Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




سپرجیئن دی تلاوت

SPURGEON’S TEXT
(Punjabi – A Language of Pakistan)

ڈاکٹر آر۔ ایل۔ ہائیمرز وَلّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ دِتا گیا اِک واعظ
خُدا دے دِن دی سویرے، 27 نومبر، 2011
A sermon preached at the Baptist Tabernacle of Los Angeles,
Lord’s Day Morning, November 27, 2011

’’اے انتہائی زمین دے سارے رہن آلیو، تُسی میرے وَل مُڑو تے نجات پاؤ‘‘
(اشعیا 45:22).


میں ایس واعظ دا عنوان ’’سپرجیئن دی تلاوت‘‘ رکھیا اے کیوں جے ایہو ای اُو آیت سی جیہدی اُوہنوں منادی کیتی گئی سی جدوں اُو 15 ورے دی عمر وِچ بچایا گی سی۔ اُوہنے فوراً سنڈے سکول وِچ پڑھانا تے تبلیغ کرنا شروع کر دِتا سی۔ چھ وریاں بعد، جدوں اُو 21 ورے دا سی، اُو ہزارہاں لوکاں نوں تبلیغ دیندا سی، تے اِخبارات وِچ اُوہنوں ’’تبلیغی مُنڈا‘‘ کہیا جاندا سی۔

نا صرف اُو بچایا گیا سی جدوں اُوہنے ساڈی تلاوت تے اِک واعظ سُنیا، بلکہ اُوہنے ایس تلاوت نوں بے شمار وری حوالے دے طور تے وی استعمال کیتا جدوں اُو دوجی آیات تے منادی کردا سی۔ اُوہدے جمع شُدہ واعظاں دی 63 جِلداں وِچوں تِن ایہو جیہیاں نے جیتھے ایہہ تلاوت مرکزی سی – تے باترتیب ایناں عنوانات دے تحت سی، ’’حاکمیت تے نجات؛‘‘ ’’حیاتی اِک جھلک دے لئی؛‘‘ ’’بہ نظر حیاتی۔‘‘ ’’بہ نظر حیاتی‘‘ وِچ سپرجیئن نے کہیا،

