اُوس مسیح وچ اِک جیوندے جاگدے ایمان دے وسیلے نال اُو؟ کی تُسی تنہا یسوع وچ پرہوسا رکھدے اُو؟ جے نئیں، تے زمین تے تُسی چاہے کیڑی وی مشکل تے بدنصیبی توں گزرو، تے تہاڈے کول یسوع دے نال اُوہدی بادشاہی وچ حکومت کرن دی کوئی اُمید نئیں ہوندی اے۔

فیر، سانوں نئیں سوچنا چاہیدا کہ اسی مسیح دے نال دُکھ چُک رئے آں جے ساڈے کول مصیبت گناہ دے نتیجے وچ آندی اے۔ جدوں مریم نے موسیٰ دی بُرائی دے بارے چہ گل کیتی سی تے کوڑھ نے اُوہدے جسم نوں زہریلا کر دِتا سی تے اُو خُدا لئی دُکھ نئیں چُک رئی سی۔ جدوں عُزیّاہ غیر شرعی طور تے ہیکل وچ آیا، تے اپنی باقی دی ساری حیاتی لئی کوڑی بن گیا، تے اُو نئیں کہہ سکدا سی کہ اُو راستبازی دی خاطر دُکھ چُک رہیا سی۔ جے تُسی جان بُجھ کے اپنے ہتھ نوں اگ وچ پاندے اُو تے ایہہ سڑ جاندا اے، تہانوں سڑانا اگ دی فطرت اے۔ لیکن احمق نہ بنو تے شیخی نہ مارو کہ تُسی اِک شہید اُو! جے تُسی غلطی کردے اُو تے ایدی وجہ نال دُکھ چُکدے اُو، تے تہانوں کی انعام ملے گا؟ سانوں ایہہ دعویٰ کرن توں سچائی تے ایمانداری باز رکھدی اے کہ اسی دُکھ چُک رئے آں کیوں جے اسی مسیحی آں جدوں کہ، درحقیقت، گناہ دے نتیجے وچ دُکھ چُک رئے آں۔

ساڈے وچ مسیح دا روح ہونا چائیدا اے ورنہ ساڈے دُکھ قابلِ قبول نئیں ہون گے۔ سانوں مسیح دی مثال دی پیروی کرنی چائیدی اے تے مسیح دے مقصد دی خاطر اِلزام نوں برداشت کرنا چائیدا اے۔ صرف اُودوں ای اسی سچے طور نال مسیح دے نال دُکھ چُکنے آں۔

آؤ ہُن اُوہناں کج طریقیاں دے بارے چہ سوچنے آں جنہاں توں اج نیک مسیحی یسوع دے نال دُکھ چُکدے نے۔ کج لوکی ہوندے نے جہیڑے مسیح دی فرمانبرداری تے محبت وچ مالی طور تے دُکھ چُکدے نے۔ میں تھوڑی دیر پہلاں ساڈے مناداں وچوں اِک دے ول نشاندہی کیتی سی، تے کافی سچائی دے نال کہیا سی کہ اِک شخص موجودہ تنخواہ توں تِن یا چار گُنا بہتر کما سکدا اے جے اُو اِتوار نوں کم کرن تے متفق ہو جاندا اے۔ ایہہ اِک ہور شخص دے بارے چہ وی سچا اے، اِک خاتون جہیڑی ساڈے ای گرجا گھر وچ اِک طبّی ڈاکٹر نے۔ دویں ای ہر سال ہزاراں ڈالرز دا نقصان چُکدے نے کیوں جے اُو مسیح نال بہت زیادہ محبت کردے نے کہ اُو خداوند دے دِن وی اپنے پیشے وچ کم کردے نے۔ اسی ایہو جئے مسیحی لوکاں نوں جاندے آں جنہاں نے اپنیاں نوکریاں محض ایس لئی گنوا دِتیاں کیوں جے اُوہناں نوں ملازمت دین آلے یعنی اُوہناں دے اجر اُوہناں دے خلاف اچھے مسیحی ہون دی وجہ توں تعصب رکھدے نے! اسی ہائی سکول تے کالج وچ طالب علماں نوں جاندے آں جنہاں دے گریڈز اُوہناں اِساتذہ دے ولوں گھٹ کر دِتے جاندے نے جہیڑے اُوہناں توں اُوہندے دے مسیح وچ ایمان دی وجہ نال نفرت کردے نے! ایہہ اُو دُکھ نے جنہاں دا ساڈی تلاوت وچ تذکرہ اے!

’’جے اسی دُکھ چُکاں گے تے اُوہدے نال بادشاہی وی کراں گے…‘‘
(2 تیموتاؤس2:12)۔

تاہم، زیادہ کثرت وچ، ایہہ دُکھ توہین، حقارت تے تحقیر دی شکل اختیار کر لیندے نے۔ کُج نوں پتا چلدا اے کہ دوجے اُوہناں دے کم کرن آلی جگہ تے اُوہناں تے حقارت آمیز انداز وچ ہنسدے نے تے اِک دوجے نال سرگوشیاں وچ گلاں کردے نے کہ ایہہ تے احمق، دھوکہ باز بیوقوف نے کیوں جے ایہہ خُدا دے بیٹے وچ ایمان رکھدے نے۔ ایہہ خصوصی طور تے اِک تکلیف دہ ڈنگ ہوندا اے جہیڑا نیک نوجوان مسیحی لوکاں لئی دُکھ دا سبب بندا اے، جدوں سکول وچ دوست اُوہناں توں کتراندے نے، تے اُوہناں دی پیٹھ پِچھے مُنہ دبا کے ہنسدے نے، ایہہ کہندے نے کہ اُو ’’عجیب‘‘ نے کیوں جے اُو یسوع مسیح لئی ڈٹ جاندے نے۔ ایتھو تیکر کہ گھر وچ، سچے مسیحی اپنے غیر مسیحی والدین جہیڑے بُدھ مت مذہب دے یا دوجے غیر مسیحی مذہب دے رُکن ہوندے نے اُوہناں دے غرور نال بھرے ہوئے تبصراں توں بچ نئیں سکدے۔ خُود اُوہناں دے اپنے پرا تے پہناں اُوہناں نوں شاید بیوقوف کہندے نے کیوں جے اُو نجات دہندہ نال محبت کردے نے۔ ایہہ وی اُو دُکھ نے جنہاں دا تذکرہ ساڈی تلاوت وچ اے،

’’جے اسی دُکھ چُکاں گے تے اُوہدے نال بادشاہی وی کراں گے…‘‘
(2 تیموتاؤس2:12)۔

ایس قسم دے دور وچ، جہیڑا اِیس قدر زیادہ یسوع تے اُوہدے سچے پیروکاراں توں نفرت تے تعصب دے نال بھریا ہویا اے، تے نجات دہندہ دے لفظاں نوں یاد رکھنا دانشمندی ہوندی اے،

’’آدمی دے دشمن اُوہدے اپنے گھر ای دے لوکی ہون گے۔ جہیڑا کوئی اپنے پیو یا اپنی ماں نوں میرے توں ودھ پیار کردا اے اُو میرے لائق نئیں تے جہیڑا کوئی اپنے پُتر یا تِی نوں میرے توں ودھ پیار کردا اے میرے لائق نئیں۔ جہیڑا کوئی اپنی صلیب چُک کے میرے پِچھے نئیں ٹُردا، میرے لائق نئیں‘‘ (متی 10:36۔38).