ایہہ تقریباً چھبی ورے پہلاں دی گل سی – پچھلے جمعرات نوں پوری چھبی ورے ہو گئے سن – کہ میں خُداوند [یسوع] وَل ویکھیا سی، تے ایس تلاوت دے ذریعے نال نجات پائی سی۔ تُسی اکثر مینوں سُنیا ہووے گا ایہہ کہندیاں ہویاں کہ میں کیویں… سکون تلاش کردا رہیا، تے کدرے وی نہ پا سکیا، تے آخیر کار ابتدائی میتھوڈسٹ لوکاں وِچوں اِک عام جئے مناد [جیہڑا سکول نئیں گیا سی] نے منبر تے کِھلو کے ایہہ حوالہ اپنے واعظ دی تلاوت دے طور تے پیش کیتا: ’’اے انتہائی زمین دے سارے رہن آلیو، تُسی میرے وَل مُڑو تے نجات پاؤ‘‘ ایس توں بوہتا اُوہنوں کُج وی نئیں کہنا سی، ِخُدا دا شکر اے، کیوں جے اُوہنے اُوہنے مجبور کیتا کہ اُو اپنی تلاوت نوں دھراندا رہوے، مینوں پوچھو – تے کسی وی طرح، ایس تلاوت دے علاوہ – ہُور کُج کہن دی لوڑ وی نئیں سی۔ مینوں یاد اے کیویں اُوہنے کہیا، ’’ایہہ مسیح اے جیہڑا کہندا اے۔ ’میں [گتسمنی دے] باغ وِچ اِک اذیت وِچ آں، اپنی روح نوں موت وِچ اُنڈیلدیاں ہویاں؛ میں [صلیب تے] گنہگاراں لئی مردیاں ہوئیاں آں؛ میرے وَل ویکھو! میرے وَل ویکھو!‘ ایہہ سب کُج اے جیہڑا تہانوں کرنا اے۔ اِک بچہ ویکھ سکدا اے۔ اُو جیہڑا بالکل بےوقوف اے ویکھ سکدا اے۔ کوئی کِنا ای کمزور یا کِنا ای غریب انسان کیوں نہ ہووے، اُو ویکھ سکدا اے؛ تے جے اُو ویکھدا اے، تے ایہہ وعدہ اے کہ اُو ضرور [بچایا جاوے گا]۔‘‘فیر رُکدیاں ہوئیاں، جیتھے میں بیٹھیا سی اُوہنے اُوس وَل اشارہ کیتا… تے اُوہنے کہیا، ’’اُو اُوتھے نوجوان بندہ بوہتا خستہ حال وکھائی دیندا اے۔‘‘ مینوں توقع سی کہ میں ایہو جیہا نظر آ رہیا سی، کیوں جے ایہو جیہا ای میں محسوس کیتا سی۔ فیر اُوہنے کہیا، ’’نوجوان انسان، اُوتھے تہاڈے لئی کوئی اُمید نئیں اے یا اپنے گناہ توں بچن دا کوئی موقع اے، ماسوائے یسوع وَل ویکھن دے؛‘‘ تے اُو چیخیا، جیویں کہ میں سوچنا واں کہ صرف اِک ابتدائی میتھوڈِسٹ ای کر سکدا اے، ’’ویکھو! ویکھو نوجوان انسان! ہُنے ای ویکھو! تے میں ویکھیا… میں اِک ای لمحے وِچ یسوع نوں ویکھن دے نال [گناہ توں نجات پا لئی سی] سی. ایچ. سپرجیئن، ’’بہ نظرِ حیاتی،‘‘ میٹروپولیٹن عبادت گاہ دی واعظ گاہ توں The Metropolitan Tabernacle Pulpit، جلد 50، پِلگرِم اشاعت خانہ، دوبارہ اشاعت 1978، صفحہ 37).

یہ پُرانا گیت جیہڑا ہُنے گایا گیا اے ایس گل نوں واضح کردا اے کہ ’’خُدا دا برّہ‘‘ کون اے۔ یسوع اے ’’خُدا دا برّہ، جیہڑا جہاں دے گناہ چُک لے جاندا اے‘‘ (یوحنا1:29)۔ ’’خُدا دے برّے وَل ویکھو۔‘‘ اینوں گاؤ!

خُدا دے برّے وَل ویکھو،خُدا دے برّے وَل ویکھو،
کیوں جے اُوہی کلّا تہانوں بچان دے قابل اے، خُدا دے برّے وَل ویکھو۔
(’’خُدا دے برّے وَل ویکھو‘‘ شاعر ایچ. جی. جیکسن، 1838۔1914).

’’اے انتہائی زمین دے سارے رہن آلیو، تُسی میرے وَل مُڑو تے نجات پاؤ‘‘ (اشعیا 45:22) .

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

1۔ پہلی گل، تہانوں ضرور یسوع وَل ویکھنا چائیدا اے، جیہڑا پاک تثلیث دی دوجی ہستی اے۔

تلاوت کہندی اے، ’’تُسی میرے وَل مُڑو تے نجات پاؤ…‘‘ ’’ویکھو‘‘ دا مطلب ایویں ای اے جیویں ’’آؤ۔‘‘ اپنی گنہگاری دی حالت وِچ، تہانوں خُدا باپ وَل نئیں ویکھنا چائیدا اے، یا اُوہدے کول نئیں آنا چائیدا اے۔ کیوں نئیں؟ کیوں جے ’’خُداوند تہاڈا خُدا بھسم کرن آلی اَگ اے، اُو غیور خُدا اے‘‘ (تثنیہ شرع 4:24)۔ نئے عہد نامے دے وِچ وی ایہو ای گل کہی گئی اے، ’’کیوں جے ساڈا خُدا بھسم کر دین آلی اَگ اے‘‘ (عبرانیوں12:29)۔ جے تُسی خُدا دے کول اِک غیرمحفوظ حالت وِچ آندے اُو تے تُسی اُوہدے غصے دی اَگ وِچ بھسم ہو جاؤ گے۔ جیہڑا ندب تے ابیہو دے نال ہویا سی تہاڈا نال ہووے گا!

’’لہٰذا خُداوند دی حضوری توں اَگ نکلی جنہے اُوہناں نوں بھسم کر دِتا تے اُو خُداوند دے اَگے ای مر گئے‘‘ (احبار10:2)۔

تہانوں روح القدوس وَل نئیں ویکھنا چائیدا اے، یا اُوہدے کول نئیں آنا چائیدا اے، کیوں جے اُوہدے کول لہو نئیں اے جیہڑا تہاڈے گناہواں نوں دھو دیوے! روح القدوس دا کم تہانوں یسوع تے یقین نہ رکھن دے گناہ دے تحت سزایاب کرنا اے۔ یسوع نے روح القدوس دے بارے وِچ ایہہ کہیا اے،

’’جدوں اُو مدد گار آ جاوے گا تے جیتھے تیکر گناہ، راستبازی تے اِنصاف دا تعلق اے اُو دُنیا نوں مجرم قرار دیوے گا… گناہ دے بارے چہ ایس لئی کہ لوکی میرے تے ایمان نئیں لہیاندے‘‘ (یوحنا 16:8۔9).

نئیں، نئیں – روح القدوس وَل مت ویکھو! تہانوں ویکھنا چائیدا اے، تے آنا چائیدا اے، مصلوب کیتے گئے نجات دہندہ وَل، جیہڑا کہ ہُن آسمان تے اے تے خُدا دے داہنے ہتھ تے جنت وِچ بیٹھا اے! خُدا دے برّے، یسوع وَل ویکھو۔ اُو کلّا ای صرف تہانوں گناہ تون بچا سکدا اے! اُوہدے کول آؤ! اُوہدے وَل ویکھو! تُسی کسی وی بندے وَل نئیں آ سکدے جدوں تیکر پہلے تُسی اُوہنوں ویکھ نہ لو، کی تُسی آ سکدے اُو؟

اپنی نظراں یسوع وَل پھیرو، اُوہدے خوبصورت چہرے نوں بغور ویکھو،
تے اُوہدے فضل تے جلال دی نور نال دُنیا دی تمام شیواں حیرت ناکت طور تے مدھم پے جان گئیاں۔
   (’’اپنی نظراں یسوع وَل پھیرو‘‘ شاعر ہیلن ہاورڈ لیمل، 1863۔1961).

ویکھو تے جیو، میرے پرہا، جیو!
   ہُنے یسوع وَل ویکھو تے جیو؛
اُوہدے کلام وِچ درج ہو جاؤ، ہیلیلویاہ!
   ایہہ صرف تہاڈے ویکھن تے جین نال اے۔
(’’دیکھو تے جیو‘‘ شاعر ولیم اے. اُوگڈین، 1841۔1897).

اینوں فیر گاؤ!

خُدا دے برّے وَل ویکھو،خُدا دے برّے وَل ویکھو،
کیوں جے اُوہی کلّا تہانوں بچان دے قابل اے، خُدا دے برّے وَل ویکھو۔
(’’خُدا دے برّے وَل ویکھو‘‘ شاعر ایچ. جی. جیکسن، 1838۔1914).