بے اعتقادے لوکی کیوں مسیحیاں توں ایس قدر ودھ نفرت کردے نے؟ یسوع نے ایدا جواب دِتا جدوں اُوہنے کہیا،

’’جے تُسی دُنیا دے ہوندے تے دُنیا تہانوں اپنیاں دے وانگوں عزیز رکھدی لیکن ہُن تُسی دُنیا دے نئیں اُو کیوں جے میں تہانوں چُن کے دُنیا توں الگ کر دِتا اے ایہو ای وجہ اے کہ دُنیا تہاڈے نال دشمنی رکھدی اے‘‘ (یوحنا 15:19).

’’فیصلہ سازیت‘‘ دے اِیناں جھوٹے تے بدکار دِناں وچ، جہیڑے مسیحی سلطنت دے ’’تاریک ادوار‘‘ توں بے شمار طریقیاں نال مماثلت رکھدے نے، بے شمار ایماندار پادری صاحبان نوں بائبل لئی تے ساڈی بپٹسٹ میراث لئی سچا ہون تے شدید حملیاں وچوں گزرنا چائیدا اے اُوہناں لوکاں نوں بپتسمہ دین توں انکار کرن دے ذریعے نال جنہاں دے کول مسیح نے اُوہناں نوں نجات دلان لئی کی کیتا ایدے بارے وچ واضح ہور شہادت نئیں اے! ایہہ وی اُو دُکھ نے جنہاں دا تذکرہ ساڈی تلاوت وچ اے،

’’جے اسی دُکھ چُکاں گے تے اُوہدے نال بادشاہی وی کراں گے…‘‘
 (2 تیموتاؤس2:12)۔

ساڈی تلاوت دے بارے وچ سوچن دے علاوہ کوئی مدد نئیں کر سکدا جدوں اُوس قابلِ قدر میگزین شُہدا دی آواز The Voice of Martyrs نوں پڑھدے نے، جیویں کہ میں ہر مرتبہ پڑھدا آں جدوں میں اُوہدے ای میل وچ موصول کردا آں۔ 2006 دے دسمبر دے شمارے وچ، انڈیا وچ اِک پادری صاحب دے بارے وچ دسیا گیا جینوں تقریباً مار ای ڈالیا گیا سی جدوں جنگجو ہندوؤاں نے اُوہدے تے حملہ کیتا جیس ویلے اُو ایسٹر سنڈے دے موقع تے مسیح دے مُردیاں وچوں جی اُٹھن تے تبلیغ کر رہیا سی۔ میگزین وچ اِک تصویر اُوہدا زخمی تے پٹیاں وچ لپٹیا ہویا چہرہ دکھاندی اے (ibid.، صفحہ8)۔

چین وچ، شُہد دی آواز The Voice of Martyrs میگزین نے برادرلِیو Brother Liu دے بارے وچ دسیا، جنہاں نوں خوشخبری دی منادی کرن لئی اینی واری گرفتار کیتا جا چُکیا اے کہ اُو ہُن گنتی بھُل چُکے نے۔ اُوہناں نے کہیا، ’’خداوند نے سانوں دسیا کہ اُوہدی راہ تے چلن دا رستہ مشکل اے۔ ایہہ اُو سڑک اے جتھے اُوہناں تے چلن آلیاں نوں یسوع دے پچھے چلن لئی اپنی صلیب چُکنی پیندی اے۔‘‘ کوڑے کھان دی اِک سزا دے دوران، اُوہناں دے کناں نوں اِک برقی ڈنڈے نال پیٹیا گیا سی۔ اُوہناں دے ذخم چھ ماہ تیکر اُوہناں لئی شدید درد تے تکلیف دا سبب بنے رئے۔ اُوہناں نے کہیا، ’’میں ایناں گلاں دا انتہائی زیادہ تجربہ کر چکیا آں، لیکن … جہیڑی سب توں ودھ قیمتی گل میں کدی سِکھی اے اُو ایہہ اے کہ خُداوند نے ساڈے مقابلے چہ زیادہ دُکھ چُکے سن۔ ساڈیاں مصیبتاں دے وسط وچ ساڈے خاندان نے برگشتگی اختیار نئیں کیتی۔ ایدے بجائے، خُداوند دی پیروکاری کرن وچ اسی ہور زیادہ جرأت مند ہو گئے۔ ہُن میرے بچے مذہبی خدمت وچ نے … جہیڑے مرن تیکر اُوس یسوع دی پیروی کرن گے‘‘ (ibid.، صفحہ 11).