اِک ہُور تھاں اے جِتھے تہانوں نئیں ویکھنا چائیدا اے۔ تہانوں خود اپنے اندر نئیں ویکھنا چائیدا اے۔ ایہو ای سی جنہے سپرجئین نوں اپنی تبدیلی دے دِن توں پہلاں روکے رکھیا سی۔ اُو دُرست ’’احساس‘‘ نوں پان دی جستجو وِچ لگا رہیا سی – بجائے ایس دے کہ آپے مسیح وَل ویکھدا تے ٹُریا آندا۔ اُوہنے نے ڈوڈریج Doddridge دی تصنیف ’’روح وِچ مذہب دا عروج تے ترقی Rise and Progress of Religion in the Soul تے بیگسٹر Baxter دی تصنیف ’’غیر تبدیل شُدہ نوں بلاہٹ Call to the Unconverted‘‘ نوں پڑھنا جاری رکھیا۔ سپرجیئن نے کہیا، ’’میں [اُوہناں دی] کتاباں وِچ نقص تلاش نئیں کر رہیا واں؛ میں اُوہناں دی تعریف کرنا واں، لیکن میں خود وِچ نقص پانا واں کہ میں [اُوہناں دیاں] کتاباں دا بُرا استعمال کیتا؛ سپرجیئن نے کہیا، ’’جدوں میں بوہتا کُج پڑھ چکیا، تے ایہہ محسوس کرن دی کوشش کردا کہ اُوہناں چنگیاں لوکاں نے کی کہیا، تے اُوتھے ای اٹک جاندا‘‘ (سپرجیئن ibid. ، صفحہ 41). نوجوان نے اُو ’’محسوس کرن دی کوشش کیتی سی‘‘ جیہڑی ڈوڈریج تے بیگسٹر نے محسوس کرن دی کوشش کیتی سی۔ ایہدا کوئی فائدہ نئیں سی۔ یسوع ساڈے محسوسات تے جذبات وِچ نئیں لبھدا۔

پچھلے اِتوار، دو کاتھولک کُڑیاں نے جیہڑیاں ساڈے گرجا گھر وِچ آندی رہیاں نے ساڈے مناد، ڈاکٹر کیگن Dr. Cagan نوں دسیا، کہ اُوہناں نے سوچیا اُو بچائیاں گیاں سن کیوں جے اُوہناں نوں اُداسی محسوس ہوئی سی تے اُو روئیاں۔ اُو آپئے اپنے اُداسی دے احساس نوں ویکھ رہیاں سن۔ اُہناں نے یسوع دا تزکرہ کیتا، لیکن یسوع اُو اہم موضوع نئیں سی جیس دے بارے چہ اُوہناں نے گل بات کیتی۔ اہم گل جنہوں اُو ویکھ رہیاں سن تے جیس دے بارے وِچ گل بات کر رہیاں سن اُو اُوہناں دی اپنی اُداسی سی۔ میں تہانوں اَج دی سویرے دَس رہیا واں کہ محض اُداسی دا احساس تہانوں نجات نئیں دلا سکدا! کدی وی نئیں! کدی وی نئیں! کدی وی نئیں! قبل ازیں متجسم مسیح نے کہیا،

’’تُسی میرے وَل مُڑو تے نجات پاؤ…‘‘ (اشعیا 45:22) .

خود یسوع مسیح دے کول آؤ! اپنے جذبات تے احساسات دے بغیر! یسوع وَل ویکھو! اُوہدے تے یقین کرو! یسوع دے کول آؤ! اپنے احساسات توں ہٹ کے جی اُٹھے مُنجی نوں ویکھو! یسوع نے کہیا،

خود یسوع مسیح کے پاس آؤ! اپنے جذبات اور احساسات کے بغیر! یسوع کو دیکھو! اُس پر یقین کرو! یسوع کے پاس آؤ! اپنے احساسات سے ہٹ کر جی اُٹھے منجی کو دیکھو! یسوع نے کہا،

’’تُسی میرے وَل مُڑو تے نجات پاؤ…‘‘ (اشعیا 45:22) .

’’خُدا دے برّے وَل ویکھو۔‘’ ایہنوں فیر گاؤ!