ویت نام توں، اُوس میگزین نے تِن مسیحیاں دیاں تصویراں وکھائیاں، دو مرد تے اِک خاتون، تھان ہووا Than Hoa دے صوبے وچ انجیلی بشارت دا پرچار کرن تے اُوہناں دے چہریاں دا حقیقت وچ مار مار کے کچومر کڈ دِتا سی۔ اُوہنوں نوں چہریاں تے اِیس لئی ماریا گیا سی کیوں جے اُوہناں نے مسیح لئی گواہی دِتی سی۔ ویت نام وچ مسیحیاں دے خلاف اِک ظالمانہ تحریک دا آغاز ہویا جہیڑی اپریل 2006 وچ ودھ گئی۔ ایہہ اُوس سال وچ دوجی واری ہویا سی کہ اِینان تِناں مسیحیاں نوں کیمونسٹ لوکاں دے ذریعے توں پیٹیا گیا سی۔ لیکن کوئی وی گل اُوہناں نوں روک نہ پائی! جدوں اُو تندرست ہوندے تے اُو واپس اُوہناں ای سڑکاں تے نکل پیندے، انجیلی بشارت دا پرچار کردے! (ibid.، صفحہ 13)۔ افسوس ناک طور تے، ایتھو تیکر کہ ریاست ہائے متحدہ وچ، اُو جہیڑے مسیح لئی گواہی دیندے سن اُوہناں نوں اج وی کدی کدی اذیّتاں دِتیاں جاندیاں نے۔

کولمبیا وچ شُہدا دی آواز The Voice of Martyrs میگزین نے 15برس دی اِک لڑکی دے بارے وچ دسیا۔ اُوہدے پیو نے اُوہدے توں امثال 31 وچ عورت دی مانند ہون لئی کہیا سی۔ فیر اُو کم تے چلا گیا۔ اُو اِک گرجا گھر وچ مومن پادری سی، لہٰذا کیمونسٹ گوریلے اُوہنوں گھسیٹ کے اِک پُل تے لے گئے تے مسیح وچ اُوہدے ایمان دی وجہ نال اُوہنوں قتل کر ڈالیا۔ اُوہدے تھوڑی ای دیر بعد، اُو کیمونسٹ اُوس لڑکی دے پنڈ وچ واپس آئے۔ اُوہتھے موجود تمام گرجا گھر 14ستمبر، 2005 تیکر بند ہو گئے سن۔ پندرہ مسیحی اِک گھر وچ دعا منگن تے بائبل پڑھن لئی چُھپ کے اکٹھے ہوئے۔ اُوہناں دے درمیان ایہہ 15 سالہ لڑکی جیکولین Jacquelynne وی سی۔ اُوہنے کہیا، ’’جے تُسی مشکل حالات ویکھدے اُو، تے تہانوں اگے ودھدے رہنا جاری رکھنا چائیدا اے تے کسی وی وجہ توں خُدا تے اعتبار نئیں چھڈنا چائیدا اے‘‘ (ibid.، صفحہ14). ساری دُنیا وچ مسیحیاں دے دُکھاں دے بارے وچ بے شمار مذید ہور کہانیاں پڑھن لئی اپنے کمپیوٹر تے www.persecution.com تے جاوو۔ میں اُمید رکھنا آں کہ ہر کوئی جہیڑا ایہہ واعظ پڑھ رہیا اے ہر چند اِک ہفتے بعد اُوس ویب سائٹ تے اِیس مواد دا جائزہ لوے گا۔