خُدا دے برّے وَل ویکھو،خُدا دے برّے وَل ویکھو،
کیوں جے اُوہی کلّا تہانوں بچان دے قابل اے، خُدا دے برّے وَل ویکھو۔

2۔ دوجی گل، تہانوں گناہ توں بچن لئی یسوع دی چاہت کرنی چائیدی اے۔

یسوع نے کہیا، ’’میں دُنیا نوں مجرم ٹھہران نئیں آیا واں، بلکہ دُنیا نوں بچان آیا واں‘‘ (یوحنا12:47)۔ فیر، یسوع نے کہیا، ’’تے اِبنِ آدم گمشدہ نوں لبھن تے بچان آیا اے‘‘ (لوقا19:10)۔ تے مجسم یسوع نے کہیا،

’’تُسی میرے وَل مُڑو تے نجات پاؤ…‘‘ (اشعیا 45:22) .

پولوس رسول نے کہیا، ’’یسوع مسیح دُنیا وِچ گنہگاراں نوں بچان لئی آیا‘‘ (1۔تیموتاؤس1:15)۔ یسوع تہاڈے گناہ دا کفارہ ادا کرن لئی صلیب تے مویا! یسوع مُردیاں وِچوں جی اُٹھیا تاں جے تہانوں گناہ توں چھٹکارہ دلائے! یسوع نے اپنا لہو وگایا تاں جے تہانوں گناہ توں پاک کر سکے! گناہ۔ گناہ۔ گناہ۔ ’’تُسی میرے وَل مَڑو تے نجات پاؤ‘‘ – گناہ توں! جے تُسی اپنے گناہ دے بارے چہ نئیں سوچ رئے، تے فیر یسوع دے کول تہاڈے لئی کُج وی نئیں اے۔ یسوع آیا، تے مر گیا، تے تہانوں گناہ توں بچان دے لئی جی اُٹھیا۔ جے تُسی اپنے گناہ دے بارے چہ فکرمند نئیں اُو، تے تُسی یسوع وَل نئیں ویکھو گے تے نجات نئیں پاؤ گے۔

اِک ہُور نوجوان بندی نے ڈاکٹر کیگن نال پچھلے اِتوار نوں گل کیتی سی۔ اُوہنے کہیا کہ اُوہنے سوچیا اُو بچائی گئی سی کیوں جے اُوہدی ہِک توں اِک ’’بوہتا پاری بوجھ‘‘ لتھ گیا سی۔ میری پیاری نوجوان بندی، یسوع صلیب تے ایس لئی مصلوب نئیں ہویا سی کہ اُو تہاڈی ہِک توں ’’بوہتے پاری بوجھ نوں اُتارے‘‘! ایہہ نِری بکواس اے! میں ایہہ گل ایس لئی کر رہیا واں کیوں جے میں تہاڈی روح دی پرواہ کرنا واں!

کُج منٹاں دے بعد، اَسی نوجوان بندی نے ڈاکٹر کیگن نوں دسیا کہ اُو نجات پا گئی سی کیوں جے اُوہنے اِک نور دی شعاع ویکھی سی تے جان گئی سی کہ اُو یسوع سی۔‘‘اُو کی سی، ماسوائے خود نوں دھوکا دینا؟ اُو کیوین جانندی سی کہ ’’نور دی شعاع‘‘ یسوع سی؟ بائبل کہندی اے، ’’تے ایہہ کوئی عجیب گل نئیں اے کیوں جے شیطان وی اپنا حُلیہ بدل لیندا اے تاں جے نور دا فرشتہ وکھائی دیوے‘‘ (2۔کرنتھیوں 11:14). اُو کیویں جانندی اے کہ اُو یسوع سی؟ اُو کیویں جانندیاے کہ اُو شیطان نئیں سی؟ میں تہانوں کُج ہُور وی دساں گا، تہاڈی ہِک توں اِک بوجھ لتھ جاندا اے‘‘ تے تُسی ویکھدے اُو ’’اِک نور‘‘ ایہناں دا گناہ دے نال کوئی تعلق نئیں اے! کوئی تعلق نئیں اے ایس گل توں کہ مسیح تہاڈے گناہ دا کفارہ ادا کرن لئی تہاڈے تھاں تے مویا سی۔ کُج وی ہووے ایہدا تعلق یسوع دے لہو نال نئیں اے، جیہڑا اُوہنے تہانوں گناہ توں پاک کرن لئی وگایا سی۔ یسوع اُوہدے لئی مرکزی نئیں اے۔ یسوع اُوہدے لئی اہم نئیں اے۔