اِیس قسم دے لوکی ہوندے نے جنہاں دے بارے وچ ساڈی تلاوت کہندی اے،

’’جے اسی دُکھ چُکاں گے تے اُوہدے نال بادشاہی وی کراں گے…‘‘
 (2 تیموتاؤس2:12)۔

II۔ دوجی گل، یسوع دا انکار کرنا تے اُوہدی سزا۔

آئیے کھڑے ہوئیے تے ساری تلاوت نوں باآوازِ بُلند پڑھیے، 2 تیموتاؤس 2:12۔

’’جے اسی دُکھ چُکاں گے تے اُوہدے نال بادشاہی وی کراں گے، جے اسی اُوہدا انکار کراں گے تے اُو وی ساڈا انکار کرے گا‘‘ (2۔ تیموتاؤس 2:12).

تُسی تشریف رکھ سکدے اُو۔

ہولناک ’’جے‘‘ تے ایدے باوجود اِک ’’جے‘‘ جیدا اِطلاق شاید تہاڈے وچوں کُج تے لاگو ہوندا اے۔ ’’خداوند، کی ایہہ میں آں؟‘‘ اُو شاید کہندا اے، جدوں اُو ایس دوپہر ایتھے بیندا اے، بالکل جیویں یہوداہ نے آخری کھانے دے ویلے تے کیتا سی، جدوں اُو جِنے مسیح نوں دھوکہ دِتا سی بالکل ایہو ای سوال پوچھدا اے۔ تے جے تُسی پطرس دے وانگوں کہندے اُو، ’’چاہے سارے لوکی تہاڈا انکار کرن، ایدے باوجود میں نئیں کراں گا‘‘ – تُسی شاید ایہہ کرن لئی سب توں ودھ اِمکان رکھدے اُو۔

کُج مسیح دا شدت دے نال انکار کردے نے۔ بے اعتقاداں دی حیثیت نال اُو اُوہدا کھلم کُھلا مذاق اُڑاندے نے۔ دوجے اُوہدا انکار جھوٹے گرجا گھراں وچ شمولیت اختیار کرن نال کردے نے، مذاہب جہیڑے اُوہدی مکمل الوہیت نوں بطور خُدا انسان دے رد کردے نے، تے دوجے جہیڑے اُوہیدا انکار ایہہ کہندیا ہویاں کردے نے کہ اُو اِک روح اے، ناکہ مُردیاں وچوں دوبارہ جی اُٹھیا کوئی گوشت پوست دا جلالی انسان، جہیڑا خُدا دے سجے ہتھ تے بیٹھن لئی آسمان تے چُک لہیا گیا۔

ایدے باوجود دوجے ایدا انکار خاموش رہن دے ذریعے نال کردے نے۔ جدوں اُو بے اعتقاداں نال ہوندے نے، اُو کھانا کھان توں پہلاں کھانے دی دعا منگن توں خوفزدہ ہوندے نے، ایس خوف توں کہ اُوہناں دے بے اعتقادے رشتہ دار تے دوست ایس گل نوں قبول نئیں کرن گے۔ کج تے حد ای توں گزر جاندے نے، تے اُوس مسیح نال سرے توں ای ناطہ توڑ دیندے نے جیدے تے پہلاں اُوہناں نے پرہوسا کرن دا اقرار کیتا سی۔

کی ایہہ تفصیل تہاڈے توں کج تے پوری اُتردی اے؟ جے ایہہ اُتردی اے تے میرے تے ناراض مت ہوو، بلکہ خداوند دے کلام نوں سُنو۔ ایہہ جان لوو – کہ تُسی نئیں مرو گے، حتیٰ کہ جے تُسی مسیح دا انکار وی کیتا ہووے، جے تُسی ہُنے ای نجات دہندہ دے کول آ جاؤ گے تے سچے طور تے اُوہدے وچ ایمان لہیا کے تبدیل ہو جاؤو گے، دِل تے جان دے نال۔ لیکن جے تُسی مسیح دا انکار کردے رہنا جاری رکھو، تے اُو ہولناک آیت تہاڈا آسیب دے وانگوں پچھا کردی رئے گی،

’’اُو وی ساڈا انکار کرے گا‘‘ (2 تیموتاؤس2:12)۔

سپرجئین نے فرانسس سپائرہ Francis Spira دی موت دے بارے وچ دسیا سی۔ اعلیٰ پیمانے دا اِک اصلاح پسند ہون دی حیثیت توں، سپائرہ سچائی جانندا سی۔ لیکن جدوں کاتھولک چرچ دی ولوں اُوہنوں موت دا سامنا کرنا پیا تے اُو منکر ہو گیا۔ اُوہنے خوف وچ مبتلا ہو کے اپنے پروٹسٹنٹ اعتقاداں نوں چھڈ دِتا۔ تھوڑی ای مدت وچ اُو نااُمیدی دے نال بھر گیا، تے امین ای تے ذہنی تے روحانی جہنم دی اذیت سہی۔ اُوہدیاں چیخاں ایس قدر دھشت ناک سن کہ اُوہناں دے ریکارڈ نوں شائع نئیں کرنا چائیدا! اُوہدی بدنصیبی اُوہدے زمانے لئی جیدے وچ اُوہنے حیاتی بسر کیتی اِک تنبیہہ سی۔

سپرجئین دے جانشین، اُوہناں دے گرجا گھر دے اِک سابق پادری صاحب بینجیمن کیچ Benjamin Keach نے اِک مبلغ دے بارے وچ دسیا جہیڑا سادگی دے نال اپنے پیوریٹن اعتقاداں دے بارے دسدا سی، لیکن بعد چہ، اِک کاتھولک ایذار سانی دے دوران، اُوہنے اپنے ایمان دا انکار کیتا۔ اُوہدے بسترِ مرگ دے نظارے ہولناک سن۔ اُوہنے کہیا کہ حالانکہ اُوہنے خُدا نوں لب لہیا سی، خُداوند اُوہدے خلاف سی۔ اُوہنوں انتہائی مایوسی لئی چھڈ دِتا گیا سی۔ کدی کدی اُو لعن طعن کردا سی۔ دوجے ویلیاں تے اُو دعا منگدا۔ لیکن اُو بغیر امید ای دے مر گیا۔ جے اسی مسیح دا انکار کرنے آں، تے اسی وی خود لئی انج ای خوف نال بھرپور مقدر لئی شاید چھڈ دِتے جائیے۔

مسیح نوں کھون دے بجائے آؤ کج وی ہور کھو دیئے۔ اپنیاں روحاں دے کھون دے بجائے آؤ کج وی ہور کھو دیئے۔ آؤ انڈیا وچ، چین وچ، ویت نام وچ تے کولمبیا وچ اُوہناں نوجوان لوکاں دے وانگوں ہو جائیے جنہاں دے بارے چہ تہانوں میں دسیا، جہیڑے اپنے دُکھاں دے ذریعے توں پولوس رسول دے نال کہن دے قابل ہوئے،

’’لیکن جہیڑا کج میرے لئی نفع دا باعث سی، میں اُوہنوں مسیح دی خاطر نقصان سمجھ لہیا اے۔ میں اپنے خداوند یسوع مسیح دی پہچان نوں اپنی بڑی خوبی سمجھدا آں تے ایس سبب نال میں دوجیاں تمام چیزاں توں ہتھ دھو لئے نے تے اُوہناں نوں کوڑا سمجھدا آں تاکہ مسیح نوں حاصل کر لواں‘‘ (فلپیوں3:7۔8)۔

آؤ ایسے گل نوں اپنا نصب العین بنائیے! آؤ ایسے گل نوں اپنا ہدف بنائیے! آؤ ایسے گل نوں آن آلے ورے وچ اُو بنائیے جیدے لئی اسی جدوجہد کر رئے آں! کیوں جے،

’’جے اسی دُکھ چُکاں گے تے اُوہدے نال بادشاہی وی کراں گے، جے اسی اُوہدا انکار کراں گے تے اُو وی ساڈا انکار کرے گا‘‘ (2۔ تیموتاؤس 2:12).