جدوں کدی اَسی کسی نوں کہندیاں سُننے آں کہ اُو نجات پا گیا اے، تے اَسی ایہہ جاننا چاہواں گے کہ کی کوئی گناہ معاف کتیا گیا اے۔ ہر دوجی کہلائی جان آلی ’’گواہی‘‘ محض بے وقوفی اے! یسوع نے کہیا،

’’تُسی میرے وَل مُڑو تے نجات پاؤ…‘‘ (اشعیا 45:22) .

’’خُدا دے برّے وَل ویکھو۔‘’ ایہنوں فیر گاؤ!

خُدا دے برّے وَل ویکھو،خُدا دے برّے وَل ویکھو،
کیوں جے اُوہی کلّا تہانوں بچان دے قابل اے، خُدا دے برّے وَل ویکھو۔

3۔ تیجی گل، تہانوں محسوس کرنا چائیدا اے کہ ماسوائے یسوع دے ہُور کوئی وی تہانوں گناہ توں نجات نئیں دِلا سکدا۔

تہانوں اُو محسوس کرنا چائیدا اے جیہڑا جوزف ہارٹ نے محسوس کیتا سی جدوں اُوہنے کہیا،

کوئی نئیں ماسوائے یسوع دے، کوئی نئیں ماسوائے یسوع دے،
بے یارومددگار گنہگاراں دے لئی کُج چنگا کر سکدا اے۔
   (’’آؤ، اے گنہگاروں‘‘ شاعر جوزف ہارٹ، 1712۔1768).

ہُور کوئی نئی ماسوائے یسوع دے! کوئی وی نئیں بس صرف یسوع – بے یارومددگار گنہگاراں دے لئی کُج چنگا کر سکدا اے!

’’اے انتہائی زمین دے سارے رہن آلیو، تُسی میرے وَل مُڑو تے نجات پاؤ‘‘ (اشعیا 45: 22) .

ایہہ آیت عالمگیریت دی تعلیم نئیں دیندی اے، کہ ہر کوئی اَخیر وِچ نجات پا جائے گا۔ ایہہ ایس گل تون بوہتی دور اے! ایس دا مطلب اے کہ خُدا چُنندا اے، ساریاں قوماں وِچوں، جیہڑیاں یسوع وَل ویکھن گیاں، پاک تثلیث دی دوجی ہستی، تے بچائی جان گیاں، کیوں جے تلاوتِ کلام پاک ایناں لفظاں دے نال مُکدی اے، ’’کیوں جے میں خُدا آں تے دوجا کوئی ہُور نئیں اے۔‘‘

سپرجئین نے اکثر مرقس 16:16 آیت دا حوالہ دِتا۔ اُوہنے 13 اکتوبر، 1889 وچ اِتوار دی شام نوں ایس آیت تے اِک مکمل واعظ تے تبلیغ دِتی (ایم تی پی، نمبر 2، 339). مرقس 16:16 آہت ایناں لفظاں نال اختتام پذیر ہوندی اے، ’’جیہڑا ایمان نہ لہیائے مجرم قرار دِتا جائے گا۔‘‘ جے تُسی یسوع ول وکھن توں، تے یسوع کول آن توں، تے یسوع تے یقین کرن توں انکار کردے اُو، تُسی ہمیشہ لئی جہنم لئی سزا یافتہ قرار دِتے جاؤ گے۔ میں اج دی ایس سویر، تہانوں اصرار کرنا واں کہ یسوع ول ویکھو، یسوع کول آؤ، یسوع تے پرہوسا کرو، یسوع تے یقین کرو۔