اِک دِن تہاڈے وچوں کج لوکی اُوس عظیم سفید تخت دے سامنے کھڑے ہون گے۔ مسیح تہانوں کہے گا، ’’میں تہانوں نئیں جاندا۔‘‘ تُسی دوستاں دے ول جیویں تُسی اُو ایویں ای رہن لئی آزمائے گئے، اِک غیر نجات یافتہ حالت چہ۔ تُسی ایس خوف توں کہ تہانوں کی قیمت چُکانی پئے گی یا کی مصیبتاں برداشت کرنیاں پین گیاں مسیح دا انکار کیتا۔ اُوس دِن تُسی خداوند توں تہانوں جنت وچ داخل ہون لئی اِلتجا کرو گے۔ لیکن خداوند تہانوں کہے گا،

’’میں تہاڈے توں کدی واقف نئیں سی، اے بدکارو! میرے سامنے توں دور ہو جاؤو‘‘ (متی7:23)۔

’’تے ایہہ لوکی ہمیشہ دی سزا پان گے مگر راستباز ہمیشہ دی حیاتی‘‘ (متی25:46)۔

جے تُسی جہنم دے ناگوار گڑھے توں بچن لئی اُمید رکھدے اُو، جہیڑی اگ تے گندھک دے نال سڑدا اے، تے میں تہاڈے توں اِلتجا کردا آں مسیح نوں زور نال پکارو، ’’خُداوندا، مینوں بچا۔ خُداوند، مینوں مضبوطی نال تھام، مینوں تھام لے، مینوں تھام لے، مینوں تھام لے! اپنے نال دُکھ چُکن چہ میری مدد کر، لیکن مینوں تیرا انکار مت کرن دے، کیتے تو میرا انصاف دے بھیانک دِن انکار نہ کر دے۔‘‘ اج دی دوپہر یسوع لئی آؤ اینوں ای اپنے دل دی پکار بناؤو۔ اُوہدے کول آؤو تے اُوہدے قیمتی لہو دے وسیلے نال دُھل کے پاک صاف ہو جاؤو، جہیڑا صلیب تے تہانوں گناہ توں دھون لئی وگیا سی۔ کاش ایس دوپہر تُسی مسیح دے کول آ جاؤو، ایس ورے توں پہلے ای دِن۔ کاش تُسی اُوہدے وسیلے توں بچایا گیا ایہہ نوا سال شروع کرو، مسیح وچ ایمان لہیا کے تبدیل شُدہ حالت وچ، اُوہدے نجات دلان آلے فضل چہ دائمی طور تے محفوظ! آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

’’یسوع، میں اپنی صلیب چُک لئی اے Jesus, I My Cross Have Taken‘‘ (شاعر ھنری ایف۔ لائٹ Henry F. Lyte، 1793۔1847)۔


لُبِ لُباب

نئے سال دا اِک وعدہ – تے تبنیہہ

A NEW YEAR’S PROMISE – AND WARNING!

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

’’جے اسی دُکھ چُکاں گے تے اُوہدے نال بادشاہی وی کراں گے، جے اسی اُوہدا انکار کراں گے تے اُو وی ساڈا انکار کرے گا‘‘ (2۔ تیموتاؤس 2:12).

I.   پہلی گل، یسوع دے نال دُکھ چُکنا تے اُوہدا انعام، 2 تیموتاؤس، 2:12الف؛
ایوب14:1؛ 5:7؛ یوحنا3:3؛ متی10:36۔38؛ یوحنا15:19 .

II.  دوجی گل، یسوع دا انکار کرنا تے اُوہدی سزا، 2 تیموتاؤس2:12 ب؛
فلپیوں3:7۔8؛ متی7:23؛ 25:46 .