’’تے کوئی نئیں ماسوائے یسوع دے، تے کوئی نئیں ماسوائے یسوع دے، جیہڑا بے یار و مددگار گنہگاراں لئی کُج چنگا کر سکدا اے۔‘‘ تے کوئی وی نئیں صرف یسوع دے جیہڑا تہانوں تہاڈے گناہ دی دائمی سزا توں وچا سکدا اے۔ ’’خُدا دے برّے ول ویکھو۔‘‘ ایہنوں اِک وری فیر گاؤ!

خُدا دے برّے ول ویکھو، خُدا دے برّے ول ویکھو،
کیوں جے اوہی کلیاں تہانوں وچان دے قابل اے، خُدا دے برّے ول ویکھو۔

’’ تُسی میری ول پھرو تے نجات پاؤ. . . ‘‘ (اشعیا 45:22)

’’تے کوئی نئیں ماسوائے یسوع دے، تے کوئی نئیں ماسوائے یسوع دے، جیہڑا بے یار و مددگار گنہگاراں لئی کُج چنگا کر سکدا اے۔‘‘ مہربانی نال اپنے گیتاں دے ورق وچوں حمد نمبر 7 کھولو۔ آؤ کھلوئیے تے ایہنوں گائیے۔

اے گنہگاروں، غریبوں تے تباہ حالوں، کمزور تے زخمیوں، بیماروں تے در بھرو؛
یسوع تہانوں وچان لئی تیار کھلوتا اے، بھرپور رحم قوت دے نال؛
اُو قابل اے، اُو قابل اے، اُو تیار اے؛ ایہدے وچ کوئی شک نہ کرو!
اُو قابل اے، اُو قابل اے، اُو تیار اے؛ ایہدے وچ کوئی شک نہ کرو!

آؤ! مجسم خُداوند، آسمان تے چُکیا گیا، اپنے لہو دا مستحق ہون دی استدعا کردا اے؛
اُوسی تے قیاس کرو، مکمل طور تے قیاس کرو، کسی ہور تے پرہوسے نوں شامل نئیں کرنا چائیدا اے؛
تے کوئی نئیں سوائے یسوع دے، تے کوئی نئیں سوائے یسوع دے، جیہڑا گنہگاراں لئی اچھائی کر سکدا اے۔
تے کوئی نئیں سوائے یسوع دے، تے کوئی نئیں سوائے یسوع دے، جیہڑا گنہگاراں لئی اچھائی کر سکدا اے۔
   (’’آؤ، اے گنہگاروں،‘‘ شاعر جوزف ہارٹ، 1712۔1768).


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

سپرجیئن دی تلاوت

SPURGEON’S TEXT

ڈاکٹر آر۔ ایل۔ ہائیمرز وَلّوں
by Dr. R. L. Hymers, Jr.

’’اے انتہائی زمین دے سارے رہن آلیو، تُسی میرے وَل مُڑو تے نجات پاؤ‘‘
(اشعیا 45:22).

(یوحنا1:29)

1۔ پہلی گل، تہانوں ضرور یسوع وَل ویکھنا چائیدا اے، جیہڑا پاک تثلیث دی دوجی ہستی اے،
تثنیہ شرع 4:24؛ عبرانیوں 12:29؛ احبار 10:2؛ یوحنا 16:8۔9 .

2۔ دوجی گل، تہانوں گناہ توں بچن لئی یسوع دی چاہت کرنی چائیدی اے، یوحنا 12:47؛
لوقا 19:10؛ 1۔ تیموتاؤس 1:15؛ 2۔کرنتھیوں 11:14۔

3۔ تیجی گل، تہانوں محسوس کرنا چائیدا اے کہ ماسوائے یسوع دے ہُور کوئی وی تہانوں گناہ توں نئیں بچا سکدا، مرقس 16:16 .